დაშბადის ჩანჩქერი - წალკა

დღის ასტროპროგნოზი ზოდიაქოს ნიშნებისთვის: 5 აპრილი

245
(განახლებულია 12:11 05.04.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 5 აპრილია, ორშაბათი. კლებადი მთვარე თხის რქის ნიშანშია. ამ დღეს პლანეტა მთვარე მფარველობს.

მოემზადეთ მოულოდნელობებისთვის – დღეს ბედი საჩუქრებს გიმზადებთ. ხელსაყრელი დღეა ფულთან დაკავშირებული საქმეებისთვის, თან უფრო მეტად ინტუიცია დაგეხმარებათ, ვიდრე ლოგიკა. კარგი დღეა ურთიერთობებისთვის, იმისთვის, რომ გარშემომყოფების სიმპათია მოიპოვოთ. გაქვთ შანსი, რომ იღბალმა გაგიღიმოთ სიყვარულში.

მეყვარები, სანამ... – ზოდიაქოს ნიშნის წარმომადგენლების მოთმინების ზღვარი>>

ვერძი: დღეს მოგეცემათ შესაძლებლობა, რომ განიმტკიცოთ მიღწეული პოზიციები და ასევე წინ წაიწიოთ. ხელსაყრელი დღეა ნებისმიერ სფეროში – ბიზნესიდან და კარიერიდან დაწყებული სიყვარულით დამთავრებული. იქნებით ენერგიული, რათა ჩანაფიქრი განახორციელოთ. ეს ყველაფერი წინ გელოდებათ, მაგრამ მხოლოდ იმ შემთხვევაში, თუ ამის სურვილი გექნებათ და რა თქმა უნდა, იმოქმედებთ და სახლში უმოქმედოდ არ ისხდებით.

კურო: დღეს აუცილებელია ურთიერთობები, სადაც არ უნდა იმყოფებოდეთ. თქვენი კომუნიკაბელურობა უმაღლეს დონეზე იქნება და საშუალებას მოგცემთ, მარტივად გადაწყვიტოთ საკითხები, გააბათ ახალი ნაცნობობა. კონტაქტები, რომანტიკულიცა და საქმიანიც, ჩვეულებრივზე იოლი იქნება თქვენთვის. თუ კარიერული წინსვლა გაქვთ ჩაფიქრებული, ადვილად მოიპოვებთ საჭირო ადამიანების მხარდაჭერას, ხოლო თუ რომანტიკული ნაცნობობა გსურთ – ესეც არ იქნება პრობლემა.

ტყუპი: წინააღმდეგობებით აღსავსე დღეა. ერთი მხრივ, ხართ ძალითა და ენერგიით აღსავსე, რისი წყალობითაც ურთულეს ამოცანასაც მშვენივრად გაუმკლავდებით. თუმცა, მეორე მხრივ, მარტივი გზებით სიარული არ გელოდებათ. პირიქით, მხოლოდ სირთულეებისა და დაბრკოლებების გადალახვით შეძლებთ თავის საუკეთესო მხრიდან წარმოჩენას. ასე რომ, არ განაწყენდეთ, თუ ბარიერები შეგხვდათ გზაზე და ძალების მაქსიმალური დახარჯვა მოგიწიათ – მხოლოდ ასე შეძლებთ პოტენციალის სრულად გამოყენებას და წარმატების მიღწევას.

კირჩხიბი: დღეს ბედი ბედნიერ შესაძლებლობებს გთავაზობთ და ბევრი რამ იქნება დამოკიდებული იმაზე, შეძლებთ თუ არა ამ შანსების გამოყენებას. საქმე ისაა, რომ ნაკლებად ენერგიული ხართ და სწრაფი რეაქციის უნარი დაქვეითებული გაქვთ, მოვლენები კი უსწრაფესად შეიძლება განვითარდეს და თქვენგან გადაწყვეტილებების დაუყოვნებლივ მიღება მოითხოვოს. ასე რომ, ასტროლოგები გირჩევენ, აქტიურად იმოქმედოთ და ეცადოთ, მთელი დღე ტონუსში იყოთ.

