ლიანდაგი

დღის ასტროპროგნოზი ზოდიაქოს ნიშნებისთვის: 10 იანვარი

1929
(განახლებულია 10:24 10.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 10 იანვარია, კვირა. კლებადი მთვარე მშვილდოსნის ნიშანშია. ამ დღეს პლანეტა მზე მფარველობს.

საკმაოდ ხელსაყრელია დღის პირველი ნახევარი. შეიძლება ახალი საქმეების დაწყება. განწყობა ოპტიმისტურია; იგრძნობთ ახლობლების მხარდაჭერას, რაც საკუთარი ძალების რწმენას გააორმაგებს. კარგი დროა საყიდლებზე წასვლისთვის, ნებისმიერი კოსმეტიკური პროცედურის ჩასატარებლად, სილამაზის სალონში სტუმრობისთვის.

2021 წლის მთავარი მიმოხილვა: როგორი იქნება ხარის წელიწადი აღმოსავლური ჰოროსკოპის მიხედვით>>

დღის მეორე ნახევარში არ არის გამორიცხული, რომ გაჩნდეს გაუმართლებელი იმედები და ზედმეტი ოპტიმიზმი. არ ღირს დაპირების გაცემა. ეცადეთ, ობიექტურად შეაფასოთ საკუთარი ძალები და შესაძლებლობები.

ვერძი: ძალიან დიდი რისკია იმისა, რომ დღეს ვინმეს თქვენს ნათქვამზე უზომოდ დიდი რეაგირება ჰქონდეს, ან თქვენ გქონდეთ სხვის ნათქვამზე რეაგირება. შეგიძლიათ, არ „დაამუხრუჭოთ“ თავი, რათა „აფეთქება“ შეაჩეროთ. თუ თავს შეიკავებთ, დაიბნევით და გააუფასურებთ იმ ინფორმაციას, რომლის მიწოდებაც გსურთ. იმოქმედეთ ისე, როგორც ჩვეულებრივ სიტუაციაში მოიქცეოდით და მიეცით ემოციებს გარეთ გამოსვლის საშუალება.

კურო: ამ ბოლო დროს სახლში გიწევთ ყოფნა, წინააღმდეგი არ ხართ, რომ გარკვეული „ტაიმ–აუტი“ აიღოთ და დრო საკუთარ თავთან გაატაროთ. მეგობრებთან ერთად დროის გატარებაზე უკეთესი იქნება, მყუდრო საღამოთი დატკბეთ სახლში. სჯობს, ყველა დანარჩენი გავიდეს სახლიდან და გაერთოს, თქვენ კი სიმშვიდესა და სიწყნარეში ყოფნის საშუალება მოგცენ.

ტყუპი: დღეს გუნდური მუშაობა თქვენგან დროის მკაფიო დაგეგმვასა და ძალების გადანაწილებას მოითხოვს. წინააღმდეგ შემთხვევაში „საწვავი“ შეიძლება იმაზე ადრე დაგიმთავრდეთ, სანამ დანიშნულების ადგილზე მიხვალთ. დარწმუნდით, რომ ყველას ესმის, რა ხდება და რა უნდა მოხდეს. თუ „საგზაო რუკა“ დეტალურად არ იქნება შედგენილი, შესაძლოა, ზოგიერთს გზა აებნეს. ამჟამად ადაპტაციის დიდი უნარი გაქვთ, ამიტომ თქვენ მოგიწევთ ყველასთვის მაგალითის მიცემა.

კირჩხიბი: დილიდანვე დიდი ენერგიით გაიღვიძებთ. თქვენ თავში აირევა ემოციები, იდეები, იმედები, რაც ფიზიკური ძალების მოზღვავებას განაპირობებს. ეს მთელი დღე გაგყვებათ. ხართ აქტიური, ამტანი, ეს კი დაგეხმარებათ, რომ ყველა დასახული ამოცანა სათანადო დონეზე შეასრულოთ.

