ჩიტი ხის ტოტზე

დღის ასტროპროგნოზი ზოდიაქოს ნიშნებისთვის: 24 თებერვალი

2925
(განახლებულია 11:23 24.02.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 24 თებერვალია, ოთხშაბათი. მზარდი მთვარე კირჩხიბის ნიშანშია. ამ დღეს პლანეტა მერკური მფარველობს.

საკმაოდ ემოციური და წინააღმდეგობებით სავსე დღეა. განწყობა დღის განმავლობაში შეიძლება არაერთხელ შეიცვალოს, თუმცა ემოციებისა და განცდებისთვის დიდი მნიშვნელობის მინიჭება არ ღირს. გარშემომყოფებთან ურთიერთობებში რამე სახის ნეგატივი წარმოიშვა, აჯობებს თავშეკავება და სხვა საქმეზე გადართვა, პრობლემები კი თავისთავად მოგვარდება.

ასტრორეიტინგი: ზოდიაქოს ყველაზე ზარმაცი ნიშნები – ტოპ-ხუთეული

ვერძი: დღეს თქვენი ძალა თქვენს ახლობელ ადამიანებშია, რომლებიც მზად არიან, მხარი დაგიჭირონ. თუ მათ დახმარებისთვის მიმართავთ, იმაზე მეტს მიიღებთ, ვიდრე ელოდებით. ნებისმიერი საქმე, რომელსაც ახლობლებთან ერთად წამოიწყებთ. არა მარტო სიხარულს, არამედ კონკრეტულ სარგებელსაც მოგიტანთ. იყავით გულწრფელი მათთან, ვინც თქვენთვის ძვირფასია და ისინი დიდი სიამოვნებით გადმოდგამენ თქვენკენ შემხვედრ ნაბიჯებს.

კურო: დღეს მთელი დღე თქვენკენ გაოცებული მზერა იქნება მომართული – არაორგანიზებულობა, რომ იტყვიან, სახეზე დაგეწერებათ. ურთიერთსაპირისპირო იქნება თქვენი მოქმედებები, მსჯელობა. არადა სავსე ხართ ენერგიით და ეს თქვენი მდგომარეობა, არეულობა ვერ დაინახონ გარშემომყოფებმა, შეუძლებელია. მაგრამ რას ვიზამთ, მოთმენა მოუწევთ, სანამ გაფანტულ აზრებს არ მოუყრით თავს და გრძნობებს არ ჩააყენებთ „კალაპოტში“.

ტყუპი: სიურპიზი გელოდებათ და პირველ რიგში, ეს ფინანსურ მხარეს ეხება. ამასთან, აუცილებელია არაა, რომ სიურპრიზი აუცილებლად „პლუსის“ ნიშნით იყოს. დავიწყოთ იქიდან, რომ ფულთან დაკავშირებული საქმიანობა მაინცდამაინც არ გეხატებათ გულზე. მაგრამ დღეს ვითარება გაიძულებთ ამის გაკეთებას. ყურადღება და დიდი სიფრთხილე გმართებთ, რადგან მოსალოდნელია როგორც თანხის მიღება – პრემია, მოგება, დაბრუნებული ვალი, ისე წაგება და უსარგებლო ნივთებში ფულის ხარჯვა.

კირჩხიბი: დღეს შეიძლება ტენდენციების „კანონმდებელი“ გახდეთ. ენერგიულობა, კომუნიკაბელურობა და სიცოცხლისმოყვარეობა გარშემომყოფების ყურადღებას უზრუნველყოფს. მზად ხართ, რომ თქვერნი ენთუზიაზმი ნებისმიერს „გადასდოთ“, გაუზიაროთ მათ ახალი იდეები, გეგმები და ამავე დროს, ახალი საქმეების დაწყებისთვის წაახალისოთ. ასე რომ, დღეს საკუთარ პროექტებთან და გეგმებთან დაკავშირებით ნებისმიერის მხარდაჭერის იმედი გქონდეთ.

