SputnikPro-ს საგანმანათლებლო პროექტი

SputnikPro: საქართველოში პროექტის მორიგი მოდული სოციალურ ჟურნალისტიკას ეძღვნება

63
(განახლებულია 10:18 18.04.2019)
SputnikPro-ს პროექტის ფარგლებში რუსი ჟურნალისტები ქართველ კოლეგებთან მასმედიაში სოციალური თემატიკის შესახებ ისაუბრებენ.

თბილისი, 18 აპრილი — Sputnik. საერთაშორისო საინფორმაციო სააგენტო და რადიო Sputnik-ი ქართული მასმედიის წარმომადგენლებისთვის SputnikPro-ს ახალ მოდულს იწყებს. მონაწილეებს იწვევენ დისკუსიაზე სოციალური ჟურნალისტიკისა და საზოგადოებაში რეალურ ცვლილებებზე გავლენის თემაზე გამოცდილების გაზიარებისთვის.

Проект SputnikPro Социальная журналистика
© Sputnik / Vladimir Umikashvili.
SputnikPro-ს საგანმანათლებლო პროექტი

SputnikPro: იმისათვის, რომ კარგი ტექსტი არ „მოკვდეს“, სწორად უნდა მიაწოდო>>>

ღონისძიება „Sputnik–საქართველოს" მულტიმედიურ პრეს-ცენტრში ხუთშაბათს გაიმართება. ღონისძიების სპიკერები იქნებიან საინფორმაციო სააგენტო „როსია სეგოდნიას" სპეციალისტები, პროექტ „წლის ეკოლოგიის" და „წლის მოხალისის" ხელმძღვანელები, 2017-2018 წლებში Рунет-ის პრემიის ლაურეატები:

– მარია ფერსმანი: „სოციალური ჟურნალისტიკა – მოდური ტრენდი და ახალი პროფესია";

– ელენა ისაიკინა: „მკითხველთან თავად მასზე საუბარი. როგორ ვწეროთ სოციალურ თემებზე".

მარია ფერსმანი: „მოხარული ვარ, რომ პროექტ SputnikPro-ს ფარგლებში ქართველ ჟურნალისტებს შევხვდები. ეს შესანიშნავი შესაძლებლობაა საკუთარი გამოცდილების გაზიარებისა და იმის გაგებისთვის, თუ როგორ მუშაობენ ქართული მასმედიის წარმომადგენლები რთულ სოციალურ თემებზე. დღეს ჟურნალისტი, რომელიც სოციალურ თემებზე წერს, საზოგადოებაში დიდ როლს ასრულებს და ფაქტობრივად პროფესიის საზღვრებს სცილდება, რადგან მუშაობს მათთან, ვისაც დახმარება სჭირდება".

Мария Ферсман - Проект SputnikPro Социальная журналистика
© Sputnik / Vladimir Umikashvili.
SputnikPro-ს საგანმანათლებლო პროექტის სპიკერი მარია ფერსმანი

ელენა ისაიკინა: „სოციალურმა ჟურნალისტიკამ რამდენიმე წლის წინ დაიწყო ფორმირება, როცა მასმედია კონკრეტული ადამიანების პრობლემებითა და მათი გადაჭრის საკითხით დაინტერესდა. რა არის სოციალური ჟურნალისტიკა – „შავი", „ყვითელი" ან კორექტულობა და კონსტრუქციულობა? პასუხისმგებლიანმა მასმედიამ უნდა იპოვოს ზუსტი პასუხი ამ კითხვაზე და თამაშის ერთიანი წესები გამოიმუშავოს".

Елена Исайкина - Проект SputnikPro Социальная журналистика
© Sputnik / Vladimir Umikashvili.
SputnikPro-ს საგანმანათლებლო პროექტის სპიკერი ელენა ისაიკინა

SputnikPro – ეს არის საერთაშორისო საინფორმაციო სააგენტო და რადიო Sputnik-ის პროექტი ჟურნალისტების, სტუდენტების, პროფილური უმაღლესი დაწესებულებების, პრეს-სამსახურების თანამშრომლებისა და მედიასფეროს სხვა სპეციალისტებისთვის, რომელიც მიმართულია უცხოელი კოლეგების გამოცდილების გაზიარებაზე, მედიაკომუნიკაციისა და პროფესიონალური კავშირების განვითარებისკენ. პროექტის არსებობის განმავლობაში სხვადასხვა ფორმატებში მასში 80-ზე მეტი ქვეყნის წარმომადგენელმა მიიღო მონაწილეობა. მასტერ-კლასები უკვე ჩატარდა აზერბაიჯანში, სომხეთში, ბელარუსში, საბერძნეთში, საქართველოში, ინდოეთში, ყირგიზეთში, თურქეთსა და ესტონეთში. საქართველოში SputnikPro მეხუთედ ტარდება.

