Coca-Cola

პედიატრი: ცუდს კოკა-კოლაში ვერ ვხედავ ერთის გარდა...

46639
(განახლებულია 08:35 13.04.2021)
კოკა-კოლას თამამად შეიძლება ვუწოდოთ მსოფლიო სასმელი, ვინაიდან პლანეტის ყველა კონტინენტზე იცნობენ, უყვართ და მიირთმევენ აგერ უკვე 130 წელია — ასაკის, სქესისა და რელიგიური აღმსარებლობის მიუხედავად.

არავინ იცის, რატომ (შესაძლოა სულაც იმიტომ, რომ კოკა-კოლის უმთავრესი ინგრედიენტი კოკას ფოთლები და ხეკოლის თხილია), მაგრამ უკვე რამდენიმე წელია, რაც ძალზე გავრცელდა მოსაზრება მისი მავნებლობის შესახებ, განსაკუთრებით, ბავშვებისთვის.

საინტერესოა, რა აზრისაა ამის თაობაზე უმაღლესი კატეგორიის პედიატრი, დოქტორი კომაროვსკი, რომელსაც ერთ-ერთმა მშობელმა მიმართა კითხით, მავნებელია თუ არა კოკა-კოლა ბავშვებისთვის? 

აი, რას პასუხობს ის: 

უპირველესად გეტყვით, რომ არანაირი სურვილი არ მაქვს, რაიმე დავწერო კოკა-კოლაზე. ეს იმიტომ, რომ ნებისმიერი სავაჭრო ნიშნის ხსენებას ყოველთვის მოჰყვება ხოლმე ათასი კომენტარი. თუ რომელიმე ბრენდზე იტყვი, რომ ის კარგია — ესე იგი, ამ კომპანიამ გიყიდა, ხოლო თუ იტყვი, რომ არ ვარგა — ესე იგი, მისმა კონკურენტმა კომპანიამ გიყიდა…

და, მაინც, პირადად მე ვერაფერს ცუდს კოკა-კოლაში ვერ ვხედავ ერთის გარდა – უზარმაზარი რაოდენობის შაქარს. ბავშვი ამ გზით, ანუ კოკა-კოლაში შემავალი იოლად ათვისებადი ნახშირწყლების მეშვეობით იღებს კონცენტრირებულ ენერგიას, რომელიც აუცილებლად უნდა დახარჯოს.

შესაბამისად, იმისათვის, რომ კოკა-კოლის სმა უსაფრთხო იყოს (ისევე, როგორც ნებისმიერი სხვა ტკბილი სასმლისა), ორი წინასწარი პირობა უნდა იყოს დაცული: ბავშვს არ უნდა აწუხებდეს ჭარბი წონა და უნდა გააჩნდეს „არენა“ ფიზიკური აქტიურობისთვის. 

ავადმყოფობის, გაუწყლოების, ხშირი პირღებინებისა თუ ცუდი კვების პირობებში ბავშვს სწორედაც რომ წაადგება იოლად ათვისებადი ნახშირწყლებით მიღებული კონცენტრირებული ენერგია.

რა თქმა უნდა, ამ დროს ბევრად უფრო ეფექტური და უსაფრთხო პერორალური რეჰიდრატაციის საშუალებებია (პოპულარულ ენაზე – პირღებინების შესაწყვეტი ფხვნილები — რედ.), მაგრამ თუ ბავშვი მათ დალევაზე უარს ამბობს, ხოლო კოკა-კოლას სიამოვნებით მიირთმევს, მაშინ, რატომაც არა?!

თანაც, უნდა იცოდეთ, რომ თუ ბავშვს ორგანიზმში აცეტონის დონე მაღალი აქვს, დროულად მიცემული ერთი ჭიქა კოკა-კოლა წამლადაც კი იქცევა და ამით საავადმყოფოებსა და წვეთოვნებსაც დააღწევთ თავს.

მაგრამ გახსოვდეთ: უკიდურესობაშიც ნუ გადავარდებით. შეუქმენით შვილებს პირობები აქტიური, ანუ სპორტული ცხოვრებისთვის და დაე, სვან ეს კოკა-კოლა. თქვენ კი, იმიტომაც ხართ მშობლები, რომ ბავშვური „მინდა“ საღი აზრით აკონტროლოთ!

