საახალწლო ნაძვისხე

2021 წლის მთავარი მიმოხილვა: როგორი იქნება ხარის წელიწადი აღმოსავლური ჰოროსკოპის მიხედვით

3862
(განახლებულია 10:11 31.12.2020)
თეთრი ლითონის ხარი ძლიერი, შრომისმოყვარე, დინჯი და კეთილშობილი ცხოველია. 2021 წელიც სწორედ ამ თვისებების ეგიდით ჩაივლის

აღმოსავლური კალენდრით ხარის წელი 2021 წლის 12 თებერვალს დადგება და 2022 წლის 31 იანვრამდე გაგრძელდება. ეს თეთრი ლითონის ხარის წელიწადი იქნება.

ხარი ცნობილია თავისი გულმოდგინებით, ძალითა და სიმტკიცით, ბუნებით პატიოსანია. ხარისთვის იდეალური გარემოა ის, სადაც მას აქვს უკვე ჩვეული სამუშაო და რამის შეცვლის აუცილებლობა არ არის. ანუ, ხარს ცვლილებები არ უყვარს.

ხარის წელიწადი მშვენივრად მიესადაგება კარიერაზე ზრუნვას, მაგრამ ამ წლის მფარველს „ხალტურა“ არ უყვარს – საქმეს თუ შეუდგებით, ყველაფერი საფუძვლიანად უნდა გააკეთოთ.

სიყვარულისა და ურთიერთობების კუთხით ხარი ინერტულია. მისი გულის მოგება საკმაოდ რთულია, მაგრამ, სამაგიეროდ, ის ძალიან უფრთხილდება ახლო ურთიერთობებს და მესაკუთრულ თვისებებსაც ავლენს. ის არასდროს გასცემს თავისას და არ გაიხედავს სხვისკენ, სამაგიეროდ კი სტაბილურ და თბილ ურთიერთობებს ელოდება. აქედან გამომდინარე, ხარის წელი კარგია ქორწინებისთვის, სტაბილური ურთიერთობების ჩამოყალიბებისთვის.

ხარი მატერიალურ მხარეს, კარგი გაგებით, ყურადღებას აქცევს – მას მხოლოდ გრძნობების მიღება კი არ სურს, არამედ თბილი ლოგინისა და ნოყიერი სადილის იმედიც აქვს.

2021 წლის ჰოროსკოპი: ფინანსები, სიყვარული, ჯანმრთელობა – ვერძი>>

რაც შეეხება ჯანმრთელობას, ამ მხრივ უსიამოვნებები მოსალოდნელი არ არის. ხარი ძლიერი ცხოველია და ფიზიკური აქტიურობა, ჯანსაღი კვება, ცხოვრების სწორი რეჟიმი, შრომა–დასვენების ზომიერი მონაცვლეობა და 2021 წელს ჯანმრთელობა გარანტირებული გაქვთ.

იმის გასაგებად, თუ რომელი ცხოველის წელს ხართ დაბადებული, იხილეთ ქვემოთ მოყვანილი ცხრილი ტიბეტური ჰოროსკოპის მიხედვით.

ტიბეტური ჰოროსკოპი
© photo: Sputnik
ტიბეტური ჰოროსკოპი

ცხრილიდან შეიტყობთ, რომელი ცხოველია თქვენი მფარველი. რადგან აღმოსავლური ახალი წელი ჩვეულებრივ ახალ წელს არ ემთხვევა, ამიტომ ადამიანებს, რომლებიც წლის დასაწყისში არიან დაბადებული, ხშირად უჭირთ გარკვევა, კონკრეტულად რომელი ცხოველის წელიწადში არიან დაბადებული.

ტიბეტური ჰოროსკოპი და ცხრილი – რომელი ცხოველია თქვენი მფარველი დაბადების წლის მიხედვით>>

ცხრილში წარმოდგენილი ფერები აჩვენებს სტიქიას, რომელიც თქვენი დაბადების წელს უკავშირდება: წითელი - ცეცხლია, ცისფერი - წყალი, ყვითელი - დედამიწა, მწვანე - ხე, ხოლო თეთრი - ლითონი.

როგორი იქნება 2021 წელი თითოეული ნიშნისთვის

ვირთხა

ვირთხის წელიწადს დაბადებულებს მარტივი პერიოდი არ გელოდებათ. ვირთხებს, რომლებსაც ხარის კეთილშობილური მოთხოვნები მაინცდამაინც არ გეხატებათ გულზე, მოგიწევთ წლის მფარველისთვის ანგარიშის გაწევა, რომ გახდეთ უფრო გონებამოკრებილი და სწორხაზოვანი.

ხარს, სამაგიეროდ, მოსწონს ვირთხის მატერიალიზმი. ნებისმიერი კარიერული მისწრაფება მოწონებული იქნება, უბრალოდ, პრობლემა შეიძლება წარმოიშვას მიზნის მიღწევის ხერხებთან დაკავშირებით – ხარი ვირთხის სვლებმა შეიძლება არ აღაფრთოვანოს.

სასიყვარულო ასპარეზზე ვირთხებს წარმატებები გელოდებათ, თუ სერიოზულ ურთიერთობებსა და ოჯახის შექმნას გადაწყვეტთ. მაგრამ თუ ამ საკითხისადმი თავქარიანი დამოკიდებულება გექნებათ, პრობლემები გელოდებათ.  

ჯანმრთელობის მხრივ ხარი ყველას დიდ ძალასა და ენერგიას ჰპირდება და ამ მხრივ გამონაკლისი არც ვირთხაა.

ხარი

ხარის წელიწადს დაბადებულებს 2021–ში, რა თქმა უნდა, გაუმართლებს. ეს იქნება მაქსიმალურად იღბლიანი წელი, რადგან შეძლებთ თქვენი შესაძლებლობების მთელი ძალით წარმოჩენას. ერთი, რაც საფრთხილოა, ისაა, რომ ამ წელიწადს ხარის უარყოფითი თვისებებიც გაორმაგდება. ეს კი სიჯიუტე, სიზარმაცე და ინერტულობა, კომფორტის ზონაში დარჩენის სურვილია მაშინ, როდესაც წინსვლაა საჭირო.

კარიერაში წარმატებები გელოდებათ, მაგრამ ჯაფაც კარგი დაგაგდებათ. ხარი ხელს შეგიწყობთ სწავლაშიც. გაითვალისწინეთ – ფსონი ფულზე დადეთ – არ აირჩიოთ ისეთი საქმიანობა, რომლის დროსაც იდეისთვის უნდა იშრომოთ და არა ფულისთვის – წლის მფარველი ამას ვერ გაიგებს.

