მიტროპოლიტი დანიელი

მიტროპოლიტი დანიელი: მამა პეტრე მონასტერში მოსანანიებლად გაიგზავნა

121
(განახლებულია 20:16 31.10.2019)
წმინდა სინოდის მდივანი, ჭიათურისა და საჩხერის მიტროპოლიტი დანიელი საუბრობს იმაზე, რატომ მიიღო წმინდა სინოდმა ჭყონდიდელი მიტროპოლიტი პეტრეს მღვდელმთავრობიდან გადაყენების გადაწყვეტილება.
მიტროპოლიტი დანიელი: მამა პეტრე მონასტერში მოსანანიებლად გაიგზავნა
„წმინდა სინოდმა ერთხმად მიმართა ჭყონდიდელ მიტროპოლიტ პეტრეს, რომ მას პატრიარქის არაერთგზის შეურაცხყოფის, დაუსაბუთებელი ბრალდებების და ხშირი ცილისწამებების გამო გამოეთქვა სინანული, რაზეც მან უარი განაცხადა და დაემუქრა ეკლესიას კვლავ მხილებით. რის გამოც მის მიმართ მიღებული იქნა შემდეგი გადაწყვეტილება: ჭყონდიდის მიტროპოლიტი პეტრე გათავისუფლდეს ეპარქიის მმართველობისგან, აეკრძალოს მღვდელმსახურება, გათავისუფლდეს წმინდა სინოდის წევრობიდან და გაიგზავნოს მონასტერში მოსანანიებლად“, – ამბობს მიტროპოლიტი დანიელი.

ჭყონდიდელი მიტროპოლიტი, მეუფე პეტრე მღვდელმთავრობიდან წმინდა სინოდმა დღეს გადააყენა. თავად მეუფე პეტრეს განცხადებით, აღნიშნულის მიზეზი ის გარემოება გახდა, რომ მან პატრიარქი ამხილა. 

121
მიკროფონი

ნარკოლოგი: ეს იწყება ბავშვობიდან, დაუშვებელია ბავშვს მისცე იმაზე მეტი თანხა, რაც სჭირდება

40
(განახლებულია 19:05 29.05.2020)
მოზარდებში თუ რა ფაქტორებმა შეიძლება გამოიწვიოს აზარტულ თამაშებზე დამოკიდებულება, ამის შესახებ ნარკოლოგი გური მენაბდიშვილი საუბრობს.
ნარკოლოგი: ეს იწყება ბავშვობიდან, დაუშვებელია ბავშვს მისცე იმაზე მეტი თანხა, რაც სჭირდება
„ეს ყველაფერი იწყება ბავშვობის ასაკში, როდესაც მშობელი ვერ აკონტროლებს თავის შვილს. არ შეიძლება ბავშვს ჰქონდეს თავისი ასაკისთვის შეუფერებელი რაოდენობის თანხა. არ შეიძლება ნებისმიერი ახირება შეუსრულოს ბავშვს მშობელმა. მაგალითად, თუ ჰყავს ველოსიპედი, არ შეიძლება მხოლოდ იმის გამო გამოვცვალოთ, რომ ფერი არ მოსწონს.  დაუშვებელია მისცეთ იმაზე მეტი თანხა, რაც შეიძლება მას დასჭირდეს“, – ამბობს გური მენაბდიშვილი.

ნარკოლოგის განცხადებით, აზარტულ თამაშებზე დამოკიდებული ადამიანის ვალების გადახდა მისი დახმარება არ არის. თუ მისი დახმარება გვინდა, უნდა ვუმკურნალოთ მას. სხვა შემთხვევაში ეს იქნება დათვური სამსახური.

40
კახა კალაძე

კალაძე: საზოგადოებრივ ტრანსპორტში მოძრაობის წესებს საპატრულო პოლიცია გააკონტროლებს

