ბათუმი

დღის ასტროპროგნოზი ზოდიაქოს ნიშნებისთვის: 18 ივლისი

2397
(განახლებულია 10:42 18.07.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 18 ივლისია, კვირა. მზარდი მთვარე მორიელის ნიშანშია. ამ დღეს პლანეტა მზე მფარველობს.

დღეს გარკვეული შეზღუდვები მოქმედებს, მათ შორის, ფინანსური და არ ღირს ამისთვის წინააღმდეგობის გაწევა. არაა საჭირო აუცილებლობის გარეშე ინიციატივის გამოჩენა – ის შეიძლება ძალზე სარისკო ავანტიურაში გადაიზარდოს. არასასურველია რამის ყიდვა, ფულის ჩადება. ფსიქოლოგიური ფონი უკიდურესობებითაა სავსე. მოსალოდნელია გრძნობების გაციება, სურვილების დახშობა, სიჯიუტის, აგრესიის მოულოდნელი აფეთქებები.

ზოდიაქოს ყველაზე წუწუნა, ბედზე მომჩივანი ნიშნები>>

ვერძი: სიფრთხილით მოქმედებაა საჭირო საერთო რესურსებთან დაკავშირებით, მოერიდეთ საგადასახადო და საკრედიტო დავალიანებებს, ფულის ხარჯვას თამაშზე, გართობასა და ავნტიურებზე. მომატებული გაქვთ აზარტი, სექსუალური ჟინი და მწვავე შეგრძნებების წყურვილი. ეს ყველაფერი რისკს ზრდის, აკრძალვებისა და დაბრკოლებების გამო მრისხანების პროვოცირება შეიძლება მოხდეს. კრიზისული მომენტების განმუხტვა ან შემსუბუქება პრივატულ საუბარს შეუძლია.

კურო: აჯობებს, თუ დღეს პირობებს თქვენ არ წამოაყენებთ, არამედ შემოთავაზებულ ჩარჩოებში მოექცევით. მნიშვნელოვანია, რომ გაითვალისწინოთ პარტნიორების, კლიენტების, კოლეგებისა თუ ახლობლების განწყობა. საშიშია ნერვოზულობა, დამოუკიდებლობის დემონსტრაციულად ჩვენება და არაპროგნოზირებადი რეაქცია სხვის საქციელზე. ემოციური „ორთქლის“ გამოშვება და საერთო ენის გამონახვა დროული მოლაპარაკებებით არის შესაძლებელი.

ტყუპი: დღეს შეიძლება შეუძლოდ გახდეთ, მოსალოდნელია ათასი საზრუნავი, უსიამოვნო სიურპრიზი ან წარსულის გახსენება. არაა გამორიცხული, რომ მოგიწიოთ დასვენების გაუქმება ან გასართობი პროგრამის შემცირება. ვარსკვლავები გირჩევენ, ასეთი ვითარება გამოიყენოთ, როგორც შანსი, კიდევ ერთხელ დაფიქრდეთ და იმუშაოთ საკუთარ ნაკლოვანებებზე, ამოძირკვოთ რაღაც „სარეველა“ თქვენი ცხოვრებიდან. სწორედ ამ თვალსაზრისით დაგეხმარებათ დროებითი შეზღუდვები და შექმნილი პირობები.

კირჩხიბი: დღეს კრიტიკულად ხართ განწყობილი სიყვარულის, თავისუფალი ბიზნესისა და რეკლამის, ბავშვების აღზრდის მეთოდების მიმართ... ამ მოცემულ ჩარჩოებში მოგიწევთ გრეძნობების გამოხატვა, შემოსავლების ძებნა თუ საჩუქრის მომზადება. შეიძლება შეგაწუხოთ შეზღუდვებმა დასვენების დროს, საგადასახადო ლიმიტებმა, შემოქმედებითმა შაბლონებმა. ამავე დროს, კარგი დღეა პირადი საუბრებისთვის, ფიქრისა და განსჯისთვის და ამის შედეგების „გაშალაშინებისთვის“.

