ფშავი

დღის ასტროპროგნოზი ზოდიაქოს ნიშნებისთვის: 27 მარტი

425
(განახლებულია 14:49 27.03.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 27 მარტია, შაბათი. მზარდი მთვარე ქალწულის ნიშანშია. ამ დღეს პლანეტა სატურნი მფარველობს.

დღეს დომინანტური ორი მომენტი იქნება: სწრაფვა დამოუკიდებლობისადმი და სწრაფვა სამართლიანობისადმი. თუ საყვარელ ადამიანთან ურთიერთობებში სულ მცირე, „მიკროსკოპული“ პრობლემაც კი შენიშნეთ, სჯობს, ერთი დღით დაისვენოთ ერთმანეთისგან და თუ მაინც მოგიწიათ შეხვედრა, მწვავე საკითხებს ყველანაირად მოერიდეთ. ეს დღე ადამიანებს კამათისა და კონფლიქტებისკენ უბიძგებს. ასევეა სამუშაო საკითხებშიც – მძაფრდება სამართლიანობის გრძნობა, სწრაფვა დამოუკიდებლობისა და თვითნებობისკენ, ეს კი საპასუხისმგებლო საქმიანობისთვის ხელის შემშლელია.

ზოდიაქოს ნიშნების კომპლექსები>>

ვერძი: დღეს რისკავთ, რომ სხვადასხვა სახის კონფლიქტში აღმოჩნდეთ ჩართული. ამის მიზეზი არა გარშემომყოფების აგრესიულობა იქნება, როგორც თქვენ დაინახავთ ამას, არამედ საკუთარი კრიტიკულობა და თითოეულ წვრილმანზე გამოკიდება. ძალიან გაგიჭირდებათ სხვისი მოსაზრებების გათვალისწინება და კიდევ უფრო იმასთან შეგუება, რომ გარშემომყოფებს თქვენი მოსაზრება მაინცდამაინც არ აინტერესებთ. ასე რომ, დღეს ყველა თავის მოსაზრებაზე დარჩება.

კურო: ეს ის დღეა, როდესაც ძალზე მაღალია კონფლიქტში ჩაბმის რისკი, რაც, თუ ეს მოხდა, უარყოფითად აისახება თქვენს მდგომარეობაზე საზოგადოებაში. აქედან გამომდინარე, ასტროლოგები კატეგორიულად გირჩევენ, მოერიდოთ ნებისმიერი სახის ურთიერთობებში საქმის გარჩევებს, მით უმეტეს – პირდაპირ დაპირისპირებებსა და ჩხუბს. საქმე ისაა, რომ გარშემომყოფები თქვენს პროვოცირებას არაერთხელ შეეცდებიან. ეცადეთ, ამას ყურადღება არ მიაქციოთ, სხვა შემტხვევაში, საკუთარი რეპუტაციის აღდგენა სულ „ნაწილ–ნაწილ“ მოგიწევთ.

ტყუპი: დღეს საკმარისია ერთი უხერხული შენიშვნაც კი და თქვენი თვალებიდან „მრისხანების ნაპერწკლები“ გადმოცვივა. განსაკუთრებით, თუ ეს შენიშვნა თქვენი ცხოვრების წესსა და ჩვევებს ეხება. უფრო იოლად გადაიტანთ კოლეგების კრიტიკას პროფესიული თვისებების კუთხით, ვიდრე თუნდაც უბრალო ხუმრობას ოჯახში თქვენს ურთიერთობებზე. ამასთან, განსაკუთრებით მწვავე იქნება თქვენი რეაქცია ახლობელი ადამიანების შენიშვნებზე. ფრთხილად! ეს ჩხუბი, შესაძლოა, ურთიერთობებში შესამჩნევი ბზარით დასრულდეს.

