სვანეთი

28 დეკემბერს დაბადებულები ზოდიაქო, დახასიათება, რჩევები

137
(განახლებულია 09:40 28.12.2020)
გაეცანით 28 დეკემბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

22–31 დეკემბერის პერიოდი

22–31 დეკემბერის პერიოდი თხის რქის ნიშნის პირველ დეკადას განეკუთვნება.

ამ დეკადას იუპიტერი მართავს და ამ პერიოდში დაბადებულებს სიმშვიდესა და გამჭრიახობას ანიჭებს.

მნიშვნელოვანი წლებია: 30, 57.

ამ ადამიანთა სიმბოლოა ედელვაისი.

ამ დეკადაში დაბადებული ადამიანები არიან საიმედონი, მშვიდი, საუკეთესო მეგობრები.

28 დეკემბერს დაბადებულები

28 დეკემბერს წარმატებებზე ორიენტირებული ადამიანები იბადებიან, ხოლო ამის მისაღწევად მზად არიან, თავდადებით იმუშაონ. არიან აქტიურები, თავდაჯერებულები, ენერგიულები. სჯერათ საკუთარი თავის და სწამთ, რომ წარმატებასთან მიახლოებისთვის ჰორიზონტზე აუცილებლად გამოჩნდება ახალი შესაძლებლობა.

28 დეკემბერს დაბადებულები პრაქტიკული ადამიანები არიან. არ ცხოვრობენ ილუზიებით, რაციონალისტებმა ყოველთვის იციან, რა სურთ და როგორ მიაღწიონ სასურველს. შეუძლიათ ადამიანებში გარკვევა, თითქმის არასდროს ცდებიან პარტნიორის არჩევაში.

28 დეკემბერს დაბადებული თხის რქები, ზოდიაქოს ამ ნიშნის სხვა წარმომადგენლების მსგავსად, პრინციპული, პატიოსანი, უკომპრომისონი არიან, ხოლო სხვა თხის რქებისგან განასხვავებთ ტაქტი, თანამშრომლობისთვის მზადყოფნა, ფაქიზი ინტუიცია. ეფექტურად მიიჩნევენ გარშემომყოფებთან თანამშრომლობას და თავიანთ მიზნებს ხშირად სწორედ კარგად ორგანიზებული გუნდური მუშაობით აღწევენ.

28 დეკემბერს დაბადებულები, როგორც მიზანსწრაფული ადამიანები, ისწრაფვიან რთული პროექტებისადმი, მათ სირთულეები არ აშინებთ, არამედ პირიქით, სტიმულს აძლევს - რაც უფრო რთულია პროექტი, მით უფრო საინტერესოა გზა მიზნისკენ და ტკბილია გამარჯვების გემო.

ამ დღეს დაბადებულებს სამუშაოს შესრულებაში ხშირად ხელს უშლის აბსოლუტური თავდაჯერებულობა. შესაძლოა, მათ არ ჰყოფნიდეს ცოდნა, გამოცდილება, მაგრამ მაინც შექმნიან სურათს აქტიური მოქმედებისა, რომლის შედეგები ხელმძღვანელობას არ მოეწონება.

ჯანმრთელობა

28 დეკემბერს დაბადებულებს ხშირად აწუხებთ ალერგია, რომელიც არცთუ იშვიათად, ფსიქოსომატურ ხასიათს ატარებს. ფიზიოლოგიური თვალსაზრისით, სუსტი ადგილებია საჭმლის მომნელებელი და სისხლძარღვოვანი სისტემები.

რჩევა:

თქვენთვის ძალზე მნიშვნელოვანია, თუ არ გადააჭარბებთ თქვენს მოქმედებებში. ეს ეხება საკუთარ თავზე აღებულ პროფესიულ მოვალეობებს, ასევე ოჯახში აღებულ ვალდებულებებსა და სხვა. თუ ამას მოერევით, თქვენი ცხოვრება ბევრად კომფორტული და მშვიდი გახდება.

