ჩინკვე-ტერე, იტალია

დღის ასტროპროგნოზი ზოდიაქოს ნიშნებისთვის: 6 ივნისი

243
(განახლებულია 11:07 06.06.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 6 ივნისია, კვირა. კლებადი მთვარე კუროს ნიშანშია. ამ დღეს პლანეტა მზე მფარველობს.

საკმაოდ ხელსაყრელი დღეა. ადვილად შეიძლება პრობლემების მოგვარება, რთულ ამოცანებთან გამკლავება. მოუსმინეთ ინტუიციას და იხელმძღვანელეთ მისი მინიშნებებით. პოზიტიური ტენდენციების გავლენა იგრძნობა პირად ურთიერთობებშიც.

მამაკაცის „საოცნებო ქალი“ ზოდიაქოს ნიშნის მიხედვით>>

ვერძი: საინტერესო დღის დასაწყისი გელოდებათ. შესაძლებელია უჩვეულო მოვლენები, სასიამოვნო სიურპრიზები, შეხვედრები. ეს უამრავ პოზიტიურ ემოციას მოგიტანთ. ბევრი თქვენგანი მიხვდება, თუ რისი შეცვლა სურს ცხოვრებაში და როგორ უნდა გააკეთოს ეს. შეგიძლიათ ამისთვის მოქმედებაც დაიწყოთ. ისეთი დაბრკოლებები, რომლებსაც ვერ გაუმკლავდებით, მოსალოდნელი არაა. დღის მეორე ნახევარი უფრო მშვიდად ჩაივლის.

კურო: შესანიშნავი დღეა იმისთვის, რომ რამე მნიშვნელოვან, რთულ და საპასუხისმგებლო საქმეს შეეჭიდოთ. შეიძლება ბარიერებს გადააწყდეთ, მაგრამ ეს ვერ შეგაშინებთ და ჩანაფიქრზე უარს ვერ გათქმევინებთ. სირთულეებთან გამკლავებაში თქვენი ცოდნა და ადრე მიღებული გამოცდილება გამოგადგებათ. შესაძლებელია მოულოდნელი შეხვედრები, მათ შორის იმ ადამიანებთან, რომლებთანაც ურთიერთობა დაგეძაბათ. ახლა ყველაფრის გამოსწორებისთვის შესანიშნავი დროა.

ტყუპი: საკმაოდ მშფოთვარე იქნება დღის დასაწყისი. გარშემომყოფები ხშირად ერევიან თქვენს საქმეებში და ამას არცთუ დელიკატურად აკეთებენ. თქვენც არ ხართ „დაშაქრული“ და მწვავედ რეაგირებთ ნებისმიერ კრიტიკულ შენიშვნაზე. თუმცა თანდათანობით პოზიტიური ტენდენციების გავლენა გაძლიერდება. გაგიჩნდებათ საინტერესო საქმეები. მოსალოდნელია შეხვედრები, რომლებიც მნიშვნელოვან როლს შეასრულებს თქვენს ცხოვრებაში. დიდი მცდელობა, რომ მათ მოეწონოთ, არ გჭირდებათ – იყავით ბუნებრივი – ის, ვინც ხართ.

კირჩხიბი: დღის პირველი ნახევარი განცდებისა და მღელვარების გარეშე, დიდი ალბათობით, არ ჩაივლის. არაა გამორიცხული შეფერხებები მუშაობაში, გეგმების შეცვლა უსიამოვნო მომენტების გამო, მაგრამ პოზიტიური ტენდენციების გავლენა ნელ–ნელა მოიმატებს და თქვენი საქმიანობაცა და განწყობაც გაუმჯობესდება. დღის მეორე ნახევარი თქვენ წინაშე ახალ შესაძლებლობებს წარმოაჩენს. ეცადეთ, ინიციატივა ხელიდან არ გაუშვათ.

ლომი: დილა იღბლიანი თანხვედრებითა და სასიხარულო სიახლეებით დაიწყება. კარგი დროა ახალი საქმის დასაწყებად. ყველაფერში მალე გაერკვევით და პირველ წარმატებებსაც მიაღწევთ. მოგიწევთ იმპროვიზირება და მიზნისკენ ახალ–ახალი გზების ძებნა. ამ ყველაფერს შესანიშნავად გაუმკლავდებით. მოგვიანებით ხელსაყრელი დრო დადგება საუბრებისთვის, მომავალზე მსჯელობისთვის. ასევე შესაძლებელია თანხის მიღება.