ლომი: ვარსკვლავები გირჩევენ, დღეს რაც შეიძლება შორს გაიჭრათ ჩარჩოებისგან, რუტინასა და ყოველდღიურ ქაოსს მოსცილდეთ. ამის გაკეთება სხვადასხვანაირად შეიძლება, მთავარია, სურვილი გქონდეთ. შეგიძლიათ დაგეგმოთ პაემანი, თეატრში ან კინოში წასვლა. შესაძლებელია მეგობრებთან ერთად სადმე ისეთ ადგილას გამგზავრება, სადაც ნამყოფი არ ხართ. ასევე შეგიძლიათ ექსპერიმენტების ჩატარება შემოქმედებაში, კულინარიაში, გარდერობის განახლება... მთავარია, ცვლილებებისკენ პირველი ნაბიჯი გადადგათ, შემდეგ ყველაფერი თავისით აეწყობა.

ქალწული: პირველ რიგში, რაც არ უნდა გააკეთოთ დღეს, ეს სახლში მარტო ყოფნაა. უნდა წავიდეთ იქ, სადაც სიცოცხლე ჩქეფს, უნდა მოექცეთ ყურადღების ცენტრში. თავს ისე იგრძნობთ, როგორც თევზი წყალში. ხართ კომუნიკაბელური, მომხიბლავი, კაშკაშა ემოციებით სავსე. ამის წყალობით ნებისმიერ კომპანიაში თავს ძალიან კარგად იგრძნობთ. გამოიყენეთ ეს თვისებები არა მხოლოდ გართობის მიზნით, არამედ საინტერესო ადამიანების გაცნობისთვისაც.

სასწორი: ის დღეა, როდესაც „საკუთარ ტყავზე“ იგრძნობთ, რომ თანამშრომლობა, მხარდაჭერა, პარტნიორობა მხოლოდ ლამაზი სიტყვები არაა. დღე შეიძლება ისე აეწყოს, რომ სხვების დახმარება დაგჭირდეთ, ან, შესაძლოა, თქვენ ამოუდგეთ მხარში გაჭირვებაში ჩავარდნილ ადამიანს. ნებისმიერ შემთხვევაში მოგიწევთ დაფიქრება იმაზე, თუ როგორი ადამიანები არიან თქვენ ირგვლივ, ვის შეიძლება ენდოთ და ვის – არა.

მორიელი: დღეს არაორგანიზებული და გულმავიწყი იქნებით; შესაძლოა ისე, რომ თავადაც ვერ შეამჩნევთ, ნებისმიერი საზღვარი დაარღვიოთ, მათ შორის, თავაზიანობის, სუბორდინაციის ან ვინმეს მოთმინების. კარგად გაართმევთ თავს საქმეებს, სადაც შემოქმედებითი დამოკიდებულებაა საჭირო, ხოლო რაც შეეხება საკითხებს, რომლებიც კონკრეტიკასა და დეტალებისადმი ყურადღებას მოითხოვს, აქ წარმატების შანსი ძალიან მცირეა. ასევე საშიში დღეა იმ თვალსაზრისით, რომ კონფლიქტის ალბათობაა მომატებული. ამიტომ მოერიდეთ საქმეების გარჩევას და თავი შორს დაიჭირეთ მსგავსი სიტუაციებისგან.

მშვილდოსანი: დღეს, ნებსით თუ უნებლიეთ, ყურადღების მიქცევა მოგიწევთ ფინანსებისადმი. ამისკენ მოვლენები გიბიძგებთ. მოსალოდნელია, რომ მიიღოთ ფულადი პრემია, ან ხელფასის მომატების შესახებ გაიგოთ, თუმცა არც არასასიამოვნო სიურპრიზებია გამორიცხული. ვარსკვლავები გაფრთხილებენ, რომ დღეს თქვენი საფულე შეიძლება მოულოდნელად გავსოს ან დაცარიელდეს – ვის როგორ გაუმართლებს. სჯობს, არ გარისკოთ და არ ჩაებათ საეჭვო ფინანსურ საქმიანობაში.