137
წიწვოვანი ტყით დაფარული კლდე

დღის ასტროპროგნოზი ზოდიაქოს ნიშნებისთვის: 23 იანვარი

510
(განახლებულია 08:48 23.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 23 იანვარია, შაბათი. მზარდი მთვარე ტყუპის ნიშანშია. ამ დღეს პლანეტა სატურნი მფარველობს.

დღეს პრიორიტეტული ლოგიკა და პრაგმატიზმი იქნება. გამძაფრდება ისეთი თვისებები, როგორიცაა გონივრულობა, ფხიზელი გათვლები, ემოციები და გრძნობები მეორე პლანზე გადაიწევს. ლოგიკა სიყვარულშიც კი „ჩაერევა“, ამიტომ ეს დღე სრულიად არ შეესაბამება რომანტიკულ „სიგიჟეებს“, სამაგიეროდ იდეალურია კონკრეტული ნაბიჯებისა და წინადადებებისთვის. სხვა სფეროებში ცივი გონება ყველაზე რთული ამოცანების ამოხსნაშიც კი დაგვეხმარება.

ბედის სიურპრიზები 2021 წელს და ზოდიაქოს სამი რჩეული ნიშანი>>

ვერძი: დღეს ინტელექტუალური და ფილოსოფიური საუბრების ხასიათზე დადგებით, ამიტომ თქვენი მთავარი მიზანი ღირსეული თანამოსაუბრის პოვნა იქნება. თუნდაც ასეთი პიროვნება ვერ იპოვოთ, საკუთარ მოთხოვნილებას მაინც დაიკმაყოფილებთ თუნდაც უბრალო მეგობრულ საუბარში, რომელიც შეგიძლიათ გადააქციოთ ინტელექტუალურ კამათად ან ერუდიციაში აზარტულ შეჯიბრებაში. თქვენთვის მთავარი არა შედეგი, არამედ აზრების ემოციური გაცვლის პროცესი გახდება.

კურო: დღევანდელი დრო შეგიძლიათ დაუთმოთ გეგმების შედგენას და განსაკუთრებით იმ სფეროებში, რომლებიც ძალიან გეფონებათ გულზე. ვარსკვლავები დახმარებას გპირდებიან ნებისმიერ პროექტში, რომელიც თანხებთან და მის გონივრულ ინვესტიციებთან, ბიზნესის გაფართოებასთან ან შვებულების საინტერესო ადგილას გატარებასთან არის დაკავშირებული. თქვენი გონება მკაფიოდ და კონსტრუქციულად იმუშავებს, ხოლო იდეების მთავარი ღირსება პრაქტიკულობა იქნება.

ტყუპი: ეს ის დღეა, როდესაც, სურვილის შემთხვევაში, ნებისმიერ საკითხში შეგიძლიათ სიცხადის შეტანა. თქვენი გონება იმუშავებს მკაფიოდ, გააანალიზებს და ლოგიკურად გადაწყვეტს ამოცანებს. თუ რამე საკითხის არსში ჩაწვდომა მოგინდებათ, საკმარისი იქნება ფაქტების მოპოვება, ხოლო სწორ დასკვნებს თავად გამოიტანთ. თქვენი გამჭრიახობა ირგვლივ მყოფთა თვალში განსაკუთრებულად მომხიბლავი აღმოჩნდება და ეს გასაგებიცაა – არაფერი ისე არ ამშვენებს ადამიანს, როგორც საკუთარ თავთან მეგობრობა.