Проект SputnikPro Социальная журналистика
© Sputnik / Vladimir Umikashvili.
SputnikPro-ს საგანმანათლებლო პროექტი

Sputnik-ი ერთ–ერთი ყველაზე მსხვილი საერთაშორისო მედიასაშუალებაა, რომელიც აერთიანებს ცალკეული ქვეყნებისა და რეგიონულ მულტიმედიურ ინტერნეტ–საიტებს 32 ენაზე, ანალოგურ და ციფრულ რადიომაუწყებლობას რუსულ, ინგლისურ, ფრანგულ და სხვა ენებზე მსოფლიოს 90-ზე მეტ ქალაქსა და ინტერნეტში. Sputnik-ი 24-საათიან რეჟიმში მთელი მსოფლიოს მასშტაბით წამყვან გამოცემებს გადასცემს ახალ ამბებს ინგლისურ, არაბულ, ესპანურ, ჩინურ და სპარსულ ენებზე. Sputnik-ის საინფორმაციო რესურსების აუდიტორია თვეში 60 მილიონზე მეტ მომხმარებელს შეადგენს, Sputnik China-ს აკაუნტის ხელმომწერთა რაოდენობა „ვეიბოში" 10 მილიონს აჭარბებს. მთელ მსოფლიოში ტოკიოდან მონტევიდეომდე 22 სარედაქციო ცენტრში ათობით ეროვნების ათასზე მეტი ადამიანი მუშაობს. Sputnik-ი შედის მედიაჯგუფ Россия сегодня-ში. Sputnik-ის სათავო ოფისი მოსკოვში მდებარეობს.

Проект SputnikPro Социальная журналистика
© Sputnik / Vladimir Umikashvili.
SputnikPro-ს საგანმანათლებლო პროექტი

პოსტსაბჭოთა სივრცეში მუშაობის პერიოდში Sputnik-ის ვებ-გვერდებმა კონტენტის მიწოდების ტექნოლოგიური ფორმატებისა და ახალი ტექნოლოგიების წყალობით ადგილობრივ საინფორმაციო საშუალებებს შორის ლიდერი პოზიციები დაიკავა.

უცხოეთის თითოეულ ქვეყანაში Sputnik-ის ვებ-გვერდები ეროვნულ და რუსულ ენაზეა წარმოდგენილი, ისინი მკითხველს ასევე აწვდიან მრავალფეროვან მულტიმედიურ კონტენტს: ინფოგრაფიკას, ვიდეოს, ფოტორეპორტაჟებს, ონლაინ-ეთერებს და ა.შ. ოპერატიულ ახალ ამბებთან ერთად Sputnik-ი აქვეყნებს ანალიტიკურ მასალებსა და ექსკლუზიურ ინტერვიუებს.

 

63
COVID-19-თან ბრძოლის საინფორმაციო ცენტრის ოფიციალური წარმომადგენელი, მოსკოვის №71 კლინიკური საავადმყოფოს მთავარი ექიმი ალექსანდრ მიასნიკოვი.

ბრძოლა კორონავირუსთან: კარანტინის შედეგები და დსთ-ის ქვეყნების გამოცდილება

14
(განახლებულია 00:14 02.06.2020)
სამშაბათს, 2 ივნისს, 12:00 საათზე გაიმართება ონლაინ პრეს-კონფერენცია თემაზე „ბრძოლა კორონავირუსთან: კარანტინის შედეგები და დსთ-ის ქვეყნების გამოცდილება“.

პრესკონფერენციის ფორმატში ჟურნალისტების კითხვებს უპასუხებს COVID-19-თან ბრძოლის საინფორმაციო ცენტრის ოფიციალური წარმომადგენელი, მოსკოვის №71 კლინიკური საავადმყოფოს მთავარი ექიმი ალექსანდრ მიასნიკოვი.

