მზის ჩასვლა ზღვაზე

2021 წლის ჰოროსკოპი: თევზები ფინანსები, სიყვარული, ჯანმრთელობა

7622
(განახლებულია 12:07 18.12.2020)
როგორი იქნება 2021 წელი თევზებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

თევზები ახალ, 2021 წელს უფრო იოლად შეძლებთ მოვლენების აღქმას, რადგან თქვენი კატეგორიულობა მეორე პლანზე გადავა. ლოიალურობა მიმდინარე მოვლენებისა და ირგვლივ მყოფი ადამიანების მიმართ ახალი წარმატებებისა და გამარჯვებების გასაღები გახდება.

თევზებმა მთელი ყურადღება წინსვლაზე უნდა გადაიტანოთ და არავის მისცეთ თქვენს გეგმებში ჩარევისა და მანიპულაციების უფლება. ექსპერტები გირჩევენ, უფრო ხშირად იფიქროთ საკუთარ კეთილდღეობაზე, არ ინერვიულოთ სხვების პრობლემებზე და არ დაეხმაროთ ყველას განურჩევლად. ასე უფრო შეძლებთ მანიპულატორების ძალაუფლებისგან თავის დაღწევას და საკუთარი ბედნიერების მიღწევას.

იღბალი 2021 წელს ძლიერებისა და გაბედულების მხარეს იქნება, ამიტომ დროა, უარი თქვათ წვრილმანების გამო თვითგვემაზე, ძალების მიმართვაზე იმ საქმეებზე, რომლებიც გარშემომყოფებმა მოგახვიეს თავს. ანუ თქვენი უმთავრესი მტერი 2021 წელს ადამიანების მხრიდან მანიპულაციის მცდელობა იქნება. თუ ამის თავიდან აცილებას შეძლებთ, თქვენს წარმატებებსა და ბედნიერებას არაფერი დაუდგება წინ.

ტიბეტური ჰოროსკოპი და ცხრილი – რომელი ცხოველია თქვენი მფარველი დაბადების წლის მიხედვით>>

მამაკაცი თევზები

თქვენი კომფორტული გარემო სამუშაო იქნება. ახალი წარმატებები თავს თავდაჯერებულად, ცხოვრებით კმაყოფილად გაგრძნობინებთ და მზად იქნებით მომავალი გამარჯვებებისთვის. აქტიურობის შენარჩუნებაში მთელი წლის განმავლობაში მტკიცე ოჯახური ურთიერთობები და პოზიტიური ფიქრები დაგეხმარებათ.

ფინანსები და სამუშაო: საქმიან გარემოში წარმატებას მოგიტანთ სწორი ადამიანების შერჩევის უნარი, რომლებიც ახალი სიმაღლეების დაპყრობაში დაგეხმარებიან. თქვენთვის უფრო იოლი იქნება გუნდური მუშაობა, სადაც თითოეული თავის საქმეს ასრულებს. რამის ყიდვისთვის უკეთესი დროა წლის მეორე ნახევარი, როდესაც უფრო სტაბილური შემოსავალი გაჩნდება.

სიყვარული და ურთიერთობები: მარტოხელა მამაკაც თევზებს 2021 წელი რომანტიკასაც მოგიტანთ და სერიოზულ ურთიერთობებსაც, თუ ამისთვის მზად იქნებით. ასტროლოგები გირჩევენ, არ ჩაიკეტოთ საკუთარ თავში და ხელიდან არ გაუშვათ მნიშვნელოვანი ნაცნობობის შესაძლებლობა. ურთიერთობების გამტკიცებაში და პარტნიორის გაგებაში დაგეხმარებათ რომანტიკული სეირნობა და მოგზაურობა.

განწყობა და ჯანმრთელობა: ხარის წელიწადს ჯანმრთელობას ყურადღება უნდა მიაქციოთ, რათა არ გამწვავდეს ქრონიკული დაავადებები, ასევე უნდა დაიცვათ უსაფრთხოების წესები, რათა ტრავმების მიღების საშიშროება აიცილოთ თავიდან. ასევე არაფერს გარგებთ და პირიქით, უფრო დაამძიმებს თქვენს მდგომარეობას მელანქოლიური აზრები. მნიშვნელოვანია, რომ ისინი გამოჩენისთანავე აღკვეთოთ და მათ თქვენზე გაბატონების უფლება არ მისცეთ.

