ექიმი ენდოკრინოლოგი თინათინ კაჭარავა

D ვიტამინი: რატომ არის ის მნიშვნელოვანი და როგორ უნდა მივიღოთ

2058
(განახლებულია 16:51 04.08.2020)
წელიწადის მზიან პერიოდებში D ვიტამინის მიღებას ბუნებრივი გზით უნდა ვეცადოთ და არა მედიკამენტოზურად, აღნიშნა ენდოკრინოლოგიის ეროვნული ინსტიტუტის ექიმმა თინათინ კაჭარავამ „Sputnik-საქართველოსთან“ საუბრისას.
D ვიტამინი: რატომ არის ის მნიშვნელოვანი და როგორ უნდა მივიღოთ
„D ვიტამინი ერთადერთი ვიტამინია, რომლის სინთეზსაც ადამიანის სხეული მზის სხივების ზემოქმედებით კანის ქსოვილში თვითონ ახდენს. D ვიტამინი არეგულირებს კალციუმის და ფოსფორის ცვლას ორგანიზმში, რაც ჯანსაღი ძვალ-სახსროვანი სისტემის წინაპირობაა. D ვიტამინი აძლიერებს იმუნიტეტს, რაც ესოდენ მნიშვნელოვანია COVID პანდემიის პირობებში“, – განაცხადა თინათინ კაჭარავამ

მისი თქმით, D ვიტამინის დაახლოებით 80%-ს ადამიანის ორგანიზმი მზისგან იღებს, ხოლო დანარჩენს – საკვებიდან. D ვიტამინის სინთეზისთვის სასურველია დილით ადრე მზის სხივების პირდაპირი მოქმედება კანზე 30-60 წუთის განმავლობაში. ხოლო საკვებს რაც შეეხება, ამ ნივთიერებით მდიდარია ცხიმიანი თევზეული, მას ასევე შეიცავს რძის ნაწარმი, კვერცხი და ხორცი.

2058
კახა კალაძე წითელი ჯვრის მოხალისეებთან ერთად

კალაძე: „საახალწლო სოფლისთვის“ გამოყოფილი თანხა შეჭირვებულ ოჯახებს მოხმარდება

41
(განახლებულია 21:52 02.12.2020)
თბილისის მერმა კახა კალაძემ დედაქალაქის მთავრობის სხდომაზე განმარტა, საით მიმართავს თბილისის მერია საახალწლო ღონისძიებებისთვის განკუთვნილ თანხებს.
კალაძე: „საახალწლო სოფლისთვის“ გამოყოფილი თანხა შეჭირვებულ ოჯახებს მოხმარდება
„საახალწლო სოფლის გაკეთება ჩვენ დაახლოებით 700-800 ათასი ლარი გვიჯდებოდა. ეს თანხა მიმართული იქნება სარეზერვო ფონდში. ჩვენ დავეხმარებით იმ ოჯახებს, რომელსაც ყველაზე მეტად სჭირდება ჩვენი თანადგომა. წინასაახალწლო დღეებში მათ საკვები პროდუქტებით უზრუნველვყოფთ“, – აღნიშნა კახა კალაძემ.

ახალი წლის დღეებში თბილისში „საახალწლო სოფელი“ ახალი კორონავირუსის პანდემიის გამო არ იქნება, რათა არ მოხდეს ბევრი ადამიანის ერთად თავშეყრა და ამით არ შეეწყოს ხელი ვირუსის გავრცელებას.

41
ლევან სილაგავა

ლევან სილაგავა: ნამცხვრები, ხაჭაპური და თონის პური შეიძლება გაძვირდეს

26
(განახლებულია 20:44 02.12.2020)
საქართველოს ხორბლისა და ფქვილის მწარმოებელთა ასოციაციის თავმჯდომარემ ლევან სილაგავამ  განმარტა, როგორ იმუშავებს სახელმწიფოს მიერ ფქვილის სუბსიდირების სქემა.
ლევან სილაგავა: ნამცხვრები ხაჭაპური და თონის პური შესაძლოა გაძვირდეს
„დღეს პირველი ხარისხის ფქვილის ფასი დაახლოებით 62-63 ლარია, 63 ლარს რომ 10 ლარის სუბსიდიას გამოაკლებ, 53 ლარია. ამ ფიქსირებულ ფასში წისქვილკომბინატები პროდუქციას იმ პურის ქარხნებს მიაწვდიან, რომლების სიასაც პურის მრეწველთა კავშირი წარმოადგენს. ხოლო სხვა შემთხვევაში ბაზარზე ყველა სახის ფქვილი თავისუფალ ფასში იქნება  წარმოდგენილი“, – განაცხადა ლევან სილაგავამ.

