პეკინი

ჩინეთის პოლიტიკასთან დაკავშირებით რუსებისა და ევროპელების მოსაზრება განსხვავებულია

95
(განახლებულია 20:30 10.09.2018)
IFop–მა Sputnik–თვის გამოკითხვა საფრანგეთში, დიდ ბრიტანეთში, გერმანიასა და აშშ–ში 9–20 აგვისტოს პერიოდში ჩაატარა

თბილისი, 10 სექტემბერი  — Sputnik.  საფრანგეთის, აშშ–ის, გერმანიისა და დიდი ბრიტანეთის მოსახლეობა ნეგატიურად აფასებს საერთაშორისო არენაზე ჩინეთის ქმედებებს,  მაშინ როდესაც რუსების უმრავლესობა, პირიქით, მხარს უჭერს პეკინის პოლიტიკას და მას მოკავშირედ მიიჩნევს. ამაზე მეტყველებს ФОМ–ისა და ფრანგული სოციოლოგიური კომპანია IFop–ის მიერ საერთაშორისო საინფორმაციო სააგენტოსა და რადიო  Sputnik–ის მიერ ჩატარებული გამოკითხვის შედეგები.

 IFop–ის მიერ ჩატარებული კვლევის შედეგად აღმოჩნდა, რომ ფრანგებისა და ამერიკელების (56% და 55% შესაბამისად) ნაწილი, ასევე გერმანელების 41% და ბრიტანელების 40% ჩინეთს საკუთარი ქვეყნის კონკურენტად მიიჩნევს, ვიდრე პარტნიორად. გამოკითხვის თანახმად, ამ მოსაზრებას უმეტესად მამაკაცები  ემხრობიან: მაგალითად, აშშ–ში ჩინეთთან ფრთხილი  ურთიერთობის შესახებ საუბრობს მამაკაცების 63% და ქალების 52%, რომელთაგან უმეტესობის ასაკი 35 წელს ზემოთაა. 

რუსეთში ჩინეთისადმი დამოკიდებულება უკეთესია, ვიდრე დასავლთში
Sputnik / inphografiks
რუსეთში ჩინეთისადმი დამოკიდებულება უკეთესია, ვიდრე დასავლთში

ФОМ –ის მიერ ჩატარებული გამოკითხვის თანახმად კი რუსების ნახევარზე მეტი ჩინეთს,  პირიქით, როგორც პარტნიორს ისე აფასებს. ამ მოსაზრებას ემხრობა გამოკითხვაში მონაწილე მამაკაცების 54% და ქალების 47%. აღსანიშნავია, რომ 18–დან 30 წლამდე ასაკის რუსეთის მოქალაქეები ჩინეთთან თანამშრომლობას აფასებს უფრო მეტად, ვიდრე ასაკოვანი ადამიანები. გარდა ამისა, პროჩინურ პოზიციას, როგორც წესი, ემხრობიან  მაღალი შემოსავლების მქონე რესპონდენტები. 

ფრანგების, ამერიკელების, გერმანელებისა და ბრიტანელების უმეტესობის შეხედულება ასევე არ ემხრობა რუსების შეხედულებას ჩინეის საგარეო პოლიტიკის თაობაზე. დასავლელი რესპონდენტების 40%–ზე მეტი ნეგატიურად აფასებს საერთაშორისო არენაზე ჩინეთის ქმედებებს, მაშინ როცა რუსებს შორის ეს ციფრი მხოლოდ 11%–ს აღწევს. ФОМ–ის რესპონდენტების უმეტესობამ, პირიქით, მაღალი შეფასება მისცა პეკინის პოლიტიკას: ამ მოსაზრებას მხარი დაუჭირა რუსების 59%–მა ფრანგების (28%), გერმანელების (33%), ბრიტანელების 26% და ამერიკელების (24%) წინააღმდეგ.