2021 წლის ჰოროსკოპი: ფინანსები, სიყვარული, ჯანმრთელობა – კურო>>

ურთიერთობებს რაც შეეხება – ეს სინაზისა და სტაბილურობის დრო იქნება. ასეთი რამ, რომ წლის ენერგეტიკა თქვენს პირად ენერგეტიკას შეესატყვისება, მხოლოდ 12 წელიწადში ერთხელ დგება და ახლა სწორედ ასეთი პერიოდია. ვისაც არ ჰყავს მეუღლე, დიდი შანსი აქვს, რომ ოჯახი შექმნას. ხარი არასერიოზულ და ქარაფშუტულ კავშირს არ მიიღებს. ვისაც უკვე ჰყავს საყვარელი ადამიანი, ის წელიწადს სიყვარულსა და ჰარმონიაში გაატარებს.

ჯანმრთელობის მხრივ ეს წელი საკუთარ თავზე ზრუნვის წელიწადია. გაითვალისწინეთ, რომ ძალზე მნიშვნელოვანი იქნება სწორი კვება. ამასთან, ხარს ძალიან უყვარს სპორტის ის სახეობები, სადაც ძალის წარმოჩენაა საჭირო – შეგიძლიათ სპორტულ დარბაზში დაიწყოთ სიარული.

ვეფხვი

ვეფხვისთვის ხარის წელიწადი საინტერესოც იქნება და დისკომფორტულიც. ზოგადად კი იდეალური დროა თვითგანვითარებისთვის. ვეფხვი ხარისგან, პირველ რიგში, რისკისადმი მისწრაფებით გამოირჩევა, ხარს კი ძალიან არ უყვარს არასტაბილურობა და არაპროგნოზირებულობა, რითიც ვეფხვები სულდგმულობთ. ამიტომ ვეფხვებს თქვენთვის ჰაერივით აუცილებელი ცვლილებების უფლების მოპოვება მოგიწევთ.

სამუშაოს მხრივ მთელი თავით წარმოჩენის საშუალება გექნებათ. ხარი ყველაფერში დაგეხმარებათ, მათ შორის აუცილებელი რესურსით ყველაზე ამბიციური მიზნების მისაღწევად. რისკი და შეუბოჭველობა კარიერულ წინსვლაში შეგიწყობთ ხელს, ავტორიტეტის გამტკიცებას მაქსიმალურად შეძლებთ, თუ აქ ხარმა რამე სახის დაბრკოლება არ შეგიქმნათ ზედმეტი აქტიურობის საპასუხოდ. ასტროლოგების რჩევაა: ეცადეთ მშვიდი და კეთილი ურთიერთობები დაამყაროთ ხელმძღვანელობასთან. ასეთ შემთხვევაში საუკეთესო შედეგებს მიიღებთ.

2021 წლის ჰოროსკოპი: ფინანსები, სიყვარული, ჯანმრთელობა – ტყუპი>>

ურთიერთობებს რაც შეეხება, ექსპერტები გირჩევენ, ცეცხლს არ ეთამაშოთ, დაფიქრდით, სანამ ნაბიჯს გადადგამთ. თუ კეთილშობილებაზე ჩამოხვალთ ფსონს, ამაში ხარი ყველანაირად დაგიჭერთ მხარს და ურთიერთობებში სრულ ჰარმონიას მიაღწევთ. ხარი დაგეხმარებათ გრძნობების „დაოკებაში“ და იმპულსურობის მოთოკვაში. ბევრი თქვენგანისთვის ეს წელი ურთიერთობების სხვა დონეზე გადასვლის, დაოჯახებისა და ბავშვების ყოლის წელი გახდება.

ხარის წელი ყველასთვის კარგი იქნება ჯანმრთელობის მხრივ, მაგრამ ვეფხვებმა, რისკისადმი მიდრეკილების გამო, უნდა იფრთხილოთ და თავიდან აირიდოთ ტრავმების მიღების საფრთხე.

კატა (კურდღელი)

ხარის წელიწადი კატებისთვის შესანიშნავი პერიოდი იქნება, როდესაც შესაძლებელია დაძაბულობის გარეშე საკუთარი თავის წარმოჩენა. წლის მასპინძელი მყარ ფუნდამენტს შეგიქმნით თავისუფალი და მსუბუქი შემოქმედებისთვის, რომელიც ასე გიყვართ. ყველაფერი კარგად და მშვიდად იქნება. თქვენც ხომ, ხარის მსგავსად, სწორედ სიმშვიდესა და სტაბილურობას აფასებთ.

კატები ამ წელს თავის გამოჩენას შეძლებთ არა მხოლოდ ჩვეული მხრიდან – როგორც დიპლომატისა და მსჯელობის მოყვარულის, არამედ ასევე მტკიცე შემსრულებლის, ნამდვილი ოსტატის კუთხითაც, რომელსაც თავადაც შეუძლია ბევრი რამის გაკეთება. ამ წელს შეძლებთ იმის განხორციელებას, რაც მრავალი წლის განმავლობაში მხოლოდ თქვენს გეგმებსა და ოცნებებში გქონდათ. საიდანღაც მოულოდნელად გამოჩნდება ძალაცა და რესურსებიც, ფულიცა და დროც განვითარებისთვის, გამოჩნდებიან დამხმარეები და მფარველები. თქვენგან მხოლოდ მოლაპარაკებების უნარი, უსაზღვროდ „საყვარელი ადამიანის“ იმიჯი (რაც კარგად გეხერხებათ) და ურთიერთობების წრის გაფართოებაა საჭირო.

2021 წლის ჰოროსკოპი: კირჩხიბი – ფინანსები, სიყვარული, ჯანმრთელობა>>

ურთიერთობების მხრივ თეთრი ლითონის ხარის წელიწადი თქვენთვის რთული და არაერთმნიშვნელოვანი იქნება. ხარის ენერგიით „გამოკვებილი“ კატა–კურდღლები გრძნობებში საფუძვლიანობასა და სერიოზულობას მოინდომებთ, ამით ხელს ჰკრავთ მათ დიდ ნაწილს, რომლებთანაც დროის უმეტეს ნაწილს ატარებდით. მაგრამ, ამავე დროს, გაქვთ დიდი შანსი, რომ იპოვოთ ის „ერთადერთი და განუმეორებელი“, რომელიც ყველას შეგიცვლით. თქვენი ოცნებები ოჯახურ ცხოვრებასთან დაკავშირებით სწორედ 2021 წელს შეიძლება ახდეს. მნიშვნელოვანია, რომ განეწყოთ თბილი და ხანგრძლივი ურთიერთობებისთვის, ოჯახის შექმნისთვის და ამ შემთხვევაში ყველაფერი გამოვა.

