მთაში

დღის ასტროპროგნოზი ზოდიაქოს ნიშნებისთვის: 6 თებერვალი

1908
(განახლებულია 15:54 06.02.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 6 თებერვალია, შაბათი. კლებადი მთვარე მშვილდოსნის ნიშანშია. ამ დღეს პლანეტა სატურნი მფარველობს.

დღეს სასურველია მშვიდი მუშაობა და უფრო უკეთესი – დასვენება და არაფრის კეთება. მაგრამ ერთია სურვილი და მეორე – რეალობა. სამწუხაროდ, მოსალოდნელია ქაოსი ფიქრებში, საქმეებში, ურთიერთობებში. იმის გათვალისწინებით, რომ ემოციური ფონი ძალზე დაძაბული იქნება, ეს ქაოსი შეიძლება დამანგრეველიც აღმოჩნდეს. ასეთ დღეებში ადამიანები წვრილმანებზე ჩხუბობენ, იქცევიან არალოგიკურად, აღარ ფრთხილობენ და კარგავენ ზომიერების გრძნობას. აქედან გამომდინარე, კარგი იქნება, თუ დღეს დაისვენებთ და რამე მარტივ საქმეებზე გადაერთვებით.

2021 წლის მთავარი მიმოხილვა: როგორი იქნება ხარის წელიწადი აღმოსავლური ჰოროსკოპის მიხედვით>>

ვერძი: დრო თქვენ წინააღმდეგ მუშაობს – მთელი დღე გექნებათ შეგრძნება, რომ სულ სადღაც გაგვიანდებათ, რომ გარბიხართ, მაგრამ ვერ ასწრებთ. ეს შეიძლება ეხებოდეს პროექტის ჩაბარების ვადებს, ან სასიყვარულო პაემანზე დაგვიანებას, ჩვეულებრივ ან საქმიან შეხვედრას, ან, უბრალოდ, სახლში თავსაყრელ საქმეებს. შეიძლება მოგეჩვენოთ, რომ აი, სულ ცოტაც, და ყველაფერს მორჩებით, მაგრამ ეს მხოლოდ თავის მოტყუება იქნება – დღეს, როგორც ჩანს, ბოლო არაფერს არ უჩანს...

კურო: ხომ გსმენიათ, ჭეშმარიტება კამათში იბადებაო. ჰოდა, გაითვალისწინეთ, რომ დღეს კამათში ყველაფერი შეიძლება დაიბადოს, მაგრამ არა – ჭეშმარიტება. კამათის ატმოსფერო კი შეიძლება ისე დაძაბოთ, რომ ვიღას ახსოვს ჭეშმარიტება – უბრალო საქმეებისთვის არ შემოგრჩება ძალა. ვარსკვლავები გაფრთხილებენ – გარშემომყოფები თქვენს პროვოცირებას შეეცდებიან, რომ რამე დისპუტში ჩაებათ, მაგრამ ნამდილად არ ღირს ამის გაკეთება – თუ სიტუაცია გამწვავდა და კონტროლს აღარ დაექვემდებარა, მერე დიდი დრო, ნერვები და ძალა დაგჭირდებათ ამის გამოსასწორებლად.

ტყუპი: დღეს მეტი ყურადღება და სისწრაფე გჭირდებათ – არის შანსი, რომ გარშემომყოფებიდან ვინმემ ინიციატივა ჩამოგართვათ. შემდეგ კი მოვლენების განვითარება თქვენზეა დამოკიდებული: თუ მშვიდად შეეგუებით დათმობას, არაა გამორიცხული, რომ მომავალში ინანოთ. ასე რომ, სჯობს, არ მოდუნდეთ და არ დათმოთ მოპოვებული პოზიციები. მზად იყავით, რომ კონკურენტებს „მაგრად“ დაუდგეთ იმ შემთხვევაში, თუ თქვენი მრავლისმთქმელი მოქმედებები და სიტყვები საკმარისი არ იქნება.

კირჩხიბი: შრომის განწყობა არა გაქვთ. შეიძლება იგრძნოთ, რომ ძალ–ღონე გამოგეცალათ, სასწრაფო საქმეებსაც კი უღიმღამოდ გააკეთებთ. თქვენი დევიზი გახდება: „არ გადადო ხვალისთვის ის, რისი გაკეთებაც ზეგაც შეიძლება“. თუ გაქვთ იმის ფუფუნება, რომ მოდუნდეთ, მაშინ გამოიყენეთ ეს შესაძლებლობა – დღეს მაინც არაპროდუქტიული იქნებით, დასვენება კი ნამდვილად წაგადგებათ.

ლომი: ადვილი არ იქნება ცხოვრების ნორმალურ რიტმზე აყოლა, მაგრამ თუ ამას შეძლებთ, დღე ძალზე პროდუქტიულად ჩაივლის. საჭირო განწყობაზე რომ დადგეთ, იქნებ სცადოთ დილით კონტრასტული შხაპის მიღება, ცოტა ხნით მაინც მაჟორული, გამამხნევებელი მუსიკის მოსმენა. ეს აპათიის დაძლევაში დაგეხმარებათ და დღის სწორ ტემპს მოგცემთ. იქნებით ენერგიული, მიზანსწრაფული და პოზიტიური.

ქალწული: დღეს საქმეებში იხელმძღვანელებთ დევიზით – სამუშაო არსად გაიქცევა. ბოლომდე გააჭიანურებთ, სანამ რომელიმე ამოცანის გადაჭრას შეუდგებით, და როდესაც ბოლოს და ბოლოს, მის რეალიზაციას დაიწყებთ, იმაზე მეტი დრო და ძალა დაგჭირდებათ, ვიდრე მას სხვა დროს მოანდომებდით. დიდი ალბათობით, მოიფიქრებთ რამე მიზეზს და ამ საქმეს გადადებთ – ეს სწორიც იქნება, რადგან სხვა დღეს ამ ამოცანას უფრო იოლად გაართმევთ თავს.

