გაცინებული ადამიანები

მოტყუების დღედ ქცეული 1 აპრილი: ვიდეოპრანკები „სულელებისთვის“

519
(განახლებულია 17:40 01.04.2021)
ზუსტად არავინ იცის, როდის და სად ჩაეყარა საფუძველი 1 აპრილის ტყუილის დღედ ქცევას, თუმცა ფაქტია, რომ მას მთელ მსოფლიოში აღნიშნავენ.

არსებობს მოტყუების, ანუ, როგორც ზოგ ქვეყანაში უწოდებენ, იგივე სულელების, ან სიცილის დღის წარმოშობის რამდენიმე ვერსია. ერთი ვერსიით, ის სათავეს ჯერ კიდევ ძველი რომიდან იღებს, მეორეთი მისი „სამშობლო“ ძველი ინდოეთია, მესამე და ყველაზე გავრცელებული ვერსიით კი სიცილის დღე საფრანგეთში დაბადებულა.

ამ ბოლო ვარიანტის თანახმად, საფრანგეთი ერთ-ერთი პირველი ქვეყანა იყო, სადაც ახალი წლის 1 აპრილის ნაცვლად 1 იანვარს აღნიშვნა ოფიციალურად დაკანონდა. ეს 1564 წელს მოხდა. ასე რომ, იმ წელს ფრანგების აბსოლუტური უმრავლესობა 1 აპრილს საახალწლო საჩუქრების გარეშე დარჩა. სწორედ ამიტომ დაადგინა ხალხმა ის როგორც იმედგაცრუების, ანუ მოტყუების დღედ. იმათ კი, ვინც კალენდარში ცვლილებას არ ეგუებოდა და ახალ წელს კვლავაც აპრილში აღნიშნავდა, დანარჩენები გასამასხრებლად სახუმარო ნივთებს უგზავნიდნენ…

ეს ტრადიცია დღესაც გრძელდება, ოღონდ ბევრად დახვეწილ და ტექნოლოგიურად „გაშალაშინებულ“ ფორმებში. საპირველაპრილო „პრანკების“ ნახვა ქვემოთ შემოთავაზებულ ვიდეოში შეგიძლიათ.

და, მაინც, 1 აპრილი სხვა ბევრი მოვლენითაცაა აღსანიშნავ-შესანიშნავი. მაგალითად:

ამ დღეს დაიბადნენ

  • ცნობილი და ყველასათვის საყვარელი ქართველი მსახიობები კარლო საკანდელიძე და ზურაბ ქაფიანიძე;
  • გერმანიის იმპერიის დამაარსებელი და პირველი რაიხსკანცლერი ოტო ფონ ბისმარკი;
  • რუსი კომპოზიტორი სერგეი რახმანინოვი;
  • ფრანგი მწერალი ანტუან პრევო;
  • ნობელის პრემიის ლაურეატი, ფიზიკოსი ლევ ლანდაუ.

1 აპრილს ირანი აღნიშნავს ეროვნულ დღესასწაულს, მალტა – თავისუფლების დღეს, სამხრეთ აფრიკის რესპუბლიკა — ოჯახის დღეს. 

ამ დღეს მომხდარა მნიშვნელოვანი მოვლენები:

  • 33 წელს – უკანასკნელი სერობა, პროფესორ კოლინ ჰამფრეისის გამოთვლით;
  • 1918 წელი – თურქებმა დაიპყრეს ბათუმი;
  • 1976 წელი – დაარსდა კომპანია Apple Computer;
  • 2002 წელი – პირველად მსოფლიოში, ნიდერლანდებში დაკანონდა ევთანაზია…

და, მაინც, 1 აპრილი ყველასთვის მაინც სიცილთან, ხუმრობასთან და ხალისთან ასოცირდება. ამიტომ გისურვებთ ბევრ მხიარულებას და გირჩევთ, არ განაწყენდეთ მეგობრებზე, რომლებიც უბოროტოდ შეეცდებიან მოგატყუონ ამ დღეს.

519
კვერცხი პომიდვრით

კვერცხიანი პომიდვრის უჩვეულო რეცეპტი: დეტალური ვიდეოაღწერა

28
(განახლებულია 14:32 14.04.2021)
კვერცხისა და პომიდვრისგან არაერთი კერძის მომზადება შეიძლება, მაგრამ რეცეპტი, რომელსაც ქვემოთ გაგაცნობთ, სრულიად განსხვავდება ყველა სხვა დანარჩენისგან.

თქვენ დაგჭირდებათ:

  • პომიდორი — სასურველი რაოდენობით,
  • კვერცხი — იმდენი, რამდენ პომიდორსაც შეარჩევთ;
  • ყველი — თითო პომიდორზე საშუალოდ 30 გრამის გათვლით.
  • მარილი, ორეგანო და სხვა სუნელები თქვენი გემოვნების მიხედვით;
  • ზეითუნის ზეთი.

მომზადების წესი

აიღეთ პომიდვრები და მოაჭერით თავები, შემდეგ კი კოვზით ფაქიზად ამოუღეთ გულები. მოჭრილი თავები არ გადაყაროთ;

ჩაასხით სათითაოდ ყველა პომიდორში ცოტა ზეითუნის ზეთი და ჩაუშვით კვერცხი;

მოაყარეთ მარილი, შერჩეული სუნელები და ფრთხილად მოურიეთ კვერცხს კოვზით;

შემდეგ მოაყარეთ გახეხილი ყველი და პომიდვრებს  დაახურეთ მოჭრილი თავები. უკეთ დასამაგრებლად შეგიძლიათ კბილის ჩხირები გამოიყენოთ;

მოაფინეთ ჰაერღუმლის ტაფას ფოლგა და დაალაგეთ ზედ პომიდვრები. შედგით 170 გრადუსამდე წინასწარ გახურებულ ღუმელში და დატოვეთ დაახლოებით 10 წუთის განმავლობაში.

