საახალწლო განწყობა

კვირის ასტროპროგნოზი: სიყვარული, ფინანსები, სამუშაო 28 დეკემბერი 3 იანვარი

1800
(განახლებულია 11:24 28.12.2020)
დგება 2020 წლის ბოლო და 2021 წლის პირველი კვირა. როგორი იქნება ეს პერიოდი ზოდიაქოს ნიშნების წარმომადგენლებისთვის – ამის შესახებ ასტროლოგები გვიამბობენ.

კვირის პირველ ნახევარში გაიზრდება მიზიდულობა საწინააღმდეგო სქესის წარმომადგენლებს შორის. უკვე სამშაბათიდან დაიწყება ურთიერთობების ობიექტური შეფასება. აქედან გამომდინარე, არ ღირს მნიშვნელოვანი გადაწყვეტილეების მიღება კვირის დასაწყისშივე.

ვისაც უკვე ჰყავს პარტნიორი, საჭიროა გულგრილობისთვის თავის არიდება – ამას კავშირის გაწყვეტა შეიძლება მოჰყვეს.

კვირის პირველ ნახევარში არ ღირს სხვისი რჩევების იგნორირება. კვირის მეორე ნახევარში პლანეტების განლაგება იმგვარი იქნება, რომ მნიშვნელოვანი ცვლილებები მოსალოდნელი არ არის. შესაძლოა გაჩნდეს ფართო შესაძლებლობები შემოქმედებისა და თვითგანვითარებისთვის, საკუთარი უნარებისა და ნიჭის აღმოჩენისთვის.

ვერძი

კვირის პირველი ნახევარი ხელსაყრელი დრო იქნება იმისთვის, რომ ინტენსიურად იმუშაოთ დასახული ამოცანების შესასრულებლად. კიდევ გაქვთ წარმატების მიღწევის შანსი ამ წელიწადს, განსაკუთრებით, თუ ირგვლივ მყოფთა რჩევებს მოუსმენთ. მნიშვნელოვანი გადაწყვეტილებების მიღებისას ახლა აუცილებლად უნდა მოერიდოთ ეგოიზმს და სხვების ინტერესებიც გაითვალისწინოთ.

კვირის მეორე ნახევარში მეტი დრო დაუთმეთ შემოქმედებით საქმიანობას. ახლა ნებისმიერი კრეატიული საქმიანობა მორალურ და ემოციურ კმაყოფილებას მოგიტანთ. არ არის გამორიცხული სასიამოვნო მოვლენები პირად ურთიერთობებში.

კურო

ამ კვირის პირველ ნახევარში აშკარად მოიმატებს ახალი ცოდნის, გამოცდილების მიღებისა და ექსპერიმენტების ჩატარების სურვილი. ექსპერიმენტების ჩატარება ახლა არ ღირს სამუშაოსა და ჯანმრთელობასთან დაკავშირებით, სხვა საკითხებში კი შეზღუდვები არ მოქმედებს. წინსვლაა მოსალოდნელი საქმიანობაში და სწავლაში.

კვირის მეორე ნახევარში დრო დაუთმეთ ოჯახს, ახლობლებთან და ნათესავებთან ურთიერთობებს. ეს ურთიერთობები მრავალ დადებით ემოციას მოგიტანთ. მეტი დრო გაატარეთ სახლში, გამოიყენეთ უქმეები.

ტყუპი

კვირის პირველ ნახევარში ვარსკვლავების განლაგება თქვენში თავგადასავლების ძიების წყურვილს გააჩენს, მათ შორის – სასიყვარულო. არაა გამორიცხული მგზნებარე რომანი, სასიყვარულო თავგადასავალი, სხვადასხვა სახის ცდუნება, მაგრამ სიფრთხილე გმართებთ აზარტულ თამაშებსა და ავანტიურებში ჩართვასთან დაკავშირებით.

ამ პერიოდში მოიმატებს ტრავმების მიღების საშიშროება, ამიტომ ყურადღება უნდა გააასმაგოთ. კვირის მეორე ნახევარში შეიძლიათ დაგეგმოთ მეგობრებთან ურთიერთობები, ხანმოკლე მგზავრობა. ყველაფერი საკმაოდ წარმატებით ჩაივლის.

