ბავშვები თოვლში

ზამთრის ბავშვები: ხასიათი, ჯანმრთელობა და სხვა საინტერესო თავისებურებები

202
(განახლებულია 18:22 02.01.2021)
მიიჩნევა, რომ ბავშვის ხასიათის თავისებურებები, ჯანმრთელობა და ზოგი ჩვევა დამოკიდებულია მისი დაბადების თარიღსა და დროზე. ამ მონაცემებს ასტროლოგები, ნუმეროლოგები და სხვა სპეციალისტები შეიწავლიან.

მათი მტკიცებით, ამ ურთიერთკავშირის  საიდუმლო მდგომარეობს დედის ცხოვრების წესში, მზის აქტივობის დონესა და ბავშვის დაბადების დროს არსებულ გარემოებებზე.

რაც შეეხება ბავშვის ჯანმრთელობას, მათ ფიზიკურ თუ გონებრივ თავისებურებებს, ამას უკვე მეცნიერები სწავლობენ და კვლევებზე დაყრდნობით აკეთებენ დასაბუთებულ დასკვნებს.

ქვემოთ რამდენიმე საინტერესო ფაქტს შემოგთავაზებთ ზამთარში დაბადებული ბავშვების შესახებ.

ხასიათი

ზამთარში დაბადებული ბავშვები შრომისმოყვარენი, ჯიუტნი, შეუპოვარნი და ბავშვობიდანვე მუყაითნი არიან. სიჯიუტის წყალობით, ისინი დიდ წარმატებებს აღწევენ სპორტში. ამ თავდაჯერებულ ბავშვებს აქვთ მაღალი თვითშეფასების უნარი.

ზამთრის ბავშვებს უყვართ კამათი, დისკუსიაში მონაწილეობის მიღება, გააჩნიათ საკუთარი მოსაზრებები, აქვთ სურვილი, იყვნენ დამოუკიდებელნი. სწორი საგანმანათლებლო აღზრდით ეს ყველაფერი შეიძლება თვითმყოფადობაში გადაიზარდოს.

იმუნიტეტი

ზამთრის ბავშვებს უფრო ძლიერი იმუნიტეტი აქვთ. ამის მიზეზი ისაა, რომ მათი დედები გაზაფხულსა და ზაფხულს მზესა და სუფთა ჰაერზე ატარებენ, ახალი ხილითა და ბოსტნეულით იკვებებიან, რაც აძლიერებს პატარის ჯანმრთელობის დაცვით ფუნქციებს.

ტენესის უნივერსიტეტის მეცნიერებმა შეისწავლეს, თუ რომელი დაავადებების მიმართ არიან მიდრეკილი ზამთრის ბავშვები. ეს დაავადებებია: დეპრესია, ბრონქიალური ასთმა, თავის ტკივილი, ალერგია, D ვიტამინის ნაკლებობა.  

მხედველობა

ზამთრის ბავშვები შორსმხედველები არიან. მეცნიერებმა წელიწადის სხვადასხვა დროს დაბადებული 300 000 ბავშვი გამოიკვლიეს და დაასკვნეს, რომ ზაფხულში დაბადებული ბავშვები ახლომხედველები არიან, ზამთრისანი კი - შორსმხედველები.

ამასთან გაირკვა, რომ ზამთრის ბავშვებს სიცოცხლის განმავლობაში იშვიათად ემართებათ თვალის დაავადებები. ეს იმით აიხსნება, რომ ზამთარში მზე ნაკლებად აქტიურია და ჩვილები არ განიცდიან მზის სხივების საშიშ ზემოქმედებას.

დღეგრძელობა

რატომ არიან ზამთრის ბავშვები დღეგრძელები? ევროპელმა სოციოლოგებმა კვლევები ჩაატარეს და დაადგინეს, რომ ზამთრის ბავშვებს (განსაკუთრებით დეკემბერში დაბადებულებს) 20%-ით მეტი შანსი აქვთ, იცოცხლონ 95 წელზე მეტ ხანს. ეს ხომ ფიზიკურად ამტანი, მყარი იმუნიტეტის მქონე ხალხია.  

