მზის ჩასვლა

დღის ასტროპროგნოზი ზოდიაქოს ნიშნებისთვის: 12 იანვარი

2141
(განახლებულია 09:19 12.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 12 იანვარია, სამშაბათი. კლებადი მთვარე თხის რქის ნიშანშია. ამ დღეს პლანეტა მარსი მფარველობს.

ვარსკვლავები ამ დღეს ახალი ენერგიით დაგასაჩუქრებენ. შრომისუნარიანობა სათანადო სიმაღლეზე იქნება და ეს ჩანაფიქრის განხორციელებაში დაგეხმარებათ. გამოიყენეთ ეს დრო წარმატების მისაღწევად, მაგრამ გახსოვდეთ, რომ ეს დღე კარგია არა იმდენად ახლის შესაქმნელად, რამდენადაც უკვე არსებულის დასამუშავებლად და დასამთავრებლად.

კვირის ასტროპროგნოზი: სიყვარული, ფინანსები, სამუშაო – 11–17 იანვარი>>

დიდია ქონებასთან და ფინანსებთან დაკავშირებული დავის ალბათობა. თუ ეს პრობლემები მომწიფებულია, მისთვის თავის არიდება არ ღირს. უბრალოდ, გააკონტროლეთ ემოციები, წინააღმდეგ შემთხვევაში კონფლიქტი გარდაუვალი იქნება.

ვერძი: დღეს ვარსკვლავები ბედის საჩუქარს გპირდებიან. დიდი ალბათობით, ეს ბიზნესის ან ფინანსების სფეროს შეეხება, მაგრამ არ არის გამორიცხული, რომ პირად ცხოვრებასა და ადამიანებთან ურთიერთობებსაც შეეხოს. ასე თუ ისე, ფორტუნა შემთხვევით არ გაგიღიმებთ – მიიღებთ მხოლოდ იმას, რაც დაიმსახურეთ. ახლა არავინ აღარ გეღობებათ გზაზე და რასაც აკეთებთ, მხოლოდ თქვენ ხართ პასუხისმგებელი. მეტი ძალაუფლება გაქვთ საკუთარ ცხოვრებაზე. ამის არ შეგეშინდეთ, მხოლოდ უსაქმოდ ყოფნისა უნდა გეშინოდეთ. განაგრძეთ წინსვლა.

კურო: დღეს აუცილებელია, რომ მოვლენების მიმდინარეობას თვალი ადევნოთ – არ არის გამორიცხული, რომ ვითარებამ თქვენი ინფორმირებულობა და მომზადება მოითხოვოს. თუ მოდუნდებით, რისკავთ, რომ თაღლითების ან არახელსაყრელი გარემოებების მსხვერპლი გახდეთ. ეს რომ არ მოხდეს, ყველაფერი გააკონტროლეთ. შესაძლოა, ვინმე თქვენთვის დეზინფორმაციის მოწოდებას ცდილობს. ყოველ შემთხვევაში, უცნობი და ნაკლებად ნაცნობი ადამიანების ნდობა ნულამდე უნდა დაიყვანოთ.

ტყუპი: დღეს თქვენი ურთიერთობები გარშემომყოფებთან, სამწუხაროდ, იდეალისგან შორს იქნება. შესაძლოა, თვითონ თქვენ იყოთ უკომპრომისო განწყობაზე და კონფლიქტების პროვოცირება მოაწყოთ. ან, იქნებ, ირგვლიმ მყოფებმა ცეცხლს ნავთი დაასხან თავიანთი კრიტიკითა და ზურგსუკან ჭორაობით. ასე თუ ისე, მწვავე მომენტებისთვის უნდა მოემზადოთ. თუ არ გინდათ, მთელი დღე ურთიერთობების გამორკვევაში გაატაროთ, მეტი დიპლომატიურობა გამოიჩინეთ და იუმორი სასტიკ სატირასა და სარკაზმში არ აურიოთ.

