კინჩხის ჩანჩქერი

დღის ასტროპროგნოზი ზოდიაქოს ნიშნებისთვის: 9 აპრილი

0
(განახლებულია 10:33 09.04.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 9 აპრილია, პარასკევი. კლებადი მთვარე თევზების ნიშანშია. ამ დღეს პლანეტა ვენერა მფარველობს.

შეიძლება ითქვას, რომ იდეალური დღეა ყველაზე თამამი გეგმების რეალიზაციისთვის.თქვენი სურვილები შესაძლებლობებთან ჰარმონიაშია, ამიტომ არ შეუშინდეთ ოცნებას და რაც მთავარია, მის ცხოვრებაში განხორციელებას. დღეს წარმატება ელოდება მას, ვისაც მოქმედების არ ეშინია. შესანიშნავი დროა არასტანდარტული გადაწყვეტილებებისა და ამბიციური პროექტებისთვის.

ზოდიაქოს ნიშნების დილა: როგორ იწყება დღე თითოეული ნიშნისთვის>>

ვერძი: არცთუ საუკეთესო დღეა სწავლის, გონებრივი სამუშაოსა და დაგეგმვისთვის. არაა გამორიცხული, რომ უამრავი შეცდომა დაუშვათ. თუ მაინც მოგიწიათ გონებრივი სამუშაოს შესრულება, აჯობებს, თუ ნამუშევარს ჯერჯერობით არავის აჩვენებთ. მით უმეტეს, არ ღირს გეგმების დაუყოვნებლივი რეალიზაცია. დიდი ალბათობით, ეს გეგმები რეალობისგან ძალიან შორს დგას. მასზე კიდევ დიდი მუშაობაა საჭირო.

კურო: პრაქტიკულად არაფრის გაკეთება არ გჭირდებათ იმისთვის, რომ გარშემომყოფების კეთილგანწყობა მოიპოვოთ – ისინი ისედაც თქვენ მხარეს არიან. თქვენზე დიდი მოთხოვნა იქნება სამუშაოზეც, ბიზნესშიც, მეგობრობასა და სიყვარულშიც. გამოიყენეთ ეს დღე ახალი კონტაქტების დასამყარებლად, მიიღეთ ადამიანების მხარდაჭერა, წაწიეთ წინ პროექტი, სთხოვეთ ვინმეს დახმარება. თქვენი იდეები დღეს საკმაოდ მომხიბვლელად გამოიყურება, სიტყვები დამაჯერებლად ისმის, ამიტომ ელოდეთ შესაბამის შედეგებსაც.

ტყუპი: დღეს საუკეთესო დროა იმისთვის, რომ მოიფიქროთ ყველაზე რთული ამოცანები, დაგეგმოთ მომავალი საქმიანობა. პროექტების და მით უფრო, მნიშვნელოვანი პროექტების რეალიზებისგან კი, სჯობს, ჯერ თავი შეიკავოთ. გაქვთ ანალიზის უნარი, შეგიძლიათ რთული სქემების აგება. ამის წყალობით ნებისმიერ პრობლემას სათანადოდ გადაჭრით, თქვენი სამომავლო გეგმები კი კარგად მოფიქრებული, საფუძვლის მქონე და საიმედო იქნება.

კირჩხიბი: ამ დღეს ყველაზე დიდ წარმატებას ნებისმიერ საქმეში გარშემომყოფებთან თანამშრომლობით მიაღწევთ. შეგიძლიათ დამოუკიდებლადაც მოქმედება, თუმცა გუნდთან ერთად საჭირო და საუკეთესო შედეგებს სწრაფად მიაღწევთ. ამასთან, ირგვლივ მყოფთაგან მხოლოდ საუკეთესო გელოდებათ: შესაძლოა, ვინმემ შესანიშნავი იდეა მოგაწოდოთ, ღირებული რჩევა მოგცეთ ან დადებითი სიახლე გაგიზიაროთ.

