სიყვარული

როგორი სიყვარული იციან ზოდიაქოს ნიშნებმა

4125
(განახლებულია 11:14 31.05.2021)
მართალია, სიყვარულის საზომი აპარატი ჯერ არ გამოუგონიათ, მაგრამ ერთი რამ ცხადია: თითოეულ ადამიანს თავისებურად უყვარს, თავისებურად გამოხატავს ან არ გამოხატავს ამ სიყვარულს, ზოგი ძალზე ემოციურია, სხვა – თავშეკავებული და ა.შ.

ზოდიაქოს სხვადასხვა ნიშნების წარმომადგენლებს, ამ განსხვავებებთან ერთად, საერთო მახასიათებლებიც გააჩნიათ. ნახეთ, როგორი სიყვარული იციან ზოდიაქოს ნიშნებმა და გაიგეთ მეტი თქვენი პარტნიორის შესახებ.

ურთიერთობები და შეთავსებადობა აღმოსავლური სასიყვარულო ჰოროსკოპის მიხედვით>>

ვერძი

ვერძი ცეცხლოვანი, იმპულსური ნიშანია. შეუძლია ერთი ნახვით შეუყვარდეს. ამ თვისებას მთელი ცხოვრება არ კარგავს და ძლიერი გრძნობის განცდა ნებისმიერ ასაკში შეუძლია. ვერძის ვნება გზაზე ყველაფერს წალეკავს, მაგრამ თუ ერთფეროვნებას იგრძნობს, შეიძლება ისევე მალე ჩაქრეს, როგორც აღმოცენდა. მას აინტერესებს ყველაფერი ახალი, უჩვეულო, ეფექტური. მისი მოთხოვნები და ამბიციები დიდია. ვერ იტანს, როდესაც ვიღაც უცერემონიოდ იჭრება მის ცხოვრებაში და მის თავისუფლებას ზღუდავს.

კურო

კუროს ვერ წარმოუდგენია ცხოვრება სიყვარულის გარეშე. მისთვის სიყვარული იგივეა, რაც სუნთქვა. ეს გასაგებიცაა, მათ ხომ სიყვარულის პლანეტა - ვენერა მართავს. კუროს თაყვანისმცემლების რაოდენობას ხარისხი ურჩევნია და ეძებს ადამიანს, რომელთანაც მთელი ცხოვრება ჰარმონიაში გაატარებს. არის ძალზე ვნებიანი ნიშანი, მაგრამ, ვერძისგან განსხვავებით, იმპულსური არ არის. მასში გრძნობა თანდათან ვითარდება. და როცა შეუყვარდება, ვერაფერი აღუდგება წინ - ვერც კრიტიკა და ვერც დისკომფორტი.

ტყუპი

თუ გინდათ, ტყუპის გრძნობაში დარწმუნდეთ, მუდამ მის გვერდით უნდა იყოთ, უნდა შეახსენოთ, რომ მასთან ხართ. ეს ძალზე არაპროგნოზირებადი ნიშანია, რომელსაც თავისი ემოციების ამოცნობა თავადაც არ ძალუძს. რაც ყველაზე მეტად სძულს ტყუპს - ეს სკანდალები და ურთიერთობების გამორკვევაა. თუ ეს დაამძიმებს, საერთოდ დაივიწყებს ამ ადამიანს. ტყუპს რომ მოეწონოთ, უნდა იყოთ საინტერესო მოსაუბრე, ცოცხალი პიროვნება, მთავარი მისთვის გონებაა. ამ ნიშნის წარმომადგენლები ყველაფერს მსუბუქად უყურებენ და სიყვარული გამონაკლისი არაა. ტყუპისთვის სიყვარული ხშირად თამაშია. ერთი კია - ტყუპის გვერდით არასდროს მოიწყენთ.