ლომი: დღეს ვარსკვლავები არ გირჩევენ „მთავარი როლის“ შესრულებისკენ სწრაფვას, რადგან ეს მაინც არ გამოგივათ გაგიჭირდებათ ინიციატივის გამოვლენა, გადაწყვეტილების მიღება და საკუთარი პოზიციების დაცვა. თუ წინსვლას მოინდომებთ, ყველაზე გონივრული ამის მეწყვილესთან ერთად გაკეთება იქნება. კიდევ უფრო უკეთესია სხვების დახმარება, ვინც ამას საჭიროებს. მთავარი როლი არა, მაგრამ „მეორეხარისხოვანი როლის“ შესრულებისთვის ხვალ შეიძლება „ოსკარიც“ მიიღოთ.

ქალწული: დღეს სიურპრიზების დღეა. შინაგანად რამე საბაბს ელოდებოდით, რომ დღის განრიგი შეგეცვალათ. შეგიძლიათ, მშვიდად იყოთ და ეჭვი არ შეგეპაროთ – ასეთი საბაბი აუცილებლად გამოჩნდება. რაღაც მოვლენები, სიახლეები ან ადამიანები გაიძულებენ, რომ გეგმები შეცვალოთ. და არც ინანებთ: ნამდვილად არ გაწყენთ ცოტაოდენი ქაოსი ცხოვრებაში, მით უფრო, რომ ეს ქაოსი თქვენ წინაშე ახალ გზებსა და შესაძლებლობებს გახსნის.

სასწორი: დღეს თქვენში გაიღვიძებს ნიჭი, რომ გაჩნდეთ საჭირო დროს საჭირო ადგილას. და რაც მთავარია, საქმე საჭირო ადამიანებთან დაიჭიროთ. ვარსკვლავები გირჩევენ, დაიტოვოთ ცხოვრებაში ადგილი ახალი იდეებისა და ახალი ნაცნობებისთვის, თუნდაც ეს დაუგეგმავი და მოულოდნელი იყოს. თუ მთლიანად გახსნილი იქნებით ურთიერთობებისთვის, გაქვთ შანსი, რომ შეხვდეთ ადამიანს, რომელიც თქვენს მსფოლმხედველობაში მცირე „გადატრიალებას“ მოახდენს და გაიძულებთ, ბევრ რამეს ახალი კუთხით შეხედოთ.

მორიელი: დღეს თქვენი სოციალური ენერგია პიკს მიაღწევს – ენთუაზიაზმი და პოზიტიური განწყობა გარშემომყოფების სიმპათიით უზრუნველგყოფთ. შესანიშნავი დღეა იმისთვის, რომ ადამიანები თქვენ მხარეს „გადმოიბიროთ“ – აწარმოოთ რთული მოლაპარაკებები, წერტილი დასვათ კონფლიქტში, მიიღოთ მხარდაჭერის გარანტია ან, უბრალოდ, გააბათ სასიამოვნო ნაცნობობა. დღეს კონტაქტებთან დაკავშირებული ნებისმიერი საქმიანობა წარმატებული იქნება.

მშვილდოსანი: დღეს მზად ხართ, მთელი მსოფლიო დაიპყროთ. ყოველ შემთხვევაში, განწყობა ასეთი გექნებათ. საინტერესო ისაა, რომ ეს თავდაჯერებულობა საფუძველს მოკლებული არაა – დღეს მართლაც ბევრი რამის გაკეთება შეგიძლიათ. თქვენი ენერგია უსაზღვრო იქნება, ხოლო ლექსიკიდან საერთოდ ამოვარდება სიტყვა „შეუძლებელია“. თუ ვინმე გზაზე გადაგეღობებათ, მათ მხოლოდ შეიძლება ვუთანაგრძოთ, იმდენად სასტიკი და დაუნდობელი იქნებით.

