მარინა ეზუგბაია: ერთი კრიტიკული პაციენტი გვყავს, რომელსაც აქვს მძიმედ მიმდინარე პნევმონია

„გვაქვს 593 დადასტურებული შემთხვევა, გამოჯანმრთელებული 215 გვყავდა, დაგვემატა 8 და არის 223. ჩვენი ცენტრიდან უკვე 71 გამოჯანმრთელებული პაციენტია გაწერილი. ახალი პაციენტის ჯანმრთელობის მდგომარეობა ამ ეტაპზე საშუალოზე მსუბუქია, ვნახოთ, დინამიკა როგორი გვექნება. გვყავს კვლავ ერთი კრიტიკული პაციენტი, რომელსაც აქვს ძალიან მძიმედ მიმდინარე პნევმონია“, - აღნიშნა მარინა ეზუგბაიამ.

მარინა ეზუგბაიას განმარტებით, არსებული მკურნალობის ფონზე ჯერჯერობით კრიტიკულ მდგომარეობაში მყოფი პაციენტის ჯანმრთელობის მდგომარეობის სტაბილიზება ვერ ხერხდება.