ქალი თევზები

ასტროლოგები ქალ თევზებს გირჩევენ, რომ 2021 წელს ორი მნიშვნელოვანი ეტაპისთვის მოემზადოთ, რომლებიც გაზაფხულსა და შემოდგომაზე გელოდებათ. ეს ეტაპები მნიშვნელოვანი იქნება ცხოვრების ყველა სფეროში. გაჩნდება შესაძლებლობა, რომ გააკონტროლოთ მიმდინარე მოვლენები. იმისთვის, რომ საკუთარი ცხოვრება მართოთ, თქვენი ბედი უნდა გაიაზროთ და მიიღოთ.

ზოდიაქოს ნიშნები დედამთილის ამპლუაში>>

ფინანსები და სამუშაო: 2021 წელს მკვეთრი კარიერული ზრდა მოსალოდნელი არ არის, თუმცა შრომისმოყვარე ქალი თევზები შეძლებთ ფინანსური მდგომარეობის გამოსწორებას და კარგი თანამდებობის მიღებას. შრომისუნარიანობა სათანადო სიმაღლეზე იქნება და გეგმებისთვის ხელის შეშლა მხოლოდ თქვენს განწყობას შეუძლია. ამაზე კი უნდა იმუშაოთ, რათა ხელიდან არ გაუშვათ პერსპექტიული შესაძლებლობები მელანქოლიური განწყობისა და საკუთარ თავში ზედმეტი ჩაღრმავების გამო.

სიყვარული და ურთიერთობები: მარტოხელებმა უნდა ისწავლოთ კმაყოფილების მიღება ურთიერთობებისგან, არ უნდა შეგრცხვეთ საკუთარი გრძნობების. გულღიაობა და კეთილმოსურნეობა ბიძგს მისცემს ახალი რომანტიკული ურთიერთობების დაწყებას – როგორც მსუბუქის, ისე სერიოზულის. ვისაც უკვე ჰყავს პარტნიორი, მან საცხოვრებლის მოწყობაზე უნდა იფიქროს, რათა სასიამოვნო გარემო შექმნას საყვარელ ადამიანთან ცხოვრებისთვის.

განწყობა და ჯანმრთელობა: 2021 წელს მთელი თქვენი მომხიბვლელობა და მჭევრმეტყველება დაგჭირდებათ, ამიტომ მნიშვნელოვანია, რომ განწყობასა და ჯანმრთელობაზე იფიქროთ. შეინარჩუნეთ დადებითი განწყობა, რაშიც ფიზიკური აქტიურობა დაგეხმარებათ.

ასევე გაეცანით 2021 წლის ჰოროსკოპს ვერძების, კუროების, ტყუპების, კირჩხიბების, ლომების, ქალწულების, სასწორების, მორიელების, მშვილდოსნების, თხის რქების, მერწყულებისთვის.

7622
თბილისი

დღის ასტროპროგნოზი ზოდიაქოს ნიშნებისთვის: 19 იანვარი

213
(განახლებულია 10:19 18.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 19 იანვარია, სამშაბათი. მზარდი მთვარე ვერძის ნიშანშია. ამ დღეს პლანეტა მარსი მფარველობს.

დღეს გაჩნდება მისწრაფება, რომ დაივიწყოთ შაბლონები, ჩარჩოები და ნებისმიერ საკითხს შემოქმედებითად მოეკიდოთ. ამის წყალობით საქმიანობა შეიძლება ძალიან გაიოლდეს, მაგრამ მოდუნება არ შეიძლება – ეს მისწრაფება ერთ–ორ დღეში გაქრება, ამიტომ ამ დღეს აჯობებს, რომ ყველაზე მნიშვნელოვანი გააკეთოთ.

დაბადების დღე და მისი გავლენა ქალის ხასიათზე>>

ვერძი: დღე ზედმეტი ძალისხმევის გარეშეც იღბლიანად ჩაივლის. ეს ის იშვიათი დრო იქნება, როდესაც თქვენი შესაძლებლობები და სურვილები ერთმანეთს დაემთხვევა. არ არის გამორიცხული, რომ  სასიამოვნო სიურპრიზები, რომანტიკული შეხვედრები, მოულოდნელად შემოსული თანხა. თუ რამე დიდი პროექტის დაწყებას ან საპასუხისმგებლო საუბარს აპირებთ – სწორედაც რომ დროა. აქტიური მოქმედებების დღეა.