თხის რქა: ვითარებამ, შესაძლოა, საკუთარი ინტერესების დაცვა გაიძულოთ და ამისთვის თავის გართმევას შესანიშნავად შეძლებთ. გაქვთ უნარი, თქვენს სიმართლეში ნებისმიერი დაარწმუნოთ, გარშემომყოფები თქვენს არგუმენტებს ყურს დაუგდებენ. ვარსკვლავები გირჩევენ, რომ ეს ვითარება გამოიყენოთ არა მხოლოდ სადავო საკითხების გადაჭრისთვის, არამედ ასევე მოლაპარაკებების წარმოებისთვის, რათა წარმატებულად განავითაროთ ნებისმიერი  საკუთარი იდეა ან პროექტი.

მერწყული: დღეს ნამდვილად ღირს, რომ სიზმრებს მიაქციოთ ყურადღება. აქ საქმე მისტიკა კი არა, არამედ ვითარების ანალიზია. სიზმრები დაგეხმარებათ, გაიგოთ, თუ რა უშლის ხელს თქვენი სურვილების განხორციელებას. ქვეცნობიერის მოტყუება ადვილი არაა და მისი ხმა, ჩვეულებრივ, უფრო სიზმრებში ვლინდება. თქვენი ინტუიცია კი დღეს გამძაფრებულია და ქვეცნობიერის ხმა უფრო მკაფიოდ ისმის. ამიტომ გირჩევენ ასტროლოგები, ყური დაუგდოთ ღამით სიზმრებს, ხოლო დღისით ყურადღება მიაქციოთ ბედის მინიშნებებს, თქვენ ორჭოფობას რამე საკითხში – ეს, შესაძლოა, წინათგრძნობა იყოს.

თევზები: დღეს შესაძლოა რამე ნაკლებად შესწავლილ მოვლენას გადააწყდეთ, როგორც დეჟავუ. შეიძლება გაგიჩნდეთ შეგრძნება, რომ ესა თუ ის მოვლენა ადრე უკვე მოხდა, ვიღაც უცნობ ადამიანს უკვე შეხვედრილხართ... საქმე ისაა, რომ დღეს თქვენი ინტუიცია ძალზე მომძლავრებულია და გაქვთ უნარი, სიტუაციის შედეგი წინასწარ განჭვრიტოთ. ამის წყალობით, შგიძლიათ, წინასწარ გამოიცნოთ, როგორ განვითარდება მოვლენები და თავი გამოიჩინოთ ისეთ საქმეებში, სადაც ინტუიცია ბევრ რამეს წყვეტს. ფსიქოლოგიური ასპექტების ადვილად დანახვა ადამიანებთან ურთიერთობებშიც დაგეხმარებათ.

245
ინდიელი მშვილდ-ისრით

გრძელი თმა - მეექვსე გრძნობის წყარო: გასაჯაროვებული სამხედრო დოკუმენტაცია

7
სამხედრო მიზნებით დაქირავებულმა ინდიელმა მზვერავებმა თმის შეჭრის შემდეგ მეექვსე გრძნობა და ინტუიცია დაკარგეს, ისინი ვეღარ „გრძნობდნენ“ მტერს, რაც ადრე საერთოდ არ უჭირდათ

თბილისი, 19 აპრილი — Sputnik. თმები — ეს ნერვული სისტემის გაგრძელებაა და ის შეიძლება გარეგან ნერვებად, მაღალგანვითარებულ „ანტენებადაც“ კი განვიხილოთ, რომელიც უზარმაზარ და უმნიშვნელოვანეს ინფორმაციას აწვდის ტვინს, ლიმბიკურ სისტემასა და ასევე ნეოკორტექსს, წერს გამოცემა Enlightened Consciousness-ი სტატიაში, რომელშიც კლინიკა VA Medical Hospital-ის ლიცენზირებული ფსიქოლოგის ისტორიაა მოთხრობილი.