კირჩხიბი: ვარსკვლავები გირჩევენ, ჩაიხედოთ საკუთარ გულში და დაფიქრდეთ, რომელიმე საკითხში ჩიხში ხომ არ შეხვედით? შესაძლოა, ასეც არის, მაგრამ გეშინიათ, რომ ამაში საკუთარ თავს გამოუტყდეთ. არა აქვს მნიშვნელობა, რას ეხება ეს საკითხი – მეგობრობას, მუშაობას, ფულსა თუ სიყვარულს. მთავარი ისაა, რომ თავის მოტყუების დრომ ჩაიარა, დროა, ფაქტებს პირდაპირ შეხედოთ თვალებში. თუ მოვლენებს გააანალიზებთ, მიხვდებით, რომ გზას გადაუხვიეთ, მაგრამ ეს საშიში არაა. კარგი დღეა იმისთვის, რომ გათავისუფლდეთ ილუზიებისგან და სხვადასხვა ვარიანტიდან ერთი სწორი შეარჩიოთ.

ლომი: ასტროლოგები გირჩევენ, ერთ–ერთი ადამიანი, რომელიც თქვენ გვერდითაა, კარგად გაიცნოთ. არ არის აუცილებელი, ეს რომანტიკული სწრაფვის ობიექტი იყოს. შეიძლება აღმოჩნდეს უბრალო ნაცნობი, კოლეგა ან შემთხვევითი ადამიანი. დღეს თქვენს ურთიერთობებში ლოგიკა იქნება წინა პლანზე წამოწეული და გაქვთ შანსი, რომ მაქსიმალური ინფორმაცია მიიღოთ ნებისმიერზე. ჩვეულებრივ საუბარს, მაგალითად ამინდზე, სჯობს, თანამოსაუბრის ბიოგრაფიისა და მისწრაფებების შესახებ მეტი ინფორმაცია გაიგოთ, თქვენიც გაუზიაროთ და ურთიერთობები ახალ დონეზე გადაიყვანოთ. ეს მომავალში აუცილებლად გამოგადგებათ.

ქალწული: დღეს კარგი იქნება, თუ ორომტრიალს გაერიდებით და საკუთარ ფიქრებთან მარტო დარჩებით, საკუთარ გულს მოუსმენთ. ფილოსოფიურად განწყობილებს თამამად შეგიძლიათ ნებისმიერი კითხვის დასმა – არის დიდი ალბათობა იმისა, რომ თუ საკუთარ თავში ჩაიხედავთ, პასუხსაც მიიღებთ. არ შეუშინდეთ ისეთ გლობალურ კითხვებსაც კი, როგორიცაა „რა მინდა ამ ცხოვრებისგან?“ „რა გავაკეთო მომავალში?“ და ა.შ. ამის პასუხები არის, ის თქვენს სულში ღრმადაა ჩამალული და სადღაც გულის კუთხე–კუნჭულში პასუხები უკვე იცით კიდეც.

სასწორი: დღეს თქვენი წარმატების გარანტი საკუთარი ძალების ობიექტურად შეფასებაა. დღის განმავლობაში შეიძლება გაჩნდეს ისეთი ვითარება, როდესაც სპეციალისტის კონსულტაცია დაგჭირდებათ. შესაძლოა, ეს ინფორმაციის ნაკლებობა იყოს, ან ექიმის რჩევა დაგჭირდეთ. ასეა თუ ისე, უნდა გახსოვდეთ, რომ ერთი თავი კარგია, მაგრამ ორი – უკეთესი. ყველას რომ მხოლოდ საკუთარი თავის იმედი ჰქონდეს, დღემდე პირველყოფილებივით გამოქვაბულებში ვიცხოვრებდით.

მორიელი: დღეს, შესაძლოა, დისკუსიის სურვილი გაგიჩნდეთ. ამასთან მარტო დისკუსიის კი არა, არამედ სკანდალის. თქვენი საბრძოლო განწყობა კამათში გამოვლინდება, გაგიჩნდებათ სურვილი, რომ გარშემომყოფებს თქვენი სიმართლე დაუმტკიცოთ და ამას ვერავინ შეეწინააღმდეგება. ერთადერთი, რაც მათ დარჩენიათ, ისაა, რომ დაეთანხმონ თქვენს არგუმენტებს და აღიარონ თქვენი ინტელექტუალური უპირატესობა – ასეთ შემთხვევაში სრულიად კმაყოფილი დარჩებით.