ლომი: დღეს საქმეებში წარმატებები გელოდებათ, თუმცა ამაში „დამნაშავე“ არა ბრმა იღბალი, არამედ თქვენი სიმტკიცე, აქტიურობა და სხვა თვისებები იქნება, რომლებიც დაგეხმარებათ პრაქტიკულად ნებისმიერი საქმის გაკეთებაში, გზაზე წარმოქმნილი ბარიერების გადალახვაში. დღეს ყველაზე დახლართული და არასაიმედო პროექტების განხორციელებაც კი შეგიძლიათ. და ეს ყველაფერი იმიტომ, რომ იცით პასუხი ორ კითხვაზე: რა უნდა გაკეთდეს და როგორ.

ქალწული: ვარსკვლავები გაფრთხილებენ, რომ თქვენსა და თქვენ გეგმებს შორის, შესაძლოა, დაბრკოლებები გაჩნდეს, თანაც იქ, სადაც ყველაზე ნაკლებად ელოდებით. საკითხები, რომლებიც გგონიათ, რომ უკვე გადაწყვეტილია, შეიძლება 180 გრადუსით შემობრუნდეს და თქვენგან ახალი ძალისხმევა მოითხოვოს. ეს არ ნიშნავს, რომ თქვენს გეგმებს მარცხით დამთავრება უწერია. უბრალოდ, მოგიწევთ ჩვეულებრივზე მეტი შრომა, ენერგიისა და დროის დახარჯვა.

სასწორი: თუ დღეს რამე არ გამოგივათ, დამნაშავე მხოლოდ თქვენ იქნებით. გეძლევათ კარგი შესაძლებლობები, თუმცა რატომღაც შეიძლება ისინი ვერ შენიშნოთ და გვერდი აუაროთ. ასევე არაა გამორიცხული, რომ ადრე უკვე დაშვებული შეცდომა კვლავ გაიმეოროთ. დღე რომ პროდუქტიული იყოს, არ უნდა მოდუნდეთ. წარმატების გარანტია ყურადღებაა საქმეში, ენერგიულობა და რა თქმა უნდა, პოზიტიური განწყობა.

მორიელი: დღეს შესანიშნავი დიპლომატი იქნებით. სურვილის შემთხვევაში საერთო ენის გამონახვა შეგიძლიათ ყველასთან – კოლეგებთან, მეგობრებთან, ხელმძღვანელობასთან და უცნობ ადამიანებთანაც კი. თუ დაგიგროვდათ რამე დელიკატური საკითხები ან პრეტენზიები, ასტროლოგები გირჩევენ, არ გადადოთ საუბარი სხვა დროისთვის. დღეს გაქვთ შანსი, რომ თქვენი გრძნობები და აზრები თანამოსაუბრესთან ადვილად მიიტანოთ.

მშვილდოსანი: დღეს ნებისმიერი საქმის ბოლომდე მიყვანა საოცრად გაგიჭირდებათ და უფრო რთული საქმის დაწყება იქნება. ხართ გონებაგაფანტული, მოდუნებული. თუ საქმეები თქვენს ჩარევას მოითხოვს, შესაძლოა, ისინი უსასრულობამდე გააჭიანუროთ. ჩვეულებრივი რაღაცები: ადგომა დილით, შეხვედრაზე დაუგვიანებლად წასვლა, დალაგება – ეს ყველაფერი არასაჭიროდ, უსარგებლოდ მოგეჩვენებათ. რას იზამთ, ადამიანის ორგანიზმის მარაგი უსასრულო არაა. გჭირდებათ დასვენება და ფიზიკური და სულიერი ძალების აღდგენა.

თხის რქა: დიდი ალბათობით, საკმაოდ კმაყოფილი დარჩებით – მოვლენები ისე განვითარდება, როგორც გეგმავდით. გარდა ამისა, არაა გამორიცხული სასიამოვნო სიურპრიზები, ბედის საჩუქრები, მაგალითად, მოულოდნელი ფულადი პრემიის, იღბლიანი შენაძენის, ნაცნობობის, ქათინაურის სახით. ეს ნიშნავს, რომ დღეს ცხოვრებაზე საწუწუნო არაფერი გექნებათ. იქნებით პოზიტივით დამუხტული და ირგვლივაც ამ პოზიტივს გაუნაწილებთ ადამიანებს.