კურო: არცთუ საუკეთესო დღეა სწავლის, გონებრივი მუშაობისა და დაგეგმვისთვის – შეცდომების დაშვების დიდი ალბათობაა. და თუ მაინც მოგიწიათ გონებრივი მუშაობა, სჯობს, გარკვეულ დრომდე არავის აჩვენოთ შრომის შედეგები, ასევე არ ეცადოთ გეგმების განხორციელება – დიდი ალბათობით, ეს გეგმები რეალობისგან ძალიან შორსაა და მათზე ჯერ კიდევ მუშაობაა საჭირო.

ტყუპი: დღეს, ფაქტობრივად, არაფრის კეთება არ დაგჭირდებათ, რომ გარშემომყოფების სიმპათია და კარგი დამოკიდებულება მოიპოვოთ – ისინი ისედაც თქვენ მხარეს იქნებიან. სამუშაოზეც, ბიზნესშიც, მეგობრობაშიცა და სიყვარულშიც თქვენზე დიდი მოთხოვნილება იქნება. დღე მიუძღვენით ახალ კონტაქტებს, კოლექტივში შერწყმას, ვინმესგან მხარდაჭერის გარანტიის მიღებას. თქვებნი იდეები დღეს მიმზიდველი, ხოლო სიტყვები დამაჯერებელი იქნება, ასე რომ, გქონდეთ საჭირო შედეგის იმედი.

კირჩხიბი: დღეს საუკეთესო დღეა იმისთვის, რომ მოიფიქროთ ყველაზე რთული ამოცანბი და სამომავლო გეგმები დააწყოთ. პროექტების რეალიზაცია კი სჯობს გადადოთ, ამიტომ მნიშვნელოვანი საქმეების გაკეთება დღეს არ ღირს. დღეს მომატებული გექნებათ ანალიზის უნარი, ამიტომ შეგიძლიათ რთული სქემების აწყობა, ნებისმიერი პრობლემის გადაჭრის გზის მოძებნა, თქვენი ამ დღეს შედგენილი გეგმები მომავალში ძალზე საფუძვლიანი და საიმედო იქნება.

ლომი: დღეს წარმატებას ნებისმიერ საქმეში გარშემომყოფებთან თანამშრომლობა მოგიტანთ. პრინციპში, დამოუკიდებლადაც შეგიძლიათ მოქმედება, თუმცა საუკეთესო შედეგს სწორედ გუნდთან ერთად მუშაობა მოგიტანთ. ზოგადად, დღეს პოზიტივი სწორედ ირგვლივ მყოფი ადამიანებისგან წამოვა. არ არის გამორიცხული, რომ ვინმემ საინტერესო აზრი მოგაწოდოთ, კარგი რჩევა მოგცეთ, ან, უბრალოდ, სასიამოვნო სიახლე გაცნობოთ.

ქალწული: დღეს წარმატებები გელოდებათ საქმიანობაში, მაგრამ ამაში „დამნაშავე“ ბრმა იღბალი სულაც არ იქნება. ვარსკვლავები მოგანიჭებენ განსაკუთრებულ სიმტკიცეს, აქტიურობას და კიდევ ბევრ სხვა კარგ თვისებას, რომელთა წაყლობითაც ადვილად გადალახავთ დაბრკოლებებს და ნებისმიერი სირთულის საქმეს შეეჭიდებით. მთავარი კი ისაა, რომ ზუსტად გეცოდინებათ პასუხი ორ კითხვაზე: რა უნდა გააკეთოთ და როგორ.

სასწორი: ვარსკვლავები გაფრთხილებენ, რომ დღეს თქვენსა და თქვენს გეგმებს შორის, შესაძლოა, დაბრკოლებები აღიმართოს. პრობლემები შეიძლება შეიქმნას იქაც კი, სადაც ეს ყველაზე ნაკლებად არის მოსალოდნელი; ან უკვე გადაწყვეტილი საქმე ისე შემობრუნდეს, რომ ახალი ძალისხმევით დაგჭირდეთ მისი გაკეთება. ეს არ ნიშნავს, რომ თქვენი გეგმები ჩავარდა, უბრალოდ, ნებისმიერ ამოცანაზე ჩვეულებრივზე მეტი დროის დახარჯვა მოგიწევთ.