თხის რქა: დღეს არაერთი ბედნიერი შანსი მოგეცემათ, თუმცა ყველას გამოყენებას ვერ შეძლებთ. საქმე ისაა, რომ დღეს მოდუნებულ განწყობაზე ხართ და გარკვეულად „შენელებულად“ მოქმედებთ. შესაძლოა, უბრალოდ, ვერ მოასწროთ დროული რეაგირება სწრაფად ცვლად გარემოზე. ასე რომ, თუ გსურთ, იღბალს ჩაეჭიდოთ, აქტიურად უნდა ჩაებათ მოვლენებში და აქეთ–იქით „მთქნარებით“ არ იყუროთ.

მერწყული: ვარსკვლავები გირჩევენ, რომ დღეს გასცდეთ ჩვეული შეზღუდვებისა და ბარიერების ფარგლებს, რათა გაიგოთ, რომ სამყარო უფრო საინტერესოა, ვიდრე ხელოვნურად შექმნილი თქვენი სამყარო, რომელშიც ყოფნას ყოველდღიურად ხართ მიჩვეული. გადაუდებელი საქმეები, რუტინა. ყოფა... ჩვეულებრივ, არ გყოფნით დრო, რომ თავი ასწიოთ და აქეთ–იქით გაიხედოთ. დღეს კი შესანიშნავი შანსი გაქვთ, გათავისუფლდეთ ყოველდღიური ორომტრიალისგან და ბევრ რამეს ცინცხალი მზერით შეხედოთ.

თევზები: დღეს ყველანაირი შანსი გაქვთ, რომ გაიცნოთ ახალი ადამიანები, თაყვანისმცემლები ან, უბრალოდ, თქვენით მოხიბლული პიროვნებები. ძალიან ენერგიული ხართ და ყურადღების ცენტრში აღმოჩნდებით, ხშირად მოგიწევთ რეჟისორის როლში ყოფნა. პრაქტიკაში შეგიძლიათ გაიგოთ ნიჭიერი ორგანიზატორის საიდუმლო: არ ღირს დროის დაკარგვა იმაში, რომ თითოეულის გულის გასაღები იპოვოთ. საკმარისია უნივერსალური სვლების პოვნა, რომლებიც უმრავლესობას მოეწონება.

2925
ვიდეოკამერა

ფრთხილად, გითვალთვალებენ! ყველაფერი, რაც ვიდეოთვალთვალის შესახებ უნდა იცოდეთ

33
(განახლებულია 10:10 28.02.2021)
ბევრი მიიჩნევს, რომ ვიდეოთვალთვალი პირად ცხოვრებაში ჩარევის ერთ-ერთ ყველაზე რადიკალური ფორმაა.  თუმცა, თანამედროვე სამყაროში ის უკვე მონაცემთა დამუშავების საკმაოდ გავრცელებული და კანონით ნებადართული საშუალებაა.

ვითეოთვალთვალი რომ არ იქცეს ადამიანის პირად ცხოვრებაში ჩარევად,  მისი გამოყენებისას აუცილებლად უნდა იყოს გათვალისწინებული  კანონით დადგენილი კონკრეტული წესები და რეგულაციები.

დღევანდელ სტატიაში აგიხსნით, რა არის ვითეოთვალთვალი, რა მიზნებისთვის და სად შეიძლება გამოიყენონ, ვის მიუწვდება ხელი ვიდეოჩანაწერებზე, როდის უნდა გადადგურდეს ისინი და ა.შ.

როგორც ზემოთ აღვნიშნეთ, ვიდეოთვალთვალი მონაცემთა დამუშავების საკმაოდ გავრცელებული და კანონით ნებადართული საშუალებაა. საქართველოში მის გამოყენებას „პერსონალურ მონაცემთა დაცვის შესახებ“ კანონი არეგულირებს.