დაბადება

ზამთრის ბავშვები დროზე ადრე იბადებიან. დიახ, სტატისტიკის თანახმად, დეკემბერში, იანვარსა და თებერვალში დაბადებული ბავშვები ძალიან ხშირად 7-10 დღით ადრე  ევლინებიან ქვეყანას. ექიმები თქმით, როგორც წესი, ეს დაკავშირებულია დედის მიერ შემოდგომით გადატანილ ვირუსულ დაავადებებთან, რასაც ის ნაადრევ მშობიარობამდე მიჰყავს.

და ბოლოს: წელიწადის დროს შეუძლია გავლენა მოახდინოს ბავშვის ხასიათის თავისებურებებზე. მაგრამ თითოეული ბავშვი, რომელიც ქვეყანას ევლინება, მიუხედავად მისი დაბადების თარიღისა, ნამდვილი სასწაული ხდება მშობლებისათვის.

გიმრავლოთ!
202
თემები:
მშობლები და შვილები (33)
ბიჭუნა სტომატოლოგთან

უშედეგო და ზოგჯერ საშიშიც: კბილების მკურნალობა ხალხური მეთოდებით - ექიმი გირჩევთ

21
(განახლებულია 15:50 25.01.2021)
უმაღლესი კატეგორიის სტომატოლოგმა კბილების მკურნალობის ხუთი ყველაზე პოპულარული ხალხური მეთოდი განიხილა და მათი დადებითი და უარყოფითი მხარეები განმარტა

თბილისი, 25 იანვარი — Sputnik. კბილების მკურნალობის ხალხური საშუალებები საკმაოდ მრავალფეროვანია. ინტერნეტში უამრავი რეცეპტი არსებობს, რომელთაგან ბევრი ექიმ-სტომატოლოგებში ნამდვილ შოკსა და შეძრწუნებას იწვევს.

„ხალხური საშუალებები კბილების სამკურნალოდ— უკვე ეს ერთი ფრაზაც კი უჩქარებს სტომატოლოგს გულს. პაციენტებს თვითმკურნალობის მცდელობა კი არ დაეხმარება, არამედ, უარეს შემთხვევაში, სამწუხარო შედეგებსაც გამოიწვევს“, — ამბობს უმაღლესი კატეგორიის სტომატოლოგი  ნატალია კადკალოვა.

სპეციალისტმა ცალ–ცალკე განიხილა კბილების მკურნალობის ყველაზე პოპულარული ხალხური მეთოდები და მათი დადებითი და უარყოფითი მხარეები განმარტა.

სოდის გამოვლება

ადამიანები სოდას ხშირად ივლებენ პირის ღრუში ანთებითი პროცესების დროს. მაგრამ კადკალოვას თქმით, ასეთი ექსპერიმენტები არა მხოლოდ უსარგებლო, არამედ საშიშიცაა.

„იმის გასაგებად, თუ რამდენად საშიშია სოდის გამოვლება, საკმარისია წარმოიდგინოთ, როგორ მოქმედებს სოდა ცომზე. პირის ღრუს ანთებითი ქსოვილები ანალოგიურად რეაგირებს სოდაზე. შეშუპება იზრდება და ჩვენ არ ვიცით, ეს ყველაფერი რით დამთავრდება. თუმცა შეგვიძლია ზუსტად ვთქვათ, რომ კარგით არაფრით“, — ამბობს უმაღლესი კატეგორიის სტომატოლოგი.

ნიორი ტკივილის გასაყუჩებლად

კიდევ ერთი გავრცელებული რეცეპტია ნივრის მტკივნეულ კბილზე დადება. არსებობს მოსაზრება, რომ მასში შემავალი ფიტონციდები სასიკეთოდ მოქმედებს ანთების უბანზე და იცავს ტკივილისგან.

სტომატოლოგის თქმით, ეს ვარიანტი ვერანაირ კრიტიკას ვერ უძლებს. ნერვის ანთება ჩააქროს კი არა, პირიქით, ნიორს შეუძლია კიდევ უფრო გააუარესოს ვითარება.

