ტელევიზორი

ახალი მინი-სერიალები, რომლებიც ახალი წლის არდადეგებზე უნდა ნახოთ

365
(განახლებულია 20:26 04.01.2021)
შესანიშნავი იქნებოდა, ახალ წელს სადმე თოვლში ჩაფლულ კურორტზე, სათხილამურო ტრასაზე ან მეგობრებთან ერთად შევხვედროდით. მაგრამ პანდემიამ ჩვენი გეგმები თავდაყირა დააყენა და თითქმის ერთი წელია სახლებში გამოგვკეტა.

როგორც იქნა, გრძელი და დამღლელი 2020 წელი გავისტუმრეთ და აღმოვაჩინეთ, რომ წლის ერთ-ერთი ნამდვილი გმირი ტელევიზორი ყოფილა. მართლაც, თითქმის ერთწლიანი კარანტინის დროს ტელევიზორმა შეუფასებელი მეგობრობა და სამსახური გაგვიწია და თავზესაყრელი დროის გაყვანაში მშვენივრად მოგვეხმარა.

თამამად შეიძლება ითქვას, რომ 2020 წელი პანდემიასთან ერთად სერიალების წელიც იყო – სატელევიზიო შოუები მილიონობით სახლში გამოკეტილი ადამიანის ყოველდღიურობის განუყრელი ნაწილი გახდა.

დღევანდელ სტატიაშიც ვეცდებით შემოგთავაზოთ სულ ახალი, 2020 წლის ყველაზე გახმაურებული და საინტერესო მინი-სერიალები, რათა ახალი წლის დღეებში სახლში ყოფნა ცოტა მაინც გაგიხალისოთ.

1. ლაზიერის გამბიტი  - (The Queen’s Gambit) IMDB 8.7 – Netflix

ნეტფლიქსის ახალი, შვიდი ეპიზოდისგან შემდგარი მინი-სერიალი, რომელმაც გამოსვლიდან მალევე მოიპოვა მაყურებლის სიყვარული. მეტიც, The Queen’s Gambit-მა ნეტფლიქსის ყველაზე პოპულარული მინი-სერიალის სტატუსიც დაიმსახურა. 

„ლაზიერის გამბიტი“ ჭადრაკის ვუნდერკინდი ობოლი გოგონას ცხოვრების შესახებ მოგვითხრობს. ბეთ ჰარმონი 8 წლის ასაკში აღმოაჩენს, რომ ჭადრაკის თამაში ბევრ სხვა პროფესიონალზე უკეთ გამოსდის. გოგონა იზრდება და სულ უფრო ძლიერი მოთამაშე ხდება. თავისი ნიჭით ის მალე ჭადრაკის სამყაროს სრულიად იპყრობს. სერიალმა შეიძლება იმიტომაც დაგაინტერესოთ, რომ ერთ-ერთ სცენაში მისმა პერსონაჟებმა ქართველი მოჭადრაკე ნონა გაფრინდაშვილიც გაიხსენეს. 

მინი-სერიალის წარმატებამ ჭადრაკის მიმართ ინტერესი გაზარდა. Google-ში ჭადრაკზე ინფორმაციის მოძიების სიხშირე გაორმაგდა, eBay-ზე ჭადრაკის ნაკრებებზე მოთხოვნა 250%-ით გაიზარდა, ხოლო Chess.com-ზე (ჭადრაკის ერთ-ერთ ყველაზე დიდ ონლაინ სივრცე) ახალი მოთამაშეების რაოდენობა ხუთჯერ გაიზარდა.

2. ჩვეულებრივი ადამიანები - (Normal People) IMDB – 8.5  BBC

12 ეპიზოდისგან შემდგარი სატელევიზიო შოუ მარიანასა და კონელის შესახებ, რომლებიც სხვადასხვა სოციალურ ფენას მიეკუთნებიან, თუმცა ირლანდიის ერთ პატარა ქალაქში ცხოვრობენ და მათი გზებიც იკვეთება. ყველაზე საინტერესო ამბებიც აქედან იწყება.

მოკლედ, თუ საღამოობით სასიამოვნო განტვირთვა და რამდენიმე ცრემლის გადმოგდებაც გინდათ, 2020 წლის ბრიტანული სერიალი Normal People თქვენთვისაა.