კირჩხიბი: ირგვლივ მყოფნი დღეს, შესაძლოა, თქვენმა მოტივირებულობამ გააოცოს როგორც საქმიანობის, ისე სასიყვარულო სფეროებში. განწყობილი იქნებით არა მხოლოდ შედეგის, არამედ საუკეთესო შედეგის მიღებისთვის. დღეს თქვენი ჰოროსკოპი აზარტისა და შეჯიბრების ფლუიდებით არის სავსე. ყველაფერში, რასაც ხელს მოჰკიდებთ, ეცდებით, რომ სხვებს გაუსწროთ. სწორედ ამიტომ ეს დღე შესანიშნავად მიესადაგება მუშაობასა და კარიერაზე ზრუნვას. ასევე კარგი დროა ფლირტისა და სიყვარულისთვის – სწრაფვა პირველობისკენ აქაც გამოგადგებათ.

ლომი: შესანიშნავი დღეა, შეიძლება ითქვას, რომ საუკეთესო ამ კვირაში. იქნებით ორგანიზებული და საქმიანი, ენერგიული და უდრეკი, რაც ნებისმიერ საქმეში წარმატების გარანტია. საქმეებს კეთილსინდისიერად და გულისყურით შეასრულებთ. ერთადერთი „მაგრამ“ ისაა, რომ თქვენი მომთხოვნელობა გარშემომყოფებზეც გავრცელდება და თუ ვინმე თქვენს მაღალ მოლოდინებს ვერ გაამართლებს, ამის პირდაპირ პირში მიხლაც შეგიძლიათ

ქალწული: დღეს ურთიერთობების დღეა – ადამიანებს მაგნიტივით მიიზიდავთ. რაც არ უნდა თქვათ ან გააკეთოთ, ეს ირგვლივ მყოფთა დიდ ინტერესს გამოიწვევს და ეს ყურადღება პოზიტიური იქნება. ისინი მხარს დაუჭერენ თქვენს იდეებს, გკითხავენ რჩევას, შემოგთავაზებენ დახმარებას.  შეგიძლიათ, თავი ორატორულ სარბიელზეც მოსინჯოთ, ან რამე პროექტის ინიციატორად გამოხვიდეთ – დარწმუნების უნარი სათანადო სიმაღლეზე იქნება. ასევე შეგიძლიათ ურთიერთობები აღადგინოთ ძველ მეგობრებთან ან მათტან, ვისთანაც კონფლიქტი გქონდათ.

სასწორი: დღევანდელი დღე მიმდინარე საქმეებს უნდა დაუთმოთ – ეს ყველაზე კარგად გამოგივათ. იქნებით ყურადღებიანი, შეძლებთ ისეთი საქმეების გაკეთებას, რომლებისთვისაც აქამდე დრო არ გყოფნიდათ, მოიფიქრებთ თითოეულ დეტალს, შეიმუშავებთ მოქმედებების გეგმას. რაც შეეხება გლობალურ, საპასუხისმგებლო ამოცანებს, ისინი, სჯობს, გადადოთ – ახლა ამისთვის შესაფერისი დრო არაა.

მორიელი: დღეს ირგვლივ ყველაფერი თქვენს ინტერესს გააღვიძებს. იქნებით აქტიური, ემოციური, შემოქმედებითი ენერგიითა და დაუოკებელი ცნობისმოყვარეობით აღსავსე. იმდენად კარგი მსმენელი იქნებით, რომ გარშემომყოფები შეიძლება ვერც კი მიხვდნენ, ისე გაგიხსნან გული და გაგიმჟღავნონ თავიანთი საიდუმლო. დღეს ყველაფერი კარგად აეწყობა. ერთადერთი რაც გაგიჭირდებათ, ეს რუტინული საქმის შესრულებაა.

მშვილდოსანი: დღეს ყველაფერში შეგიძლიათ წარმატების მიღწევა, რაც საქმიან სფეროს უკავშირდება. გელოდებათ კარიერული ზრდა, გამარჯვებები სამუშაოზე, ბიზნესში, ფულთან დაკავშირებულ საკითხებში. იღბლიანი იქნება რამის ყიდვაც. ასტროლოგები გირჩევენ, მტკიცედ დაიწყოთ ჩანაფიქრის განხორციელება. შესაძლოა, ცოტა სითამამე არ გყოფნით, ამიტომ იმუშავეთ საკუთარ თავზე და გადადგით გაბედული ნაბიჯები – ეს თქვენი დღეა, როდესაც ცხოვრების უკეთესობისკენ შეცვლა შეგიძლიათ.