კირჩხიბი

კვირის პირველ ნახევარში პირად ან საქმიან ურთიერთობებში პოზიტიური მოვლენები გელოდებათ. პარტნიორთან საქმიანი ურთიერთობები შეიძლება უფრო ინტენსიური გახდეს, ხოლო პირად ურთიერთობებში გრძნობების გაძლიერება ან განახლება შეიძლება მოხდეს. თუმცა პირად ცხოვრებაში ახლა ზედმეტი სიჯიუტე არ ივარგებს – თქვენმა ამ თვისებამ, შესაძლოა, სერიოზული ჩხუბი ან გრძნობების გაციება გამოიწვიოს.

კვირის მეორე ნახევარი საკმაოდ პოზიტიური იქნება, წარმატება გელოდებათ ნებისმიერი სახის ფინანსური ოპერაციის ჩატარებისას. შეგიძლიათ მატერიალურ მდგომარეობაზე სერიოზულად დაფიქრება და თუ მთელი წლის არა, ერთი თვის მაინც ფინანსური გეგმის შედგენა.

ლომი

კვირის დასაწყისში დასვენებას ნუ იჩქარებთ – ახლა შესანიშნავი დროა თქვენთვის, რომ ინტენსიურად და ეფექტურად იმუშაოთ. ძალზე მნიშვნელოვანია, რომ თავი აარიდოთ ქაოსსა და დაუფიქრებელ ნაბიჯებს, ამან თქვენი ძალისხმევა შეიძლება გაანულოს. ეცადეთ, კარგად დაგეგმოთ თქვენი მოქმედებები და ასეთ შემთხვევაში ძალზე პროდუქტიული იქნება თქვენი საქმიანობა.

ამ კვირაში ყურადღება უნდა მიაქციოთ ჯანმრთელობას. კვირის მეორე ნახევარში თავის გამოჩენის შანსი გაგიჩნდებათ. იყავით ბუნებრივი და უშუალო, რადგან სწორედ ეს აღმოჩნდება ახლა ყველაზე ეფექტური, რათა ირგვლივ მყოფებმა თქვენი საქმეები სათანადოდ შეაფასონ.

ქალწული

კვირის პირველ ნახევარში პლანეტების განლაგება სასიყვარულო თავგადასავლებს გპირდებათ, ასევე გაჩნდება გართობისადმი ძლიერი მისწრაფებები. ამ პერიოდში კარგი იქნება, თუ ურთიერთობებს მეტ რომანტიკას შემატებთ. მოსალოდნელია დროებითი ფინანსური პრობლემები, ამიტომ გართობისთვის შესაფერისი ვარიანტები შეარჩიეთ.

არ არის გამორიცხული ახალი ნაცნობობა და სასიყვარულო პაემნებიც, თუმცა აუცილებლად დარწმუნდით, რომ თქვენს ახალ პარტნიორს გულწრფელი დამოუკიდებულება აქვს თქვენდამი და ამ ურთიერთობებს ანგარების მიზნით არ იყენებს. ახალი წლის დადგომის შემდეგ ვარსკვლავები გირჩევენ, ეს პერიოდი მაქსიმალურად მშვიდად გაატაროთ, მეტი დრო დაუთმოთ დასვენებას, რელაქსაციას.

სასწორი

საოჯახო და სახლის საქმეების გადასაწყვეტად კვირის პირველი ნახევარი გამოიყენეთ. შეგიძლიათ რამე შეცვალოთ  საცხოვრებლის ინტერიერში, მაგრამ ეს აუცილებლად შეათანხმეთ ოჯახის წევრებთან, რომ გაუგებრობებს აარიდოთ თავი.

კვირის მეორე ნახევარი კარგი დროა მეგობრებთან ურთიერთობებისთვის, რაც თქვენზე ძალზე დიდ შთაბეჭდილებას მოახდენს და დადებითი ემოციებით დაგმუხტავთ. კვირის მეორე ნახევარი ასევე შესანიშნავი დროა სამომავლო გეგმების დასაწყობად.