მერწყული: ვარსკვლავები გაფრთხილებენ, რომ, შესაძლოა, რაღაც საკითხში ცოდნა ან გამოცდილება არ გეყოთ. ეს შეიძლება ეხებოდეს როგორც პირად ცხოვრებას, ისე საქმიანობას, ადამიანებთან ურთიერთობებს. თუ არ აღიარებთ თქვენს არცოდნას, შეცდომების დაშვებით რისკავთ, რომელიც უამრავ პრობლემას მოიტანს. ერთადერთი სწორი გზა გარშემომყოფებისთვის რჩევის კითხვაა. სამსახურში რცევა გამოცდილ; სპეციალისტს ჰკითხეთ, საოჯახო საქმეებში კი ყველაზე ბრძენ ახლობელს.

თევზები: საქმეები წარმატებულად აეწყობა ისე, რომ დიდი ძალისხმევის გამოჩენაც არ მოგიწევთ. ეს ის დღეა, როდესაც თქვენი სურვილები და შესაძლებლობები სრულ თანხვედრაშია. არაა გამორიცხული, რომ სასიამოვნო სიურპრიზიც მოგიმზადოთ ბედმა – რომანტიკული შეხვედრა ან მოულოდნელად შემოსული თანხა. თუ დიდი პროექტის განხორციელებას აპირებთ, ან საპასუხისმგებლო საუბარს, სწორედ რომ შესაფერისი დღეა, ასე რომ, იმოქმედეთ!

0
ხვეული თმა

მთავარია, არ გაიკეთოთ... ტრიქოლოგმა თმისთვის მავნებელი ვარცხნილობა დაასახელა

0
(განახლებულია 13:36 19.04.2021)
სპეციალისტის განმარტებით, თმების ჯანმრთელობას საკმაოდ დიდ ზიანს აყენებს მოცულობის გასაზრდელად საჭირო პოპულარული მანიპულაცია

თბილისი, 19 აპრილი — Sputnik. თმებთან დაკავშირებით პრობლემის ორი ძირითადი კატეგორია არსებობს — ეს არის თმის ძლიერი ცვენა და სტრუქტურის დაზიანება, განაცხადა რადიო Sputnik–თან ინტერვიუში ცნობილმა ტრიქოლოგმა გეორგ აბრამოვმა.

მისი თქმით, თმების მდგომარეობის გაუარესება შეიძლება გამოწვეული იყოს როგორც შინაგანი (ორგანიზმის ჯანმრთელობის მდგომარეობა), ისე გარეგანი მიზეზებით — ანუ თმებთან დაკავშირებული მანიპულაციებით.

სპეციალისტის განმარტებით, თმების ჯანმრთელობას საკმაოდ დიდ ზიანს აყენებს ზოგი მანიპულაცია, მაგალითად, ბუფანტი, ანუ „ნაჩოსი“, რა დროსაც თმა ზრდის საწინააღმდეგოდ ივარცხნება მისთვის მოცულობის მისაცემად.

„რა ხდება ამ დროს: ჩვენ ვარღვევთ კუტიკულას, ანუ თმის დამცავ გარე ფენას, რომელიც ძირიდან წვერისკენაა მიმართული და თევზის ქერცლს ჰგავს... ეს მავნებელია. თავად ვარცხნილობა აბსოლუტურად უმნიშვნელოა თმების ჯანმრთელობისთვის. მთავარია, „ნაჩოსი“ არ გაიკეთოთ“, — აღნიშნა ექიმმა.

ტრიქოლოგის თქმით, ვარცხნილობის გარდა, თმების ჯანმრთელობაზე არც მისი სიგრძე არ ახდენს არანაირგავლენას.

„ზოგჯერ ქალები, როდესაც ცვენა ეწყებათ, თმებს იმოკლებენ, ვინაიდან ფიქრობენ, რომ მათი სიმძიმე ხელს უწყობს ცვენას. მაგრამ ეს შეცდომაა: თმის სიგრძე არანაირ გავლენას არ ახდენს მის ჯანმრთელობაზე“, — ამბობს სპეციალისტი.

გარდა ამისა, ექიმი გვირჩევს, ყურადღება გავამახვილოთ, თუ რა სიგანისაა თმის გამყოფი ხაზი (пробор) და ასევე დავაკვირდეთ, რამდენად ხშირად გვჭირდება თმის დაბანა.

როგორც ირკვევა, სწორედ გამყოფი ხაზის სიფართოვე მიანიშნებს თმის ცვენის საფრთხეებზე. აბრამოვის თქმით, რამდენადაც ფართოა ეს ხაზი, მით მეტია ცვენის რისკი.