ქალწული: მშფოთვარე დღე გელოდებათ. ერთდროულად რამდენიმე საქმის გაკეთება მოგიწევთ და ყველაფერი რომ მოასწროთ, დიდი ძალისხმევა გჭირდებათ. ამასთან, გარშემომყოფებს ხშირად გადააქვთ თქვენი ყურადღება სხვა საკითხებზე, ხოლო მათი რჩევები უმრავლეს შემთხვევაში უსარგებლოა. სჯობს, დამოუკიდებლად იმოქმედოთ და თქვენს გამოცდილებასა და ჯანსაღ აზრს ენდოთ. საღამოს მოსალოდნელია კარგი სიახლეების გაგება ახლობელ ადამიანზე, შეხვედრა ძველ ნაცნობთან.

სასწორი: რაც არ უნდა მოხდეს, ეცადეთ, სიმშვიდე შეინარჩუნოთ. უღრუბლო დღე არ გელოდებათ. შესაძლებელია რაღაც უსიამოვნო შემთხვევები. მაგრამ არ ინერვიულოთ – ყველა პრობლემა დროებითია და სულ მალე ვითარება გამოსწორდება. ზოგიერთ თქვენგანს სასიამოვნო ნაცნობობა ელოდება. არ არის გამორიცხული რომანტიკული ურთიერთობების ან ხანგრძლივი მეგობრობის დაწყება. ასევე კარგი დროა შემოქმედებისთვის, ნებისმიერი საქმიანობისთვის, სადაც ფანტაზია და კრეატივია საჭირო.

მორიელი: ბევრი წვრილმანი საქმე გექნებათ და არის საშიშროება, რომ ამის გამო ყველაზე მნიშვნელოვანი საქმე დაგავიწყდეთ. ეცადეთ, რაც შეიძლება მალე განსაზღვროთ პრიორიტეტები. ასე დროს ფუჭად არ დახარჯავთ. დღის მეორე ნახევარი კარგი დროა ფულთან და ქონებასთან დაკავშირებული საკითხების მოსაგვარებლად. ამ დროს დადებული გარიგებები წარმატებული იქნება. ზოგიერთს ვალს დაუბრუნებენ, ან გადაუხდიან თანხას დიდი ხნის წინ შესრულებული საქმისთვის.

მშვილდოსანი: დღე კარგად აეწყობა. შეგიძლიათ იმ საქმეების დაწყება, რომლებთან შეჭიდებასაც სირთულის გამო აქამდე ვერ ბედავდით. ბევრ თამამ წამოწყებას დღეს იღბალი სდევს თან. ცოდნა, გამოცდილება და ჯანსაღი აზრი მიზნისკენ მიმავალი გზების მოძებნაში დაგეხმარებათ. სიფრთხილეა საჭირო ფინანსურ საკითხებში. დღეს ფულის ფლანგვის დიდი სურვილი გაქვთ. ისე არ მოიქცეთ, რომ ხვალ საფულეში არაფერი დაგხვდეთ და ბოლო ხურდის ამარა დარჩეთ.

თხის რქა: ხელსაყრელი და მსუბუქია დღის დასაწყისი. ყველაზე მნიშვნელოვანი საქმეების დაგეგმვა ამ დროისთვის სჯობს. ყველაფერს იმაზე იოლად გაუკლავდებით, ვიდრე წარმოგედგინათ. კარგად ჩაივლის შეხვედრები, შთაბეჭდილებას მოახდენთ ახლად გაცნობილ ადამიანებზე. ზოგიერთი თქვენგანი ახალ მეგობრებსაც შეიძენს. დღის მეორე ნახევარში შეგიძლიათ ძველ საქმეებს დაუბრუნდეთ. იღბლიანი იქნება საყიდლებზე წასვლა, მაგრამ არა ძვირადღირებული რამის შესაძენად.

