მიკროფონი

თინა ჩიქვანაია: ხვალ WinExpo Georgia 2019 იწყება

13
(განახლებულია 20:22 12.06.2019)
პროექტის მენეჯერი თინა ჩიქვანაია ღვინისა და ალკოჰოლური სასმელების მე-12 საერთაშორისო გამოფენაზე საუბრობს.
თინა ჩიქვანაია: ხვალ WinExpo Georgia 2019 იწყება

„ღვინისა და ალკოჰოლური სასმელების საერთაშორისო გამოფენა 13-15 ივნისს საერთაშორისო საგამოფენო ცენტრ „ექსპო ჯორჯიაში“ გაიმართება. WinExpo Georgia 2019 არის შესანიშნავი შესაძლებლობა მათთვის, ვისაც სურს დააგემოვნოს საუკეთესო ღვინო და ალკოჰოლური სასმელები, შეხვდეს მეღვინეებს, გაეცნოს დარგის სიახლეებს, გაეცნოს ინოვაციებს და მრეწველობის განვითარების ტენდენციებს“, – აღნიშნა თინა ჩიქვანაიამ.

პროექტის მენეჯერის თქმით, გამოფენის მონაწილეთა მიერ წარმოდგენილი იქნება ღვინო და ალკოჰოლური სასმელები; ინგრედიენტები და დანამატები; შეფუთვა და შესაფუთი მასალები; სასუქები; მევენახეობა-მეღვინეობის მანქანა-დანადგარები; სანერგეები და აქსესუარები.

13
მაია ეზუგბაია

მარინა ეზუგბაია: კორონავირუსის სამი ახალი შემთხვევიდან ორის წყაროს მოძიება გრძელდება

49
(განახლებულია 13:53 16.07.2020)
თბილისის ინფექციური საავადმყოფოს სამედიცინო დირექტორი, მარინა ეზუგბაია ბოლო 24 საათში საქართველოში გამოვლენილი კორონავურუსის შემთხვევებზე საუბრობს
მარინა ეზუგბაია: კორონავირუსის სამი ახალი შემთხვევიდან ორის წყაროს მოძიება გრძელდება
„დღევანდელი მონაცემებით, სამი ახალი შემთხვევა გვაქვს და ჯამში დადასტურებული შემთხვევების რაოდენობა ქვეყანაში 1006-ს შეადგენს. გამოჯანმრთელებულები ათით გაიზარდა და გახდა 883. სამი ახალი შემთხვევიდან ერთი არის შემოტანილი შემთხვევა, კვლავ ავტომობილის მძღოლია. ორ შემთხვევაზე გრძელდება ღრმა ეპიდემიოლოგიური კვლევით წყაროს მოძიება. ჩვენი ცენტრის მონაცემებით, გუშინ გვყავდა 26 დადასტურებული პაციენტი, აქედან სამი გამოჯანმრთელდა, ორი პაციენტი გადაყვანილ იქნა თავის ქვეყანაში. ჩვენ გვყავდა თურქეთიდან სატვირთო ავტომანქანის მძღოლები, რომელთა მდგომარეობა დამაკმაყოფილებელი იყო, პროგრესირება არ შეინიშნებოდა და გადაყვანილი იქნენ თავის ქვეყანაში. ჩვენთან ახლა 21 დადასტურებული შემთხვევაა, მათი მდგომარეობა სტაბილური და უცვლელია“ - განაცხადა მარინა ეზიგბაიამ.

მარინა ეზუგბაიას განმარტებით, გამოჯანმრთელებულთა რაოდნეობა 87.7  პროცენტს შეადგენს, ხოლო კოვიდ-ცენტრებში ამ ეტაპზე 136 დადასტურებული პაციენტი მკურნალობს.

49
გიორგი გახარია

გახარია: ეკონომიკაში პოზიტიური ნიშნები გამოჩნდა, ტურიზმში აქტივობები გაზრდილია

55
(განახლებულია 16:00 16.07.2020)
საქართველოს პრემიერ-მინისტრმა გიორგი გახარიამ მთავრობის დღევანდელი სხდომა ეკონომიკის საკითხებზე საუბრით დაიწყო.
გახარია: ეკონომიკაში პოზიტიური ნიშნები გამოჩნდა, ტურიზმში აქტივობები გაზრდილია
„დღეს აშკარაა, რომ ამ სტაბილიზაციისთვის მთავრობა, სამინისტროები უნდა მოვემზადოთ. გარკვეული პოზიტიური ნიშნები ჩვენს ეკონომიკაში უკვე გამოჩნდა და ტურისტული სექტორის მიღმა აქტივობები აშკარად არის გაზრდილი. ასევე ფინანსურ სექტორში მაჩვენებლებიც არის საკმაოდ პოზიტიური საგადასახადო შემოსავლების თვალსაზრისით, მიმდინარე ანგარიშის ბალანსის თვალსაზრისით. ეს ყველაფერი არის მხოლოდ და მხოლოდ იმის შედეგი, რომ ჩვენ, ქვეყანამ ჩვენს მოქალაქეებთან ერთად მოვახერხეთ და დღესაც ვახერხებთ ვირუსის ეფექტურ მართვას, ეს არის გასაღები შემდგომი ეკონომიკური სწრაფი აღდგენის და ეფექტური აღდგენის“, – განაცხადა გიორგი გახარიამ.

პრემიერ-მინისტრის განმარტებით, მოქალაქეების ჯანმრთელობა, ვირუსის გავრცელების რისკების ეფექტიანი მართვა არის ერთადერთი და უპირველესი პირობა, რათა ეკონომიკის სწრაფ აღდგენაზე იყოს ლაპარაკი.

55
გაზქურა

ავარია გაზსადენზე: თბილისელების ნაწილი ბუნებრივი აირის გარეშე დარჩა

0
(განახლებულია 17:30 16.07.2020)
ავარიის მიზეზი კახეთის გზატკეცილზე მიმდინარე საგზაო სამუშაოები გახდა, რომლის დროსაც მაგისტრალური გაზსადენი დაზიანდა

თბილისი, 16 ივლისი – Sputnik. თბილისში მაგისტრალური გაზსადენის ერთ–ერთ მონაკვეთზე ავარიის გამო მოსახლეობის ნაწილი – დაახლოებით 6 ათასი აბონენტი ისნის რაიონში გაზის გარეშე დარჩა, იუწყება დედაქალაქის გაზგამანაწილებელი კომპანია Tbilisi Energy–ს პრეს–სამსახური.

კომპანიის ინფორმაციით, სარემონტო სამუშაოების დროს კახეთის გზატკეცილზე ერთ–ერთმა სამშენებლო კომპანიამ საშუალო წნევის გაზსადენი დააზიანა.

Tbilisi Energy–ს სპეციალისტები დაზიანებული მონაკვეთის აღდგენისთვის სრულ მზადყოფნაში იყვნენ და სამუშაოებს დაუყოვნებლივ შეუდგნენ.

ბუნებრივი აირის ეტაპობრივად აღდგენა დღეს 17:00 საათზე დაიწყო და დღის ბოლომდე დასრულდება.

კომპანია Tbilisi Energy მიყენებული დისკომფორტისთვის მოქალაქეებს ბოდიშს უხდის.

0
თემები:
შემთხვევები საქართველოში