მზის დაბნელება

დღის ასტროპროგნოზი 10 ივნისს ორი დიდი მოვლენის ფონზე: მზის დაბნელება და ახალმთვარეობა

938
(განახლებულია 09:38 10.06.2021)
მზის დაბნელების პერიოდი საკმაოდ საშიშია, მაგრამ 2021 წლის 10 ივნისს ჩვენ ე.წ. რკალისებრი მზის დაბნელება გველოდება. ამავე დღესაა ახალმთვარეობაც. ეს ორი მნიშვნელოვანი უნიკალური ასტრონომიული მოვლენა ადამიანებზე განსაკუთრებულად იმოქმედებს.

ამ დღეს მთვარეცა და მზეც ტყუპის ნიშანში იქნებიან. ეს ნიშნავს, რომ ახალმთვარეობა და მზის დაბნელება იმოქმედებს ცხოვრების ისეთ სფეროებზე, როგორიცაა სწავლა, სიყვარული, ურთიერთობები, მეგობრობა.

როგორ მოქმედებებს ახალმთვარეობა ზოდიაქოს ნიშნებზე>>

10 ივნისს მზის დაბნელებით დასრულდება დაბნელებების პირველი დერეფანი, რომელიც 26 მაისს მთვარის დაბნელებით დაიწყო.

რა არის მზის რკალისებრი დაბნელება

დაბნელების დროს დედამიწა, მზე და მთვარე ერთ მწკრივში დგებიან. დაბნელების რამდენიმე სახეობა არსებობს – სრული, ნაწილობრივი და რკალისებრი. პირველ შემთხვევაში მთვარე მზის დისკოს მთლიანად ეფარება, რადგან დედამიწასთან მაქსიმალურად ახლოს იმყოფება. მეორე შემთხვევაში მზე მხოლოდ ნაწილობრივ ეფარება. როდესაც მთვარე მოშორებითაა დედამიწისგან, მისი დიამეტრი მზეზე მცირეა, ის ეფარება მზეს და ამავე დროს გარშემო მანათობელ რკალს ტოვებს. სწორედ ამას ეწოდება რკალისებრი დაბნელება. შეიძლება ითქვას, რომ ეს მზის დაბნელების ყველაზე ეფექტური სახეობაა.

მზის დაბნელება ეზოთერიკის თვალსაზრისით: ეს შესანიშნავი დროა სულიერი განკურნებისთვის, რადგან ზედაპირზე ამოტივტივდება ფარული წყენები, კომპლექსები და შიშები. თუ იგრძნობთ, რომ ზედმატად მგრძნობიარე და ემოციური ხართ, ამის გამო თავს ნუ გაკიცხავთ.

სიმაღლის, სიბნელის, დახურული სივრცის თუ... ზოდიაქოს ნიშნების ფობიები>>

გამოწვევაა ისაა, რომ ეს მზის დაბნელება რეტროგრადული მერკურის დროს ხდება, რომელიც ბევრ პროცესს ანელებს. ამის გამო მოსალოდნელია რაღაც დაყოვნებები, გამოწვევები კომუნიკაციებში, პრობლემები საქმეებში, კონფლიქტები, ჩხუბი, პრეტენზიები და ბრალდებები.

რას უნდა მოვერიდოთ: ამ დღეს ადამიანებს შეიძლება გაუჩნდეთ არაადეკვატური თვითშეფასება, საკუთარი ძალებისა და შესაძლებლობების არასწორი აღქმა – უმეტეს შემთხვევებში, უარყოფითი მიმართულებით. საკუთარი თავისა და გარშემომყოფების დამახინჯებული აღქმის გამო არის არასწორი გადაწყვეტილებების მიღების რისკი.

რა უნდა გავაკეთოთ 10 ივნისს

შესანიშნავი დროა იმისთვის, რომ ვიმუშაოთ თვითშეფასებასთან დაკავშირებულ საკითხებზე, შინაგანი ტრავმების მოშუშებაზე.

კარგი იქნება, თუ დროს გამონახავთ და განმარტოვდებით. წაგადგებათ მედიტაცია, შხაპი, აბაზანა.

მოუსმინეთ შეგრძნებებს, რათა შინაგანი ბალანსი იპოვოთ.