ხარი ჯანმრთელობას გპირდებათ, მაგრამ თუ ამ მხრივ პრობლემები გაწუხებთ, სწორედ ახლა იქნება საუკეთესო დრო ამის გადასაწყვეტად. კატებმა განსაკუთრებული ყურადღება უნდა დაუთმოთ ნერვულ სისტემას – არ გადაიღალოთ, ბევრი არ იმუშაოთ. იზრუნეთ საკუთარ თავზე.

დრაკონი

დრაკონის წელს დაბადებულები იგრძნობენ, რომ მათი უზარმაზარი შინაგანი ძალა თითქოს გაორმაგდა. ეს ორი მძლავრი – ხარისა და დრაკონის ენერგიის შერწყმის შედეგი იქნება. მათი ხასიათები ბევრ რამეში ჰგავს ერთმანეთს, მაგრამ ხარი ინერტულია, დრაკონი კი მთელი ძალით მიიწევს წინ და „ქვას ქვაზე არ ტოვებს“. ეს გახდება სწორედ 2021 წელს მძლავრი რესურსიცა და ამავე დროს, სამწუხარო მომენტიც ამ ორი ენერგიის შეთავსების დროს.

სამუშაო დრაკონებისთვის 2021 წელს შეიძლება გახდეს დიდი მიღწევების, ან პირიქით, ყველაზე წარუმატებელი დრო ბოლო 12 წელიწადში. აქ უნდა გაითვალისწინოთ, რომ საკუთარი ძალები, მნიშვნელოვანი გადაწყვეტილებების მიღებისას, გადაჭარბებით არ უნდა შეაფასოთ. ამას ხარი მიიღებს და უზრუნველგყოფთ ყველა აუცილებელი რესურსით, რათა ყველაზე რთული ამოცანებიც გადაწყვიტოთ. მაგრამ თუ „თავზე გადახტომას“ მოინდომებთ, ხარი ამას თქვენს საბედისწერო შეცდომად შეაფასებს. ასევე მტკივნეული ადგილი იქნება თქვენთვის თანაბარი ურთიერთობების დამყარება სამუშაოზე – წლის მფარველი დრაკონისგან სიმშვიდესა და დამყოლობას მოითხოვს.

2021 წლის ჰოროსკოპი: ლომი – ფინანსები, სიყვარული, ჯანმრთელობა>>

რაც შეეხება ურთიერთობებს, ეს წელი თქვენთვის იქნება პერიოდი, როდესაც გმირობისადმი „მიდრეკილება“ ხარისთვის ჩვეულ ნოყიერ ნიადაგზე გადაინაცვლებს. არ არის გამორიცხული, რომ სიყვარულის სახელით გმირობა ჩაიდინოთ. აქ პრობლემა მხოლოდ ისაა, თუ რას იგრძნობს და როგორი რეაგირება ექნება თქვენი გმირობის „მსხვერპლს“.

ჯანმრთელობა ხარის წელიწადში შედარებით სტაბილური იქნება. კარგი იქნება, თუ ნერვულ სისტემას მიხედავთ.

გველი

გველისთვის 2021 წელი დასვენებისა და შესაძლებლობების წელი გახდება, რადგან წლის მასპინძლის ენერგია კარგად შეავსებს იმას, რაც გველს არ ჰყოფნის. სულიერი ძიებებისა და განსჯის მოყვარულები, ბოლოს და ბოლოს, შეძლებთ მოდუნებასა და მყარი ნიადაგის მოსინჯვას ფეხქვეშ, რასაც ბრძენი ხარი უზრუნველყოფს.

მუშაობის თვალსაზრისით ნებისმიერი სიმაღლის დაპყრობა შეგიძლიათ. გექნებათ შეგრძნება, რომ ყველაფერი შესაძლებელია და არის საკმარისი რესურსი.  ამისთვის კი განსაკუთრებული პირობა იქნება სწავლისა და ახლის ათვისების სურვილი, რათა განვითარების ხარისხობრივად ახალ საფეხურზე გადახვიდეთ და კარიერული ნახტომი გააკეთოთ. დაისახეთ მაღალი მიზნები და არ შეუშინდეთ დაბკოლებებს. დაგჭირდებათ მთელი თქვენი სიბრძნე დიპლომატია, რათა მოხერხებულად აუაროთ გვერდი კონკურენტებსა და მეტოქეებს. არ ღირს ტრაბახი და საკუთარი გეგმების ყველასთვის განდობა.

2021 წლის ჰოროსკოპი: ქალწული – ფინანსები, სიყვარული, ჯანმრთელობა>>

ურთიერთობებში სიწყნარე და ჰარმონია დაისადგურებს. შესაძლოა, ცხოვრების მეგზური სწორედ ხარის წელიწადს იპოვოთ, რომელიც ხანგრძლივი და მტკიცე კავშირის მომხრეა. ვინც დაოჯახებულია, მისი ცხოვრება წყნარი და სტაბილური იქნება, რამე სახის რყევები მოსალოდნელი არ არის. ერთადერთი დაბრკოლება შეიძლება გახდეს თქვენი მიდრეკილება მსუბუქი ინტრიგისადმი (რომ არ მოიწყინოთ), მაგრამ გეყოფათ იმის ჭკუა–გონება, რომ ამდენად მნიშვნელოვანი ურთიერთობები არ დაანგრიოთ.

ჯანმრთელობის მხრივ ხარის წელიწადი მტკიცე მდგომარეობას გპირდებათ, რასაც ხელი უნდა შეუწყოთ სწორი კვებითა და კარგი ფიზიკური დატვირთვით. დაიცავით დღის რეჟიმი, გააკონტროლეთ ემოციები და ყველაფერი კარგად იქნება.

ცხენი

ცხენისთვის ხარის წელი არცთუ მარტივი იქნება. საქმე ისაა, რომ ხარიცა და ცხენიც ერთმანეთს ძალიან ჰგვანან და ამავე დროს, ძალიან განსხვავდებიან კიდეც. ერთი მხრივ, ხარი ცხენს დაეხმარება საკუთარი თავის წარმოჩენაში, მისცემს მოქმედებების რესურსს, მაგრამ მეორე მხრივ, საკუთარ მოთხოვნებსაც წაუყენებს, რომლებიც თავად ცხენის მოთხოვნებს არ შეესატყვისება. მიუხედავად ამისა, შესაძლებელია კომპრომისის მოძებნა.