„Sputnik.მნენია": ევროკავშირის მოსახლეობა რუსეთს ევროპის ნაწილად არ მიიჩნევს>>>

დასავლეთში ჩინეთთან ნეგატიურ ურთიერთობებზე უმეტესად მამაკაცები საუბრობენ, მაშინ როდესაც რუსეთში ვითარება საპირისპიროა. პეკინის მიერ აღებული კურსს მხარს უჭერენ გამოკითხული მამაკაცების 71% და ქალების 51%. გარდა ამისა, გამოკითხვის თანახმად, პეკინის კურსს რუსეთში სხვადასხვა ასაკობრივი  ჯგუფების წარმომადგენლები ემხრობიან. შედარებისთვის,  ჩინეთის ქმედებები გააკრიტიკეს გამოკითხვაში მონაწილე  65 წელს ზემოთ ასაკის ამერიკელების 69%–მა, 35 წელს ზემოთ ასაკის 54%–მა  და ახალგაზრდების 30%–მა.

გამოკითხვა Sputnik–ვის საზოგადოებრივი აზრის შემსწავლელმა უძველესმა ფრანგულმა კომპანია IFop-მა 9–20 აგვისტოს ჩაატარა. მასში მონაწილეობა მიიღო საგრანგეთის (1013 რესპონდენტი), დიდი ბრიტანეთის (1003 რესპონდენტი), გერმანიისა (1010 რესპონდენტი) და აშშ–ის (1007 რესპონდენტი) მოქალაქეებმა. შერჩევა მოსახლეობას სქესის, ასაკისა და გეოგრაფიის მიხედვით წარმოადგენს. მაქსიმალური ცდომილება +/–  3,1%-ს შეადგენს სანდოობის 95%-იანი ალბათობით.

ობიექტურია თუ არა მასმედია აშშ-ში: მოსახლეობისა და ექსპერტის მოსაზრება>>>

გამოკითხვა ФОМ–მა 2018 წლის 18–19 აგვისტოს ჩაატარა, რომელშიც 18 წელს ზემოთ ასაკის 1500–მა რესპონდენტმა მიიღო მონაწილეობა. შერჩევა მოსახლეობას სქესის, ასაკისა და გეოგრაფიის მიხედვით წარმოადგენს. მაქსიმალური ცდომილება +/–  3,6%-ს შეადგენს სანდოობის 95%-იანი ალბათობით.

ცნობა პროექტ Sputnik.მნენიას" შესახებ

საზოგადოებრივი აზრის შემსწავლელმა საერთაშორისო პროექტმა 2015 წლის იანვარში დაიწყო მუშაობა. პროექტის პარტნიორები არიან ცნობილი კვლევითი კომპანიები: Populus, Ifop და forsa. Sputnik.მნენიას" ფარგლებში რეგულარულად ტარდება გამოკითხვები ევროპის ქვეყნებსა და აშშ-ში აქტუალური სოციალური და პოლიტიკური საკითხების გარშემო.

Sputnik–ი ერთ–ერთი მსხვილი მსოფლიო მედიასაშუალებაა, რომელიც აერთიანებს მულტიმედიურ და რეგიონალურ ინტერნეტ–საიტებს 32 ენაზე, მსოფლიოს 130 ქალაქსა და ინტერნეტში ანალოგურ და ციფრულ რადიომაუწყებლობას რუსულ, ინგლისურ და ფრანგულ ენებზე. Sputnik–ი 24–საათიან რეჟიმში გადასცემს ახალ ამბებს ინგლისურ, არაბულ, ესპანურ და ჩინურ ენებზე. Sputnik–ის  საინფორმაციო რესურსების აუდიტორია თვეში 50 მილიონზე მეტ მომხმარებელს შეადგენს, Sputnik China–ს ხელმომწერების რაოდენობა კი  დაახლოებით 9 მილიონს აღწევს.  

