მაია ცქიტიშვილი

მაია ცქიტიშვილი: პროექტის ერთ-ერთი ამოცანა იყო, ხელი შეგვეწყო ქართული კომპანიებისთვის

78
(განახლებულია 18:28 03.07.2020)
ქუთაისის შემოვლითი გზის მშენებლობაზე ქართული კომპანიები მუშაობდნენ, განაცხადა რეგიონული განვითარებისა და ინფრასტრუქტურის მინისტრმა მაია ცქიტიშვილმა.
მაია ცქიტიშვილი: პროექტის ერთ-ერთი ამოცანა იყო, ხელი შეგვეწყო ქართული კომპანიებისთვის
„ეს არის პროექტი, რომელიც მთლიანად ფინანსდება სახელმწიფო ბიუჯეტიდან დაახლოებით 200 მლნ ლარის ოდენობით. ამ პროექტის ერთ-ერთი ამოცანა იყო, რომ ხელი შეგვეწყო ქართული კომპანიებისთვის, შესაბამისად, ეს მონაკვეთი ოთხ ლოტად დაიყო, რამაც ადგილობრივ კომპანიებს ტენდერში მონაწილეობის საშუალება მისცა. ოთხიდან სამ ლოტში გაიმარჯვა ქართულმა კომპანიამ, ერთ ლოტზე კი აზერბაიჯანულმა კომპანიამ იმუშავა“, – განაცხადა მაია ცქიტიშვილმა საზოგადოებრივი მაუწყებლის „პირველი არხის“ ეთერში.

ქუთაისის შემოვლითი გზის 19-კილომეტრიან მონაკვეთზე ახალი ორი ზოლის მშენებლობა დასრულებულია და დღეიდან მოძრაობა როგორც დასავლეთის, ისე აღმოსავლეთის მიმართულებით ამ მონაკვეთზე ცალმხრივი ხდება. გზის დარჩენილი 22.3 კმ-იანი მონაკვეთის მშენებლობა 2020 წლის ბოლომდე დასრულდება, რის შემდეგაც ქუთაისის შემოვლითი გზა სრულად ოთხზოლიანი და ორივე მიმართულებით ცალმხრივი გახდება.

 

78
ნიკა შენგელია

ნიკა შენგელია: ეროვნულმა ბანკმა რეფინანსირების განაკვეთი 3-4 პროცენტამდე უნდა დასწიოს

42
(განახლებულია 19:11 07.08.2020)
საქართველოს ეკონომიკაში კორონავირუსის პანდემიით გამოწვეული პრობლემების დასაძლევად ეროვნულმა ბანკმა რეფინანსირების განაკვეთი სასწრაფოდ უნდა დასწიოს, მიაჩნია ეკონომისტ ნიკა შენგელიას.
ნიკა შენგელია: ეროვნულმა ბანკმა რეფინანსირების განაკვეთი 3-4 პროცენტამდე უნდა დაწიოს
„ეროვნულმა ბანკმა სასწრაფოდ უნდა მოახდინოს რეფინანსირების განაკვეთის 3-4 პროცენტამდე დაწევა, რათა ეკონომიკამ იაფი კრედიტები მიიღოს. ვგულისხმობ როგორც ბიზნეს-სესხებს, ასევე სამომხმარებლო და იპოთეკურ კრედიტებს – რათა ბიზნესსა და ეკონომიკაში გაჩნდეს თანხა. წინააღმდეგ შემთხვევაში ეკონომიკის გამოჯანმრთელების პროცესი წლობით გაიწელება“, – განუცხადა ნიკა შენგელიამ „Sputnik–საქართველოს“.

საქართველოს ეროვნული ბანკის მონეტარული პოლიტიკის კომიტეტმა ოთხშაბათს რეფინანსირების განაკვეთის 8.25%-დან 8.0%-მდე შემცირების გადაწყვეტილება მიიღო.

რეფინანსირების განაკვეთი – პროცენტის ოდენობაა წლიური გაანგარიშებით, რომელსაც საკრედიტო ორგანიზაციები ეროვნულ ბანკს მათთვის გამოყოფილი კრედიტებისთვის უხდიან. რეფინანსირების განაკვეთი ეროვნული ბანკის ფულად-საკრედიტო პოლიტიკის ძირითადი ინსტრუმენტია და საფინანსო სექტორში საბაზრო განაკვეთების ორიენტირად არის მიჩნეული.