3. უცხო (The Outsider) IMDB – 7.8 HBO

10 ეპიზოდისგან შემდგარი სატელევიზიო შოუ სტივენ კინგის ამავე სახელწოდების მისტიკური რომანის მიხედვითაა გადაღებული. მოვლენები გამოგონილ ქალაქში ვითარდება, სადაც ტრაგედია მოხდება - 11 წლის ბიჭს სასტიკად კლავენ. თითქოს ყველაფერი სტანდარტული გამოძიებით იწყება, მაგრამ რა სტივენ კინგი იქნებოდა, თუ სიუჟეტს ზებუნებრივ ელემენტებსაც არ დაამატებდა მეტი სიმძაფრისთვის.

შემაძრწუნებელი და მძაფრი სიუჟეტის გარდა, აუცილებლად შეამჩნევთ მსახიობების ბრწყინვალე შესრულებას, რაც სერიალს, სავარაუდოდ, არაერთ ჯილდოს მოუტანს. მოკლედ, ჩაუჯექით და ისიამოვნეთ წლის ერთ-ერთი პრექტიჟული დრამით.

4. შემიძლია გაგანადგურო (I May Destroy You) IMDB – 8.1 HBO, BBC

12 ეპიზოდისგან შემდგარი ბრიტანული მინი-სერიალის მთავარი გმირი მწერალი არაბელია, რომელიც გაუპატიურების მსხვერპლი ხდება. შოუ მთავარი როლის შემსრულებლის მიქაელა კოელის პირად გამოცდილებას ეფუძნება.

სატელევიზიო შოუ სექსუალურ კავშირამდე თანხმობის მნიშვნელობასა და მსახიობის მძიმე რეალურ გამოცდილებაზე ფარულად გვიყვება – მთავარი პერსონაჟი აღმოაჩენს, რომ წინა ღამით სასმელში ნარკოტიკი გაურიეს, შემდეგ კი მასზე სექსუალურად იძალადეს. 

5. შემქმნელები (Devs) IMDB – 7.7

8 ეპიზოდისგან შემდგარი დრამატული სამეცნიერო-ფანტასტიკური ჟანრის სერიალი, რომელიც ინჟინერ-პროგრამისტის შესახებ მოგვითხრობს. ლილი ჩანი ერთ-ერთ პრესტიჟულ ტექნოლოგიურ კომპანიაში მუშაობს. მისი მეგობარი ბიჭი მოულოდნელად გაუჩინარდება. ლილი ეჭვობს, რომ მეგობრის გაუჩინარებაში სწორედ ეს კომპანიაა დამნაშავე.

დამნაშავის ძიებაში ლილი საიდუმლო განყოფილებას გადააწყდება და საინტერესო მოვლენებიც იწყება.

მიუხედავად იმისა, რომ ამ სამეცნიერო ფანტასტიკამ ზოგი შეიძლება შეაძრწუნოს და დააბნიოს, შოუ მაყურებელს გზავნის რთულ, მაგრამ ლამაზ ლაბირინთში. ასე რომ, მას თამამად შეიძლება ვუწოდოთ ერთ-ერთი საინტერესო და თავსატეხი მინი-სერიალი.

6. ქალბატონი ამერიკა (Mrs America) IMDB- 7.9

9 ეპიზოდისგან შემდგარი სატელევიზიო შოუ კონსერვატორი აქტივისტის ფილის შლეფლაის მოულოდნელ კამპანიაზე გვიყვება. ის იმ კორპორაციას უპირისპირდება, რომელიც ქალებისთვის თანაბარ უფლებებს ითხოვს. 

გახმაურებულ მინი-სერიალში მთავარ როლებს სახელგანთქმული კეიტ ბლანშეტი და „ამერიკული საშინელებათა ისტორიის“ ვარსკვლავი სარა პოლსონი თამაშობენ. ეს კიდევ ერთი სერიალია, რომლის ყურებაც ნამდვილად ღირს.

 

7. ბორტგამცილებელი (The Flight Attendant) IMDB – 7.2 HBO

შესანიშნავი ამერიკული მინი-სერიალი „ბორტგამცილებელი“ 9 ეპიზოდისგან შედგება და სტიუარდესა კასანდრა ბოუდენზე გვიყვება.

