ეზუგბაია: 28 პაციენტიდან რვას პნევმონია აქვს, აქედან ოთხს მძიმე, მაგრამ სტაბილური
„თბილისის ინფექციურ საავადმყოფოში კორონავირუსის დიაგნოზით მყოფი 28 პაციენტიდან რვას პნევმონია აქვს. აქედან ოთხი მძიმე პნევმონიით ფასდება, მაგრამ სტაბილური სიტუაციაა დაწყებული მკურნალობის ფონზე და ვიმედოვნებთ, პროგრესირება არ იქნება. ამ დონეზე თუ შეგვიჩერდება პროცესი, ეს ძალიან კარგი იქნება. ალბათ, გარკვეული პერიოდის შემდეგ დადგება გაუმჯობესება და გამოჯანმრთელებისგანაც შორს არ ვიქნებით. დანარჩენ ოთხ შემთხვევაში საშუალოზე მსუბუქი პნევმონიაა", – აღნიშნა მარინა ეზუგბაიამ.
მარინა ეზუგბაიას განმარტებით, საქართველოში კორონავირუსით ინფიცირების 33 შემთხვევაა დადასტურებული. აქედან 28 პაციენტი თბილისის ინფექციურ საავადმყოფოში იმყოფება.