მერწყული: ხელსაყრელი დღეა იმისთვის, რომ ძვირადღირებული, მნიშვნელოვანი რამ იყიდოთ. ფინანსებთან დაკავშირებით შეგიძლიათ ინტუიციას ენდოთ – ის არ დაგაღალატებთ. შეიძლება ახალი იდეები გაჩნდეს მუშაობასთან ან ბიზნესთან დაკავშირებით. ყველაფერზე კარგად დაფიქრდით – არაა გამორიცხული, რომ ჩანაფიქრის რეალიზების დრო ძალიან მალე დადგეს. გექნებათ შანსი ძველი კონფლიქტის მოგვარების. მოსალოდნელია კარგი სიახლის გაგება.

თევზები: თუ ყველა წვრილმანზე არ ინერვიულებთ, შესანიშნავი დღე გელოდებათ. ეცადეთ, სიმშვიდე შეინარჩუნოთ. შესაძლებელია რაღაც უჩვეულო მოვლენა მოხდეს, მაგრამ თქვენ არ დაიბნევით და სწორ დასკვნებს გამოიტანთ. თქვენი პარადოქსული, მაგრამ ზუსტი დასკვნები გარშემომყოფებიდან ბევრს გააკვირვებს. შესაძლოა, იღბლიანად გადაწყდეს ფინანსური საკითხები, რომლებიც ბოლო დროს მოსვენებას არ გაძლევდათ. კარგი დღეა პირადი ურთიერთობების თვალსაზრისითაც.

243
მზის ჩასვლა

დღის ასტროპროგნოზი ზოდიაქოს ნიშნებისთვის: 19 ივნისი

778
(განახლებულია 10:11 19.06.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 19 ივნისია, შაბათი. მზარდი მთვარე სასწორის ნიშანშია. ამ დღეს პლანეტა სატურნი მფარველობს.

დღეს ემოციები ქარივით ცვალებადი იქნება. მიუხედავად ცვალებადობისა, მათ შეიძლება უზარმაზარ ძალას მიაღწიონ – ვიღაცისთვის ეს დამანგრეველი ძალა იყოს, ხოლო ვიღაცისთვის – აღმშენებლური. არის ენერგიული დღე, გამძაფრდება ცნობისმოყვარეობა, შემტევი ხასიათი წინა პლანზე გამოვა და გაიზრდება თავდაჯერებულობა. წარმატების მიღწევის შანსი ინდივიდუალური მუშაობის რეჟიმში მაღალია, ხოლო გუნდთან ერთად, ვინაიდან ნაკლებად სავარაუდოა ორგანიზებულობისა და სუბორდინაციის მიღწევა – მცირე.

ბერბიჭების ტრიო ზოდიაქოს ნიშნების მიხედვით>>

ვერძი: დღეს თავისუფლად შეიძლება სულ სხვადასხვა რამემ გაგიტაცოთ, თანაც სრულიად მოულოდნელად, და ამ გატაცებაში მთელი თავით გადაეშვათ. მაგრამ იმდენი გატაცება შეიძლება იყოს მთელი დღის განმავლობაში, რომ შეიძლება თავადაც დაიბნეთ, ვეღარ გაიგოთ, საით უნდა წახვიდეთ და რა გიზიდავთ. ამგვარად, ურყევი გრძნობების იმედი არ უნდა გქონდეთ. ასეთივე ხართ თქვენც დღეს – ცოტა „მჩატე“ და „ქარაფშუტა“.

კურო: შეიძლება თქვენდა გასაოცრად რაღაც წვრილმანმა, უმნიშვნელო სისულელემ გაგიტაცათ. ეს თქვენ არ გახასიათებთ, მაგრამ იმ მომენტში მოგეჩვენებათ, რომ გატაცების საგანი სულაც არაა სისულელე. უფრო მეტიც, ამან თქვენი ყურადღება იმდენად შეიძლება მიიქციოს, რომ მართლაც მნიშვნელოვანი რამ საერთოდ ვერ შეამჩნიოთ. აქედან გამომდინარე, აჯობებს, თუ დღეისთვის სერიოზულ საქმეებს საერთოდ არ დაგეგმავთ. გამოსავალი არის – დაუთმეთ დრო შემოქმედებას ან სიყვარულს.

ტყუპი: დღეს შეიძლება მოგეჩვენოთ, რომ სამყარო სადღაც თქვენ გვერდით, სულ ახლოს ტრიალებს. და რადგანაც სამყაროს შეიძლება ამასთან დაკავშირებით სულ სხვა მოსაზრება ჰქონდეს, ეს თქვენში კიდევ უფრო მეტ გაოცებას გამოიწვევს. უფრო და უფრო ეცდებით, რომ ეს სიტუაცია გამოასწოროთ, აქტიურად მიიპყროთ ყურადღება და მოვლენების ეპიცენტრში აღმოჩნდეთ. ზედმეტი არ მოგივიდეთ – ცენტრში ყოფნა ყოველთვის კარგი არაა.

