სიყვარული  პირველი რომანტიკული ოცნებებიდან იწყება

ზოდიაქო: შეუთავსებელი და ამავე დროს ერთმანეთისთვის მიმზიდველი წყვილები

14880
(განახლებულია 10:45 15.07.2021)
ხშირად ადამიანებს ერთმანეთის მიმართ მიზიდულობა, სწრაფვა უჩნდებათ, მაგრამ უნდა ვიცოდეთ, რომ ზოდიაქოს ნიშნების მიხედვით ეს გაჩენილი ვნება გრძელვადიანი პერსპექტივის იმედს არ აჩენს. ნახეთ, თქვენ და თქვენი პარტნიორი (ან მომავალი პარტნიორი) ამ ჩამონათვალში ხომ არ მოხვდით.

ალბათ, ბევრისთვის არის ნაცნობი სიტუაცია, როცა ვინმეს გაიცნობ და თქვენ შორის გარკვეული „ქიმია“ ჩნდება, ამ ადამიანით თითქოს შეპყრობილი ხდები. ვნება ხშირად სწრაფად გვიზიდავს, მაგრამ ასევე სწრაფად ცხრება. როგორც წესი, ასეთი ურთიერთობები დიდხანს არ გრძელდება და თუ გრძელდება, ფიზიკურ ლტოლვაზეა დამყარებული.

ასეთი მიზიდულობა ურთიერთობების დასაწყისში მნიშვნელოვან როლს ასრულებს, მაგრამ ადამიანების შეთავსებადობა სხვა რამეს ეფუძნება.

ასტროლოგიაში, ტრადიციულად, შეთავსებად ნიშნებად მიიჩნევენ თავისი ან მონათესავე სტიქიის ნიშნებს. მაგალითად, დედამიწის ნიშნები (თხის რქა, კურო, ქალწული) შეთავსებადი არიან თავისივე ან წყლის ნიშნებთან (კირჩხიბი, მორიელი, თევზები). ცეცხლოვანი ნიშნები (ვერძი, ლომი, მშვილდოსანი) - ერთმანეთთან და ჰაერის ნიშნებთან (სასწორი, მერწყული, ტყუპი).

ასევე, ჩვეულებრივ, ერთმანეთს ვერ ერწყმიან სტიქიები: დედამიწა/ჰაერი, ცეცხლი/წყალი, ჰაერი/წყალი, დედამიწა/ცეცხლი.
გაგაცნობთ წყვილებს, რომლებიც ერთმანეთს ძლიერ იზიდავენ, მაგრამ, ამავე დროს, შეუთავსებელნი არიან.

1. ვერძი და მორიელი

ვერძსა და მორიელს შორის ხშირად წარმოიქმნება ხოლმე ცეცხლოვანი სასიყვარულო ურთიერთობები. ორივე ნიშანს მარსი - სექსის, აგრესიისა და ენერგიის პლანეტა მართავს.

მათ შორის ისეთი ვნება ჩნდება, რომ ერთმანეთს ვერ წყდებიან. ვერძი მამაკაცი მთლიანად ეშვება რომანში. ქალი მორიელი მას აუღელვებელი ქცევითა და ფარული ვნებით „აბამს“. ქალის მაცდურობა მამაკაცის სისუსტე, ხოლო მამაკაცის თავდაჯერებულობა - ქალის სისუსტე გახდება.

ვერძ ქალსა და მორიელ მამაკაცს ერთმანეთში მუდმივი დაძაბულობა ექნებათ.

2. სასწორი და თევზი

როდესაც მეოცნებე თევზი იდეალისტ სასწორს ხვდება, მათ შორის ორივეს ფანტაზიაზე დაფუძნებული რომანი ჩაღდება. რეალობიდან გაქცევის მისწრაფება შექმნის იდილიას, რომელიც შენიღბავს პრობლემებს მათ სრულ უარყოფამდე.

ეს სიყვარულით აღსავსე ერთ-ერთი ყველაზე რთული შერწყმაა. ორივე ნიშანს სურს, მეორე სენტიმენტალური ჟესტებით გააბედნიეროს.

თევზები აიძულებენ სასწორებს იფიქრონ, რომ ისინი მათთვის არიან შექმნილი, თუნდაც ეს მხოლოდ გარეგნულად ჩანდეს ასე.
სამწუხაროდ, როდესაც ცხოვრებაში სირთულეები ჩნდება, ორივე ნიშანი მას თავს აარიდებს და რეალობიდან გაქცევას შეეცდება.