ლომი: კარგი დღეა შეხვედრებისთვის. გარშემომყოფებზე სასიამოვნო შთაბეჭდილებას ახდენთ, ადვილად პოულობთ თანამოაზრეებსა და მოკავშირეებს. არანაირი გაუგებრობა არაა ხელმძღვანელობასთან და გავლენიან ადამიანებთან. ამბიციური ლომები შეძლებენ კარიერულ წინსვლას ან არსებული პროფესიული პოზიციების გამტკიცებას. უფრო ცუდადაა ვითარება პირად სფეროში. მოსალოდნელია კამათი, ჩხუბი ახლობელ ადამიანებთან, ამიტომ იფრთხილეთ.

ქალწული: დღეს გამუდმებით შემოგთავაზებენ დახმარებას, მაგრამ თუ არ გსურთ, შეგიძლიათ, უარი თქვათ. ერთადერთი, რასაც თავი უნდა აარიდოთ, ეს დახმარებაზე უარია იმის გამო, რომ გერიდებათ ან გრცხვენიათ. არ ღირს, რომ ხარისხი იმიჯის გამო მსხვერპლად შესწიროთ – ეს დროის ფუჭი კარგვაა. მაგრამ თუ გრძნობთ, რომ დაწყებულის გაგრძელება შეგიძლიათ, მაშინ თავაზიანად თქვით უარი შემოთავაზებულ დახმარებაზე.

სასწორი: გახადეთ თქვენი სამყარო ლამაზი. შემოიკრიბეთ ირგვლივ ადამიანები, რომლებიც ამაში დაგეხმარებიან. თუ ამას ვერ მოახერხებთ, მაშინ თვითონ იზრუნეთ იმის გალამაზებაზე, რაც თქვენ გარშემოა. მოაგროვეთ და გადაყარეთ ნაგავი, დაალაგეთ სახლი, თუ ეზო გაქვთ, მოაწესრიგეთ ის, შეღებეთ ღობე... შესანიშნავი დღეა ურთიერთობებისთვის. არ არის გამორიცხული ახალი რომანტიკული კავშირის დაწყება.

მორიელი: დღეს კარგი იქნება, თუ ბუნებაში გახვალთ და მისი სილამაზით დატკბებით, თუნდაც ამინდი არ იყოს ამისთვის ხელსაყრელი. ასე მნიშვნელოვნად გაიუმჯობესებთ განწყობას, გაზრდით ენერგიულობას. არემარის შესწავლით გაიფართოებთ ცნობიერებას და შემოქმედებით მისწრაფებებს გაიაქტიურებთ. ღია სივრცე შესანიშნავია ახალი იდეების ძებნისთვის.

მშვილდოსანი: ერთია მოქნილობა და დიპლომატიურობა და მეორე – მისცეთ ვინმეს ნება, თქვენი სიკეთით ისარგებლოს. თუ გაგიჩნდათ გრძნობა, რომ თქვენზე „ფეხს იწმენდენ“, ხმა უნდა ამოიღოთ. ხანდახან პატივისცემა უნდა მოითხოვოთ. იქნებ, ამის გაკეთება საჯაროდ გერიდებათ? ასეთ შემთხვევაში სულაც არაა საჭირო, ხმას აუმაღლოთ და სცენა მოაწყოთ. სულ რამდენიმე ჩუმად ნათქვამი სიტყვა თავისას გააკეთებს – აჩვენეთ, რომ მოწიფული ადამიანი ხართ.

თხის რქა: თუ დღეს თქვენ გარშემო მყოფებს ძალზე ემოციური რეაგირება ექნებათ არასასიამოვნო სიტუაციაზე, ნუ მიბაძავთ მათ მაგალითს, რაც არ უნდა მართალი იყვნენ ისინი. თუ იყვირებთ, ამით სტრესს ვერ მოიხსნით, მხოლოდ გაზრდით დაძაბულობას. გაითვალისწინეთ თქვენი როლი თითოეული საუბრის დროს და ეცადეთ, ხელი შეუწყოთ ურთიერთპატივისცემის განვითარებას. დღეს ამ ყველაფერზე მაღლა უნდა იდგეთ.

მერწყული: მრავალფეროვანი და საინტერესო დღე გელოდებათ, თუმცა – არა ნაყოფიერი. გსურთ საქმეების გადადება, თავს უარს არ ეუბნებით პატარ–პატარა სასიამოვნო რაღაცებზე. შეიძლება სამომავლო გეგმების დაწყობა. ყველა იდეა სწრაფად არ იქნება რეალიზებული, მაგრამ მოთმინებით ყველაფერს მიაღწევთ. აუცილებლად გამონახეთ დრო დასვენებისთვის.