რაც შეეხება დაბანის სიხშირეს, ექიმი ამბობს, რომ ეს თმის ცხიმიანობის დონითაა განპირობებული, რაც შეიძლება ორგანიზმში მამაკაცის ჰორმონების სიჭარბეზე მიანიშნებდეს.

ჩვეულებრივი სასმელი გამელოტების წინააღმდეგ: როგორ შევაჩეროთ თმის ცვენა>>

„ზოგს ჰგონია, რომ თუ თმა სწრაფად უცხიმინადება, საჭიროა თავი საამისოდ განკუთვნილი შამპუნით დაიბანოს. ესეც შეცდომაა: თუ თავს ყოველდღე ან დღეგამოშვებით დაიბანთ ცხიმიანი თმის შამპუნით და კანს ძლიერ გამოაშრობთ, ამით კიდევ უფრო გააძლიერებთ ცხიმოვანი ჯირკვლის მუშაობას. ანუ, რაც უფრო ხშირად იბანთ თავს, მით უფრო ნეიტრალური უნდა იყოს შამპუნი“, — განმარტა სპეციალისტმა.

 

0
თემები:
ექიმი გირჩევთ
ენდრო

ენდრო სამკურნალო მცენარე და მისი სასარგებლო თვისებები

0
(განახლებულია 09:36 18.04.2021)
ენდრო ჩვენთვის, ძირითადად, ასოცირდება აღდგომასთან და კვერცხის შეღებვასთან, მაგრამ ამ მცენარეს უძველესი დროიდან იყენებენ სამკურნალოდ.

ენდრო (Rubia tinctorum) ენდროსებრთა (Rubiaceae) ოჯახის მრავალწლიანი ბალახოვანი მცენარეა. აქვს სუსტი, წვრილი, ბღაუჭა, მცოცავი ღეროები, რომელთა სიგრძე რამდენიმე მეტრს აღწევს. მთავარი ფესვი საკმაოდ ძლიერია, სიღრმეში დატოტვილი. ფესვის ზედა ნაწილიდან იზრდება მხოხავი, მერქნისებრი მრავალთავა ფესურა, რომელზეც კვირტებია განლაგებული. ფოთლები ვიწროკვერცხისებრი, წაწვეტებული ფორმისაა, ხრტილისებრი ბღაუჭა კბილებით. ღეროები და ფოთლები შებუსულია. ყვავილედი გაშლილი, რთული საგველაა. ყვავილები წვრილია და ყვითელი გვირგვინი აქვს. მწიფე ნაყოფი შავი ფერისაა, წვნიანი და კენკროვანი. ენდრო ყვავილობს ივნისიდან სექტემბრამდე. ნაყოფი მწიფდება ოქტომბერ–ნოემბერში.

ენდრო გავრცელებულია მთის ფერდობებზე, იზრდება თითქმის ყველა სახის ნიადაგზე.

მასთან შერეული სხვადასხვა დასადედებელ-ფერმჭერის საშუალებით (ნაცარი, შაბი, გამხმარი შვინდის ნახარში, მურყნის ქერქის ნახარში და სხვა) იღებდნენ წითელი ფერის ფართო სპექტრს. ენდროთი იღებებოდა ბამბის, შალის, მატყლის მრავალფეროვანი საფეიქრო ნაწარმი. იგი იძლეოდა მდგრად ფერებს.

ენდრო საქართველოში უძველესი დროიდან იყო ცნობილი. ინტენსიური წარმოების გამო საექსპორტო საგანსაც წარმოადგენდა. საქართველოდან იგი აქლემებით გაჰქონდათ აღმოსავლეთ ქვეყნებში. ქართული ენდრო წარმატებით უწევდა კონკურენციას საერთაშორისო ბაზარზე აზიურ და კაპრის ენდროს. მისი პლანტაციები საქართველოში გაშენებული იყო სხვადასხვა ადგილზე (თელავი, სიღნაღი, აწყური, ქუთაისი). XIX საუკუნის 70-იანი წლებიდან ხელოვნური საღებავის — ანილინის მიღების შემდეგ ენდროს აღარ იყენებდნენ. ამჟამად ველური სახითაა გავრცელებული ქართლ-კახეთსა და იმერეთში.