იქნება განხილული აქტუალური საკითხები, რომელიც უკავშირდება კორონავირუსის პანდემიას, მათ შორის რუსეთში და სსრკ-ის ყოფილ წევრ ქვეყნებში კორონავირუსისგან დაბალი სიკვდილიანობის „რუსულ სასწაულს“, ასევე პანდემიასთან ბრძოლაში დსთ-ის ქვეყნების მიერ მიღებული ერთობლივი ზომების ეფექტურობას, პროფილაქტიკის და მომავალი ვაქცინაციის საკითხებს.

ვიწვევთ მედიის წარმომადგენლებს მიიღონ ონლაინ-მონაწილეობა შეხვედრაში, რომელიც გაიმართება სამშაბათს, 2 ივნისს, 12:00 საათზე Sputnik-ის Youtube-ის არხზე.

14
რუსები საქართველოში

„ძაფი, რომელიც საქართველოს რუსულ კულტურასთან აკავშირებს“ - ახალი წიგნების სერია გამოიცა

17
(განახლებულია 22:51 11.03.2020)
საერთაშორისო კულტურულ-საგანმანათლებლო კავშირი „რუსული კლუბის“ ახალი გამოცემებისა და ახალი გმირების შესახებ სპიკერებმა პრესკონფერენციაზე ისაუბრეს

თბილისი, 11 მარტი - Sputnik. წიგნების ცნობილმა სერიამ „რუსები საქართველოში“, რომელიც მკითხველს მოუთხრობს საქართველოსთან დაკავშირებულ გამოჩენილ რუს ხელოვანებზე, 30-ე საიუბილეო გამოცემა წარმოადგინა, რომელიც ეძღვნება მხატვრებს გრიგორი გაგარინსა და ალექსანდრა კოსტურინა-თავაძეს, პოეტ ანდრეი ვოზნესენსკის, ასევე, ლეგენდარულ მომღერალ თეოდორ შალიაპინს. 

ახალ წიგნებზე „Sputnik-საქართველოს“ მულტიმედიურ პრესცენტრში ისაუბრეს ლიტერატორებმა, რომლებიც უშუალოდ მუშაობდნენ გამოცემებზე: „რუსები საქართველოში“ სერიის კოორდინატორი, გრიბოედოვის სახელობის თეატრის ლიტერატურული ნაწილის ხელმძღვანელი ნინა ზარდალიშვილი-შადური, ჟურნალ „რუსული კლუბის“ მთავარი რედაქტორის მოადგილე ვლადიმერ გოლოვინი, მხატვარი-გრაფიკოსი, იუნისეფის სამხატვრო კონკურსის ლაურეატი ოლესია თავაძე, ჟურნალისტი, სცენარების ავტორი, რედაქტორი, პუბლიცისტური და ლიტერატურული გადაცემების რადიოწამყვანი მარინა მამაცაშვილი, პოეტი მზია ხეთაგური და მთარგმნელი ირინე გოჩაშვილი.

Пресс-конференция, посвященная презентации новых книг из серии Русские в Грузии
© Sputnik / Vladimir Umikashvili.
ახალი წიგნების პრეზენტაცია სერიიდან „რუსები საქართველოში“

 „უყვარდათ, მეგობრობდნენ, მოღვაწეობდნენ საქართველოში“

ნინა ზარდალიშვილი-შადურის თქმით, ოცდამეათე წიგნის გამოსვლა ყველასთვის პატარა იუბილედ იქცა. „იდეა გაჩნდა ერთდროულად უბრალოდ და რთულადაც. უბრალოდ - იმიტომ, რომ თითქოს ჰაერში ტრიალებდა. ის, რომ საქართველოსა და რუსეთს მენტალურად უმჭიდროესი მრავალსაუკუნოვანი ურთერთობა აკავშირებთ, ყველასთვის ცნობილია. თითქოს ღმერთმა შთაგვაგონა ასეთი სერიის გამოცემა“, - აღნიშნა ზარდალიშვილმა-შადურმა.  

Нина Зардалишвили-Шадури - координатор серии Русские в Грузии, заведующая литературной частью театра имени А. С. Грибоедова
© Sputnik / Vladimir Umikashvili.
ნინა ზარდალიშვილი–შადური

სხვადასხვა სირთულის მიუხედავად, ხუთი წლის წინ სერიის პირველმა ოთხმა წიგნმა დღის სინათლე იხილა. ისინი ეძღვნებოდა ბორის პასტერნაკს, ანდრეი კრასნოვს, პეტრე ჩაიკოვსკისა და ნატალია ბურმისტროვას.

