დღეს 2021 წლის 4 მაისია, სამშაბათი. კლებადი მთვარე მერწყულის ნიშანშია. ამ დღეს პლანეტა მარსი მფარველობს.
წარმატება ელოდება მას, ვისაც არ უყვარს გადაუჭრელი საქმეებისა და საკითხების შუა გზაზე მიტოვება. აქტიურობის დღეა – ფიქრებიდან დაწყებული ახლობლებთან ურთიერთობებით დამთავრებული. ნებისმიერ გაურკვევლობას უცაბედი გაღიზიანება შეუძლია, ამიტომ ურთიერთობებში აჯობებს, თუ სიცხადეს შეიტანთ, ანუ არ იქნება ბუნდოვანი მინიშნებები და „დიახ“ იქნება ნამდვილი თანხმობა და „არა“ – უარი. მოერიდეთ კამათს და ყველაფერი მშვიდად და მარტივად წარიმართება.
ვის შეიძლება ვანდოთ საიდუმლო და ვის - არა, ანუ ზოდიაქოს ყველაზე „ლაქლაქა" ნიშნები>>
ვერძი: დღეს, ნებსით თუ უნებლიეთ, დაპირისპირებულ მხარეებს შორის შუამავლის ან შემრიგებლის როლის შესრულება მოგიწევთ. სიტუაცია ირგვლივ დაძაბული იქნება. გარშემომყოფები და მათ შორის, ახლობელი ადამიანები ერთმანეთს პრეტენზიებს წაუყენებენ, თქვენ კი, თქვენდა გასაკვირად, მხარეების გაუგებრობის მოგვარებას შეეცდებით. ეს ადვილი არ იქნება, რადგან ხომ გაგიგიათ, გამშველებელს ყველაზე მეტი მოხვდაო.
კურო: მთელი დღე საკუთარი ქმედებების ანალიზს მოანდომებთ. ვერაფერს გააწყობთ – წინსვლისთვის ხანდახან საჭიროა, რომ შეჩერდეთ და საკუთარი მოქმედებები შეაფასოთ. დღეს გექნებათ შანსი, რომ დაინახოთ დაშვებული შეცდომები. ეს შეიძლება თავადაც მოახერხოთ ან გარშემომყოფების დახმარება დაგჭირდეთ. დღეს კონსტრუქციული კრიტიკა, თუნდაც არცთუ სასიამოვნო, სარგებელს მოგიტანთ.
ტყუპი: აუცილებელია, რომ ნებისმიერ საქმეში სტერეოტიპებისგან გათავისუფლდეთ. მოგეცემათ ამის საშუალება, ოღონდ მხოლოდ იმ შემთხვევაში, თუ თამამად და არასტანდარტულად იმოქმედებთ. გარშემომყოფები დააფასებენ თქვენს არასტანდარტულ დამოკიდებულებასა და ზოგჯერ რევოლუციურ იდეებსაც. მოკლედ რომ ვთქვათ, კონსერვატიული გზები დღეს თქვენთვის არაა, ცხოვრება თქვენგან ცინცხალ იდეებს, შთაგონებასა და კრეატივს ელოდება.
კირჩხიბი: დღეს რისკავთ, რომ მთელი დღე რაღაც საკითხების გამორკვევას მოანდომოთ, რომლებიც უცბად მნიშვნელოვნად მოგეჩვენებათ. ეს შეიძლება ეხებოდეს პირად ურთიერთობებს ვინმესთან ან რაღაც წვრილმან საკითხებს. ამ „საქმის გარჩევებში“ ნებისმიერი შეიძლება გამოიყვანოთ წყობილებიდან. და საინტერესო ისაა, რომ ხვალ იმ საკითხს, რომელიც დღეს ასე გაღელვებთ, შეიძლება აბსოლუტურად მშვიდად ჩაუაროთ და ვერც კი შენიშნოთ.
ლომი: დღეს, ნებსით თუ უნებლიეთ, თქვენი შეცდომები შეიძლება გაგახსენდეთ. შესაძლოა, მისმა შედეგებმა შეგახსენოთ თავი, ან ვითარება გამეორდეს და დეჟავუს გრძნობა გაგიჩნდეთ. შეიძლება პირიქითაც მოხდეს და მხოლოდ ძველის გახსენებით შეძლოთ ახალი შეცდომების თავიდან აცილება. ასე თუ ისე, დღეს არ ღირს თვალების დახუჭვა ძველ ხარვეზებზე. გამოცდილება ხო, ყველასთვის ცნობილია, ძალიან ძვირფასი რამაა.