ლომი: დღეს ძალზე მგრძნობიარე და დაუცველი ხართ, გჭირდებათ თანამოსაუბრე, რომელიც სათუთად მოგეკიდებათ. შეიძლება გაგიჩნდეთ მარტოობის სურვილი, ან ეძებოთ საბაბი, რომ ვინმესთან გულახდილი საუბრი გააბათ. კარგი დროა ბუნებაში გასვლისთვის. სიმშვიდესა და სიწყნარეს საკუთარ სახლში შეიძლება ბევრმა რამემ შეუშალოს ხელი, მათ შორის მოწყენილობამ, კონტროლმა ან არასასიამოვნო სიურპრიზებმა.

ქალწული: დღეს ურთიერთობების, ფიქრისა და გადაადგილების განსაზღვრული ფორმატი გელოდებათ. სრულ გულახდილობას შეიძლება ხელი შეუშალოს ცენზურამ ან გარშემომყოფებთან გაუგებრობამ. შესაძლებელია იძულებითი გამგზავრება, დაყოვნებები გზაში. ეს დღე აძლიერებს სკეპსისს, კრიტიკულობასა და გამჭრიახობას. კარგი დროა კვლევებისთვის, ინფორმაციისა და კონტაქტების „გაცხრილვისთვის“. რეკომენდებულია საუბრები ვიწრო წრეში ან დისტანციური მიმოწერა.

სასწორი: ვარსკვლავები გირჩევენ, ეკონომიური იყოთ ყველა რესურსის ხარჯვის დროს: პირადი, ოჯახური თუ სამსახურებრივი. უპრიანია მატერიალური თემების მხოლოდ განხილვა და არარეკომენდებულია სიტყვიდან საქმეზე გადასვლა. არასასურველია შოპინგი – შესაძლოა, რამე ხინჯიანი ნივთი იყიდოთ ან უსარგებლო. არ ღირს ანგარიშის გახსნა, მემკვიდრეობის განკარგვა, რამე სამომავლო საქმეში თანხის ჩადება.

მორიელი: დღე დასაშვების ზღვარზე მიგითითებთ – თქვენი სურვილების ნაწილი არარეალიზებადია, ნაწილი – ნაადრევი. შესაძლებელია თქვენი უფლებების დროებითი შელახვა სახლში, პროფესიაში ან საზოგადოებაში. ბევრი თქვენგანი წააწყდება ბარიერს შემოქმედებითი იდეისა და გრძნობების თავისუფლად გამოხატვის მცდელობისას. საბედნიეროდ, მოგეცემათ შესაძლებლობა, რომ გარშემომყოფებს ყველაფერი აუხსნათ.

მშვილდოსანი: აჯობებს, თუ დღეს პირად ან განმარტოებულ ცხოვრებას აირჩევთ, უარს იტყვით თავგადასავლებზე. ამასთან, მნიშვნელოვანია „ემოციური ჰიგიენის“ დაცვა: უნდა მოუსმინოთ კარგ მუსიკას, მოერიდოთ ბნელ და საშიშ ადგილებს, მავნე ჩვევებსა და რაც მთავარია, ნეგატიურ აზრებს. არანაკლებ მნიშვნელოვანია, რომ თავი აარიდოთ არაკეთილმოსურნეებს და ზოგადად, უარყოფით გარემოს. გაუფრთხილდით ჯანმრთელობას და ყურადღება მიაქციეთ კვებას.

თხის რქა: შესაძლებელია წააწყდეთ რამე დაბრკოლებას ან იმედგაცრუებას. არაა გამორიცხული, რომ თქვენს უკმაყოფილებას ან უგუნებობას მატერიალური მიზეზი ედოს სარჩულად, მაგალითად, თანხა არ გეყოთ სანუკვარი გეგმის განსახორციელებლად. ზოგიერთ თქვენგანს საჭირო „ადამიანური რესურსი“ დააკლდება. მნიშვნელოვანია, რომ ამის გამო კავშირი არ გაწყვიტოთ ნამდვილ მეგობრებთან.

