ბაკურიანი

დღის ასტროპროგნოზი ზოდიაქოს ნიშნებისთვის: 2 აპრილი

2375
(განახლებულია 10:25 02.04.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 2 აპრილია, პარასკევი. კლებადი მთვარე მშვილდოსნის ნიშანშია. ამ დღეს პლანეტა ვენერა მფარველობს.

არ გაგიკვირდეთ, თუ დღეს „მოწმენდილ ცაზე“ ეჭვიანობა დაიწყეთ ან თქვენზე ეჭვიანობა დაიწყეს. მაგრამ ეცადეთ, ამ გრძნობას გასაქანი არ მისცეთ, არ დაიწყოთ ურთიერთობების გამორკვევა. დანარჩენ შემთხვევებში არცთუ ურიგო დღეა – ადამიანები იქნებიან ენერგიულები პრაქტიკულად ნებისმიერ სფეროში და მათ შორის, რა თქმა უნდა, სიყვარულში.

ვის გაუმართლებს ყველაზე მეტად – ზოდიაქოს იღბლიანი ნიშნები აპრილში>>

ვერძი: დღეს მთელი დღე მოვლენებს უნდა ადევნოთ თვალი, რადგან მოსალოდნელია, რომ საჭირო გახდეს თქვენი ინფორმირებულობა და მომზადება ამ მხრივ. თუ მოდუნდებით, არის შანსი იმისა, რომ არახელსაყრელი გარემოებების ან თაღლითების მსხვერპლი გახდეთ. ეს რომ არ მოხდეს, ადევნეთ თვალი ყველაფერს, რაც ირგვლივ ხდება, გააკონტროლეთ შემოსული ინფორმაცია და შეამოწმეთ. განსაკუთრებით ფრთხილად იყავით ადამიანებთან, რომლებსაც ნაკლებად იცნობთ. არ ენდოთ მათ.

კურო: გარშემომყოფებთან ურთიერთობები, სამწუხაროდ, დღეს არ იქნება სახარბიელო. შესაძლოა, თავად ხართ უკომპრომისოდ განწყობილი და გარშემო კონფლიქტების პროვოცირებას ახდენთ. არც ისაა გამორიცხული, რომ გარშემომყოფებმა ცეცხლზე ნავთი დაასხან კრიტიკითა და ზურგს უკან ჭორაობით. ასეა თუ ისე, ვარსკვლავები გირჩევენ, მოემზადოთ მწვავე მომენტებისთვის და თუ არ გსურთ, მთელი დღე ურთიერთობების გამორკვევაში გაატაროთ, იყავით დიპლომატიური და იუმორის გრძნობა სასტიკ სატირაში არ აურიოთ.

ტყუპი: ირგვლივ მყოფები შეიძლება გაოცდნენ, იმდენად მოტივირებული ხართ ნებისმიერ საქმეში და ცხოვრების სფეროში – სიყვარულიდან მუშაობის ჩათვლით. განწყობა გაქვთ, რომ საუკეთესო შედეგი მიიღოთ. ამის ახსნა იმით შეიძლება, რომ დღეს აზარტისა და შეჯიბრების სურვილით ხართ გაჯერებული. რასაც არ უნდა მოკიდოთ ხელი, ეცდებით, რომ სხვებს გაუსწროთ. ამიტომ კარგი დღეა მუშაობისა და კარიერაზე ზრუნვისთვის, ასევე ფლირტისა და სიყვარულისთვის – აქაც არ გასვენებთ სურვილი, რომ კონკურენტები უკან ჩამოიტოვოთ და გამარჯვებული იყოთ.

კირჩხიბი: დღეს უმაღლეს დონეზე ორგანიზებული ხართ. უმოქმედოდ ვერ ჩერდებით. თუ მკაფიო მიზანი არ გაქვთ, აუცილებლად ჩამოაყალიბებთ და დაისახავთ მას. ხართ აქტიური და ქედუხრელი, ეს კი საქმეებში წარმატებებს გპირდებათ. ნებისმიერ ამოცანას კეთილსინდისიერად ასრულებთ. ერთადერთი, რამაც დაბრკოლება შეიძლება შეგიქმნათ, ისაა, რომ თქვენი მომთხოვნელობა საკუთარი თავის გარდა გარშემომყოფებზეც ვრცელდება და არ მოერიდებით არავის, რომ საყვედური პირდაპირ სახეში მიახალოთ.