კირჩხიბი

კირჩხიბს არსებობა სიყვარულის გარეშე ვერ წარმოუდგენია. ეს ყველაზე მგრძნობიარე და ემოციურად დაუცველი ნიშანია. ის რომანტიკოსი, მეოცნებეა, რომელიც იდეალურ სიყვარულს ეძებს. როდესაც შეიყვარებს, არის ამ სიყვარულის ერთგული. მეორე მხრივ, თუ იმედი გაუცრუვდება, შესაძლოა, ტირანი და მესაკუთრე გახდეს. კირჩხიბისთვის ყველაზე ფასეულია სახლი და ოჯახი. შესაბამისად, თავი შეიძლება ყველაზე ბედნიერად ან უბედურად იგრძნოს იმის მიხედვით, თუ როგორ ახდენს თავის რეალიზებას ამ სფეროში. კირჩხიბი მთლიანად თავის პარტნიორს ემორჩილება. თუ ის უყვართ, მაშინ იდეალური ადამიანია. და პირიქით - თუ გულგრილობასა და სიცივეს გრძნობს, ძალზე მძიმე ადამიანი ხდება.

სახალისო „შპარგალკა“ ზოდიაქოს თითოეული ნიშნის ქალებისთვის>>

ლომი

ლომის ცხოვრებაში სიყვარულს მნიშვნელოვანი ადგილი უკავია. ის რომანტიკული, სენტიმენტალურია, სურს, რომ აღმერთებდნენ და თაყვანს სცემდნენ. უყვარს ყვავილები, საჩუქრები, სასიყვარულო გზავნილები. და მიუხედავად იმისა, რომ საზოგადოებრივ აზრს ითვალისწინებს, სიყვარულისთვის ყველაფრისთვის მზად არის. ლომი თავს მეფეს ადარებს და მოთხოვნებიც, შესაბამისად, მეფური აქვს. გოგონა-ლომები ცდილობენ „ფეხზე მყარად მდგარ მამაკაცებს“ გაჰყვნენ ცოლად, ხოლო ბიჭს თავისი მეორე ნახევრის პოვნა სურს, იმის, ვისთვისაც დაიბადა. წარმატების შემთხვევაში სიყვარული ლომისთვის დიდი ზეიმია. ის თავის სიყვარულს გააღმერთებს.

ქალწული

ქალწულები ორბუნებოვანი, წინააღმდეგობრივი, ცივი და ამავდროულად, შთამბეჭდავი არიან. ვნებას ქალწული სულის ავადმყოფობად აღიქვამს, რომელიც გონებამ აუცილებლად უნდა განკურნოს. ის აანალიზებს თავის გრძნობებს, ცდილობს, დაამარცხოს ეს „ავადმყოფობა“ გონების მეშვეობით, ეჭვებით, ამ დროს ის საყვარელ ადამიანს ყველანაირ ნაკლს მიაწერს. ხანდახან ასეთი მეთოდებით სასურველს აღწევს - იმედგაცრუებას, ხანდახან კი ადამიანს უფრო მეტად ეჩვევა, ვიდრე ჰგონია. ქალწული ენაწყლიანი არ არის, არ დაიწყებს სიყვარულის ფიცის დადებას. ის საქმით მეტს დაამტკიცებს, ვიდრე სიტყვით. ის ძალზე მომთხოვნი ნიშანია. ქალწულს სურს ურთიერთობები, სადაც აქცენტი კეთდება პატიოსნებაზე, სიწმინდეზე და მიჩვევაზე და თუ ამას არ იღებს, მარტოობას ამჯობინებს.

სასწორი

სასწორის ძირითადი თვისებაა ადამიანებთან ურთიერთობების უნარი. მათ, ჩვეულებრივ, ერთი ნახვით არ უყვარდებათ. არიან ნაზი და სენტიმენტალური. სასწორებს დიდხანს მარტო ყოფნა არ შეუძლიათ, მათ ურთიერთობები სჭირდებათ. თავი რომ სრულყოფილად იგრძნონ, სხვა ნიშნებთან შედარებით პარტნიორული კავშირები ესაჭიროებათ. ეს არ არის „დამპყრობელი“ ნიშანი, მათ ურჩევნიათ, რომ ისინი აირჩიონ; წინააღმდეგ შემთხვევაში ბედნიერების საძებნელად სხვაგან გაეშურებიან.

