Председатель парламента Грузии Арчил Талаквадзе

თალაკვაძე: ისინი ახალ იდეებს, ახალ ენერგიას და მოტივაციას შემოიტანენ პოლიტიკაში

43
(განახლებულია 19:12 11.09.2020)
საქართველოს პარლამენტის თავმჯდომარე არჩილ თალაკვაძე 2020 წლის საპარლამენტო არჩევნებზე „ქართული ოცნების“ პარტიული სიის პირველი ოცეულის წარდგენის შესახებ საუბრობს.
თალაკვაძე: ისინი ახალ იდეებს, ახალ ენერგიას და მოტივაციას შემოიტანენ პოლიტიკაში
„ქართულმა ოცნებამ“ საზოგადოებას წარვუდგინეთ ჩვენი პროპორციული სიის პირველი ოცეული. აქვე მინდა გითხრათ, რომ სიის დანარჩენ ნაწილშიც იქნებიან ძალიან ღირსეული ადამიანები წარმოდგენილი. მე ვერ ვნახე ვერც ერთი საქმიანი და ობიექტური შეფასება ჩვენი ოპონენტების მხრიდან. მათი კომენტარები უბრალოდ არის საფუძველს მოკლებული, ძალიან სუსტი“, – ამბობს არჩილ თალაკვაძე.

პარლამენტის თავმჯდომარეს მიაჩნია, რომ პარტიამ წარადგინა ნამდვილად კარგი გუნდი, სადაც გამოცდილი ადამიანები და ასევე ახალი სახეები, ახალი ადამიანები, ახალი კადრები არიან წარმოდგენილი. თალაკვაძე დარწმუნებულია, რომ ისინი ახალ იდეებს, ახალ ენერგიას და მოტივაციას შემოიტანენ პოლიტიკაში.

43
ალექსანდრე სუდაძე

„ადამიანი ფრთებით“ საქართველოში კრიპტობიზნესზე კრიმინალურ დრამას იღებენ

55
(განახლებულია 16:51 22.09.2020)
საქართველოში ტექნო-კრიმინალური სერიალის გადაღება მიმდინარეობს, რომელიც კრიპტობიზნესის სპეციფიკასა და კრიპტოსამყაროში განვითარებულ მოვლენებზე მოგვითხრობს, თქვა ფილმის გენერალურმა პროდიუსერმა ალექსანდრე სუდაძემ „Sputnik–საქართველოსთან“ საუბრისას.
“ადამიანი ფრთებით“- საქართველოში კრიპტობიზნესზე კრიმინალურ დრამას იღებენ
„ამ ფილმში ჩვენ მიზნად დავისახეთ გვეჩვენებინა ქართული ყოფითი პრობლემებიდან წამოსული ადამიანები, თავიანთი იდეებით, მისწრაფებებით, სურვილებით, ამბიციებით და, ზოგ შემთხვევაში, შეცდომებითაც კი, რომლებიც ხვდებიან მაღალი ტექნოლოგიების, რობოტების და ხელოვნური ინტელექტის სამყაროში, სადაც ასე ძნელია ჰუმანურ-მორალური პრინციპების შენარჩუნება“, – აღნიშნა ალექსანდრე სუდაძემ.

ფილმის პირველი სერია უკვე გადაღებულია, ახლა მეორე სერის გადაღება მიმდინარეობს. ფილმი ქართულ ენაზეა, თუმცა იგეგმება მისი თარგმნა (ENG/RUSS) და გაშვება საერთაშორისო online-პლატფორმებზე.

55
მიკროფონი

ნიჟარაძე: მოქალაქეები ვალდებული არიან ტესტის პასუხებამდე თვითიზოლაციაში იყვნენ

56
(განახლებულია 20:28 21.09.2020)
აჭარის ჯანმრთელობის დაცვის მინისტრი ნინო ნიჟარაძე აჭარის რეგიონში არსებულ ეპიდემიოლოგიურ ვითარებაზე საუბრობს.
ნიჟარაძე: მოქალაქეები ვალდებული არიან, ტესტის პასუხებამდე თვითიზოლაციაში იყვნენ
„სხვა უწყებებთან ერთად სამუშაო ჯგუფი 24-საათიან რეჟიმში ვმუშაობთ, განვიხილავთ კონკრეტულ შემთხვევას და მყისიერი რეაგირება გვაქვს. კლასტერები რამდენიმეა, კონკრეტულ ჩამონათვალს ვერ გავაკეთებ. სხვადასხვა კლასტერთან მიბმული შემთხვევები გვაქვს, ძირითადი შემთხვევების რაოდენობა გვაქვს უკვე დადასტირებულთან კონტაქტში მყოფი პირები. ჩვენი სამუშაო და სამიზნე არის კონტაქტირებული პირები, ტესტირების არეალი გავშალეთ, ამით უკვე ისარგებლა ძალიან ბევრმა მოქალაქემ. ბევრი ნიმუში გაეშვა კვლევაში, რამაც შექმნა ერთგვარი გადატვირთვა, თბილისის დონეზე ლაბორატორიული ქსელი ჩართულია აჭარის ნიმუშებზე და ეს პრობლემა მყისიერად არის აღმოფხვრილი“, – განაცხადა ნინო ნიჟარაძემ.