მორიელი

კვირის პირველ ნახევარში საკმაოდ ბევრი და ინტენსიური ურთიერთობა გელოდებათ. მოგიწევთ მუშაობა ინფორმაციასთან, მონაცემების დამუშავება. მაგრამ სანამ საქმეს შეუდგებით, ჯერ შეამოწმეთ მიღებული ინფორმაციის სანდოობა და მხოლოდ ამის შემდეგ მიიღეთ გადაწყვეტილება – არ არის გამორიცხული, რომ თქვენს მოტყუებას შეეცადონ.

კვირის მეორე ნახევარში ყურადღების ცენტრში მოექცევით და გარკვეულ პოპულარობასაც მოიხვეჭთ იმ წრეში, სადაც მომავალში მოგიწევთ ურთიერთობები. არ შეუშინდეთ ყურადღების ცენტრში ყოფნას, უბრალოდ, თავი ბუნებრივად გეჭიროთ.

მშვილდოსანი

კვირის პირველ ნახევარში აჯობებს, თუ ფინანსურ საკითხებს გადაჭრით. თუ ახლა აქტიურად იმუშავებთ ამ მიმართულებით, დიდი ალბათობით, მატერიალური მდგომარეობის გაუმჯობესებას შეძლებთ. სავარაუდოდ, დიდი თანხის დახარჯვა მოგიწევთ, რაც არცაა გასაკვირი ახალი წლის დღეებთან დაკავშირებით. მაგრამ ასტროლოგები გირჩევენ, მკაცრად გააკონტროლოთ ხარჯები, რათა ბიუჯეტს არ გადააჭარბოთ. ასევე ექსპერტების რჩევაა, ჯერ არ დააწყოთ ფინანსური გეგმები მომავალი წლისთვის.

კვირის მეორე ნახევარში მოიმატებს ახალი ცოდნის მიღების წყურვილი, მიგიზიდავთ ყველაფერი ახალი და უჩვეულო. ეს შესანიშნავი დროა სწავლისა და საკუთარი თვალსაწიერის გაფართოებისთვის.

თხის რქა

კვირის პირველ ნახევარში შეძლებთ და უფრო მეტ სიმტკიცეს გამოიჩენთ, რომ საკუთარი ენერგია პირადი ინტერესების დაცვას მოახმაროთ, მაგრამ კონფლიქტი გავლენიან ადამიანებთან არ ღირს, ასევე სარგებელს არ მოგიტანთ ზეწოლით დოკუმენტებთან დაკავშირებული საკითხების გადაჭრა. ასევე ამ კვირაში მოიმატებს სექსუალური ლტოლვა, ყურადღება საწინააღმდეგო სქესის მხრიდან. ეცადეთ, თავი გამომწვევად არ დაიჭიროთ, რადგან ეს, შესაძლოა, თქვენს რეპუტაციაზე უარყოფითად აისახოს.

ახალი წლის შემდეგ გაიზრდება თავგადასავლებისა და ძლიერი ემოციების მოთხოვნილება. ეცადეთ, ამ პერიოდში დაიცვათ უსაფრთხოების ზომები, რათა უსიამოვნებები აიცილოთ თავიდან.

მერწყული

ახალ წლამდე პერიოდში არაფერი გრანდიოზული არ დაგეგმოთ. უმჯობესია, ნებისმიერ სტრესს აარიდოთ თავი. მეტი დრო დაუთმეთ დასვენებასა და რელაქსაციას. შეგიძლიათ გააანალიზოთ გასული წელი, გაიხსენოთ სასიამოვნო მომენტები, საკუთარი მიღწევები. მიხვდებით, რომ მიუხედავად კრიზისისა, ყველაფერი კარგად აეწყო. ეს საკუთარი ძალების რწმენას შეგმატებთ.

ახალი წლის შემდეგ მეტი დრო დაუთმეთ პირად ურთიერთობებს, გაატარეთ დრო ადამიანთან, რომელიც მოგწონთ ან გიყვართ. ასევე წაგადგებათ ხელოვნებისა და კულტურის მიმართულებებით დაინტერესება.