ქალწული: შინაგანი კონფლიქტი შეიძლება იგრძნოთ. როგორც ჩანს, რასაც აკეთებთ, ყველაფერი არ მოგწონთ – ზოგიერთი რამ აიტუაციის თქვენეულ აღქმას ეწინააღმდეგება. ვარსკვლავები გირჩევენ, გარკვეული დრო გამოყოთ იმისთვის, რომ საკუთარ გრძნობებში გაერკვეთ – ძალიან არ მოგწონთ ის, რასაც იძულებით აკეთებთ? თუ პასუხია „კი“, მაშინ იქნებ ზომების მიღებაა საჭირო. ასევე შეიძლება საკუთარი ეჭვების გაზიარება ახლობელი ადამიანებისთვის მათი რჩევების მოსმენა.
სასწორი: დღეს გარშემომყოფები თქვენ მიმართ ძალზე კრიტიკულად იქნებიან განწყობილნი, ამიტომ ვარსკვლავები გირჩევენ, ურთიერთობები შეზღუდოთ და განსაკუთრებით იმ ადამიანებთან, რომლებზეც დამოკიდებული ხართ (მაგალითად, ხელმძღვანელობა). თუეს ვერ შეძელით, მაშინ ყველაფერი უნდა გააკეთოთ იმისთვის, რომ თქვენ სიტყვებსა და მოქმედებებში ვერავინ მოგედავოთ. განსაკუთრებით არ ღირს იდეებითა და ინიციატივებით გამოსვლა.
მორიელი: საოცარი დღე გელოდებათ, როდესაც საქმიანობაში, შეიძლება ითქვას, არაფერი შეგიშლით ხელს. ეს, რა თქმა უნდა, არ ნიშნავს, რომ უნდა მოდუნდეთ და გარშემომყოფების „სპეტაკი პატიოსნების“ იმედი გქონდეთ. თუმცა ფაქტი ფაქტად რჩება – იმის ალბათობა, რომ დღეს ვინმე თქვენს შეცდომაში შეყვანასა და მოტყუებას შეეცდება, ნულის ტოლია. აქედან გამომდინარე, კარგი დღეა მოლაპარაკებებისა და გარიგებების დასადებად.
მშვილდოსანი: ნამდვილად ღირს, რომ გეგმებს გადახედოთ. იქნებ სადმე შეცდომა გაგეპარათ და უკვე დიდი ხანია, არასწორი გზით მიდიხართ? დროდადრო ქმედებებში კორექტივების შეტანაა საჭირო და მათი რეალობასთან შედარება. დაუთმეთ დღევანდელი დღე ამ საკითხების გარკვევას და არ ინანებთ – მოიშორებთ ილუზიებს, მცდარ შეხედულებებს, რომლებიც პროგრესს ამუხრუჭებს. წინსვლას მხოლოდ ამგვარად შეძლებთ.
თხის რქა: არ არის გამორიცხული, რომ დღეს თქვენი სიტყვების ან ქმედებების გამო ვინმესთვის ანგარიშის ჩაბარება მოგიწიოთ. მოსალოდნელია ყველა შესაძლო რევიზია, შემოწმება, ან უბრალო ახსნა–განმარტების ჩაბარება საკუთარ საქციელზე. თუმცა რაც არ უნდა უსიამოვნო იყოს ეს, თავი ხელში უნდა აიყვანოთ და მოთმინებით აღიჭურვოთ. ყველაფერს კარგად გაუმკლავდებით, თუ არ აღშფოთდებით და თუ კამათს გადაწყვეტს, საქმის გარჩევა შეიძლება უსასრულოდ გაჭიანურდეს.
მერწყული: დღეს მთელი თქვენი დიპლომატიურობა დაგჭირდებათ. გადასაწყვეტი საკითხები ძალზე დელიკატური იქნება და მათი პირდაპირ მიხლა არ ივარგებს. თუ გარშემომყოფების გრძნობებზე არ დაფიქრდებით, არის დიდი რისკი, რომ თუნდაც ყველაზე მარტივი მოლაპარაკება ჩააგდოთ. მხოლოდ უდიდესი მოთმინებისა და ტაქტიანობის წყალობით შეძლებთ, რომ გარშემომყოფებმა სწორად გაგიგონ და ყველანაირი უსიამოვნება თავიდან აირიდოთ.
თევზები: ვარსკვლავები არ გირჩევენ, რომ გარშემომყოფებთან თქვენი თამაში ითამაშოთ – არის წაგების რისკი. თუ წარსულში ცდილობდით, რომ რამე ინფორმაცია დაგემალათ ან დაგემახინჯებინათ, ეს ახლა შეიძლება ზედაპირზე მოულოდნელად ამოტივტივდეს. ვერაფერს გააწყობთ – ისეთი დღეა, როდესაც ყველანაირ საიდუმლოს შეიძლება ფარდა აეხადოს. და თან, ამის რისკი მხოლოდ მათთვის არსებობს, ვინც რაღაც დამალა, დანარჩენებისთვის კი ჩვეულებრივი დღე იქნება.