ცხენის წელს დაბადებულებს გიყვართ კარიერული მიზნების მიღწევა, შეჯიბრება როგორც სხვებთან, ისე საკუთარ თავთან. 2021 წელს იქნება ყველა შესაძლებლობა მწვერვალების დაპყრობისთვის, დანარჩენი კი თავად თქვენზეა დამოკიდებული – როგორ გამოიყენებთ არსებულ რესურსებს. კარგი იქნება, თუ ენერგიას გზის დასაწყისშივე არ დახარჯავთ. ხარი დააფასებს კეთილგონიერებას, ანგარიშიანობასა და რაციონალურ დამოკიდებულებას სამუშაოსა და ფულის მიმართ.

2021 წლის ჰოროსკოპი: სასწორი – ფინანსები, სიყვარული, ჯანმრთელობა>>

ურთიერთობებთან დაკავშირებით, ცხენების სურვილი, რომ გქონდეთ ყველაფერი და ერთბაშად, ხარის კონსერვატიზმს წააწყდება. წლის მფარველი ყველანაირად შეეცდება, რომ შეინარჩუნოს არსებული, ხოლო თქვენ ცვლილებები ჰაერივით გჭირდებათ. გინდათ ახალი კონტაქტები, ურთიერთობები, ძველი კავშირების გაწყვეტა და ახლის ჩამოყალიბება, ცვლილებები გარემოსა და ირგვლივ მყოფ ადამიანებში, მაგრამ ამ ყველაფერს ხარი „დაამუხრუჭებს“. მიუხედავად ამისა, 2021 წელს მნიშვნელოვანი იქნება კონტაქტების გაფართოება, თუნდაც ამისთვის რამის მსხვერპლად გაღება მოგიწიოთ.

ჯანმრთელობის მხრივ თქვენთვის ყველაზე დიდი საშიშროება 2021 წელს ტრავმების მიღების მომატებული ალბათობა იქნება. სჯობს, არ გარისკოთ ადრენალინის გამო და გაიძლიეროთ სახსრები.

თხა (ცხვარი)

თეთრი ლითონის ხარის წელიწადში თავს ისე იგრძნობთ, როგორც სახლში – არაფერი გაგაღიზიანებთ, არ გაიძულებთ, რომ სიმაღლეები „შტურმით“ აიღოთ, რაც არც გჭირდებათ. მაგრამ მუდმივად იგრძნობთ, რომ რაღაც გაკლიათ – და ეს დინამიკაა, ცინცხალი შეგრძნებები. ორივე ნიშანს უყვარს კომფორტი, ურჩევნია, ჩვეულ გარემოში დარჩეს (რომელიც მაინცდამაინც არც აწყობს), ვიდრე ცვლილებები გადაწყვიტოს.

მუშაობის სფეროში, სამწუხაროდ, არაფერი საინტერესო მოსალოდნელი არაა. სამაგიეროდ, არც არავინ მოგთხოვთ წლისა თუ თვის გეგმებს, მათ შესრულებასა თუ განვითარების სტრატეგიის მოფიქრებას. ხარი უფლებას მოგცემთ, იყოთ ის, ვინც ხართ და აუჩქარებლად წაიწიოთ არჩეული მიმართულებით (აქ ალღო არ გღალატობთ). თქვენ წარმოიდგინეთ, ამან შეიძლება განსაცვიფრებელი შედეგები მოიტანოს – მოულოდნელად მიაღწევთ მიზანს, რომელიც ოდესღაც დაისახეთ და რომლის განხორციელების იმედიც არ გქონდათ.

2021 წლის ჰოროსკოპი: მორიელი – ფინანსები, სიყვარული, ჯანმრთელობა>>

ურთიერთობების თვალსაზრისით ყველაზე მთავარი ის იქნება, რომ შეძლებთ დროის გამონახვას იმისთვის, რომ გაერკვეთ საკუთარ თავში და მოუსმინოთ პარტნიორს. ხარი ურთიერთობების შენარჩუნებაზეა ორიენტირებული და ამიტომ არ დაუშვებს ურთიერთობების ხმაურიან გამორკვევას. ეს თქვენც არ გიყვართ, მაგრამ ამისკენ ხშირად პარტნიორები გიბიძგებენ. შესაძლებელი გახდება ურთიერთობების მაღალ დონეზე გადაყვანა – დაქორწინება თუ შვილის გაჩენა.

ჯანმრთელობის მხრივ ყველაფერი, ძირითადად, წესრიგში იქნება. ერთადერთი, პრობლემა შეიძლება გაუჩნდეს მათ, ვისაც ფიზიკური აქტიურობა არ უყვარს. ასევე რეკომენდებულია ემოციური მდგომარეობის გაკონტროლება.

მაიმუნი

მაიმუნისთვის ხარის წელიწადი არცთუ ხელსაყრელი იქნება. ამ ორ ნიშანს მთელი რიგი ერთმანეთთან დაპირისპირებული ფასეულობები გააჩნიათ და მათი შეჯერება ვერ გამოდის. თუმცა, ცდა შეიძლება. თუ მაიმუნი ზედმეტად არ „იმაიმუნებს“, ხარი მის ხრიკებზე თვალს დახუჭავს. და რადგანაც წლის მასპინძელი ხარია, დათმობა და მისადაგება მაიმანს მოუწევს.

სამუშაო სფეროში მაიმუნებს გექნებათ შეგრძნება, რომ საქმიანობაში მაქსიმუმს მიაღწიეთ და ეს ასეცაა. ხარი მთელი ძალებით შეეცდება, რომ მიღწეული პოზიციები შეინარჩუნოთ.  არ „გაგიშვებთ“ სამსახურიდან, რომელიც არ მოგწონთ, დაგემუქრებათ უფულობითა და უსახსრობით, უბინაობით – თვითონ ხომ სითამამე აკლია და წლობით ვერ დგამს სარისკო ნაბიჯს.

2021 წლის ჰოროსკოპი: მორიელი – ფინანსები, სიყვარული, ჯანმრთელობა>>

ურთიერთობების კუთხით ურთიერთსაწინააღმდეგო გრძნობების, ინტრიგების, რთული კავშირების წელი გელოდებათ. ეს თქვენთვის სიმტკიცეზე ნამდვილი გამოცდა იქნება. ყველაფერი არჩევნის თავისუფლების შეზღუდვისკენ იქნება მიმართული, შესაძლოა, ვინმემ ან რამემ თქვენი გრძნობების გამოვლენა დააბრკოლოს. თქვენ კი მაინც გააგრძელებთ გულწრფელი ურთიერთობების ძებნას, წლის მასპინძელი კი მორალისა და პასუხისმგებლობის გრძნობის მკაცრ გამოცდებს მოგიწყობთ.