სად შეიძლება განხორციელდეს ვიდეოთვალთვალი:

- ქუჩასა (ტერმინი ქუჩა მოიცავს პარკს, სკვერს, სათამაშო მოედანს, საზოგადოებრივი ტრანსპორტის გაჩერებას და სხვა თავშეყრის ადგილს)  და საზოგადოებრივ ტრანსპორტში

- საჯარო და კერძო დაწესებულებებში

- საცხოვრებელ შენობებში

რა მიზნით შეიძლება განხორციელდეს ვიდეოთვალთვალი:

იმის მიხედვით, თუ სად მიმდინარეობს ვიდეოთვალთვალი, განსხვავებულია მისი მიზნებიც. კერძოდ,

ქუჩასა და საზოგადოებრივ ტრანსპორტში ვიდეოთვალთვალი დასაშვებია მხოლოდ შემდეგი მიზნების მისაღწევად:

- დანაშაულის თავიდან აცილება;

- პირის უსაფრთხოებისა და საკუთრების დაცვა;

- საზოგადოებრივი წესრიგის დაცვა;

- არასრულწლოვანთა მავნე ზეგავლენისაგან დაცვა.

 საჯარო და კერძო დაწესებულებათა შენობების ვიდეოთვალთვალი დაიშვება შემდეგი მიზნით:

- პირის უსაფრთხოების და საკუთრების დაცვა;

- არასრულწლოვანის მავნე ზეგავლენისაგან დაცვა;

- საიდუმლო ინფორმაციის დაცვა.

- გამოცდის ან ტესტირების მიზნებისთვის

საცხოვრებელ შენობაში ვიდეოთვალთვალის სისტემის გამოყენება დასაშვებია მხოლოდ

- პირისა და ქონების უსაფრთხოების მიზნებისათვის.

როდესაც ქუჩაში  ან  საზოგადოებრივ ტრანსპორტში მიმდინარეობს ვიდეოთვალთვალი, საჯარო და კერძო დაწესებულებები ვალდებული არიან, თვალსაჩინო ადგილას განათავსონ შესაბამისი გამაფრთხილებელი ნიშანი. ამ შემთხვევაში პირი ინფორმირებულია იმის შესახებ, რომ მის შესახებ მონაცემთა დამუშავება მიმდინარეობს.

რაც შეეხება საჯარო და კერძო დაწესებულებებში მონიტორინგს, ვიდეოთვალთვალის სისტემის მეშვეობით შესაძლებელია  მხოლოდ შენობის გარე პერიმეტრისა და შესასვლელის მონიტორინგის განხორციელება. მონაცემთა დამმუშავებელი ვალდებულია, თვალსაჩინო ადგილას განათავსოს შესაბამისი გამაფრთხილებელი ნიშანი. ამ შემთხვევაში მონაცემთა სუბიექტი მის შესახებ მონაცემთა დამუშავების თაობაზე ინფორმირებულად ითვლება.

კანონმდებლობა  სამუშაო ადგილზე ვიდეოთვალთვალის სისტემის დაყენებას  მხოლოდ გამონაკლის შემთხვევებში უშვებს: თუ ეს აუცილებელია პირის უსაფრთხოებისა და საკუთრების დაცვის, საიდუმლო ინფორმაციის დაცვის და გამოცდის/ტესტირების მიზნებისათვის და თუ ამ მიზნების სხვა საშუალებით მიღწევა შეუძლებელია.

თუ სამუშაო  ადგილას მაინც იყენებენ ვიდეოთვალთვალის სისტემას, შესაბამის კერძო ან საჯარო დაწესებულებაში დასაქმებული ყველა პირი წერილობითი ფორმით უნდა იყოს ინფორმირებული ვიდეოთვალთვალის განხორციელებისა და მისი უფლებების შესახებ.

გაითვალისწინეთ, ვიდეოთვალთვალის განხორციელება დაუშვებელია გამოსაცვლელ ოთახებსა და ჰიგიენისათვის განკუთვნილ ადგილებში.

საჯარო და კერძო დაწესებულებებათა შენობების ვიდეოთვალთვალის შემთხვევაში, მონაცემთა დამმუშავებელი ვალდებულია შექმნას ვიდეოჩანაწერების შენახვისათვის განკუთვნილი ფაილური სისტემა. ჩანაწერების (სურათები/ხმა) გარდა, სისტემა უნდა შეიცავდეს ინფორმაციას მონაცემთა დამუშავების თარიღის, ადგილისა და დროის შესახებ.