საქართველო წელიწადში 700-800 ათას ტონა ხორბალს მოიხმარს. ლევან სილაგავას თქმით, ფქვილზე ფასის ზრდის მიზეზი მსოფლიო ბაზრებზე ხორბლის ფასის ზრდაა, რომელსაც ბოლო დროს დოლარის მიმართ ლარის კურსის მკვეთრი გაუფასურებაც ემატება. თუ იმპორტიორმა ჯერ კიდევ ზაფხულში რუსეთიდან შემოტანილ ტონა ხორბალში 200 დოლარი გადაიხადა, ახლა მას უკვე იგივე რაოდენობა 25%-ით მეტი უჯდება.

26
სავსე მთვარე

მთვარის კალენდარი: 3 დეკემბერი რისი გაკეთება შეიძლება და რისი არა

0
(განახლებულია 14:08 02.12.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 3 დეკემბერი, ხუთშაბათი. ამ დღეს იუპიტერი მართავს. კლებადი მთვარე კირჩხიბის ნიშანშია.

ესაა სენტიმენტური გრძნობების, ემოციური მერყეობის დღე, მგრძნობირობა მატულობს, ამიტომ საჭიროა დიპლომატიურობა.

ამ დროს ძლიერდება რომანტიკული განწყობა, ადამიანები უფრო მეოცნებენი ხდებიან და მოგონებებს ეძლევიან. საწინააღმდეგო სქესის წარმომადგენლებთან ურთიერთობები უფრო სულიერი და ემოციურად სავსე ხდება.

სიყვარულში მგზნებარება უკან იხევს და წინა პლანზე სინაზე გამოდის. ძალიან მნიშვნელოვანია, რომ პარტნიორს აჩვენოთ თქვენი თანაგრძნობა, ზრუნვა, ნდობა. ამავე დროს, აუცილებლად უნდა გააკონტროლოთ თქვენი გრძნობები და ემოციები. ასევე არის საშიშროება, რომ სხვისი გავლენის ქვეშ მოექცეთ.

ამ დღეს დაწყებული ურთიერთობები ძალიან ხშირად ქორწინებით გვირგვინდება.

რეკომენდებულია მშვიდი მუშაობა, მარტივი ფინანსური საკითხების გადაჭრა, მნიშვნელოვანი საქმეების გადადება, ირგვლივ მიმდინარე მოვლენებისა და ნათქვამის მიმართ ყურადღებით ყოფნა, ადამიანებთან ურთიერთობებში მოქნილობა და არასტადარტული დამოკიდებულება, ნიუანსებისადმი ყურადღება, ინდივიდუალური და არა გუნდური მუშაობა.

არარეკომენდებულია რთულ პროექტებზე შეჭიდება, მოლაპარაკებების წარმოება, ზედმეტი აქტიურობა, დინების წინააღმდეგ წასვლა, სხვისი გავლენის ქვეშ მოქცევა და მის წინადადებაზე დათანხმება.

არახელსაყრელი დღეა მგზავრობისთვის.

თმის შეჭრა, შეღებვა: კირჩხიბის დღეები ძალზე მგრძნობიარეა ნებისმიერი პროცედურის მიმართ. ამ დღეს არაა რეკომენდებული თმის შეჭრა, შეღებვა. კარგი დღეა სახის ნიღბისთვის.

ასევე არახელსაყრელი დროა მანიკურისთვის.

მებაღეობა: კირჩხიბი ერთ–ერთი ნაყოფიერი ნიშანია. შეიძლება სინესტის მოყვარული და დეკორატიულ–ფოთლოვანი ხეების დარგვა, ფორმის მიმცემი გასხვლა, ნაყოფიანი ხეებისა და ბუჩქების შეწამვლა, ოთახისა და აივნის მცენარეების მორწყვა.

არასასურველია ისეთი მცენარეების დარგვა–დათესვა, რომლებიც დიდი სიმაღლის იზრდებიან, ხილის ხეებისა და ბუჩქებისთვის გამხმარი ტოტების მოშორება.

0