კირჩხიბი: დიდი რისკია, რომ ოჯახში ტირანად და დიქტატორად იქცეთ. ამასთან, თავად თქვენ შეიძლება მოგეჩვენოთ, რომ უბრალოდ სასარგებლო ინიციატივას იჩენთ ოჯახის საკეთილდღეოდ. ოჯახის წევრების მხრიდან კი ეს სულაც არ იქნება ასე აღქმული. თუ არ გინდათ, რომ ზედმეტად დაძაბოთ ვითარება, აუცილებლად უნდა შეარბილოთ მბრძანებლური ტონი და გაითავისოთ, რომ ასეთი ლაპარაკი არავის სიამოვნებს, აქედან კონფლიქტამდე კი ერთი ნაბიჯია.

ლომი: დღეს თუ რამე აზრი მოგივიდათ თავში, ეს აზრი, სრულიად შესაძლებელია, აკვიატებულ იდეად გადაიქცეს. უფრო მეტიც, აზრები თქვენ თავში ჩვეულბრივზე ხშირად გაჩნდება, შესაბამისად, აკვიატებული იდეაც ერთი და ორი არ იქნება. ამ მდგომარეობაში აჯობებს, თუ ურთიერთობებს მინიმუმამდე დაიყვანთ, წინააღმდეგ შემთხვევაში საუბრები უაზრო კამათში შეიძლება გადაიზარდოს. ყველაფერს აჯობებს, რამე შემოქმედებით საქმიანობას მიჰყოთ ხელი, სადაც ეს აკვიატებული იდეები ზიანს არ მოგიტანთ.

ქალწული: დღეს დიდად დაგაფიქრებთ თემა – რატომაა ყველაზე სასიამოვნო და კმაყოფილების მომტანი ამავე დროს ცოდვა? განა რა არის ცუდი, მაგალითად, ტორტის კიდევ ერთ ნაჭერში ან კოცნაში? მოკლედ, დღეს თქვენთვის ლოგიკური იქნება წესი: „თუ არ შეიძლება, მაგრამ ძალიან გინდა, ე.ი. შეიძლება“. ამაში პრინციპში ცუდი არაფერია, უბრალოდ, ამ ფორმულას კიდევ ერთი პუნქტი უნდა დაუმატოთ – „ყველაფერი კარგია, მაგრამ ზომიერად“.

სასწორი: დღეს თქვენში დიდი სურვილი გაიღვიძებს – გარშემომყოფებს უბრძანოთ და მათზე იბატონოთ. თუ მართლა გრძნობთ, რომ თქვენში რეალური ლიდერის თვისებებია – წინ! მაგრამ თუ ეს თვისებები არასაკმარისი გაქვთ, მაშინ ნურც ეცდებით. სჯობს, რამე ითამაშოთ, მაგალითად, ვირტუალურ სავარჯიშო ტირს ეწვიოთ და სროლაში ივარჯიშოთ. ყველაფერს კი აჯობებს, თუ თქვენს დაუცხრომელ ენერგიას რომანტიკულ პაემანს დაახარჯავთ – ამას ნამდვილად არ ინანებთ.

მორიელი: დღეს ცხოვრება გაიძულებთ, გარემოებებს შეებრძოლოთ. მიუხედავად იმისა, რომ არ ხართ განწყობილი მაღალი აქტიურობისთვის, რაღაც მოვლენები თქვენგან ენერგიულ ჩარევას მოითხოვს. არ არის გამორიცხული, ვინმემ რამე კამათში ან დავაში ჩაგითრიოთ, ან თქვენთვის უსარგებლო ამოცანის გადაჭრაში. ამას, რა თქმა უნდა შეეწინააღმდეგებით, მაგრამ რამდენად გამოგივათ?..