ლომი: დღეს თქვენთვის ურთიერთობების დღეა, ადამიანებს მაგნიტივით იზიდავთ. რაც არ უნდა თქვათ ან გააკეთოთ, ეს გარშემომყოფების დიდ ყურადღებას მიიპყრობს და უმეტესად ეს ყურადღება დადებითი იქნება. ადამიანები ისე, რომ თავადაც ვერ გააცნობიერებენ, თქვენკენ გადმომდგამენ ნაბიჯს, მოიწონებენ თქვენს იდეებს, შეგეკითხებიან რჩევებს, შემოგთავაზებენ დახმარებას. ამასთან სათანადო სიმაღლეზე იქნება თქვენი ორატორული უნარები და არ გაგიჭირდებათ ვინმეს რამეში დარწმუნება.

ქალწული: სჯობს, დღეს მიმდინარე საქმეებს მიხედოთ, ეს ყველაზე კარგად გამოგივათ. ხართ ყურადღებიანი, ცდილობთ, გადახედოთ და შეასწოროთ ყველაფერი, რაზეც აქამდე ხელი არ მიგიწვდებოდათ: უპასუხოთ წერილებს, დაასუფთავოთ და მოაწესრიგოთ სახლი, გათვალოთ ნებისმიერი წვრილმანი, შეადგინოთ მოქმედებების გეგმა. მაგრამ გლობალური და საპასუხისმგებლო საქმეების გადაჭრა დღეს არ ივარგებს, რადგან თავს ვერ აარიდებთ ხარვეზებს და შესაძლოა, მნიშვნელოვან შეცდომებსაც.

სასწორი: დღეს თქვენთვის ყველაფერი საინტერესო იქნება, რაც ირგვლივ ხდება. ვარსკვლავები მოგანიჭებენ ენერგიულობას, ემოციურობას, შემოქმედებით ენერგიასა და დაუცხრომელ ცნობისმოყვარეობას. გარშემომყოფები ვერც მიხვდებიან, ისე გადაგიხსნიან გულს, გაგანდობენ თავიანთ საიდუმლოს. გულწრფელი ურთიერთობების გარდა დღევანდელი დღე შეგიძლიათ მიუძღვნათ საკუთარ ინტერესებს – ჰობის, გართობას, მოგზაურობას, სიყვარულს. ერთადერთი, რისი გაგეკთებაც დღეს გაგიჭირდებათ, ეს რუტინული სამუშაოა.

მორიელი: დღეს ნებისმიერ საქმიან სფეროში შეგიძლიათ წარმატების მიღწევა. გელოდებათ კარიერული ზრდა, წარმატებები მუშაობაში, ბიზნესში ფულთან დაკავშირებულ საკითხებში. კარგი დღეა საყიდლებისთვის, პროექტის ამუშავებისთვის – ის საკმაოდ მომგებიანი იქნება. ვარსკვლავები გირჩევენ, დაიწყოთ ჩანაფიქრის განხორციელება – დღეს საუკეთესო დღეა და თუ ამისთვის სითამამე არ გყოფნით, გახსოვდეთ, რომ ამას თქვენი ცხოვრების უკეთესობისკენ შეცვლა შეუძლია.

მშვილდოსანი: საუკეთესო დღეა იმისთვის, რომ ცხოვრების ახალი ფურცელი გადაშალოთ, დაიწყოთ გეგმების რეალიზება, რადგან ეს მრავალი გამარჯვების მომტანი წამოწყებების დროა. ეს უნდა გამოიყენოთ და ენერგიულად შეუდგეთ საქმიანობას. თუ დიდი ხანია, გინდათ ახალი პროექტის წამოწყება, იმიჯის შეცვლა, სიგარეტისთვის თავის დანებება, ფიტნესზე ჩაწერა, რომანტიკული ნაცნობობის გაბმა ან, თუნდაც, ახალი სამუშაოს მოძებნა – თქვენთვის გზა ხსნილია, იმოქმედეთ.

თხის რქა: შესანიშნავი დღეა, როდესაც ყველა საქმე ადვილად, ზედმეტი ძალისხმევის გარეშე გამოგივათ. ჰარმონიაში იქნებით საკუთარ თავთან და სამყაროსთან, რაც უპირატესობას მოგანიჭებთ საქმიანობასა და ადამიანებთან ურთიერთობებში. არ არის გამორიცხული, რომ თქვენს ცხოვრებაში რაღაც სასიამოვნო მოვლენა მოხდეს, ან, უბრალოდ, უხილავი მიზეზის გამო იყოთ ყველაფრით კმაყოფილი. წონასწორობა, ენერგიული ძალები და შემოქმედებითი ძალა მოგცემთ საშუალებას, ეს დღე სასიამოვნოდ და ამავდროულად, სასარგებლოდაც გაატაროთ.