სასწორი: დღეს, დიდი ალბათობით, საკუთარი თამაშის წამოწყება მოგიწევთ ისე, რომ სხვებს საქმის კურსში არ ჩააყენებთ. ვითარებამ, შესაძლოა, პირველ რიგში საკუთარი ინტერესების დაცვა მოგთხოვოთ. აქედან გამომდინარე, სხვების ინტერესები, ბუნებრივია, ავტომატურად მეორე პლანზე გადავა. რადგან ასეა, სჯობს, ეს დღე იმისთვის გამოიყენოთ, რომ რაც შეიძლება მეტი სარგებელი მიიღოთ. მთავარია, თქვენი თამაში დელიკატური და დახვეწილი იყოს, რომ ჭორებისა და ინტრიგების დონეზე არ დავიდეს.

მორიელი: ფიქრი იმაზე, რომ ბედნიერება ფულში არ არის, არამედ მის რაოდენობაშია, მოსვენებას დაგიკარგავთ. მთელი დღე, შესაძლოა, გამდიდრებასთან დაკავშირებით ოცნების კოშკები აგოთ. ვარსკვლავები გაფრთხილებენ, რომ გრანდიოზული გეგმების განხორციელებაში არ უნდა იჩქაროთ – ჯერ იდეებს „დაღვინება“ აცადეთ. როგორც ჩანს, თქვენი სურვილი, რომ მილიონერთა (თუ მილიარდერთა არა) სიაში ჩაეწეროთ, ფანტასტიკის სფეროს განეკუთვნება და ძალიან შორსაა რეალობისგან.

მშვილდოსანი: დღეს საუკეთესო რეჟიმი თქვენთვის საგანგებო და კრიტიკული ვითარება იქნება. მართალია, ამას თვითონ ვერ გააკეთებთ. მაგრამ თუ ეს რეჟიმი სამსახურში ან სახლში დადგა, შეძლებთ ყველა ფარული ნიჭის გამოვლენას და უზარმაზარი მოცულობის სამუშაოსთან შესანიშნავად გამკლავებას. თუ სიტუაცია თქვენგან შესაძლებლობების ზღვარზე მუშაობას არ მოითხოვს, მაშინ დღე აბსოლუტურად მშვიდად ჩაივლის – ასეთი უცნაური დღე გელოდებათ.

თხის რქა: დღეს რამის დაკარგვის რისკი არსებობს. ეს შეიძლება სულ უბრალო ნივთს ეხებოდეს, მაგრამ ასევე უფრო სერიოზულ რამესაც, მაგალითად, ხელიდან გაშვებულ სარგებელს ან რეპუტაციას. უსიამოვნებებს რომ თავი აარიდოთ, საჭიროა მთელი ყურადღება მოიკრიბოთ მიუხედავად იმისა, რომ სულაც არ ხართ ამისთვის განწყობილი.

მერწყული: დღეს ნებისმიერი სიურპრიზია მოსალოდნელი. ასტროლოგები გაფრთხილებენ, რომ ვითარება არაპროგნოზირებადი იქნება, მოვლენები მოულოდნელი კუთხით განვითარდება. ადამიანები, რომლებსაც შეხვდებით, საკითხები, რომელთა გადაწყვეტაც მოგიწევთ, სიტუაცია, რომელსაც შეეჯახებით – ამ ყველაფერს არაფერი ექნება საერთო იმასთან, რასაც გეგმავდით. და მიუხედავად იმისა, რომ ეს სიურპრიზები შეიძლება დადებითიც იყოს და უარყოფითიც, ეს დღე თქვენს ცხოვრებას გაამრავალფეროვნებს.

თევზები: დღეს შეიძლება წააწყდეთ ისეთ პრობლემას, როგორიცაა გარშემომყოფების ზედაპირულობა და უზრუნველობა. ადამიანები თქვენ ირგვლივ ძალზე მსუბუქად უყურებენ სერიოზულ საკითხებს და ნაჩქარევ გადაწყვეტილებებს იღებენ. ნაკლებად სავარაუდოა, რომ ვითარების შეცვლა ან ვინმეს გადარწმუნება შეძლოთ. ერთადერთი, რაც შეგიძლიათ, ესაა გააკონტროლოთ ის, რაზეც თქვენ ხართ პასუხისმგებელი. და რა თქმა უნდა, მოთმინებით აღიჭურვოთ.

1908
ყვავილი თოვლზე

დღის ასტროპროგნოზი ზოდიაქოს ნიშნებისთვის: 28 თებერვალი

211
(განახლებულია 16:48 27.02.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 28 თებერვალია, კვირა. კლებადი მთვარე ქალწულის ნიშანშია. ამ დღეს პლანეტა მზე მფარველობს.

დღეს ინტუიცია და შემოქმედებითი პოტენციალი პიკს მიაღწევს. ის, რასაც სხვა დროს დიდ დროს ანდომებთ, დღეს იოლად გამოგივათ. ეს ეხება სწავლას, მუშაობას, მეცნიერულ საქმიანობას. ამასთან, დღეს პასიურობის დღეცაა და მაღალი შემოქმედებითი პოტენციალი შინაგანად შეიძლება დაუპირისპირდეს იმას, რომ ამ პოტენციალის რეალიზების სურვილი არ გექნებათ. ასე რომ, თუ გინდათ, რამე შედეგს მიაღწიოთ, თავი ხელში აიყვანეთ, ნებისმყოფა მოიკრიბეთ და საქმეს შეუდექით.

საუკეთესო კოლეგები ზოდიაქოს ნიშნის მიხედვით>>

ვერძი: თუ მოისურვებთ, დღეს ბევრი რამის მიღწევა შეგიძლიათ, მაგრამ დიდი ალბათობაა იმისა, რომ ეს სურვილი შეიძლება არ გაგიჩნდეთ. დღე რომ გაიმრავალფეროვნოთ, საკმარისია, რამე საქმემ ან იდეამ გაგიტაცოთ, ან საწინააღმდეგო სქესის წარმომადგენელმა. ამ უკანასკნელ შემთხვევაში თქვენს აქტიურობას დიდი წახალისება აღარ დასჭირდებათ – თქვენი შეჩერება, შეიძლება ითქვას, უკვე შეუძლებელი გახდება.