ზოდიაქოს ნიშნების ახირებები, ანუ იუმორნარევი დახასიათება>>

გახსოვდეთ, რომ მზის დაბნელებას განახლება მოაქვს და როგორი იქნება ეს განახლება, მხოლოდ ადამიანზეა დამოკიდებული. თუ თქვენს ცხოვრებაში „შავი პერიოდი“ დიდხანს გაგრძელდა, არ არის გამორიცხული, რომ დაბნელებამ ვითარება კარდინალურად შეცვალოს. რა თქმა უნდა, დაგჭირდებათ ძალისხმევა და უარის თქმა იმაზე, რაც თქვენს განვითარებას უშლის ხელს.

რაც შეეხება ახალმთვარეობას, ასტროლოგები აღნიშნავენ, რომ ეს პერიოდი ძალზე მნიშვნელოვანი იქნება, როდესაც თითოეულს შეუძლია დაინახოს პერსპექტივები, გათავისუფლდეს ყველაფრისგან, რაც განვითარებას უშლის ხელს. ამ დღეს ოპტიმალური ტაქტიკა იქნება საქმეების, პროექტების დასრულება, კვანძების გახსნა და ნანატრი ჯილდოს მიღება.

ზოგადად, ახალი მთვარე მთვარის თვის დასაწყისია, ხოლო სავსე - მისი დასრულება. ახალმთვარეობა ძალზე მოკლე პერიოდს მოიცავს. საუბარია რამდენიმე საათზე. ამ დროს მთვარის ენერგეტიკა ახლდება. ასტროლოგები მიიჩნევენ, რომ ეს საუკეთესო პერიოდია, რომ გავთავისუფლდეთ არასაჭირო ნივთებისგან, მოვემზადოთ ცხოვრებაში ცვლილებებისთვის. ახალმთვარეობის დღეს სასურველია მნიშვნელოვანი საქმეების დასრულება და სამომავლო გეგმების დაწყობა.

  • დასკვნის სახით შეიძლება ითქვას, რომ 10 ივნისს, მზის დაბნელებისა და ახალმთვარეობის დღეს საჭიროა აქტიურობა, ბედის მიერ ბოძებული შანსის გამოყენება. კარგი დროა სულიერად მონათესავე ადამიანების პოვნისთვის. არ არის გამორიცხული, რომ შეხვდეთ ადამიანს, რომელთანაც დიდი სასიყვარულო რომანი გაჩაღდება. ამ დღეს არასასრუველია ნაჩქარევი დასკვნების გამოტანა, ხისტი გადაწყვეტილებების მიღება ახლობელ ადამიანებთან მიმართებით. მთავარია პოზიტიური განწყობისა და ოპტიმიზმის შენარჩუნება.

როგორი დღე ელოდებათ ზოდიაქოს ნიშნების წარმომადგენლებს 10 ივნისს

ვერძი: მზის დაბნელებას შეუძლია გააქტიუროს პრობლემები ნათესავებთან, უსიამოვნებები მგზავრობის დროს, ჭორები, მითქმა–მოთქმა. მაგრამ თუ ამას გაუძლებთ, განამტკიცებთ თქვენს მდგომარეობას და ახალ დონეზე გადახვალთ. როგორც ამბობენ, რაც არ გკლავს, ის გაძლიერებს.

კურო: თქვენთვის ეს დღე ნეგატიურად იმოქმედებს ფინანსურ სფეროზე. შესაძლოა, დაკარგოთ თავდაჯერებულობა, ეჭვი შეგეპაროთ თქვენს დაცულობაში. ამის გამო მოსალოდნელია მატერიალური პრობლემები, რომელთა გადაჭრაზეც დიდი დრო შეიძლება დაკარგოთ. ასტროლოგების რჩევაა, არ იყიდოთ არაფერი მნიშვნელოვანი და ძვირადღირებული, მათ შორის მზის დაბნელებიდან კიდევ დაახლოებით ერთი კვირის განმავლობაში, თუ არ გინდათ, რომ ფული ქარს გაატანოთ.