3. ლომი და კურო

ლომსა და კუროს შორის გულისხმიერი და სენტიმენტალური ურთიერთობები ჩნდება. ეს წყვილი საკუთარი გრძნობების სახალხოდ წარმოჩენით ყველას აღიზიანებს. ლომს, რომელსაც მზე მართავს, ყველას აღტაცება სწყურია იმ დროს, როდესაც კუროს, რომელსაც ვენერა მართავს, უბრალოდ, კომფორტული ცხოვრება სურს.

მეყვარები, სანამ... – ზოდიაქოს ნიშნის წარმომადგენლების მოთმინების ზღვარი>>

ლომს კუროს მგრძნობიარობა მოსწონს, კურო კი აღფრთოვანებულია იმით, რომ ლომს შეუძლია მას თავი საყვარელ და განსაკუთრებულ არსებებად აგრძნობინოს.

ისინი ერთმანეთის ერთგული იქნებიან, მაგრამ ორივე ძალზე ჯიუტია და არც ერთს არ სურს, თავის ჩვეულებებს უღალატოს. ისინი არ თანხმდებიან ცვლილებებს, რომელსაც შეუძლია ლომის სიამაყისა და კუროს თვითკმაყოფილების შელახვა.

როცა რაიმე გეგმის მიხედვით არ მიდის, არც ერთი არ არის მზად, რომ საკუთარი დანაშაული აღიაროს. ორივე ყველაფერს თავის ნებაზე აკეთებს, ამიტომ მათი ურთიერთობაც, როგორც წესი, კონფლიქტით მთავრდება.

4. მშვილდოსანი და ქალწული

ეს ნიშნები ერთმანეთს აწონასწორებენ, მაგრამ, ამავდროულად, ერთმანეთის ჭკუიდან გადაყვანა შეუძლიათ. მშვილდოსანი თავისუფალი და შედარებით მსუბუქია, მას უყვარს აქეთ-იქით ყურება და ახალი ადგილებისა და ადამიანების მოძებნა. ქალწული კი ბუნებით თავშეკავებულია და რომანის არაგონივრულად გაბმა არ ახასიათებს.

მშვილდოსანი ქალწულს შებოჭილობის მოხსნაში დაეხმარება, მაგრამ ხანდახან მას არაკომფორტულ მდგომარეობაში ჩააყენებს. ქალწული, თავის მხრივ, მშვილდოსანს არაგონივრული საქციელისგან შეაკავებს და შედეგებზე დაფიქრებას აიძულებს.

ამ ორი ნიშნის ურთიერთობა მუდმივად ერთმანეთისკენ ლტოლვასა და უარყოფაზე იქნება დამყარებული, რაც მათ სექსუალურ ურთიერთობას განუმეორებლობას მიანიჭებს. როგორც წესი, ეს ნიშნები ერთმანეთს ყმაწვილობისას იცნობენ და, მიუხედავად განსხვავებულობისა, ერთმანეთთან რჩებიან.

5. თხის რქა და მერწყული

ეს ნიშნები ერთმანეთს უკავშირდებიან, რადგან ერთი თანამმართველი პლანეტა - სატურნი ჰყავთ, ეს კი შეზღუდვებისა და კარმის პლანეტაა.

თხის რქა ტრადიციების ერთგულია, პატივს სცემს წესებსა და საზღვრებს და ამავეს ელოდება სხვებისგანაც. მერწყული მეამბოხეა, რომელიც ვერ იტანს საზღვრებს და ყოველთვის მათ დარღვევას ცდილობს.

თხის რქები ყოველთვის ჯენტლმენივით ან დახვეწილი ლედივით იქცევიან ხალხში, მაგრამ მათ საიდუმლო მიდრეკილებები აქვთ, რომელზეც არავის აქვს ეჭვი, სანამ მასთან ერთად საწოლში არ აღმოჩნდება. მერწყული თავის უცნაურობებს არ მალავს არც ხალხში და არც ინტიმური ურთიერთობისას, ამიტომ ეს მათ ექსპერიმენტებსა და სიახლეების წყურვილს გაამდიდრებს.

რადგან მერწყული მოულოდნელისგან სარგებელს იღებს, ხოლო თხის რქას კი არ უყვარს მოულოდნელობა, ეს ნამდვილ აფეთქებებს გამოიწვევს როგორც კარგი, ისე ცუდი მნიშვნელობით.

6. კირჩხიბი და ტყუპი

კირჩხიბს განწყობების ცვალებადობა ახასიათებს. წამიერად შეუძლია ბედნიერების მდგომარეობიდან დეპრესიულ განწყობაზე გადავიდეს. ტყუპი უდარდელია, მაგრამ მოსაზრებას ნებისმიერი საბაბით იცვლის. კირჩხიბისა და ტყუპის ურთიერთობა „ამერიკულ მთებს“ წააგავს, რადგან ორივე ნიშანი, როცა ემოციებთან გამკლავებას ცდილობს, არაპროგნოზირებადია.