ვერძი: დღეს განწყობა იმისა, რომ ორგანიზატორული უნარები გამოავლინოთ, არ გაქვთ, მაგრამ მაინც თუ მოგიწიათ რამის ორგანიზება, ამას შესანიშნავად გაართმევთ თავს და შედეგებით ყველას გაახარებთ. რა სახისაც არ უნდა იყოს ღონისძიება, თქვენთვის საკმაირისია, რომ ინიციატივა აიღოთ ხელში და ამოცანები გადაანაწილოთ – გარშემომყოფები დიდი სიამოვნებით აგყვებიან და დაგეხმარებიან.

ტყუპი: დღეს არაფრის გაკეთების ხალისი არა გაქვთ. ამაში სიტუაციაც შეგიწყობთ ხელს – თქვენგან არ მოითხოვება რამე გმირობის ჩადენა ან გადაუდებელი საქმეების გაკეთება. და საჭიროც რომ იყოს თქვენი ჩარევა საქმეებში, იმდენად არასაქმიან განწყობაზე ხართ, რომ ამის შეცვლა, პრაქტიკულად, შეუძლებელი იქნება. საქმე მოიცდის – სწორედ ესაა დღეს თქვენი დევიზი. ამიტომ ეს დღე სამ მიმართულებას უნდა დაუთმოთ – საკუთარ თავს, ახლობლებსა და... კიდევ საკუთარ თავს.

კირჩხიბი: ძალზე იღბლიანი დღეა. ხართ ძალზე ენერგიული და გაქვთ შესაძლებლობა, ეს ბრწყინვალედ გამოიყენოთ. ნებისმიერი საქმე, რომელსაც ხელს მოკიდებთ, შეგიძლიათ წინ წაწიოთ, დაძრათ მკვდარი წერტილიდან. ვარსკვლავები გირჩევენ, დრო წვრილმანებზე არ დაკარგოთ – დღეს ძალიან გიმართლებთ, ხართ იღბლიანი, ამიტომ აჯობებს, თუ ისეთ საქმეს შეეჭიდებით, რომელიც მეტ სარგებელს მოგიტანთ.

ლომი: დღეს თქვენთვის არარეკომენდებულია დიდ საქმეებთან შეჭიდება. და სიმართლე უნდა ითქვას, არც პატარა საქმეებთან. ბოლო ხანს დიდი ძალა დახარჯეთ და საკმარისია დინების საწინააღმდეგოდ ცურვა, დროა, მოდუნდეთ და დაისვენოთ. ამასთან, ვარსკვლავები გირჩევენ, ყურადღება ცხოვრების იმ სფეროებს მიაქციოთ, რომლებიც ბოლო დროს თქვენი თვალთახედვის არეში აღარ მოქცეულა. გაითვალისწინეთ, რომ დასვენება მხოლოდ დივანი და ტელევიზორი არაა – შეგიძლიათ შეხვდეთ მეგობრებს, ოჯახის წევრებთან სასიამოვნო საღამო გაატაროთ, არ რომანტიკულ შეხვედრაზე იფიქროთ...

ქალწული: დღეს გარშემომყოფებთან დისონანსში იქნებით. მათ გაუჭირდებათ თქვენს ტემპზე აყოლა, თავად კი გრძნობთ, რომ უამრავი რამის გაკეთება შეგიძლიათ. საქმიანი აქტიურობა, მახვილი გონება და საჭირო დროს საჭირო რამეზე „კლანჭის“ გამოდების უნარი უმაღლეს დონეზე იქნება. აქედან გამომდინარე, გარშემომყოფების აპათია და გულგრილობა, სავარაუდოდ, გაგაღიზიანებთ. ამიტომ დილიდან განეწყვეთ იმისთვის, რომ დღეს მხოლოდ საკუთარი ძალების იმედი უნდა გქონდეთ.

სასწორი: მიეცით უფლება თქვენ ირგვლივ მყოფ ადამიანებს, რომ თავიანთი პრობლემები თვითონ გადაჭრან. იმის ნაცვლად, რომ დრო სხვებზე დაკარგოთ, აჯობებს, თუ რამე სასიამოვნოს გააკეთებთ, მაგალითად, შემოქმედებით საქმიანობას შეუდგებით. ზუსტი მეცნიერებებისადმი კი ნამდვილად არ ხართ განწყობილი, ვერანაირად ვერ მოგხიბლავთ ციფრები, გრაფიკები და ცხრილები, ასე რომ, სჯობს შემოქმედებით აქტიურობაში გადაეშვათ თავით.

მორიელი: დღეს, უბრალოდ, ვალდებული ხართ, რომ საკუთარი აზრები სამყაროს გაუზიაროთ, ან, უკიდურეს შემთხვევაში, ამ სამყაროს მცირე ნაწილს მაინც – ახლობლებს, კოლეგებსა თუ მეგობრებს. თქვენი ტვინი მკაფიოდ და არასტანდარტულად იმუშავებს და დიდებული იდეების გენერატორი გახდება. ამასთან, გამორიცხული არაა, რომ გარშემომყოფებმა ეს იდეები ვერ დააფასონ, ვერ გაიგონ. მაგრამ რას ვიზამთ – დღეს ნამდვილად ყველაზე წინ ხართ, ამიტომ ხანდახან უნდა შეჩერდეთ, რომ სხვებს საშუალება მისცეთ, დაგეწიონ.

მშვილდოსანი: დღეს, სავარაუდოდ, არ გექნებათ საკმარისი ძალა იმისთვის, რომ ენთუზიაზმით აკეთოთ საქმე. განწყობა გაქვთ იმგვარი, რომ რაც შეიძლება ნაკლები მოძრაობა გააკეთოთ. სამაგიეროდ, გონება იმუშავებს უმაღლეს დონეზე და პირველ რიგში, სამუშაო გეგმების დაწყობაზე. თქვენი აზრები, პირველ რიგში, უდიდესი ლოგიკურობითა და მოულოდნელი სვლებით იქნება გამორჩეული. ამ დღის ჩანაფიქრებს მომავალში კარიერული წინსვლისა და კარგი შემოსავლის უზრუნველყოფა შეუძლია.