თევზები: ამჟამად თქვენი ცხოვრება, შესაძლოა, სანახაობრივ საოპერო სპექტაკლად გადაიქცეს. და რატომ არ უნდა შეასრულოთ თქვენი „არია“? იცხოვრეთ მთელი სისავსით – ეს მშვენიერი საშუალებაა, აჩვენოთ ადამიანებს, ვინ ხართ და რას წარმოადგენთ. ძალზე ნაყოფიერი ცხოვრებისეული პერიოდი გიდგათ, მაგრამ პირველი ნაბიჯის გადადგმა თავად მოგიწევთ. მალე აპლოდისმენტებს დაიმსახურებთ.

1929
თბილისი

დღის ასტროპროგნოზი ზოდიაქოს ნიშნებისთვის: 19 იანვარი

44
(განახლებულია 10:19 18.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 19 იანვარია, სამშაბათი. მზარდი მთვარე ვერძის ნიშანშია. ამ დღეს პლანეტა მარსი მფარველობს.

დღეს გაჩნდება მისწრაფება, რომ დაივიწყოთ შაბლონები, ჩარჩოები და ნებისმიერ საკითხს შემოქმედებითად მოეკიდოთ. ამის წყალობით საქმიანობა შეიძლება ძალიან გაიოლდეს, მაგრამ მოდუნება არ შეიძლება – ეს მისწრაფება ერთ–ორ დღეში გაქრება, ამიტომ ამ დღეს აჯობებს, რომ ყველაზე მნიშვნელოვანი გააკეთოთ.

დაბადების დღე და მისი გავლენა ქალის ხასიათზე>>

ვერძი: დღე ზედმეტი ძალისხმევის გარეშეც იღბლიანად ჩაივლის. ეს ის იშვიათი დრო იქნება, როდესაც თქვენი შესაძლებლობები და სურვილები ერთმანეთს დაემთხვევა. არ არის გამორიცხული, რომ  სასიამოვნო სიურპრიზები, რომანტიკული შეხვედრები, მოულოდნელად შემოსული თანხა. თუ რამე დიდი პროექტის დაწყებას ან საპასუხისმგებლო საუბარს აპირებთ – სწორედაც რომ დროა. აქტიური მოქმედებების დღეა.

კურო: არცთუ საუკეთესო დღეა სწავლის, გონებრივი მუშაობისა და დაგეგმვისთვის – შეცდომების დაშვების დიდი ალბათობაა. და თუ მაინც მოგიწიათ გონებრივი მუშაობა, სჯობს, გარკვეულ დრომდე არავის აჩვენოთ შრომის შედეგები, ასევე არ ეცადოთ გეგმების განხორციელება – დიდი ალბათობით, ეს გეგმები რეალობისგან ძალიან შორსაა და მათზე ჯერ კიდევ მუშაობაა საჭირო.

ტყუპი: დღეს, ფაქტობრივად, არაფრის კეთება არ დაგჭირდებათ, რომ გარშემომყოფების სიმპათია და კარგი დამოკიდებულება მოიპოვოთ – ისინი ისედაც თქვენ მხარეს იქნებიან. სამუშაოზეც, ბიზნესშიც, მეგობრობაშიცა და სიყვარულშიც თქვენზე დიდი მოთხოვნილება იქნება. დღე მიუძღვენით ახალ კონტაქტებს, კოლექტივში შერწყმას, ვინმესგან მხარდაჭერის გარანტიის მიღებას. თქვებნი იდეები დღეს მიმზიდველი, ხოლო სიტყვები დამაჯერებელი იქნება, ასე რომ, გქონდეთ საჭირო შედეგის იმედი.

კირჩხიბი: დღეს საუკეთესო დღეა იმისთვის, რომ მოიფიქროთ ყველაზე რთული ამოცანბი და სამომავლო გეგმები დააწყოთ. პროექტების რეალიზაცია კი სჯობს გადადოთ, ამიტომ მნიშვნელოვანი საქმეების გაკეთება დღეს არ ღირს. დღეს მომატებული გექნებათ ანალიზის უნარი, ამიტომ შეგიძლიათ რთული სქემების აწყობა, ნებისმიერი პრობლემის გადაჭრის გზის მოძებნა, თქვენი ამ დღეს შედგენილი გეგმები მომავალში ძალზე საფუძვლიანი და საიმედო იქნება.