ტყუპი არცთუ სერიოზულად მიიღებს კირჩხიბის გაღიზიანებას, რადგან ეს ლოგიკური ნიშანია, რომელიც თავით ფიქრობს და არა გულით.

მეორე მხრივ, კირჩხიბს ემოციები და ინტუიცია მართავს. ეს ქმნის წონასწორობას, სადაც ერთ ნიშანს ძლიერი მხარე აქვს, რაც მეორეს არ გააჩნია. მაგრამ ეს იქნება სწორედ მოგვიანებით მათი იმედგაცრუებისა და გაუგებრობის წყარო. ინტიმურ ურთიერთობებში ტყუპი დინებას მიჰყვება, ხოლო კირჩხიბი ჯანსაღ და რომანტიკულ ურთიერთობებს უჭერს მხარს.

7. მერწყული და მორიელი

მერწყული და მორიელი - ეს ის ორი ნიშანია, რომელთაც უყვართ „აკრძალული ხილის“ კვლევა და ისეთ რამეებზე საუბარი, რაზეც სხვებს ფიქრისაც კი რცხვენიათ. ისინი დაინტერესდებიან ერთმანეთით და მათი საუბრები ხანდახან ღამეებს გაათენებინებს. 

ორივე ნიშანი ჯიუტია. კონფლიქტისას ისინი არ არიან მზად დათმობებისა და კომპრომისებისთვის. მერწყული შეიძლება ძალზე ქედმაღალი იყოს, როცა ვინმე მის ფასეულობებს მხარს არ უჭერს, ხოლო მორიელი ვერ იტანს, როცა მას მედიდურად ელაპარაკებიან. ის შეიძლება მდგომარეობიდან გამოვიდეს, თუ მასში არასრულფასოვნების გრძნობას გააჩენენ.

ინტიმურ ურთიერთობებში მერწყული მორიელის სექსუალობას დააკმაყოფილებს, რადგან მთლიანად გახსნილი იქნება სიახლოვისას.

8. სასწორი და მორიელი

მორიელი გულდახურულია და იშვიათად იპყრობს ყურადღებას. სასწორს გასხივოსნებული მზერა და ღიმილი აქვს, რაც გარშემო მყოფთა ყურადღებას იქცევს.

რადგან სასწორი ძალზე კონტაქტურია, ის მორიელს თავისი ნაჭუჭიდან გამოსვლასა და დროის კარგად გატარებაში დაეხმარება. მორიელი ამას დააფასებს, რადგან გაიცნობს ადამიანებს, რომლებთანაც ვერც კი წარმოედგინა, რომ რაიმე საერთო შეიძლება ჰქონოდა.

მორიელი იშვიათად ლაპარაკობს იმაზე, რაც მის თავში ტრიალებს, სასწორს კი ცნობისწადილი ექნება, გაიცნოს ის უკეთ. ინტიმურ ურთიერთობებში სასწორი მორიელს დაეხმარება, თავი იგრძნოს, როგორც საყვარელმა ადამიანმა.

პრობლემები მაშინ ჩნდება, როცა სასწორი მორიელის ყინულივით ცივ საქციელს აწყდება, ხოლო მორიელს გააღიზიანებს სასწორის სურვილი, გამოსტყუოს მას ინფორმაცია, რომლის გამჟღავნება არ სურს.

9. ვერძი და კირჩხიბი

ვერძს უყვარს, როცა თავს გმირივით გრძნობს, ხოლო კირჩხიბს დაცვა და გადარჩენა სჭირდება. ეს განსაკუთრებით იმ წყვილს ეხება, სადაც ვერძი მამაკაცია და კირჩხიბი - ქალი. ქალს მუდამ დახმარება სჭირდება, რადგან ხშირად დაუცველი ჩანს. მამაკაცი კი ბედნიერი იქნება, მიაღწიოს მის სიყვარულს და მის დასახმარებლად ყოველთვის მზად იყოს.

ეს კარგი შერწყმაა ინტიმური ურთიერთობებისთვის, სადაც ვერძი კირჩხიბს ნამდვილ ზღაპარში გადაიყვანს. გარკვეულ დრომდე ეს ვერძს მოეწონება, სანამ არ აღმოაჩენს, რომ არის არსებითი ნაკლი - კირჩხიბის ემოციური დამოკიდებულება.