თხის რქა: დღეს გაგიმართლებთ. მოგიწევთ იმის გაკეთება, რაც გიყვართ. ვარსკვლავები არჩევანსაც არ დაგიტოვებენ – სხვა რამეს თუ მოკიდებთ, მაინც ვერაფერს მიაღწევთ. რუტინული საქმეები აუტანელი იქნება თქვენთვის. მაგრამ თუ რამე საქმე მართლა დაგაინტერესებთ, ის აურაცხელ სასიამოვნო ემოციას მოგიტანთ და ამასთან, შესანიშნავ შედეგსაც მიიღებთ.

მერწყული: დღეს თავის გამოჩენა შეგიძლიათ როგორც შესანიშნავ მეგობარსაც და როგორც საშიშ მეტოქესაც, ანუ ვის როგორ გაუმართლებს. ხართ გამჭრიახი, გრძნობთ ვითარებას და ყველაფერს გზადაგზა იტაცებთ. ნებისმიერი თქვენი გეგმა, რასაც არ უნდა ეხებოდეს ის (მეგობრებთან ერთად დროის გატარება თუ ვინმესთვის „სისხლის გაშრობა“), შემოქმედებითი აღმაფრენით იქნება გაჯერებული. ორივე შემთხვევაში წარმატება გელოდებათ. ასე რომ ოპონენტებს ურჩევნიათ, თქვენთან მეგობრობა არჩიონ.

თევზები: დღეს, შეიძლება ითქვას, გარკვეულწილად ჩიხში იქნებით მოქცეული. კარგია, თუ ვითარება თქვენგან სწრაფ გადაწყვეტილებებს არ მოითხოვს – მაშინ თქვენი გონებაგაფანტულობა განსაკუთრებულ ზიანს არ მოგაყენებთ; მაგრამ თუ სერიოზული საქმის გაკეთება მოგიწიათ, არაა გამორიცხული, უეცრად ერთ ადგილზე გაშეშდეთ ან თავი ქვიშაში დამალოთ. სხვა სიტყვებით რომ ვთქვათ, დღეს თქვენთვის ნებისმიერი აქტიური საქმიანობა უკუნაჩვენებია გარდა იმისა, რომელსაც არა შედეგისთვის, არამედ საკუთარი სიამოვნებისთვის გააკეთებთ.

211
საქართველოს ზამთრის პეიზაჟები

დღის ასტროპროგნოზი ზოდიაქოს ნიშნებისთვის: 27 თებერვალი

2470
(განახლებულია 12:16 27.02.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 27 თებერვალია, შაბათი. სავსე მთვარე ქალწულის ნიშანშია. ამ დღეს პლანეტა სატურნი მფარველობს.

განსაკუთრებით კარგი დღეა რომანტიკისა და სიყვარულის, ახალი ნაცნობობისთვის. მოულოდნელად გაღვიძებული კაშკაშა ემოციები დიდ შესაძლებლობებს იძლევა იმისთვის, რომ შთაბეჭდილება მოახდინოთ საწინააღმდეგო სქესზე და გაიოლდეს ადამიანის გაცნობა. ამასთან ინტუიცია სათანადო სიმაღლეზე იქნება. ასეთ დღეებში შედარებით მარტივია ახალი ინფორმაციის აღქმა, სწავლა, არასტანდარტული გადაწყვეტილებების მიღება, ცოდნისა და უნარების გამოყენება. რაც შეეხება ბიზნესსა და სამუშაოს, ამ თვალსაზრისით არცთუ სახარბიელო დროა, რადგან ემოციებითაა გაჯერებული.

ზოდიაქოს ამ სამი ნიშნით ყველაზე ცოტა ადამიანი იბადება>>

ვერძი: სცადეთ და ექსპერიმენტი ჩაატარეთ – გააკეთეთ რამე ახლებურად და ნახეთ, რას მოიტანს ეს. ექსპერიმენტი ნებისმიერ უბრალო რამეზე შეგიძლიათ ჩაატაროთ, რაც ჩვევად გაქვთ უკვე ქცეული, მაგალითად, გზის ერთი და იგივე მარშრუტი, სადილის მენიუ, საურთიერთობო წრე... ეს ყველაფერი შეგიძლიათ შეცვალოთ და ცხოვრებაში რაღაც არაპროგნოზირებადი შეიტანოთ. ამან, შესაძლოა, საინტერესო შედეგები და ცვლილებები გამოიწვიოს.

კურო: დღეს შეიძლება რამე წვეულებაზე მიგიწვიონ. თუ ასეთი რამ არ მოხდა, თვითონ უნდა ეცადოთ ყველანაირად, რომ რომელიმე ღონისძიებას დაესწროთ და საზოგადოებაში „გახვიდეთ“. ხართ მშვიდი, თავდაჯერებული, საღი გონებით, კომუნიკაბელური და ეს ყველაფერი მეტყველებს იმაზე, რომ საკუთარ თავს მთელი სისავსით წარმოაჩენთ და საინტერესო ნაცნობობას გააბამთ. გარშემომყოფები მოხიბლული დარჩებიან თქვენი მსუბუქი კატეგორიულობით, იუმორის შესანიშნავი გრძნობითა და საუბარზე გავლენის მოხდენით.

ტყუპი: შესაძლოა, სადმე წასვლა მოინდომოთ, მაგრამ ვითარება სახლში დარჩენას გაიძულებთ. მოგიწევთ ჩვეულ „ტერიტორიაზე“ ყოფნა, მაგრამ შემოქმედებითი უნარების გამოვლენა. მეგობრების დაპატიჟება, თემატური საღამოს მოწყობა, კერძის მომზადება – დღეს საკუთარი დღის გალამაზება უამრავი მხიარული ფერებით შეგიძლიათ ისე, რომ სახლიდან არ გახვიდეთ.