22  სარედაქციო ცენტრში მთელი მსოფლიოს მასშტაბით  – ტოკიოდან მონტევიდეომდე ათობის ეროვნების ათასზე მეტი ადამიანი მუშაობს. Sputnik–ი  მედიაჯგუფ  Россия сегодня–ში  შედის.  Sputnik–ის სათაო ოფისი მოსკოვში მდებარეობს.


95
Россия сегодня–ს შენობა მოსკოვში

საინფორმაციო სააგენტო „როსია სეგოდნია“ კორონავირუსთან ბრძოლის ალიანსს შეუერთდა

28
(განახლებულია 22:34 27.03.2020)
კორონავირუსთან ბრძოლის მეთოდებზე მოქალაქეთა ობიექტური და მაქსიმალურად ოპერატიული ინფორმირება მის დამარცხებაში დაგვეხმარება

თბილისი, 27 მარტი - Sputnik. საერთაშორისო საინფორმაციო სააგენტო „როსია სეგოდნია“ შეუერთდა კორონავირუსთან ბრძოლის ალიანსს, რომელიც რუსეთის პირდაპირი ინვესტიციების ფონდმა, რუსეთის მრეწველთა და მეწარმეთა კავშირმა, Яндекс–მა და Mail.ru Group-მა შექმნეს, იუწყება სააგენტოს პრესსამსახური.  

 „საინფორმაციო სააგენტო „როსია სეგოდნია“  აქტიურ მონაწილეობას მიიღებს ალიანსის პროექტების საინფორმაციო უზრუნველყოფაში“, - აღნიშნავენ პრესსამსახურში. 

რუსეთის პირდაპირი ინვესტიციების ფონდისა და „როსია სეგოდნიას“  პირველი ერთობლივი პროექტი კორონავირუსთან ბრძოლის ფარგლებში გახდა „ახალი კორონავირუსული ინფექციის COVID-19-ის პროფილაქტიკისა და მკურნალობის სახელმძღვანელოს“ პუბლიკაცია და რუსეთში გამოცემა. ესაა მსოფლიოში პირველი გამოცემა, რომელიც კომპლექსურად აღწერს ვირუსის პროფილაქტიკისა და კონტროლის, დიაგნოსტიკისა და მკურნალობის საკითხებს, პაციენტების მოვლის გამოცდილებას.

სახელმძღვანელო შედგენილია ჩჟეძიანის პროვინციის საუნივერსიტეტო სკოლის აკადემიური კლინიკის მიერ ჩინეთის გამოცდილებისა და კლინიკური მონაცემების საფუძველზე. სახელმძღვანელო ოპერატიულად ითარგმნა და გამოიცა რუსეთში და უფასოდ ურიგდება სამკურნალო დაწესებულებებს და სპეციალისტებს. მისი გადმოწერა შესაძლებელია ინტერნეტითაც.

 „როსია სეგოდნიას“ გენერალური დირექტორი დმიტრი კისილიოვი დარწმუნებულია, რომ სააგენტო ყველა რესურსს აამოქმედებს კორონავირუსის შესახებ ადამიანების ინფორმირებისთვის.

 „ჩვენ გადავწყვიტეთ ალიანსთან შეერთება, რათა გამოვიყენოთ ჩვენი რესურსები ადამიანებისთვის სანდო ინფორმაციის ოპერატიულად მისაწოდებლად ამ ურთულეს პერიოდში. ახლა ეს ჩვენი პროფესიული ვალია, ჩვენი საერთო პასუხისმგებლობაა“, - განაცხადა კისილიოვმა.

რუსეთის პირდაპირი ინვესტიციების ფონდის გენერალური დირექტორი კირილ დმიტრიევი მიიჩნევს, რომ კორონავირუსის დამარცხების აუცილებელი პირობაა მიმდინარე სიტუაციასა და ვირუსის გავრცელებასთან ბრძოლის ზომებზე მოსახლეობისთვის ობიექტური ინფორმაციის მაქსიმალურად ოპერატიულად მიწოდება.  