თევზები

ვარსკვლავების განლაგება კვირის პირველ ნახევარში მიანიშნებს იმაზე, რომ მეგობრებთან აქტიური ურთიერთობები გელოდებათ. არ არის გამორიცხული, რომ მათი მხრიდან ავანტიურული შემოთავაზებები მიიღოთ, მაგრამ ვარსკვლავები გაფრთხილებენ, რომ ეს, დიდი ალბათობით, სავალალო შედეგებით დასრულდება. ეს პერიოდი ახალ იდეებს მოიტანს, მაგრამ უნდა ეცადოთ და რეალური სარისკოსგან გაარჩიოთ.

ნიშნების შეთავსებადობა აღმოსავლური კალენდრის მიხედვით>>

კვირის მეორე ნახევარში ყოფით საქმეებს დაუთმეთ დრო – მოაწესრიგეთ სახლი, შექმენით სიმყუდროვე, შეგიძლიათ მცირე კოსმეტიკური რემონტიც ჩაატაროთ. ხელსაყრელი დროა ასევე იმისთვის, რომ ჯანმრთელობას მიხედოთ – ჩაატაროთ პროფილაქტიკური ღონისძიებები, მიჰყვეთ ჯანსაღი ცხოვრების წესს და დაიცვათ დიეტა.

1800
ახალგაზრდა კაცი ეწევა ჩილიმს

ჩილიმი სიგარეტზე ბევრად მავნებელია - ძალიან ცდებით, თუ პირიქით ფიქრობთ

28
(განახლებულია 15:02 26.01.2021)
ჩილიმის მოწევა სიგარეტზე ბევრად მავნებელია, ვინაიდან ამ დროს ფილტვებში ისეთი ნაწილაკები ხვდება, რომლებიც სიგარეტის მოწევისას

თბილისი, 26 იანვარი — Sputnik. ის, ვინც ჩილიმს მოწევის უსაფრთხო საშუალებად მიიჩნევს, ძალიან ცდება, აცხადებს ცნობილი ექიმი ალექსანდრ მიასნიკოვი.

მისი თქმით, რეალურად ჩილიმი სიგარეტზე ბევრად მავნებელია.

„სინამდვილეში, როდესაც ჩილიმს ვეწევით, მავნე ნივთიერებების იმ რაოდენობას შევისუნთქვათ, რამდენსაც ერთ-ნახევარი კოლოფი სიგარეტის მოწევისას შევისუნთქავდით“, — განმარტავს ექიმი.

სპეციალისტი აზუსტებს, რომ ჩილიმის მოწევამ, კვამლის წვრილდისპერსიული ნაწილაკების ინჰალაციის გამო, შეიძლება უმძიმესი დაავადება გამოიწვიოს.

  • „ჩილიმის მოწევისას ადამიანი კვამლთან ერთად ჩაისუნთქავს წვის მიკრონაწილაკებს და მთელი პერიოდის განმავლობაში (ნაფაზი) ფილტვებში ხდება მიკროწვა, რამაც შეიძლება ფილტვის კიბო გამოიწვიოს“, — ამბობს მიასნიკოვი.

ექიმი განმარტავს, რომ მოწევის უსაფრთხო ფორმა არ არსებობს — ჩიბუხები და სიგარებიც კი პირის ღრუს კიბოს განვითარების რისკ-ფაქტორია.

28
თემები:
ექიმი გირჩევთ
საქართველოს ზამთრის პეიზაჟები

დღის ასტროპროგნოზი ზოდიაქოს ნიშნებისთვის: 26 იანვარი

476
(განახლებულია 11:17 26.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 26 იანვარია, სამშაბათი. მზარდი მთვარე კირჩხიბის ნიშანშია. ამ დღეს პლანეტა მარსი მფარველობს.

დღევანდელი დღე ადამიანებისგან მეტ კონკრეტულობას მოითხოვს. ნებისმიერი გაურკვევლობა გაღიზიანებას გამოიწვევს. გამძაფრდება რეაქციები მიმდინარე მოვლენებზე, რაც, შესაძლოა, კონფლიქტების საფუძველი გახდეს. ამავე დროს დღეს ძალიან იოლი იქნება ღრმად მიმალულ გრძნობებზე საუბარი, ადამიანისთვის პირდაპირ თქმა, თუ რას ფიქრობთ მასზე. თუმცა, ამ შემთხვევაში სჯობს, ფარგლებს არ გასცდეთ და უკმეხად არაფერი წამოგცდეთ – ამას ურთიერთობებში ბზარის შეტანა შეუძლია.