ვერძებისთვის ჰაერივით აუცილებელია სივრცე და დამოუკიდებლობა, ეს კი კირჩხიბს გაანაწყენებს, რადგან თავს იგრძნობს, როგორც ადამიანი, რომელიც არ უყვართ და რომელიც არასასურველია. ისე, რომ თავადაც ვერ მიხვდება, ვერძი აწყენინებს კირჩხიბს და მერე თავს დამნაშავედ იგრძნობს იმის გამო, რომ არის ის, ვინც არის.

10. თევზი და მშვილდოსანი

ორივე ნიშნის თანამმართველია იუპიტერი - გაფართოებისა და წარმატების პლანეტა. ორივე ნიშანს გარე ძალების იმედი აქვს ცხოვრებისეულ საკითხებში, ორივეს უყვარს ცოდნის შეძენა და ცხოვრების სულიერი სფერო, რაც ინტიმურ სფეროშიც აისახება.
თუმცა მშვილდოსანი მოქმედების ადამიანია და საკუთარ მიზნებს მიჰყვება, როცა იღბალი მის მხარესაა.

თევზი წყლის ნიშანია, რომელსაც სხვა ადამიანების იმედზე ყოფნა უყვარს. მშვილდოსანს ეს აწყობს, მაგრამ არ სურს, შედეგებთან ჰქონდეს საქმე, თუ არასწორი გადაწყვეტილება მიიღო. ეს მშვილდოსანს იმედს გაუცრუებს, ხოლო თევზი განაწყენდება, როცა ეტყვიან, რომ თვითონ უნდა გააკეთოს ყველაფერი.

რადგან ორივე ნიშანს ცვალებადობა ახასიათებს, მათ იოლად შეუძლიათ ერთმანეთის ნაკლოვანებებთან შეგუება, მაგრამ მათი მიდგომები არ ემთხვევა ერთმანეთს.

11. ლომი და თხის რქა

ამ ორივე ნიშანს უყვარს სტატუსი და ავტორიტეტი და ეს მათ შორის მიზიდულობას აჩენს. ლომი კეთილგანწყობილი და ვნებიანი ნიშანია მაშინ, როცა თხის რქა - ცივსისხლიანი და პრაქტიკული.

ზოდიაქო: ვის როგორ უმართლებს სიყვარულში>>

ისინი ყველაფერს სხვადასხვანაირად უყურებენ, თუმცა მათი ფასეულობები ემთხვევა. ლომს ძლიერი ეგო და საკუთარი ღირსების გრძნობა გააჩნია, რომლის შერყევა ადვილია, თუ მას ყურადღებას არ მიაქცევ.

თხის რქა ლომს კონსტრუქციული კრიტიკის მეშვეობით ნაკლს მიუთითებს და ადგილს მიუჩენს. ეს ან აამოძრავებს ლომს, რომელიც მიჩვეული არ არის, რომ ვინმე მასთან ასე შორს მიდიოდეს, ან წყობილებიდან გამოიყვანს. ლომს, თავის მხრივ, თხის რქის ბნელ ნატურაში ბევრი სინათლის შეტანა შეუძლია.

თუმცა ეს ერთ-ერთი ყველაზე რთული წყვილია, რადგან ერთმანეთის მოლოდინებს ძნელად თუ ამართლებენ.

12. კურო და სასწორი

ამ წყვილში განსაკუთრებული რომანტიკული სული იტრიალებს, რადგან ორივეს პლანეტა ვენერა მართავს. ვენერას მშვენიერება და ჰარმონია სურს, რაც, ერთი შეხედვით, შეთავსებადობისთვის კარგი საფუძველი შეიძლება გახდეს.

თუმცა, კუროს კომფორტი სჭირდება და ის ტაქტილურ (შეხებით) აღქმასა და გემოს ეყრდნობა. ამავე დროს, სასწორს ესთეტიკურად ლამაზი ნივთები უყვარს და მხედველობით აღქმასა და სურნელს ეყრდნობა.

ეს მათ წყვილში მრავალ მგრძნობიარე მომენტს მოიტანს, მაგრამ ორივე ნიშანს მიაჩნია, რომ მეორე დამოკიდებულია. სასწორს ემოციური უსაფრთხოება სჭირდება, ხოლო კურო მესაკუთრე იქნება და მას ფიზიკური უსაფრთხოება სჭირდება. სასწორებს ფლირტი უყვართ, ეს კი კუროსთვის პრობლემა იქნება, რადგან მას უნდა იცოდეს, რომ პარტნიორი მთლიანად მას ეკუთვნის.