მორიელი

მორიელი ზოდიაქოს ერთ-ერთი უძლიერესი ნიშანია, გააჩნია დაუოკებელი ენერგია. აქედან მომდინარეობს მისი სწრაფვა მწვავე შეგრძნებების, უკიდურესობებისადმი, მათ შორის - სიყვარულში. მორიელი ძალზე ვნებიანია, მისი სიყვარული ძლიერია და თავის გზაზე ყველაფრის წალეკვა შეუძლია. ის არ დაუშვებს მარცხს და დასახული მიზნისკენ შეუპოვრად მიიწევს. მისი მთავარი ნაკლია ეჭვიანობა. მაშინაც კი ეჭვიანობს, როცა ამის არანაირი საბაბი არა აქვს. მესაკუთრე მორიელს სურს, რომ ერთადერთი იყოს თავისი შეყვარებულისთვის. მორიელს არ უყვარს გრძნობების სახალხოდ გამომჟღავნება.

მშვილდოსანი

მშვილდოსანი უფრო მეტად შინაბერებისა და ბერბიჭების ნიშანია, სხვა ნიშნებთან შედარებით ყველაზე ნაკლებად უყვარს ქორწინება და კისერზე უღლის დადგმა. მამაკაცები ნამდვილი დონ-ჟუანები არიან, ქალები - ქარაფშუტები. მათთვის სიყვარული სპორტია, თავგადასავალი. სიყვარულისადმი ასეთი დამოკიდებულება შეიძლება დიდხანს გაგრძელდეს. ეს ძალზე დამოუკიდებელი და თავისუფლებისმოყვარე ნიშანია. როდესაც მშვილდოსანს უყვარს, არ ფიქრობს, რომ რაღაც კონტრაქტისმაგვარს აწერს ხელს. მას ურჩევნია დარჩეს იმ პარტნიორთან, რომელსაც არა აქვს მესაკუთრის აშკარად გამოხატული თვისებები. მას ასევე თრგუნავს სკანდალები და ვერ იტანს ურთიერთობების გამორკვევას.

თხის რქა

თხის რქა, რომელიც გონებას ემოციებსა და ინსტიქტებზე მბრძანებლად მიიჩნევს, ხანდახან თავისივე გაბმულ ხაფანგში ებმება. თხის რქა სიყვარულის გრძნობას დაკარგვის შიშით ეწინააღმდეგება. მაგრამ სიყვარული მის გულსაც იპყრობს და მაშინ თხის რქა სხვა ამაზე არანაკლებ რთულ ამოცანას ისახავს - არ აჩვენოს თავისი ემოციები; ირგებს ყინულივით გულგრილის ნიღაბს, რომლის უკან ვერავინ შენიშნავს ძლიერ მტანჯველ ვნებას, რომელიც ითრგუნება. თუ თხის რქა ვერ მოძებნის კომპრომისს ემოციურ და გონებრივ სფეროებს შორის, ეს შეიძლება დეპრესიაშიც კი გადაიზარდოს. თხის რქამ ნახევარი ცხოვრება შეიძლება უსიყვარულოდ გაატაროს, მაგრამ შემდეგ მოულოდნელად გაიხსნას და დამორჩილდეს იმას, რასაც მთელი ცხოვრება უარყოფდა და ებრძოდა. ძირითადად ისინი კონსერვატული შეხედულებების ადამიანები არიან, სურთ ისეთი მეგზურის პოვნა, რომელსაც შეიძლება ენდო. ვერ იტანენ თავქარიან ადამიანებს.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