თხის რქა: ეს დღე საუკეთესო იმისთვის, რომ ცხოვრების ახალი ფურცელი გადაშალოთ და გეგმების რეალიზება დაიწყოთ. წარმატებული დროა ახალი წამოწყებებისთვის, ამიტომ ეს პერიოდი უნდა გამოიყენოთ. შესაძლოა, დიდი ხანია ახალი პროექტის დაწყება გსურთ, ან მოწევისთვის დავის დანებება. იქნებ, ფიტნესზე ჩაწერას ნატრობთ, რომანტიკულ ნაცნობობას, ან ახალ სამუშაოს? დადგა ცვლილებების დრო, იმოქმედეთ!

მერწყული: შესანიშნავი დღეა. ყველაფერი იოლად გამოგივათ. ჰარმონიაში იქნებით საკუთარ თავათანაც და სამყაროსთანაც. ეს უპირატესობას მოგანიჭებთ საქმეების წარმოებაშიცა და ადამიანებთან ურთიერთობებშიც. სრულიად შესაძლებელია, რომ დღეს რაღაც სასიამოვნო მოვლენა მოხდეს თქვენს ცხოვრებაში, ან ხილული მიზეზის გარეშე იქნებით კმაყოფილი. სულიერი წონასწორობა საშუალებას მოგცემთ, ეს დღე გაატაროთ არა მარტო სასიამოვნოდ, არამედ სასარგებლოდაც – ვარსკვლავები და პლანეტები ენერგიასა და შემოქმედებით ძალებს მოგიძღვნიან.

თევზები: დღეს ფულთან მიმართებით ყურადღება და სიფრთხილე გმართებთ – არის ზარალისა და დანაკარგის საშიშროება. ეს, პირველ რიგში, თქვენს უყურადღეებობასა და მიამიტობას შეიძლება უკავშირდებოდეს – შესაძლოა, რამე შეიძინოთ დაუფიქრებლად, დიდი თანხა დახარჯოთ გართობაზე ან თაღლითების მსხვერპლი გახდეთ. ასე რომ არ მოხდეს, ხარჯები უნდა გააკონტროლოთ. ინვესტიციები, ბიზნესი და თამაში ბირჟაზე, ამ დღეს თქვენი „იღბლიანობის“ გათვალისწინებით, საერთოდ დაივიწყეთ.

2141
საქართველოს ზამთრის პეიზაჟები

დღის ასტროპროგნოზი ზოდიაქოს ნიშნებისთვის: 25 იანვარი

225
(განახლებულია 10:39 25.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 25 იანვარია, ორშაბათი. მზარდი მთვარე ტყუპის ნიშანშია. ამ დღეს პლანეტა მთვარე მფარველობს.

დღეს ადამიანების უმრავლესობას ისეთი განწყობა შეექმნება, რომ სულ უბრალო ცხოვრებისეული მოვლენებისგან უსაზღვრო სიხარულს მიიღებს და პოზიტიური ენერგიით დაიმუხტება. გასეირნება ბუნებაში, სუფთა ჰაერზე, ფინჯანი ყავა ან ჩაი მეგობრებთან ერთად, გემრიელი საჭმელი – ეს ყოველივე იმდენ პოზიტიურ ემოციას მოგიტანთ, რამდენსაც რომელიმე ეგზოტიკურ ქვეყანაში მოგზაურობა მოგანიჭებდათ. ამ დღეს არ ღირს სერიოზულ გეგმებზე ფიქრი, რადგან დიდია ალბათობა, სასურველი რეალობად აღიქვათ. სამაგიეროდ, იდეალური დღეა რომანტიკისა და სიყვარულისთვის.

