ბედნიერი წყვილი

ზოდიაქოს რომელი ნიშნები შეძლებენ განხეთქილებისთვის განწირული კავშირის გადარჩენას 2021 წელს

1558
(განახლებულია 12:22 25.12.2020)
ყველა ადამიანს სურს, ცხოვრება ახლობელ ადამიანთან სიყვარულსა და თანხმობაში გაატაროს, მაგრამ სამწუხაროდ, ყოველთვის არ ხდება ისე, რომ შეხვდე იმ ერთადერთს, ნამდვილ მეორე ნახევარს, რომელთანაც გაიზიარებ სიხარულსაცა და მწუხარებას...

მაგრამ ხდება ისეც, რომ მონათესავე სული იპოვე, მაგრამ ურთიერთობებში რაღაც ვერ ეწყობა, ან საერთოდ ყველაფერი დასასრულისკენ მიდის.

ბედის სიურპრიზები 2021 წელს და ზოდიაქოს სამი რჩეული ნიშანი>>

ამ სამწუხარო ამბის მიზეზი ბევრი რამ შეიძლება იყოს. დიდი, ძლიერი და გულწრფელი სიყვარულის დროსაც კი შესაძლებელია, რომ წყვილი არ ჩამოყალიბდეს. ამასთან, ურთიერთობებში ხშირად და მუდმივად ერევიან ნათესავები, რასაც პარტნიორები წონასწორობიდან გამოჰყავს და მერე ხდება სკანდალები, ასევე შეიძლება შეიქმნას სხვადასხვა სახის პრობლემა, როგორიცაა ფინანსური უსახსრობა თუ დაძაბული სამუშაო გრაფიკი, ფეთქებადი ხასიათი და კომპრომისზე წასვლის სურვილის არქონა... მოკლედ, მიზეზი უამრავი შეიძლება იყოს.

ვარსკვლავები 2021 წელს ზოგიერთს უკანასკნელ შანსს მისცემს, რომ ყველაფერი გამოასწოროს. თუ ისინი სწორად გაიგებენ ციური სხეულების მინიშნებებს და მიიღებენ ბედნიერ შესაძლებლობას სამყაროსგან, შეძლებენ ურთიერთობების მოგვარებას.

ლომი

ლომებს ურთიერთობებში პრობლემები ზედმეტი ემოციურობის გამო აქვთ. გრძნობებს აყოლილებმა ბევრი ზედმეტი სიტყვა თქვეს, გადადგეს არასწორი ნაბიჯი. ლომები ემოციურობითა და მოუთმენლობით გამოირჩევიან. თუ მათი პარტნიორი უფრო მომთმენია, მაშინ ურთიერთობებისთვის კიდევ ერთი შანსის მიცემა შეუძლიათ, ოღონდ თუ ლომის ნიშნის წარმომადგენლები გადახედავენ თავიანთ საქციელს პარტნიორთან მიმართებით. ლომებმა ყველაფერი უნდა აწონ–დაწონონ და თუ ნამდვილად უყვართ, მაშინ უნდა მოთოკონ თავიანთი „ველური ხასიათის“ უსიამოვნო გამოვლინებები.

თხის რქა

თხის რქები ბოლო დროს საერთოდ არ ფიქრობდნენ თავიანთი რჩეულის გრძნობებზე და პარტნიორის გვერდით ყოფნას აღიქვამდნენ, როგორც სავალდებულო მომენტს. და გარკვეულ მომენტში ურთიერთობები განხეთქილების ზღვრამდე მივიდა. სინამდვილეში, თხის რქები არ არიან სასტიკი და გულგრილი ადამიანები, უბრალოდ, ამ ცხოვრების ორომტრიალში „თავით გადაეშვნენ“. ასტროლოგები მათ ურჩევენ, რომ შეჩერდნენ, „დაამუხრუჭონ“, წინააღმდეგ შემთხვევაში კავშირის გაწყვეტა გარდაუვალი იქნება. ისინი უნდა დაელაპარაკონ თავიანთ გულის სწორს, გაიგონ, რა აშფოთებთ მათ, მიაქციონ მეტი ყურადღება, აჩვენონ და გამოიჩინონ მეტი მზრუნველობა. თუ თხის რქები ამას გულწრფელად გააკეთებენ, მაშინ ურთიერთობების გადარჩენის შანსი არის.

