მიკროფონი

დათო ევგენიძე: მაშინ პატარა ვიყავი როცა ღმერთმა მფარველ ანგელოზად ეს ადამიანი მომივლინა

68
(განახლებულია 19:17 05.09.2020)
დათო ევგენიძე იხსენებს მორის ფოცხიშვილს და იმას, თუ რა როლი ითამაშა ამ  პოეტმა მის კომპოზიტორად ჩამოყალიბებაში.
დათო ევგენიძე: მაშინ პატარა ვიყავი როცა ღმერთმა მფარველ ანგელოზად ეს ადამიანი მომივლინა
„დღეს დათო  ევგენიძე რომ დათო ევგენიძეა ამაში ჭეშმარიტად დიდი როლი მორი ფოცხიშვილმა ითამაშა. ის ჩემთვის, მაშინ პატარა ბავშვისთვის დიდი საჩუქარი იყო. მაშინ ათი წლის ვიყავი როდესაც მან ჩემი მუსიკა მოისმინა და თქვა: ეს პატარა ბიჭი უკვე დიდი კომპოზიტორიაო“-ამბობს დათო ევგენიძე სატელევიზიო გადაცემაში.

კომპოზიტორი დათი ევგენიძე ამბობს: „წარმოიდგინეთ, რა ბედნიერება იყო, როცა მორის ფოცხიშვილი სპეციალურად წერდა ჩემთვის ლექსებს და მე ვწერდი მუსიკას ბატონი მორისის პოეზიაზე. იმ დროის საქართველო ბატონი მორისის ენაზე ლაპარაკობდა. მის ლექსებზე სიმღერებს წერდნენ დიდი კომპოზიტორები: ბიძინა კვერნაძე, გოგი ცაბაძე და ვაჟა აზარაშვილი“.

68
სალომე გოგიაშვილი

გოგიაშვილი: ბოდიში და ახლა „ფეხზე მკიდია“, ჩემი შვილი სკოლაში წავა თუ არა

84
(განახლებულია 19:26 17.09.2020)
ყოფილი ტელეწამყვანი სალომე გოგიაშვილი საქართველოში დღეს არსებულ ეპიდსიტუაციაზე საუბრობს და ამბობს, რომ სწავლის დაწყებაზე მნიშვნელოვანი მისთვის შვილების ჯანმრთელობაა.
გოგიაშვილი: ბოდიში და ახლა „ფეხზე მკიდია“ ჩემი შვილი სკოლაში წავა, თუ არა
„მეც და ბევრი ჩემი ნაცნობიც ვიყავით აჭარაში და ყველამ მივიღეთ მონაწილეობა იმაში, რომ ეს სიტუაცია დადგა. ახლა იმის მაგივრად, რომ ვიფიქროთ, რა იქნება საუკეთესო გამოსავალი ჩვენი შვილების, მშობლების, თითოეული ჩვენგანის გადასარჩენად, ვამბობთ, რომ გავიდეთ და მოვაწყოთ აქციები. რა დროს აქციებია. მე მყავს ოთხი შვილი და არანაირი სურვილი არ მაქვს, სკოლაში გავუშვა“, – ამბობს სალომე გოგიაშვილი.

გოგიაშვილის თქმით, მისთვის მისი შვილების ჯანმრთელობა უფრო მნიშვნელოვანია, ვიდრე ის, 1 ოქტომბერს წავა სკოლაში თუ 1 ნოემბერს და როდის გაივლის „დედაენას“.