სიყვარული თეთრი ხარის ეგიდით – რა ელოდება ზოდიაქოს ნიშნებს 2021 წელს სასიყვარულო ასპარეზზე>>

ვერძი: განწყობის ნატამალიც კი არ გაქვთ იმისა, რომ რამე გააანალიზოთ ან დეტალებს ჩაუღმავდეთ. მზად ხართ, გადაწყვეტილებები დაუფიქრებლად მიღოთ და გულისძახილს მიჰყვეთ. თუმცა, ვარსკვლავები გაფრთხილებენ, რომ ინტუიციაზე დაყრდნობა დღეს არ ივარგებს. წინათგრძნობა მცდარი აღმოჩნდება და მათზე დაფიძნებული გადაწყვეტილება – არასწორი. შესაძლო გართულებებისა და უსიამოვნებების თავიდან ასაცილებლად, სჯობს, გადაწყვეტილებები ცხელ გულზე არ მიიღოთ.

კურო: დღეს ძალიან უნდა იფრთხილოთ, განსაკუთრებით სარისკო და ავანტიურულ პროექტებთან დაკავშირებით. იღბალზე მინდობა არ შეიძლება, არის დამანგრეველი კრახის საფრთხე. ასე რომ, თუ ფიქრობთ, რომ იღბალი თვითონ ჩაგივარდათ ხელში, იცოდეთ, რომ ეს მხოლოდ მოჩვენებითია და არავითარ შემთხვევაში არ უნდა გარისკოთ. გონივრული იქნება დროის მოგება და პროექტის სამომავლოდ გადადება: მალე სიტუაცია ცხადი გახდება და მიხვდებით, როგორ უნდა იმოქმედოთ.

ტყუპი: ისეთი ენთუზიაზმით ხართ სავსე, რომ უკუშედეგი შეიძლება მიიღოთ. იმის ნაცვლად, რომ წინ წახვიდეთ, გულმოდგინე „სწრაფვით, მგნებარებითა და გარღვევებით“ გარშემომყოფები შეიძლება გააღიზიანოთ და ეს ყველა წამოწყებას დაამუხრუჭებს. მსგავსი რამ რომ არ მოხდეს, სჯობს, დაზოგოთ ძალები და აქცენტი ახლობელ ადამიანებთან ურთიერთობებზე გადაიტანოთ. ხოლო თუ ვითარება თქვენს აქტიურობას მოითხოვს, ეცადეთ, ზედმეტი ენთუზიაზმი და გატაცება არ გამოავლინოთ.

კირჩხიბი: დღეს ასტროლოგები მოდუნებასა და კარგად დასვენებას გირჩევენ. ეს აუცილებელია, რათა აღიდგინოთ ენერგია და სასიცოცხლო ძალები. ერთი კია – ირგვლივ მყოფების გაგების იმედი არ უნდა გქონდეთ, ამიტომ აჯობს, მოქმედების იმიტაციაზე იფიქროთ ისე, რომ არ დააზარალოთ არც საკუთარი თავი და არც სხვები. შესაძლოა, საკუთარი მოვალეობების ნაწილი სხვებს გადააბაროთ, ზოგიერთი სამომავლოდ გადადოთ. მთავარია, ამან არ დაგამძიმოთ – სულ მალე ამ საქმეებს ახალი შემართებითა და ძალებით შეუდგებით.

ლომი: დღეს კარგი „შეჯანჯღარება“ გჭირდებათ. ისეთი შთაბეჭდილება რჩება, თითქოს ყველაფერი სულერთია. სინამდვილეში კი თქვენი ემოციები რუტინამ ჩაახშო და თუ ყოველდღიურ ყოფაში მრავალფეროვნების შეტანას შეძლებთ, ჩამქრალ ენთიაზიაზმს გააცოცხლებთ. დაფიქრიდით, იქნებ ღირს, დროებით გადადოთ საქმეები და ქალაქგარეთ გახვიდეთ დასასვენებლად. ან პირიქით – ახალ პერსპექტიულ პროექტს შეეჭიდოთ, თუნდაც ეს პერსპექტივა ბოლომდე გამოკვეთილი არ იყოს. თქვენი გადასაწყვეტია, ვარსკვლავების აზრით კი დღეს ცოტაოდენი ავანტიურა არ გაწყენდათ.

ქალწული: დღეს ნებისმიერი რამ, რისი მამოძრავებელი ძალაც თქვენ ხართ, შეიძლება ჩავარდეს. და თუმცა ეს ჩავარდნები წვრილმანებს შეეხება, თქვენს ყურადღებას მთლიანად დაიპყრობს და აზროვნების კონცენტრირებაში შეგიშლით ხელს. შედეგად გაგიჭირდებათ კარგი შედეგებით თავის წარმოჩენა. სხვათა შორის, გარშემომყოფები და ხელმძღვანელობაც კი თქვენგან რამე სახის გმირობას არც ელოდება შექმნილი საერთო პრობლემების ფონზე.