როგორც ირკვევა, ფსიქოლოგი ვიეტნამის ომის მონაწილე ვეტერანებთან მუშაობდა, რომლებსაც პოსტტრავმატული აშლილობა ჰქონდათ. ერთ დღეს კლინიკას მისთვის გადაუცია დოკუმენტაცია, რომლის წაკითხვის შემდეგაც კონსერვატული შეხედულებების ექიმს რადიკალურად შეუცვლია გარეგნობა და უარი უთქვამს არა მხოლოდ თმის, არამედ წვერის გაკრეჭვაზეც. სამედიცინო ცენტრს არაფერი ჰქონია საწინააღმდეგო. უფრო მეტიც, კლინიკის სხვა ექიმებისთვისაც მიუცია უფლება, ეტარებინათ გრძელი თმა-წვერი.

რა დოკუმენტებზეა საუბარი?

ეს იყო აშშ-ის მთავრობის მიერ დაფინანსებული უსერიოზულესი კვლევა, რომელსაც საფუძვლად ვიეტნამის ომის დროს მომხდარი საინტერესო შემთხვევა დაედო საფუძვლად.

როგორც ირკვევა, აშშ-ის სამხედრო უწყებას ქვეყნის მასშტაბით რეკრუტერები დაუგზავნია, რომლებსაც ნიჭიერი მზვერავ-კვალმაძიებლები უნდა მოეძებნათ ამერიკელ ინდიელებს შორის. მოთხოვნები ძალიან მაღალი იყო — კვალმაძიებლებს ლამის ზებუნებრივი უნარები უნდა ჰქონოდათ.

რეკრუტერებმა მართლაც შეძლეს რამდენიმე შესაფერისი ადამიანის მოძებნა, რომლებთანაც სასწრაფოდ გააფორმეს საჭირო ხელშეკრულებები და სამსახურში ჩარიცხეს.

და აქ მოხდა უცნაური და აუხსნელი რამ: ყველა მზვერავ-კვალმაძიებელმა, როგორც კი ისინი სამხედრო სამსახურში მიიღეს, პირწმინდად დაკარგა ყველა ის უნარი, რომლის გამოც დაიქირავეს და რომელიც უმაღლესი ხელმძღვანელობისთვის უნდა ეჩვენებინათ. შესაბამისად უწყებამ გადაწყვიტა, დაექირავებინა სპეციალისტები, რომლებიც მომხდარს რაიმე ახსნას მოუძებნიდნენ.

და მართლაც, გარკვეული პერიოდის შემდეგ სწავლულები მივიდნენ დასკვნამდე, რომ ყველაფერში „დამნაშავე“ იყო თმა, რომელიც სამხედრო სამსახურში ჩარიცხვისთანავე მოკლედ შეკრიჭეს ინდიელ მზვერავებს.

დაქირავებულები გამოტყდნენ, რომ თმის შეჭრის შემდეგ მეექვსე გრძნობა და ინტუიცია დაუქვეითდათ და ვეღარ „გრძნობდნენ“ მტერს, ვეღარ „კითხულობდნენ“ უფაქიზეს ექსტრასენსორულ ინფორმაციას, რაც ადრე საერთოდ არ უჭირდათ.

ამის შემდეგ ტესტირების ინსტიტუტმა ახალი ინდიელები მოიძია და არცერთ მათგანს აღარ შეჭრეს თმა. მეცნიერებმა ახალი ჯგუფი ძალიან ბევრ სფეროში გამოცადა, მაგალითად, მტრის „შეგრძნობის“ კუთხით.

ინდიელი
ინდიელი კვალმაძიებელი

ერთ-ერთი სტანდარტიზირებული ტესტი და მისი შედეგი ასე გამოიყურებოდა: რეკრუტ ინდიელებს — მოკლე და გრძელთმიანებს, რომლებსაც ტყეში ეძინათ, უცნობი მხრიდან და უცნობ დროს უახლოვდებოდა „მტერი“. გრძელთმიანი მზვერავები ყველა ჯერზე ძილშივე გრძნობდნენ მოახლოებულ საფრთხეს და ადგილს მტრის მოახლოებამდე ბევრად ადრე ტოვებდნენ.

გარდა ამისა, მკვლევარებმა ერთ-ერთ გრძელთმიან რეკრუტზე ჩატარებული ტესტის საფუძველზე აღმოაჩინეს, რომ ის ინტუიციურად გრძნობდა, როდის დაიწყებდა მოწინააღმდეგე შეტევას და შესაბამისად, წარმატებით იგერიებდა მას. მაგრამ თმების შეჭრის შემდეგ ინდიელმა იგივე ტესტი და სხვა ბევრიც ჩააფლავა, რომლებსაც მანამდე შესანიშნავად გადიოდა.