კირჩხიბი: ცვლილებებისკენ ლტოლვა დღეს აპოგეას მიაღწევს. მზად იქნებით ყველანაირი საბაბი გამოიყენოთ იმისთვის, რომ ადგილს მოწყდეთ და გაიქცეთ. გარშემომყოფებს არ გაუჭირდებათ თქვენი ნებისმიერ ავანტიურაზე „გამოჭერა“, როგორიცაა, მაგალითად, ღონისძიებაში მონაწილეობა, მივლინება, სადმე გამგზავრება ან დეკორაციების შეცვლა. თვითონაც არ გაგიჭირდებათ, რომ მოიფიქროთ უამრავი გადაუდებელი საქმე, ოღონდ სახლში ან სამსახურში არ იყოთ.

ლომი: თავგადასავლების ძებნის დღეა, მაგრამ სჯობს, თბილ კომპანიასა და სულიერად ახლობელ ადამიანებთან ერთად გააკეთოთ ეს. თუ გარშემომყოფები არ შემოგთავაზებენ გართობის რამე ვარიანტს, თქვენში ორგანიზატორის ნიჭი გაიღვიძებს და უსწრაფესად მოიფიქრებთ, სად, ვისთან ერთად და როდის უნდა წახვიდეთ. პროგრამა საკმაოდ ფართო შეიძლება იყოს, მაგრამ საუკეთესო ვარიანტი იქნება, თუ დროს საყვარელ ადამიანთან ერთად გაატარებთ.

ქალწული: დღეს ძალიან გაგიჭირდებათ რამე ფიქრისა და გრძნობის დამალვა – ყველაფერი სახეზე გექნებათ დაწერილი. უფრო მეტიც, წინააღმდეგი არ ხართ, ეს ხმამაღლაც თქვათ იმისდა მიუხედავად, ღირს თუ არა ამის გაკეთება, თუ დუმილი აჯობებს. ზოგადად, თქვენთვის დღეს ტაბუდადებული თემები არ არსებობს. გარშემომყოფებს არ უნდა ჰქონდეთ იმედი, რომ დაინდობთ და არაფერს იტყვით, თუ რამით ხართ უკმაყოფილო – სულაც არ აპირებთ ჩუმად ყოფნას.

სასწორი: დღეს გარშემომყოფების ემოციების გავლენის ქვეშ მოექცევით და ეს კარგია, თუ ეს ემოციები პოზიტიური იქნება. არ ხართ განწყობილი იმისთვის, რომ იაქტიუროთ და მით უმეტეს – საჯაროდ. სამაგიეროდ, იქნებით შესანიშნავი მაყურებელი, რომელსაც შეუძლია, ირგვლივ განვითარებული ნებისმიერი სპექტაკლი ღირსეულად შეაფასოს. ვარსკვლავები გირჩევენ, ეწვიოთ ისეთ ადგილებს, სადაც „ცხოვრება დუღს“ და სადაც გარშემომყოფებზე დაკვირვებას შეძლებთ.

მორიელი: დღეს თქვენს ცნობისმოყვარეობას საზღვარი არა აქვს. ამ ლტოლვის დათრგუნვა არ ღირს, პირიქით, უკვე დიდი ხანია, ღირს, რიგ საკითხებზე ეს ცნობისწადილი დაიკმაყოფილოთ. რაზე საუბარი – რომელიმე ადამიანთან ნაცნობობაზე, ახალი ფილმის ნახვაზე, ახალ ვარცხნილობაზე თუ ახალ კაფეში წასვლაზე – აქ ვარსკვლავები გირჩევენ, გამოიყენოთ შემთხვევა და ექსპერიმენტი ჩაატაროთ. თუნდაც ყველაფერი ისე არ წავიდეს, როგორც გინდათ, მაინც არ იქნებით ზარალში – თქვენი ცნობისმოყვარეობა ხომ დაკმაყოფილდება.

მშვილდოსანი: დღეს, რომ იტყვიან, შუაზე იქნებით გახლეჩილი ორ რამეს შუა: რისი გაკეთებაც გიწევთ და რისი გაკეთებაც გინდათ. ძალიან რთული იქნება ბალანსის დაცვა. ერთი მხრივ გადაუდებელი საქმეები უამრავ დროსა და ძალას ითხოვს, მეორე მხრივ კი თქვენი ფიქრები ამ საქმეებისგან ძალიან შორსაა, რადგან ფიქრობთ, როგორ გაატაროთ თავისუფალი დრო, ან, უბრალოდ, ოცნებობთ... შესაძლოა, თქვენი ფიქრების განხორციელება დღის ბოლოს მაინც შეძლოთ.

თხის რქა: დღეს თქვენზე ძალიან დიდი მოთხოვნა იქნება. ტელეფონი არ გაჩერდება, ადამიანების რაოდენობა კი, რომლებსაც სურთ, გაგიზიარონ სიხარული, იდეები, ჭორები, საიდუმლოებები, თავიანთი განცდები, ყოველგვარ გონივრულ ზღვარს გასცდება. თავად კი ურთიერთობებში თავს ისე იგრძნობთ, როგორც თევზი წყალში – თქვენი კომუნიკაციური უნარები და იუმორის გრძნობა დღეს უმაღლეს მწვერვალზეა.

მერწყული: დღეს მკაცრ განწყობაზე ხართ. გარშემომყოფები ამას მაშინვე იგრძნობენ, როგორც კი თქვენთან რამე საკითხის გადაწყვეტას შეეცდებიან. ყველაზე უბრალო შეწინააღმდეგებაც კი შეგიძლიათ გადააქციოთ დისკუსიაში, სადაც თანამოსაუბრეზე ზეწოლით მას დათანხმებას აიძულებთ. ერთადერთი, რაც ამ საქციელს ამართლებს, თქვენი გულწრფელობაა. ფიქრობთ, რომ ოპონენტს გარდაუვალი შეცდომისგან იცავთ. საინტერესო ისაა, რომ, შესაძლოა, ეს მართალიც იყოს.

თევზები: დღეს თქვენთვის საუკეთესო იქნება, თუ სხვა ქვეყანაში მოგზაურობაზე იფიქრებთ, მოამზადებთ ამისთვის საფუძველს: შეარჩევთ ქვეყანას (ან ქვეყნებს) შეისწავლით ტურებს, დაათვალიერებთ ვებ–გვერდებს და შეიძლება, შესაბის სააგენტოში დარეკოთ კიდეც. ეს დაგეხმარებათ, რომ შეეგუოთ ყოველდღიურ ერთფეროვნებას და წინასწარ მიიღოთ ეგზოტიკის მუხტი.