სასწორი: ექსპერტები კატეგორიულად არ გიორჩევენ მარტო მოქმედებას. ეს ისეთი დღეა, როდესაც დამოუკიდებლად ვერაფერს გადაწყვეტთ და თუ მაინც ცდით, შეიძლება სავალალო შედეგები მიიღოთ. ასე რომ, თუ დღეს რამე მნიშვნელოვანი საკითხი გაქვთ მოსაგვარებელი, მოგიწევთ მისი გარჩევა ირგვლივ მყოფებთან, მათი რჩევების მოსმენა, კომპრომისის მოძებნა. მაგრამ შედეგი დახარჯული ძალისხმევის კომპენსირებას მოახდენს. ეს რთული გზა ბევრად ეფექტური აღმოჩნდება.

მორიელი: დღეს ავანტიურაში ჩაბმა კარგ არაფერს მოგიტანთ არც სამუშაო და არც პირად ცხოვრებაში. ყველგან, სადაც ოდნავ მაინც გაქვთ იღბლის იმედი, ჩავარდნა გელოდებათ. იღბალი დღეს თქვენთვის „ისვენებს“. უსიამოვნებები რომ აირიდოთ თავიდან, ამისთვის საკმარისი იქნება, რომ არ გარისკოთ და ყველაფერში ნაცადი, კონსერვატიული კურსი შეინარჩუნოთ. შეგიძლიათ მიმდინარე საქმეებს მიხედოთ – არე თუ გვიან, ისიც თქვენი გასაკეთებელია.

მშვილდოსანი: დღეს მხოლოდ საკუთარი თავის იმედი არ უნდა გქონდეთ – ზედმეტმა თავდაჯერებულობამ შეცდომებამდე შეიძლება მიგიყვანოთ. არ არის გამორიცხული, რომ ცხვირწინ ვერ დაინახოთ და შეამჩნიოთ რამე, ან ელემენტარული რამ შეგეშალოთ. სამაგიეროდ, შესანიშნავად შეძლებთ მუშაობას მეწყვილესთან ერთად – მისი კონტროლი შეცდომებისგან დაგიცავთ და უფრო ყურადღებიანი გახდებით.

თხის რქა: დღეს კარგი იქნება, თუ სხვების მონაწილეობით დიდ პროექტებს არ შეეჭიდებით – ნაკლებად სავარაუდოა, რომ გამოგივიდეთ. იგივე ეხება ნებისმიერ ერთობლივ წამოწყებას. ერთადერთი ადამიანი, რომლის იმედიც უნდა გქონდეთ, ეს თვითონ თქვენ ხართ. ეს ნიშნავს, რომ ყურადღება იმ პროექტებზე უნდა გადაიტანოთ, სადაცთქვენ ხართ პირადად პასუხისმგებელი და სადაც ვერავინ შეგიშლით ხელს.

მერწყული: დღეს შესანიშნავი დროა იმისთვის, რომ მოაწყოთ პროექტის ან საკუთარი თავის პრეზენტაცია – გარშემომყოფები ამას ძალზე პოზიტიურად შეხვდებიან. გაქვთ განწყობა, რომ ემოციების ენაზე ისაუბროთ და ეს სწორედ ის ენაა, რომელსაც ყველა „ფრიადზე“ გაიგებს. სხვაგვარად რომ ვთქვათ, დღეს არაა აუცილებელი, მსმენელი ციფრებითა და ფაქტებით დაამძიმოთ. საკმარისია კაშკაშა, გადამდები ემოციები და ადამიანები სიამოვნებით გამოგყვებიან უკან.