შესაბამისად, დარგის სპეციალისტებმა დაადგინეს, რომ სხეულის ყველა ნაწილს, მათ შორის, თმებს, თავისი „მისია“ აქვს და როცა ადამიანს უწყდება კავშირი რომელიმე მათგანთან, ის კარგავს ამ ნაწილით მინიჭებულ ძალას.

7
თემები:
იცით თუ არა, რომ...
თამარ ფეიქრიშვილი

 ექსპერიმენტები ხატვის გაკვეთილზე და 15 წუთიანი ინტერვალი „დაბადებიდან დაბადებამდე“   

18
(განახლებულია 14:53 19.04.2021)
რუბრიკაში „კლასგარეშე საკითხავი მასწავლებლებისთვის“-მეხუთე საჯარო სკოლის და ხელოვნების სტუდია „კრეატივის" სახვითი ხელოვნების პედაგოგს, მხატვარს, თამარ ფეიქრიშვილს გავესაუბრეთ.

„საუკეთესოა პედაგოგი, რომელიც ბავშვის მისწრაფებებს და სურვილებს ანგარიშს უწევს და ყოველ გაკვეთილს პატარა ზეიმად აქცევს“- ეს თამარის მოსაზრებაა, რომელსაც პრაქტიკულადაც ახორციელებს. რაც მთავარია, მოსწავლეებს საკუთარ მაგალითზე უჩვენებს, რომ ხელოვნება ცხოვრებისთვის აქტუალურ თემებს ყოველთვის უნდა ეხმაურებოდეს.

აქედან გამომდინარე, ალბათ დროული იყო, რომ ფოლკლორის ცენტრში ახლახან გამართული გამოფენა სიცოცხლის მარადიულობის თემას მიეძღვნა. თამარ ფეიქიშვილისა და ასევე მხატვრისა და პედაგოგის, ციცი ოსიყმაშვილის ნამუშევრები გამოფენაზე „გენეზისი“ სწორედ ამ თემას ასახავდა. ეს არ იყო თამარის პირველი გამოფენა. მასალაში მისი პედაგოგიური და შემოქმედებითი საქმიანობის ისტორიას გაეცნობით.

თამარ ფეიქრიშვილი
თამარ ფეიქრიშვილი

- თამარ, ვისი გავლენა იყო პროფესიის არჩევა?

- პედაგოგის პროფესიისადმი ჩემი ინტერესი ოჯახიდან მოდის. მასწავლებლის პროფესიის არჩევა დედასთანაა დაკავშირებული, რადგან ის პროფესიით მასწავლებელია. როცა ვხედავდით როგორ ასწორებდა რვეულებს და როგორი პასუხისმგებლობით ეკიდებოდა თავის საქმეს, ეს ჩვენზეც მოქმედებდა. ბავშვებისგან მაქსიმუმს მოითხოვდა, რათა რაც შეიძლება მეტი ცოდნა-განათლება მიგვეღო. დედამ ასევე ძალიან კარგად იცის სახვითი ხელოვნება და კარგადაც ხატავს.

თამარ ფეიქრიშვილი გაკვეთილზე
თამარ ფეიქრიშვილი გაკვეთილზე

- თქვენი პედაგოგიური ნათლობა სად მოხდა?

- ჩემი პედაგოგიური ნათლობა სკოლა „მოძღვარში“ მოხდა. როცა ჯერ კიდევ პატარა გოგო დამწყები პედაგოგის სტატუსით აუდიტორიაში შევედი, ცოტა დავფრთხი, რადგან მოზრდილი ასაკის გოგონებისთვის უნდა მესწავლებინა. მათი ჩემდამი დამოკიდებულება ცოტა სკეპტიკური იყო. ალბათ გარკვეული ეჭვი არსებობდა შევძლებდი თუ არა მათთვის ცოდნის ისე გადაცემას, როგორც ამას ჩემი უფროსი კოლეგები, კვალიფიციური პედაგოგები ახერხებდენენ. ჩემი აზრით, ეს შევძელი. გაკვეთილზე მაქსიმალურად ვიხარჯები და ამიტომ მოსწავლეებისგანაც ასევე მკაცრად ვთხოვ.