საცხოვრებელ შენობაში ვიდეოთვალთვალის სისტემის დასაყენებლად კი აუცილებელია ამ შენობის მესაკუთრეთა ნახევარზე მეტის წერილობითი თანხმობა. აუცილებელია, ვიდეოთვალთვალის სისტემის დაყენების შესახებ  ეცნობოთ შენობაში მცხოვრებთ.

კანონის მიხედვით, საცხოვრებელ შენობაში დაყენებული ვიდეოთვალთვალის სისტემის მეშვეობით შესაძლებელია განხორციელდეს მხოლოდ შესასვლელისა და საერთო სივრცის მონიტორინგი. მესაკუთრეთა ბინების მონიტორინგი იკრძალება. გასათვალისწინებელია, რომ ეს წესი არ ვრცელდება პირადი მიზნებისთვის მონაცემთა დამუშავებაზე და იმ შემთხვევაზე, როცა ბინის მესაკუთრე თავად ახორციელებს საკუთარ ბინაში ვიდეოთვალთვალს.

აღსანიშნავია, რომ ვიდეოთვალთვალის სისტემის მეშვეობით ბინის შესასვლელის მონიტორინგის განხორციელება დასაშვებია მხოლოდ ამ ბინის მესაკუთრის გადაწყვეტილებით ან მისი წერილობითი თანხმობის საფუძველზე.

ვიდეოთვალთვალის შედეგად მოპოვებულ მონაცემებზე ხელი უნდა მიუწვდებოდეთ მხოლოდ სათანადო უფლებამოსილების  მქონე პირებს. ვიდეოჩანაწერი კი უნდა ინახებოდეს მხოლოდ იმ განსაზღვრული ვადით, რაც საჭიროა კონკრეტული მიზნის მისაღწევად.

აღსანიშნავია, რომ კანონით განსაზღვრული მიზნების მისაღწევად ვიდეოთვალთვალი განხილულია სივრცისა თუ ქცევის მონიტორინგის როგორც ერთ–ერთ და არა ერთადერთი საშუალება. ვინაიდან ვიდეოთვალთვალი მიჩნეულია პირად ცხოვრებაში ჩარევის რადიკალურ ფორმად, აუცილებელია მონაცემთა დამმუშავებელმა გააანალიზოს საფრთხე და დაასაბუთოს ამ სისტემის გამოყენების აუცილებლობა, კერძოდ უნდა შეფასდეს:

- მონაცემთა დამმუშავებლის რეალური საჭიროება და მიზანი; 

-სისტემის გავლენა პირადი ცხოვრების ხელშეუხებლობის უფლებაზე;

- სხვა საშუალებებით მიზნის მიღწევის შესაძლებლობა.

ვიდეოთვალთვალის სისტემა გამოყენებული უნდა იყოს მხოლოდ კანონით განსაზღვრული მიზნით. დაუშვებელია მისი სხვა მიზნით გამოყენება

 

33
ყვავილი თოვლზე

დღის ასტროპროგნოზი ზოდიაქოს ნიშნებისთვის: 28 თებერვალი

538
(განახლებულია 11:38 28.02.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 28 თებერვალია, კვირა. კლებადი მთვარე ქალწულის ნიშანშია. ამ დღეს პლანეტა მზე მფარველობს.

დღეს ინტუიცია და შემოქმედებითი პოტენციალი პიკს მიაღწევს. ის, რასაც სხვა დროს დიდ დროს ანდომებთ, დღეს იოლად გამოგივათ. ეს ეხება სწავლას, მუშაობას, მეცნიერულ საქმიანობას. ამასთან, დღეს პასიურობის დღეცაა და მაღალი შემოქმედებითი პოტენციალი შინაგანად შეიძლება დაუპირისპირდეს იმას, რომ ამ პოტენციალის რეალიზების სურვილი არ გექნებათ. ასე რომ, თუ გინდათ, რამე შედეგს მიაღწიოთ, თავი ხელში აიყვანეთ, ნებისმყოფა მოიკრიბეთ და საქმეს შეუდექით.