მერწყული: სჯობს, დღეს თავი აარიდოთ მნიშვნელოვან გადაწყვეტილებებს – დიდია რისკი იმისა, რომ სტრატეგიული შეცდომა გაიმეოროთ. შეწყვიტეთ უთანასწორო ბრძოლა. რაც შეეხება ემოციურ ფონს, ზიანს მოგაყენებთ სევდა, პირქუშ ხასიათზე ყოფნა, მაგრამ ამაზე საშიშია ცრუ ოპტიმიზმი და ქარაფშუტობა. მნიშვნელოვანია, რომ რეალისტურად შეხედოთ ვითარებას და დროებით თავი შეიზღუდოთ, შეებრძოლოთ შიშებს, აგრესიას, ეცადოთ თავშეკავებას, მოითმინოთ.

თევზები: შესაძლოა, თქვენი ოპტიმიზმი დღევანდელი ვითარებების გამო ცოტა მინავლდეს, მაგრამ თქვენთვის რწმენისა და იმედის წართმევას მაინც ვერავინ და ვერაფერი შეძლებს. ბევრ თქვენგანს დაეხმარება ის, რომ რომ შინაგანად დარწმუნებულია თავის სიმართლეში, ზოგიერთს მხარდაჭერა ძველი მეგობრების სახით ექნება. კარგი პერიოდია კონტაქტების განახლებისთვის სულიერად ახლობელ ადამიანებთან, თუნდაც ისინი სხვა ქალაქებში ან ქვეყნებში ცხოვრობდნენ.

2397
ნაკადული

დღის ასტროპროგნოზი ზოდიაქოს ნიშნებისთვის: 2 აგვისტო

21
(განახლებულია 11:44 01.08.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 2 აგვისტოა, ორშაბათი. კლებადი მთვარე ტყუპის ნიშანშია. ამ დღეს პლანეტა მთვარე მფარველობს.

მტკიცე მოქმედებებისთვის არცთუ ხელსაყრელი დღეა. დღის პირველ ნახევარში უარი უნდა თქვათ ავანტიურებზე, გაუთვალისწინებელ ხარჯებზე და წამიერ სურვილებზე აყოლაზე. ნაშუადღევს მთვარე ტყუპის ნიშანში გადავა, რაც გაააქტიურებს საინფორმაციო ფონს, მოვლენებს დინამიკას შემატებს, მოაგვარებს კონსტრუქციულ და საინტერესო ურთიერთობებს, მაგრამ, ამავე დროს, შექმნის წინაპირობებს ქაოსის, არათანამიმდევრულობისა და კონფლიქტურობისა.

დღის ასტროპროგნოზი ზოდიაქოს ნიშნებისთვის: 1 აგვისტო>>

ვერძი: დღის დასაწყისში მოსალოდნელია დამატებითი ხარჯები. ნაშუადღევს სიახლეებისა და ერთგვარი ქაოსის დრო დადგება, როდესაც შესაძლოა სასწრაფო მივლინება გახდეს საჭირო. პრობლემები შეიძლება შეიქმნას თეორიიდან პრაქტიკაზე ან სიტყვიდან საქმეზე გადასვლის დროს. ყურადღებით უნდა მოემზადოთ მგზავრობისთვის: დააზუსტოთ მარშრუტი, შეამოწმოთ ტექნიკური ნაწილი, არ დაგავიწყდეთ საჭირო დოკუმენტები და სხვ.

კურო: დღე თქვენთვის, შესაძლოა, ემოციური ეიფორიით ან თავისუფლების ილუზიით დაიწყოს. მნიშვნელოვანია თავი აარიდოთ თვითნებობას, რომლებსაც თქვენი კარიერის გაფუჭება ან დაზარალება შეუძლია. არ ღირს დიეტის დარღვევა. მიმდინარე საქმეებს ნაშუადღევს შეუდექით და ამასთან, გააორმაგეთ ყურადღება, დააზუსტეთ მცირე დეტალებიც კი. თუ ამ ყველაფერს არასერიოზულა შეხედავთ, მოსალოდნელია დასანანი პრობლემები.