ტყუპი: თქვენთვის რამის დამტკიცება, უბრალოდ, შეუძლებელი იქნება. გული გაგიწევთ, რომ რამე ახალი, „აკრძალული ხილი“ გასინჯოთ. შეიძლება ბავშვებივით მოიქცეთ. ამის გამო შეიძლება დაზარალდეთ. მზის დაბნელების დროს ყველაზე ჭკვიანი ადამიანებიც კი ხანდახან სულელურად იქცევიან. ეცადეთ, ნაკლები სისულელეები ჩაიდინოთ.

კირჩხიბი: ამ რთულ დღეს, შესაძლოა, აუხსნელი შიშები გაგიჩნდეთ, ზედმეტად ჭარბად შეაფასოთ საშიშროებები, იყოთ პასიური და უინიციატივო. არ არის გამორიცხული, რომ ზედაპირზე ამოტივტივდეს საიდუმლოებები, რომლებსაც დიდი ხანი გულმოდგინედ მალავდით.

ლომი: ამ დღეს და კიდევ უახლოეს პერიოდში არ ღირს არაფრის დაგეგმვა, წინააღმდეგ შემთხვევაში ყველაფერი პირიქით მოხდება. ამას გარდა, დაბნელება ტყუპის ნიშანში გემუქრებათ მეგობრების, ავტორიტეტის, გავლენის, გავლენიანი ადამიანების მხარდაჭერის დაკარგვით.

ქალწული: ცვლილებები შეეხება სამუშაოს, კარიერას, ბიზნესს, პროფესიას, სოციალურ სტატუსს. მოსალოდნელია მნიშვნელოვანი მოვლენები ოჯახში. ეს ცვლილებები შეიძლება ნეგატიურიც იყოს, როგორიცაა, მაგალითად, განქორწინება, რეპუტაციის შელახვა, პრობლემები სამუშაოზე, კონფლიქტი ახლობლებთან...

სასწორი: პრობლემებია მოსალოდნელია სწავლაში, მაგალითად, გამოცდის ჩაბარების დროს, კონფლიქტები ჩინოვნიკებთან, წარუმატებლობა სასამართლო საქმეებში. ასევე უსიამოვნო მომენტები შეიძლება მოხდეს მგზავრობის დროს, როგორიცაა რეისის გადადება ან გაუქმება, რამე ტრავმის მიღება, ფსევდოსწავლებებისა და ფსევდომასწავლებლების გავლენა და სხვ.

მორიელი: ყურადღებით უნდა იყოთ მეუღლის ან ბიზნეს–პარტნიორის ჯანმრთელობის მდგომარეობის მიმართ. ნეგატიური გავლენა დაბნელებამ შეიძლება მოახდინოს მატერიალურ მდგომარეობაზე. შესაძლებელია ფულის დაკარგვა, პირადი ხასიათის პრობლემები, შემთხვევები ოჯახში, მაგალითად, რომელიმე ტექნიკის გაფუჭება, წყლის მილის დაზიანება და ა.შ.

მშვილდოსანი: ეს დღე თქვენს სახლში მოიტანს პარტნიორობას, ქორწინებას, იურიდიული საკითხების გადაჭრას, ურთიერთობებს გარშემომყოფებთან, სოციუმთან. ცვლილებები განსაკუთრებით მოსალოდნელია პირად ცხოვრებაში – ქორწინება, მომავალი მეუღლის გაცნობა, აქტიური საზოგადოებრივი მუშაობა, კულტურული საქმიანობა. რა თქმა უნდა, გარკვეული ნეგატიური ცვლილებების შეიძლება მოხდეს, მაგრამ ძირითადად ეს დრე თქვენთვის, სხვა ნიშნებისგან განსხვავებით, კარგი იქნება.

თხის რქა: რთული დღეა გელოდებათ: უსასრულო სამუშაო და ყოფითი საკითხების გადაჭრა, მუდმივი ზრუნვა თქვენი თუ ახლობლების ჯანმრთელობაზე. მოიმატებს პრობლემების ალბათობა სამუშაოზე, შრომის პირობების გაუარესება, კონფლიქტები ხელმძღვანელებთან, კოლეგებთან, უიღბლო სამსახურებრივი რომანი, ჯანმრთელობის გაუარესება. ამ დღეს დიდი სიფრთხილე გმართებთ ცხოვრების ყველა სფეროში.