 „კონკრეტულად რომელი რუსები საქართველოში? ამ არჩევანის გაკეთების კრიტერიუმი ძალიან მარტივი იყო, ვინაიდან წიგნები ეძღვნება რუსული კულტურის იმ გამოჩენილ მოღვაწეებს, რომლებიც საქართველოში ცხოვრობდნენ, მეგობრობდნენ, მოღვაწეობდნენ, ქმნიდნენ და ძალიან უყვარდათ ეს ქვეყანა“, - აღნიშნა ზარდალიშვილმა-შადურმა.

 „რუსები საქართველოში“

სერიის ერთ-ერთი ავტორის, ვლადიმერ გოლოვინის თქმით, წიგნების უმეტესობა, რომლებიც მან პროექტის ფარგლებში დაწერა, ეფუძნებოდა ჟურნალ „რუსული კლუბის“ სხვადასხვა დროის ნარკვევებს. მათ ერთი რამ აერთიანებდა - რუსები საქართველოში.

გოლოვინმა გაიხსენა სახალისო ისტორია საკუთარი ცხოვრებიდან, რომლის შემდეგაც მან გადაწყვიტა ნარკვევის შექმნა მხატვარ გრიგორი გაგარინზე. ერთხელაც ის თავისუფლების მოედანზე სეირნობდა, როდესაც დაინახა ტურისტული ჯგუფი, რომლის ექსკურსიამძღოლიც დამთვალიერებლებს თავადიშვილ გაგარინზე ესაუბრებოდა.

Владимир Головин - заместитель главного редактора журнала Русский клуб
© Sputnik / Vladimir Umikashvili.
ვლადიმირ გოლოვინი

 „საწყალი ტურისტები ისმენდნენ, როგორ  მოიხიბლა თავადი გაგარინი საქართველოთი ისე, რომ გაწყვიტა ყველანაირი კავშირი რუსეთთან, დარჩა აქ და აქვე გარდაიცვალა. ეს სრული ბოდვაა. გადავწყვიტე, რომ ამ ადამიანზე რამე მაინც დამეწერა“, - აღნიშნა გოლოვინმა.  

რაც შეეხება წიგნის მეორე გმირს - მომღერალ თეოდორ შალიაპინს - გოლოვინი დარწმუნებულია, რომ შალიაპინი თბილისის წინაშე ვალშია.

„შალიაპინი - არის დიადი, ღვთით ბოძებული ნიჭის პატრონი, მაგრამ რომ არა ეს ქალაქი, იგი გააგრძელებდა სიმღერას მეორეხარისხოვან დაწესებულებებსა და რესტორნებში. მხოლოდ ამ ქალაქში შენიშნეს და დაამუშავეს მისი ნიჭი“, - ფიქრობს გოლოვინი.

 „მან ჩემს გულში დაისადგურა“

გოლოვინის ნათქვამს იმის თაობაზე, რომ წიგნი ნარკვევებიდან იბადება, დაეთანხმა მარინა მამაცაშვილიც. მან დაწერა წიგნი მხატვარ ალექსანრდა კოსტურინა-თავაძეზე და, თავად აღნიშნავს, ბოლომდე გაითავისა მხატვარი ქალის ბედი.

Марина Мамацашвили - журналист, автор сценариев, редактор, радиоведущая литературных и публицистических передач
© Sputnik / Vladimir Umikashvili.
მარინა მამაცაშვილი

 „თავდაპირველად იყო ნარკვევი ჟურნალში, შემდეგ იმდენად გამიტაცა ამ ქალბატონის ცხოვრებამ და ხასიათმა, გავიფიქრე, რომ მიუხედავად მწირი წყაროებისა და მასალებისა, ამ თემას უყურადღებოდ ვერ დავტოვებდი. მან ჩემს გულში დაისადგურა“, - აღნიშნა მამაცაშვილმა.