კასანდრა დუბაიში, სასტუმროს ოთახში წინა ღამის გართობის შემდეგ მიცვალებულის გვერდით იღვიძებს. მას არ ახსოვს წინა ღამის მოვლენები და შიშობს, რომ შეიძლება იყოს მკვლელი. კასანდრას პოლიციის გამოძახების ეშინია და დილას ისე აგრძელებს, თითქოს არაფერი მომხდარა. ნიუ-იორკში კი მას FBI-ს აგენტები ხვდებიან, რომლებიც ეჭვქვეშ აყენებენ მის ბოლო ვიზიტს დუბაიში.

ეს მინი-სერიალი ადვილად იპყრობს მაყურებლის გულს და საიდუმლოებით მოცული მკვლელობების მოყვარულთათვის საყვარელი შოუ ხდება.

8. დიადი (The Great) IMDB – 8.1. HULU

11 ეპიზოდისგან შემდგარი სერიალი „დიადი“ კიდევ ერთი ძლიერი პერსონაჟი ქალის ირგვლივ ვითარდება, რომელიც მე-18 საუკუნის ავსტრიაში ცხოვრობს. 

დიდგვაროვან კატერინას პირად ბედნიერებასა და სამეფოს მომავალს შორის არჩევანის გაკეთება უწევს. ამ ისტორიის ყველაზე საინტერესო ნაწილი კი სწორედ მაშინ იწყება, როდესაც ის ცოლად რუსეთის იმპერატორს მიჰყვება. 

9. ვიცი, რომ ეს სიმართლეა (I Know This Much Is True) IMDB- 8.2  HBO

სულ რაღაც 6 ეპიზოდისგან შემდგარი მინი-სერიალი დომინიკ ბირდზე გვიყვება, რომელიც თავის შიზოფრენიკ ტყუპისცალ ძმასთან დაძაბული ურთიერთობის გამოსწორებას ცდილობს.

შესანიშნავი მარკ რუფალო ასევე შესანიშნავად თამაშობს ორმაგ როლს და იდენტურ ტყუპ ძმებს ანსახიერებს. წლის ერთ-ერთი გამორჩეული სერიალი გულგრილს ნამდვილად არ დაგტოვებთ.

10. განადგურება (The Undoing) IMDB – 7.5 HBO

6 ეპიზოდისგან შემდგარი მინი-სერიალის სიუჟეტი აუცილებლად ჩაგითრევთ. გრეის საქსი ისეთი ცხოვრებით ცხოვრობს, როგორსაც ნატრობდა: წარმატებული თერაპევტია, ჰყავს ერთგული მეუღლე და პატარა ბიჭუნა, რომელიც ნიუ-იორკის ერთ-ერთ ელიტარულ სკოლაში დადის.

ერთი ღამის განმავლობაში კი გრეისს მრავალი უბედურება დაატყდება თავს და მისი ცხოვრება ინგრევა. უბედურების პირისპირ დარჩენილი და უძლურების გამო სასოწარკვეთილებაში ჩავარდნილი ქალი ცდილობს ერთი ცხოვრება დაანგრიოს და მეორე შექმნას თავისთვის და ბავშვისთვის.

სერიალში მთავარ როლებს ასრულებენ ისეთი მძიმეწონიანი მსახიობები, როგორებიც არიან ნიკოლ კიდმანი და ჰიუ გრანტი.

ბედნიერ შობა-ახალ წელს გისურვებთ!

 

 

365
საქართველოს ზამთრის პეიზაჟები

დღის ასტროპროგნოზი ზოდიაქოს ნიშნებისთვის: 25 იანვარი

272
(განახლებულია 10:39 25.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 25 იანვარია, ორშაბათი. მზარდი მთვარე ტყუპის ნიშანშია. ამ დღეს პლანეტა მთვარე მფარველობს.

დღეს ადამიანების უმრავლესობას ისეთი განწყობა შეექმნება, რომ სულ უბრალო ცხოვრებისეული მოვლენებისგან უსაზღვრო სიხარულს მიიღებს და პოზიტიური ენერგიით დაიმუხტება. გასეირნება ბუნებაში, სუფთა ჰაერზე, ფინჯანი ყავა ან ჩაი მეგობრებთან ერთად, გემრიელი საჭმელი – ეს ყოველივე იმდენ პოზიტიურ ემოციას მოგიტანთ, რამდენსაც რომელიმე ეგზოტიკურ ქვეყანაში მოგზაურობა მოგანიჭებდათ. ამ დღეს არ ღირს სერიოზულ გეგმებზე ფიქრი, რადგან დიდია ალბათობა, სასურველი რეალობად აღიქვათ. სამაგიეროდ, იდეალური დღეა რომანტიკისა და სიყვარულისთვის.