ლომი: დღეს წარმატებას ნებისმიერ საქმეში გარშემომყოფებთან თანამშრომლობა მოგიტანთ. პრინციპში, დამოუკიდებლადაც შეგიძლიათ მოქმედება, თუმცა საუკეთესო შედეგს სწორედ გუნდთან ერთად მუშაობა მოგიტანთ. ზოგადად, დღეს პოზიტივი სწორედ ირგვლივ მყოფი ადამიანებისგან წამოვა. არ არის გამორიცხული, რომ ვინმემ საინტერესო აზრი მოგაწოდოთ, კარგი რჩევა მოგცეთ, ან, უბრალოდ, სასიამოვნო სიახლე გაცნობოთ.

ქალწული: დღეს წარმატებები გელოდებათ საქმიანობაში, მაგრამ ამაში „დამნაშავე“ ბრმა იღბალი სულაც არ იქნება. ვარსკვლავები მოგანიჭებენ განსაკუთრებულ სიმტკიცეს, აქტიურობას და კიდევ ბევრ სხვა კარგ თვისებას, რომელთა წაყლობითაც ადვილად გადალახავთ დაბრკოლებებს და ნებისმიერი სირთულის საქმეს შეეჭიდებით. მთავარი კი ისაა, რომ ზუსტად გეცოდინებათ პასუხი ორ კითხვაზე: რა უნდა გააკეთოთ და როგორ.

სასწორი: ვარსკვლავები გაფრთხილებენ, რომ დღეს თქვენსა და თქვენს გეგმებს შორის, შესაძლოა, დაბრკოლებები აღიმართოს. პრობლემები შეიძლება შეიქმნას იქაც კი, სადაც ეს ყველაზე ნაკლებად არის მოსალოდნელი; ან უკვე გადაწყვეტილი საქმე ისე შემობრუნდეს, რომ ახალი ძალისხმევით დაგჭირდეთ მისი გაკეთება. ეს არ ნიშნავს, რომ თქვენი გეგმები ჩავარდა, უბრალოდ, ნებისმიერ ამოცანაზე ჩვეულებრივზე მეტი დროის დახარჯვა მოგიწევთ.

მორიელი: თუ დღეს რამე არ გამოგივათ, დამნაშავე მხოლოდ თქვენ იქნებით. დღე კარგ შესაძლებლობებს მოგანიჭებთ, თუმცა თქვენ, შესაძლოა, ეს შანსები არ გამოიყენოთ. გარდა ამისა, არის ალბათობა, რომ წარსულის შეცდომა გაიმეოროთ. დღე რომ პროდუქტიული იყოს, არ უნდა მოდუნდეთ. წარმატების გარანტი ყურადღება, ენერგიულობა და პოზიტიური განწყობაა.

მშვილდოსანი: დღეს დიპლომატიურობის უდიდეს ნიჭს გამოავლენთ და საერთო ენის გამონახვას ყველასთან შეძლებთ – კოლეგებთან, მეგობრებთან, ხელმძღვანელებთან უცნობებთანაც კი. თუ ვინმესთან რამე სათქმელი დაგიგროვდათ, არ გადადოთ საუბარი დელიკატურ თემებზე. ზუსტად შეძლებთ საკუთარი გრძნობებისა და აზრების გადაცემას, გაქვთ შანსი, რომ სწორად გაგიგებენ.

თხის რქა: ძალიან გაგიჭირდებათ ნებისმიერი საქმის ბოლომდე მიყვანა, თუმცა კიდევ უფრო რთული იქნება საქმეების დაწყება – დღეს მოდუნებული და გონებაგაფანტული ხართ. თუ საქმე თქვენს ჩარევას მოითხოვს, ის შეიძლება უსასრულობამდე გააჭიანუროთ. ჩვეულებრივი, ყოველდღიური საქმეებიც კი უსარგებლოდ მოგეჩვენებათ. რას ვიზამთ, ადამიანის ორგანიზმის მარაგი ამოუწურავი არ არის, ამიტომ ექსპერტები გირჩევენ, კარგად დაისვენოთ და აღიდგინოთ როგორც ფიზიკური, ისე სულიერი ძალები.