თევზები: უნდა მოემზადოთ იმისთვის, რომ შესაძლოა ყველაფერი ისეთი არ აღმოჩნდეს, როგორც ერთი შეხედვით ჩანს. ამასთან სიურპრიზები შეიძლება იყოს როგორც სასიამოვნო, ისე უსიამოვნოც. მაგალითად, არაა გამორიცხული სირთულეები ისეთ საქმეებში, რომლებიც უკვე დიდი ხანია, გადაწყვეტილი გგონიათ. მოკლედ რტომ ვთქვათ, მთელი დღის განმავლობაში მოვლენების პულსზე უნდა გეჭიროთ ხელი და მზად იყოთ საქმეებში მოულოდნელობებისთვის.

225
თბილისი

დღის ასტროპროგნოზი ზოდიაქოს ნიშნებისთვის: 24 იანვარი

1483
(განახლებულია 12:50 24.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 24 იანვარია, კვირა. მზარდი მთვარე ტყუპის ნიშანშია. ამ დღეს პლანეტა მზე მფარველობს.

დღეს შესანიშნავი დღეა იმისთვის, რომე ნებისმიერ გადაუჭრელ საკითხში, ეხება ეს სამუშაოსა თუ პირად ცხოვრებას, სიცხადე შეიტანოთ. თუ შეძლებთ გრძნობების გაკონტროლებას, გაქვთ შანსი, რომ ჩაწვდეთ პრობლემის არსს და ერთადერთი სწორი გადაწყვეტილება მიიღოთ. მაგრამ საფრთხე ისაა, რომ ვნებათაღელვა და ტემპერამენტი მომატებული იქნება, ამიტომ, ეცადეთ, გამოავლინოთ მხოლოდ პოზიტიური ენერგია, ხოლო ნეგატიური დამალოთ, არ მოაწყოთ „საქმის გარჩევა“ საყვარელ ადამიანთან – ეს შეიძლება ძალიან მძიმე შედეგით დამთავრდეს.

2021 წლის ჰოროსკოპი ზოდიაქოს ნიშნებისთვის>>

ვერძი: დღეს უნარი გაქვთ, საქმის არსს ჩასწვდეთ და თითოეული საკითხი „ატომებისა და მოლეკულების“ დონეზე „დაშალოთ“. ამან, შესაძლოა, სრულიად ახალ, მათ შორის, მოულოდნელ დასკვნებამდე მიგიყვანოთ. ყველაზე უბრალო ყოველდღიურ საქმეებშიც კი, თუ მათ სხვა კუთხით შეხედავთ, ადრე უხილავ ნიუანსებს დაინახავთ. ასევე იქნება ადამიანებთან მიმართებითაც – ირგვლივ მყოფნი თქვენგან სულ უმნიშვნელო საიდუმლოსაც ვერ დამალავენ.

კურო: დღეს რაღაც ისეთ საქმეში იქნებით ჩართული, რომელიც ასე თუ ისე ფულთან არის დაკავშირებული. ეს შეიძლება ნებისმიერი რამ იყოს – ხელმძღვანელობასთან ხელფასზე საუბრიდან დაწყებული ბანალურ კამათამდე ზედმეტი ხარჯების გამო. ვარსკვლავები გირჩევენ, არ გაცხარდეთ ასეთი ლაპარაკის დროს და მოერიდოთ უსარგებლო დეტალებს. ეცადეთ, შეინარჩუნოთ სიმშვიდე და ფაქტებზე გაამახვალითო ყურადღება. წყენასა და ურთიერთპრეტენზიებს სერიოზული პრობლემების შექმნა შეუძლია დღეს.

ტყუპი: დღეს თქვენ ხმაში მბრძანებლური ტონი გაიჟღერებს. გარშემომყოფებისთვის საკუთარ სიმართლის მტკიცებას დაიწყებთ და არაა გამორიცხული, რომ ზედმეტად გაცხარდეთ. ზედმეტად თავდაჯერებული ბრძანდებით, ასი პროცენტით გჯერათ, რომ რასაც აკეთებთ, სწორად აკეთებთ. ირგვლივ მყოფებს კი ამაში ეჭვი ეპარებათ და დახმარების სურვილი არა აქვთ, რაც, შესაძლოა, საბოტაჟს დაემსგავსოს. დღე რომ უაზრო კამათში არ გავიდეს, უნდა მოთოკოთ თქვენი მღელვარება, შეაჩეროთ სხვებზე ზეწოლა. ბოლოს და ბოლოს, ხომ შეიძლება ამ ადამიანებთან შეთანხმება ჩხუბის გარეშე?

