საქართველოს ფინანსთა მინისტრი მამუკა ბახტაძე

რატომ გადაუხადა ფინანსთა მინისტრმა მადლობა მებაჟეებს

34
(განახლებულია 15:21 14.05.2018)
საქართველოს ფინანსთა მინისტრი მამუკა ბახტაძე იმ მებაჟე ოფიცრებს შეხვდა, რომლებმაც წლის დასაწყისიდან ქვეყნის საბაჟო-გამშვებ პუნქტებზე განსაკუთრებით დიდი ოდენობით ნარკოტიკული საშუალებების შემოტანის არაერთი ფაქტი აღკვეთეს.

„ჩვენმა მებაჟე ოფიცრებმა ერთ-ერთ საბაჟო გამშვებ პუნქტზე საქართველოში ნარკოტიკული ნივთიერების ერთ-ერთი ყველაზე დიდი პარტიის შემოტანის მცდელობა გამოავლინეს. ეს ნათლად მიუთითებს, ერთი მხრივ, იმ გამოწვევებზე, რაც საქართველოს აქვს, მაგრამ, მეორე მხრივ, იმ პროფესიონალიზმის ძალიან მაღალ სტანდარტზე, რომელიც არის ჩვენ უწყებებში“, — განაცხადა მამუკა ბახტაძემ.

შეხვედრის დასრულების შემდეგ განსაკუთრებული სირთულის დავალების შესრულებისთვის მებაჟე ოფიცრებს ფინანსთა მინისტრმა მამუკა ბახტაძემ მადლობის სიგელები გადასცა.

34