46639
მაყვალი

მაყვალი და მისი სასარგებლო თვისებები

69
(განახლებულია 16:38 26.07.2021)
ტრადიციულ ხალხურ მედიცინაში მაყვალს იყენებდნენ ნევროზის, ისტერიის, სკლეროზის, ჰიპერტონიის, კუჭის ავადმყოფობისა და შაქრიანი დიაბეტის დროს.

მიუხედავად იმისა, რომ 21–ე საუკუნეში ქიმიურმა სამკურნალო საშუალებებმა ასეთ მასშტაბებსა და წარმატებებს მიაღწია, საზოგადოებაში უფრო და უფრო აქტუალური ხდება ხალხური მეთოდებითა და ბალახეულით მკურნალობა. ალბათ არ არსებობს ამ სამყაროში ისეთი დაავადება, რომლის სამკურნალო საშუალება ბუნებაში არ იყოს.

ქლიავი, მისი თვისებები და რჩევები: როდის შეიძლება მისი მიღება და როდის – არა>>

მაყვალი (Rubus fruticosus) — ვარდისებრთა ოჯახის კენკროვანი მცენარეა. იზრდება ბუჩქებად. აქვს ეკლებით ან ჯაგრებით მოფენილი გრძელი ღეროები. მაყვლის 200-მდე სახეობაა გავრცელებული ევრაზიასა და ჩრდილოეთ ამერიკაში. საქართველოში 37 სახეობა გვხვდება, მათგან 27 საქართველოს ენდემია.

ნაყოფს იყენებენ ნედლად, აკეთებენ მურაბას, ჯემსა და სხვა ნაწარმს.

სამკურნალოდ გამოიყენება მაყვლის ნაყოფი, ფოთოლი და ბუჩქის ფესვები.

მაყვლის შემადგენლობა

მაყვლის ნაყოფი შეიცავს 3-5% შაქარს (გლუკოზასა და ფრუქტოზას), 1,5%-მდე ორგანულ მჟავებს (ვაშლის, ლიმონის), მთრიმლავ ნივთიერებებს, პექტინს, უჯრედისს, B ჯგუფის ვიტამინებს, კაროტინს, ასკორბინის მჟავას, ასევე ბევრია მასში კალიუმის მარილები, სპილენძი, მანგანუმი. ფოთლები შეიცავს მთრიმლავ ნივთიერებებს, ფლავონოიდებს, ვიტამინ C-ს, ორგანულ მჟავებს, უმნიშვნელო რაოდენობით – ეთერზეთს; ფესვები – ეთერზეთს, მთრიმლავ ნივთიერებებს, ფისებს.

ჟოლო და მისი სასარგებლო თვისებები>>

მაყვლის სასარგებლო თვისებები

ტრადიციულ ხალხურ მედიცინაში მაყვალს იყენებდნენ ნერვული სისტემის დარღვევებისას, ნევროზის, ისტერიის, სკლეროზის, ჰიპერტონიის, კუჭის ავადმყოფობისა და შაქრიანი დიაბეტის დროს.

ნედლი ნაყოფისგან დამზადებული ჩაი ხალხურ მედიცინაში მიიჩნევა დამამშვიდებელ საშუალებად კლიმაქსური ნევროზების დროს.

მშრალი კენკრის ნაყოფს იყენებენ მწვავე რესპირატორული დაავადებების სამკურნალოდ, პნევმონიის დროს. არის სიცხის დამწევი, აქტიური შარდმდენი და ოფლმდენი საშუალება. გადამწიფებული ნაყოფი იწვევს სუსტ საფაღარათო მოქმედებას, ხოლო მკვახე – შემკვრელ მოქმედებას.

მაყვლის ფოთლების შემკვრელი თვისების გამო მის ნახარშს (1:10) იყენებენ კუჭიდან სისხლდენის, კუჭის აშლილობის დროს. ასეთი წესით მომზადებულ ნახარშს სვამენ 1-2 სუფრის კოვზს 3-4-ჯერ დღეში.