ჯანმრთელობასთან დაკავშირებით არანაირი სერიოზული საფრთხე არ გელოდებათ, მაგრამ უნდა უფრთხილდეთ ნერვულ სისტემასა და საჭმლის მომნელებელ ორგანოებს.

მამალი

მამლებისთვის 2021 წელი ნამდვილ გამოცდად იქნება სიმტკიცეზე. ხარი უკონფლიქტო მეგობარია, მაგრამ მისი გაბრაზება ნამდვილად არ ღირს. მამალი კი ცნობილი პროვოკატორია. ამიტომ უნდა გამოინახოს კომპრომისი ურთიერთდაპირისპირებ მისწრაფებებს შორის. დათმობა, ბუნებრივია, მამალს მოუწევს – ხარი ხომ ამ წლის ბატონია.

სამუშაოზე მამლები თამასას ძალიან ასწევთ, მაგრამ ხარი თქვენს „ცეცხლს“ გააგრილებს. ამ წელს შესაძლოა, გადაწყვიუტოთ პროფესიის შეცვლა, ახალი საქმის შესწავლა, რადგან გექნებათ დროცა და ენერგიაც, ასევე აუცილებელი რესურსები. დაბრკოლებები კი ადამიანებისგან გელოდებათ. ეცადეთ, არ გაიფუჭოთ ურთიერთობები მათტან, ვისაც თქვენი დახმარება შეუძლია წინსვლაში, ან ამ წინსვლაში ხელის შეშლა. გამოიყენეთ დიპლომატიურობა და ეს იქნება საუკეთესო გამოსავალი.

2021 წლის ჰოროსკოპი: თხის რქა – ფინანსები, სიყვარული, ჯანმრთელობა>>

ურთიერთობების თვალსაზრისით წელი ყველაზე რთული სწორედ მამლებისთვის იქნება. მნიშვნელოვანი იქნება არა მხოლოდ ახალი პარტნიორის მოძებნა, არამედ მისი შენარჩუნებაც. ეს რთულია, მაგრამ წლის მფარველი ამტანობითა და მოთმინებით დაგაჯილდოებთ. დაოჯახებულებს სირთულეები გელოდებათ, მაგრამ, ამასთან საინტერესო ამოცანების ამოხსნაც მოგიწევთ, რაც არსებული სიყვარულის შენარჩუნებაში დაგეხმარებათ.

ჯანმრთელობის მხრივ თეთრი ხარი ძალებისა და ჯანმრთელობის დიდ მარაგს გაჩუქებთ, მაგრამ ენერგია მალევე არ უნდა დახარჯოთ. თქვენი ამოცანა წელს შენელებაა. მოაწესრიგეთ ძილისა და კვების რეჟიმი და ეს თქვენს აქტიურობას დააოკებს.

ძაღლი

ძაღლის წელს დაბადებულებისთვის წლის მასპინძელთან ურთიერთობები ძალზე კომფორტული იქნება, და ეს იმიტომ, რომ მათი შეხედულებები ბევრ რამეში ემთხვევა. ორივე მიიჩნევს, რომ პატიოსნება და კეთილშობილება ყველაფერზე მნიშვნელოვანია. ორივე აფასებს ოჯახს, თავს არიდებს კონფლიქტებს და აღმერთებს თავის სახლს. და თუმცა ძაღლი არც ისე მატერიალურია, როგორც ხარი, ისინი მაინც შეეწყობიან ერთმანეთს.

მუშაობის თვალსაზრისით წინსვლისთვის ბევრი ვარიანტი გექნებათ.

სრულიად თავისუფლად შეგიძლიათ მიაღწიოთ ყველაზე თამამ და ამბიციურ მიზნებს. ერთი, რასაც უნდა მოერიდოთ, ეს საკუთარი თავის წარმოჩენაში ეჭვის შეტანაა. უნდა გადაწყვიტოთ ასევე ცრუ მოკრძალების პრობლემა. ხელი არ ჰკრათ ადამიანებს, რომლებსაც თქვენი დახმარება სურთ წინსვლაში – დადგება დრო და თქვენც უკან დაუბრუნებთ სიკეთეს.

2021 წლის ჰოროსკოპი: მერწყული – ფინანსები, სიყვარული, ჯანმრთელობა>>

რაც შეეხება ურთიერთობებს, ამ მხრივ საკმაოდ მშვიდი წელი გელოდებათ. ძაღლის წელს დაბადებულებს, როდესაც სერიოზული ურთიერთობები გაქვთ, ცვლილებები მაინცდამაინც არ გიყვართ, ასევე გძულთ კონფლიქტები და ხანგრძლივი კავშირის გაწყვეტა. ვისაც არ ჰყავს პარტნიორი, ამ წელს მისი შეხვედრის დიდი შანსებია. პრობლემები ელოდება მხოლოდ მათ, ვინც ურთიერთობების გამრავალაფეროვნებასა და მასში მგზნებარების შეტანას შეეცდება.

ჯანმრთელობის მხრივ საკმაოდ უპრობლემო წელი გელოდებათ. გექნებათ მძლავრი ენერგია. უნდა მოაწესრიგოთ დღის რეჟიმი და დაიცვათ ბალანსი მუშაობასა და დასვენებას შორის.

ღორი (ტახი)

ღორის წელიწადს დაბადებულებს 2021 წელი ძალზე ხელსაყრელი ელოდება. მათი სურვილები და ძირითადი თვისებები ასევე ბევრ რამეში ემთხვევა წლის მფარველის, ხარის ინტერესებს. ორივე საკმაოდ კონსერვატორია, მგრძნობიარე (ღორი, რა თქმა უნდა, უფრო ემოციურია), ორივე აფასებს მატერიალურ კომფორტსა და სტაბილურობას. ღორი, ერთი მხრივ, დააფასებს ხარის მიერ ნაბოძებ რესურსებს და მეორე მხრივ, იგრძნობს, რომ ეს, შესაძლოა, აუცილებელი ცვლილებების განსახორციელებლად დაბრკოლებად იქცეს.

სამუშაო სფეროს რაც შეეხება, ღორი საკმაორ მერყევია კარიერის საკითხებში, ხარსაც არ უყვარს გარისკვა, მაგრამ მუშაობა – კი. სამუშაოსა და ფულის საკითხებში ღორის წელს დაბადებულებს პრობლემები არ გელოდებათ, იღბალი თქვენ გვერდით იდგება. შესაძლებელია მოულოდნელი დახმარებებიც. იყავით თავაზიანი და დელიკატური სამუშაო ადგილზე – ეს 2021 წელს წარმატებების გარანტიაა.

