ჭყოიძე: საქართველოსა და რუსეთის პირველი პირების შეხვედრა აუცილებელია

გამოწერა
თბილისის საერთაშორისო პრეს-ცენტრში რუსი ტურისტებისთვის საქართველოს საშიშ ქვეყნად გამოცხადების შესახებ რუსეთის საგარეო უწყების მიერ გაკეთებულ განცხადებაზე იმსჯელეს.

თბილისი, 19 მაისი — Sputnik. რუსეთსა და საქართველოს შორის პირდაპირი დიალოგის აღდგენა აუცილებელია პროვოკაციების თავიდან ასაცილებლად, მიიჩნევს ერეკლე მეორის საზოგადოების თავმჯდომარე არჩილ ჭყოიძე.

ამის შესახებ ჭყოიძემ განაცხადა ბრიფინგზე თბილისის საერთაშორისო პრეს-ცენტრში თემაზე: „რუსეთის საგარეო საქმეთა სამინისტროს განცხადება რუსი ტურისტებისთვის სახიფათო ქვეყნების სიაში საქართველოს შეტანის შესახებ".

რუსეთის საგარეო საქმეთა სამინიტრო - Sputnik საქართველო
რუსეთის საგარეო უწყებამ თავის მოქალაქეებს საქართველოში სტუმრობის რისკები შეახსენა

„მე მინდა მივმართო საქართველოს ხელისუფლებასაც და რუსეთის ხელისუფლებასაც, რომ ისეთი გადაწყვეტილების მიღება, რასაც ჰქვია საქართველოში რუსი ტურისტების არჩამოსვლა, ეს არის გადაჭარბებული. ჩვენ ხშირად უნდა ავწონ-დავწონოთ ეს ურთიერთობები, რადგან ისედაც რთული ვითარებაა ქართულ-რუსულ ურთიერობებში და მსგავსი ტიპის გადაწყვეტილებები მხოლოდ და მხოლოდ გააუარესებს ჩვენს მომავალ ურთიერთობებს. ეს გაუარესება ავნებს როგორც საქართველოს, ასევე ავნებს რუსეთის ფედერაციას. ამიტომ მინდა მივმართო საქართველოს ხელისუფლებას, რომ არ მოხდეს მსგავსი ტიპის პროვოკაციები, აუცილებელია მოხდეს საქართველოს პრემიერ-მინისტრის და რუსეთის პრეზიდენტის, პირველ პირთა შეხვედრა, დაიწყოს ურთიერთობის რეალურ ნორმალიზებაზე საუბარი. უნდა აღდგეს დიპლომატიური ურთიერთობები, რადგან 21-ე საუკუნეში მხოლოდ დიპლომატიური ურთიერთობითაა შესაძლებელი ყველა კონფლიქტის გადაწყვეტა", — განაცხადა ჭყოიძემ.

მას შემდეგ, რაც იური ლუჟკოვი საქართველოს არასასურველ სტუმართა სიაში შეიყვანეს, რუსეთის საგარეო საქმეთა სამინიტრომ განცხადება გააკეთა რუსეთის მოქალაქეებისთვის საქართველოში სტუმრობის საფრთხეების შესახებ.
აფხაზეთისა და ცხინვალის რეგიონის ტერიტორიას საქართველოს ხელისუფლება ვერ აკონტროლებს. 2008 წლის აგვისტოს ომის შემდეგ მოსკოვმა ამ ტერიტორიების დამოუკიდებლობა აღიარა. პასუხად თბილისმა გაწყვიტა დიპლომატიური ურთიერთობები რუსეთთან და მიიღო კანონი "ოკუპირებული ტერიტორიების შესახებ".
ყველა ახალი ამბავი
0