მერწყული

მერწყული მგრძნობიარე ნიშანია. მას თავისი სიყვარულის ობიექტის გაიდეალების მიდრეკილება აქვს, უყვარს მისთვის იდუმალი და ხანდახან მისტიკური სახის მიცემა. ამის გამო ხშირად რჩება იმედგაცრუებული, რაც აიძულებს, სიყვარულზე უარი თქვას მეგობრობის გამო. მერწყულის სიყვარული მსუბუქი და სასიამოვნოა, რაღაცით ტყუპის გრძნობას ჰგავს, მაგრამ საერთოდ არ გვაგონებს მორიელის დაუოკებელ ვნებას. ვნება შეიძლება მერწყულსაც მოედოს, მაგრამ ის მის გულს არ დაანგრევს. დამოუკიდებლობისკენ სწრაფვა მას კიდევ უფრო დააშორებს სიყვარულის ობიექტს, განსაკუთრებით, თუ ეს ობიექტი მომთხოვნი გახდება. ამ ნიშნის წარმომადგენლებისთვის აუტანელია ურთიერთობები, როდესაც მას გისოსებში სვამენ, თუნდაც ეს ოქროს გისოსები იყოს.

თევზები

თევზების გული იდუმალია, მასში სხვადასხვა გრძნობა და ემოციაა გადაჯაჭვული. ამის მიხედვით თევზები შეიძლება სრულიად განსხვავებული იყვნენ. დიაპაზონი კი დიდია: დონ-ჟუანიდან მდუმარე ტანჯულ მსხვერპლამდე. გოგონები იცვლებიან რომანტიკული, საბედისწერო, მისტიკურიდან ერთგულ, ნაზ, ერთი მამაკაცის მოსიყვარულეებამდე. არიან ისეთებიც, რომლებსაც „შორით ბნედა, შორით კვდომა“ შეუძლიათ, როდესაც მათი გრძნობების შესახებ არავინ იცის. ამ მგრძნობიარე გულში ყოველთვის მოიპოვება ადგილი ამაღლებული ემოციებისთვის.

4125
გაზაფხული

დღის ასტროპროგნოზი ზოდიაქოს ნიშნებისთვის: 17 ივნისი

173
(განახლებულია 09:34 17.06.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 17 ივნისია, ხუთშაბათი. მზარდი მთვარე ქალწულის ნიშანშია. ამ დღეს პლანეტა იუპიტერი მფარველობს.

ეცადეთ წვრილმანების გამო არ ინერვიულოთ. ბევრი რამ, რაც დღეს მნიშვნელოვნად გეჩვენებათ, მალე დავიწყებას მიეცემა, პრობლემები იმაზე მალე გაქრება, ვიდრე წარმოგიდგენიათ. სერიოზული საკითხების განხილვა დღის მეორე ნახევრისთვის გადადეთ. დღე მიესადაგება კარგად ნაცნობი, ჩვეული საქმეების გაკეთებას.

რა ბედი არგუნა ზოდიაქოს თითოეულ ნიშანს განგებამ>>

ვერძი: განსაკუთრებით ყურადღებით მოუსმინეთ ინტუიციას. ის მიგანიშნებთ, როგორ ჯობია მოქმედება, დაგეხმარებათ რთული ვითარებიდან გამოსვლაში. მოსალოდნელია უჩვეულო შეხვედრები, სასიამოვნო და სასარგებლო ნაცნობობა, რომელიც მომავალში შეიძლება ნაყოფიერ თანამშრომლობაში ან მეგობრობაში გადაიზარდოს. გელოდებათ ცვლილებები უკეთესობისკენ ფინანსურ სფეროში. თავისუფლად შეგიძლიათ ფულთან დაკავშირებული ნებისმიერი საკითხის გადაჭრა.

კურო: კარგი დღეა ურთიერთობებისთვის. დაგეგმილიცა და მოულოდნელი შეხვედრებიც იღბლიანად ჩაივლის. შესაძლებელია სასიამოვნო ნაცნობობა, მეგობრული ურთიერთობების დაწყება. დღის მეორე ნახევარი გამოიყენეთ იმ საქმეების გასაკეთებლად, რომლებიც მცირე დეტალებისადმი ყურადღებას მოითხოვს. დაკვირვებულობის წყალობით მშვენივრად გაართმევთ თავს ყველანაირი სირთულის საქმეს.