13. კირჩხიბი და ლომი

აქ მზისა (ლომის მფარველი) და მთვარის (კირჩხიბის მფარველი) შერწყმასთან გვაქვს საქმე. ორივეს განსაკუთრებული კავშირი ექნება, სადაც ერთი მეორეს შეავსებს, რადგან ისინი ზოდიაქოს მეზობელი ნიშნები არიან. მამაკაც ლომს სურს, კირჩხიბი ქალი მოიპოვოს და მას პრინცესასავით მოექცეს.

კირჩხიბს სახლში ყოფნა უყვარს და ლომს ცხოვრების სიხარულის შეგრძნებებს მიანიჭებს - სიყვარულს, ერთგულებასა და ოჯახურ ფასეულობებს. ამან შეიძლება ხელსაყრელი ურთიერთობების საფუძველი შექმნას, თუ მათ შორის დიდი განსხვავებაა. კირჩხიბს ხშირად აქვს განგაშისა და სიფრთხილის შეგრძნება და თუ ის ლომის მფარველობას დაიწყებს, ამით ამ უკანასკნელს ხელს შეუშლის.

ბუნებით მხიარული ლომი ამას ნეგატიურ თვისებად მიიჩნევს, ეს კი მათ შორის გაჩენილ ცეცხლოვან ნაპერწკლებს ჩააქრობს. ლომი შეიძლება მომთხოვნი იყოს, ეს კი მგრძნობიარე ლომს გაანაწყენებს.

14. მერწყული და თევზი

ორივე ნიშანი საკმაოდ ცნობისმოყვარეა და მზადაა თავგადასავლებისთვის. თავდაპირველად მათთვის ერთმანეთის კომპანიაში ყოფნა საინტერესო იქნება და შესაძლოა, საერთოც ბევრი ჰქონდეთ. თევზი მერწყულთან იმხიარულებს და შეეცდება, ის თავის ფანტაზიებში ჩაძიროს. მოისურვებს ამას მერწყული თუ არა - ეს უკვე სხვა საკითხია.

მერწყულს თავისუფლება სჭირდება და უპირატესობას სამყაროს თავისი წესებით გამოკვლევას ანიჭებს. თევზები ერთ-ერთი ყველაზე მგრძნობიარე ნიშანია მაშინ, როცა მერწყულს ნაკლებად ემოციურ ადამიანთან ურჩევნია ყოფნა.

ინტიმურ ურთიერთობაში მერწყული კონტროლს, უმეტესად, საკუთარ თავზე აიღებს, ხოლო თევზი მის მორჩილებას დათანხმდება. თუმცა, საბოლოოდ, ორივე ნიშანს ერთმანეთის დაკმაყოფილება გაუჭირდება.

15. ვერძი და თხის რქა

ეს ძლიერი წყვილია, მაგრამ კარგად ერწყმიან ერთმანეთს საქმიან და არა რომანტიკულ ურთიერთობებში.

ორივე ნიშანი ბუნებით ლიდერია, მაგრამ როდესაც საქმე წინსვლას ეხება, ორივეს თავისი მიდგომა აქვს. ეს მიიყვანს ძალაუფლებისთვის ბრძოლასთან, რაც გაართულებს ვითარებას და ერთმანეთის ეგოს შელახავს.

რა უპირატესობა და ნაკლი აქვს ქორწინებას ზოდიაქოს თითოეულ ნიშანთან>>

თუმცა, ვერძს ცოტაოდენი კონფლიქტი ესაჭიროება, რათა ინტიმური ურთიერთობისას ნაპერწკალი იგრძნოს, მაგრამ დიდ მეტოქეობას კარგად ვერ გაუმკლავდება. თხის რქა, ჩვეულებრივ, კარგად აკონტროლებს თავს და წარმატებას გონივრულად და ყველაფრის გათვლით აღწევს მაშინ, როცა ვერძს წინასწარ გათვლილი გეგმა არ გააჩნია.

თხის რქა დედამიწის ნიშანია და ის მეთოდურად იქცევა, მშვენივრად იცის, რა მოხდება. ვერძისთვის კი კომფორტულია, არ იცოდეს და უბრალოდ იფიქროს, რომ ყველაფერი მის სასარგებლოდ შემოტრიალდება.

14880
ბათუმი

დღის ასტროპროგნოზი ზოდიაქოს ნიშნებისთვის: 31 ივლისი

22
(განახლებულია 10:31 30.07.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 31 ივლისია, შაბათი. კლებადი მთვარე კუროს ნიშანშია. ამ დღეს პლანეტა სატურნი მფარველობს.