სიყვარული თეთრი ხარის ეგიდით – რა ელოდება ზოდიაქოს ნიშნებს 2021 წელს სასიყვარულო ასპარეზზე>>

ვერძი: განწყობის ნატამალიც კი არ გაქვთ იმისა, რომ რამე გააანალიზოთ ან დეტალებს ჩაუღმავდეთ. მზად ხართ, გადაწყვეტილებები დაუფიქრებლად მიღოთ და გულისძახილს მიჰყვეთ. თუმცა, ვარსკვლავები გაფრთხილებენ, რომ ინტუიციაზე დაყრდნობა დღეს არ ივარგებს. წინათგრძნობა მცდარი აღმოჩნდება და მათზე დაფიძნებული გადაწყვეტილება – არასწორი. შესაძლო გართულებებისა და უსიამოვნებების თავიდან ასაცილებლად, სჯობს, გადაწყვეტილებები ცხელ გულზე არ მიიღოთ.

კურო: დღეს ძალიან უნდა იფრთხილოთ, განსაკუთრებით სარისკო და ავანტიურულ პროექტებთან დაკავშირებით. იღბალზე მინდობა არ შეიძლება, არის დამანგრეველი კრახის საფრთხე. ასე რომ, თუ ფიქრობთ, რომ იღბალი თვითონ ჩაგივარდათ ხელში, იცოდეთ, რომ ეს მხოლოდ მოჩვენებითია და არავითარ შემთხვევაში არ უნდა გარისკოთ. გონივრული იქნება დროის მოგება და პროექტის სამომავლოდ გადადება: მალე სიტუაცია ცხადი გახდება და მიხვდებით, როგორ უნდა იმოქმედოთ.

ტყუპი: ისეთი ენთუზიაზმით ხართ სავსე, რომ უკუშედეგი შეიძლება მიიღოთ. იმის ნაცვლად, რომ წინ წახვიდეთ, გულმოდგინე „სწრაფვით, მგნებარებითა და გარღვევებით“ გარშემომყოფები შეიძლება გააღიზიანოთ და ეს ყველა წამოწყებას დაამუხრუჭებს. მსგავსი რამ რომ არ მოხდეს, სჯობს, დაზოგოთ ძალები და აქცენტი ახლობელ ადამიანებთან ურთიერთობებზე გადაიტანოთ. ხოლო თუ ვითარება თქვენს აქტიურობას მოითხოვს, ეცადეთ, ზედმეტი ენთუზიაზმი და გატაცება არ გამოავლინოთ.

კირჩხიბი: დღეს ასტროლოგები მოდუნებასა და კარგად დასვენებას გირჩევენ. ეს აუცილებელია, რათა აღიდგინოთ ენერგია და სასიცოცხლო ძალები. ერთი კია – ირგვლივ მყოფების გაგების იმედი არ უნდა გქონდეთ, ამიტომ აჯობს, მოქმედების იმიტაციაზე იფიქროთ ისე, რომ არ დააზარალოთ არც საკუთარი თავი და არც სხვები. შესაძლოა, საკუთარი მოვალეობების ნაწილი სხვებს გადააბაროთ, ზოგიერთი სამომავლოდ გადადოთ. მთავარია, ამან არ დაგამძიმოთ – სულ მალე ამ საქმეებს ახალი შემართებითა და ძალებით შეუდგებით.

ლომი: დღეს კარგი „შეჯანჯღარება“ გჭირდებათ. ისეთი შთაბეჭდილება რჩება, თითქოს ყველაფერი სულერთია. სინამდვილეში კი თქვენი ემოციები რუტინამ ჩაახშო და თუ ყოველდღიურ ყოფაში მრავალფეროვნების შეტანას შეძლებთ, ჩამქრალ ენთიაზიაზმს გააცოცხლებთ. დაფიქრიდით, იქნებ ღირს, დროებით გადადოთ საქმეები და ქალაქგარეთ გახვიდეთ დასასვენებლად. ან პირიქით – ახალ პერსპექტიულ პროექტს შეეჭიდოთ, თუნდაც ეს პერსპექტივა ბოლომდე გამოკვეთილი არ იყოს. თქვენი გადასაწყვეტია, ვარსკვლავების აზრით კი დღეს ცოტაოდენი ავანტიურა არ გაწყენდათ.