თამარ ფეიქრიშვილი
თამარ ფეიქრიშვილი

- სახვით ხელოვნებას როგორ ასწავლით, რაიმე თქვენეული მეთოდი თუ გაქვთ?

- თავიდან ძალიან რთული მხატვრული ხერხებით ვცდილობდი ცოდნის გადაცემას, მაგრამ მერე დავაკვირდი და მივხვდი, რომ უნდა შემეცვალა სწავლების მეთოდი. საჭირო იყო, რომ ხატვა მათთვის გასაგები ფორმით, ეტაპობრივად მესწავლებინა, რადგან ეს უფრო მომგებიანი და შედეგის მომცემი იქნებოდა. ვაკვირდებოდი თანდათან როგორ იზრდებოდნენ ისინი და ითვისებდნენ ჩემ მიერ მიწოდებულ ინფორმაციას. რაც შეეხება ინდივიდუალურ მეთოდებს, ის ყველა პედაგოგს აქვს და არც მე ვარ გამონაკლისი.

გამოფენაზე
გამოფენაზე

- კონკრეტულად თქვენ შემთხვევაში რაში გამოიხატება ინდივიდუალური მეთოდი?

- პირველ გაკვეთილზე აუცილებელია, რომ ბავშვმა საგნების განაწილება, ანუ კომპოზიციის ათვისება ცარიელი სიბრტყიდან დაიწყოს. თავიდანვე არასწორმა სწავლებამ შეიძლება ბავშვი სხვა მიმართულებით წაიყვანოს. ასევე აუცილებელია, რომ მან კარგად აითვისოს ჩანახატის შესრულების კულტურა და იგრძნოს ესკიზისა და ეტიუდის როლი, რომელიც ასე მნიშვნელონია ხელოვანისთვის.

თამარ ფეიქრიშვილის შემოქმედება
თამარ ფეიქრიშვილის შემოქმედება

- ხატვის გაკვეთილების ჩატარება ალბათ გაცილებით საინტერესოა  საკლასო ოთახის მიღმა, თქვენი ყველაზე ორიგინალური გაკვეთილი გაიხსენეთ...

- საინტერესოდ ჩატარებული გაკვეთილი იყო სამხატვრო სკოლაში, სადაც უფროსი კლასის მოსწავლეებთან ერთად ექსპერიმეტალური კომპოზიცია შევქმენი. წარმოიდგინეთ, ხუთი ადამიანი ინდივიდუალური ხელწერით, სხვადასხვა რაკურსიდან ქმნიდა ერთ ნახატს, რომელიც საბოლოოდ ჯამში, იმდენად საინტერესო და შთამბეჭდავი გამოვიდა, რომ ეს კადრები ჩემი მეხსიერებიდან არასოდეს წაიშლება.

თამარ ფეიქრიშვილის შემოქმედება
თამარ ფეიქრიშვილის შემოქმედება

- თუმცა აქ მარტო ხატვის ხერხების ათვისებაზე არ არის საუბარი...

- დიახ, ასეთი გაკვეთილების მერე, ისინი გარე სამყაროსაც სხვა თვალით უყურებენ და აღიქვამენ. მით უმეტეს კარგია მათთვის რადგან ჩაკეტილი სივრციდან გარეთ გადიან. ამიტომ ყველაზე ნაყოფიერი ჩემი აზრით, მაინც პლენერია. რადგან მოზარდები ყველაფერს აკვირდებიან და ყველა დეტალს უფრო კარგად ითვისებენ. ასევე მნიშვნელოვანია კონკურსები, რა დროსაც ბავშვი იგებს საკუთარ შესაძლებლობებს. მისთვის დამატებითი მოტივაცია და სტიმულის მიმცემია, როცა მის ნახატებს დამთვალიერებელი და შემფასებელი ჰყავს.