2470
გურამ თუშიშვილის ორთაბრძოლა

მსოფლიოს ჩემპიონი საქართველოსთვის გაიტანს, ძიუდოს ლეგენდა კი თბილისში მოემგზავრება

0
საქართველოს საფეხბურთო ნაკრების ახალი მწვრთნელის პირველი კომენტარი და თორნიკე შენგელიას დაბრუნება „ცსკას“ რიგებში. ქართველი სპორტსმენების გასული კვირის შედეგები.

მსოფლიოს ჩემპიონი საქართველოს ეროვნულ გუნდში და ნაკრების ახალი მეთაურის პირველი კომენტარი

საქართველოს ეროვნული ნაკრებისთვის გასულ კვირას ძალიან სასიხარულო ინფორმაცია გავრცელდა. გარდა იმისა, რომ ეროვნულ ნაკრებს ვილი სანიოლის სახით „პატრონი“ გამოუჩნდა გუნდს ახალწვეულიც ჰყავს. საქართველოს ნაკრების შეტევითი ხაზი გიორგი წიტაიშვილით გაძლიერდა. ქართული წარმომავლობის მიუხედავად, წიტაიშვილი ამ დრომდე უკრაინის ასაკობრივ ნაკრებებში ასპარეზობდა და საკმაოდ წარმატებულადაც. მან 2019 წელს 20-წლამდელთა მსოფლიო ჩემპიონატი მოიგო და ამ გამარჯვებაში გატანილი გოლით ძალიან დიდი წვილი შეიტანა.

მისი დაბრუნება მართლაც გასაკვირი იყო ქართველი გულშემატკივრისთვის, რადგან გიორგის ჩვენს ქვეყანაში წლებია ეპატიჟებიან. პირველად ეს სასიხარულო ამბავი უკრაინელმა ჟურნალისტმა იგორ ციგანიკმა გაავრცელა. ჟურნალისტის ვარაუდით ახალგაზრდა ფეხბურთელის ეს გადაწყვეტილება მის საქართველოში სტუმრობას უკავშირდება. გავრცელებული ინფორმაციით, წიტაიშვილი სამშობლოში გარდაცვლილი ბაბუის სამძიმარზე ჩამოვიდა, რა დროსაც ოჯახის წევრებმა ბაბუის ერთ-ერთი ბოლო სურვილი ამცნეს. უკრაინელ ჟურნალისტს თუ ვენდობით ბაბუის ბოლო თხოვნა გიორგის საქართველოს ნაკრებში თამაში იყო. გეთანხმებით, საკმაოდ სევდიანი ისტორიაა, თუმცა მოგვიანებით გავრჩელდა ხმები, რომ მისი გადაწყვეტილება საქართველოს ფეხბურთის ფედერაციის მრავალწლიანი მცდელობებისა და შეთავაზებების შედეგია.

ამ ყველაფრის საპასუხოდ გიორგიმ მოკლე და შეიძლება ითქვას მკაცრი კომენტარი გააკეთა. წიტაიშვილმა ჟურნალისტებთან საუბრისას განაცხადა, რომ აღნიშნულ საკითხზე საუბარი არც სურს და არც ამის უფლება გააჩნია. მისი თქმით, უახლოეს მომავალში ყველაფერი გაირკვევა. საინტერესოა, რომ ფეხბურთის ფედერაციაში ამ საკითხზე ოფიციალური განცხადება ჯერ არ გაკეთებულა. ჩვენ ქართული სპორტის ქომაგებს ისღა დაგვრჩენია, რომ დაველოდოთ მოვლენათა განვითარებას, თუ როგორ დასრულდება ქართულ-უკრაინული „საპნის ოპერა“.

რაც შეეხება ქართველი ფეხბურთელის საკლუბო კარიერას, ის ამჟამად კიევის „დინამოს“ საკუთრებაშია და „ვორსკლას“ შემადგენლობაში იჯარის წესით ასპარეზობს.

წიტაიშვილს მიმდინარე სეზონში „დინამო კიევში“ მხოლოდ ოთხი მატჩი აქვს ჩატარებული, ხოლო „ვორსკლას“ რიგებში ორ შეხვედრაში ერთი გოლის გატანა უკვე მოახერხა.

ცოტა ხნის წინ მსგავსი ინფორმაცია ბელგიური „სერენის“ თავდამსხმელ გიორგი (ჟორჟ) მიქაუტაძეზეც გავრცელდა. მიქაუტაძეს ამ ეტაპზე ფრანგული პასპორტი აქვს, თუმცა შესაძლოა ისიც, წიტაიშვილის მსგავსად, საქართველოს ნაკრების მაისურით ვიხილოთ. ქართული წარმომავლობის ფეხბურთელი ბელგიის მეორე ლიგაში ასპარეზობს და მის ანგარიშზე მიმდინარე სეზონის 15 შეხვედრაში 16 გატანილი გოლია. მიქაუტაძე საკუთარი გუნდის ნამდვილი ლიდერი და საუკეთესო ბომბარდირია.

Новый главный тренер сборной Грузии по футболу Вилли Саньоль с президентом ФФГ Леваном Кобиашвили
ვილი სანიოლი და ლევან კობიაშვილი

ქართულ მედიასთან პირველად ისაუბრა საქართველოს ნაკრების ახალმა მწვრთნელმა ვილი სანიოლიმ, რომელმაც ჩვენი გუნდის მომავალსა და მის გეგმებზე ვრცლად ისაუბრა. ფრანგმა სპეციალისტმა გერმანიის ბუნდესლიგაში გატარებულ წლებზეც ილაპარაკა, რა დროსაც ვეტერან ქართველ ფეხბურთელებზე კობიაშვილსა და იაშვილზეც გააკეთა კომენტარი.