51
(განახლებულია 18:44 29.05.2020)
რა წესების დაცვა იქნება აუცილებელი საზოგადოებრივი ტრანსპორტით მგზავრობისას, ამის შესახებ თბილისის მერი კახა კალაძე საუბრობს.
კალაძე: საზოგადოებრივ ტრანსპორტში მოძრაობის წესებს საპატრულო პოლიცია გააკონტროლებს
„რაც შეეხება საზოგადოებრივ ტრანსპორტს, დღეიდან იწყებს მუშაობას. ყველა მოთხოვნა, რომელიც მოდის დარგის სპეციალისტების მხრიდან, შესრულდება. ვიდრე ავტობუსები ხაზზე გავლენ, სადეზინფექციო ხსნარებით დამუშავება ყოველდღიურ რეჟიმში მოხდება. გარდა ამისა, როგორც გვითხრეს, არ შეიძლება კონდიცირება მუშაობდეს, უნდა იყოს ფანჯრები ღია და ასე უნდა ნიავდებოდეს. ჩვენ ყველა მოთხოვნას დავიცავთ, რომელიც მოდის დარგის სპეციალისტების მხრიდან, და აუცილებლობაა პირბადით შესვლა როგორც მიკროავტობუსში, ასევე ავტობუსში და მეტროში“, – განაცხადა კახა კალაძემ.

თბილისის მერის განცხადებით, მიკროავტობუსებში ფეხზე დგომა იკრძალება. მეტროში და საზოგადოებრივ ტრანსპორტში მოძრაობის წესებს საპატრული პოლიცია გააკონტროლებს.

 

51
მედპერსონალი სომხეთის საავადმყოფოში

სომხეთმა ჩინეთში ვიზიტის შემდეგ მოქალაქეებს ფასიანი კარანტინი დაუწესა

0
(განახლებულია 15:01 30.05.2020)
სომხეთში COVID-19-ით ინფიცირებულთა რაოდენობა 8 927-მდე გაიზარდა. გასულ დღე-ღამეში 251 ახალი შემთხვევა გამოვლინდა, 7 ადამიანი გარდაიცვალა

თბილისი, 30 მაისი – Sputnik. სომხეთის საგარეო საქმეთა სამინისტრო მოუწოდებს მოქალაქეებს მოუწოდებს ჩინეთში მოგზაურობა მხოლოდ გადაუდებელ შემთხვევაში დაგეგმონ, იუწყება Sputnik-სომხეთი.

სომხეთში ბავშვთა სახლის ცხრა აღსაზრდელს კორონავირუსი დაუდგინდა >>

საგარეო საქმეთა სამინისტროში შეახსენეს მოქალაქეებს, რომ 31 მაისს იწურება იმ შეთანხმების შეჩერების ვადა, რომელიც სომხეთსა და ჩინეთს შორის უვიზო რეჟიმს გულისხმობს. 1 ივნისიდან სომხეთის მოქალაქეები ჩინეთში შიდა პასპორტებით გამგზავრებას შეძლებენ.

„თუ მოქალაქეები მაინც გადაწყვეტენ ჩინეთში გამგზავრებას, მათ ჯანმრთელობის მდგომარეობის შესახებ ბლანკის შევსება და საკუთარი ხარჯებით კარანტინის გავლა მოუწევთ“, - ნათქვამია სომხეთის საგარეო უწყების განცხადებაში.

რაც შეეხება ვითარებას სომხეთში, ამ ქვეყანაში COVID-19-ით ინფიცირებულთა რაოდენობა 8 927-მდე გაიზარდა. გასულ დღე-ღამეში 251 ახალი შემთხვევა გამოვლინდა.

კორონავირუსით გამოწვეული გართულებების გამო გარდაიცვალა 127 ადამიანი, აქედან 7 გასულ დღე-ღამეში დაიღუპა. კორონავირუსის ინფექციის მქონე პაციენტების რაოდენობა, რომლებიც სხვა მიზეზებით დაიღუპნენ - 48 (გასულ დღე-ღამეში - 1).

ბოლო მონაცემებით, კორონავირუსი 3 317-მა ადამიანმა დაამარცხა. სტაციონარებში 5 435 პაციენტი მკურნალობს. ქვეყანაში სულ 57 081 ტესტი ჩატარდა.

სომხეთში 16 მარტიდან მოქმედებს საგანგებო მდგომარეობის რეჟიმი, რომელიც 13 ივნისამდე გაგრძელდა. 18 მაისიდან სომხეთში საზოგადოებრივი ტრანსპორტი ამუშავდა, მგზავრებმა აუცილებლად უნდა ატარონ პირბადეები და ხელთათმანები. გაიხსნა სავაჭრო ცენტრები, მოლები, მთლიანად მოიხსნა აკრძალვა საზოგადოებრივი კვების ობიექტების მუშაობაზე, რომლებსაც მანამდე მხოლოდ ღია ცის ქვეშ მუშაობის უფლება ჰქონდათ.

0
თემები:
COVID-19-ის პანდემია მსოფლიოში