მერწყული: დღეს საქმეების მიმდინარეობით ფრიად კმაყოფილი იქნებით – მოვლენები ისე განვითარდება, როგორც თქვენ გეგმავდით. ასევე არ არის გამორიცხული ბედის სიურპრიზები, მაგალითად, მოულოდნელი პრემიის მიღება, იღბლიანი შენაძენი, სასიამოვნო ნაცნობობა, ქათინაური. მოკლედ, დღეს ცხოვრებაზე საწუწუნო არაფერი გექნებათ, გამოასხივებთ პოზიტივის და ირგვლივ მყოფებს თქვენს კარგ განწყობას გაუზიარებთ.

თევზები: ვარსკვლავები დღეს გაფრთხილებენ, რომ, შესაძლოა, რამე საკითხის გადაწყვეტისას ცოდნა ან გამოცდილება არ გეყოთ. ეს შეიძლება შეეხებოდეს როგორც სამუშაოს, ისე პირად ცხოვრებას, ადამიანებთან ურთიერთობებს. თუ ამას არ აღიარებთ, შეცდომების დაშვებით რისკავთ. ერთადერთი სწორი გზა გარშემომყოფებისთვის რჩევის კითხვაა. სამუშაო გარემოში რჩევა საქმის სპეციალისტს, ხოლო პირად ცხოვრებაში გამოცდილ მეგობარს ჰკითხეთ.

44
ბანანის პური ქიშმიშით და მზესუმზირის მარცვლებით

რატომ არ უნდა ამოიღოთ რაციონიდან პური წონაში დაკლების მიზნით: გპასუხობთ ცნობილი დიეტოლოგი

147
(განახლებულია 21:32 18.01.2021)
რით არის კარგი პური და ღირს თუ არა მისი რაციონიდან ამოღება წონის დაკლების მიზნით, ამ და სხვა საინტერესო კითხვებზე ექიმი-დიეტოლოგი ტატიანა რაზუმოვსკაია იძლევა პასუხებს.

პური სხვადასხვაგვარია. მთელმარცვლოვანი პური — ეს არის უჯრედისი, В ჯგუფის ვიტამინები (მაგალითად, B1, B6, რომლებიც ნერვული და გულ-სისხლძარღვთა სისტემის მუშაობის ნორმალიზებას განაპირობებს), ასევე კალიუმი, კალციუმი, მაგნიუმი, ფტორი და სხვა მინერალური ნივთიერებები. ეს ნივთიერებები ძირითადად მარცვლეულის გარსში შედის. ამიტომ ჯანმრთელობისთვის პურის სარგებელი დამოკიდებულია არა იმდენად მარცვალზე, რამდენადაც მისი დაფქვის სახეობაზე.

რაც უფრო წვრილად არის მარცვალი დაფქვილი, მით ნაკლებია მისი ღირებულება. მაგალითად, რაფინირებული ფქვილის პურში 0,05 მილიგრამი რკინაა, ხოლო მთელმარცვლოვან პურში — 4,9 მილიგრამი. განსხვავება ასჯერ მეტია. გამოდის, რომ თუ წვრილად დაფქული ხორბლის მარცვლის პურზე იტყვით უარს, მაშინ ორგანიზმი, დიდი ალბათობით, ვერც კი შეამჩნევს სასარგებლო ნივთიერებების დაკარგვას. აი მთელმარცვლოვან პურზე უარის თქმა კი დიდ სარგებელს არ მოგიტანთ.

წონაში დაიკლებთ, თუ...

პურის კალორიულობა საშუალოდ 250-300 კილოკალორიაა 100 გრამზე. ეს არც ისე ბევრია, თუმცა წვრილად დაფქულ ხორბლის პურს მაღალი გლიკემიური ინდექსი აქვს — 85-90. შედარებისთვის: რძიანი შოკოლადისა და შოკოლადის „ბატონების“  ინდექსი დაახლოებით 70-ია, ხოლო ჭვავის პურის ინდექსი — 50-40. ზოგადად, 70-ზე ზემოთ რიცხვი მაღალ მაჩვენებლად მიიჩნევა, 55-ზე ნაკლები კი — დაბალ მაჩვენებლად.