„ლევან კობიაშვილი კარგად მახსოვს. ის მარცხენა ფლანგზე თამაშობდა, მე – მარჯვენაზე და ჩვენი გზები ყოველთვის იკვეთებოდა. როგორც მოთამაშე, ის ერთდროულად ხისტიც იყო და სამართლიანიც. იგივე შემიძლია ვთქვა ალექსანდრე იაშვილზეც. კარგია, როდესაც 10, 12 ან 15 წლის შემდეგ კვლავ ვხვდებით ერთმანეთს“, – განაცხადა სანიოლმა.

აღსანიშნავია, რომ ფეხბურთის ფედერაციის ამჟამინდელი ხელმძღვანელები წლების წინ სანიოლის თანამედროვეები იყვნენ. იაშვილისა და კობიაშვილის საფეხბურთო კარიერის დიდი ნაწილიც სწორედ გერმანიის ბუნდესლიგას უკავშირდება.

Новый главный тренер сборной Грузии по футболу Вилли Саньоль с президентом ФФГ Леваном Кобиашвили
სანიოლი, კობიაშვილი

სანიოლის დიდი სამწვრთნელო გამოცდილება არ აქვს, თუმცა უკვე გავრცელდა ინფორმაცია, რომ ფრანგს ძალიან უყვარს დისციპლინა და ეს მისი ერთ-ერთი ძლიერი მხარეა.

„დისციპლინა ძალიან მნიშვნელოვანია, მის გარეშე ვერაფერს შეცვლი. ფეხბურთელებს ნაკრებში თამაში უნდა ეამაყებოდეთ და მათ პატივი უნდა სცენ საქართველოს ნაკრების მაისურას. თუ ყველას ერთი მიზანი გვექნება, ვფიქრობ, რომ შევძლებთ წარმატების მიღწევას“, - აღნიშნა საქართველოს ნაკრების ახალმა თავკაცმა.

სამწუხარო ინფორმაცია გავრცელდა ოთარ კიტეიშვილის შესახებ, რომელიც ავსტრიის ბუნდესლიგაში ასპარეზობს. ავსტრიის მე-18 ტურში „შტურმის“ რიგებში ქართველმა ნახევარმცველმა „ვოლფსბერგერთან“ გამართულ შეხვედრაში ფეხის კუნთის ტრავმა მიიღო და მარტის სანაკრებო შეხვედრები გაუცდება. „შტურმმა“ ლუკა ლოჩოშვილისა და გურამ გიორბელიძის „ვოლფსბერგერს“ უმასპინძლა და ბოლო წუთზე გაშვებული გოლით 1:2 წააგო. კიტეიშვილი და გიორბელიძე ძირითად შემადგენლობაში იყვნენ, ლოჩოშვილი კი სამატჩო განაცხადში ვერ მოხვდა.

Сборная Грузии по футболу перед матчем с командой Эстонии
© REUTERS / IRAKLI GEDENIDZE
საქართველოს ფეხბურთის ნაკრები

აღსანიშნავია, რომ საქართველოს ეროვნულ ნაკრებს მარტში მსოფლიოს შესარჩევი ეტაპის პირველი სამი თამაშის ჩატარება უწევს. ჩვენი გუნდი შვედეთს ესპანეთსა და საბერძნეთს დაუპირისპირდება. ჩვენი ნაკრები აღნიშნული სამი მატჩიდან მხოლოდ ესპანეთს უმასპინძლებს, რომელიც პანდემიის გამო დაწესებული შეზღუდვების გამო მაყურებლის გარეშე გაიმართება. ვნახოთ თუ როგორ ჩააბარებს პირველ ქართულ გამოცდას ვილი სანიოლი.

არ უნდა გამოგვრჩეს საქართველოს ეროვნული ლიგის პირველი მატჩებიც. შიდა ჩემპიონატის პირველ დღეს თავიანთი მატჩები გასული წლის ჩემპიონმა თბილისის „დინამომ“ და ვიცე-ჩემპიონმა ბათუმის „დინამომ“ გამართეს.

დედაქალაქელებმა სეზონის სტარტზე ფანების გახარება ნამდვილად ვერ მოახერხეს. ისინი ეროვნულ ლიგაში ახლად აღზევებულ „სამგურალს“ ანგარიშით 1:1 დაუზავდნენ და დასაწყისშივე მნიშვნელოვანი ქულები დაკარგეს. ეროვნული ლიგის პირველი გოლის ავტორი სამგურალის 21 წლის ფორვარდი სერგო კუხიანიძეა, რომელმაც 2020 წელს სამგურალის მაისურით 7 მატჩში 9 გოლი გაიტანა. დინამო თბილისი თამაშს 71-ე წუთამდე აგებდა, სანამ გიორგი გაბედავამ ანგარიში არ გაათანაბრა.

რაც შეეხება ბათუმელებს, ზღვისპირელებმა გაჭირვებით, თუმცა თავიანთი პირველი შეხვედრა ქუთაისის „ტორპედოსთან“ მოიგეს. მატჩში ერთადერთი გატანილი გოლით „თელავიდან“ დაბრუნებული გრიგოლ ჩაბრაძე გამოირჩა, რომელმაც მატჩის ბედი 79-ე წუთზე ფანცულაიას გადაცემის შედეგად გადაწყვიტა. აღნიშნული გამარჯვებით „პირატები“ დროებით ცხრილში პირველ ადგილზე იმყოფებიან.

მამუკელაშვილი კვლავ შედეგიანია, თორნიკე შენგელია კი მოედანს დაუბრუნდა

ამერიკის სტუდენტურ ლიგაში სანდრო მამუკელაშვილის „სეტონ ჰოლი“ გასულ კვირას „ბატლერთან“ დამარცხდა. მიუხედავად შედეგისა ახალგაზრდა ქართველი კალათბურთელი საკუთარი გუნდის ერთ-ერთი საუკეთესო მოთამაშე გახლდათ.

მამუკელაშვილმა 35 წუთში 11 ქულა, 3 მოხსნა და 1 პასი მიითვალა. მამუკელაშვილის გუნდმა ზედიზედ მეორე თამაში წააგო, მანამდე კი „სეტონ ჰოლს“ 4-მატჩიანი მოგებათა სერია ჰქონდა. ისინი Big East-ის კონფერენციაში 10 მოგებით და 7 წაგებით მე-3 ადგილზე იმყოფებიან. სანდროს გუნდი მომდევნო შეხვედრას 3 მარტს საკუთარ მოედანზე „კონექტიკუტთან“ გამართავს.