მერწყული: ასტროლოგები გირჩევენ, დღეს ფულთან მიმართებით ფრთხილად იყოთ – დიდია დანაკარგის ალბათობა. ეს, პირველ რიგში, შესაძლოა, უყურადღებობასა და თქვეენს მიმნდობ ხასიათს უკავშირდებოდეს. შეგიძლიათ უამრავი ფული გაატანოთ ქარს გართობაში, ან რამე დაუფიქრებელი ნივთის შეძენისას, შეიძლება გახდეთ მოტყუების მსხვერპლი. ეს რომ არ მოხდეს, ხარჯები უნდა გააკონტროლოთ. სჯობს, ლიმიტი გამოუყოთ საკუთარ თავს და მას არ გადააჭარბოთ, ხოლო ფინანსურ საქმეებს, სჯობს, საერთოდ არ გაეკაროთ.

თევზები: დღეს ბედი საჩუქრებს გიმზადებთ. დიდი ალბათობით, სასიამოვნო სიურპრიზები გელოდებათ ბიზნესის ან ფინანსურ სფეროში, მაგრამ ეს ასევე შეიძლება შეეხოს პირად ცხოვრებასაც, ადამიანებთან ურთიერთობებს. ასეა თუ ისე, ფორტუნა შემთხვევით არ გაგიღიმებთ – მიიღებთ იმას, რაც დაიმსახურეთ. ნაყოფს გამოიღებს თქვენი მუშაობა, პროექტი, რომელზეც დიდი დრო და ენერგია დახარჯეთ, შესაძლოა, პირველი მოგებაც მიიღოთ.

2375
ინდიელი მშვილდ-ისრით

გრძელი თმა - მეექვსე გრძნობის წყარო: გასაჯაროებული სამხედრო დოკუმენტაცია

15
(განახლებულია 17:14 19.04.2021)
სამხედრო მიზნებით დაქირავებულმა ინდიელმა მზვერავებმა თმის შეჭრის შემდეგ მეექვსე გრძნობა და ინტუიცია დაკარგეს, ისინი ვეღარ „გრძნობდნენ“ მტერს, რაც ადრე საერთოდ არ უჭირდათ

თბილისი, 19 აპრილი — Sputnik. თმები — ეს ნერვული სისტემის გაგრძელებაა და ის შეიძლება გარეგან ნერვებად, მაღალგანვითარებულ „ანტენებადაც“ კი განვიხილოთ, რომელიც უზარმაზარ და უმნიშვნელოვანეს ინფორმაციას აწვდის ტვინს, ლიმბიკურ სისტემასა და ასევე ნეოკორტექსს, წერს გამოცემა Enlightened Consciousness-ი სტატიაში, რომელშიც კლინიკა VA Medical Hospital-ის ლიცენზირებული ფსიქოლოგის ისტორიაა მოთხრობილი.

როგორც ირკვევა, ფსიქოლოგი ვიეტნამის ომის მონაწილე ვეტერანებთან მუშაობდა, რომლებსაც პოსტტრავმატული აშლილობა ჰქონდათ. ერთ დღეს კლინიკას მისთვის გადაუცია დოკუმენტაცია, რომლის წაკითხვის შემდეგაც კონსერვატული შეხედულებების ექიმს რადიკალურად შეუცვლია გარეგნობა და უარი უთქვამს არა მხოლოდ თმის, არამედ წვერის გაკრეჭვაზეც. სამედიცინო ცენტრს არაფერი ჰქონია საწინააღმდეგო. უფრო მეტიც, კლინიკის სხვა ექიმებისთვისაც მიუცია უფლება, ეტარებინათ გრძელი თმა-წვერი.

რა დოკუმენტებზეა საუბარი?

ეს იყო აშშ-ის მთავრობის მიერ დაფინანსებული უსერიოზულესი კვლევა, რომელსაც საფუძვლად ვიეტნამის ომის დროს მომხდარი საინტერესო შემთხვევა დაედო საფუძვლად.