2021 წლის ჰოროსკოპი ზოდიაქოს ნიშნებისთვის>>

ვერძი: დღეს თქვენთვის საქმეების მოწესრიგების დღეა. თუნდაც ეს გაწერილი არ გქონდეთ, დიდი ალბათობით, ამის აუცილებლობას შექმნილი ვითარება მოითხოვს. მოწესრიგება შეიძლება დასჭირდეს თქვენს სამუშაო ადგილს, ან საქმეებსა და გეგმებს. არ არის გამორიცხული, რომ მოწესრიგების პროცესში დავიწყებული რამ აღმოაჩინოთ, რომელიც დღემდე აქტუალური და თან – საკმაოდ ფასეული.

კურო: დღეს გარშემომყოფებთან და მათ შორის, ახლობელ ადამიანებთან დისონანსში იქნებით. შესაძლოა, მოგეჩვენოთ, რომ თქვენ ირგვლივ ადამიანები ძალიან სერიოზული განწყობით დაიარებიან, ისინი კი, თავის მხრივ, უკმაყოფილო იქნებიან თქვენი უზრუნველობით. სერიოზულ კამათს ეს, დიდი ალბათობით, არ გამოიწვევს, თუმცა იმისთვის, რომ ირგვლივ მყოფებთან ურთიერთობებში ბზარი არ გაჩნდეს, ხშირად მოირგეთ „სერიოზული და ჭკვიანი“ ადამიანის სახე, თუნდაც ეს ძალზე სასაცილოდ გეჩვენებოდეთ.

ტყუპი: დღეს მზად ხართ, რომ მტკიცე და შეიძლება რადიკალური ზომებიც გადადგათ და ეს განსაკუთრებით ფინანსების სფეროს ეხება. იმის ნაცვლად, რომ ასჯერ გაზომოთ და ერთხელ გაჭრათ, ასჯერ გაჭრის განწყობაზე იქნებით. ერთი მხრივ, არის საფრთხე, რომ ფული ქარს გაატანოთ; მეორე მხრივ კი ეს საბრძოლო განწყობა ბიძგს მოგცემთ, გადადგათ ის ფინანსური ნაბიჯები, რომლებიც უკვე მომწიფებულია და დიდი ხანია, გადაწყვეტას მოითხოვს.

კირჩხიბი: დღეს კირჩხიბები კრიტიკოსების სახით მოგვევლინებით. ამასთან, თქვენი კრიტიკა ყველა ნაკლებად იქნება მიმართული საკუთარი თავისადმი, კრიტიკის ობიექტები დიდწილად გარშემომყოფები იქნებიან. თქვენი შენიშვნები ადამიანებს შეცდომების გამსოწორებას აიძულებს, თუმცა ყველაფერი მარტივადაც არ იქნება. თქვენი ბრძნული რჩევები, შესაძლოა, ყურს მიღმა გატარდეს, ხოლო კრიტიკა კი წყენის წყარო გახდეს. თქვენი გადასაწყვეტია – ღირს თუ არა კრიტიკაზე დროისა და ძალების  დახარჯვა, თან, როდესაც შედეგის იმედი ნაკლებადაა.

ლომი: დღეს დიდი ალბათობაა, რომ ირგვლივ მყოფი ადამიანები შეეცადონ, თავიანთი წილი პასუხისმგებლობა თქვენ მხრებზე გადმოიტანონ. ისინი იგრძნობენ, რომ დამყოლ ხასიათზე ხართ და ამის გამოყენებას ურცხვად შეეცდებიან. ამის გამოსწორება შეგიძლიათ, თუ მკაცრად დაიცავთ თქვენს პოზიციებს და აღკვეთ ამგვარ მცდელობებს. სხვაგვარად მოგიწევთ სხვისი საქმეების გაკეთება და საკუთარის გადადება.