მერწყული: მზის დაბნელებისა და ახალმთვარეობის დღე თქვენზე გავლენას მოახდენს სიყვარულის სფეროში: შესაძლოა, შეხვდეთ თქვენს სიყვარულს, შეგიყვარდეთ, ვინმე სიყვარულში გამოგტყდეთ, დაქორწინდეთ, სიყვარული გამოამჟღავნოთ ბავშვებთან ურთიერთობებში, ჩაისახოს ბავშვი. ასევე კარგი დღეა ფიზიკური აქტიურობისთვის, მოგზაურობის დაწყებისთვის. ამასთან, ზემოთ ჩამოთვლილი შეიძლება ნეგატიურადაც შემობრუნდეს თქვენთვის – დაშორება, განქორწინება, დანაკარგი და ა.შ.

თევზები: თქვენთვის ცვლილებები შეეხება ნებისმიერ საოჯახო საქმეს, უძრავ ქონებასთან დაკავშირებულ საკითხებს, ოჯახის წევრების ჯანმრთელობას. სამსახურში შესაძლებელია როგორც აღმასვლა, ისე ვარდნა. არ არის გამორიცხული, რომ სწორედ ამ დღეს გადაწყვიტოთ საცხოვრებელი ადგილის შეცვლა. ამ დღის ძირითადი თემა ოჯახისა და ახლობლების პრობლემების გადაწყვეტა იქნება.

938
ყელის ტკივილი

როგორ დავიამოთ ყელის ტკივილი წამლების გარეშე: ექიმი მცდარ მეთოდებს ასახელებს

69
(განახლებულია 16:20 16.06.2021)
ირკვევა, რომ ყელის ტკივილის დაამების გავრცელებული მეთოდების დიდი ნაწილი მცარია და პირიქით, კიდევ მეტად აძლიერებს ტკივილს

თბილისი, 16 ივნისი — Sputnik. გავრცელებული მოსაზრება, რომ თითქოს ცხელი ჩაი ყელის ტკივილს აამებს, მცდარია —  პირიქით, ამით ტკივილი კიდევ მეტად ძლიერდება, აცხადებს ტელეეთერების ხშირი სტუმარი, პოპულარული ექიმი მარინა მაკიშა.  

მისი თქმით, ყელის ტკივილისას ლიმონიანი ჩაის ტემპერატურა არ უნდა აღემატებოდეს 60-70 გრადუსს. წინააღმდეგ შემთხვევაში ყელს დამატებითი ტრავმები მიადგება. ამასთან უფრო მაღალ ტემპერატურაზე ლიმონი სასარგებლო თვისებებს, ანუ C ვიტამინს დაკარგავს.

გარდა ამისა, მაკიშას განმარტებით, ყელის ტკივილს ძალიან უხდება შტოშისა და მოცვის მორსი.

„შტოშიცა და მოცვიც შეიცავს ქლოროგენულ მჟავას, რომელსაც ბუნებრივი მცენარეული ანტიბიოტიკის თვისებები აქვს. მასში ბევრი ანტიოქსიდანტია, რაც ავადმყოფობის დროს კარგად აღადგენს ორგანიზმს“, — ამბობს სპეციალისტი.

მისი თქმით, მორსით ყელის გამოვლებაც შეიძლება.

კიდევ ერთი საშუალება, რომელსაც შესანიშნავი ეფექტი აქვს ყელის ტკივილისა და ზოგადად გაციების დროს, არის არა თაფლი — როგორც ეს ბევრს ჰქონია — არამედ ფუტკრის ჭეო (ყვავილის მტვერი, რომელსაც ფუტკარი აგროვებს და ფიჭის უჯრედებში ჩატკეპნის, ასხამს თაფლს და აკონსერვებს. ვიტამინებით ძალიან მდიდარ ჭეოს ორგანიზმი ძალიან ადვილად ითვისებს).

  • მკურნალობის მიზნით გაღეჭეთ ნახევარი ჩაის კოვზი ჭეო, შემდეგი 20-30 წუთის განმავლობაში კი არაფერი შეჭამოთ და არც დალიოთ.