როგორც ირკვევა, აშშ-ის სამხედრო უწყებას ქვეყნის მასშტაბით რეკრუტერები დაუგზავნია, რომლებსაც ნიჭიერი მზვერავ-კვალმაძიებლები უნდა მოეძებნათ ამერიკელ ინდიელებს შორის. მოთხოვნები ძალიან მაღალი იყო — კვალმაძიებლებს ლამის ზებუნებრივი უნარები უნდა ჰქონოდათ.

რეკრუტერებმა მართლაც შეძლეს რამდენიმე შესაფერისი ადამიანის მოძებნა, რომლებთანაც სასწრაფოდ გააფორმეს საჭირო ხელშეკრულებები და სამსახურში ჩარიცხეს.

და აქ მოხდა უცნაური და აუხსნელი რამ: ყველა მზვერავ-კვალმაძიებელმა, როგორც კი ისინი სამხედრო სამსახურში მიიღეს, პირწმინდად დაკარგა ყველა ის უნარი, რომლის გამოც დაიქირავეს და რომელიც უმაღლესი ხელმძღვანელობისთვის უნდა ეჩვენებინათ. შესაბამისად უწყებამ გადაწყვიტა, დაექირავებინა სპეციალისტები, რომლებიც მომხდარს რაიმე ახსნას მოუძებნიდნენ.

და მართლაც, გარკვეული პერიოდის შემდეგ სწავლულები მივიდნენ დასკვნამდე, რომ ყველაფერში „დამნაშავე“ იყო თმა, რომელიც სამხედრო სამსახურში ჩარიცხვისთანავე მოკლედ შეკრიჭეს ინდიელ მზვერავებს.

დაქირავებულები გამოტყდნენ, რომ თმის შეჭრის შემდეგ მეექვსე გრძნობა და ინტუიცია დაუქვეითდათ და ვეღარ „გრძნობდნენ“ მტერს, ვეღარ „კითხულობდნენ“ უფაქიზეს ექსტრასენსორულ ინფორმაციას, რაც ადრე საერთოდ არ უჭირდათ.

ამის შემდეგ ტესტირების ინსტიტუტმა ახალი ინდიელები მოიძია და არცერთ მათგანს აღარ შეჭრეს თმა. მეცნიერებმა ახალი ჯგუფი ძალიან ბევრ სფეროში გამოცადა, მაგალითად, მტრის „შეგრძნობის“ კუთხით.

ინდიელი
ინდიელი კვალმაძიებელი

ერთ-ერთი სტანდარტიზირებული ტესტი და მისი შედეგი ასე გამოიყურებოდა: რეკრუტ ინდიელებს — მოკლე და გრძელთმიანებს, რომლებსაც ტყეში ეძინათ, უცნობი მხრიდან და უცნობ დროს უახლოვდებოდა „მტერი“. გრძელთმიანი მზვერავები ყველა ჯერზე ძილშივე გრძნობდნენ მოახლოებულ საფრთხეს და ადგილს მტრის მოახლოებამდე ბევრად ადრე ტოვებდნენ.

გარდა ამისა, მკვლევარებმა ერთ-ერთ გრძელთმიან რეკრუტზე ჩატარებული ტესტის საფუძველზე აღმოაჩინეს, რომ ის ინტუიციურად გრძნობდა, როდის დაიწყებდა მოწინააღმდეგე შეტევას და შესაბამისად, წარმატებით იგერიებდა მას. მაგრამ თმების შეჭრის შემდეგ ინდიელმა იგივე ტესტი და სხვა ბევრიც ჩააფლავა, რომლებსაც მანამდე შესანიშნავად გადიოდა.

შესაბამისად, დარგის სპეციალისტებმა დაადგინეს, რომ სხეულის ყველა ნაწილს, მათ შორის, თმებს, თავისი „მისია“ აქვს და როცა ადამიანს უწყდება კავშირი რომელიმე მათგანთან, ის კარგავს ამ ნაწილით მინიჭებულ ძალას.

15
თემები:
იცით თუ არა, რომ...
თამარ ფეიქრიშვილი

 ექსპერიმენტები ხატვის გაკვეთილზე და 15 წუთიანი ინტერვალი „დაბადებიდან დაბადებამდე“   

22
(განახლებულია 14:53 19.04.2021)
რუბრიკაში „კლასგარეშე საკითხავი მასწავლებლებისთვის“-მეხუთე საჯარო სკოლის და ხელოვნების სტუდია „კრეატივის" სახვითი ხელოვნების პედაგოგს, მხატვარს, თამარ ფეიქრიშვილს გავესაუბრეთ.