2021 წლის ჰოროსკოპი: თევზები – ფინანსები, სიყვარული, ჯანმრთელობა>>

ურთიერთობების კუთხით გელოდებათ სასიამოვნო, კომფორტული და ჩვეული ურთიერთობები. თუმცა, შესაძლოა, შინაგანად იგრძნოთ ცვლილებების აუცილებლობა. რა თქმა უნდა უნდა, შეგიძლიათ საურთიერთობო წრის გაფართოება, მაგრამ თუ გავითვალისწინებთ ღორის სიზარმაცეს, რამე სერიოზული გადაწყვეტილებების იმედი ნაკლებადაა.

ჯანმრთელობის მხრივ ასევე უპრობლემო წელი გელოდებათ. ერთადერთი, შესაძლოა, მელანქოლია მოგეძალოთ და ამან ჯანმრთელობა და განწყობა შეგირყიოთ. ნუ მისცემთ თავს ცხვირის ჩამოშვების უფლება და ყველაფერი კარგად იქნება.

3862
საახალწლო მორთულობა

პოპულარული საშობაო სიმღერები და მათი საოცარი ისტორიები

42
(განახლებულია 17:03 15.01.2021)
საშობაო დღეები ალბათ წლის ერთადერთი პერიოდია, რომელსაც საკუთარი საუნდტრეკები აქვს. ტელევიზიაში, რადიოში, ქუჩებში, მაღაზიებში, წვეულებებზე ყველგან საშობაო საგალობლები და სადღესასწაულო ჰანგები ისმის.

მართალია, კოვიდ-პანდემიამ მსოფლიოში ახალი დღის წესრიგი დაამყარა და შობა–ახალი წელიც განსხვავებული ფორმატით აღვნიშნეთ, საშობაო სიმღერები მაინც არ დავივიწყეთ და ახლა უკვე სახლები ავავსეთ ამ მისტიკური მელოდიებით, წელიწადში მხოლოდ ერთხელ რომ ვუსმენთ და მუდამ ბედნიერებისა და იმედის განცდით გვავსებს.

შეიძლება ბევრი ფიქრობდეს, რა უნდა საშობაო სიმღერის შექმნასო, თითქოს ყველა ერთი პრინციპით იწერება – დაამატეთ სანტებს თოვლი და მხიარულება და სადღესასწაულო მელოდიაც მზადაა. მაგრამ ძალიან ბევრი ცნობილი საშობაო სიმღერის უკან საოცარი ისტორიები იმალება.

დღევანდელ სტატიაში შემოგთავაზებთ პოპულარულ საშობაო მელოდიებს და მათი შექმნის საინტერესო ისტორიებს, რომელიც ალბათ აქამდე არ იცოდით.

Jingle Bells

შეუძლებელია ჩვენი საშობაო სიმღერების ჩამონათვალი სხვა მელოდიით დაგვეწყო. სიმღერა, რომელიც ყველასთვის ახალ წელთან და შობასთან ასოცირდება, თავდაპირველად მადლიერების დღისთვის შეიქმნა. Jingle Bells საჯაროდ პირველად ეკლესიაში, მადლიერების დღის მსახურებაზე შესრულდა 1857 წელს. სიმღერა იმდენად მოეწონათ, რომ ერთი თვის შემდეგ შობაზეც შეასრულეს და, თამამად შეიძლება ითქვას, რომ მთელი მსოფლიოსთვის ის საშობაო ჰიმნი გახდა. სიმღერის ავტორად ამერიკელი ჯეიმზ ლორდ პიერპონტი ითვლება.

თუმცა, ეს ერთადერთი საინტერესო ინფორმაცია არ არის ამ კლასიკად ქცეული საშობაო მელოდიის შესახებ. როდესაც ამბობენ, რომ Jingle Bells მხოლოდ ამ სამყაროს არ ეკუთვნისო, არ ხუმრობენ: ეს მელოდია გინესის რეკორდების წიგნშია შესული – როგორც კოსმოსში შესრულებული პირველი სიმღერა.

 

White Christmas

Jingle Bells არ არის ერთადერთი გინესის რეკორდსმენი სიმღერა ჩვენს სიაში. ბინგ კროსბის მიერ შესრულებული „თეთრი შობის ღამეც“ მსოფლიო რეკორდსმენია – როგორც ყველა დროის ყველაზე მეტი რაოდენობით გაყიდული სინგლი. სიმღერის დებიუტი 1942 წელს შედგა ფილმში Holiday Inn. ამ მელოდიას ყველა ამერიკელის ოჯახში დღემდე ზამთრის ულამაზესი დღესასწაულის განწყობა და სიხარული შეაქვს. 

„თეთრი შობის ღამე" მისი კომპოზიტორის ირვინგ ბერლინის ტრაგედიას ეხება: მას შობის დღეს შვილი გარდაეცვალა. მიუხედავად საოცრად სევდიანი და ნოსტალგიური მელოდიისა, ამ სიმღერის გარეშე ამერიკაში არც ერთი საშობაო დღესასწაული არ ჩაივლის. 

ამ საშობაო მელოდიას კიდევ ერთი საინტერესო ისტორია აქვს: ის ამერიკელმა ჯარისკაცებმა ვიეტნამის ომის დროს საიგონის ევაკუაციისას საიდუმლო სიგნალად გამოიყენეს.

All I Want for Christmas is You

სანამ All I Want for Christmas is You უდიდესი ჰიტი გახდებოდა, მერაია ქერი ფიქრობდა, რომ ის ძალიან ახალგაზრდა იყო საშობაო ალბომის ჩასაწერად, მაგრამ მისმა მენეჯერმა ქმარმა ტომი მოტოლამ მოახერხა მისი დარწმუნება. მათ სტუდია საშობაო დეკორაციებით აგვისტოში მორთეს და ეს საოცარი მელოდიაც სულ რაღაც 15 წუთში ჩაიწერა.

Let it snow

სიმღერა, რომელიც ჩვენთვის შობასა და ახალ წელთან ასოცირდება, პაპანაქება სიცხეში, 1945 წლის ივლისში დაიწერა და მისი ავტორები ამ მელოდიით უფრო გრილ ამინდს ნატრობდნენ.

მიუხედავად იმისა, რომ ტექსტში ერთი სიტყვაც არაა ნახსენები დღესასწაულზე, Let it snow მაინც საშობაო სიმღერად განიხილება.

Last Christmas

Last Christmas ჯორჯ მაიკლმა დაწერა, იყო მისი პროდიუსერი და თითოეულ ინსტრუმენტზეც თვითონ უკრავდა. ჯორჯს არ სურდა ვინმე დახმარებოდა.

სინამდვილეში სიმღერას ძალიან ცოტა აქვს საერთო შობასთან. ის ძირითადად წარუმატებელ ურთიერთობებს და ერთი წლის შემდეგ მათთან პირისპირ დადგომას ეხება. მხოლოდ ერთადერთ ფრაზაში – Last Christmas ისმის შობა.