ყელის ტკივილს აამებს ნიორიც — მასში შემავალი ალიცინის მეშვეობით, რომელსაც ანთების საწინააღმდეგო ბაქტერიციდული მოქმედება ახასიათებს. ამ სასარგებლო ნივთიერების მისაღებად საჭიროა, გაჭყლიტოთ ან ჩაღეჭოთ ნიორი და შემდეგ ცოტა ხნით გაიჩეროთ პირში — ლოყის არეში.

დაუშვებელია ნივრის კბილის ცხვირის ნესტოში მოთავსება (ესეც მცარი პრაქტიკაა), ვინაიდან ეს ლორწოვანა გარსს აზიანებს.

კიდევ ერთი შეცდომა ექიმის თქმით ისაა, რომ ყელის ტკივილის მოსახსნელად ადამიანები ხშირად სვამენ რძეს, რაც არასწორია, ვინაიდან რძე ამ შემთხვევაში ყელისთვის სასარგებლო არ არის მასში შემავალი შაქრის გამო. თუმცა ის ძალიან ეფექტურის სხვა დაავადებების შემთხვევაში.

69
თემები:
ექიმი გირჩევთ
ახალგაზრდა მამაკაცი ოფლს იმშრალებს

აძლიერებს ოფლის სუნს: ექიმი ასახელებს პროდუქტებს

77
(განახლებულია 20:10 16.06.2021)
ნუტრიციოლოგი და დიეტოლოგი ასახელებს იმ პროდუქტებს, რომელთა ერთი ნაწილი ოფლის სუნს ამძაფრებს, ხოლო მეორე, პირიქით, ოფლიანობასაც ასუსტებს და მის სუნსაც.

თბილისი, 16 ივნისი — Sputnik. არსებობს ისეთი პროდუქტები, რომლებიც ხელს უწყობს ოფლიანობასა და ოფლის სუნის გაძლიერებას, ან მის შემცირებას, აცხადებს დიეტოლოგი და ნუტრიციოლოგი ევგენი არზამასცევი.

ექიმი უპირველესად ყურადღებას ამახვილებს ხორცპროდუქტებზე. მისი თქმით, სწორედ ხორცი უწყობს ხელს ჭარბ ოფლიანობას.

„ხორცი თავისთავად არის მძიმე პროდუქტი. თუ ადამიანი მას დიდი რაოდენობით მიირთმევს და მერე, ვთქვათ, სასეირნოდ წავა, ოფლის გამოყოფა გაუძლიერდება. ამასთან, ხორცის მიღების შემდეგ შეიძლება სისხლში აზოტოვანი ფუძეები წარმოიქმნას, რაც ოფლის სუნს აძლიერებს“, — ამბობს სპეციალისტი.

ნუტრიციოლოგი გირჩევთ, რომ ხორცეული კვირაში მაქსიმუმ ორჯერ მიირთვათ.

მეორე პროდუქტი, რომელიც ასევე ხდება ჭარბოფლიანობის მიზეზი — ეს ცხარე წიწაკაა, რომელიც მეტაბოლიზმის დამაჩქარებელ კაპსაცინს შეიცავს. ამასთან, წიწაკა ხელს უწყობს ტემპერატურის მატებას და, შესაბამისად, ოფლიანობას.

რაც შეეხება ოფლიანობის შემამცირებელ საკვებ პროდუქტებს, ეს ძირითადად მწვანილეულია — დაკეპილი კამა, პიტნა, ანისული და სხვა არომატული ბალახეული.

„პიტნა დამამშვიდებელი საშუალებაა, მაში შემავალი ეთერზეთები ნერვულ სისტემას ამშვიდებს. და რაც უფრო მშვიდია ის, მით ნაკლებ ოფლს გამოყოფს ორგანიზმი“, — განმარტა სპეციალისტმა.

ექიმის თქმით, თუ გსურთ, რომ ოფლს მძაფრი სუნი არ ჰქონდეს, ცხელ ამინდებში არავითარ შემთხვევაში არ უნდა შეაზავოთ კერძები კურკუმით. საქმე ისაა, რომ კურკუმა გოგირდს შეიცავს, რომელიც ოფლის სუნს აძლიერებს.