„საუკეთესოა პედაგოგი, რომელიც ბავშვის მისწრაფებებს და სურვილებს ანგარიშს უწევს და ყოველ გაკვეთილს პატარა ზეიმად აქცევს“- ეს თამარის მოსაზრებაა, რომელსაც პრაქტიკულადაც ახორციელებს. რაც მთავარია, მოსწავლეებს საკუთარ მაგალითზე უჩვენებს, რომ ხელოვნება ცხოვრებისთვის აქტუალურ თემებს ყოველთვის უნდა ეხმაურებოდეს.

აქედან გამომდინარე, ალბათ დროული იყო, რომ ფოლკლორის ცენტრში ახლახან გამართული გამოფენა სიცოცხლის მარადიულობის თემას მიეძღვნა. თამარ ფეიქიშვილისა და ასევე მხატვრისა და პედაგოგის, ციცი ოსიყმაშვილის ნამუშევრები გამოფენაზე „გენეზისი“ სწორედ ამ თემას ასახავდა. ეს არ იყო თამარის პირველი გამოფენა. მასალაში მისი პედაგოგიური და შემოქმედებითი საქმიანობის ისტორიას გაეცნობით.

თამარ ფეიქრიშვილი
თამარ ფეიქრიშვილი

- თამარ, ვისი გავლენა იყო პროფესიის არჩევა?

- პედაგოგის პროფესიისადმი ჩემი ინტერესი ოჯახიდან მოდის. მასწავლებლის პროფესიის არჩევა დედასთანაა დაკავშირებული, რადგან ის პროფესიით მასწავლებელია. როცა ვხედავდით როგორ ასწორებდა რვეულებს და როგორი პასუხისმგებლობით ეკიდებოდა თავის საქმეს, ეს ჩვენზეც მოქმედებდა. ბავშვებისგან მაქსიმუმს მოითხოვდა, რათა რაც შეიძლება მეტი ცოდნა-განათლება მიგვეღო. დედამ ასევე ძალიან კარგად იცის სახვითი ხელოვნება და კარგადაც ხატავს.

თამარ ფეიქრიშვილი გაკვეთილზე
თამარ ფეიქრიშვილი გაკვეთილზე

- თქვენი პედაგოგიური ნათლობა სად მოხდა?

- ჩემი პედაგოგიური ნათლობა სკოლა „მოძღვარში“ მოხდა. როცა ჯერ კიდევ პატარა გოგო დამწყები პედაგოგის სტატუსით აუდიტორიაში შევედი, ცოტა დავფრთხი, რადგან მოზრდილი ასაკის გოგონებისთვის უნდა მესწავლებინა. მათი ჩემდამი დამოკიდებულება ცოტა სკეპტიკური იყო. ალბათ გარკვეული ეჭვი არსებობდა შევძლებდი თუ არა მათთვის ცოდნის ისე გადაცემას, როგორც ამას ჩემი უფროსი კოლეგები, კვალიფიციური პედაგოგები ახერხებდენენ. ჩემი აზრით, ეს შევძელი. გაკვეთილზე მაქსიმალურად ვიხარჯები და ამიტომ მოსწავლეებისგანაც ასევე მკაცრად ვთხოვ.

თამარ ფეიქრიშვილი
თამარ ფეიქრიშვილი

- სახვით ხელოვნებას როგორ ასწავლით, რაიმე თქვენეული მეთოდი თუ გაქვთ?

- თავიდან ძალიან რთული მხატვრული ხერხებით ვცდილობდი ცოდნის გადაცემას, მაგრამ მერე დავაკვირდი და მივხვდი, რომ უნდა შემეცვალა სწავლების მეთოდი. საჭირო იყო, რომ ხატვა მათთვის გასაგები ფორმით, ეტაპობრივად მესწავლებინა, რადგან ეს უფრო მომგებიანი და შედეგის მომცემი იქნებოდა. ვაკვირდებოდი თანდათან როგორ იზრდებოდნენ ისინი და ითვისებდნენ ჩემ მიერ მიწოდებულ ინფორმაციას. რაც შეეხება ინდივიდუალურ მეთოდებს, ის ყველა პედაგოგს აქვს და არც მე ვარ გამონაკლისი.