ფოთლის ნახარში გამოიყენება პირის ღრუს ლორწოვანი გარსისა და ღრძილების ანთების დროს, ფოთლების ნახარშის საფენებს იდებენ კანის სხვადასხვა დაავადების დროს – სირსველით დაზიანებული ადგილების, ეგზემის, ქრონიკული წყლულების, ძველი ჩირქოვანი ჭრილობების სამკურნალოდ.

ჯოჯოხეთივით შავი, სიკვდილივით ძლიერი და სიყვარულივით ტკბილი>>

მაყვლის ფესვების ნახარში კარგი შარდმდენი და ანთების საწინააღმდეგო საშუალებაა.

69
თემები:
სასარგებლო რჩევები
Пандемия коронавируса - вакцинация и термоскрининг

როდის იტყუება თერმომეტრი: ექიმი მცდარი ჩვენების მიზეზებს განმარტავს

71
(განახლებულია 14:05 26.07.2021)
უმაღლესი კატეგორიის თერაპევტი გასწავლით, როგორ უნდა გაიზომოთ სიცხე უკონტაქტო თერმომტრით ისე, რომ რეალური მაჩვენებელი მიიღოთ

თბილისი, 26 ივლისი — Sputnik. ბევრს მიაჩნია, რომ უკონტაქტო (ინფრაწითელი) თერმომეტრები იტყუება და შეცდომით აჩვენებს სხეულის ტემპერატურას, სინამდვილეში კი დამნაშავეა არა თავად თერმომეტრი, არამედ მისი არასწორი გამოყენება, განუცხადა რადიო Sputnik-ს უმაღლესი კატეგორიის ექიმმა-თერაპევტმა ალექსეი ვოდოვოზოვმა.

მისი თქმით, ინფრაწითელ თერმომეტრებს უმეტესობა არასწორად იყენებს, უმიზნებს რა მას შუბლს ან მაჯას. ასეთ შემთხვევაში კი მზომი ხელსაწყო სხვა არაფერია, თუ არა „შემთხვევითი ციფრების გენერატორი“.

„ასე რეალური ტემპერატურის „დაჭერა“ საკმაოდ ძნელია. თერმომეტრის ინსტრუქცია ითვალისწინებს შემდეგს: ჯერ უნდა ჩართოთ ხელსაწყო, დააჭიროთ თითი ღილაკს, შემდეგ შუბლიდან გარკვეულ მანძილზე გაატაროთ და აუშვათ თითი ღილაკს“, — განმარტავს ექიმი.

ვოდოვოზოვის თქმით, სანამ რომელიმე სახის თერმომეტრს გამოიყენებთ, ყურადღებით უნდა წაიკითხოთ ინსტრუქცია, სადაც დეტალურადაა ახსნილი, სხეულის რა ნაწილებზე, რა დაშორებითა და რა დროის განმავლობაში უნდა გაიზომოთ სიცხე.

ამასთან ექიმი გირჩევთ, არ გაიზომოთ ტემპერატურა ქუჩიდან შენობაში შესვლისთანავე. ასეთ დროს თერმომეტრი რეალობისგან მნიშვნელოვნად განსხვავებულ მონაცემს გაჩვენებთ.

71
თემები:
ექიმი გირჩევთ
მატარებელი თბილისი-ბათუმი

თბილისში მამაკაცს მატარებელი დაეჯახა

0
მამაკაცი სასწრაფო სამედიცინო დახმარების ბრიგადამ კლინიკაში გადაიყვანა. შემთხვევის ადგილზე სამართალდამცველები მუშაობენ.

თბილისი, 26 ივლისი — Sputnik. თბილისში, დიდუბეში  მამაკაცს მატარებელი დაეჯახა, აცნობეს „Sputnik-საქართველოს“ „საქართველოს რკინიგზაში“.

შემთხვევა დაახლოებით 40 წუთის წინ მოხდა. მამაკაცს  ბათუმიდან თბილისში მომავალი მატარებელი იმ დროს დაეჯახა, როდესაც ის ლიანდაგებზე გადადიოდა.

მამაკაცი სასწრაფო სამედიცინო დახმარების ბრიგადამ კლინიკაში გადაიყვანა.

ადგილზე მუშაობენ სამართალდამცველები.

რაც შეეხება მატარებელს, კომპანიის ინფორმაციით, ის ამჟამად გაჩერებულია და შესაბამისი პროცედურების დასრულების შემდეგ დაიძრება.

0