კირჩხიბი: თქვენს თავში დღეს, რომ იტყვიან, გზადაგზა, არაერთი პერსპექტიული იდეა შეიძლება გაჩნდეს, ამავდროულად, ეს იდეები საკმაოდ მკაფიო და ჩამოყალიბებული იქნება, თითქოს მანამდე ისინი კარგად მოიფიქრეთ. არ არის საჭირო, მათი განხორციელება დაუყოვნებლივ დაიწყოთ, მაგრამ აუცილებლად უნდა ჩაინიშნოთ. რაც შეეხება დანარჩენს, აჯობებს, თუ ხელმძღვანელობას დღეს ნაკლებად დაენახვებით და ამით კრიტიკის ნაკლებ საფუძველს მისცემთ.

ლომი: დღეს თქვენთვის პირველ ადგილზე ფინანსური დამოუკიდებლობის საკითხი იდგება. მაგრამ ხელფასის მომატების საკითხის დაყენება დღეს არ ღირს – ეს შეიძლება მაღალ ტონებში ლაპარაკითა და კიდევ უფრო უარესი შედეგით დასრულდეს. სჯობს, ამ პრობლემაზე თქვენი ძალებით იზრუნოთ, მაგალითად, იფიქროთ კრედიტის აღებაზე ან ახალი სამუშაოს მოებნა დაიწყოთ. ხელფასის მომატების თხოვნა სხვა დროისთვის გადადეთ.

ქალწული: დღეს თქვენში ხელმძღვანელობის სურვილი გაიღვიძებს. სამწუხაროა, მაგრამ იმაში, რომ ეს სამართლიანი იქნება, გარშემომყოფების დარწმუნებას, დიდი ალბათობით, ვერ შეძლებთ. ამის გამო მთელი დღე გაღიზიანებული იქნებით. თუ გინდათ, რომ გაღიზიანების „ნაპერწკლებიდან“ ცეცხლი არ გაღვივდეს, მიხედეთ საკუთარ საქმეებს და საკუთარი მოსაზრებები თქვენთვის შეინახეთ.

სასწორი: იგრძნობთ, რომ ძალა არ შეგწევთ, მიმდინარე მოვლენებზე ზეგავლენა მოახდინოთ და მით უმეტეს, რამე შეცვალოთ და საჭირო მიმართულება მისცეთ. სჯობს, ამისთვის წნასწარ განეწყოთ, რომ მერე მთელი დღე უკმაყოფილო და გაღიზიანებული არ იყოთ. სხვებს კი ასტროლოგები ურჩევენ, დღეს საერთოდ არ „შეეხონ“ სასწორებს – აზრი არა აქვს, შედეგი მაინც არ იქნება.

მორიელი: დღეს ყველაზე მთავარი, რაც შეგაწუხებთ, ეს სამართლიანობის ძიებაა. არაა საჭირო, რომ მთელი სამყაროს სამართლიანობის ძებნას შეუდგეთ. უფრო სავარაუდოა, რომ გარშემომყოფების თქვენდამი დამოკიდებულებაზე იქნება აქცენტი გაკეთებული. აქ საქმე თავმყოვარეობაზეც არაა. უბრალოდ, სამართლიანობა გინდა და მორჩა! სხვა საკითხია, თუ რას „უზამთ“ ამ სამართლიანობას, როცა მას მიაგნებთ?

მშვილდოსანი: დღეს თქვენი ფიქრები და გეგმები საოცარი სიცხადით იქნება გამორჩეული. კარგი იქნება, თუ დროს რამე კონკრეტული საკითხებისა და პრობლემების გადაწყვეტას დაუთმობთ, განსაკუთრებით, თუ ეს საკითხები მომწიფდა. მაგრამ გაითვალისწინეთ, რომ სხვის იმედზე ყოფნა არ ღირს, ამიტომ მხოლოდ იმ საქმეებს უნდა შეეჭიდოთ, რომლებიც მხოლოდ და მხოლოდ თქვენზეა დამოკიდებული.

