Микрофон в мультимедийном пресс-центре Sputnik Грузия

ლილიკო ნემსაძე: მუსიკალურად ვეფერებოდი და ვუხსნიდი სიყვარულს იმ მომღერალს, რომელსაც...

75
(განახლებულია 08:34 07.09.2019)
ლილიკო ნემსაძე იხსენებს ბავშვობას და შემოქმედებითი ცხოვრების დაწყების დროს, იმ მომღერლებს, ვისთვისაც პირველად დაწერა სიმღერები.
ლილიკო ნემსაძე: მუსიკალურად ვეფერებოდი და ვუხსნიდი სიყვარულს იმ მომღერალს, რომელსაც...

„არასოდეს მინდოდა ორი პროფესია: ექიმობა და მუსიკოსობა, დანარჩენ სხვა პროფესიებზე ასე თუ ისე უფრო ვფიქრობდი, მუსიკოსობაზე ყველაზე ნაკლებად. ჩემს ცხოვრებაში რაღაცეები ძალიან სწრაფად მოხდა. მაშინ უნივერსიტეტში ვაბარებდი და ვერ მოვხვდი, ქულები დამაკლდა. მერე გადავწყვიტე, რომ კონსერვატორიაში ჩამებარებინა, სადაც აღმოჩნდა, რომ ძალიან რთული პროგრამა იყო ჩასაბარებელი. მე მაინც ვცადე, საგუნდო-სადირიჟოროზე, ვიფიქრე, ვცდი მეთქი, თუ ჩავაბარებ- ჩავაბარებ,“- ამბობს ლილიკო ნემსაძე სატელევიზიო გადაცემაში.

კომპოზიტორი ლილიკო ნემსაძე იხსენებს, რომ მის ოჯახში სიმღერა სულ იყო, ბიძაშვილებთან ერთად ხმებში მღეროდა ხოლმე, თუმცა მუსიკა შემოსავლის წყარო თუ გახდებოდა, ამაზე არასოდეს უფიქრია. საგუნდო მუსიკის წერა მეორე კურსზე ყოფნის დროს დაიწყო.

75
მაია ეზუგბაია

მარინა ეზუგბაია: კორონავირუსის სამი ახალი შემთხვევიდან ორის წყაროს მოძიება გრძელდება

47
(განახლებულია 13:53 16.07.2020)
თბილისის ინფექციური საავადმყოფოს სამედიცინო დირექტორი, მარინა ეზუგბაია ბოლო 24 საათში საქართველოში გამოვლენილი კორონავურუსის შემთხვევებზე საუბრობს
მარინა ეზუგბაია: კორონავირუსის სამი ახალი შემთხვევიდან ორის წყაროს მოძიება გრძელდება
„დღევანდელი მონაცემებით, სამი ახალი შემთხვევა გვაქვს და ჯამში დადასტურებული შემთხვევების რაოდენობა ქვეყანაში 1006-ს შეადგენს. გამოჯანმრთელებულები ათით გაიზარდა და გახდა 883. სამი ახალი შემთხვევიდან ერთი არის შემოტანილი შემთხვევა, კვლავ ავტომობილის მძღოლია. ორ შემთხვევაზე გრძელდება ღრმა ეპიდემიოლოგიური კვლევით წყაროს მოძიება. ჩვენი ცენტრის მონაცემებით, გუშინ გვყავდა 26 დადასტურებული პაციენტი, აქედან სამი გამოჯანმრთელდა, ორი პაციენტი გადაყვანილ იქნა თავის ქვეყანაში. ჩვენ გვყავდა თურქეთიდან სატვირთო ავტომანქანის მძღოლები, რომელთა მდგომარეობა დამაკმაყოფილებელი იყო, პროგრესირება არ შეინიშნებოდა და გადაყვანილი იქნენ თავის ქვეყანაში. ჩვენთან ახლა 21 დადასტურებული შემთხვევაა, მათი მდგომარეობა სტაბილური და უცვლელია“ - განაცხადა მარინა ეზიგბაიამ.

მარინა ეზუგბაიას განმარტებით, გამოჯანმრთელებულთა რაოდნეობა 87.7  პროცენტს შეადგენს, ხოლო კოვიდ-ცენტრებში ამ ეტაპზე 136 დადასტურებული პაციენტი მკურნალობს.

47
გიორგი გახარია

გახარია: ეკონომიკაში პოზიტიური ნიშნები გამოჩნდა, ტურიზმში აქტივობები გაზრდილია

50
(განახლებულია 16:00 16.07.2020)
საქართველოს პრემიერ-მინისტრმა გიორგი გახარიამ მთავრობის დღევანდელი სხდომა ეკონომიკის საკითხებზე საუბრით დაიწყო.
გახარია: ეკონომიკაში პოზიტიური ნიშნები გამოჩნდა, ტურიზმში აქტივობები გაზრდილია
„დღეს აშკარაა, რომ ამ სტაბილიზაციისთვის მთავრობა, სამინისტროები უნდა მოვემზადოთ. გარკვეული პოზიტიური ნიშნები ჩვენს ეკონომიკაში უკვე გამოჩნდა და ტურისტული სექტორის მიღმა აქტივობები აშკარად არის გაზრდილი. ასევე ფინანსურ სექტორში მაჩვენებლებიც არის საკმაოდ პოზიტიური საგადასახადო შემოსავლების თვალსაზრისით, მიმდინარე ანგარიშის ბალანსის თვალსაზრისით. ეს ყველაფერი არის მხოლოდ და მხოლოდ იმის შედეგი, რომ ჩვენ, ქვეყანამ ჩვენს მოქალაქეებთან ერთად მოვახერხეთ და დღესაც ვახერხებთ ვირუსის ეფექტურ მართვას, ეს არის გასაღები შემდგომი ეკონომიკური სწრაფი აღდგენის და ეფექტური აღდგენის“, – განაცხადა გიორგი გახარიამ.