მშვილდოსანი: დღეს თავდაჯერებულობა მოგაკლდებათ. მერყეობა მოგეძალებათ თითქმის ყველა საქმეში, რასაც ხელს მოჰკიდებთ. ეს, რა თქმა უნდა, თქვენს საქმიანობაზე კარგად არ აისახება. თუნდაც ყველაფერი თავისი რიგით მიდიოდეს, მაინც უამრავი ეჭვი გაგიჩნდებათ. ამის გამო შეიძლება საქმე დაყოვნდეს, შეფერხდეს. აუცილებელია, რომ დილიდანვე განეწყოთ აქტიურად, საქმიანად. ამისთვის საკმარისი იქნება დილის ვარჯიში და კონტრასტული შხაპის მიღება. ნახავთ, რომ ცხოვრებაში ახალი ნათელი ფერები შემოიჭრება და მერყეობა სადღაც გაქრება.

თხის რქა: დღეს გაქვთ შანსი, რომ რაღაც ახალი ვალდებულებები აიღოთ, რომლებიც კარგ პერსპექტივებს გპირდებათ. საუბარი შეიძლება იყოს ხელისა და გულის შემოთავაზებაზე, სამუშაოს ახალ მიმართულებაზე, კარიერაზე და ა.შ. თუ ასე არ მოხდა, შეიძლება ახალ იდეას ან ვითარებას „გადაეყაროთ“, რომელიც დროთა განმავლობაში ახალ სიმაღლეზე აგიყვანთ. ექსპერტები გირჩევენ, არ შეუშინდეთ ახალ ვალდებულებებსა და მოვალეობებს – ის საკმაოდ კარგ წარმატებებს მოგიტანთ.

მერწყული: დღეს, თუ მოინდომებთ, ნებისმიერ საუბარში შეძლებთ თქვენი ცოდნითა და გონებით გაბრწყინებას. ხართ ძალზე კომუნიკაბელური და გაქვთ უნარი, რომ თანამოსაუბრეს საკუთარი ერუდიცია ძალდაუტანებლად წარუდგინოთ. ეს დაგეხმარებათ სხვადასხვა პროექტის წარდგენაში, მოლაპარაკებების წარმოებაში და სხვ. ინტელექტუალურ ურთიერთობებში ტოლს ვერავინ დაგიდებთ. თქვენი ერუდიცია აქტუალური იქნება ყველაფერში, სიყვარულშიც კი.

თევზები: დღეს, შესაძლოა, საკუთარი სახლის ან რამე პირადი სივრცის – ავტომობილის, აგარაკის, სამუშაო ადგილის მოწყობის სურვილი გაგიჩნდეთ. ამასთან, ამ პროცესში სხვების ჩართვის სურვილიც გაიღვიძებს – თქვენი იდეები იმდენად „გლობალური“ იქნება, რომ მარტო ამას ვერ გაუმკლავდებით. თქვენს ახლობლებს გაუმართლებს, თუ მხოლოდ საფუძვლიანი დალაგებით შემოიფარგლებით. ისეთ განწყობაზე ხართ, რომ არაა გამორიცხული, კაპიტალური რემონტიც კი წამოიწყოთ.

510
მძინარე ქალი

არც ისე სასარგებლო, მაგრამ ეფექტური: ექიმი სწრაფი ჩაძინების მარტივ მეთოდს ასახელებს

86
(განახლებულია 22:11 22.01.2021)
უძილობა კვლავაც რჩება ჩვენი ნერვიული და მოუსვენარი საუკუნის ერთ-ერთ მთავარ პრობლემად, თუმცა არსებობს მისი აღმოფხვრის ეფექტური ხერხი

თბილისი, 22 იანვარი — Sputnik. არსებობს სწრაფი ჩაძინების მარტივი, თუმცა გარკვეული თვალსაზრისით, არც ისე სასარგებლო ხერხი, აცხადებს სეჩენოვის უნივერსიტეტის ნერვული დაავადებებისა და ნეიროქირურგიის კათედრის დოცენტი მიხაილ პოლუეკტოვი.