ტყუპი: დღის დასაწყისი ხელსაყრელი და ნაყოფიერია. . შესაფერისი დროა იმისთვის, რომ გაერთიანდეთ ადამიანებთან, რომლებიც თქვენს ინტერესებს იზიარებენ. მათი მხარდაჭერით წარმატებას სწრაფად მიაღწევთ. ბევრი რამ მოსალოდნელზე ადვილად გამოგივათ, რაში ინტუიციაზე დაყრდნობა დაგეხმარებათ. დღის მეორე ნახევარი საკმაოდ დაძაბული იქნება. საქმე მოსალოდნელზე მეტი გაგიჩნდებათ. მაგრამ მოახერხებთ მათთან გასამკლავებლად საჭირო გზების მოძებნას.

კირჩხიბი: მნიშვნელოვანია, რომ ილუზიები არ ააწყოთ და სწორად შეაფასოთ თქვენი ძალები. შეცდომების თავიდან აცილებაში სიმშვიდე და გონივრული მსჯელობა დაგეხმარებათ. შესაძლებელია იღბლიანი თანხვედრები, სასიხარულო შეხვედრები. შეგიძლიათ ძველ პროექტებთან დაბრუნება. ახლა შეგიძლიათ განახორციელოთ ის, რაც დიდი ხნის წინ ჩაიფიქრეთ. დრო დაგრჩებათ დასვენებისთვისაც, რამე თქვენთვის სასიამოვნოს გასაკეთებლად.

ლომი: დღეს ბევრ სასარგებლო რამეს გააკეთებთ არა მხოლოდ საკუთარი თავის, არამედ სხვებისთვისაც. გარშემომყოფები ხშირად მოგმართავენ დახმარების თხოვნით და ცდილობთ, უარი არავის უთხრათ. გექნებათ შანსი, რომ საერთო ენა გამონახოთ ადამიანთან, რომელთანაც ბოლო დროს ბევრი საკამათო გქონდათ. გამოირკვევა, რომ ბევრი უთანხმოების მიზეზი უბრალო გაუგებრობა იყო. მოსალოდნელია კარგი სიახლეების გაგება, შეხვედრა ძველ ნაცნობებთან.

ქალწული: შესაფერისი დღეა ურთიერთობებისთვის. კარგად ჩაივლის ნებისმიერი შეხვედრა. კარგ შთაბეჭდილებას დატოვებთ ახლად გაცნობილ ადამიანებზე. შესაძლებლობა მოგეცემათ რამე ძველი კონფლიქტის მოსაგვარებლად. დღის პირველ ნახევარში გაგიჭირდებათ საქმეებზე კონცენტრირება, თუმცა ეს მდგომარეობა მეორე ნახევარში უკეთესობისკენ შეიცვლება. ეს დრო მიესადაგება საქმეებს, რომლებსაც ფრთხილი და ყურადღებიანი დამოკიდებულება სჭირდება.

სასწორი: ხელსაყრელი დღეა კომერციული საქმიანობისთვის, გარიგებების დასადებად. შესაშურ სამეწარმეო უნარებს ის სასწორებიც გამოამჟღავნებთ, რომლებსაც აქამდე მსგავს ნიჭზე წარმოდგენაც არ გქონდათ. ამას გარდა, კარგი დღეა ისეთი საქმიანობისთვის, რომელიც შემოქმედებით დამოკიდებულებასა და ფანტაზიას მოითხოვს. გექნებათ რამე ძველი გეგმის რეალიზების შანსი. გარშემომყოფებმა, შესაძლოა, თქვენი ჩანაფიქრი მაშინვე ვერ გაიგონ. ამიტომ დამოუკიდებლად მოქმედება მოგიწევთ.

მორიელი: საკმაოდ მშფოთვარე, მაგრამ თავისებურად იღბლიანი დღეა. გაგიჩნდებათ თავბრუდამხვევი შესაძლებლობები. მოსალოდნელია საინტერესო წინადადებების მიღება თანამშრომლობაზე. ზოგიერთ თქვენგანს იმ სამუშაოს შესთავაზებენ, რაზეც დიდი ხანი ოცნებობდით. დღის მეორე ნახევარი ხელსაყრელი დროა სეირნობისა და მგზავრობისთვის. კარგად იმოქმედებს გარემოს გამოცვლა. ეს დაგეხმარებათ, რომ ჩვეულ ნივთებსა თუ მოვლენებს სხვა კუთხიდან შეხედოთ.

