მარინა ეზუგბაია

მარინა ეზუგბაია კორონავირუსზე: აჭარა უკვე „წითელი ზონაა“

64
(განახლებულია 16:24 08.09.2020)
საქართველოში ბოლო ორი კვირის განმავლობაში ახალი კორონავირუსით ავადობის მაჩვენებელი შეიცვალა და 100 ათას მოსახლეზე ინციდენტობა უკვე რვას გაუტოლდა, განაცხადა თბილისის ინფექციური საავადმყოფოს სამედიცინო დირექტორმა მარინა ეზუგბაიამ.
მარინა ეზუგბაია კორონავირუსზე: აჭარა უკვე წითელი ზონაა
„ჯერჯერობით ქვეყანა რჩება „მწვანე ზონაში“, რადგან ათზე ნაკლებია ინციდენტობა, მაგრამ ახალი 45 შემთხვევა ქვეყანაში ეპიდემიის პერიოდში პირველად დადასტურდა. აქედან გამომდინარე, შეიძლება ვიფიქროთ, რომ დაავადებამ მიიღო უფრო ინტენსიური გავრცელება და ჩვენი ზომიერი, კონტროლირებადი მატება ეჭვის ქვეშ დგება. აჭარაში კიდევ უფრო სერიოზული მდგომარეობაა, იქ ინციდენტობის მაჩვენებელი 42.4-ია, რაც ნიშნავს იმას, რომ აჭარა „წითელი ზონაა“, ამიტომ იქ, ალბათ, დამატებითი ღონისძიებები იქნება გასატარებელი“, – განაცხადა ეზუგბაიამ.

მარინა ეზუგბაიას თქმით, აჭარის ჩაკეტვა ჯერჯერობით არ იგეგმება, ხოლო რაც შეეხება კორონავირუსის გავრცელების პრევენციის მიზნით გასატარებელ დამარტებით ღონისძიებებს, ეს არის რეკომენდაციების შესრულება, აღსრულება, მათზე კონტროლის მექანიზმების გაძლიერება და ტესტირების მეტად გაფართოება.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 45-ით გაიზარდა და 1729-ს მიაღწია, ამ დროისათვის გამოჯანმრთელდა 1321 ადამიანი. გარდაცვლილია – 19, კარანტინის რეჟიმში იმყოფება 5882, ხოლო სტაციონარებში ექიმების დაკვირვების ქვეშ 390 პაციენტია.

64
სალომე გოგიაშვილი

გოგიაშვილი: ბოდიში და ახლა „ფეხზე მკიდია“, ჩემი შვილი სკოლაში წავა თუ არა

84
(განახლებულია 19:26 17.09.2020)
ყოფილი ტელეწამყვანი სალომე გოგიაშვილი საქართველოში დღეს არსებულ ეპიდსიტუაციაზე საუბრობს და ამბობს, რომ სწავლის დაწყებაზე მნიშვნელოვანი მისთვის შვილების ჯანმრთელობაა.
გოგიაშვილი: ბოდიში და ახლა „ფეხზე მკიდია“ ჩემი შვილი სკოლაში წავა, თუ არა
„მეც და ბევრი ჩემი ნაცნობიც ვიყავით აჭარაში და ყველამ მივიღეთ მონაწილეობა იმაში, რომ ეს სიტუაცია დადგა. ახლა იმის მაგივრად, რომ ვიფიქროთ, რა იქნება საუკეთესო გამოსავალი ჩვენი შვილების, მშობლების, თითოეული ჩვენგანის გადასარჩენად, ვამბობთ, რომ გავიდეთ და მოვაწყოთ აქციები. რა დროს აქციებია. მე მყავს ოთხი შვილი და არანაირი სურვილი არ მაქვს, სკოლაში გავუშვა“, – ამბობს სალომე გოგიაშვილი.

გოგიაშვილის თქმით, მისთვის მისი შვილების ჯანმრთელობა უფრო მნიშვნელოვანია, ვიდრე ის, 1 ოქტომბერს წავა სკოლაში თუ 1 ნოემბერს და როდის გაივლის „დედაენას“.