როცა კერძი მზად იქნება, ამას თვალით შეატყობთ.

გამოიღეთ ღუმლიდან და გემრიელად  მიირთვით!

სხვა უჩვეულო და გემრიელ რეცეპტებს შეგიძლიათ გაეცნოთ აქ>> 

28
თემები:
გემრიელი სამზარეულო
წარბები

თუ წარბები გითხელდებათ, შეიმოწმეთ ფარისებრი ჯირკვალი: ექიმი გირჩევთ

24
(განახლებულია 14:24 14.04.2021)
ამერიკელი დერმატოლოგი ჩამოთვლის იმ სერიოზულ დაავადებებს, რომლებზეც წარბების ცვენა-შეთხელება შეიძლება მიანიშნებდეს

თბილისი, 14 აპრილი — Sputnik. თუ შენიშნავთ, რომ წარბები გითხელდებათ, შესაძლოა დადგა დრო, რომ ფარისებრი ჯირკვლის ჰორმონების დონე შეიმოწმოთ, აცხადებს აშშ–ის დერმატოლოგიის აკადემიის წევრი სეჯალ შაჰი.

მისი თქმით, ფარისებრი ჯირკვლის დისბალანსი, სხვა პრობლემების გარდა, წარბების ცვენასაც იწვევს და ეს ამ პრობლემის ფავრცელებული სიმპტომია.

გარდა ამისა, წარბების გათხელება ასევე შეიძლება იყოს ატოპიური დერმატიტის, ეგზემის ან მკვებავი ნივთიერებების (კერძოდ, რკინის) დეფიციტისა თუ ანემიის შედეგი.

ამასთან სპეციალისტი ზოგ შემთხვევაში გვირჩევს, წარბების ამოქნას მოვეშვათ და ბუნებრივი ზრდის საშუალება მივცეთ. საქმე ისაა, რომ ამ პროცედურამ თმის ფოლიკულებს შეიძლება გამოუსწორებელი ტრავმა მიაყენოს და საბოლოოდ დააზიანოს კიდეც.

როგორც დერმატოლოგი ამბობს, სჯობს წარბები იშვითად გამოიქნათ, განსაკუთრებით, უშუალოდ წარბის ძვლოვანი ქედის ზედა ნაწილში, და მხოლოდ მისი ქვედა ნაწილის მოწესრიგებით შემოიფარგლოთ. კიდევ უკეთესი იქნება, თუ საერთოდ უარს იტყვით ამაზე.

24
თემები:
ექიმი გირჩევთ
ნანიკო ხაზარაძე და ლევან მათითაშვილი

„მეგრელებო, ყურადღებით მოუსმინეთ...“ - ნანიკო ხაზარაძემ მეუღლესთან ერთად მეგრულად იმღერა

0
(განახლებულია 11:48 14.04.2021)
ნანიკო ხაზარაძე მუდმივად საზოგადოების ყურადღების ცენტრშია. ტელეწამყვანის პოზიტიური ხასიათი გადამდებია

ცნობილმა ტელეწამყვანმა ნანიკო ხაზარაძემ, რომელსაც მეუღლესთან, ფსიქოლოგ ლევან მათითაშვილთან ერთად რადიოგადაცემა მიჰყავს, მეგობარს დაბადების დღის მილოცვის ნიშნად მეგრულად უმღერა. „მეგრელებო, ყურადღებით უსმინეთ“ - მოუწოდებს ნანიკო სოციალური ქსელის მომხმარებლებს და სახალისო ვიდეოს აქვეყნებს.

ცნობილმა ტელეწამყვანმა ნანიკო ხაზარაძემ და მისმა მეუღლემ, ფსიქოლოგმა ლევან მათითაშვილმა სიყვარულის ისტორიაზე რამდენიმე კვირის წინ ისაუბრეს. „იმედის დღეში“ წყვილმა აღნიშნა, რომ ბავშვობიდანვე ბევრი საერთოს მიუხედავად, ერთმანეთი ცოტა ხნის წინ აღმოაჩინეს.

ლევანის თქმით, ნანიკო ყოველთვის ახსოვდა, რადგან მასზე 6 წლით დიდია და როდესაც ბავშვი იყო, მუდმივად ადევნებდა ნანიკოს ცხოვრებას თვალს. აღმოჩნდა, რომ ლევანის ექიმი ბავშვობაში ნანიკოს ბებია იყო. ნანიკომ კი ლევანს ყურადღება მას შემდეგ მიაქცია, რაც მასთან გადაცემაში ლევანის ძმა, ცნობილი პლასტიკური ქირურგი კოტე მათითაშვილი მივიდა და მაშინ ლევანს მისწერა, თქვენ ძმები ხომ არ ხართო.

ნანიკო იხსენებს, რომ სწორედ მას შემდეგ დაიწყო მას და ლევანს შორის აქტიური საუბარი სოციალურ ქსელში, რომელმაც შემდეგ რეალურ ცხოვრებაში გადაინაცვლა. წყვილი 2018 წლის ნოემბერში დაქორწინდა და ახლა ერთად რადიოგადაცემასაც უძღვებიან.

0
თემები:
ქართველი სელებრითები