თენგიზ მალანია: თბილისში კინომოყვარულთა საერთაშორისო ფესტივალი ნოემბერში ჩატარდება
„ამ ფესტივალს თბილისის მოსწავლე- ახალგაზრდობის სასახლესთან არსებული კინოსტუდია „პიონერფილმი“ ატარებს“, — განუცხადა „Sputnik- საქართველოს“ თენგიზ მალანიამ.
თენგიზ მალანია სახელმწიფო უნივერსიტეტის კინო-სასცენარო ექსპერიმენტული ფაკულტეტის პირველი გამოშვებისა და პეტერბურგის თეატრის, მუსიკისა და კინემატოგრაფიის სახელმწიფო ინსტიტუტის კურსდამთავრებულია.
იგი კინოაკადემიის წევრია და მისი სახელი რუსულენოვან ენციკლოპედიაშია შესული. თენგიზ მალანია 1975 წლიდან საქართველოში ყველაზე ახალგაზრდა დიპლომირებული კინორეჟისორი იყო. იგი 40-მდე სხვადასხვა ფილმის ავტორია. გარდა ამისა, მონაწილეობდა რამდენიმე საერთაშორისო კინოფესტივალში, მათ შორის, ნიუ-იორკში.
