ქურციკიძე: ხშირი იყო მასწავლებლების მხრიდან უხეში მოპყრობა და შეურაცხმყოფელი გამოთქმები
„გაეროს ბავშვთა ფონდის დახმარებით სახალხო დამცველის აპარატმა ჩაატარა კვლევა. საქართველოს მასშტაბით 109 ზოგადსაგანმანათლებლო დაწესებულება შემოწმდა. გამოიკითხა 1800-მდე მოსწავლე. უმეტესად ისინი ასახელებდნენ სხვადასხვა ტიპის შეურაცხყოფებს მასწავლებლების მხრიდან. ხშირი იყო ღირსების შემლახავი და არასათანადო მოპყრობები, რაც სრულიად დაუშვებელია“, – განაცხადა მაია ქურციკიძემ.
ქურციკიძის თქმით, ასევე დაფიქსირდა თანატოლებს შორის ძალადობის ფაქტები. მან მიუთითა, რომ პედაგოგები კარგად უნდა აცნობიერებდნენ, რომ დაუშვებელია მათი მხრიდან შეურაცხმყოფელი გამოთქმები და უხეში სიტყვებით მიმართვა.