მშვილდოსანი: დღეს გაქვთ შესაძლებლობა, რომ რაღაც უჩვეულო და საინტერესო გაიგოთ. თქვენს ცხოვრებაში კაშკაშა ემოციები და შთაბეჭდილებები შემოიჭრება. ერთადერთი პირობაა – არ მიანიჭოთ დიდი მნიშვნელობა უსიამოვნო წვრილმანებს. თუ მათ დიდ ყურადღებას არ მიაქცევთ, დღე უამრავ პოზიტივს მოგიტანთ. და თუ წვრილმანებზე „ჩაიციკლებით“, განწყობას გაუფუჭებთ როგორც საკუთარ თავს, ისე გარშემომყოფებს.

თხის რქა: დღეს სირთულეები გელით თვითორგანიზებასა და დისციპლინასთან დაკავშირებით. ჩვეულ ჩარჩოებში მოქცევა საოცრად რთული იქნება, თუმცა სწორედ ამისკენ ისწრაფვით. აქედან წარმოიშვება შინაგანი კონფლიქტი – თქვენი ერთი ნახევარი წესრიგისკენ მიილტვის, მეორე ნახევარი კი – ქაოსისკენ. საქმის არსი მხოლოდ ისაა, თუ რომელი ნახევარი გადაწონის – წესრიგი თუ ქაოსი.

მერწყული: დღეს თქვენი ინტერესები და გეგმები არაერთხელ შეიძლება შეიცვალოს. მთელი დღე ხან ერთ მხარეს გაიწევთ და ხან მეორე მხარეს. ამასთან შეწინააღმდეგება კი ძალიან რთული იქნება. იმისთვის, რომ დღეს რაღაცას მაინც მიაღწიოთ, ნამდვილად არ გაწყენთ ერთ რომელიმე საკითხზე ყურადღების კონცენტრირება. მაგრამ ნაკლებად სავარაუდოა, რომ ეს გამოგივიდეთ, იმდენად ცვალებადია თქვენი განწყობა.

თევზები: დღეს არის რისკი, რომ იგრძნოთ, რა არის მეომრული სული. რა თქმა უნდა, არანაირი ომის გამოცხადებას არ აპირებთ და საერთოდ, რა საჭიროა მისი გამოცხადება? ომის დაწყება გამოცხადების გარეშე ჯობია, მოულოდნელად, რომ მტერი სრულიად მოუმზადებელი აღმოჩნდეს. ასეთი მისწრაფებები გაგიჩნდებათ დღეს და თან არაერთხელ. გასაკვირი არ იქნება, თუ ასეთი განწყობა კონფლიქტამდე და ჩხუბამდე მიგიყვანთ.

778
ბავშვი ცდილობს ავოკადოს შეჭმას

თუ ბავშვი საკვებით მოიწამლა: პირველი დახმარება ევგენი კომაროვსკისგან

113
(განახლებულია 22:58 18.06.2021)
უმაღლესი კატეგორიის პედიატრი ევგენი კომაროვსკი მშობლებს ასწავლის, როგორ უნდა მოიქცნენ ბავშვის კვებითი მოწამვლის შემთხვევაში.

კვებითი მოწამვლა — ეს ისეთი მოწამვლაა, როდესაც ორგანიზმში შხამი საკვებთან ერთად ხვდება. მისი ბუნება მეტად მრავალფეროვანია, თუმცა მაინც შეიძლება მიზეზების სამი ჯგუფის გამოყოფა.

ესენია:

ინფექციები — უმარტივესები, ბაქტერიები, ვირუსები;

ცხოველებსა და მცენარეებში შემავალი ტოქსინები — შხამიანი სოკოები, საჭმელად უვარგისი ან არასწორად მომზადებული ხორცეული, თევზეული და ა.შ.

შხამები, რომლებითაცაა დამუშავებული პროდუქტები ან რომლებსაც თავად პროდუქტი შეიცავს — პესტიციდები და სხვ.

ყურადღება!
კვებითი მოწამვლის პირველი ნიშნები უმეტეს შემთხვევაში ჭამიდან 48 საათის განმავლობაში იჩენს თავს.

როგორც წესი, არის გულისრევის შეგრძნება, პირღებინება, ფაღარათი, მუცლის ტკივილი.

აუცილებლად მიმართეთ ექიმს იმ შემთხვევაში, თუ ზემოთ ჩამოთვლილი სიმპტომები:

გამოუვლინდა 3 წლამდე ბავშვს;

თან სდევს სხეულის მაღალი ტემპერატურა;

შენარჩუნებულია ორი დღე-ღამის განმავლობაში;

უფიქსირდება ოჯახის სხვა წევრებსაც.