 „როსია სეგოდნიას“ მაღალი პროფესიონალიზმი და ოპერატიულობა მნიშვნელოვნად გააძლიერებს ალიანსს და მისი პროექტების საინფორმაციო მხარდაჭერას უზრუნველყოფს. სააგენტომ უკვე გამოავლინა ახალი პრაქტიკების ძიებისა და საზოგადოებისთვის ინფორმაციის მიწოდების შესაძლებლობები. საინფორმაციო სააგენტო „როსია სეგოდნიას“ შემადგენლობაში შემავალი РИА Новости  და Sputnik–ი  სანდო, ხარისხიანი ინფორმაციითა და ოპერატიულობით ყოველთვის მოწოდების სიმაღლეზე იდგნენ და ახლა ისინი ადამიანებისთვის ახალი ამბების ყველაზე სრულყოფილ წყაროს წარმოადგენენ“, - განაცხადა მან.

28
თემები:
COVID-19-ის პანდემია მსოფლიოში
ანა ბელკინა - პროექტი SputnikPro

თბილისში SputnikPro-ს პროექტი დაიწყო, რომელშიც RT-ს ტოპ-მენეჯერი მონაწილეობს

59
(განახლებულია 12:41 07.06.2019)
SputnikPro-ს პროექტის მეექვსე მოდულის ფარგლებში რუსი და ქართველი ჟურნალისტები ანტიკრიზისულ PR-სა და ფეიკ-ნიუსებზე ისაუბრებენ.

თბილისი, 7 ივნისი — Sputnik. საერთაშორისო საინფორმაციო სააგენტო და რადიო Sputnik-მა მედიამენეჯერების, ჟურნალისტებისა და PR-სპეციალისტებისთვის SputnikPro-ს მორიგი მოდული ჩაუშვა.

ღონისძიება „Sputnik–საქართველოს" მულტიმედიურ პრეს-ცენტრში პარასკევს, 7 ივნისს, 11:00 საათიდან მიმდინარეობს. სპიკერია RT-ის მთავარი რედაქტორის მოადგილე, პრეს-სამსახურის ხელძღვანელი, არხის მარკეტინგისა და სტრატეგიული განვითარების დირექტორი ანა ბელკინა. გამოსვლის თემაა „ანტიკრიზისული პიარი, ანუ როგორ შეძლებს მასმედია ფეიკ-ნიუსების ეპოქაში სამყაროსთან ურთიერთობას".

„მინდოდა მესაუბრა ჩვენს გამოცდილებაზე ახალ ამბებთან დაკავშირებით და ასევე, იმის შესახებ, რაც ახლა მსოფლიო ფეიკ-ნიუსებთან დაკავშირებით ხდება. დავიწყებ, პირველ რიგში, რა თქმა უნდა, РТ-ს მუშაობით", - განაცხადა ანა ბელკინამ მასტერ-კლასის დასაწყისში.

მან ასევე ღონისძიების მონაწილეებს უჩვენა ფილმი РТ-ს მუშაობის შესახებ, რომელიც ტელეარხის 10-წლისთავთან დაკავშირებით გადაიღეს.

Sputnik-საქართველოს" პროექტის ხელმძღვანელი ოქსანა ვოინცევა: „SputnikPro კიდევ ერთხელ ხდება ადგილი, სადაც სხვადასხვა ქვეყნის ჟურნალისტები საკუთარ მოსაზრებებს გაუზიარებენ ერთმანეთს. დღეს ქართული მასმედიის წარმომადგენლებთან საუბრობს ცნობილი რუსი მედიამენეჯერი, მსოფლიო დონის PR-სპეციალისტი ანა ბელკინა. ის RT-ს წარმატებული მუშაობის საიდუმლოებებს გაამხელს და ქართველ კოლეგებთან რუსეთისა და საქართველოს მედიაბაზრზე არსებულ ვითარებას განიხილავს. ესაა პროფესიული დიალოგი, რომელსაც, იმედი მაქვს, მონაწილეები ღირსეულად შეაფასებენ".