პრემიერ-მინისტრის განმარტებით, მოქალაქეების ჯანმრთელობა, ვირუსის გავრცელების რისკების ეფექტიანი მართვა არის ერთადერთი და უპირველესი პირობა, რათა ეკონომიკის სწრაფ აღდგენაზე იყოს ლაპარაკი.

50
უშგული

მაღალმთიანი დასახლების სტატუსი კიდევ 59 სოფელს მიენიჭა

0
(განახლებულია 16:38 16.07.2020)
მაღალმთიანი დასახლების სტატუსი საქართველოს თითქმის 1,8 ათას დასახლებას აქვს მინიჭებული. ამ ადგილების მოსახლეობა განსაკუთრებული შეღავათებით სარგებლობს

თბილისი, 16 ივლისი – Sputnik. „მაღალმთიანი რეგიონების განვითარების შესახებ“ კანონის მიღების ხუთ წლისთავთან დაკავშირებით საქართველოს კიდევ 59 დასახლებას მაღალმთიანის სტატუსი მიენიჭა, განაცხადა მთავრობის სხდომაზე საქართველოს პრემიერ–მინისტრმა გიორგი გახარიამ.

საქართველოს მთავრობამ ხუთი წლის წინ პრიორიტეტად დაისახა მთის განვითარება და მიიღო კანონი „მაღალმთიანი რეგიონების განვითარების შესახებ“. რეგიონების დასახმარებლად 2015 წელს შეიქმნა „მთის ეროვნული საბჭო“ და „მაღალმთიანი დასახლებების განვითარების ფონდი“. მისი ბიუჯეტი 2016–2020 წლებში 86 მლნ ლარს შეადგენდა. ხელისუფლებამ მაღალმთიან რაიონებში ცხოვრების დონის ამაღლებისა და ეკონომიკური საქმიანობის წახალისების მიზნით სოციალური და საგადასახადო შეღავათები დააწესა.

„ფაქტობრივად გამოდის, რომ 246 ათას ჩვენს მოქალაქეს, რომელიც ამ სტატუსით უკვე სარგებლობს, მიემატება 26 ათასი მოქალაქე. ხაზგასმით მინდა აღვნიშნო, რომ მათ შორის იქნება დუშეთისა და გორის მუნიციპალიტეტებში 19 დასახლებული პუნქტი... კიდევ ერთი ძველი თემა – გურიაში, გომის მთა ასევე მიიღებს სტატუსს. სამართლიანობა აღდგება“, – განაცხადა პრემიერმა.

გომის მთა ოზურგეთის მუნიციპალიტეტში მდებარეობს. განთავსებულია ზღვის დონიდან 2100–2700 მეტრ სიმაღლეზე. ის დასახლება ამა წლის მაისში გახდა, რის შემდეგაც გახდა შესაძლებელი, რომ მას მაღალმთიანი დასახლების სტატუსი მიენიჭოს.

საქართველოში ოთხი მუნიციპალიტეტია, სადაც მოსახლეობის 80%–ზე მეტი მაღალმთიანი დასახლების სტატუსით სარგებლობს. თიანეთის, დმანისის, ასპინძისა და დუშეთის მუნიციპალიტეტების 39 დასახლება 800 მეტრზე მაღლა მდებარეობს ზღვის დონიდან, მაგრამ მათ მაღალმთიანი დასახლების სტატუსი მიიღეს. მათ შორისაა ერთი ადმინისტრაციული ცენტრი, რომელიც ზღვის დონიდან 100 მეტრს ზემოთ მდებარეობს.

ამჟამად მაღალმთიანი დასახლების სტატუსი საქართველოში მინიჭებული აქვს თითქმის 1,8 ათას დასახლებულ პუნქტს, რომელთა მოსახლეობა განსაკუთრებული შეღავათებით სარგებლობს, მათ შორის, მომატებული პენსიებით, სოციალური დახმარებებით, კომუნალურ მომსახურებაზე შეღავათიანი ტარიფებით. ასევე შეღავათებით გადასახადებზე სარგებლობს 424 საწარმო.

ხუთი წლის განმავლობაში, კანონის მიღებიდან დღემდე, სოციალური შეღავათებით სარგებლობს თითქმის 237,2 ათასი ბენეფიციარი, რაზეც გამოყოფილია 224,6 მლნ ლარზე მეტი.

გარდა ამისა, „მთის განვითარების ფონდისთვის" 2016 წლიდან გამოყოფილია 106 მლნ ლარი, აქედან დაახლოებით 50 მლნ დაიხარჯა ინფრასტრუქტურულ პროექტებზე; 2,9 მლნ ლარზე მეტი დაიხარჯა მზის პანელების შესყიდვასა და მონტაჟზე 207 ოჯახისთვის იმ სოფლებში, რომლებსაც ელექტროენერგია არ მიეწოდებოდა. 2,5 მლნ ლარით დაფინანსდა მაღალმთიან დასახლებებში სკოლა–პანსიონების მშენებლობა და რემონტი.

საქართველოს მაღალმთიანი რეგიონების განვითარებაში დაეხმარებიან>>

მაღალმთიანად ითვლება დასახლება, რომელიც ზღვის დონიდან 1,5 ათას მეტრ მდებარეობს. გამონაკლის შემთხვევებში, რელიეფის, ბუნებრივი და დემოგრაფიული პირობების გათვალისწინებით, ეს სტატუსი შეიძლება ზღვის დონიდან 800 მეტრს სიმაღლეზე და ზევით მდებარე დასახლებამაც მიიღოს.

0
თემები:
სოციალური სფერო საქართველოში