2021 წლის ჰოროსკოპი ზოდიაქოს ნიშნებისთვის>>

მშვილდოსანი

მშვილდოსნები ძალიან აფასებენ თავიანთ თავისუფლებას და ადამიანებს ძალიან ახლოს არ უშვებენ. ეს დასაშვებია მეგობრულ და საქმიან ურთიერთობებში, მაგრამ საყვარელ ადამიანთან ასეთი დამოკიდებულება მიუღებელია. ადრე თუ გვიან ასეთი გაუცხოება თავის შედეგს გამოიღებს – პარტნიორს უკვე ბეზრდება მშვილდოსნის ასეთი საქციელი და ტოვებს მას. 2021 წელი მშვილდოსნებს მისცემს შანსს, გახსნან გული და შეუშვან თავიანთ ცხოვრებაში ადამიანი, თუ ის მათთვის ნამდვილად ძვირფასია. თუ პარტნიორის მხრიდანაც გულწრფელი გრძნობებია, მაშინ ის აუცილებლად მისცემს კიდევ ერთ შანსს ამ ნიშნის წარმომადგენელს.

1558
საახალწლო მორთულობა

პოპულარული საშობაო სიმღერები და მათი საოცარი ისტორიები

42
(განახლებულია 17:03 15.01.2021)
საშობაო დღეები ალბათ წლის ერთადერთი პერიოდია, რომელსაც საკუთარი საუნდტრეკები აქვს. ტელევიზიაში, რადიოში, ქუჩებში, მაღაზიებში, წვეულებებზე ყველგან საშობაო საგალობლები და სადღესასწაულო ჰანგები ისმის.

მართალია, კოვიდ-პანდემიამ მსოფლიოში ახალი დღის წესრიგი დაამყარა და შობა–ახალი წელიც განსხვავებული ფორმატით აღვნიშნეთ, საშობაო სიმღერები მაინც არ დავივიწყეთ და ახლა უკვე სახლები ავავსეთ ამ მისტიკური მელოდიებით, წელიწადში მხოლოდ ერთხელ რომ ვუსმენთ და მუდამ ბედნიერებისა და იმედის განცდით გვავსებს.

შეიძლება ბევრი ფიქრობდეს, რა უნდა საშობაო სიმღერის შექმნასო, თითქოს ყველა ერთი პრინციპით იწერება – დაამატეთ სანტებს თოვლი და მხიარულება და სადღესასწაულო მელოდიაც მზადაა. მაგრამ ძალიან ბევრი ცნობილი საშობაო სიმღერის უკან საოცარი ისტორიები იმალება.

დღევანდელ სტატიაში შემოგთავაზებთ პოპულარულ საშობაო მელოდიებს და მათი შექმნის საინტერესო ისტორიებს, რომელიც ალბათ აქამდე არ იცოდით.

Jingle Bells

შეუძლებელია ჩვენი საშობაო სიმღერების ჩამონათვალი სხვა მელოდიით დაგვეწყო. სიმღერა, რომელიც ყველასთვის ახალ წელთან და შობასთან ასოცირდება, თავდაპირველად მადლიერების დღისთვის შეიქმნა. Jingle Bells საჯაროდ პირველად ეკლესიაში, მადლიერების დღის მსახურებაზე შესრულდა 1857 წელს. სიმღერა იმდენად მოეწონათ, რომ ერთი თვის შემდეგ შობაზეც შეასრულეს და, თამამად შეიძლება ითქვას, რომ მთელი მსოფლიოსთვის ის საშობაო ჰიმნი გახდა. სიმღერის ავტორად ამერიკელი ჯეიმზ ლორდ პიერპონტი ითვლება.

თუმცა, ეს ერთადერთი საინტერესო ინფორმაცია არ არის ამ კლასიკად ქცეული საშობაო მელოდიის შესახებ. როდესაც ამბობენ, რომ Jingle Bells მხოლოდ ამ სამყაროს არ ეკუთვნისო, არ ხუმრობენ: ეს მელოდია გინესის რეკორდების წიგნშია შესული – როგორც კოსმოსში შესრულებული პირველი სიმღერა.