გამოფენაზე
გამოფენაზე

- კონკრეტულად თქვენ შემთხვევაში რაში გამოიხატება ინდივიდუალური მეთოდი?

- პირველ გაკვეთილზე აუცილებელია, რომ ბავშვმა საგნების განაწილება, ანუ კომპოზიციის ათვისება ცარიელი სიბრტყიდან დაიწყოს. თავიდანვე არასწორმა სწავლებამ შეიძლება ბავშვი სხვა მიმართულებით წაიყვანოს. ასევე აუცილებელია, რომ მან კარგად აითვისოს ჩანახატის შესრულების კულტურა და იგრძნოს ესკიზისა და ეტიუდის როლი, რომელიც ასე მნიშვნელონია ხელოვანისთვის.

თამარ ფეიქრიშვილის შემოქმედება
თამარ ფეიქრიშვილის შემოქმედება

- ხატვის გაკვეთილების ჩატარება ალბათ გაცილებით საინტერესოა  საკლასო ოთახის მიღმა, თქვენი ყველაზე ორიგინალური გაკვეთილი გაიხსენეთ...

- საინტერესოდ ჩატარებული გაკვეთილი იყო სამხატვრო სკოლაში, სადაც უფროსი კლასის მოსწავლეებთან ერთად ექსპერიმეტალური კომპოზიცია შევქმენი. წარმოიდგინეთ, ხუთი ადამიანი ინდივიდუალური ხელწერით, სხვადასხვა რაკურსიდან ქმნიდა ერთ ნახატს, რომელიც საბოლოოდ ჯამში, იმდენად საინტერესო და შთამბეჭდავი გამოვიდა, რომ ეს კადრები ჩემი მეხსიერებიდან არასოდეს წაიშლება.

თამარ ფეიქრიშვილის შემოქმედება
თამარ ფეიქრიშვილის შემოქმედება

- თუმცა აქ მარტო ხატვის ხერხების ათვისებაზე არ არის საუბარი...

- დიახ, ასეთი გაკვეთილების მერე, ისინი გარე სამყაროსაც სხვა თვალით უყურებენ და აღიქვამენ. მით უმეტეს კარგია მათთვის რადგან ჩაკეტილი სივრციდან გარეთ გადიან. ამიტომ ყველაზე ნაყოფიერი ჩემი აზრით, მაინც პლენერია. რადგან მოზარდები ყველაფერს აკვირდებიან და ყველა დეტალს უფრო კარგად ითვისებენ. ასევე მნიშვნელოვანია კონკურსები, რა დროსაც ბავშვი იგებს საკუთარ შესაძლებლობებს. მისთვის დამატებითი მოტივაცია და სტიმულის მიმცემია, როცა მის ნახატებს დამთვალიერებელი და შემფასებელი ჰყავს.

თამარ ფეიქრიშვილის ნამუშევრები
თამარ ფეიქრიშვილის ნამუშევრები

- თამარ ფეიქრიშვილის მხატვრობა ალბათ მისი პედაგოგიური საქმიანობისგან ცალკე განსახილველია...

- მე ვხატავ პოპ-არტის სტილში, ანუ კომპოზიციებს ვქმნი ძველი, უსარგებლო ნივთებისგან, ესაა საყოფაცხოვრებო თუ სამშენებლო ნარჩენები, რომელსაც ჩემი ნამუშევრებისთვის სულ ვაგროვებ. განსაკუთრებით მიყვარს ინსტალაციური ხელოვნება. ჩემში შთაგონება, შესაძლოა, ყველაზე უმნიშვნელო ნივთმაც კი გამოიწვიოს.

თამარ ფეიქრიშვილის შემოქმედება
თამარ ფეიქრიშვილის შემოქმედება

-სულ ახლახან ფოლკლორის ცენტრში, წარმატებით გაიმართა თქვენი და ციცი ოსიყმაშვილის ერთობლივი გამოფენა სახელად „გენეზისი“...

- დღეს პანდემია ისევ მძვინვარებს, მაგრამ ჩვენ რეგულაციები არ შეგვეხო და გამოფენის ჩატარება მოვასწარით. ორივე სახვითი ხელოვნების პედაგოგები ვართ. ეს გამოფენა მივუძღვენით მარადიულ სიცოცხლეს, დედის თემას, რაც დღეს, ისე როგორც არასდროს, აქტუალურია. მე მყავს ტყუპის ცალი ძმა, რომელიც 15 წუთით ჩემზე გვიან დაიბადა. კონკრეტული ნამუშევრების შექნის იდეა მისგან წამოვიდა. სწორედ ამ 15 წუთიანი ინტერვალის თემა „დაბადებიდან დაბადებამდე“ აისახა ჩემს ნამუშევრებში.