SputnikPro – ეს არის საერთაშორისო საინფორმაციო სააგენტო და რადიო Sputnik-ის პროექტი ჟურნალისტების, სტუდენტების, პროფილური უმაღლესი დაწესებულებების, პრეს-სამსახურების თანამშრომლებისა და მედიასფეროს სხვა სპეციალისტებისთვის, რომელიც მიმართულია უცხოელი კოლეგების გამოცდილების გაზიარებისკენ, მედიაკომუნიკაციისა და პროფესიონალური კავშირების განვითარებისკენ. პროექტის არსებობის განმავლობაში სხვადასხვა ფორმატებში მასში 80-ზე მეტი ქვეყნის წარმომადგენელმა მიიღო მონაწილეობა. მასტერ-კლასები უკვე ჩატარდა აზერბაიჯანში, სომხეთში, ბელარუსში, საბერძნეთში, საქართველოში, ინდოეთში, ყირგიზეთში, თურქეთსა და ესტონეთში. საქართველოში SputnikPro მეექვსედ ტარდება.

Sputnik-ი ერთ–ერთი ყველაზე მსხვილი საერთაშორისო მედიასაშუალებაა, რომელიც აერთიანებს ცალკეული ქვეყნებისა და რეგიონულ მულტიმედიურ ინტერნეტ–საიტებს 32 ენაზე, ანალოგურ და ციფრულ რადიომაუწყებლობას რუსულ, ინგლისურ, ფრანგულ და სხვა ენებზე მსოფლიოს 90-ზე მეტ ქალაქსა და ინტერნეტში. Sputnik-ი 24-საათიან რეჟიმში მთელი მსოფლიოს მასშტაბით წამყვან გამოცემებს გადასცემს ახალ ამბებს ინგლისურ, არაბულ, ესპანურ, ჩინურ და სპარსულ ენებზე. Sputnik-ის საინფორმაციო რესურსების აუდიტორია თვეში 60 მილიონზე მეტ მომხმარებელს შეადგენს, Sputnik China-ს აკაუნტის ხელმომწერთა რაოდენობა „ვეიბოში" 10 მილიონს აჭარბებს. მთელ მსოფლიოში ტოკიოდან მონტევიდეომდე 22 სარედაქციო ცენტრში ათობით ეროვნების ათასზე მეტი ადამიანი მუშაობს. Sputnik-ი შედის მედიაჯგუფ Россия сегодня-ში. Sputnik-ის სათავო ოფისი მოსკოვში მდებარეობს.

პოსტსაბჭოთა სივრცეში მუშაობის პერიოდში Sputnik-ის ვებ-გვერდებმა კონტენტის მიწოდების ტექნოლოგიური ფორმატებისა და ახალი ტექნოლოგიების წყალობით ადგილობრივ საინფორმაციო საშუალებებს შორის ლიდერი პოზიციები დაიკავა.

უცხოეთის თითოეულ ქვეყანაში Sputnik-ის ვებ-გვერდები ეროვნულ და რუსულ ენაზეა წარმოდგენილი, ისინი მკითხველს ასევე აწვდიან მრავალფეროვან მულტიმედიურ კონტენტს: ინფოგრაფიკას, ვიდეოს, ფოტორეპორტაჟებს, ონლაინ-ეთერებს და ა.შ. ოპერატიულ ახალ ამბებთან ერთად Sputnik-ი აქვეყნებს ანალიტიკურ მასალებსა და ექსკლუზიურ ინტერვიუებს.