 

White Christmas

Jingle Bells არ არის ერთადერთი გინესის რეკორდსმენი სიმღერა ჩვენს სიაში. ბინგ კროსბის მიერ შესრულებული „თეთრი შობის ღამეც“ მსოფლიო რეკორდსმენია – როგორც ყველა დროის ყველაზე მეტი რაოდენობით გაყიდული სინგლი. სიმღერის დებიუტი 1942 წელს შედგა ფილმში Holiday Inn. ამ მელოდიას ყველა ამერიკელის ოჯახში დღემდე ზამთრის ულამაზესი დღესასწაულის განწყობა და სიხარული შეაქვს. 

„თეთრი შობის ღამე" მისი კომპოზიტორის ირვინგ ბერლინის ტრაგედიას ეხება: მას შობის დღეს შვილი გარდაეცვალა. მიუხედავად საოცრად სევდიანი და ნოსტალგიური მელოდიისა, ამ სიმღერის გარეშე ამერიკაში არც ერთი საშობაო დღესასწაული არ ჩაივლის. 

ამ საშობაო მელოდიას კიდევ ერთი საინტერესო ისტორია აქვს: ის ამერიკელმა ჯარისკაცებმა ვიეტნამის ომის დროს საიგონის ევაკუაციისას საიდუმლო სიგნალად გამოიყენეს.

All I Want for Christmas is You

სანამ All I Want for Christmas is You უდიდესი ჰიტი გახდებოდა, მერაია ქერი ფიქრობდა, რომ ის ძალიან ახალგაზრდა იყო საშობაო ალბომის ჩასაწერად, მაგრამ მისმა მენეჯერმა ქმარმა ტომი მოტოლამ მოახერხა მისი დარწმუნება. მათ სტუდია საშობაო დეკორაციებით აგვისტოში მორთეს და ეს საოცარი მელოდიაც სულ რაღაც 15 წუთში ჩაიწერა.

Let it snow

სიმღერა, რომელიც ჩვენთვის შობასა და ახალ წელთან ასოცირდება, პაპანაქება სიცხეში, 1945 წლის ივლისში დაიწერა და მისი ავტორები ამ მელოდიით უფრო გრილ ამინდს ნატრობდნენ.

მიუხედავად იმისა, რომ ტექსტში ერთი სიტყვაც არაა ნახსენები დღესასწაულზე, Let it snow მაინც საშობაო სიმღერად განიხილება.

Last Christmas

Last Christmas ჯორჯ მაიკლმა დაწერა, იყო მისი პროდიუსერი და თითოეულ ინსტრუმენტზეც თვითონ უკრავდა. ჯორჯს არ სურდა ვინმე დახმარებოდა.

სინამდვილეში სიმღერას ძალიან ცოტა აქვს საერთო შობასთან. ის ძირითადად წარუმატებელ ურთიერთობებს და ერთი წლის შემდეგ მათთან პირისპირ დადგომას ეხება. მხოლოდ ერთადერთ ფრაზაში – Last Christmas ისმის შობა.

ბედნიერ შობა–ახალ წელს გისურვებთ!

42
შხარა

დღის ასტროპროგნოზი ზოდიაქოს ნიშნებისთვის: 15 იანვარი

713
(განახლებულია 11:29 15.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 15 იანვარია, პარასკევი. მზარდი მთვარე მერწყულის ნიშანშია. ამ დღეს პლანეტა ვენერა მფარველობს.

დღეს გრძნობებთან და სურვილებთან დაკავშირებით სიფრთხილეა საჭირო – ემოციები ჭარბად იქნება. აქედან გამომდინარე, ყველაფერი შეიძლება სულ სხვაგვარად, მოულოდნელი შედეგებით დასრულდეს. მაგალითად, ჩვეულებრივი შოპინგი ფულის უაზრო ხარჯვაში გადაიზარდოს, შემთხვევითი ნაცნობობა – ღალატში და ა.შ. ასე რომ, თავი აარიდეთ არასაჭირო ცდუნებებს, რომლის შედეგებიც შემდეგ სანანებელი შეიძლება გაგიხდეთ. ამასთან, ამ დღეს ბევრი პლუსიც აქვს – გაზრდილია შემოქმედებითი პოტენციალი, კომუნიკაბელურობა, ინტუიცია. გამოიყენეთ ეს და მიიღეთ სასიამოვნო დივიდენდები.