კირჩხიბი: კარგი დღეა იმისთვის, რომ ურთიერთობებში სიცხადე შეიტანოთ, თუ, რა თქმა უნდა, ამის აუცილებლობას ხედავთ. რაზეც ვერ ბედავთ დალაპარაკებას, კითხვები, რომლების დასმაც გერიდებათ – ეს ყველაფერი შეიძლება დღეს გააკეთოთ უშიშრად. თქვენი განწყობა იმგვარია, რომ იყოთ პატიოსანი, გულწრფელი და გამგები თანამოსაუბრე. ეს დაგეხმარებათ, რომ ისაუბროთ პრეტენზიების გარეშე თუნდაც ყველქზე ფაქიზ თემებზე.

ლომი: დღეს, შესაძლოა, რაღაც საკითხში თავდაჯერებულობამ გიღალატოთ. რაშიც ასი პროცენტით იყავით დარწმუნებული, არაა გამორიცხული, რომ სულ სხვაგვარად დაინახოთ, მოულოდნელი მხრიდან შეხედოთ მას. ასევე შესაძლებელია, რომ რაღაც საკითხზე მოსაზრება შეიცვალოთ. სხვა სიტყვებით რომ ვთქვათ, დღეს მზად უნდა იყოთ ცვლილებებისთვის, თუნდაც ეს ცვლილებები მხოლოდ თქვენს თავში „დატრიალდეს“.

ქალწული: მზად ხართ, ყველაფერს ძირისძირობამდე ჩაუღრმავდეთ, თუნდაც სულ უბრალო და მცირე მნიშვნელობის საკითხი იყოს. გაურკვევლობა საქმეებში თუ სიტყვებში გაგაღიზიანებთ და იქამდე „იკირკიტებთ“ საკითხში, სანამ ყველაფერი ნათელი არ გახდება. ეს დაგეხმარებათ, რომ შეცდომებს აარიდოთ თავი. თუმცა, იმდენ კითხვას დასვამთ დაზუსტების მიზნით, რომ გარშემომყოფებს შეიძლება მოეჩვენოთ, რომ დასცინით მათ.

სასწორი: დღეს უნდა გადაწყვიტოთ, რა არის ის, რისგანაც დიდი ხნის წინ უკვე უნდა გათავისუფლებულიყავით და ახლისთვის დაგეთმოთ ადგილი. შესაძლოა, უკან გექაჩებათ უკვე ყავლგასული რაღაც იდეები, განუხორციელებელი გეგმები, შეუსრულებელი ვალდებულებების ტვირთი. არ არის გამორიცხული, რომ დღეს რომელიმე ილუზიასთან ან ოცნებასთან დამშვიდობება მოგიწიოთ, მაგრამ მხოლოდ იმისთვის, რომ წინ ნამდვილი პერსპექტივები გახსნათ.

მორიელი: დღეს არანაირ კომპრომისზე წასასვლელად არ ხართ მზად. თქვენი „დიახ“ ნიშნავს „დიახ“–ს და „არა“ – არას. მათ შორის სხვა არაფერი არსებობს. ასეთი უაპელაციო მცდელობა, რომ სამყარო შავ და თეთრ ფერებად დაყოთ, გარშემომყოფების მხრიდან აუცილებლად წინააღმდეგობას გამოიწვევს. დღეს ძალზე ემოციური და სიმართლისმოყვარული ბრძანდებით, ამიტომ ურთიერთობების გამორკვევის ნებისმიერი მცდელობა კამათით დამთავრდება. ეს რომ არ მოხდეს, უნდა გათავისუფლდეთ ილუზიისგან, რომ ვინმესთვის რამის დამტკიცებას შეძლებთ – ეს დღეს ნამდვილად არ გამოგივათ.

