ცაგარელი: მომდევნო კვირა დღე საკრალურია, დილით 10:41 საათზე გვაქვს პიკი
„ერთ-ერთი საუკეთესო კვირა გვაქვს, ოღონდ 20 რიცხვამდე. დედამიწა გადავიდა პოზიტიურ ენერგოველში თვის ბოლომდე, ამიტომ პოზიტიური შანსები გვექნება. თუმცა, ნუ დაგავიწყდებათ, რომ ჩვენ გავდივართ ე.წ. დაბნელებების დერეფანს 5 ივლისის ჩათვლით. შაბათ-კვირას ჩვენ გვაქვს მზის დაბნელება და ახალმთვარეობა ერთად. ამიტომ კვირამდე აქტიურად ვიმოქმედოთ, მაგრამ კვირას რაც შეიძლება ფრთხილად და წინდახედულად ვიყოთ“, – ამბობს მიხეილ ცაგარელი.
ასტროლოგის თქმით, კვირას, დილით არის მზის დაბნელება და ახალმთვარეობა ერთდროულად, ასევე საკრალური დღეა, რადგან 21 ივნისს ყველაზე გრძელი დღეა. ამ დღეს კარგია ლოცვა და სურვილების ჩათქმა.