დაბადების დღე და მისი გავლენა ქალის ხასიათზე>>

ვერძი: თუ რაღაც დისკომფორტს გრძნობთ, ფიზიკური იქნება ეს თუ ემოციური, ეს აუცილებლად ცუდის ნიშანი არაა. იმის ნაცვლად, რომ იწუწუნოთ ან თანაგრძნობას დაელოდოთ სხვებისგან, ეცადეთ, სამყარო ისეთად აღიქვათ, როგორიც ის არის. როგორც კი ამას გააკეთებთ, მაშინვე მიხვდებით, რომ ყველაფერი არც ისე ცუდად არის, როგორ გეჩვენებოდათ. ბოლომდე არ აფასებთ საკუთარ უნარს, რომ გარემოებებს მოერგოთ. თქვენში მეტი მოქნილობაა, ვიდრე გგონიათ. დღეს ინტუიცია გამძაფრებული გექნებათ, რაც საქმეების წარმოებაში დაგეხმარებათ.

კურო: ეს ის დღეა, როდესაც სიტუაცია შესაძლებლობას მოგცემთ, განამტკიცოთ მიღწეული პოზიციები და უფრო მეტიც – წინ წახვიდეთ. ხელსაყრელი დროა ნებისმიერ სფეროში მოქმედებისთვის – ბიზნესიდან და კარიერიდან დაწყებული სიყვარულამდე. გექნებათ დიდი ენერგია და ძალების მოზღვავება, რომ ჩანაფიქრი განახორციელოთ. თქვენი დევიზი ამ დღეს გახდება ფრაზა „წარმატება მათი ხვედრია, ვინც ეს დაიმსახურა“. თუ არ იმოქმედებთ, ეს თქვენი არჩევანი იქნება. ასეთ შემთხვევაში მოგიწევთ მაცდურ პერსპექტივებზე უარის თქმა.

ტყუპი: ეს დღე ადამიანებთან ურთიერთობებს უნდა მიუძღვნათ, სადაც არ უნდა იყოთ. თქვენი კომუნიკაბელურობა სათანადო დონეზე იქნება და საშუალებას მოგცემთ, იოლად გადაჭრათ სხვადასხვა საკითხი, დაარწმუნოთ ვინმე რამეში, გააბათ ახალი ნაცნობობა. რომანტიკულიცა და საქმიანი კავშირებიც ჩვეულებრივზე ადვილად წარიმართება. შეგიძლიათ კარიერაზეც იზრუნოთ – საჭირო ადამიანების მხარდაჭერა გექნებათ, თუ სასიყვარულო პარტნიორს ეძებთ – ამის დიდი შანსი გაქვთ.

კირჩხიბი: დღეს ურთიერთწინააღმდეგობებით იქნებით სავსე: ერთი მხრივ, მოჭარბებულ ძალასა და ენერგიას იგრძნობთ, რისი წყალობითაც ნებისმიერ ამოცანას ადვილად გაუმკლავდებით, ხოლო მეორე მხრივ დღე იოლ გზებს არ გპირდებათ, პირიქით, სირთულეებისა და ბარიერების გადალახვა მოგიწევთ. შეგიძლიათ თავი საუკეთესო მხრიდან წარმოაჩინოთ, ასე რომ, განაწყენება და ნერვიულობა არ ღირს, თუ რამე დაბრკოლებას გადააწყდებით ან ძალების დაძაბვა მოგიწევთ – მხოლოდ ასე შეძლებთ საკუთარი მძლავრი პოტენციალის გამოყენებას და წარმატების მიღწევას.