ქალწული: დღეს ნებისმიერი რამ, რისი მამოძრავებელი ძალაც თქვენ ხართ, შეიძლება ჩავარდეს. და თუმცა ეს ჩავარდნები წვრილმანებს შეეხება, თქვენს ყურადღებას მთლიანად დაიპყრობს და აზროვნების კონცენტრირებაში შეგიშლით ხელს. შედეგად გაგიჭირდებათ კარგი შედეგებით თავის წარმოჩენა. სხვათა შორის, გარშემომყოფები და ხელმძღვანელობაც კი თქვენგან რამე სახის გმირობას არც ელოდება შექმნილი საერთო პრობლემების ფონზე.

სასწორი: ექსპერტები კატეგორიულად არ გიორჩევენ მარტო მოქმედებას. ეს ისეთი დღეა, როდესაც დამოუკიდებლად ვერაფერს გადაწყვეტთ და თუ მაინც ცდით, შეიძლება სავალალო შედეგები მიიღოთ. ასე რომ, თუ დღეს რამე მნიშვნელოვანი საკითხი გაქვთ მოსაგვარებელი, მოგიწევთ მისი გარჩევა ირგვლივ მყოფებთან, მათი რჩევების მოსმენა, კომპრომისის მოძებნა. მაგრამ შედეგი დახარჯული ძალისხმევის კომპენსირებას მოახდენს. ეს რთული გზა ბევრად ეფექტური აღმოჩნდება.

მორიელი: დღეს ავანტიურაში ჩაბმა კარგ არაფერს მოგიტანთ არც სამუშაო და არც პირად ცხოვრებაში. ყველგან, სადაც ოდნავ მაინც გაქვთ იღბლის იმედი, ჩავარდნა გელოდებათ. იღბალი დღეს თქვენთვის „ისვენებს“. უსიამოვნებები რომ აირიდოთ თავიდან, ამისთვის საკმარისი იქნება, რომ არ გარისკოთ და ყველაფერში ნაცადი, კონსერვატიული კურსი შეინარჩუნოთ. შეგიძლიათ მიმდინარე საქმეებს მიხედოთ – არე თუ გვიან, ისიც თქვენი გასაკეთებელია.

მშვილდოსანი: დღეს მხოლოდ საკუთარი თავის იმედი არ უნდა გქონდეთ – ზედმეტმა თავდაჯერებულობამ შეცდომებამდე შეიძლება მიგიყვანოთ. არ არის გამორიცხული, რომ ცხვირწინ ვერ დაინახოთ და შეამჩნიოთ რამე, ან ელემენტარული რამ შეგეშალოთ. სამაგიეროდ, შესანიშნავად შეძლებთ მუშაობას მეწყვილესთან ერთად – მისი კონტროლი შეცდომებისგან დაგიცავთ და უფრო ყურადღებიანი გახდებით.

თხის რქა: დღეს კარგი იქნება, თუ სხვების მონაწილეობით დიდ პროექტებს არ შეეჭიდებით – ნაკლებად სავარაუდოა, რომ გამოგივიდეთ. იგივე ეხება ნებისმიერ ერთობლივ წამოწყებას. ერთადერთი ადამიანი, რომლის იმედიც უნდა გქონდეთ, ეს თვითონ თქვენ ხართ. ეს ნიშნავს, რომ ყურადღება იმ პროექტებზე უნდა გადაიტანოთ, სადაცთქვენ ხართ პირადად პასუხისმგებელი და სადაც ვერავინ შეგიშლით ხელს.

მერწყული: დღეს შესანიშნავი დროა იმისთვის, რომ მოაწყოთ პროექტის ან საკუთარი თავის პრეზენტაცია – გარშემომყოფები ამას ძალზე პოზიტიურად შეხვდებიან. გაქვთ განწყობა, რომ ემოციების ენაზე ისაუბროთ და ეს სწორედ ის ენაა, რომელსაც ყველა „ფრიადზე“ გაიგებს. სხვაგვარად რომ ვთქვათ, დღეს არაა აუცილებელი, მსმენელი ციფრებითა და ფაქტებით დაამძიმოთ. საკმარისია კაშკაშა, გადამდები ემოციები და ადამიანები სიამოვნებით გამოგყვებიან უკან.