საუკეთესო კოლეგები ზოდიაქოს ნიშნის მიხედვით>>

ვერძი: თუ მოისურვებთ, დღეს ბევრი რამის მიღწევა შეგიძლიათ, მაგრამ დიდი ალბათობაა იმისა, რომ ეს სურვილი შეიძლება არ გაგიჩნდეთ. დღე რომ გაიმრავალფეროვნოთ, საკმარისია, რამე საქმემ ან იდეამ გაგიტაცოთ, ან საწინააღმდეგო სქესის წარმომადგენელმა. ამ უკანასკნელ შემთხვევაში თქვენს აქტიურობას დიდი წახალისება აღარ დასჭირდებათ – თქვენი შეჩერება, შეიძლება ითქვას, უკვე შეუძლებელი გახდება.

ვერძი: დღეს განწყობა იმისა, რომ ორგანიზატორული უნარები გამოავლინოთ, არ გაქვთ, მაგრამ მაინც თუ მოგიწიათ რამის ორგანიზება, ამას შესანიშნავად გაართმევთ თავს და შედეგებით ყველას გაახარებთ. რა სახისაც არ უნდა იყოს ღონისძიება, თქვენთვის საკმაირისია, რომ ინიციატივა აიღოთ ხელში და ამოცანები გადაანაწილოთ – გარშემომყოფები დიდი სიამოვნებით აგყვებიან და დაგეხმარებიან.

ტყუპი: დღეს არაფრის გაკეთების ხალისი არა გაქვთ. ამაში სიტუაციაც შეგიწყობთ ხელს – თქვენგან არ მოითხოვება რამე გმირობის ჩადენა ან გადაუდებელი საქმეების გაკეთება. და საჭიროც რომ იყოს თქვენი ჩარევა საქმეებში, იმდენად არასაქმიან განწყობაზე ხართ, რომ ამის შეცვლა, პრაქტიკულად, შეუძლებელი იქნება. საქმე მოიცდის – სწორედ ესაა დღეს თქვენი დევიზი. ამიტომ ეს დღე სამ მიმართულებას უნდა დაუთმოთ – საკუთარ თავს, ახლობლებსა და... კიდევ საკუთარ თავს.

კირჩხიბი: ძალზე იღბლიანი დღეა. ხართ ძალზე ენერგიული და გაქვთ შესაძლებლობა, ეს ბრწყინვალედ გამოიყენოთ. ნებისმიერი საქმე, რომელსაც ხელს მოკიდებთ, შეგიძლიათ წინ წაწიოთ, დაძრათ მკვდარი წერტილიდან. ვარსკვლავები გირჩევენ, დრო წვრილმანებზე არ დაკარგოთ – დღეს ძალიან გიმართლებთ, ხართ იღბლიანი, ამიტომ აჯობებს, თუ ისეთ საქმეს შეეჭიდებით, რომელიც მეტ სარგებელს მოგიტანთ.

ლომი: დღეს თქვენთვის არარეკომენდებულია დიდ საქმეებთან შეჭიდება. და სიმართლე უნდა ითქვას, არც პატარა საქმეებთან. ბოლო ხანს დიდი ძალა დახარჯეთ და საკმარისია დინების საწინააღმდეგოდ ცურვა, დროა, მოდუნდეთ და დაისვენოთ. ამასთან, ვარსკვლავები გირჩევენ, ყურადღება ცხოვრების იმ სფეროებს მიაქციოთ, რომლებიც ბოლო დროს თქვენი თვალთახედვის არეში აღარ მოქცეულა. გაითვალისწინეთ, რომ დასვენება მხოლოდ დივანი და ტელევიზორი არაა – შეგიძლიათ შეხვდეთ მეგობრებს, ოჯახის წევრებთან სასიამოვნო საღამო გაატაროთ, არ რომანტიკულ შეხვედრაზე იფიქროთ...