ბედნიერ შობა–ახალ წელს გისურვებთ!

42
შხარა

დღის ასტროპროგნოზი ზოდიაქოს ნიშნებისთვის: 15 იანვარი

716
(განახლებულია 11:29 15.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 15 იანვარია, პარასკევი. მზარდი მთვარე მერწყულის ნიშანშია. ამ დღეს პლანეტა ვენერა მფარველობს.

დღეს გრძნობებთან და სურვილებთან დაკავშირებით სიფრთხილეა საჭირო – ემოციები ჭარბად იქნება. აქედან გამომდინარე, ყველაფერი შეიძლება სულ სხვაგვარად, მოულოდნელი შედეგებით დასრულდეს. მაგალითად, ჩვეულებრივი შოპინგი ფულის უაზრო ხარჯვაში გადაიზარდოს, შემთხვევითი ნაცნობობა – ღალატში და ა.შ. ასე რომ, თავი აარიდეთ არასაჭირო ცდუნებებს, რომლის შედეგებიც შემდეგ სანანებელი შეიძლება გაგიხდეთ. ამასთან, ამ დღეს ბევრი პლუსიც აქვს – გაზრდილია შემოქმედებითი პოტენციალი, კომუნიკაბელურობა, ინტუიცია. გამოიყენეთ ეს და მიიღეთ სასიამოვნო დივიდენდები.

დაბადების დღე და მისი გავლენა ქალის ხასიათზე>>

ვერძი: თუ რაღაც დისკომფორტს გრძნობთ, ფიზიკური იქნება ეს თუ ემოციური, ეს აუცილებლად ცუდის ნიშანი არაა. იმის ნაცვლად, რომ იწუწუნოთ ან თანაგრძნობას დაელოდოთ სხვებისგან, ეცადეთ, სამყარო ისეთად აღიქვათ, როგორიც ის არის. როგორც კი ამას გააკეთებთ, მაშინვე მიხვდებით, რომ ყველაფერი არც ისე ცუდად არის, როგორ გეჩვენებოდათ. ბოლომდე არ აფასებთ საკუთარ უნარს, რომ გარემოებებს მოერგოთ. თქვენში მეტი მოქნილობაა, ვიდრე გგონიათ. დღეს ინტუიცია გამძაფრებული გექნებათ, რაც საქმეების წარმოებაში დაგეხმარებათ.

კურო: ეს ის დღეა, როდესაც სიტუაცია შესაძლებლობას მოგცემთ, განამტკიცოთ მიღწეული პოზიციები და უფრო მეტიც – წინ წახვიდეთ. ხელსაყრელი დროა ნებისმიერ სფეროში მოქმედებისთვის – ბიზნესიდან და კარიერიდან დაწყებული სიყვარულამდე. გექნებათ დიდი ენერგია და ძალების მოზღვავება, რომ ჩანაფიქრი განახორციელოთ. თქვენი დევიზი ამ დღეს გახდება ფრაზა „წარმატება მათი ხვედრია, ვინც ეს დაიმსახურა“. თუ არ იმოქმედებთ, ეს თქვენი არჩევანი იქნება. ასეთ შემთხვევაში მოგიწევთ მაცდურ პერსპექტივებზე უარის თქმა.

ტყუპი: ეს დღე ადამიანებთან ურთიერთობებს უნდა მიუძღვნათ, სადაც არ უნდა იყოთ. თქვენი კომუნიკაბელურობა სათანადო დონეზე იქნება და საშუალებას მოგცემთ, იოლად გადაჭრათ სხვადასხვა საკითხი, დაარწმუნოთ ვინმე რამეში, გააბათ ახალი ნაცნობობა. რომანტიკულიცა და საქმიანი კავშირებიც ჩვეულებრივზე ადვილად წარიმართება. შეგიძლიათ კარიერაზეც იზრუნოთ – საჭირო ადამიანების მხარდაჭერა გექნებათ, თუ სასიყვარულო პარტნიორს ეძებთ – ამის დიდი შანსი გაქვთ.

კირჩხიბი: დღეს ურთიერთწინააღმდეგობებით იქნებით სავსე: ერთი მხრივ, მოჭარბებულ ძალასა და ენერგიას იგრძნობთ, რისი წყალობითაც ნებისმიერ ამოცანას ადვილად გაუმკლავდებით, ხოლო მეორე მხრივ დღე იოლ გზებს არ გპირდებათ, პირიქით, სირთულეებისა და ბარიერების გადალახვა მოგიწევთ. შეგიძლიათ თავი საუკეთესო მხრიდან წარმოაჩინოთ, ასე რომ, განაწყენება და ნერვიულობა არ ღირს, თუ რამე დაბრკოლებას გადააწყდებით ან ძალების დაძაბვა მოგიწევთ – მხოლოდ ასე შეძლებთ საკუთარი მძლავრი პოტენციალის გამოყენებას და წარმატების მიღწევას.

ლომი: დღეს ვარსკვლავები ფორტუნის ბედნიერ შანსებს გიწინასწარმეტყველებენ, მაგრამ ბევრი რამ იმაზე იქნება დამოკიდებული, თუ როგორ გამოიყენებთ ამას. საქმე ისაა, რომ დღეს ენერგიული არ ხართ და არც კარგი რეაქციები გაგაჩნიათ, მოვლენები კი შეიძლება ძალიან სწრაფად განვითარდეს და თქვენგან გადაწყვეტილებების სწრაფად მიღება გახდეს საჭირო. ასე რომ, ასტროლოგები ერთ რამეს გირჩევენ: კარგად გამოფხიზლდეთ, თავს შეუძახოთ, იმოქმედოთ აქტიურად და მთელი დღე ტონუსში იყოთ. ამ დღეს მოდუნება არ შეიძლება.

ქალწული: ექსპერტები გირჩევენ, დღეს რაც შეიძლება შორს დადგეთ რუტინისა და ყოველდღიური ორომტრიალისგან. ამის გაკეთება სხვადასხვანაირად შეიძლება – არჩევანი თქვენზეა. ამასთან, ექსპერიმენტების ჩატარებაც შეგიძლიათ, მაგალითად, შემოქმედებაში, კულინარიაში, ასევე შეიძლება გარდერობის განახლება, პაემნის დაგეგმვა... მთავარია, პირველი ნაბიჯი გადადგათ ცვლილებებისკენ და მოვლენები შემდეგ უკვე თვითონ მიგასწავლით გზას.