თამარ ფეიქრიშვილის ნამუშევრები
თამარ ფეიქრიშვილის ნამუშევრები

- თამარ ფეიქრიშვილის მხატვრობა ალბათ მისი პედაგოგიური საქმიანობისგან ცალკე განსახილველია...

- მე ვხატავ პოპ-არტის სტილში, ანუ კომპოზიციებს ვქმნი ძველი, უსარგებლო ნივთებისგან, ესაა საყოფაცხოვრებო თუ სამშენებლო ნარჩენები, რომელსაც ჩემი ნამუშევრებისთვის სულ ვაგროვებ. განსაკუთრებით მიყვარს ინსტალაციური ხელოვნება. ჩემში შთაგონება, შესაძლოა, ყველაზე უმნიშვნელო ნივთმაც კი გამოიწვიოს.

თამარ ფეიქრიშვილის შემოქმედება
თამარ ფეიქრიშვილის შემოქმედება

-სულ ახლახან ფოლკლორის ცენტრში, წარმატებით გაიმართა თქვენი და ციცი ოსიყმაშვილის ერთობლივი გამოფენა სახელად „გენეზისი“...

- დღეს პანდემია ისევ მძვინვარებს, მაგრამ ჩვენ რეგულაციები არ შეგვეხო და გამოფენის ჩატარება მოვასწარით. ორივე სახვითი ხელოვნების პედაგოგები ვართ. ეს გამოფენა მივუძღვენით მარადიულ სიცოცხლეს, დედის თემას, რაც დღეს, ისე როგორც არასდროს, აქტუალურია. მე მყავს ტყუპის ცალი ძმა, რომელიც 15 წუთით ჩემზე გვიან დაიბადა. კონკრეტული ნამუშევრების შექნის იდეა მისგან წამოვიდა. სწორედ ამ 15 წუთიანი ინტერვალის თემა „დაბადებიდან დაბადებამდე“ აისახა ჩემს ნამუშევრებში.

ციცი ოსიყმაშვილი და თამარ ფეიქრიშვილი გამოფენაზე
ციცი ოსიყმაშვილი და თამარ ფეიქრიშვილი გამოფენაზე

- ადრე რომელ გამოფენებში გაქვთ მონაწილეობა მიღებული?

- გავიხსენებ ეკოლოგიურ თემაზე მიძღვნილ გამოფენას, რომელზეც მოვაწყვე პერფორმანსები, რაც ჯანსაღი ცხოვრების წესს და გარემოს დაცვის საკითხებს გამოხატავდა. იმ გამოფენის სახელი იყო „ზურგს უკან მესმის" სტერეოტიპების რღვევასა და სწორი საზოგადოებრივი აზრის ფორმირებას მიეძღვნა გამოფენა„გარღვეული სივრცე", ბავშვობაზე იყო გამოფენა სახელად „დადა და ნოსტალგია". ასევე მინდა ვახსენო გამოფენა ,,გავდივარ", რომელიც მეგობრების მცირეწლოვანი დაღუპული შვილების ხსოვნას მივუძღვენი...

თამარ ფეიქრიშვილის შემოქმედება
თამარ ფეიქრიშვილის შემოქმედება

- როდესაც გაკვეთილზე შედიხართ თქვენი, როგორც მხატვრის მიზანი რა არის?

- მინდა ბავშვებში, ახალი სიტყვა და კრეატიული ხედვა გაჩნდეს, რაც თავისუფალი აზროვნებით მიიღწევა -ამისთვის საპილოტე ჯგუფი შევქმენი. იქ პატარები შერეულ ტექნიკაში შექმნილი ნამუშევრებით საინტერესო იდეებს გადმოსცემენ. ერთი მოსწავლის ყველაზე შთამბეჭდავ ნახატს ერქვა „გავთავისუფლდეთ წარსულის გადმონაშთებისგან". ეს იყო ნახატი-ინსტალაცია, კედლიდან გამოყოფილი, გათავისუფლებული ხელებით, რომელიც ამ თემას საინტერესოდ წარმოაჩენს. ხელოვნება მათ თავისუფალი აზროვნების ჩამოყალიბებაში ეხმარება და ეს კი გაცილებით მნიშვნელოვანია...

 

 

18