თევზები: უნდა მოემზადოთ იმისთვის, რომ შესაძლოა ყველაფერი ისეთი არ აღმოჩნდეს, როგორც ერთი შეხედვით ჩანს. ამასთან სიურპრიზები შეიძლება იყოს როგორც სასიამოვნო, ისე უსიამოვნოც. მაგალითად, არაა გამორიცხული სირთულეები ისეთ საქმეებში, რომლებიც უკვე დიდი ხანია, გადაწყვეტილი გგონიათ. მოკლედ რტომ ვთქვათ, მთელი დღის განმავლობაში მოვლენების პულსზე უნდა გეჭიროთ ხელი და მზად იყოთ საქმეებში მოულოდნელობებისთვის.

272
თბილისი

დღის ასტროპროგნოზი ზოდიაქოს ნიშნებისთვის: 24 იანვარი

1493
(განახლებულია 12:50 24.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 24 იანვარია, კვირა. მზარდი მთვარე ტყუპის ნიშანშია. ამ დღეს პლანეტა მზე მფარველობს.

დღეს შესანიშნავი დღეა იმისთვის, რომე ნებისმიერ გადაუჭრელ საკითხში, ეხება ეს სამუშაოსა თუ პირად ცხოვრებას, სიცხადე შეიტანოთ. თუ შეძლებთ გრძნობების გაკონტროლებას, გაქვთ შანსი, რომ ჩაწვდეთ პრობლემის არსს და ერთადერთი სწორი გადაწყვეტილება მიიღოთ. მაგრამ საფრთხე ისაა, რომ ვნებათაღელვა და ტემპერამენტი მომატებული იქნება, ამიტომ, ეცადეთ, გამოავლინოთ მხოლოდ პოზიტიური ენერგია, ხოლო ნეგატიური დამალოთ, არ მოაწყოთ „საქმის გარჩევა“ საყვარელ ადამიანთან – ეს შეიძლება ძალიან მძიმე შედეგით დამთავრდეს.

2021 წლის ჰოროსკოპი ზოდიაქოს ნიშნებისთვის>>

ვერძი: დღეს უნარი გაქვთ, საქმის არსს ჩასწვდეთ და თითოეული საკითხი „ატომებისა და მოლეკულების“ დონეზე „დაშალოთ“. ამან, შესაძლოა, სრულიად ახალ, მათ შორის, მოულოდნელ დასკვნებამდე მიგიყვანოთ. ყველაზე უბრალო ყოველდღიურ საქმეებშიც კი, თუ მათ სხვა კუთხით შეხედავთ, ადრე უხილავ ნიუანსებს დაინახავთ. ასევე იქნება ადამიანებთან მიმართებითაც – ირგვლივ მყოფნი თქვენგან სულ უმნიშვნელო საიდუმლოსაც ვერ დამალავენ.

კურო: დღეს რაღაც ისეთ საქმეში იქნებით ჩართული, რომელიც ასე თუ ისე ფულთან არის დაკავშირებული. ეს შეიძლება ნებისმიერი რამ იყოს – ხელმძღვანელობასთან ხელფასზე საუბრიდან დაწყებული ბანალურ კამათამდე ზედმეტი ხარჯების გამო. ვარსკვლავები გირჩევენ, არ გაცხარდეთ ასეთი ლაპარაკის დროს და მოერიდოთ უსარგებლო დეტალებს. ეცადეთ, შეინარჩუნოთ სიმშვიდე და ფაქტებზე გაამახვალითო ყურადღება. წყენასა და ურთიერთპრეტენზიებს სერიოზული პრობლემების შექმნა შეუძლია დღეს.

ტყუპი: დღეს თქვენ ხმაში მბრძანებლური ტონი გაიჟღერებს. გარშემომყოფებისთვის საკუთარ სიმართლის მტკიცებას დაიწყებთ და არაა გამორიცხული, რომ ზედმეტად გაცხარდეთ. ზედმეტად თავდაჯერებული ბრძანდებით, ასი პროცენტით გჯერათ, რომ რასაც აკეთებთ, სწორად აკეთებთ. ირგვლივ მყოფებს კი ამაში ეჭვი ეპარებათ და დახმარების სურვილი არა აქვთ, რაც, შესაძლოა, საბოტაჟს დაემსგავსოს. დღე რომ უაზრო კამათში არ გავიდეს, უნდა მოთოკოთ თქვენი მღელვარება, შეაჩეროთ სხვებზე ზეწოლა. ბოლოს და ბოლოს, ხომ შეიძლება ამ ადამიანებთან შეთანხმება ჩხუბის გარეშე?