სამკურნალო მცენარეები. კვრინჩხი (ღოღნაშო)>>

ენდრო შეიცავს ორგანულ მჟავებს, პექტინებს, შაქარსა და სხვა ნივთიერებებს. მედიცინაში გამოიყენება ენდროსშემცვლელი პრეპარატები, რომლებიც შლიან ფოსფატურ და ოქსალატურ ქვებს თირკმელებსა და შარდის ბუშტში. აქვს შარდმდენი და სპაზმოლიტური მოქმედება.

ენდრო აყუჩებს ტკივილის შეგრძნებას შარდის გამოყოფის დროს, ტკივილს თირკმელებში, აუმჯობესებს წყალ–მარილოვან ცვლას.

მედიცინაში გამოიყენება ენდროს ფესურა და ფესვები.

ხალხურ მედიცინაში გამოიყენება ენდროს ნაყენი და ნახარში; ოფიციალურ მედიცინაში კი იყენებენ ენდროს ექსტრაქტს წვეთებსა და აბებში, ნაყენს, ფხვნილსა და ფიტოჩაის მცენარეებისგან. ასევე, მცენარის ფესვებისგან ამზადებენ მალამოს (კვერცხის გულთან და შაბთან ერთად), რომელსაც გარეგანი დაზიანებების, მოტეხილობის დროს ხმარობენ.

მზესუმზირა და მისი სასარგებლო თვისებები>>

ენდროს ნახარში კარგად მოქმედებს ზედა და ქვედა კიდურებიდან მარილების გამოდევნაზე ისეთი დაავადებების დროს, როგორიცაა პოდაგრა, ართრიტი, ოსტეოქონდროზი, პოლიარტრიტი. ნახარში ასე მზადდება: 1 ჩაის კოვზ კარგად დაქუცმაცებულ (თითქმის ფხვნილის ფორმით) ენდროს დაასხით 1,5 ჭიქა მდუღარე წყალი. შემდეგ დადგით ცეცხლზე და ადუღეთ 10 წუთი. გადაწურეთ, გააგრილეთ. მიიღეთ დღეში სამჯერ, ნახევარი ჭიქა ჭამიდან 40 წუთის შემდეგ.

ნაყენი გამოიყენება ნაღვლის ბუშტის კენჭოვანი დაავადებებისა და ქოლეცესტიტის დროს, როგორც ტკივილგამაყუჩებელი, დიურეტული (შარდმომგვრელი) და სპაზმოლიტური საშუალება.
ენდროს წვეთებს მედიცინაში იყენებენ თირკმელებისა და საშარდე გზების ანთებითი დაავადებების დროს.

სხვადასხვა ქვეყანაში ენდროს ხალხურ მედიცინაში გამოიყენებენ სხვადასხვა დაავადებების სამკურნალოდ, როგორიცაა ამენორეა (მენსტრუაციის უქონლობა), ანურია (თირკმელების მიერ შარდის გამოყოფის შეწყვეტა), გულის სარქვლის უკმარისობა, ელენთის, სასუნთქი სისტემის, ნაწლავთა და ძვლის ტუბერკულოზის, რაქიტის, ოსტეომიელიტის, ანემიის, ასციტის, დიზენტერიის, იშიასისა და პოდაგრის შემთხვევებში.

მჟაუნა და მისი უნიკალური სასარგებლო თვისებები>>

ენდროს საფუძველზე დამზადებული პრეპარატებს ადამიანის ორგნიზმი, მთლიანობაში, კარგად იტანს, მხოლოდ ყურადღება უნდა მიექცეს, რომ მისი მიღების დროს შარდი მოწითალო ფერის ხდება. თუ სიწითლე ინტენსიურია, ენდროზე დამზადებული პრეპარატის დოზა უნდა შემცირდეს.

ასევე, ენდროს მიღება არაა რეკომენდებული კუჭის მომატებული მჟავიანობის დროს.

