ჭილაია: ილია ჭავჭავაძე თვითონ უვლიდა, ეფერებოდა ყველა ხეს და ბუჩქს
„ძალიან ელამაზებოდა ეს ადგილი ილია ჭავჭავაძეს. თვითონ უვლიდა, ეფერებოდა ყველა ხეს, ბუჩქს და აქ ყოფნით ძალიან დიდ შვებას იღებდა“, – ამბობს რამაზ ჭილაია.
მწერლის, პუბლიცისტისა და საზოგადო მოღვაწის ილია ჭავჭავაძის საგურამოს სახელმწიფო მუზეუმი 1951 წელს დაარსდა პოეტისა და მეცნიერის გიორგი ლეონიძის ინიციატივით. სახლი, რომელშიც მუზეუმია განთავსებული, 1895 წელს აშენდა ილია ჭავჭავაძის მიერ მისი მეუღლის ოლღა გურამიშვილის მზითევში მიღებულ მამულში.
