გია დავითაშვილი: მთელი ცხოვრება საუკეთესო პედაგოგები მყავდა

„რთული დრო იყო და მადლობა მინდა გადავუხადო მშობლებს, რომ რეპეტიციას ერთი კაციც არასოდეს აკლდა“, – განუცხადა „Sputnik-საქართველოს“ გია დავითაშვილმა.

გია დავითაშვილი — ქორეოგრაფი, სკოლა-სტუდია „პატარა ვირტუოზების“ დამაარსებელი, რომელიც საქართველოში 1993 წლიდან არსებობს. „პატარა ვირტუოზებმა“ არსებობის 24 წლის მანძილზე 43 ქვეყანა მოიარეს და 1260-ზე მეტი კონცერტი გამართეს. სტუდიას დაარსების დღიდან უამრავ ფესტივალზე აქვს ჯილდო მიღებული. ამგვარი აქტიური საკონცერტო მოღვაწეობის გამო მას “საქართველოს კულტურის დესპანის“ წოდება მიანიჭეს.