აჭარის ჯანდაცვის მინისტრის განმარტებით, ტესტის პასუხებამდე მოქალაქეები ვალდებული არიან იზოლაციის წესები დაიცვან.

56
ცისფერი გალერეა

„ზამთრის მხატვარი“: თბილისში გურამ დოლენჯაშვილის გამოფენა გაიხსნა

0
ეს ფერმწერი საოცრად ხატავს ზამთრის პეიზაჟებს - მისი ნახატები ერთი შეხედვით ფოტოებში შეიძლება აგერიოთ

თბილისი, 22 სექტემბერი – Sputnik. ცნობილი ქართველი გრაფიკოსის, „ზამთრის მხატვრის“ - გურამ დოლენჯაშვილის რეტროსპექტული გამოფენა დიმიტრი შევარდნაძის სახელობის ეროვნულ გალერეაში გაიხსნა.

დამთვალიერებლები შუქჩრდილის ვირტუოზული „თამაშით“ განთქმული ოსტატის სხვადასხვა ნამუშევრებს ნახავენ. დოლენჯაშვილის ნახატები, რომლებსაც ის უბრალო ფანქრით ხატავს, იმდენად რეალისტურად არის შესრულებული, რომ ბევრს ფოტოები ჰგონიათ.

„შუქჩრდილი ფანტასტიკურია, არის შეგრძნება, თითქოს მთვარის შუქი თვალს ჭრის. მის ნამუშევრებში სილამაზის სივრცეები ერთდროულად არსებობს - მაყურებელი მაკროსამყაროდან მიკროსამყაროში ხვდება, თანაც ისე, რომ სუნთქვა ჩერდება. კოსმიურად მშვენიერი ზეციდან - იმერელი გლეხის ურმამდე, თიხის ქოთნის უმცირეს ბზარამდე. ტოტებზე დადებული საოცრად რეალური თოვლიდან - კვლავ განუსაზღვრელი სიმაღლის ზეცაში, მთვარისკენ, კოსმოსში“, - წერს დოლენჯაშვილის შესახებ მოსკოველი ხელოვნებათმცოდნე რაისა ნესტერენკო.

გამოფენა 21 ოქტომბრამდე გაგრძელდება.

გურამ დოლენჯაშვილი 1943 წელს დაიბადა ქალაქ ქუთაისში, დაამთავრა თბილისის სახელმწიფო სამხატვრო აკადემია. საქართველოს დამსახურებული მხატვარია, რუსეთის სამხატვრო აკადემიის საპატიო აკადემიკოსი, მრავალი საერთაშორისო კონკურსის ლაურეატი. 90-იანი წლებიდან ცხოვრობდა რუსეთში, ამჟამად ცხოვრობს საქართველოში.

დოლენჯაშვილის ნამუშევრები იყო გამოფენილი სხვადასხვა ქვეყნებში: ავსტრალიაში, ავსტრიაში, ინგლისში, არგენტინაში, ბელგიაში, ბულგარეთში, უნგრეთში, ვიეტნამში, გერმანიაში, ინდოეთში, ერაყში, კვიპროსში, კუბაში, მექსიკაში, მონღოლეთში, ნიდერლანდებში, ნიკარაგუაში, პოლონეთში, რუმინეთში, აშშ-ში, გერმანიაში, საფრანგეთში, ჩეხოსლოვაკიაში, შვედეთში, შვეიცარიაში, იუგოსლავიასა და იაპონიაში.

დოლენჯაშვილის ნამუშევრები ასევე ინახება ტრეტიაკოვის გალერეაში, პუშკინის სახელობის მუზეუმში და მსოფლიოს მრავალ მუზეუმში.

0
თემები:
საქართველო და კულტურა