გიორგი გახარია

გახარია: ჩვენს ოპოზიციას ხანდახან ავიწყდება, რომ ისიც ხელისუფლების ნაწილია

8
(განახლებულია 19:32 17.06.2020)
საქართველოს პრემიერ-მინისტრი გიორგი გახარია ოპოზიციაზე საუბრობს და ამბობს, რომ მათ პოლიტიკური კულტურა ხშირად არ ჰყოფნით.
გახარია: ჩვენს ოპოზიციას ხანდახან ავიწყდება, რომ ისიც ხელისუფლების ნაწილია
„ჩვენი ოპოზიცია ხშირ შემთხვევაში ისეთ რაღაცებს აკეთებს, ხვდებიან, რომ ქვეყანას აზიანებენ, მაგრამ იმხელა სურვილია ძალაუფლების ხელში ჩაგდების, ამაზეც თვალს ხუჭავენ. ჩვენი ამომრჩეველი ამასაც თავის ადგილს მიუჩენს. „ქართული ოცნების“ ესთეტიკა ცოტა სხვაა, ის ცოტა უფრო მეტი ზრუნვაა ქვეყანაზე, რომ ქვეყნის ინტერესი არ დავაზიანოთ“, – ამბობს გიორგი გახარია.

მთავრობის მეთაურის თქმით, ოპოზიციას ხანდახან ავიწყდება, რომ ისიც ხელისუფლების ნაწილია და, როგორც ხელისუფლების ნაწილს, თავისი პასუხისმგებლობები აქვს.

8
მიკროფონი

ჩიმაკაძე: ჯარისკაცები მოთავსებული არიან ნახევრად ბოქსირებულ პალატებში

39
(განახლებულია 18:25 10.07.2020)
გიორგი აბრამიშვილის სახელობის სამხედრო ჰოსპიტლის დირექტორის მოვალეობის შემსრულებელი ნოდარ ჩიმაკაძე ავღანეთიდან გადმოყვანილი ჯარისკაცების ჯანმრთელობის მდგომარეობის შესახებ საუბრობს, რომელთაც კორონავირუსი დაუდასტურდათ.
ჩიმაკაძე: ჯარისკაცები მოთავსებული არიან ნახევრად ბოქსირებულ პალატებში
„სამხედრო ჰოსპიტალში ავღანეთიდან გადმოყვანილია 28 სამხედრო მოსამსახურე, რომელთაც დადასტურებული აქვთ COVID-19-ის დიაგნოზი. მათი ჯანმრთელობის მდგომარეობა ამ ეტაპზე დამაკმაყოფილებელია, ჩივილები არ აქვთ. ისინი მოთავსებული არიან ნახევრად ბოქსირებულ პალატებში, სტაციონარულ მკურნალობაზე მოქმედი პროტოკოლის შესაბამისად“, – განაცხადა ნოდარ ჩიმაკაძემ.

28 ქართველ სამხედრო მოსამსახურეს ავღანეთში კორონავირუსი დაუდგინდა. სამხედროები, რომლებიც მონაწილეობდნენ სამშვიდობო მისიაში „მტკიცე მხარდაჭერა“, თბილისში გერმანიის საჰაერო ძალების სამხედრო თვითმფრინავით ჩამოიყვანეს. ბორტზე მათთან ერთად იმყოფებოდა ბუნდესვერის მედპერსონალი.

 

39
გიორგი გახარია

გახარია: ჩვენ ვიწყებთ შიდა ტურიზმის მხარდაჭერას, ხელახლა უნდა აღმოვაჩინოთ ჩვენი სამშობლო

48
(განახლებულია 16:51 10.07.2020)
საქართველოს პრემიერ-მინისტრი გიორგი გახარია ქვეყანაში შიდა ტურიზმის განვითარების მხარდასაჭერი პროგრამის შესახებ საუბრობს.
გახარია: ჩვენ ვიწყებთ შიდა ტურიზმის მხარდაჭერას, ხელახლა უნდა აღმოვაჩინოთ ჩვენი სამშობლო
„ჩვენ ვიწყებთ შიდა ტურიზმის მხარდაჭერას. ჩვენ ხელახლა უნდა აღმოვაჩინოთ ჩვენი სამშობლო, ის რაც დავიწყებულია, ჩვენს შვილებთან, ოჯახთან ერთად თავიდან უნდა ვნახოთ ეს ყველაფერი. როდესაც ტურიზმი სრულად აღდგება და ჩამოვლენ ტურისტები, ჩვენ ჩვენი ქვეყნის საუკეთესო გიდები უნდა ვიყოთ“, – ამბობს გიორგი გახარია.

პრემიერის თქმით, საქართველოს შესახებ თითოეული მოქალაქე უნდა მოუყვეს უცხოელებს, რომ ხელი შეუწყონ ტურიზმის ფეხზე დადგომას.

48
დაკავება

ზუგდიდში „ტყის ძმების“ ლიდერის შვილი ნარკოდანაშაულზე დააკავეს

0
დაკავებულის პირადი, ავტომანქანის და საცხოვრებელი სახლის ჩხრეკისას ამოღებულია ნარკოტიკული საშუალებები - „მეტადონი” და „ლირიკა”. ასევე ამოღებულია დაკავებულის პირადი ავტომანქანა, 6785 აშშ დოლარი და 500 ევრო.

თბილისი, 12 ივლისი – Sputnik. „ტყის ძმების“ ყოფილი ლიდერის დათო შენგელიას შვილის, 38 წლის დადუ შენგელიას დაკავებასთან დაკავშირებით შსს განცხადებას ავრცელებს.

სპეცოპერაცია ზუგდიდში დღეს რამდენიმე საათს მიმდინარეობდა.

სამართალდამცველებმა მოსამართლის განჩინების საფუძველზე ჩატარებული საგამოძიებო მოქმედებების შედეგად შენგელია ნარკოტიკული საშუალების უკანონო შეძენა-შენახვის ბრალდებით დააკავეს.

სამართალდამცველებმა, დაკავებულის პირადი, ავტომანქანის და საცხოვრებელი სახლის ჩხრეკისას, ნარკოტიკული საშუალებები - „მეტადონი” და „ლირიკა” ამოიღეს.

ასევე, ნივთმტკიცების სახით ამოღებულია დაკავებულის პირადი ავტომანქანა, 6785 აშშ დოლარი და 500 ევრო.

ნარკოტიკული საშუალების უკანონო შეძენა-შენახვის ფაქტზე გამოძიება საქართველოს სისხლის სამართლის კოდექსის 260-ე მუხლით მიმდინარეობს.

0
თემები:
კრიმინალი საქართველოში