თხის რქა: დღეს თვალნათლივ ხედავთ, რა გსურთ და როგორ მიაღწიოთ მას – უპირატესობას მარტივ და ბუნებრივ გზებს ანიჭებთ. გეგმების გამჭვირვალობასთან შერწყმული მიზნების ასეთი სიცხადე, რა თქმა უნდა, ძალზე შთამბეჭდავად გამოიყურება. მაგრამ პირდაპირი გზა ყოველთვის არაა ყველაზე მოკლე. თუ გინდათ, თავი აარიდოთ ხარვეზებსა და გაუგებრობებს, სჯობს, „შემოვლითი“ გზებიც მოძებნოთ იმის ნაცვლად, რომ პირდაპირ „რქებით გაიტანოთ“ დაბრკოლებები.

მერწყული: დღეს ვერანაირად ვერ შეეგუებით იმას, რომ ვინმე ჩაერიოს თქვენს საქმეებსა და გეგმებში. ნებისმიერი მცდელობა, რომ ვინმე შეგეწინააღმდეგოთ ან ზეწოლას ეცადოს თქვენზე, უდიდეს განრისხებას გამოიწვევს. ზოგადად, დღეს თქვენთვის გუნდში მუშაობა არარეკომენდებულია. სჯობს, იმ საქმეებს მიხედოთ, სადაც თქვენ ხართ გადამწყვეტი და ყველაფერი თქვენ ხელშია.

თევზები: დღეს სურვილი გაქვთ, რომ ყველაფერში გარკვეულობა და სიცხადე დაინახოთ. ნებისმიერი ორაზროვნება და არაკონკრეტულობა უსიამოვნო გრძნობებს აღძრავს თქვენში. ნებისმიერ საკითხში გინდათ საბოლოო გარკვევა, ყველა პუნქტის განსაზღვრა. სამწუხაროა, რომ ეს ყოველთვის არაა შესაძლებელი. ხანდახან ისეც ხდება, რომ დაუმთავრებელი წინადადება ან მოქმედება უფრო ეფექტურად მოქმედებს, ვიდრე ბოლომდე ნათქვამი.

425
კვერცხი პომიდვრით

კვერცხიანი პომიდვრის უჩვეულო რეცეპტი: დეტალური ვიდეოაღწერა

24
(განახლებულია 14:32 14.04.2021)
კვერცხისა და პომიდვრისგან არაერთი კერძის მომზადება შეიძლება, მაგრამ რეცეპტი, რომელსაც ქვემოთ გაგაცნობთ, სრულიად განსხვავდება ყველა სხვა დანარჩენისგან.

თქვენ დაგჭირდებათ:

  • პომიდორი — სასურველი რაოდენობით,
  • კვერცხი — იმდენი, რამდენ პომიდორსაც შეარჩევთ;
  • ყველი — თითო პომიდორზე საშუალოდ 30 გრამის გათვლით.
  • მარილი, ორეგანო და სხვა სუნელები თქვენი გემოვნების მიხედვით;
  • ზეითუნის ზეთი.

მომზადების წესი

აიღეთ პომიდვრები და მოაჭერით თავები, შემდეგ კი კოვზით ფაქიზად ამოუღეთ გულები. მოჭრილი თავები არ გადაყაროთ;

ჩაასხით სათითაოდ ყველა პომიდორში ცოტა ზეითუნის ზეთი და ჩაუშვით კვერცხი;

მოაყარეთ მარილი, შერჩეული სუნელები და ფრთხილად მოურიეთ კვერცხს კოვზით;

შემდეგ მოაყარეთ გახეხილი ყველი და პომიდვრებს  დაახურეთ მოჭრილი თავები. უკეთ დასამაგრებლად შეგიძლიათ კბილის ჩხირები გამოიყენოთ;

მოაფინეთ ჰაერღუმლის ტაფას ფოლგა და დაალაგეთ ზედ პომიდვრები. შედგით 170 გრადუსამდე წინასწარ გახურებულ ღუმელში და დატოვეთ დაახლოებით 10 წუთის განმავლობაში.

როცა კერძი მზად იქნება, ამას თვალით შეატყობთ.

გამოიღეთ ღუმლიდან და გემრიელად  მიირთვით!