კირჩხიბი: კარგი დღეა იმისთვის, რომ ურთიერთობებში სიცხადე შეიტანოთ, თუ, რა თქმა უნდა, ამის აუცილებლობას ხედავთ. რაზეც ვერ ბედავთ დალაპარაკებას, კითხვები, რომლების დასმაც გერიდებათ – ეს ყველაფერი შეიძლება დღეს გააკეთოთ უშიშრად. თქვენი განწყობა იმგვარია, რომ იყოთ პატიოსანი, გულწრფელი და გამგები თანამოსაუბრე. ეს დაგეხმარებათ, რომ ისაუბროთ პრეტენზიების გარეშე თუნდაც ყველქზე ფაქიზ თემებზე.

ლომი: დღეს, შესაძლოა, რაღაც საკითხში თავდაჯერებულობამ გიღალატოთ. რაშიც ასი პროცენტით იყავით დარწმუნებული, არაა გამორიცხული, რომ სულ სხვაგვარად დაინახოთ, მოულოდნელი მხრიდან შეხედოთ მას. ასევე შესაძლებელია, რომ რაღაც საკითხზე მოსაზრება შეიცვალოთ. სხვა სიტყვებით რომ ვთქვათ, დღეს მზად უნდა იყოთ ცვლილებებისთვის, თუნდაც ეს ცვლილებები მხოლოდ თქვენს თავში „დატრიალდეს“.

ქალწული: მზად ხართ, ყველაფერს ძირისძირობამდე ჩაუღრმავდეთ, თუნდაც სულ უბრალო და მცირე მნიშვნელობის საკითხი იყოს. გაურკვევლობა საქმეებში თუ სიტყვებში გაგაღიზიანებთ და იქამდე „იკირკიტებთ“ საკითხში, სანამ ყველაფერი ნათელი არ გახდება. ეს დაგეხმარებათ, რომ შეცდომებს აარიდოთ თავი. თუმცა, იმდენ კითხვას დასვამთ დაზუსტების მიზნით, რომ გარშემომყოფებს შეიძლება მოეჩვენოთ, რომ დასცინით მათ.

სასწორი: დღეს უნდა გადაწყვიტოთ, რა არის ის, რისგანაც დიდი ხნის წინ უკვე უნდა გათავისუფლებულიყავით და ახლისთვის დაგეთმოთ ადგილი. შესაძლოა, უკან გექაჩებათ უკვე ყავლგასული რაღაც იდეები, განუხორციელებელი გეგმები, შეუსრულებელი ვალდებულებების ტვირთი. არ არის გამორიცხული, რომ დღეს რომელიმე ილუზიასთან ან ოცნებასთან დამშვიდობება მოგიწიოთ, მაგრამ მხოლოდ იმისთვის, რომ წინ ნამდვილი პერსპექტივები გახსნათ.

მორიელი: დღეს არანაირ კომპრომისზე წასასვლელად არ ხართ მზად. თქვენი „დიახ“ ნიშნავს „დიახ“–ს და „არა“ – არას. მათ შორის სხვა არაფერი არსებობს. ასეთი უაპელაციო მცდელობა, რომ სამყარო შავ და თეთრ ფერებად დაყოთ, გარშემომყოფების მხრიდან აუცილებლად წინააღმდეგობას გამოიწვევს. დღეს ძალზე ემოციური და სიმართლისმოყვარული ბრძანდებით, ამიტომ ურთიერთობების გამორკვევის ნებისმიერი მცდელობა კამათით დამთავრდება. ეს რომ არ მოხდეს, უნდა გათავისუფლდეთ ილუზიისგან, რომ ვინმესთვის რამის დამტკიცებას შეძლებთ – ეს დღეს ნამდვილად არ გამოგივათ.

მშვილდოსანი: ექსპერტების მთავარი რჩევა დღეს ასეთია – არ იჩქაროთ არანაირი სერიოზული გადაწყვეტილების მიღება. სჯობს, დრო ინფორმაციის შეგროვებას დაუთმოთ. შესაძლოა, რაღაც ვერ გაითვალისწინეთ ან სათანადო ცნობები არ მოგეპოვებათ. შეცდომა არ დაუშვათ, დღეს ფაზლის ყველა დეტალი უნდა ააწყოთ: დაელაპარაკოთ საკითხის მცოდნე ადამიანებს, იპოვოთ პასუხები კითხვებზე, მოიძიოთ და ჩაუსხდეთ წიგნებს, შეისწავლოთ ფაქტები. მხოლოდ ამის შემდეგ შეგიძლიათ „ბრძოლის ველზე“ გასვლა.