ლომი: დღეს ვარსკვლავები ფორტუნის ბედნიერ შანსებს გიწინასწარმეტყველებენ, მაგრამ ბევრი რამ იმაზე იქნება დამოკიდებული, თუ როგორ გამოიყენებთ ამას. საქმე ისაა, რომ დღეს ენერგიული არ ხართ და არც კარგი რეაქციები გაგაჩნიათ, მოვლენები კი შეიძლება ძალიან სწრაფად განვითარდეს და თქვენგან გადაწყვეტილებების სწრაფად მიღება გახდეს საჭირო. ასე რომ, ასტროლოგები ერთ რამეს გირჩევენ: კარგად გამოფხიზლდეთ, თავს შეუძახოთ, იმოქმედოთ აქტიურად და მთელი დღე ტონუსში იყოთ. ამ დღეს მოდუნება არ შეიძლება.

ქალწული: ექსპერტები გირჩევენ, დღეს რაც შეიძლება შორს დადგეთ რუტინისა და ყოველდღიური ორომტრიალისგან. ამის გაკეთება სხვადასხვანაირად შეიძლება – არჩევანი თქვენზეა. ამასთან, ექსპერიმენტების ჩატარებაც შეგიძლიათ, მაგალითად, შემოქმედებაში, კულინარიაში, ასევე შეიძლება გარდერობის განახლება, პაემნის დაგეგმვა... მთავარია, პირველი ნაბიჯი გადადგათ ცვლილებებისკენ და მოვლენები შემდეგ უკვე თვითონ მიგასწავლით გზას.

სასწორი: ერთადერთი, რაც ხვალ არ უნდა გააკეთოთ, ეს მარტო ყოფნაა. მოდუნდით, გაერთეთ, როგორც ეს შესაძლებელია, იყავით ყურადღების ცენტრში და თავს ისე იგრძნობთ, როგორც თევზი წყალში. დღეს იქნებით ძალზე კომუნიკაბელური, მომხიბლავი, კაშკაშა ემოციებით სავსე. ამის წყალობით ნებისმიერ კოლექტივში გაიბრწყინებთ. ასტროლოგები გირჩევენ, რომ ეს დრო არა მხოლოდ გართობისთვის, არამედ საჭირო კონტაქტების დამყარებისთვისაც გამოიყენოთ.

მორიელი: დღეს მოგეცემათ შანსი, საკუთარ თავზე გამოსცადოთ, რომ თანამშრომლობა, მხარდაჭერა, პარტნიორობა მხოლოდ ლამაზი სიტყვები არაა. მოვლენები დღეს იმგვარად შეიძლება განვითარდეს, რომ ვინმე დაგეხმაროთ, ან თქვენ ამოუდგეთ მხარში ადამიანს, რომელიც გასაჭირშია ჩავარდნილი. ნებისმიერ შემთხვევაში ეს დაგაფიქრებთ იმაზე, თუ თქვენ ირგვლივ როგორი ადამიანები არიან შემოკრებილი. ასევე იფიქრებთ იმაზე, თუ ვის შეიძლება ენდოთ და ვის – არა...

მშვილდოსანი: დღეს გარკვეულწილად არაორგანიზებული იქნებით, დაგავიწყდებათ რაღაც–რაღაცები, შესაძლოა, ისე, რომ ვერც მიხვდეთ, საზღვრებიც დაარღვიოთ – სუბორდინაციის, ვინმეს მოთმინების, პირადი სივრცის და ა.შ. ნებისმიერ საქმეს კარგად გაართმევთ თავს, რომელიც შემოქმედებითი იქნება, ხოლო საქმეებში, სადაც კონკრეტიკაა საჭირო, წარმატების შანსები თითქმის არაა. ასევე მოერიდეთ რამე სახის გართულებულ ვითარებას, საქმის გარჩევებს, რომ ვინმეს „ცხელ გულზე“ ხელში არ მოხვდეთ.