დაუყოვნებლივ მიმართეთ ექიმს, თუ დააფიქსირეთ, რომ:

  • მოწამვლის წყარო არის სოკო (თუნდაც, სავარაუდოდ);
  • ღებინების გამო ბავშვი წყალს ვერ სვამს;
  • გაორება აქვს თვალებში;
  • არეული აქვს მეტყველება;
  • გართულებულია ყლაპვა;
  • მოდუნებული აქვს კუნთები;
  • კანი ან ლორწოვანი გარსი გაყვითლებული აქვს;
  • სახსრები უშუპდება;
  • გამონაყარი ჩნდება კანზე;
  • შარდის გამოყოფა 6 საათზე მეტხანს არ ხდება, ან შარდი არის ძალიან მუქი ფერის;
  • ნაღებინებ მასაში ან განავალში არის სისხლი.

გადაუდებელი დახმარება

თუ სიმპტომები ჭამიდან 30 წუთში გაჩნდა, მაგრამ ბავშვს გული არ ერევა, ხელოვნურად გამოიწვიეთ პირღებინება.
ამისათვის დაალევინეთ ბავშვს 1-2 ჭიქა წყალი ან რძე, შემდეგ ცალი ხელით მაგრად დაიჭირეთ ის, მეორე ხელის ორი თითი კი ღრმად ჩაუყავით ყელში და გაამოძრავეთ. თითების მაგივრად შეგიძლიათ გამოიყენოთ კოვზი, რომელიც ენის ძირს უნდა დააჭიროთ.

შემდგომი ნაბიჯები კი ასე გამოიყურება: 

  • არაფერი აჭამოთ ბავშვს;
  • დაალევინეთ ბევრი სითხე, რომლის ტემპერატურაც დაახლოებით სხეულის ტემპერატურისა უნდა იყოს;
  • ასვით ხშირ-ხშირად და თითო ჯერზე მხოლოდ რამდენიმე ყლუპი;
  • ოპტიმალური სითხე დასალევად არის რეგიდრონი და მისი მსგავსი ხსნარები, ასევე მინერალური წყალი, ჩაი, კომპოტი;
  • არ დაატკბოთ სითხეები;
  • თუ ბავშვი უარს ამბობს თქვენ მიერ შეთავაზებულ სასმელზე, მიეცით მას ის, რისი დალევაც თავად უნდა, ოღონდ შეეცადეთ, რომ ეს გამჭვირვალე, უფერო სითხე იყოს - მაქსიმალურად გააზავეთ მუქი ფერის კომპოტები და წვენები წყალში;
  • მიეცით ბავშვს გააქტიურებული ნახშირი სხეულის წონის გათვალისწინებით: 1 გ/1 კგ-ზე;
  • თუ სხეულის ტემპერატურა იმატებს, მიეცით ბავშვს სიცხის დამწევი საშუალებები.

კვებითი მოწამვლის პროფილაქტიკა - რამდენიმე რჩევა

მიაჩვიეთ ბავშვი ელემენტარულ ჰიგიენას — ჭამის წინ, საპირფარეშოდან გამოსვლის შემდეგ, ქუჩიდან დაბრუნების მერე და ა.შ. ხელების დაბანას;

ხშირად შეცვალეთ ჭურჭლის სარეცხი ღრუბელი ახლით; გახსოვდეთ! ის შეიძლება იქცეს ბაქტერიების წყაროდ.

სადილის მომზადებისას, თუ ხელებზე რაიმე ჭრილობა გაქვთ, აუცილებლად დაიკარით ზედ ლეიკოპლასტირი ან ჩაიცვით რეზინის ხელთათმანები;

აღარ გაყინოთ ხელმეორედ ერთხელ უკვე გალღობილი ხორცეული;

აუცილებლად მიაქციეთ ყურადღება პროდუქტის ვარგისიანობის ვადას.

113
თემები:
ექიმი გირჩევთ
მომავლის გზა - მამა და შვილი

საქართველოში მამის დღე აღინიშნება

0
(განახლებულია 14:41 19.06.2021)
მამის დღე ახსენებს საზოგადოებას, თუ რამდენად დიდია შვილების აღზრდის პროცესში მამების ჩართულობა და აქტივობა.