ციცი ოსიყმაშვილი და თამარ ფეიქრიშვილი გამოფენაზე
ციცი ოსიყმაშვილი და თამარ ფეიქრიშვილი გამოფენაზე

- ადრე რომელ გამოფენებში გაქვთ მონაწილეობა მიღებული?

- გავიხსენებ ეკოლოგიურ თემაზე მიძღვნილ გამოფენას, რომელზეც მოვაწყვე პერფორმანსები, რაც ჯანსაღი ცხოვრების წესს და გარემოს დაცვის საკითხებს გამოხატავდა. იმ გამოფენის სახელი იყო „ზურგს უკან მესმის" სტერეოტიპების რღვევასა და სწორი საზოგადოებრივი აზრის ფორმირებას მიეძღვნა გამოფენა„გარღვეული სივრცე", ბავშვობაზე იყო გამოფენა სახელად „დადა და ნოსტალგია". ასევე მინდა ვახსენო გამოფენა ,,გავდივარ", რომელიც მეგობრების მცირეწლოვანი დაღუპული შვილების ხსოვნას მივუძღვენი...

თამარ ფეიქრიშვილის შემოქმედება
თამარ ფეიქრიშვილის შემოქმედება

- როდესაც გაკვეთილზე შედიხართ თქვენი, როგორც მხატვრის მიზანი რა არის?

- მინდა ბავშვებში, ახალი სიტყვა და კრეატიული ხედვა გაჩნდეს, რაც თავისუფალი აზროვნებით მიიღწევა -ამისთვის საპილოტე ჯგუფი შევქმენი. იქ პატარები შერეულ ტექნიკაში შექმნილი ნამუშევრებით საინტერესო იდეებს გადმოსცემენ. ერთი მოსწავლის ყველაზე შთამბეჭდავ ნახატს ერქვა „გავთავისუფლდეთ წარსულის გადმონაშთებისგან". ეს იყო ნახატი-ინსტალაცია, კედლიდან გამოყოფილი, გათავისუფლებული ხელებით, რომელიც ამ თემას საინტერესოდ წარმოაჩენს. ხელოვნება მათ თავისუფალი აზროვნების ჩამოყალიბებაში ეხმარება და ეს კი გაცილებით მნიშვნელოვანია...

 

 

22
მიკროფონი

მინაშვილი: ვერ ვხედავთ, რომ ეს დოკუმენტი არის გამოსწორების გზა

0
(განახლებულია 15:54 19.04.2021)
ოპოზიციური პარტია „ერთიანი ნაციონალური მოძრაობის“ ერთ-ერთი ლიდერი აკაკი მინაშვილი ამბობს, რომ პარტია შარლ მიშელის შემოთავაზებულ ახალ დოკუმენტს ხელს არ მოაწერს.
მინაშვილი: ვერ ვხედავთ, რომ ეს დოკუმენტი არის გამოსწორების გზა
„ხელმოწერა და რაღაც დოკუმენტის არსებობა არ არის თვითმიზანი. ჩვენი მიდგომაა, რომ ნებისმიერი შეთანხმება უნდა ემსახურებოდეს ქვეყანაში არსებული მძიმე მდგომარეობის გამოსწორებას. ჩვენი აზრით, ვერ ვხედავთ, რომ ეს დოკუმენტი არის გამოსწორების გზა. ამიტომ, ამ მდგომარეობით, ამ დოკუმენტს ჩვენ ხელს არ მოვაწერთ“, - ამბობს მინაშვილი.

გუშინ ევროპული საბჭოს პრეზიდენტმა შარლ მიშელმა საქართველოს ხელისუფლებასა და ოპოზიციას  ახალი, ხუთპუნქტიანი შეთანხმება შესთავაზა. შეთანხმება  მისი წარმომადგენლის, კრისტიან დანიელსონის მიერ 31 მარტს წარდგენილ დოკუმენტში აზუსტებს ორ ძირითად შეუთანხმებელ პუნქტს - პოლიტიზებულ მართლმსაჯულებასა და ვადამდელ არჩევნებს.

 

0