ტყუპი: გააქტიურება ნაშუადღევს სჯობს. გახსოვდეთ, რომ ეს პროდუქტიული, მაგრამ არეული დროა და ყველა გზა უპრობლემო არ იქნება. განსაკუთრებით რთული იქნება ხელით შესასრულებელი სამუშაო, ყოფითი საკითხების მოგვარება, სარემონტო, სამკურნალო პროცედურები. უნდა მოერიდოთ გაღიზიანებას. ურთიერთობებში, სწავლასა და ინტელექტუალურ სამუშაოზე სასურველია უჩინარი ზონების შემჩნევა და ასევე მნიშვნელოვანია, არ აჰყვეთ ილუზიებს.

კირჩხიბი: მოგაკლდებათ თავდაჯერებულობა და სათანადოდ ვეღარ გააკონტროლებთ გარემოებებს, ამიტომ ვარსკვლავები გირჩევენ, დროებით გადადოთ მნიშვნელოვანი წამოწყებები და არ მიიღოთ დამოუკიდებლად გადაწყვეტილებები. დილით მოსალოდნელია ფინანსური სიურპრიზები ან იმის გაცნობიერება, რომ მატერიალური მომავალი გაურკვეველია. დღის მეორე ნახევარში, შესაძლოა, გარემოცვის, ვითარების ან საინფორმაციო ფონის ტყვე შეიქმნათ.

ლომი: დილის საათებში, სჯობს, არაფერი გააკეთოთ. ვარსკვლავების ამბობენ, რომ ეს არახელსაყრელი დროა პირად ინტერესებში შემავალი წამოწყებებისთვის, განსაკუთრებით ურთიერთობებისა და მნიშვნელოვანი თემების განხილვისთვის. დღის მეორე ნახევარი კარგი დროა თატბირებისა და არაფორმალური საუბრებისთვის, მაგრა, გართულკდება პრაქტიკული ამოცანების, პირველ რიგში, საქმიანი და ფინანსური საკითხების გადაწყვეტა. აახელსაყრელია საყიდლებზე წასვლა.

ქალწული: იმისთვის, რომ რაც გაქვთ, ის შეინარჩუნოთ, ზედმეტობასა და ჭარბ მოთხოვნებს უნდა მოერიდოთ. საპასუხისმგებლო მომენტი შუადღის შემდეგ დადგება. გაიზრდება შეცდომების, კონფლიქტებისა და გაუგებრობების რისკი, მათ შორის პროფესიული და ბიუროკრატიული კუთხით. ზოგჯერ სიტუაციას თავად დაძაბავთ და გაამწვავებთ (განსაკუთრებით აგვისტოში დაბადებული ქალწულები). დაგაზიანებთ არათანამიმდევრულობა, არაორგანიზებულობა.

სასწორი: თქვენთვის განსაკუთრებით სარისკო იქნება დღის დასაწყისი – ესაა საბედისწერო შეცდომების დრო, რომლებსაც არაერთი ზედმეტი პრობლემის მოტანა შეუძლია. მნიშვნელოვანი კონტაქტები, სწავლა და მუშაობა, სჯობს, დღის მეორე ნახევრისთვის გადადოთ – ამ დროს სერიოზული დაბრკოლებები მოსალოდნელი არ არის. მაგრამ მაინც აჯობებს, მოერიდოთ კონკრეტულ, თუნდაც მცირე ქმედებებს. ეს განსაკუთრებით მგზავრობას ეხება.