ქალწული: დღეს გარშემომყოფებთან დისონანსში იქნებით. მათ გაუჭირდებათ თქვენს ტემპზე აყოლა, თავად კი გრძნობთ, რომ უამრავი რამის გაკეთება შეგიძლიათ. საქმიანი აქტიურობა, მახვილი გონება და საჭირო დროს საჭირო რამეზე „კლანჭის“ გამოდების უნარი უმაღლეს დონეზე იქნება. აქედან გამომდინარე, გარშემომყოფების აპათია და გულგრილობა, სავარაუდოდ, გაგაღიზიანებთ. ამიტომ დილიდან განეწყვეთ იმისთვის, რომ დღეს მხოლოდ საკუთარი ძალების იმედი უნდა გქონდეთ.

სასწორი: მიეცით უფლება თქვენ ირგვლივ მყოფ ადამიანებს, რომ თავიანთი პრობლემები თვითონ გადაჭრან. იმის ნაცვლად, რომ დრო სხვებზე დაკარგოთ, აჯობებს, თუ რამე სასიამოვნოს გააკეთებთ, მაგალითად, შემოქმედებით საქმიანობას შეუდგებით. ზუსტი მეცნიერებებისადმი კი ნამდვილად არ ხართ განწყობილი, ვერანაირად ვერ მოგხიბლავთ ციფრები, გრაფიკები და ცხრილები, ასე რომ, სჯობს შემოქმედებით აქტიურობაში გადაეშვათ თავით.

მორიელი: დღეს, უბრალოდ, ვალდებული ხართ, რომ საკუთარი აზრები სამყაროს გაუზიაროთ, ან, უკიდურეს შემთხვევაში, ამ სამყაროს მცირე ნაწილს მაინც – ახლობლებს, კოლეგებსა თუ მეგობრებს. თქვენი ტვინი მკაფიოდ და არასტანდარტულად იმუშავებს და დიდებული იდეების გენერატორი გახდება. ამასთან, გამორიცხული არაა, რომ გარშემომყოფებმა ეს იდეები ვერ დააფასონ, ვერ გაიგონ. მაგრამ რას ვიზამთ – დღეს ნამდვილად ყველაზე წინ ხართ, ამიტომ ხანდახან უნდა შეჩერდეთ, რომ სხვებს საშუალება მისცეთ, დაგეწიონ.

მშვილდოსანი: დღეს, სავარაუდოდ, არ გექნებათ საკმარისი ძალა იმისთვის, რომ ენთუზიაზმით აკეთოთ საქმე. განწყობა გაქვთ იმგვარი, რომ რაც შეიძლება ნაკლები მოძრაობა გააკეთოთ. სამაგიეროდ, გონება იმუშავებს უმაღლეს დონეზე და პირველ რიგში, სამუშაო გეგმების დაწყობაზე. თქვენი აზრები, პირველ რიგში, უდიდესი ლოგიკურობითა და მოულოდნელი სვლებით იქნება გამორჩეული. ამ დღის ჩანაფიქრებს მომავალში კარიერული წინსვლისა და კარგი შემოსავლის უზრუნველყოფა შეუძლია.

თხის რქა: დღეს გაგიმართლებთ. მოგიწევთ იმის გაკეთება, რაც გიყვართ. ვარსკვლავები არჩევანსაც არ დაგიტოვებენ – სხვა რამეს თუ მოკიდებთ, მაინც ვერაფერს მიაღწევთ. რუტინული საქმეები აუტანელი იქნება თქვენთვის. მაგრამ თუ რამე საქმე მართლა დაგაინტერესებთ, ის აურაცხელ სასიამოვნო ემოციას მოგიტანთ და ამასთან, შესანიშნავ შედეგსაც მიიღებთ.