Олеся Тавадзе - художник-график, лауреат художественного конкурса ЮНИСЕФ (2001)
© Sputnik / Vladimir Umikashvili.
ოლესია თავაძე

მისი სიტყვები წიგნის მთავარი გმირის ქალიშვილმა ოლესია თავაძემაც დაადასტურა. „აქ სრულიად შემთხვევით აღმოვჩნდი, მიუხედავად იმისა, რომ ალექსანდრა კოსტურინა-თავაძე დედაჩემი იყო. თუმცა როგორც არ უნდა იყოს, ის ჩემთვის ძალიან ძვირფასია“, - აღნიშნა თავაძემ და დასძინა, რომ „რუსული კლუბის“ წყალობით არსებობს რაღაც ძაფი, რომელიც საქართველოს რუსულ კულტურასთან აკავშირებს.

Пресс-конференция, посвященная презентации новых книг из серии Русские в Грузии
© Sputnik / Vladimir Umikashvili.
ახალი წიგნების პრეზენტაცია სერიიდან „რუსები საქართველოში“

„რუსები საქართველოში“ სერიის ფარგლებში უკვე გამოიცა წიგნები, რომლებიც ეძღვნება ლევ ტოლსტოის, ვლადიმერ მაიაკოვსკის, ბორის პასტერნაკს, ოსიპ მანდელშტამს, ნიკოლაი გუმილიოვს, ვლადიმერ ნემიროვიჩ-დანჩენკოს, გიორგი ტოვსტონოგოვს და სხვა ნიჭიერ ადამიანებს.

17
დინამო თბილისი

საქართველოს ჩემპიონატი ფეხბურთში შეცვლილი ფორმატით და გულშემატკივრის გარეშე

0
(განახლებულია 17:48 04.06.2020)
ეროვნული ლიგის ჩემპიონატი შემცირებული სქემით ჩატარდება – თავიდან დაგეგმილი 36 ტურის ნაცვლად, კლუბები ორ წრეში 18 ტურს ჩაატარებენ

 

თბილისი, 4 ივნისი  – Sputnik.  საქართველოს ფეხბურთის ჩემპიონატის ეროვნული ლიგის ხელმძღვანელობამ ივნისის ბოლოსთვის დაგეგმილი განახლებული ჩემპიონატის კალენდარი შეადგინა – ჩემპიონატი „საბურთალოსა“ და თბილისის „დინამოს“ მატჩით გაიხსნება.

ორ თბილისურ კლუბს შორის შეხვედრა 25 ივნისს, მიხეილ მესხის სახელობის სტადიონზე გაიმართება. მატჩის დასაწყისი 18:00 საათი.

ადრე საქართველოს ფეხბურთის ფედერაციამ (სფფ) ჩემპიონატის 25 ივნისს განახლების შესახებ განაცხადა. ამ ეტაპზე საუბარია მხოლოდ ეროვნული ლიგის ჩემპიონატზე. თუ როდის აიღებს სტარტს ჩემპიონატები დანარჩენ დივიზიონებში, ასაკობრივ ჯგუფებსა და საქართველოს თასზე – ჯერჯერობიც უცნობია. 

გარდა ამისა, ეროვნული ლიგის ჩემპიონატი შემცირებული სქემით ჩატარდება – თავიდან დაგეგმილი 36 ტურის (ოთხი წრე) ნაცვლად, კლუბები მთლიანობაში ორ წრეში 18 ტურს ჩაატარებენ – ერთმანეთს დაუპირისპირდებიან საკუთარ მოედნებზე და ერთ გასვლით მატჩს ითამაშებენ. მატჩები საწყის ეტაპზე მაყურებლის გარეშე გაიმართება.

ასევე აღსანიშნავია ის ფაქტი, რომ ყველა ფეხბურთელს კორონავირუსზე ორი ტესტი ჩაუტარდებათ – პირველი ჩემპიონატის განახლებამდე 10 დღით ადრე და მეორე მატჩის დაწყებამდე.

COVID-19-ის პანდემიის გამო მარტის დასაწყიში საქართველოს ფეხბურთის ფედერაციამ ქვეყანაში ყველა დონეზე საფეხბურთო ჩემპიონატის შეჩერების გადაწყვეტილება მიიღო. ორ ჩატარებული მატჩის შემდეგ ლიდერობს თბილისის „ლოკომოტივი“, რომელსაც ორი გამარჯვება აქვს მოპოვებული.

საქართველოს მოქმედი ჩემპიონი თბილისის „დინამოა“.

0
თემები:
სპორტის ამბები