მორიელი: დღეს ვარსკვლავები არ წყალობენ თქვენს მთავარ სურვილებს. მოგიწევთ მცირე წარმატებებით დაკმაყოფილება. ფრთხილად უნდა იყოთ, რომ ადრე დაშვებული შეცდომები არ გაიმეოროთ (სიყვარულში, საქმეებსა და ფინანსებში). ამაში დღის მეორე ნახევარი დაგეხმარებათ, რომელიც საკმაოდ ინფორმატიული იქნება, ოღონდ მნიშვნელოვანია, რომ დეტალებს დროულად მიაქციოთ ყურადღება.

მშვილდოსანი: დილით უნდა მოერიდოთ სამეურნეო, ფინანსურ და სამედიცინო ექსპრომტებს. პატარა ხარვეზსაც კი მთელი დღით თქვენი კალაპოტიდან ამოგდება შეუძლია. ნაშუადღევს გამორიცხეთ წამოწყებები საკუთარი ინიციატივით და ყურადღებით იყავით – არ აჰყვეთ სხვა ადამიანების წაქეზებას აქტიურობაზე. ეს კარგი დროა დიალოგებისა და ვიზიტებისთვის, მაგრამა არა მოქმედებების (თანამშრომლობა, მკურნალობა და ა.შ.) დაწყებისთვის.

თხის რქა: დილით გონივრულად ზომიერი უნდა იყოთ. თუ იმპულსს აჰყვებით, დაიმატებთ ზედმეტ საზრუნავს, შეიძლება დღესვე იგრძნოთ ხელოვნურად შექმნილი კრიზისის პირველი ნიშნები, მაგალითად, შეუძლოდ გახდეთ ან ტექნიკური პრობლემები წარმოიშვას. დღის მეორე ნახევარში ყურადღება მიაქციეთ ჯანმრთელობას, რასაც ყველაზე იღბლიან მიმართულებებშიც კი დაბრკოლებების შექმნა შეუძლია.

მერწყული: ზედმეტობას ყველაფერში მოერიდეთ – მისი შედეგი ახლავე ან ახლო მომავლში აისახება. ყოველგვარი წამოწყება დილით ავანტიურის ელფერს შეიძენს და პრობლემებს უფრო მოგიტანთ, ვიდრე კომფორტს. უფრო ჰარმონიული იქნება დღის მეორე ნახევარი. ამ დროს დაგიბრუნდებათ თვითკონტროლი და გამძაფრდება ანალიტიკური უნარები. ესაა ლოგიკური სისტემური აზროვნებისა და კონსტრუქციული საუბრების დრო.

თევზები: გადადეთ მნიშვნელოვანი წამოწყებები. დაუმთავრებელი საქმეები დილით დაასრულეთ და არ აჰყვეთ ცდუნებას იმისა, რომ ჩანაფიქრზე მეტი გააკეთოთ. დღის მეორე ნახევარში შემოიფარგლეთ მხოლოდ ლაპარაკით და მოქმედებებისგან თავი შეიკავეთ. არ იჩქაროთ რემონტის დაწყება, სახლში სამუშაოების შესრულება, პრაქტიკული დახმარების, სამედიცინო ან სხვა სასარგებლო მომსახურების მიღება.

21
ჩაფიქრებული მამაკაცი

დაკარგული ასაკი არარსებული დრო, ცხოვრებისეული პაუზა თუ ახალი მიზნების ხანა

93
(განახლებულია 20:24 01.08.2021)
ოდესმე გსმენიათ „დაკარგული ასაკის" სინდრომის შესახებ? დაკარგული ასაკი - ესაა 50-დან დაახლოებით 70 წლამდე პერიოდი. „დაკარგულს" კი იმიტომ უწოდებენ, რომ ეს დრო ჩვენ ცხოვრებაში თითქოს არც არსებობს.

არ არსებობს იმ მარტივი მიზეზის გამო, რომ ამ პერიოდში ჯერ მთელი ძალით ვცდილობთ ჯერ კიდევ ახალგაზრდა ვჩანდეთ, შემდეგ კი სევდიანად ვაღიარებთ, რომ დავბერდით.

შედეგად კი, უბრალოდ, საკუთარი ცხოვრებიდან უზარმაზარ მონაკვეთს ვჭრით, რომელიც შეიძლება ჩვენი ცხოვრების საუკეთესო პერიოდი იყოს.