მშვილდოსანი: ექსპერტების მთავარი რჩევა დღეს ასეთია – არ იჩქაროთ არანაირი სერიოზული გადაწყვეტილების მიღება. სჯობს, დრო ინფორმაციის შეგროვებას დაუთმოთ. შესაძლოა, რაღაც ვერ გაითვალისწინეთ ან სათანადო ცნობები არ მოგეპოვებათ. შეცდომა არ დაუშვათ, დღეს ფაზლის ყველა დეტალი უნდა ააწყოთ: დაელაპარაკოთ საკითხის მცოდნე ადამიანებს, იპოვოთ პასუხები კითხვებზე, მოიძიოთ და ჩაუსხდეთ წიგნებს, შეისწავლოთ ფაქტები. მხოლოდ ამის შემდეგ შეგიძლიათ „ბრძოლის ველზე“ გასვლა.

თხის რქა: დიდი ალბათობით, მოგიწევთ საკუთარი შეხედულების გადახედვა რომელიმე ადამიანზე, რამე მოვლენაზე ან პრობლემაზე. ეს, შესაძლოა, საკუთარი სურვილის მიუხედავად გააკეთოთ, უბრალოდ, სიტუაციის გამო რაღაც ფაქტები შეიძლება ჩაგივარდეთ ხელში, რომელთა გათვალისწინებაც მოგიწევთ. ამან რომ მთელი დღე კალაპოტიდან არ ამოგაგდოთ, სჯობს, მოულოდნელობისთვის მზად იყოთ და აუცილებლობის შემთხვევაში რაღაც საკითხში მოქნილობა გამოავლინოთ.

მერწყული: დღეს გარშემომყოფებთან ურთიერთობებში, სავარაუდოდ, ძალიან გაჯიუტდებით. იმის გათვალისწინებით, რომ ძალზე ემოციური ხართ და ყველაფეი ადვილად გწყინთ, არ არის გასაკვირი, რომ ცხარე კონფლიქტების წყარო გახდეთ. ასტროლოგები გირჩევენ, დღეს თქვენთვის შეინახოთ ძვირფასი, „ერთადერთი სწორი“ მოსაზრება და მას ხმამაღლა გამოთქვამთ, მაშინ მზად იყავით, რომ კომპრომისზე წახვიდეთ და ბოდიშიც მოიხადოთ.

თევზები: ყველაფერი წესრიგში და სისუფთავეში უნდა იყოს – სულშიც, ფიქრებშიცა და მუშაობის მხრივაც. ყველაფერს ხედავთ და ამჩნევთ – სულ მცირე მტვრის ნაწილაკსაც კი და მთელი ძალით ცდილობთ დასუფთავებას. უმნიშვნელო არეულობას ან სიბინძურესაც კი გარშემომყოფების ნაკლოვანებების – მათი არაიდეალურად სუფთა საქციელისა და სიტყვების გამოვლენა შეუძლია. ნაკლებსავარაუდოა, რომ დღეს ვინმემ ან რამემ შეაკავოს თქვენი მისწრაფება, რომ პირდაპირ მიახალოთ სათქმელი სისუფთავის „დამრღვევს“.

1483
ტესტირება კორონავირუსზე

COVID-19 საქართველოში 25 იანვრის მონაცემები

0
ამ დროისათვის სულ გამოჯანმრთელდა 243.396  ადამიანი, გარდაიცვალა – 3.071, კარანტინის რეჟიმშია 515, სტაციონარებში ექიმების დაკვირვების ქვეშ 3.223პაციენტი, ხოლო კოვიდ–სასტუმროებში 402 ადამიანი იმყოფება

თბილისი, 25 იანვარი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და ინფიცირებულთა საერთო რიცხვმა 253.816-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 243.396  ადამიანი (ბოლო 24 საათში – 1.311), გარდაიცვალა – 3.071  (ბოლო 24 საათში – 16), კარანტინის რეჟიმშია 515, სტაციონარებში ექიმების დაკვირვების ქვეშ 3.223პაციენტი, ხოლო კოვიდ–სასტუმროებში 402 ადამიანი იმყოფება. 

ბოლო 24 საათში ჩატარდა 6.868 კვლევა ტესტით, მათ შორის ანტიგენის სწრაფი ტესტით – 2.686, PCR ტესტით – 4.182.

ბოლო 24 საათში ჩატარებული კვლევა ტესტით - 6868, მათ შორის ანტიგენის სწრაფი ტესტით - 2.686, PCR ტესტით - 4.182

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა

0
თემები:
კორონავირუსი საქართველოში: ბოლო ცნობები