„მკურნალობის“ ამ ვარიანტს შეუძლია კიდევ ერთი გართულება — ლორწოვანი გარსის დამწვრობა გამოიწვიოს, რომელსაც ხშირად ვხვდები პრაქტიკაში. ნერვის ანთება შეუქცევადი პროცესია და ამაში დახმარება მხოლოდ სტომატოლოგს შეუძლია. ის  დაზიანებულ ქსოვილს მოაცილებს და არხს ინფექციისგან გამორეცხავს. წინააღმდეგ შემთხვევაში, ანთება უფრო შორს წავა და სამკურნალო გახდება არა მარტო კბილი, არამედ ნივრით გამოწვეული დამწვრობაც“, —განმარტავს სპეციალისტი.

სპირტის ან არაყის საფენები

ზოგი ადამიანი კბილის ტკივილის გასაყუჩებლად და მოსარჩენად ძლიერი ალკოჰოლით — სპირტით ან არყით გაჟღენთილ საფენებს იყენებს. მაგრამ ამ შემთხვევაშიც იგივეა მოსალოდნელი, რაც ნივრით მკურნალობის დროს: არანაირი შვება — მხოლოდ ლორწოვანი გარსის დამწვრობა.

მცენარეული ნახარშების გამოვლება

კიდევ ერთი პოპულარული ვარიანტია პირის ღრუს გამორეცხვა მცენარეების ნახარშით. მაგალითად, გვირილას ნახარშით, რომელიც, ტრადიციულად, ძალზე ეფექტურ ანთების საწინააღმდეგო საშუალებად მიაჩნიათ.

ბალახეული ნახარშების სამკურნალო თვისებები ასობით წლის წინ იყო ცნობილი, ამიტომ ექიმებს მათ საწინააღმდეგო არაფერი აქვთ, თუმცა არსებობს ერთი „მაგრამ“.

„არაფერი მაქვს საწინააღმდეგო პირის ღრუს სხვადასხვა მცენარეული  ხსნარებით გამოვლებისა. მაგრამ ამით შეიძლება არაფერი შეიცვალოს და ანთებითმა პროცესმა განვითარება განაგრძოს“, — ამბობს ნატალია კადკალოვა.

ეს კი იმის გამო, რომ ნაყენი ვერ აღწევს კბილის ნადების ქვეშ მიმდინარე ანთებაზე, ანუ დაზიანებულ ქსოვილამდე. თუმცა სხვა საქმეა, როდესაც მცენარეულ ნაყენს პროფესიონალური გაწმენდის შემდეგ ივლებთ — ამის შედეგად მორჩენის პროცესი ჩქარდება.

კბილების გათეთრება ლიმონით

ადამიანების დიდ ნაწილს სურს, გაითეთროს კბილები ექიმის გვერდის ავლით — იაფად ან სულაც უფასოდ. საამისოდ ხშირად იყენებენ სხვადასხვა რეცეპტურას: დაწყებული ლიმონით, დამთავრებული გაქტიურებული ნახშირით.

„მიმაჩნია, რომ ლიმონის პროცედურა ყველაზე ჰუმანურია კვერცხის ნაჭუჭით, გააქტიურებული ნახშირითა და სხვა აბრაზიებით გაწმენდასთან შედარებით, რომლებიც კბილებს კაწრავს. ლიმონის შემთხვევაში შედეგი უმნიშვნელო იქნება, მაგრამ თავს მაინც არ ავნებთ“, — განმარტა ექიმმა.