84
მარინა ეზუგბაია

კორონავირუსის ახალი შემთხვევებიდან 126 აჭარას, 16 იმერეთს, 15 კი თბილისს უკავშირდება

70
(განახლებულია 17:08 17.09.2020)
თბილისის ინფექციური საავადმყოფოს სამედიცინო დირექტორი მარინა ეზუგბაია კორონავირუსის 179 ახალ შემთხვევაზე საუბრობს.
ეზუგბაია: კორონავირუსის ახალი შემთხვევებიდან 126 აჭარას, 16 იმერეთს, 15 კი თბილისს უკავშირდება
„დაგვემატა 179 ახალი შემთხვევა და გახდა 2 937. 179 შემთხვევა ასე ნაწილდება: აჭარა – 126, იმერეთი – 16, თბილისი – 15, სამეგრელო–ზემო სვანეთი – შვიდი, მცხეთა-მთიანეთი – შვიდი, გურია – ოთხი, კახეთი – ოთხი. თბილისის ინფექციური საავადმყოფოში 32 პაციენტი მკურნალობს, რომელთა შორის ერთის ჯანმრთელობის მდგომარეობა კრიტიკულად მძიმეა, ხოლო 5 პაციენტის – მძიმე“, – განაცხადა მარინა ეზუგბაიამ.

ეზუგბაიას განცხადებით, ათით გაიზარდა გამოჯანმრთელებულების რაოდენობა და ამჟამად საერთო რიცხვი 1422-ს შეადგენს.

 

70
რაგბის ბურთი

სროლა რაგბის კავშირში: მერაბ ბესელიას პატიმრობა შეეფარდა

0
(განახლებულია 17:01 19.09.2020)
დაცვის მხარე წარდგენილ ბრალდებას არ ეთანხმება და 20 ათას ლარიანი გირაოს შეფარდებას მოითხოვდა. ბრალდებული წარდგენილი ბრალდებაში თავს დამნაშავედ არ ცნობს

თბილისი, 19 სექტემბერი - Sputnik. თბილისის საქალაქო სასამართლომ რაგბის კავშირის ვიცე-პრეზიდენტს მერაბ ბესელიას აღკვეთის ღონისძიებად პატიმრობა შეუფარდა, იუწყება „პირველი არხი“.

16 სექტემბერს თბილისში, რაგბის კავშირის შენობაში მერაბ ბესელიამ რაგბი-7-ის ნაკრების ყოფილი კაპიტანი რამაზ ხარაზიშვილი დაჭრა. პოლიციამ 51 წლის ბესელია იმავე დღეს მცხეთაში დააკავა. გამოძიების ინფორმაციით, ბრალდებულმა 32 წლის ხარაზიშვილი ცეცხლსასროლი იარაღიდან გასროლით ურთიერთშელაპარაკების ნიადაგზე დაჭრა.

რაგბის კავშირში ბოლო პერიოდში საკმაოდ დაძაბული ვითარებაა. პრობლემები დაიწყო აგვისტოს დასაწყისში, როდესაც 31 კლუბის წარმომადგენლებისგან შემდგარი საინიციატივო ჯგუფი კავშირის ხელმძღვანელობას სთხოვდა ბოლო ოთხი წლის ფინანსური ანგარიში ჩაებარებინა.

პროკურორის განცხადებით, დაკავებულის მხრიდან არსებობს მტკიცებულებების განადგურების, მიმალვისა და მოწმეებზე ზემოქმედების საფრთხეები.

დაცვის მხარე წარდგენილ ბრალდებას არ ეთანხმება და 20 ათას ლარიანი გირაოს შეფარდებას მოითხოვდა. ბრალდებული წარდგენილი ბრალდებაში თავს დამნაშავედ არ ცნობს.

პროცესზე თავად ბრალდებულიც ჩაერთო დისტანციურად. როგორც მერაბ ბესელიამ განაცხადა, მან ემოციურ ფონზე იატაკს ესროლა და ფეხში სროლის განზრახვა არ ჰქონია.

„არ მისვრია მისთვის დასაჭრელად, ვისროლე იატაკზე. იმას, რომ მე საშიში ვიქნები თავისუფლებაზე, არ ვეთანხმები. ჩავბარდი თვითონ. ნასვამ მდგომარეობაში ვიყავი“, – განაცხადა ბრალდებულმა.

საქმეზე წინასასამართლო სხდომა 5 ნოემბერს 11:00 საათზე ჩაინიშნა.

0
თემები:
კრიმინალი საქართველოში