მარინა ეზუგბაია

ეზუგბაია: გუშინ ჩვენ კლინიკაში გამოჯანმრთელებული ექვსივე პაციენტი მოზარდია

52
(განახლებულია 17:23 13.05.2020)
თბილისის ინფექციური საავადმყოფოს სამედიცინო დირექტორი მარინა ეზუგბაია კლინიკაში მოთავსებული კორონავირუსით ინფიცირებული პაციენტების ჯანმრთელობის მდგომარეობაზე საუბრობს.
ეზუგბაია: გუშინ ჩვენს კლინიკაში გამოჯანმრთელებული ექვსივე პაციენტი მოზარდია
„ჩვენთან ამ ეტაპზე მკურნალობს 34 პაციენტი. გუშინ ჩვენთან გამოჯანმრთელდა ექვსი პაციენტი. საინტერესოა, რომ ექვსივე მათგანი მოზარდია. მათ კლინიკა დამაკმაყოფილებელ მდგომარეობაში დატოვეს. ჯამში ჩვენთან სულ 97 პაციენტია გამოჯანმრთელებული 136-დან“, - ამბობს მარინა ეზუგბაია.

მისი თქმით, თბილისის ინფექციურ საავადმყოფოში ამ ეტაპზე ძირითადად საშუალო სიმძიმის პაციენტები განაგრძობენ მკურნალობას.

52
ნინო ბურჯანაძე

ბურჯანაძე: ოპოზიციის გაერთიანების მიზანი ერთმანეთის ხმების დაცვაა

53
(განახლებულია 21:36 03.06.2020)
პარტია „ერთიანი საქართველო - დემოკრატიული მოძრაობის“ ლიდერი ნინო ბურჯანაძე ოპოზიციის გაერთიანებასა და მომავალ არჩევნებზე საუბრობს.
ბურჯანაძე: ოპოზიციის გაერთიანების მიზანი ერთმანეთის ხმების დაცვაა
„მთავარი ამოცანა და მთავარი მიზანი ამ ოპოზიციური ერთობის იყო და რჩება საარჩევნო სისტემის გაუმჯობესება. მნიშვნელოვანია, რომ ხელისუფლებამ ჩვენ უარი არ გვითხრას უკვე შეთანხმებულ მუხლებზე. ეს მნიშვნელოვანი ნაბიჯი იქნება იმისათვის, რომ წინაასაარჩევნოდ ვიცოდეთ – არჩევნები ტარდება ნორმალური სისტემით. ასევე ამ გაერთიანების ამოცანაა საარჩევნო გარემო, წინასაარჩევნო პერიოდი იყოს ნორმალური, ვერავინ შეძლოს ხმების მოპარვა, ვერც ხელისუფლებამ და ვერც რომელიმე ოპოზიციურმა პარტიამ“, – ამბობს ნინო ბურჯანაძე.

პარლამენტის ექს-სპიკერის თქმით, ამ პრინციპებით ჩატარებული არჩევნები გამორიცხავს რომელიმე პოლიტიკური ძალის აბსოლუტურ უპირატესობას ვინმეზე და ხელისუფლების უზურპაციას. 

53
კახა კალაძე

კალაძე: თბილისში ღია რესტორნებსა და კაფეებს დამატებითი შეღავათი მიეცათ

41
(განახლებულია 19:37 03.06.2020)
თბილისის მერი კახა კალაძე იმ შეღავათებზე საუბრობს, რაც კორონავირუსის პანდემიის დროს, შეზღუდვების სრულ მოხსნამდე ღია რესტორნებსა და კაფეებს ექნებათ.
კალაძე: თბილისში ღია რესტორნებსა და კაფე-ბარებს დამატებითი შეღავათი მიეცათ
„1 ივნისიდან გაიხსნა ღია კაფეები, თუმცა არის სპეციალური წესები – მათ მაგიდებს შორის უნდა იყოს დაცული დისტანცია, რის გამოც ისინი იმ რაოდენობით მაგიდებს ვერ განათავსებენ, რამდენსაც აქამდე ახერხებდნენ. ღია კაფეებს, რომლებიც განთავსებულია მუნიციპალურ სივრცეებში, შეზღუდვების მოხსნამდე, დროებით მივცემთ შესაძლებლობას, რომ გამოიყენონ მიმდებარე დამატებითი არსებული ფართები და მაგიდები განალაგონ ისე, როგორც არის მოთხოვნა“, – ამბობს კახა კალაძე.

თბილისის მერის თქმით, ამ დროებითი ღონისძიებით დაცული იქნება ყველა ადამიანის უსაფრთხოება, რომელიც ისარგებლებს რესტორნითა და კაფეთი.

41
პატარა თვითმფრინავი

როდის განახლდება შიდა ავიარეისები საქართველოში

0
(განახლებულია 09:36 04.06.2020)
საქართველოს მოსახლეობა შიდა ავიარეისებით, რომელთა შესრულება საგანგებო მდგომარეობის გამოცხადებისთანავე შეწყდა, თითქმის ორთვენახევარი ვერ სარგებლობდა

თბილისი, 4 ივნისი – Sputnik. კორონავირუსის პანდემიის გამო შეჩერებული შიდა ავიარეისები 15 ივნისს განახლდება, ინფორმაცია ამის შესახებ გამოაქვეყნა ქართულმა ტურისტულმა კომპანია Vanilla Sky–მ.

რომელი ქვეყნიდან ჩამოვლენ საქართველოში პირველი ტურისტები - შეთანხმება მიღწეულია>>

საქართველოში შიდა ტურიზმი 15 ივნისიდან აღდგება, ხოლო ქვეყანა მოგზაურებს უცხოეთიდან 1 ივლისიდან მიიღებს.

„Vanilla Sky 15 ივნისიდან აღადგენს შიდა რეისებს თბილისი-ბათუმის; ნატახტარი - მესტიას; ნატახტარი - ამბროლაურის მიმართულებით. სულ მალე შეგატყობინებთ ფრენების განრიგს“, – ნათქვამია განცხადებაში.

ავიაკომპანია Ak-Air Georgia–მ, რომელიც საქართველოში შიდა ავიარეისებს ასრულებს, ფრენები 22 მარტს საგანგებო რეჟიმის ამოქმედებასთან დაკავშირებით შეაჩერა.

საგანგებო მდგომარეობა საქართველოში 21 მარტს დაწესდა და 23 მაისამდე მოქმედებდა. შემდეგ დაიწყო შეზღუდვების ეტაპობრივად მოხსნა. ამჟამად მთავრობა შეზღუდვებს აჩქარებული ტემპით ხსნის.

შეზღუდვების მოხსნის გეგმა ექვსი პუნქტისგან შედგება, მაგრამ მისი რეალიზება ქვეყანაში ეპიდემიურ ვთარებაზეა დამოკიდებული. გეგმის მიხედვით შეზღუდვები საბოლოოდ 6 ივლისისთვის უნდა მოიხსნას. მანამდე კი ქვეყანაში აუცილებელია სამედიცინო პირბადის ტარება დახურულ საზოგადოებრივ ადგილებში.

0
თემები:
ავიამიმოსვლა საქართველოში