მშვილდოსანი: იყავით მტკიცე, შეუპოვარი და ბევრ რამეს მიაღწევთ. ყველა საქმე ადვილად არ გამოგივათ, მაგრამ თქვენი გამოცდილების, ძველი ნაცნობების რჩევების წეყალობით მათ მაინც გაუმკლავდებით. ყურადღებით უნდა იყოთ ფინანსური და ქონებრივი საკითხების გადაწყვბეტისადმი. ყურადღებით წაიკითხეთ ნებისმიერი დოკუმენტი, სანამ მათ ხელს მოაწერთ. არ იჩქაროთ ნდობა იმ ადამიანებისა, რომლებიც ოქროს მთებს გპირდებიან.

თხის რქა: ნუ იქნებით ზედმეტად თავდაჯერებული, ნუ ააგებთ ოცნების კოშკებს. მოვლენებისა და საკუთარი ძალების ობიექტური შეფასება დღეს ძალიან გამოგადგებათ. მზად იყავით, რომ დღის პირველ ნახევარში შეიძლება გაგაკრიტიკონ. ამ დროს გარშემომყოფები თქვენს შეცდომებს უფრო დაინახავენ, ვიდრე გამარჯვებებსა და მიღწევებს. რაც უფრო მშვიდად აღიქვამთ კრიტიკას, მით უფრო მალე შეიცვლება ვითარება უკეთესობისკენ.

მერწყული: ყველაფერი კარგად გამოგივათ. ვარსკვლავცების მხარდაჭერით ბევრ საქმეს ენთუზიაზმით ეკიდებით. შესაძლებელია უჩვეულო წინადადება მიიღოთ თანამშრომლობის შესახებ. თუ დათანხმდებით ამ წინადადებას, დიდი ალბათობით, არ ინანებთ. პოზიტიური ტენდენციების გავლენა იგრძნობა პირადი ურთიერთობების სფეროშიც. ყველასთან მშვენივრად ახერხებთ ურთიერთობებს. საღამო მიესადაგება რომანტიკულ შეხვედრებს, მათ შორის, სერიოზულ საუბრებს მომავალზე.

თევზები: კარგი დღეა ახალი საქმეების დაწყების, თამამი და უჩვეულო იდეების რეალიზებისთვის. ბევრ რამეს სხვებისგან განსხვავებულად უყურებთ და ეს წარმატებების მიღწევაში გეხმარებათ. იღბლიანად ჩაივლის საქმიანი შეხვედრები. მოახერხებთ თქვენი გეგმებით იმ ადმიანების დაინტერესებას, რომელთა ხილვაც თქვენს მოკავშირედ გსურთ. დღის მეორე ნახევარი კარგი დროა რომანტიკული პაემნებისთვის, შეხვედრებისთვის. ეს ბევრ დადებით ემოციას გაჩუქებთ.

173
ყელის ტკივილი

როგორ დავიამოთ ყელის ტკივილი წამლების გარეშე: ექიმი მცდარ მეთოდებს ასახელებს

103
(განახლებულია 22:02 16.06.2021)
ირკვევა, რომ ყელის ტკივილის დაამების გავრცელებული მეთოდების დიდი ნაწილი მცდარია და, პირიქით, კიდევ მეტად აძლიერებს ტკივილს.

თბილისი, 16 ივნისი — Sputnik. გავრცელებული მოსაზრება, თითქოს ცხელი ჩაი ყელის ტკივილს აამებს, მცდარია — პირიქით, ამით ტკივილი კიდევ მეტად ძლიერდება, აცხადებს ტელეეთერების ხშირი სტუმარი, პოპულარული ექიმი მარინა მაკიშა.