მისი თქმით, ამისათვის საჭიროა ძილის წინ ოთხი საათით ადრე რაიმე ტკბილის ჭამა.

„დაძინებამდე ოთხი საათით ადრე მაღალი გლიკემიური ინდექსის მქონე საკვების მიღება, რომელიც შეიცავს ბევრ ადვილად ასათვისებელ ნახშირწყლებს, აჩქარებს ჩაძინებას. ასე რომ, ზოგადად, შეგვიძლია ვთქვათ, რომ ტკბილეული ხელს უწყობს ჩაძინებას, თუმცა სხვა თვალსაზრისით ეს არც ისე სასარგებლოა“, — აღნიშნა ექიმმა.

ადვილად ასათვისებელი, ანუ ჩქარი ნახშირწყლები, ეს მარტივი ნახშირწყლებია, რომლებსაც ორგანიზმი ადვილად ამუშავებს. მათ მხოლოდ რამდენიმე წუთი სჭირდება უბრალო მოლეკულებად დასაშლელად, სისხლში მოსახვედრად და ამით ორგანიზმის საჭირო ენერგიით მოსარაგებლად. ასეთი პროცესების სიჩქარე განისაზღვრება გლიკემიური ინდექსით: რაც უფრო მაღალია ის, მით უფრო ნაკლებ დროს ხარჯავს ორგანიზმი გადამუშავებაზე.

სწრაფ ნახშირწყლებს შეიცავს, მაგალითად, ცომეული, ბურღულეული, მოხარშული ბოსტნეული, შემწვარი კარტოფილი, ლაფშა, შაქარი, თაფლი და ა.შ.

 

86
თემები:
ექიმი გირჩევთ
„დინამო“ თბილისი-„თელავი“

საქართველოს ფეხბურთის ჩემპიონატი - ძლიერი ვარდნა IFFHS-ის რეიტინგში

0
(განახლებულია 09:16 23.01.2021)
IFFHS-ის შარშანდელ რეიტინგში საქართველოს ჩემპიონატი 51-ე ადგილს იკავებდა, შესაბამისად, საქართველოს ეროვნული ლიგის რეგრესმა 24 პოზიცია შეადგინა

თბილისი, 23 იანვარი – Sputnik. უძლიერესი ეროვნული ჩემპიონატების მსოფლიო რეიტინგში საქართველომ 75-ე ადგილი დაიკავა. მონაცემები მოჰყავს IFFHS-ს - ფეხბურთის ისტორიისა და სტატისტიკის საერთაშორისო ფედერაციას.

IFFHS-ს მონაცემები 2020 წლის 1 იანვრიდან 31 დეკემბრამდე პერიოდისთვის 80 ჩემპიონატის მიხედვით მოჰყავს. ჩამონათვალში შევიდა 45 ევროპული პირველობა, სადაც საქართველოს ეროვნული ლიგა მხოლოდ კოსოვოსა და ბოსნია და ჰერცეგოვინას ჩემპიონატებს უსწრებს.

IFFHS-ის შარშანდელ რეიტინგში საქართველოს ჩემპიონატი 51-ე ადგილს იკავებდა, შესაბამისად, საქართველოს ეროვნული ლიგის რეგრესმა 24 პოზიცია შეადგინა.

ლიდერთა სამეულში არიან იტალიის, ინგლისისა და ბრაზილიის ჩემპიონატები. აღსანიშნავია, რომ იტალიის „სერია А“ სიას სათავეში 14 წელიწადში პირველად მოექცა. მანამდე მსოფლიოში ინგლისის და ესპანეთის ჩემპიონატები დომინირებდნენ.

0