  • გარდა ამისა, ოფლის სუნს აძლიერებს კოფეინის შემცველი პროდუქტებიც – ყავა, შავი და მწვანე ჩაი. კოფეინის მოქმედება კაპსაცინისას ჰგავს, ამიტომ ექიმი ცხელ ამინდებში უბრალო წყლის სმას გირჩევთ.

რაც შეეხება ოფლიანობისა და მისი სუნის შესუსტებას, საამისოდ კარგია გოგრის თესლი. თუმცა, გამომდინარე იქიდან, რომ ეს საკმაოდ მძიმე პროდუქტია, მისი დოზის გადაჭარბებას უკუშედეგის გამოწვევა შეუძლია. ექიმის თქმით, გოგრის თესლის ნორმა ერთ ჯერზე — მაქსიმუმ 20-30 გრამია.

77
თემები:
ექიმი გირჩევთ
ვლადიმი8რ პუტინი

რატომ შეხვდნენ ერთმანეთს რუსეთის და აშშ-ის პრეზიდენტები: პუტინმა 9 წლის გოგონას უპასუხა

0
რუსეთის პრეზიდენტის თქმით, ორი ქვეყნის ლიდერები იმისათვის ხვდებიან, რომ სამყარო ჩვენი პლანეტის ყველა მცხოვრებისთვის აყვავებულ სახლად აქციონ.

თბილისი, 16 ივნისი - Sputnik. რუსეთის პრეზიდენტმა ვლადიმირ პუტინმა უპასუხა კანადელი ჟურნალისტის ცხრა წლის ქალიშვილის კითხვას იმაზე, თუ რისთვისაა საჭირო მისი და აშშ-ის პრეზიდენტის, ჯო ბაიდენის შეხვედრა და რატომაა ის ასეთი მნიშვნელოვანი.

„პასუხი მარტივია. საჭიროა ირგვლივ მიმოიხედო და თქვა: „ხედავ, როგორი მშვენიერია ეს სამყარო?! და ზრდასრული ადამიანები, ორი ქვეყნის, უმსხვილესი სახელმწიფოების ხელმძღვანელები ერთმანეთს ხვდებიან იმისათვის, რომ ეს სამყარო აქციონ უსაფრთხო, საიმედო, აყვავებულ სახლად ჩვენი პლანეტის ყველა მცხოვრებისთვის. ისინი ისაუბრებენ საშიშ იარაღთან დაკავშირებულ საკითხებზე, რომელიც უნდა შეიზღუდოს, და შეიმუშავებენ მისი არგამოყენების საერთო წესებს. ისინი ისაუბრებენ გარემოს დაცვაზე, იმაზე, რომ მდინარეები და ზღვები იყოს სუფთა, რათა არ მოხდეს წყალდიდობები, გვალვები, რათა საკმარისი სურსათი იყოს პლანეტის ყველა ბინადარისთვის, სადაც არ უნდა იმყოფებოდნენ ისინი. ისაუბრებენ ჯანდაცვის საკითხებზე, რათა როდესაც ბავშვები იზრდებიან, მათ ნაკლებად იავადმყოფონ, შეძლონ სწავლა და მომავლის არ შეეშინდეთ“. ვისურვებდი, ჩვენი დღევანდელი შეხვედრა, პატივცემულო ქალბატონებო და ბატონებო (მიმართა ჟურნალისტებს, - რედ.), გააშუქოთ სწორედ ამ მოსაზრებებიდან გამომდინარე“, - აღნიშნა პუტინმა პრესკონფერენციაზე.

პრეზიდენტების შეხვედრა ჟენევაში სამ საათ-ნახევარი გაგრძელდა. შედგა ერთი ვიწრო ფორმატის და ერთიც ფართო ფორმატის შეხვედრა. წინასწარი ინფორმაციით, უნდა გამართულიყო გაფართოებული ფორმატის ორი შეხვედრა.

თეთრი სახლის ინფორმაციით, ბაიდენის პრესკონფერენცია თბილისის დროით 21:30 სთ-ზე გაიმართება. წყარომ დელეგაციიდან „რია ნოვოსტის“ აცნობა, რომ პრეზიდენტების მოლაპარაკებამ „სავსებით წარმატებით“ ჩაიარა.

0