მერწყული: დღეს თავის გამოჩენა შეგიძლიათ როგორც შესანიშნავ მეგობარსაც და როგორც საშიშ მეტოქესაც, ანუ ვის როგორ გაუმართლებს. ხართ გამჭრიახი, გრძნობთ ვითარებას და ყველაფერს გზადაგზა იტაცებთ. ნებისმიერი თქვენი გეგმა, რასაც არ უნდა ეხებოდეს ის (მეგობრებთან ერთად დროის გატარება თუ ვინმესთვის „სისხლის გაშრობა“), შემოქმედებითი აღმაფრენით იქნება გაჯერებული. ორივე შემთხვევაში წარმატება გელოდებათ. ასე რომ ოპონენტებს ურჩევნიათ, თქვენთან მეგობრობა არჩიონ.

თევზები: დღეს, შეიძლება ითქვას, გარკვეულწილად ჩიხში იქნებით მოქცეული. კარგია, თუ ვითარება თქვენგან სწრაფ გადაწყვეტილებებს არ მოითხოვს – მაშინ თქვენი გონებაგაფანტულობა განსაკუთრებულ ზიანს არ მოგაყენებთ; მაგრამ თუ სერიოზული საქმის გაკეთება მოგიწიათ, არაა გამორიცხული, უეცრად ერთ ადგილზე გაშეშდეთ ან თავი ქვიშაში დამალოთ. სხვა სიტყვებით რომ ვთქვათ, დღეს თქვენთვის ნებისმიერი აქტიური საქმიანობა უკუნაჩვენებია გარდა იმისა, რომელსაც არა შედეგისთვის, არამედ საკუთარი სიამოვნებისთვის გააკეთებთ.

538
საქართველოში ფეხბურთის ჩემპიონატი. თბილისის „დინამო“ - „სამგურალი“

საქართველოში ფეხბურთის ჩემპიონატი დაიწყო

0
2021 წლის სეზონის საქართველოს ჩემპიონატის ეროვნულ ლიგაში მონაწილეობს 10 კლუბი, ტურნირი ორ წრეში გაიმართება

თბილისი, 28 თებერვალი – Sputnik. საქართველოს ფეხბურთის 33-ე ჩემპიონატი თბილისის „დინამოს“ და „სამგურალის“ დაპირისპირებით დაიწყო.

გახსნის მატჩში თბილისის „დინამოელებმა“, რომლებიც ქვეყნის მოქმედი ჩემპიონები არიან, ეროვნულ ლიგაში ახალბედა წყალტუბოელებს ვერ აჯობეს. შეხვედრა ფრედ 1:1 დასრულდა.

„სამგურალი“ სერგო კუხიანიძის ზუსტი დარტყმის შემდეგ 30-ე წუთზე დაწინაურდა. „დინამოელებმა“ ანგარიშის გათანაბრება მხოლოდ მეორე ტაიმის შუაში შეძლეს. ლუკა გაგნიძის ჩაწოდებით თაური დარტყმა გიორგი გაბედავამ შეასრულა.

პირველი სათამაშო დღის მეორე მატჩში საქართველოს ვიცე-ჩემპიონმა ბათუმის „დინამომ“ მინიმალური ანგარიშით მოუგო ქუთაისის „ტორპედოს“ (1:0). შეხვედრის ერთადერთი გოლი გრიგოლ ჩაბრაძემ გაიტანა.

პირველ ტურში ასევე გაიმართება მატჩები: „თელავი“ – „სამტრედია“, „დილა“ (გორი) – „შუქურა“ (ქობულეთი), „ლოკომოტივი“ (თბილისი) – „საბურთალო“ (თბილისი).

2021 წლის სეზონის საქართველოს ჩემპიონატის ეროვნულ ლიგაში მონაწილეობს 10 კლუბი, ტურნირი გაიმართება ორ წრეში, მეტოქეები ერთმანეთს შინ და გასვლაზე თითიჯერ დაუპირისპირდებიან.

0