„როდესაც თეთრ პურს მიირთმევთ, ხდება ინსულინის ძლიერი გამოტყორცნა: სისხლში შაქარი მკვეთრად იზრდება, შემდეგ ისევ მკვეთრად ეცემა და სწრაფად გრძნობთ შიმშილს. ამრიგად, ასტიმულირებს რა მადას, წვრილად დაფქული ხორბლის მარცვლის პური ირიბად მოქმედებს წონაში მატებაზე. თუ დიდხანს ზიხართ და ცოტას მოძრაობთ, უმჯობესია ეს პროდუქტი მენიუდან საერთოდ ამოიღოთ“, — ამბობს დიეტოლოგი.

რაც შეეხება მთელმარცვლოვან პურს, გამომდინარე იქიდან, რომ დიდი რაოდენობით უჯრედისს შეიცავს, რომელიც შიმშილის შეგრძნებას აქრობს, ის, პირიქით, შეიძლება დიეტაზე მყოფმაც მიირთვას.

ამასთან თუ მთელმარცვლოვან პურს რაციონიდან ამოიღებთ:

გაუარესდება ნერვული სისტემის მდგომარეობა

100 გრამი მთელმარცვლოვანი პური არის ვიტამინ B1-ის ყოველდღიური ნორმის თითქმის ნახევარი (დღე-ღამეში 1,1-1,2 მილიგრამი). თუ ვიტამინი საკმარისი არ არის, ადამიანი ხდება გაღიზიანებული, სწრაფად იღლება და კუნთების სისუსტე უვითარდება.

ამასთან პური შეიცავს უამრავ სხვა ვიტამინს, მაგალითად: PP-ს (ნიაცინი), რომელიც პასუხისმგებელია თავის ტვინის მუშაობაზე, და ასევე ვიტამინ B2-ს, რომლის ნაკლებობაც უძილობის პროვოცირებას იწვევს.

მოგაკლდებათ ენერგია 

„მთელმარცვლოვან პურში არის ვიტამინი B9 (ფოლიუმის მჟავა), რომელიც იმუნიტეტისთვის შეუცვლელია. ის გავლენას ახდენს ნერვულ სისტემაზე, იმაზე, თუ როგორ განახლდება ორგანიზმის უჯრედები და, შედეგად, ენერგიის საერთო დონე“, — ამბობს ტატიანა რაზუმოვსკაია.

იმ შემთხვევაში, თუ გსურთ რაციონიდან პურის ამოღება, შეცვალეთ ის ნელი ნახშირწყლებით — ხორბლის მაგარი ჯიშების მაკარონით, წიწიბურის, ბრინჯის, ქერის ფაფებით.

ნაწლავები უარესად იმუშავებს

მთელმარცვლოვან პურში ბევრია საკვები ბოჭკო, ამიტომ დიდი რაოდენობით მისმა ჭამამ ​​შეიძლება შებერილობა და მეტეორიზმი გამოიწვიოს. მაგრამ თუ პურს ზომიერად მიირთმევთ (100 გრამ მთელმარცვლოვან პურში დაახლოებით 7,4 გრამი საკვები ბოჭკოა), პირიქით, ეს საჭმლის მონელებაში დაგეხმარებათ.

წვრილად დაფქული მარცვლეულის თეთრი პური კი, პირიქით, შეკრულობას იწვევს, განსაკუთრებით ხანდაზმულ ასაკში. ხოლო თუ ნაწლავების პრობლემები არსებობს, უმჯობესია მენიუდან ამოიღოთ.

ამასთან, დიეტოლოგის თქმით, უნდა გვახსოვდეს, რომ: წვრილად დაფქული თეთრი პური — ეს სწრაფი ნახშირწყლებია, რაც ენერგიას უზრუნველყოფს ორგანიზმში. ამიტომ თუ სპორტით ხართ დაკავებული, მაშინ თეთრი პურის პატარა ნაჭერი (რა თქმა უნდა, კარაქის გარეშე) შეგიძლიათ ვარჯიშამდე 30-40 წუთით ადრე მიირთვათ.

 

147
თემები:
ექიმი გირჩევთ