თბილისი, 11 აპრილი — Sputnik. გერმანიის (72%), საფრანგეთის (64%), ბრაზილიის (60%), დიდი ბრიტანეთისა (55%) და თურქეთის (52%) მოსახლეობის უმეტესობა მიიჩნევს, რომ აშშ-ის პრეზიდენტად დონალდ ტრამპის არჩევის შემდეგ მსოფლიო ნაკლებად უსაფრთხოა. ამ მოსაზრებას ემხრობა იტალიისა და აშშ-ის მოსახლეობის 45%. ასეთია „Sputnik მნენიას“ გამოკითხვის შედეგები, რომელიც საინფორმაციო სააგენტო და რადიო Sputnik-ვის საერთაშორისო კვლევითმა კომპანია TNS Global-მა ჩაატარა.
გამოკითხვა საერთაშორისო კვლევითმა კომპანია TNS Global-მა 2017 წლის 16-22 თებერვლის პერიოდში ჩაატარა. მასში მონაწილეობა მიიღო 7 148-მა რესპონდენტმა საფრანგეთიდან (1004 ადამიანი, 16-64 წელი), გერმანიიდან (1014 ადამიანი, 16-64 წელი), იტალიიდან (1050 ადამიანი, 16-54 წლის), დიდი ბრიტანეთიდან (1037 ადამიანი, 16-64 წელი), აშშ-დან (1027 ადამიანი, 18-64 წელი), ბრაზილიიდან (1 010 ადამიანი, 16-54 წელი) და თურქეთიდან (10006 ადამიანი, 16-54 წელი). შერჩეული რესპონდენტები მოსახლეობას ასაკის, სქესისა და გეოგრაფიული მდებარეობის მიხედვით წარმოაჩენენ. ცდომილება ზოგადად ქვეყანაში +/- 3,1%–ია სანდოობის 95%–იანი ალბათობით.
ცნობა პროექტ „Sputnik. მნენიას" შესახებ:
ეს არის საზოგადოებრივი აზრის შემსწავლელი საერთაშორისო პროექტი, რომელიც 2015 წლის იანვარში დაიწყო. მისი პარტნიორები არიან ცნობილი კვლევითი კომპანიები Populus-ი, Ifop-ი და forsa. ევროპის ქვეყნებსა და აშშ–ში პროექტის ფარგლებში რეგულარულად ტარდება გამოკითხვები აქტუალურ პოლიტიკურ თუ სოციალურ საკითხებთან დაკავშირებით.
Sputnik (sputniknews.com) – ეს არის საერთაშორისო ახალი ამბების სააგენტო და რადიო მულტიმედიური საინფორმაციო ჰაბებით ათობით ქვეყანაში. Sputnik-ი მოიცავს 30-ზე მეტ ენაზე ვებ-გვერდებს, ანალოგურ და ციფრულ რადიომაუწყებლობას, მობილურ პროგრამებსა და გვერდებს სოციალურ ქსელებში. Sputnik-ის ხელმომწერებს ახალი ამბების მიღება შეუძლიათ 24-საათიან რეჟიმში ინგლისურ, არაბულ, ესპანურ და იტალიურ ენებზე.