ენერგია ჩქეფს, შრომისუნარიანობა სათანადო სიმაღლეზეა და ეს ჩანაფიქრის განხორციელებისთვის კარგ შესაძლებლობებს იძლევა. გამოიყენეთ ეს დრო წარმატების მისაღწევად, მაგრამ გაითვალისწინეთ, რომ დღე უფრო უკვე დაწყებული საქმეების დასამთავრებლად გამოდგება, ვიდრე ახლის დასაწყებად. დიდია ქონებასთან და ფინანსებთან დაკავშირებული დავების ალბათობა.

დღის ასტროპროგნოზი ზოდიაქოს ნიშნებისთვის: 30 ივლისი>>

ვერძი: დღეს შესანიშნავი შანსი გეძლევათ, რომ თუ გამდიდრდეთ არა, ფინანსური მდგომარეობა გამოასწოროთ მაინც. მთელი დღის განმავლობაში სხვადასხვა ფულთან დაკავშირებული სიურპრიზი გელოდებათ: პრემია გაწეული შრომისთვის, ადრე გაცემული ვალის დაბრუნება, საჩუქარი ახლობელი ადამიანისგან ან, ბოლოს და ბოლოს, „ოქროს მთების“ დაპირება პერსპექტივაში. თუ უფრო შემოსავლიანი თანამდებობის მოძებნას აპირებდით, ამისთვის ეს დღე ძალიან კარგ შესაძლებლობებს იძლევა.

კურო: ხართ ამაღლებულ, პოზიტიურ განწყობაზე და ამის წყალობით თქვენი საქმეები თავისით წაიწევს წინ. ერთნაირად, „თამაშ–თამაშით გაუმკლავდებით როგორც მონოტონურ სამუშაოს, ისე პროექტებს, რომლებიც ანალიზსა და შემოქმედებით დამოკიდებულებას მოითხოვს. შინაგანი ჰარმონიით აღსავსეებს დღეს ჩვეულებრივზე მეტის გაკეთება შეგიძლიათ და დაღლაც არ დაგეტყობათ.

ტყუპი: დღეს შრომისთვის მოულოდნელ ჯილდოს მიიღებთ. ეს შეიძლება იყოს ხელმძღვანელობის მადლობა, კარიერული ზრდა ან საჩუქარი საყვარელი ადამიანისგან. ასევე შესაძლებელია სხვა სასიამოვნო სიურპრიზები, მოვლენები, როგორიცაა ვალის დაბრუნება, დაუგეგმავი მოგება, მივლინება რომელიმე კურორტზე და სხვა. მოკლედ, დღეს ფორტუნა აუცილებლად გაგიღიმებთ და არაა გამორიცხული, რომ სწორედ ეს დღე გახდეს თქვენს ცხოვრებაში იღბლიანი პერიოდის დასაწყისი.

კირჩხიბი: მარტივი დღე არ გელოდებათ. მოვლენები შეიძლება სულაც არ განვითარდეს ისე, როგორ ელოდებით. რაღაც მომენტში შესაძლოა ინიციატივა გაუშვათ ხელიდან და ვითარება ვეღარ გააკონტროლოთ. როგორც ასტროლოგები ამბობენ, ეს ცუდი მომზადების ან ინფორმაციების ნაკლებობის ბრალი შეიძლება იყოს. აქედან გამომდინარე, თუ არ გინდათ, რომ ყველაფერი ხელიდან გაგისხლტეთ, ისეთ საქმეებს შეეჭიდეთ, რომლებშიც ასი პროცენტით ხართ დარწმუნებული.

ლომი: აჯობებს იმ პროექტზე იმუშაოთ, რომელიც უკვე მომზადებული გაქვთ და შესაძლოა, სულ მცირე რაღაც აკლია, რომ ამოქმედდეს. ამას გარდა, დღეს შეიძლება რაღაც კარგი ინფორმაცია მიიღოთ, რაც ხელს შეუწყობს ამ პროექტის უახლოეს დღეებში ამუშავებას. ეს შეიძლება იყოს თანხის მიღება, ინფორმაცია, აუცილებელი კონტაქტები ან ახლობლების თანხმობა. უნდა გამოიყენოთ ეს შანსი, რათა პროექტი, ბოლოს და ბოლოს, ამოქმედდეს.