აღსანიშნავია, რომ მოედანს დაუბრუნდა საქართველოს ნაკრების კაპიტანი და ერთ-ერთი ლიდერი თორნიკე შენგელია. შენგელიამ მიღებული ტრავმა უკვე მოიშუშა და „ოლიმპიაკოსთან“ შეხვედრაში მოსკოვის „ცსკას“ საწყის ხუთეულში მოგვევლინა. ნაკრების კაპიტანმა ბერძნებთან 8 ქულა და 3 მოხსნა მიითვალა, რაც დიდხნიანი პაუზის შემდეგ ცუდი შედეგი ნამდვილად არ გახლავთ. ქართველმა კალათბურთელმა მოედანზე 21 წუთი და 33 წამი დაჰყო. მოსკოვის „ცსკა“ მორიგ შეხვედრას „ეფესთან“ გამართავს და იმედი ვიქონიოთ, რომ მომავალ მატჩებში თორნიკე ფორმის სრულად აღდგენას შეძლებს.

გასულ კვირას ამერიკის სტუდენტურ ლიგაში თამაში გიორგი ბეჟანიშვილის „ილიონისმაც“ გამართა და აუტსაიდერ „ნებრასკას“ მარტივად ანგარიშით 86:70 სძლია. ქართველმა კალათბურთელმა მოედანზე 11 წუთი გაატარა და აქტივში 2 ქულა და 2 მოხსნა ჰქონდა, პასივში კი - 2 დაკარგვა და 2 პერსონალური გოლი. გიორგიმ 4 ორქულიანი ესროლა და 1 ჩააგდო.

ილინოისი ჩემპიონატში მე-2 ადგილს იკავებს, ლიდერი კი კვლავ „მიჩიგან ვულვერინსია“, რომელსაც 12 მოგება კი აქვს. მიუხედავად ამისა, მიჩიგანის გუნდი ბეჟანიშვილის გუნდს ჩატარებული თამაშების რაოდენობით ჩამორჩება.

საკუთარ გუნდს გამოემშვიდობა ქართველი კალათბურთელი ბექა ბურჯანაძე. გავრცელებული ინფორმაციით ბექამ „გრან კანარია“ კლუბი ურთიერთშეთანხმების საფუძველზე დატოვა. 27 წლის ბურჯანაძე ესპანურ კლუბში 2019 წლიდან თამაშობდა. მანამდე ის ასევე ესპანეთში „გიპუსკოას“, „ანდორას“, „კორუნიასა“ და „სევილიას“ ღირსებას იცავდა. მიმდინარე სეზონში ბექა თამაშში საშუალოდ 5.7 ქულას, 3.1 მოხსნას და 0.9 პასს აგროვებდა, ხოლო მისი ეფექტურობის კოეფიციენტი 6.1 იყო.

ნიკოლოზ ბასილაშვილი სამწუხაროდ კვლავ აგებს. ქართველი ჩოგბურთელის მორიგი მარცხი საფრანგეთში

საქართველოს პირველი ჩოგანის საქმეები ბოლო დროს კარგად არ მიდის. ბასილაშვილი გასულ კვირას საფრანგეთის ქალაქ მონპელიეში მიმდინარე საერთაშორისო ტურნირს ადგილობრივ ბარერესთან შეხვედრით გამოემშვიდობა. ფრანგმა ჩოგბურთელმა ჩვენებური ორ სეტში 6:4, 6:4 დაამარცხა და მომდევნო ეტაპზე გავიდა. აღსანიშანია, რომ ბარერე ATP-ის რეიტინგში 113-ე ადგილს იკავებს, ხოლო ბასილაშვილი ერთ დროს წარმატებული ასპარეზობის ხარჯზე კვლავ ინარჩუნებს პოზიციებს და მსოფლიოს მე-40 ჩოგანია.

დასანანია თუმცა, უკვე წელიწადზე მეტია ბასილაშვილი ცუდი ფორმაში იმყოფება და ეს კლასიფიკაციაზეც აისახა. 2019 წლის მაისში ნიკა მსოფლიოს მე-16 ჩოგანი და ნებისმიერი ლიდერისთვის ანგარიშგასაწევი ძალა გახლდათ.

ძიუდოს ლეგენდა საქართველოში ჩამოდის - ტედი რინერი თბილისის გრანდ-სლემზე დარეგისტრირდა

ძიუდოს საერთაშორისო ფედერაციამ რამდენიმე დღის წინ თბილისის გრად-სლემზე დარეგისტრირებულ სპორტსმენთა სია წარადგინა. მართალია სია არასრულყოფილია, მაგრამ საინტერესოა, რომ ჩამონათვალში ფრანგი ლეგენდარული ძიუდოისტი ტედი რინერი გამოჩნდა.

მომავალი ტურნირისთვის საქართველოს ჯერ განაცხადი არ გაუკეთებია. საინტერესოა სლემზე თუ ვიხილავთ მძიმე წონოსან ქართველ ფალავანს გურამ თუშიშვილს, რომელსაც ბოლო წლებში რინერის მემკვიდრედ მოიაზრებენ. ქართველ გულშემატკივარს კარგად ახსოვს ქართველისა და ფრანგის დაპირისპირება 2017 წელს გამართულ მსოფლიო ჩემპიონატზე, როდესაც თუშიშვილმა რინერის ტატამზე დაგდება შეძლო, თუმცა მსაჯებმა „ოქროს“ ქულა არ ჩაუთვალეს.

ძიუდოს საერთაშორისო ფედერაციამ 2021 წლის კალენდრის პირველი ნაწილი ჯერ კიდევ 6 იანვარს გამოაქვეყნა, საიდანაც ქართველმა ქომაგმა შეიტყო, რომ თბილისში დაგეგმილ ძიუდოს ტურნირს სტატუსი შეეცვალა და საქართველოს დედაქალაქი უკვე ძიუდოს გრანდ სლემს მასპინძლობს. შეჯიბრება 26 მარტიდან 28 მარტის ჩათვლით გაიმართება.

 

0