ქალწული: მთელი დღე გარედან აკვიატებული ზეწოლა შეიძლება იგრძნოთ. შესაძლოა, ეს დროის დეფიციტი იყოს, ან ვითარება მოითხოვდეს თქვენგან სწრაფ მოქმედებებს, ასევე გარშემომყოფები გამუდმებით მოგმართავდნენ თხოვნით. ნებისმიერ შემთხვევაში, ამ ზეწოლისგან გათავისუფლება გაგიჭირდებათ, ამიტომ, სჯობს, შეეგუოთ ასეთ მდგომარეობას. ყველაფერს აჯობებს, განმარტოვდეთ, თუ ამის შესაძლებლობა გაქვთ და სიმშვიდეში მიხედოთ თქვენს საქმეებს.

სასწორი: დღეს იშვიათი შანსი გაქვთ, რომ რომელიმე საქმეში დიდი ნაბიჯი გადადგათ წინ. მთავარია, საჭირო მომენტი დროულად დაინახოთ, ხელიდან არ გაუშვათ და მტკიცედ, მკაფიოდ იმოქმედოთ. აქტიური და შეუპოვარი მოქმედებების წყალობით გამარჯვების დიდი შესაძლებლობა გაქვთ. გამოიყენეთ ეს დღე ახალი სიმაღლეების დასაპყრობად და კონკურენტების უკან ჩამოსატოვებლად.

მორიელი: დღეს სამართლიანობის გრძნობა გამძაფრდება თქვენში. მზად ხართ, ვინმე ან რამე საკუთარი მკერდით დაიცვათ, თუ ჩათვლით, რომ მას ჩაგრავენ და ავიწროებენ. რას იზამთ, ხანდახან ცუდი არაა სამართლიანობისთვის ბრძოლა და მოძალადისთვის ადგილის მიჩენა. თუმცა დღეს უსამართლობა შეიძლება იქაც „დაინახოთ“, სადაც ამის ნატამალიც კი არაა. ასე რომ, მეტი დაკვირვება გმართებთ, რომ განგაშის ზარი ტყუილუბრალოდ არ შემოჰკრათ.

მშვილდოსანი: დღეს, შესაძლოა, მთელი დღე ჭეშმარიტების ფუჭ ძებნაში დაკარგოთ, თან დარწმუნებული იყოთ, რომ ის „სადღაც აქვეა“. ეს ძებნა ნებისმიერ საკითხს შეიძლება უკავშირდებოდეს – ურთიერთობებს, მუშაობას, პირად ცხოვრებას. თუმცა, რაც არ უნდა მოგეჩვენოთ, რომ სამართლიანობა „ჰა და ჰა, გაიმარჯვებს“, იცოდეთ, რომ ეს მხოლოდ მოჩვენებაა. შეიძლება გაკვირვებულმა აღმოაჩინოთ, რომ „სუფთა სახის“ ჭეშმარიტება თითქმის უსარგებლო რამაა და თქვენ გარდა ის არავის სჭირდება.

თხის რქა: ასტროლოგები დღეს მხოლოდ პირდაპირი გზებით სიარულს გირჩევენ. საკუთარ თამაშის წამოწყების მცდელობას, ან, უფრო უარესი – რამის დამალვას ან დამახინჯებას, სავალალო შედეგები შეიძლება მოჰყვეს. თუ საჭირო შედეგის მიღება გსურთ, ღიად, პირდაპირ და პატიოსნად უნდა იმოქმედოთ. გარშემომყოფებიც სწორედ ამ თვისებებს დააფასებენ თქვენში. მაგრამ ერთიცაა – გულწრფელობასაც თავის საზღვრები აქვს და დაიცავის ეს ფარგლები.

მერწყული: დღეს საჭირო შედეგების მისაღწევად იმის ლაპარაკი მოგიწევთ, რასაც თქვენგან ელოდებიან და არა იმის, რასაც სინამდვილეში ფიქრობთ. ხანდახან შეიძლება გაჩუმებაც უპრიანი იყოს. რას იზამთ, გულწრფელობა ზოგჯერ უადგილოა ხოლმე და მით უმეტეს – მნიშვნელოვან საუბრებში, მოლაპარაკებებში. დღეს თუ სათქმელს პირდაპირ იტყვით, შეიძლება ავნოთ საქმესაც და საკუთარ თავსაც. თუ გაჩუმდებით, მომგებიან პოზიციაში აღმოჩნდებით.