ქალწული: ვარსკვლავები გაფრთხილებენ – შეიძლება შეეჯახოთ რაღაც ჭორებს, რომლებიც უარყოფითად აისახება თქვენს კარიერაზე, სტატუსზე ან ცხოვრების დონეზე. ამასთან, შეიძლება გახდეთ ამ ჭორების არა მხოლოდ მსხვერპლი, არამედ დაზარალდეთ იმის გამო, რომ ეს ხმები თავად გაავრცელეთ. ასე რომ, უსიამოვნებების თავიდან ასაცილებლად აჯობებს, თუ თქვენს მოსაზრებებს გარშემომყოფების შესახებ თქვენთვისვე შეინახავთ. ხოლო იმას, რასაც ირგვლივ ლაპარაკობენ, ყურადღებით უნდა მოუსმინოთ – ასე მიაგნებთ ჭორების გავრცელების წყაროს და მისგან თავის დაღწევის შანსი გაგიჩნდებათ.

სასწორი: დღეს შეიძლება იეჭვიანოთ სხვების წარმატებებზე და იმედი გაგიცრუვდეთ საკუთარი თავის გამო. ეს შეიძლება გამოიწვიოს რომელიმე კოლეგის წახალისებამ ან იმის გაცნობიერებამ, რომ თქვენი საქმეები ჩიხში შევიდა. თუ გარშემომყოფები უფრო წარმატებულებად გეჩვენებათ, ასტროლოგები გირჩევენ, ნაკლებად იყუროთ აქეთ–იქით და საკუთარ საქმეებს მიხედოთ. გაიხსენეთ, როდესაც თქვენ იყავით ყველაზე წარმატებული და ეცადეთ, განეწყოთ ახალი მწვერვალების დასაპყრობად.

მორიელი: დღეს თქვენი მთავარი მამოძრავებელი ძალა ჯანსაღი კონკურენცია გახდება. ეს გრძნობა შეიძლება გაგიჩნდეთ კოლეგების, მეგობრების ან ახლობლების წარმატებების მიმართ. მთავარი ისაა, რომ სწორედ ეს გაიძულებთ, იმოქმედოთ უფრო ენერგიულად. შესაძლოა, აზარტული განწყობის კარნახით გადადგათ ისეთი ნაბიჯი, რომელსაც სხვა დროს სიფრთხილის გამო ვერ გაბედავდით. და რამდენად გაამართლებს ეს რისკი, ამას უფრო მოგვიანებით, სხვა დღეს შეიტყობთ.

მშვილდოსანი: კონფლიქტისთვის ხართ განწყობილი, ყოველ შემთხვევაში, ასე მოეჩვენებათ გარშემომყოფებს. ერთი მხრივ, არ დაუშვებთ სხვების ჩარევას და მტკიცედ იდგებით თქვენს მოსაზრებაზე და მეორე მხრივ, ყველას გაკრიტიკებისა და დაუკითხავი რჩევების მიცემის სურვილი გამოძრავებთ. თქვენ თავად დარწმუნებული ხართ, რომ საქმის ინტერესებიდან გამომდინარე მოქმედებთ. შესაძლოა, რაღაც საკითხებში მართლაც მართალი ხართ, მაგრამ არა სიმშვიდისა და ნერვების შენარჩუნების საკითხებში.

თხის რქა: დღეს თქვენი წარმატების გარანტი თქვენი უნარია, იგრძნოთ, საიდან უბერავს ქარი. სიტუაცია მოითხოვს, რომ გზადაგზა გაერკვიოთ ვითარებაში, მოერგოთ მას და წარმოადგინოთ თქვენი იდეები იმგვარად, რომ ისინი ირგვლივ მყოფებს აუცილებლად მოეწონოთ. შეგიძლიათ, რომ ყველა შესაძლო ვარიანტიდან შეუცდომლად აირჩიოთ ის, რომელიც ყველაზე მომგებიანია თქვენთვის, თუნდაც ამისთვის მოქმედებების ჩვეული სტილის შეცვლა დაგჭირდეთ.

მერწყული: დღეს ნებისმიერი წამოწყებისთვის შესანიშნავი დღეა. რასაც არ უნდა მოჰკიდოთ ხელი, პრაქტიკულად ყველა საქმე დროთა განმავლობაში მოგებასა და წარმატებას გპირდებათ. ასე რომ, თამამად დააწყვეთ გეგმები, წამოაყენეთ ახალი პროექტი, დაისახეთ ახალი მიზნები. ერთადერთი, რამაც დღეს შეიძლება ხელი შეგიშალოთ, ეს შურით გაჟღენთილი კრიტიკაა. თუ ამ კრიტიკას მოუსმენთ და აჰყვებით, შესაძლოა, საკუთარ თავში ეჭვი შეგეპაროთ, რაც თქვენს საქმეებზე ცუდად აისახება.