21
თემები:
ექიმი გირჩევთ
ორიგინალური „საწოლი“ მცენარეებისგან

საფრთხე ფანჯრის რაფაზე: დასახელდა ოთახის ყველაზე საშიში მცენარეები

2173
(განახლებულია 11:34 25.01.2021)
მცენარეები დიდი ხანია ჩვენი სახლებისა და ოფისების შეუცვლელ სამშვენისებად იქცნენ, თუმცა არის გარკვეული წესები, რომელიც ამ მცენარეებთან ურთიერთობაში უნდა დავიცვათ.
2173
თემები:
ჩვენ და ბუნება
ეპიდემია საქართველოში

საქართველოს მოსახლეობის დიდ ნაწილს კორონავირუსის საწინააღმდეგო ვაქცინის ჩატარება სურს

0
(განახლებულია 16:31 25.01.2021)
აშშ–ის ეროვნულ–დემოკრატიული ინსტიტუტის გამოკითხვაში მონაწილეთა დიდი ნაწილი მიიჩნევს, რომ ქვეყნის მთავრობა კარგად უმკლავდება პანდემიიდან გამოწვეულ გამოწვევებს

თბილისი, 25 იანვარი – Sputnik. საქართველოში ბოლო ნახევარი წლის განმავლობაში გაიზარდა იმ ადამიანების რაოდენობა, რომლებიც მზად არიან კორონავირუსის საწინააღმდეგო აცრა ჩაიტარონ, ამაზე მეტყველებს აშშ–ის ეროვნულ–დემოკრატიული ინსტიტუტის (NDI) მიერ ჩატარებული საზოგადოებრივი აზრის კვლევის შედეგები.

გამოკითხვის ფარგლებში, რომელიც 202 წლის დეკემბერში ჩატარდა, რესპონდენტებს კითხვა დაუსვეს: კორონავირუსის საწინააღმდეგო ვაქცინა/აცრა რომ არსებობდეს, აიცრებოდით თუ არა თქვენ და თქვენი შვილები?", გამოკითხულთა 41%–მა დადებითი პასუხი გასცა.აღნიშნული მონაცემები 2020 წლის ივნისში ჩატარებული გამოკითხვის შედეგებს რომ შევადაროთ, დეკემბერში ვაქცინაციის მსურველთა რაოდენობა 3%–ით (ივნისში იყო 38%) გაიზარდა. ამასთან, ამ პერიოდში იმ ადამიანების რიცხვი, რომლებიც ვაქცინაციის წინააღმდეგი არიან, 46%–დან 41%–მდე შემცირდა. 

კორონავირუსის პანდემიასთან დაკავშირებული მოლოდინების შეფასებისას, რესპონდენტების მესამედი მიიჩნევს, რომ ქვეყანაში ყველაზე უარესი უკან დარჩა, 39% კი ფიქრობს, რომ უარესი ჯერ კიდევ წინაა. მხოლოდ გამოკითხულთა 6%–ია დარწმუნებული, რომ კორონავირუსი დიდ პრობლემას არ წარმოადგენს, 22%–ს კი კითხვაზე პასუხი არ აქვს.

გარდა ამისა, გამოკითხულთა 60%–ს მიაჩნია, რომ საქართველოს მთავრობა პანდემიას კარგად უმკლავდება. პანდემიასთან ბრძოლის კუთხით ხელისუფლების ნაბიჯებს ნეგატიურად აფასებს რესპონდენტების 33%, კითხვაზე პასუხი არ აქვს 7%–ს.

NDI–იმ საზოგადოებრივი აზრის კვლევა  საქართველოს მასშტაბით 2020 წლის 17-24 დეკემბრის პერიოდში ჩაატარა.  პირდაპირი ინტერვიუს გზით 2 ათასზე მეტი რესპონდენტი გამოიკითხა.

ავტორიტეტული არასამთავრობო ორგანიზაცია NDI მსგავს კვლევებს საქართველოში 2009 წლიდან ატარებს. გამოკითხვა ამ ორგანიზაციის შეკვეთით და დიდი ბრიტანეთის მთავრობის ფინანსური მხარდაჭერით ქართულმა არასამთავრობო ორგანიზაციამ „კავკასიის კვლევითი რესურსების ცენტრი“ (СRRС) ჩაატარა.

გამოკითხვის ცდომილებაა +/–1,1%.

0
თემები:
კორონავირუსი საქართველოში: ბოლო ცნობები