84
მარინა ეზუგბაია

კორონავირუსის ახალი შემთხვევებიდან 126 აჭარას, 16 იმერეთს, 15 კი თბილისს უკავშირდება

70
(განახლებულია 17:08 17.09.2020)
თბილისის ინფექციური საავადმყოფოს სამედიცინო დირექტორი მარინა ეზუგბაია კორონავირუსის 179 ახალ შემთხვევაზე საუბრობს.
ეზუგბაია: კორონავირუსის ახალი შემთხვევებიდან 126 აჭარას, 16 იმერეთს, 15 კი თბილისს უკავშირდება
„დაგვემატა 179 ახალი შემთხვევა და გახდა 2 937. 179 შემთხვევა ასე ნაწილდება: აჭარა – 126, იმერეთი – 16, თბილისი – 15, სამეგრელო–ზემო სვანეთი – შვიდი, მცხეთა-მთიანეთი – შვიდი, გურია – ოთხი, კახეთი – ოთხი. თბილისის ინფექციური საავადმყოფოში 32 პაციენტი მკურნალობს, რომელთა შორის ერთის ჯანმრთელობის მდგომარეობა კრიტიკულად მძიმეა, ხოლო 5 პაციენტის – მძიმე“, – განაცხადა მარინა ეზუგბაიამ.

ეზუგბაიას განცხადებით, ათით გაიზარდა გამოჯანმრთელებულების რაოდენობა და ამჟამად საერთო რიცხვი 1422-ს შეადგენს.

 

70
ქალაქი ზუგდიდი

ზუგდიდში თანამედროვე ხელოვნების ფესტივალი იხსნება

0
(განახლებულია 15:43 19.09.2020)
ფესტივალის მიზნად ისახავს რეგიონებში თანამედროვე ქართული ხელოვნების განვითარებას და კულტურული ცხოვრების გააქტიურებას

თბილისი, 19 სექტემბერი - Sputnik. ცნობილი ქართველი პოეტები, მწერლები, რეჟისორები და მუსიკოსები მიიღებენ მონაწილეობას თანამედროვე ხელოვნების ფესტივალში F5, რომელიც შაბათს, 19 სექტემბერს ზუგდიდში იხსნება.

ფესტივალი ორდღიანია და ბოტანიკურ ბაღში გაიმართება. ღონისძიება, რომელიც ტრადიციულად მოიცავს ლიტერატურულ და მუსიკალურ პროგრამებს, ზუგდიდში უკვე მესამედ იმართება. მისი ორგანიზატორებია ორი ახალგაზრდა ქართველი პოეტი, ნიკა ლაშხია და გიორგი შონია. ფესტივალის მხარდამჭერია განათლების, მეცნიერების, კულტურისა და სპორტის სამინისტრო და მწერალთა სახლი.

ფესტივალი მიზნად ისახავს თანამედროვე ქართული ხელოვნების პოპულარიზაციას და რეგიონების კულტურულ ცხოვრებაში ჩაბმას.

წელს ფესტივალზე პირველად გაიმართება დოკუმენტური კინოს სექცია, რომელსაც ეროვნული კინოცენტრი წარადგენს. ფესტივალის ლიტერატურულ ნაწილში წელს მონაწილეობას მიიღებენ ისეთი ლიტერატორები, როგორიცაა ზურაბ ქარუმიძე, თამთა მელაშვილი, დათო ბარბაქაძე, შაკო ბაკურაძე, ცოტნე ცხვედიანი, ქეთი ქანთარია და სხვ.

ფესტივალის მონაწილეები შეეხებიან ისეთ თემებს, როგორიცაა ქალის ხმა ქართულ ლიტერატურაში, ქართული თარგმანის დღევანდელი პრობლემატიკა, ქალაქები და წმინდანები.

მუსიკალურ პროგრამაში წარდგება ჯგუფი „წერილი“ და ქანთრი-მუსიკოსი შოთა ადამაშვილი. ფესტივალზე დასწრება თავისუფალია.

0
თემები:
საქართველო და კულტურა