თევზები: დღეს საქმიანობაში მტკიცედ და საბრძოლოდ ხართ განწყობილი. რატომ უნდა იწვალოთ კვანძის გახსნაზე, როცა მისი ნაჯახით გადაჭრა შეიძლება? ყველაზე საინტერესო ისაა, რომ ზოგიერთ საკითხში რადიკალური ზომები სწორედაც რომ ყველაზე მომგებიანი შეიძლება აღმოჩნდეს. მაგრამ ისეთ საქმეებს, რომლებიც დროსა და დელიკატურ დამოკიდებულებას საჭიროებს, სჯობს, სათოფეზეც არ გაეკაროთ. ან წინასწარ შეეგუოთ, რომ ისინი, ასეთ შემთხვევაში, სრული კრახისთვისაა განწირული.

476
არაგვი

ევროკავშირი საქართველოს აკვაკულტურის ეროვნული სტრატეგიის შემუშავებაში დაეხმარება

0
(განახლებულია 15:29 26.01.2021)
გარემოს დაცვისა და სოფლის მეურნეობის სამინისტრომ და საქართველოში ევროკავშირის წარმომადგენლობამ მტკნარი წყლის აკვაკულტურის ღირებულებათა ჯაჭვის ანალიზის დაწყების შესახებ ოფიციალურად გამოაცხადეს.

თბილისი, 26 იანვარი – Sputnik. მტკნარი წყლის აკვაკულტურის ეროვნული სტრატეგიის განვითარების შემუშავებაში საქართველოს ევროკავშირის ექსპერტები დაეხმარებიან, რომლებიც თბილისში 2021 წლის გაზაფხულზე ჩამოვლენ, იუწყება საქართველოში ევროკავშირის წარმომადგენლობა.

ოთხი საერთაშორისო და ქართველი სპეციალისტებისგან დაკომპლექტებული ჯგუფი საქართველოს აკვაკულტურის კვლევას ჩაატარებს და ჩატარებული სამუშაოების შესახებ ანგარიშს ზაფხულისთვის წარმოადგენს. 

ევროპელ ექსპერტებთან პირველი ონლაინ–შეხვედრა „ღირებულებათა ჯაჭვის ანალიზი განვითარებისათვის“ პროექტის ფარგლებში (VCA4D) უკვე ჩატარდა. მასში მონაწილეობა მიიღეს გარემოს დაცვისა და სოფლის მეურნეობის მინისტრის მოადგილე ნინო თანდილაშვილმა, საქართველოში ევროკავშირის წარმომადგენელმა ჯორჯ დეუმ და ევროკომისიის წარმომადგენელმა მეთიუ ბრუკმა.

შეხვედრის დროს მონაწილეებმა ერთმანეთს გაუზიარეს ცოდნა  ღირებულებათა ჯაჭვის შესახებ, იმსჯელეს კვლევის ფარგლებში მოსალოდნელ გამოწვევებზე და მხარეთა თანამშრომლობისათვის საჭირო პლატფორმა შექმნეს.

აღინიშნა, რომ საქართველოსთვის, რომელიც თევზის იმპორტიორი ქვეყანაა, აკვაკულტურის განვითარებას დადებითი შედეგი ექნება. მეტიც, საქართველოსა და ევროკავშირს შორის ღრმა და ყოვლისმომცველი თავისუფალი სავაჭრო სივრცის შესახებ შეთანხმება (DCFTA) აკვაკულტურის პროდუქტების ექსპორტის ახალ შესაძლებლობებს უზრუნველყოფს.

პროექტი VCA4D დაფინანსებულია ევროკავშირის მიერ და მას ახორციელებს Agrinatura - ევროპის უნივერსიტეტებისა და სამეცნიერო ცენტრების ჯგუფი, რომელიც სპეციალიზებულია სასოფლო-სამეურნეო კვლევებში და ევროპის მასშტაბით  35-ზე მეტი წევრი ჰყავს.

0
თემები:
საქართველოს სოფლის მეურნეობა