 

სტატია მომზადებულია RCDA-ს მასალებზე დაყრდნობით

0
თემები:
სასარგებლო რჩევები
ისრაელის და საქართველოს დროშები

ისრაელში საქართველოს მოქალაქეებისთვის დასაქმების კვოტა, შესაძლოა, გაიზარდოს

0
(განახლებულია 14:25 19.04.2021)
ისრაელში ლეგალურად დასაქმების მსურველი საქართველოს მოქალაქეების სპეციალურ ვებ-გვერდზე რეგისტრაციის პროცესი 12 აპრილს დაიწყო.

 

თბილისი, 19 აპრილი – Sputnik. ისრაელში ლეგალურად დასაქმების მსურველი საქართველოს მოქალაქეებისთვის  გათვალისწინებული კვოტა, შესაძლოა, გაიზარდოს, განაცხადა საქართველოში ისრაელის ელჩმა რან გიდორმა ჟურნალისტებთან.

აპრილის დასაწყისში ისრაელის სახელმწიფოსა და საქართველოს მთავრობას შორის დადებული შეთანხმების თანახმად, საქართველოს ათასამდე მოქალაქე ისრაელის სახელმწიფოში ხანგრძლივი მოვლის დაწესებულებებში დამხმარე მუშაკის პოზიციაზე დასაქმებას შეძლებს. 

ისრაელში ლეგალურად დასაქმების მსურველი საქართველოს მოქალაქეების  რეგისტრაცია შრომითი მიგრაციის სპეციალურ პორტალზე http://workabroad.moh.gov.ge/  12 აპრილს დაიწყო და 24 საათში 760 მოქალაქე დარეგისტრირდა. რეგისტრაციის პროცესი მთელი წლის განმავლობაში გაგრძელდება.  

„ჩვენ დავიწყეთ კვოტირება საქართველოს ათასი მოქალაქით. ვიმედოვნებთ, რომ თუ ეს მიზანი წარმატებით და შეუფერხებლად იქნება მიღწეული, შესაძლოა, განვიხილოთ კვოტის გაზრდის საკითხი. ეს არის მთელი რიგი პროექტები და სწორედ ამიტომ, მნიშვნელოვანია მისი ლიმიტირებული კვოტით დაწყება“, – განაცხადა რან გიდორმა.

საქართველოს ჯანდაცვის სამინისტროს ინფორმაციით, ისრაელში სამუშაოს ხანგრძლივობა იქნება 6 სამუშაო დღე კვირაში, თვის დარიცხული ხელფასი კვირაში 42-საათიანი სამუშაო გრაფიკით კი 5300 შეკელი.

ისრაელში ჩასული დასაქმებულები მიიღებენ ვიზას, რომელიც ძალაში ერთი წლის განმავლობაში იქნება და რომლის მოქმედების ვადის გაგრძელება შესაძლებელია მაქსიმუმ 63 თვემდე. 

დასაქმების მსურველი უნდა აკმაყოფილებდეს შემდეგ კრიტერიუმებს: უნდა იყოს 25-დან 45 წლამდე ასაკის, საშუალო განათლების, უნდა ჰქონდეს სახელმწიფოს მიერ აღიარებული სახლის პირობებში გასაწევი სამედიცინო დახმარება/მოვლის ტრენინგის გავლის დამადასტურებელი დიპლომი/სერტიფიკატი ან ექთნის/ექთნის თანაშემწის დიპლომი. ამასთან, საკომუნიკაციო დონეზე უნდა ფლობდეს ინგლისურ ან რუსულ ენას.

გარდა ამისა, დასაქმების მსურველი უნდა იყოს ფიზიკურად და ფსიქიკურად ჯანმრთელი, ნასამართლეობის არმქონე, არ უნდა ჰქონდეს ისრაელში მუშაობის და არალეგალურად ცხოვრების ისტორია, მისი ოჯახის წევრები არ უნდა ცხოვრობდნენ ან მუშაობდნენ ისრაელში.

ამასთან, კანდიდატმა უნდა განაცხადოს თანხმობა, რომ ისრაელში შესვლამდე გაივლის COVID-19-ის ტესტს საქართველოში და ასევე თანახმა უნდა იყოს ისრაელში ჩასვლის შემდეგ COVID-19-ის ვაქცინაციაზე, რომელიც აუცილებელია ხანგრძლივი მოვლის დაწესებულებაში სამუშაოდ ისრაელის ჯანდაცვის სამინისტროს მოქმედი რეგულაციების შესაბამისად.

0