თხის რქა: დიდი ალბათობით, მოგიწევთ საკუთარი შეხედულების გადახედვა რომელიმე ადამიანზე, რამე მოვლენაზე ან პრობლემაზე. ეს, შესაძლოა, საკუთარი სურვილის მიუხედავად გააკეთოთ, უბრალოდ, სიტუაციის გამო რაღაც ფაქტები შეიძლება ჩაგივარდეთ ხელში, რომელთა გათვალისწინებაც მოგიწევთ. ამან რომ მთელი დღე კალაპოტიდან არ ამოგაგდოთ, სჯობს, მოულოდნელობისთვის მზად იყოთ და აუცილებლობის შემთხვევაში რაღაც საკითხში მოქნილობა გამოავლინოთ.

მერწყული: დღეს გარშემომყოფებთან ურთიერთობებში, სავარაუდოდ, ძალიან გაჯიუტდებით. იმის გათვალისწინებით, რომ ძალზე ემოციური ხართ და ყველაფეი ადვილად გწყინთ, არ არის გასაკვირი, რომ ცხარე კონფლიქტების წყარო გახდეთ. ასტროლოგები გირჩევენ, დღეს თქვენთვის შეინახოთ ძვირფასი, „ერთადერთი სწორი“ მოსაზრება და მას ხმამაღლა გამოთქვამთ, მაშინ მზად იყავით, რომ კომპრომისზე წახვიდეთ და ბოდიშიც მოიხადოთ.

თევზები: ყველაფერი წესრიგში და სისუფთავეში უნდა იყოს – სულშიც, ფიქრებშიცა და მუშაობის მხრივაც. ყველაფერს ხედავთ და ამჩნევთ – სულ მცირე მტვრის ნაწილაკსაც კი და მთელი ძალით ცდილობთ დასუფთავებას. უმნიშვნელო არეულობას ან სიბინძურესაც კი გარშემომყოფების ნაკლოვანებების – მათი არაიდეალურად სუფთა საქციელისა და სიტყვების გამოვლენა შეუძლია. ნაკლებსავარაუდოა, რომ დღეს ვინმემ ან რამემ შეაკავოს თქვენი მისწრაფება, რომ პირდაპირ მიახალოთ სათქმელი სისუფთავის „დამრღვევს“.

1493
Google-ს ლოგოტიპი

Google-მ ამბიციური პროექტი დახურა: დასახელდა მიზეზები

0
(განახლებულია 11:25 25.01.2021)
ახალი პროექტი, რომელიც გასულ წელს წარმატებით გამოიცადა, კომპანიის ხელმძღვანელობის თქმით, მეტად სარისკოა

თბილისი, 25 იანვარი — Sputnik. კომპანია Alphabet–მა, რომელიც Google–ს ეკუთვნის,  შეწყვიტა პროექტი Project Loon–ი, რომლის მიზანიც სტრატოსფერული ბურთების მეშვეობით ინტერნეტზე უსადენი წვდომის ქსელის შექმნა იყო, ნათქვამია პროექტის ოფიციალურ საიტზე.

Loon–ის გენერალური დირექტორი ალასტერ ვესტგარტი ამ გადაწყვეტილებას იმით ხსნის, რომ კომპანიამ ვერ შეძლო საკმარისი რაოდენობით პარტნიორებისა და ინვესტორების მოძიება. გარდა ამისა, აღმოჩნდა, რომ პროექტი მნიშვნელოვნად ვერ ამცირებდა ხარჯებს.

„რადიკალურად ახალი ტექნოლოგიების შექმნა მეტად სარისკოა თავისი არსით“, — განაცხადა ვესტგარტმა.

აღსანიშნავია, რომ Project Loon–ი გასულ წელს წარმატებით გამოიცადა, რა დროსაც კენიაში 35 აეროსტატი გაუშვეს. თითოეული ბურთი დაახლოებით 80 კვადრატულ კილომეტრს ფარავდა.

 

0
თემები:
საერთაშორისო პანორამა