მისი თქმით, ყელის ტკივილისას ლიმონიანი ჩაის ტემპერატურა არ უნდა აღემატებოდეს 60-70 გრადუსს. წინააღმდეგ შემთხვევაში ყელს დამატებითი ტრავმები მიადგება. ამასთან, უფრო მაღალ ტემპერატურაზე ლიმონი სასარგებლო თვისებებს, ანუ C ვიტამინს დაკარგავს.

გარდა ამისა, მაკიშას განმარტებით, ყელის ტკივილს ძალიან უხდება შტოშისა და მოცვის მორსი.

„შტოშიცა და მოცვიც შეიცავს ქლოროგენულ მჟავას, რომელსაც ბუნებრივი მცენარეული ანტიბიოტიკის თვისებები აქვს. მასში ბევრი ანტიოქსიდანტია, რაც ავადმყოფობის დროს კარგად აღადგენს ორგანიზმს“, — ამბობს სპეციალისტი.

მისი თქმით, მორსით ყელის გამოვლებაც შეიძლება.

კიდევ ერთი საშუალება, რომელსაც შესანიშნავი ეფექტი აქვს ყელის ტკივილისა და, ზოგადად, გაციების დროს, არის არა თაფლი, როგორც ეს ბევრს ჰგონია, არამედ ფუტკრის ჭეო (ყვავილის მტვერი, რომელსაც ფუტკარი აგროვებს და ფიჭის უჯრედებში ჩატკეპნის, ასხამს თაფლს და აკონსერვებს. ვიტამინებით ძალიან მდიდარ ჭეოს ორგანიზმი ძალიან ადვილად ითვისებს).

  • მკურნალობის მიზნით გაღეჭეთ ნახევარი ჩაის კოვზი ჭეო, შემდეგი 20-30 წუთის განმავლობაში კი არაფერი შეჭამოთ და არც დალიოთ.

ყელის ტკივილს აამებს ნიორიც — მასში შემავალი ალიცინის მეშვეობით, რომელსაც ანთების საწინააღმდეგო ბაქტერიციდული მოქმედება ახასიათებს. ამ სასარგებლო ნივთიერების მისაღებად საჭიროა გაჭყლიტოთ ან ჩაღეჭოთ ნიორი და შემდეგ ცოტა ხნით გაიჩეროთ პირში — ლოყის არეში.

დაუშვებელია ნივრის კბილის ცხვირის ნესტოში მოთავსება (ესეც მცდარი პრაქტიკაა), ვინაიდან ეს ლორწოვანა გარსს აზიანებს.

კიდევ ერთი შეცდომა, ექიმის თქმით, ისაა, რომ ყელის ტკივილის მოსახსნელად ადამიანები ხშირად სვამენ რძეს, რაც არასწორია, ვინაიდან რძე ამ შემთხვევაში ყელისთვის სასარგებლო არ არის მასში შემავალი შაქრის გამო. თუმცა ის ძალიან ეფექტურია სხვა დაავადებების შემთხვევაში.

103
თემები:
ექიმი გირჩევთ

იტალიაში საბაგირო მოწყდა - ვიდეო

0
იტალიირმა მედიამ გამოაქვეყნა სტრეზა-მოტარონეს საბაგირო გზაზე მომხდარი ავარიის კადრები, რის შედეგადაც 14 ადამიანი დაიღუპა

იტალიაში 23 მაისს საბაგირო გზაზე ავარია მოხდა. შემთხვევას 14 ადამიანის სიცოცხლე შეეწირა. ვიდეო Twitter-ზე ტელეარხმა Tg3 გამოაქვეყნა.

ვრცელდება ინფორმაცია, რომ ვიდეოჩანაწერი საბაგიროს ზედა სადგურზე დამონტაჟებულმა კამერამ გადაიღო, რაც გამოძიებისათვის გამოიყენება.

კადრებში ჩანს, რომ კაბინა თითქმის უკვე ფინალურ წერტილში იყო, როდესაც ერთ-ერთი გვარლა გაწყდა და კაბინამ უკუმიმართულებით უკონტროლოდ დაიწყო მოძრაობა.

0