თბილისი, 19 ივნისი — Sputnik. საქართველოში 20 ივნისს მამის საერთაშორისო დღეს აღნიშნავენ.

მამის დღე საქართველოში, გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაცია Care Together-ის ინიციატივით, კამპანიის „კაცები ზრუნავენ“ ფარგლებში წელს მეექვსედ აღინიშნება.

ამ დღის აღსანიშნავად ზუგდიდსა და ოზურგეთში რამდენიმე ღონისძიება იგეგმება.

კერძოდ, 19 ივნისს, 12:00 საათიდან 17:00 საათამდე, ზუგდიდის სპორტულ დარბაზში მამებისა და შვილებისთვის გაიმართება ტექნოლოგიური ვორქშოპი.

ვორქშოპის მიმდინარეობისას მამები და შვილები ერთად იმუშავებენ ტექნოლოგიურ პროექტებზე, რაც, ერთი მხრივ, დააახლოებს მათ და, მეორე მხრივ, ბავშვების ტექნოლოგიებით დაინტერესებას შეუწყობს ხელს.

შეხვედრა ილიას სახელმწიფო უნივერსიტეტთან და საქართველოს ინოვაციებისა და ტექნოლოგიების სააგენტოსთან თანამშრომლობით გაიმართება.

ასევე, 19 ივნისს, 18:00 საათზე, ზუგდიდის ბოტანიკურ ბაღში გაიმართება წიგნის „მამები და შვილები“ პრეზენტაცია, რომელიც 2020 წელს გამომცემლობა „არტანუჯის“ მიერ გამოიცა.

წიგნში თავმოყრილია 13 წლის მუხრან მაჭავარიანის წერილი მამისადმი, ოთარ და თაკო ჭილაძეები, გელა ჩარკვიანი და მისი შვილები – ირაკლი და თეონა, ფრიდონ და ზაზა ხალვაშები, ვახტანგ და ირინა ჯავახაძეები, ბაჩანა ბრეგვაძე და მისი ქალიშვილები ქეთევანი და ანა. ასევე ამ წიგნში შეგხვდებათ, თუ რას წერდნენ ერთმანეთს და ერთმანეთის შესახებ მიხეილ და ქეთევან ჯავახიშვილები, პაოლო და მედეა იაშვილები, კონსტანტინე და ზვიად გამსახურდიები.

ღონისძიებას ზვიად კვარაცხელია და დავით გორგილაძე გაუძღვებიან.

ხვალ, 20 ივნისს, ოზურგეთში, კაფეში „8+1“, საბავშვო წიგნის „ლუნა და ციცინათელების პლანეტა“ პრეზენტაცია გაიმართება.

წიგნის ავტორი დავით გორგილაძეა. წიგნი ერთი ჩვეულებრივი ოჯახის თავგადასავლებზე მოგვითხრობს, რომლის გარშემოც ჯადოსნური ამბები ხდება, დედა და მამა თანაბრად ინაწილებენ შვილების აღზრდის პასუხისმგებლობასა და საოჯახო საქმეებს. უახლოეს ადამიანებზე ყოველდღიური ზრუნვა და საერთო გამოწვევების გააზრება ამ ოჯახის ბედნიერებისა და ჰარმონიის საფუძველია.

ღონისძიებას წიგნის ავტორები, მწერალი დათო გორგილაძე და ილუსტრატორი თათია ნადარეიშვილი გაუძღვებიან.

მამის დღე არის დღესასწაული, რომელიც ბევრ ქვეყანაში მამობის აღსანიშნავად და მამების პატივსაცემად ყოველწლიურად აღინიშნება. ის, როგორც წესი, ივნისის მესამე კვირა დღეს იმართება. დღესასწაული პირველად აშშ-ში 1910 წლის 19 ივნისს აღინიშნა.

გაეროს მოსახლეობის ფონდის (UNFPA) საქართველოს ოფისისა და არასამთავრობო ორგანიზაცია We Care-ის ინიციატივით საქართველოში 2016 წელს დაიწყო კამპანია „კაცები ზრუნავენ“ გაეროს ერთობლივი პროგრამის „გენდერული თანასწორობისთვის" ფარგლებში და შვედეთის მთავრობის ფინანსური მხარდაჭერით.

0