ზოგიერთი მიიჩნევს, რომ 55-ის ან 60 წლის შემდეგ ცხოვრებისგან სიამოვნების მიღებაზე აღარც უნდა იფიქრო.

სულაც არა! საიდუმლო მარტივია.

55-ის მერე არ უნდა ეცადო იცხოვრო, როგორც 30 ან 40 წლისამ. ამის ნაცვლად თავს უფლება უნდა მისცე, განვითარდე.

15 წლის როცა ვართ, ჩვენ ხომ არ ვცდილობთ ვიცხოვროთ, როგორ 5 წლისებმა, 30 წლისა — როგორც 15 წლისებმა? 15 წლისები არ ვთამაშობთ თოჯინებითა და ჯარისკაცებით. ხოლო 30 წლისანი არ ვუსმენთ იმ მუსიკას, რომელიც 15 წლისებს მოგვწონდა.

ეს, რა თქმა უნდა, არ ნიშნავს, რომ ნაკლებ სიამოვნებას ვიღებთ. ეს ნიშნავს, რომ სიამოვნებას სხვა რამისგან ვიღებთ.

ალბათ, ბევრისგან გსმენიათ, რომ დაახლოებით 50-55 წლის ასაკში ჩნდება შეგრძნება, რომ ცხოვრებაში რაღაც დამთავრდა და რაღაც, რაც ამ მომენტში უნდა დაწყებულიყო, არ დაიწყო. მარტივად რომ ვთქვათ, ცხოვრებაში რაღაც შესვენებისმაგვარი ჩნდება – პაუზა, რომელიც, რაოდენ სამწუხაროც არ უნდა იყოს, შეიძლება დიდხანს, სიკვდილამდეც კი გაგრძელდეს.

აქ საქმე მიზანთან გვაქვს. 50-ის მერე, სტანდარტულად, მიზნად ვისახავთ ვიცხოვროთ ადრინდელზე უკეთესად, გამოვიყურებოდეთ იმაზე ცუდად არა, ვიდრე უწინ, ვიმუშაოთ, იმაზე ცოტა არ გამოვიმუშაოთ, ვიდრე უწინ, უკეთ დავისვენოთ…

და განა გასაკვირია, რომ ამდენი ადამიანი სევდით შეიგრძნობს, რომ 50-ის მერე მათი ცხოვრება თითქოს გაჩერდა? განა შეიძლება სხვაგვარად იყოს, როდესაც ვცდილობთ საკუთარი თავი გავიმეოროთ?

სცადეთ და საკუთარ თავს სხვა მიზანი დაუსახეთ — იცხოვროთ უკეთ, ვიდრე აქამდე. მიიღოთ ცხოვრებისგან მეტი სიამოვნება. უფრო მხიარულად გაერთოთ, საინტერესოდ დაისვენოთ, უკეთ გამოიყურებოდეთ, ძლიერ გიყვარდეთ. სცადეთ და მაშინვე იგრძნობთ, რომ ცხოვრებას აზრი კვლავ მიეცა.

სანამ ვფიქრობთ, რომ 50-ის მერე ჩვენი პირადი განვითარება სრულდება, სანამ სასოწარკვეთილი ვცდილობთ წარსულს ჩავებღაუჭოთ, ვიცხოვროთ ისე, როგორც ადრე ვცხოვრობდით, სიხარულზე და სიამოვნებაზე ფიქრიც არ ღირს.

55-ის მერე სიხარული და კმაყოფილება ცხოვრებისგან მაშინ ჩნდება, როდესაც წარსულს გაუშვებთ და თავს უფლებას მისცემთ იცხოვროთ, შეიცვალოთ, განვითარდეთ, გახდეთ სხვანაირი, გყავდეთ ახალი მეგობრები, გქონდეთ ახალი გატაცება, საქმე, ახალი სიამოვნება.

93
თემები:
სასარგებლო რჩევები