42
საქართველოს პარლამენტის თავმჯდომარე ირაკლი კობახიძე

მთავრობის ახალი სოციალური პაკეტი მოქალაქეებს მდგომარეობის გაუმჯობესებაში დაეხმარება

64
(განახლებულია 17:02 07.08.2020)
კორონავირუსის პანდემიით გამოწვეული ეკონომიკური კრიზისის გამო მთავრობის მიერ სოციალური დახმარების გაცემის გადაწყვეტილება დადებითად შეაფასა დეპუტატმა ირაკლი კობახიძემ.
კობახიძე: მთავრობის სოციალური პაკეტი მოქალაქეებს სოციალური მდგომარეობის გაუმჯობესებაში დაეხმარება
„პანდემიამ შექმნა სირთულეები ეკონომიკური და, შესაბამისად, სოციალური თვალსაზრისით და, ბუნებრივია, ამას სჭირდება პასუხი. პასუხი არის პირველ რიგში სოციალური დახმარება ჩვენი საზოგადოების ყველაზე მოწყვლადი ფენებისთვის. და ძალიან მნიშვნელოვანია ის პაკეტი, რომელიც არის შემოთავაზებული საქართველოს მთვარობის მხრიდან. ეს ყველაფერი, ბუნებრივია, დაეხმარება ჩვენს მოქალაქეებს იმაში, რომ გაიუმჯობესონ საკუთარი სოციალური მდგომარეობა“, – აღნიშნა კობახიძემ ტელეკომპანია „რუსთავი 2“-ის ეთერში.

მოქალაქეებზე ზრუნვისა და მათი სოციალური მხარდაჭერის მიზნით საქართველოს მთავრობამ ანტიკრიზისული გეგმის შემდგომი – III ეტაპი შეიმუშავა, რომლის თანახმად, 17 წლის ასაკის ჩათვლით თითოეულ ბავშვზე გაიცემა 200-ლარიანი დახმარება. კომუნალური გადასახადების მხარდაჭერის პროგრამა გაგრძელდება ზამთარშიც. თვითდასაქმებულები, ვინც ვერ წარმოადგინა სრულყოფილი დოკუმენტაცია, მაინც მიიღებენ 300-ლარიან კომპენსაციას. 150 000-მდე სოციალური ქულის მქონე სტუდენტებს დაუფინანსდებათ ნახევარი წლის სწავლის საფასური, ხოლო ასეთივე სოციალური ქულის მქონე სტუდენტებს, ვისაც პანდემიის პერიოდში სტატუსი შეუჩერდა სწავლის საფასურის გადაუხდელობის გამო, დაუფინანსდებათ 1 წლის სწავლის საფასური.

64
სასწრაფო დახმარება ჩინეთში

პოტენციური ეპიდემიის საფრთხე: ჩინეთში ჭირის შემთხვევის გამო ქალაქი დაიკეტა

0
(განახლებულია 19:21 07.08.2020)
ადგილობრივმა ხელისუფლებამ აღიარა, რომ ქალაქი ადამიანებში ჭირის პოტენციური ეპიდემიის საფრთხის წინაშე დგას და ამიტომ დაკეტა ის

თბილისი, 7 აგვისტო — Sputnik.  რამდენიმე დღის წინ ჩინეთის შიდა მონღოლეთის ავტონომიურ რაიონში ხელისუფლებამ ეპიდემიოლოგიური საფრთხის მესამე დონე გამოაცხადა ჭირის გავრცელებასთან დაკავშირებით და ამასთან ნაწილობრივი კარანტინი შემოიღო, იუწყება Daily Mail-ი ქალაქ ბატოუს ჯანდაცვის კომიტეტზე დაყრდნობით. 

გავრცელებული ინფორმაციით, 2 აგვისტოს იქ ერთი ადამიანი დაიღუპა ჭირით, ხოლო 35 კაცი იზოლაციაზეა გადაყვანილი. ლაბორატორიული ტესტებით დადგინდა, რომ ექიმებს საქმე ნაწლავების ჭირთან აქვთ.

აღსანიშნავია, რომ ამ დროისათვის კარანტინზე გადაყვანილ პაციენტებს დაავადების ნიშნები არ გამოვლენიათ.

მიუხედავად ამისა, ადგილობრივმა ხელისუფლებამ აღიარა, რომ ქალაქი ადამიანებში ჭირის პოტენციური ეპიდემიის საფრთხის წინაშე დგას და ამიტომ რეგიონი დაკეტა.

ბუბონური შავი ჭირი: მონღოლეთში კიდევ ერთი შემთხვევა დაფიქსირდა>>

შეგახსენებთ: მანამდე ჩინეთში შავი ჭირის ბუბონური ფორმა დაუფიქსირდა ერთ-ერთ მესაქონლეს ქალაქ ბაიან-ნურში, რის შემდეგაც ქვეყნის დაავადებათა კონტროლისა და პროფილაქტიკის ცენტრმა სპეციალური რეკომენდაციების ჩამონათვალი გამოაქვეყნა.

0
თემები:
მსოფლიო დღეს