სასწორი: ერთადერთი, რაც ხვალ არ უნდა გააკეთოთ, ეს მარტო ყოფნაა. მოდუნდით, გაერთეთ, როგორც ეს შესაძლებელია, იყავით ყურადღების ცენტრში და თავს ისე იგრძნობთ, როგორც თევზი წყალში. დღეს იქნებით ძალზე კომუნიკაბელური, მომხიბლავი, კაშკაშა ემოციებით სავსე. ამის წყალობით ნებისმიერ კოლექტივში გაიბრწყინებთ. ასტროლოგები გირჩევენ, რომ ეს დრო არა მხოლოდ გართობისთვის, არამედ საჭირო კონტაქტების დამყარებისთვისაც გამოიყენოთ.

მორიელი: დღეს მოგეცემათ შანსი, საკუთარ თავზე გამოსცადოთ, რომ თანამშრომლობა, მხარდაჭერა, პარტნიორობა მხოლოდ ლამაზი სიტყვები არაა. მოვლენები დღეს იმგვარად შეიძლება განვითარდეს, რომ ვინმე დაგეხმაროთ, ან თქვენ ამოუდგეთ მხარში ადამიანს, რომელიც გასაჭირშია ჩავარდნილი. ნებისმიერ შემთხვევაში ეს დაგაფიქრებთ იმაზე, თუ თქვენ ირგვლივ როგორი ადამიანები არიან შემოკრებილი. ასევე იფიქრებთ იმაზე, თუ ვის შეიძლება ენდოთ და ვის – არა...

მშვილდოსანი: დღეს გარკვეულწილად არაორგანიზებული იქნებით, დაგავიწყდებათ რაღაც–რაღაცები, შესაძლოა, ისე, რომ ვერც მიხვდეთ, საზღვრებიც დაარღვიოთ – სუბორდინაციის, ვინმეს მოთმინების, პირადი სივრცის და ა.შ. ნებისმიერ საქმეს კარგად გაართმევთ თავს, რომელიც შემოქმედებითი იქნება, ხოლო საქმეებში, სადაც კონკრეტიკაა საჭირო, წარმატების შანსები თითქმის არაა. ასევე მოერიდეთ რამე სახის გართულებულ ვითარებას, საქმის გარჩევებს, რომ ვინმეს „ცხელ გულზე“ ხელში არ მოხვდეთ.

თხის რქა: დღეს მოვლენები იმგვარად განვითარდება, რომ საკუთარ ფინანსებზე მოგიწევთ ყურადღების მიქცევა. შესაძლოა, ბედი საჩუქარს გიგზავნით პრემიის ან ხელფასის მატების კუთხით, ან, სულაც, არცთუ სასიამოვნო სიახლე გელოდებათ. ვარსკვლავები გაფრთხილებენ, რომ თქვენი თანხა დღეს მოულოდნელად შეიძლება გაიზარდოს, ან პირიქით – გაუარესდეს. დანაკარგებს რომ თავი აარიდოთ, არ ღირს გარისკვა და საეჭვო ფინანსურ ოპერაციებში მონაწილეობა.

მერწყული: დღეს, შესაძლოა, საკუთარი ინტერესების დაცვა მოგიწიოთ და ამის გაკეთებას უპრობლემოდ შეძლებთ. გაქვთ სხვების საკუთარ სიმართლეში დარწმუნების უნარი და ირგვლივ მყოფნი ყურადღებით მოისმენენ თქვენს არგუმენტებს. ვარსკვლავები გირჩევენ, რომ ეს პლუსი გამოიყენოთ არა მხოლოდ სადავო საკითხების გადაწყვეტისთვის, არამედ მოლაპარაკებების წარმოებისა და საკუთარი იდეების ან პროექტების წარდგენისთვის.

თევზები: დღეს კარგი იქნება, თუ თქვენს სიზმრებს მიაქცევთ ყურადღებას. და აქ საქმე არა იმდენად მისტიკას ეხება, რამდენადაც იმას, რომ დღისით ვითარების გაანალიზებას სურვილები და ემოციები უშლის ხელს. ქვეცნობიერის მოტყუება კი რთულია და მისი ხმა, ჩვეულებრივ, ღამით, ძილში ისმის. თქვენი ინტუიცია კი დღეს უმძაფრესი იქნება და ქვეცნობიერის ხმა – განსაკუთრებით მკაფიო. ამიტომ ღირს, ყური დაუგდოთ სიზმრებს და ნებისმიერ კითხვაზე – „მინდა – არ მინდა“ მიიღოთ სათანადო პასუხი – ამას წინათგრძნობა გიკარნახებთ.

716
ფოთის პორტი

ფოთში სატვირთო მანქანების მძღოლებმა საპროტესტო აქცია გამართეს

0
მძღოლები სანაოსნო კომპანიებისგან ტარიფის გაზრდას ითხოვენ, წინააღმდეგ შემთხვევაში საქონელს აღარ გადმოტვირთავენ და აქციებს გააგრძელებენ

თბილისი, 15 იანვარი - Sputnik. სატვირთო მანქანების მძღოლებმა ფოთში შეკვეთილი რეისების ტარიფების გაზრდის მოთხოვნით აქცია გამართეს.

მომიტინგეების თქმით, ტარიფები პანდემიის გამო ძალიან დაბალია, რაც მათ მუშაობას ურთულებს. როგორც მძღოლები ამბობენ, მათ ოჯახები ჰყავთ შესანახი და საბანკო ვალდებულებები აქვთ გასასტუმრებელი. მძღოლები სანაოსნო კომპანიებისგან ტარიფების გაზრდას ითხოვენ, წინააღმდეგ შემთხვევაში, საქონლის გადმოტვირთვაზე უარს აცხადებენ.

„ტარიფები ძალიან დაბალია, ხელოვნურადაა დაწეული. ჩვენი მოთხოვნაა ტარიფების გაზრდა. აზერბაიჯანში საწვავის ფასი გაიზარდა, საქართველოშიც კვლავ გაიზრდება და საერთოდ აღარ ღირს მუშაობა, არაფერი გვრჩება. ჩვენ ვერ ვინახავთ მანქანებს, ვერ ვინახავთ ოჯახებს, კრედიტები გვაქვს, ბანკები სახლებს გვართმევენ. თუ ჩვენი მოთხოვნა არ დაკმაყოფილდება, საქონელს აღარ გადმოვტვირთავთ, არ გადავზიდავთ, ტრანსპორტი გაჩერდება“, - განაცხადეს აქციის მონაწილეებმა ტელეარხ „იმედის“ ეთერში.

მოთხოვნების შეუსრულებლობის შემთხვევაში მძღოლები პერმანენტულ აქციებს არ გამორიცხავენ.

 

 

0