თევზები: მოუსვენრობა შეგიპყრობთ და ერთ ადგილზე გაჩერება გაგიჭირდებათ. თქვენი ენერგია გამოსავალს ეძებს, ეჭიდება ნებისმიერ შანსს, რომ ცხოვრება გაამრავალფეროვნოს. შესაძლოა, ინიციატივა გამოიჩინოთ და რომელიმე მივლინებას დათანხმდეთ რამე საბაბით, ან კამათში ჩაებათ იმისთვის, რომ რაღაც განსხვავებული მოხდეს და ყველაფერი ჩვეულ რეჟიმში არ მიდიოდეს. და თუ საქმეებს ადრე მორჩებით, შემდეგ შეგიძლიათ მთელი შემართებით გაერთოთ.

22
მაღვიძარა

გახდომა ძილში: ექიმი ასახელებს პროდუქტს, რომელიც ღამით ცხიმებს წვავს

143
(განახლებულია 20:36 30.07.2021)
ირკვევა, რომ არსებობს პროდუქტი, რომელიც ძილის წინ უნდა მიირთვათ, თუ გინდათ, დილით უკვე 300 გრამი გქონდეთ დაკლებული

თბილისი, 30 ივლისი — Sputnik. წონის დასაკლებად სულაც არ არის საჭირო, ექვსი საათის შემდეგ ჭამაზე უარი თქვათ და მშიერ კუჭზე დაიძინოთ, აცხადებს ენდოკრინოლოგი ანჟელიკა ჩიჟი.

მისი თქმით, ზედმეტი კილოგრამების მოსაშორებლად ექვსი საათის შემდეგ ჭამაზე უარის თქმა, ინტერვალური შიმშილი, ღამ-ღამობით კი მხოლოდ კეფირი — ეს სინამდვილეში მხოლოდ გავრცელებული მითია. სპეციალისტი ირწმუნება, რომ გახდომა ძილშიც კია შესაძლებელი -— უბრალოდ, სწორი საკვები უნდა შეირჩეს.  

„რა უნდა მიირთვათ, რომ ძილში გახდეთ. ჩვენს ორგანიზმში ღამის 12 საათამდე გამომუშავდება სომატოტროპული ჰორმონი, რომელიც ცხიმებს წვავს. იმისათვის, რომ ეს ჰორმონი გამომუშავდეს, ორი ნაბიჯი უნდა გადადგათ: პირველი — ძილის წინ ორი მოხარშული კვერცხის ცილა ჭამოთ, და მეორე — დასაძინებლად ღამის 11 საათისთვის დაწვეთ. დილით თუ აიწონებით, აღმოაჩენთ, რომ 300 გრამი გაქვთ დაკლებული“, — ამბობს ექიმი.

გარდა ამისა, ენდოკრინოლოგის თქმით, არსებობს ისეთი პროდუქტები, რომლებიც რაციონიდან არავითარ შემთხვევაში არ უნდა გამოირიცხოს, მკაცრი დიეტის შემთხვევაშიც კი.

ესენია:

ცილები — ქათმის, ინდაურის, ძროხის უცხიმო ხორცი, თევზეული, კვერცხის ცილა.

ეს ყველაფერი ის „სამშენებლო მასალაა“, რომლის გარეშეც ადამიანის ორგანიზმი გამოიფიტება. ცილა მნიშვნელოვანია არა მარტო კუნთებისთვის, არამედ ძვლების, კანის, მყესების, ჰორმონებისა და იმუნიტეტისთვის.

მცენარეული უჯრედისი — მწვანილი, ბოსტნეული, მარცვლეული, პარკოსნები.

უჯრედისი საჭმლის მომნელებელი სისტემის მშაობაზე აგებს პასუხს. მისი წყალობით, დიდხანს ნარჩუნდება სიმაძღრის შეგრძნება და სტაბილურდება ენერგეტიკული დონე. გარდა ამისა, უჯრედისი ეფექტურად გამოდევნის ორგანიზმიდან ტოქსინებს და ასევე არის პროფილაქტიკა გულ-სისხლძრღვთა სისტემის დაავადებების, შაქრიანი დიაბეტისა და კოლორექტალური კიბოსთვის.

ხილი და კენკრა — ეს მიკროელემენტებისა და ვიტამინების არაჩვეულებრივი წყაროა. მთავარია, აირჩიოთ ისეთი პროდუქტი, რომლეშიც ცოტა შაქარი და ბევრი უჯრედისია (მაგალითად, ბანანი). ყველაზე სასარგებლოა: ციტრუსები, კივი, ვაშლი და ყველანაირი კენკრა.

143
თემები:
ექიმი გირჩევთ