59
მშრალი ხიდი

შემოსავლის გარეშე დარჩენილი ოჯახები და მთავრობის სტრატეგია

0
(განახლებულია 16:37 04.06.2020)
მთავრობის მხრიდან დახმარების ყველაზე სწრაფი ნაბიჯი იყო კომუნალური გადასახადებისგან მოქალაქეების გათავისუფლება და  საბანკო სესხების გადავადება

 

თბილისი, 4 ივნისი  - Sputnik.  კორონავირუსის პანდემიის გამო ბევრი ადამიანი შემოსავლის გარეშე დარჩა, ამიტომ ხელისუფლებას არ აქვს ბევრი  ლოდინის დრო და შესაძლებლობა, განაცხადა მთავრობის სხდომაზე საქართველოს პრემიერ–მინისტრმა გიორგი გახარიამ. 

პრემიერ–მინისტრის სიტყვებით, მიუხედავად იმისა, რომ პანდემია გლობალური გამოწვევაა და შესაბამისად, ეკონომიკური კრიზისიც გლობალური პრობლემაა, მთავრობამ მაქსიმალურად ეფექტურად უნდა გააკეთოს თავისი საქმე.

 „ჩვენ კარგად გვესმის, რომ კრიზისიდან გამომდინარე, დღეს ჩვენს მოქალაქეებს, რა თქმა უნდა, უჭირთ.  ბევრმა ადამიანმა დაკარგა შემოსავალი, ბევრ ადამიანს უბრალოდ შემოსავალი ვერ მიაქვს ოჯახში, ამიტომ ჩვენ არ გვაქვს ბევრი ლოდინის დრო და შესაძლებლობა“, – განაცხადა გახარიამ.

სწორედ ამიტომაც მთავრობის ყველაზე სწრაფი ნაბიჯი იყო კომუნალურ გადასახადებზე დახმარება, საბანკო სესხების გადავადება როგორც ფიზიკური პირებისთვის, ისე კომპანიებისთვის.

 „ამან მოგვცა შესაძლებლობა მოგვეგო დრო, უკეთ გავრკვეულიყავით გამოწვევის სირთულეებში და შემდგომ ჩვენ გვქონდა კონკრეტული, მიზნობრივი სოციალური დახმარების გეგმა, რომელიც წარმოვადგინეთ და რომლითაც ჩვენი მოქალაქეები უკვე სარგებლობენ“, – განაცხადა პრემიერმა. 

გახარიამ პოსტკრიზისულ ეკონომიკურ სტრატეგიაზე ისაუბრა და აღნიშნა, რომ სამუშაო ვარიანტს მთავრობა განსახილველად მოქალაქეებს წარუდგენს.

 „ყოველთვის ვამბობდი, რომ პოსტკრიზისული ეკონომიკური სტრატეგია – ეს სხვა ისტორია, სხვა გეგმაა. იგი სხვა დონის მუშაობას საჭიროებს. სწორედ ამიტომ, თითოეული თქვენგანი, განსაკუთრებით ეკონომიკური გუნდის წევრები, ჩართული არიან ქვეყნის პოსტკრიზისული ეკონომიკური აღდგენის გეგმაზე მუშაობის პროცესში“, – განაცხადა გახარიამ.

მისი სიტყვებით, ეს არის ქვეყნის მოკლევადიანი, საშუალოვადიანი და გრძლევადიანი ეკონომიკური განვითარების სტრატეგია, რომელზეც ადგილობრივ ექსპერტებთან ერთად მუშაობენ კემბრიჯისა და ლონდონის უნივერსიტეტების საუკეთესო მეცნიერები, ასევე აუდიტორული კომპანია Deloitte–ის ნიუ–იორკის ოფისის ანალიტიკოსები. აღნიშნული გეგმა საქართველოს შესაძლებლობას მისცემს პოსტპანდემიურ ეკონომიკასა და გლობალურ კონკურენციაში იყოს მაქსიმალურად მომზადებული და ეფექტური.


0
თემები:
საქართველოს ეკონომიკა