თხის რქა: დღეს მოვლენები იმგვარად განვითარდება, რომ საკუთარ ფინანსებზე მოგიწევთ ყურადღების მიქცევა. შესაძლოა, ბედი საჩუქარს გიგზავნით პრემიის ან ხელფასის მატების კუთხით, ან, სულაც, არცთუ სასიამოვნო სიახლე გელოდებათ. ვარსკვლავები გაფრთხილებენ, რომ თქვენი თანხა დღეს მოულოდნელად შეიძლება გაიზარდოს, ან პირიქით – გაუარესდეს. დანაკარგებს რომ თავი აარიდოთ, არ ღირს გარისკვა და საეჭვო ფინანსურ ოპერაციებში მონაწილეობა.

მერწყული: დღეს, შესაძლოა, საკუთარი ინტერესების დაცვა მოგიწიოთ და ამის გაკეთებას უპრობლემოდ შეძლებთ. გაქვთ სხვების საკუთარ სიმართლეში დარწმუნების უნარი და ირგვლივ მყოფნი ყურადღებით მოისმენენ თქვენს არგუმენტებს. ვარსკვლავები გირჩევენ, რომ ეს პლუსი გამოიყენოთ არა მხოლოდ სადავო საკითხების გადაწყვეტისთვის, არამედ მოლაპარაკებების წარმოებისა და საკუთარი იდეების ან პროექტების წარდგენისთვის.

თევზები: დღეს კარგი იქნება, თუ თქვენს სიზმრებს მიაქცევთ ყურადღებას. და აქ საქმე არა იმდენად მისტიკას ეხება, რამდენადაც იმას, რომ დღისით ვითარების გაანალიზებას სურვილები და ემოციები უშლის ხელს. ქვეცნობიერის მოტყუება კი რთულია და მისი ხმა, ჩვეულებრივ, ღამით, ძილში ისმის. თქვენი ინტუიცია კი დღეს უმძაფრესი იქნება და ქვეცნობიერის ხმა – განსაკუთრებით მკაფიო. ამიტომ ღირს, ყური დაუგდოთ სიზმრებს და ნებისმიერ კითხვაზე – „მინდა – არ მინდა“ მიიღოთ სათანადო პასუხი – ამას წინათგრძნობა გიკარნახებთ.

713
ფოთის პორტი

ფოთში სატვირთო მანქანების მძღოლებმა საპროტესტო აქცია გამართეს

0
მძღოლები სანაოსნო კომპანიებისგან ტარიფის გაზრდას ითხოვენ, წინააღმდეგ შემთხვევაში საქონელს აღარ გადმოტვირთავენ და აქციებს გააგრძელებენ

თბილისი, 15 იანვარი - Sputnik. სატვირთო მანქანების მძღოლებმა ფოთში შეკვეთილი რეისების ტარიფების გაზრდის მოთხოვნით აქცია გამართეს.

მომიტინგეების თქმით, ტარიფები პანდემიის გამო ძალიან დაბალია, რაც მათ მუშაობას ურთულებს. როგორც მძღოლები ამბობენ, მათ ოჯახები ჰყავთ შესანახი და საბანკო ვალდებულებები აქვთ გასასტუმრებელი. მძღოლები სანაოსნო კომპანიებისგან ტარიფების გაზრდას ითხოვენ, წინააღმდეგ შემთხვევაში, საქონლის გადმოტვირთვაზე უარს აცხადებენ.

„ტარიფები ძალიან დაბალია, ხელოვნურადაა დაწეული. ჩვენი მოთხოვნაა ტარიფების გაზრდა. აზერბაიჯანში საწვავის ფასი გაიზარდა, საქართველოშიც კვლავ გაიზრდება და საერთოდ აღარ ღირს მუშაობა, არაფერი გვრჩება. ჩვენ ვერ ვინახავთ მანქანებს, ვერ ვინახავთ ოჯახებს, კრედიტები გვაქვს, ბანკები სახლებს გვართმევენ. თუ ჩვენი მოთხოვნა არ დაკმაყოფილდება, საქონელს აღარ გადმოვტვირთავთ, არ გადავზიდავთ, ტრანსპორტი გაჩერდება“, - განაცხადეს აქციის მონაწილეებმა ტელეარხ „იმედის“ ეთერში.

მოთხოვნების შეუსრულებლობის შემთხვევაში მძღოლები პერმანენტულ აქციებს არ გამორიცხავენ.

 

 

0