სხვა უჩვეულო და გემრიელ რეცეპტებს შეგიძლიათ გაეცნოთ აქ>> 

24
თემები:
გემრიელი სამზარეულო
წარბები

თუ წარბები გითხელდებათ, შეიმოწმეთ ფარისებრი ჯირკვალი: ექიმი გირჩევთ

24
(განახლებულია 14:24 14.04.2021)
ამერიკელი დერმატოლოგი ჩამოთვლის იმ სერიოზულ დაავადებებს, რომლებზეც წარბების ცვენა-შეთხელება შეიძლება მიანიშნებდეს

თბილისი, 14 აპრილი — Sputnik. თუ შენიშნავთ, რომ წარბები გითხელდებათ, შესაძლოა დადგა დრო, რომ ფარისებრი ჯირკვლის ჰორმონების დონე შეიმოწმოთ, აცხადებს აშშ–ის დერმატოლოგიის აკადემიის წევრი სეჯალ შაჰი.

მისი თქმით, ფარისებრი ჯირკვლის დისბალანსი, სხვა პრობლემების გარდა, წარბების ცვენასაც იწვევს და ეს ამ პრობლემის ფავრცელებული სიმპტომია.

გარდა ამისა, წარბების გათხელება ასევე შეიძლება იყოს ატოპიური დერმატიტის, ეგზემის ან მკვებავი ნივთიერებების (კერძოდ, რკინის) დეფიციტისა თუ ანემიის შედეგი.

ამასთან სპეციალისტი ზოგ შემთხვევაში გვირჩევს, წარბების ამოქნას მოვეშვათ და ბუნებრივი ზრდის საშუალება მივცეთ. საქმე ისაა, რომ ამ პროცედურამ თმის ფოლიკულებს შეიძლება გამოუსწორებელი ტრავმა მიაყენოს და საბოლოოდ დააზიანოს კიდეც.

როგორც დერმატოლოგი ამბობს, სჯობს წარბები იშვითად გამოიქნათ, განსაკუთრებით, უშუალოდ წარბის ძვლოვანი ქედის ზედა ნაწილში, და მხოლოდ მისი ქვედა ნაწილის მოწესრიგებით შემოიფარგლოთ. კიდევ უკეთესი იქნება, თუ საერთოდ უარს იტყვით ამაზე.

24
თემები:
ექიმი გირჩევთ
Логотип компании Georgian Water and Power (GWP)

თბილისსა და მცხეთაში GWP-ის სერვის–ცენტრები მუშაობის ახალ რეჟიმზე გადადიან

0
(განახლებულია 14:22 14.04.2021)
კომპანია 15 აპრილიდან სერვის–ცენტრების მუშაობას აჩერებს და აბონენტებს დისტანციურ მომსახურებას სთავაზობს

თბილისი, 14 აპრილი - Sputnik. წყალგამანაწილებელი კომპანია Georgian Water and Power-ის თბილისისა და მცხეთის სერვის–ცენტრებში 15 აპრილიდან მოქალაქეების ვიზიტი შეიზღუდება, ნათქვამია კომპანიის მიერ გავრცელებულ განცხადებაში. 

აღნიშნული გადაწყვეტილება კომპანიამ უწყებათაშორისი საკოორდინაციო საბჭოს რეკომენდაციის შესაბამისად და COVID-19-ის გავრცელების პრევენციის მიზნით მიიღო.

კომპანიის ცნობით, ქვეყნაში შექმნილი ეპიდვითარების გათვალისწინებით, აბონენტები მომსახურებას სრულად დისტანციურად მიიღებენ.

მოქალაქეები განცხადებებისა და დოკუმენტაციის გაგზავნას კომპანიის ელექტრონულ ფოსტაზე (online@gwp.ge) შეძლებენ. დისტანციურად მიღებული განცხადებების განხილვის პროცესის დასრულების შემდეგ კი მომხმარებლები კომპანიისგან პასუხის ელექტრონულ ფოსტაზე მიიღებენ.

დისტანციური მომსახურების შესახებ დეტალური ინფორმაცია განთავსებულია კომპანიის ვებ-გვერდზე. კომპანიის ცნობით, დამატებითი ინფორმაცია გაიცემა ცხელი ხაზის (2 931111) მეშვეობითაც.

 

 

0