მორიელი: თუ დღეს რამე არ გამოგივათ, დამნაშავე მხოლოდ თქვენ იქნებით. დღე კარგ შესაძლებლობებს მოგანიჭებთ, თუმცა თქვენ, შესაძლოა, ეს შანსები არ გამოიყენოთ. გარდა ამისა, არის ალბათობა, რომ წარსულის შეცდომა გაიმეოროთ. დღე რომ პროდუქტიული იყოს, არ უნდა მოდუნდეთ. წარმატების გარანტი ყურადღება, ენერგიულობა და პოზიტიური განწყობაა.

მშვილდოსანი: დღეს დიპლომატიურობის უდიდეს ნიჭს გამოავლენთ და საერთო ენის გამონახვას ყველასთან შეძლებთ – კოლეგებთან, მეგობრებთან, ხელმძღვანელებთან უცნობებთანაც კი. თუ ვინმესთან რამე სათქმელი დაგიგროვდათ, არ გადადოთ საუბარი დელიკატურ თემებზე. ზუსტად შეძლებთ საკუთარი გრძნობებისა და აზრების გადაცემას, გაქვთ შანსი, რომ სწორად გაგიგებენ.

თხის რქა: ძალიან გაგიჭირდებათ ნებისმიერი საქმის ბოლომდე მიყვანა, თუმცა კიდევ უფრო რთული იქნება საქმეების დაწყება – დღეს მოდუნებული და გონებაგაფანტული ხართ. თუ საქმე თქვენს ჩარევას მოითხოვს, ის შეიძლება უსასრულობამდე გააჭიანუროთ. ჩვეულებრივი, ყოველდღიური საქმეებიც კი უსარგებლოდ მოგეჩვენებათ. რას ვიზამთ, ადამიანის ორგანიზმის მარაგი ამოუწურავი არ არის, ამიტომ ექსპერტები გირჩევენ, კარგად დაისვენოთ და აღიდგინოთ როგორც ფიზიკური, ისე სულიერი ძალები.

მერწყული: დღეს საქმეების მიმდინარეობით ფრიად კმაყოფილი იქნებით – მოვლენები ისე განვითარდება, როგორც თქვენ გეგმავდით. ასევე არ არის გამორიცხული ბედის სიურპრიზები, მაგალითად, მოულოდნელი პრემიის მიღება, იღბლიანი შენაძენი, სასიამოვნო ნაცნობობა, ქათინაური. მოკლედ, დღეს ცხოვრებაზე საწუწუნო არაფერი გექნებათ, გამოასხივებთ პოზიტივის და ირგვლივ მყოფებს თქვენს კარგ განწყობას გაუზიარებთ.

თევზები: ვარსკვლავები დღეს გაფრთხილებენ, რომ, შესაძლოა, რამე საკითხის გადაწყვეტისას ცოდნა ან გამოცდილება არ გეყოთ. ეს შეიძლება შეეხებოდეს როგორც სამუშაოს, ისე პირად ცხოვრებას, ადამიანებთან ურთიერთობებს. თუ ამას არ აღიარებთ, შეცდომების დაშვებით რისკავთ. ერთადერთი სწორი გზა გარშემომყოფებისთვის რჩევის კითხვაა. სამუშაო გარემოში რჩევა საქმის სპეციალისტს, ხოლო პირად ცხოვრებაში გამოცდილ მეგობარს ჰკითხეთ.

213
ბანანის პური ქიშმიშით და მზესუმზირის მარცვლებით

რატომ არ უნდა ამოიღოთ რაციონიდან პური წონაში დაკლების მიზნით: გპასუხობთ ცნობილი დიეტოლოგი

153
(განახლებულია 21:32 18.01.2021)
რით არის კარგი პური და ღირს თუ არა მისი რაციონიდან ამოღება წონის დაკლების მიზნით, ამ და სხვა საინტერესო კითხვებზე ექიმი-დიეტოლოგი ტატიანა რაზუმოვსკაია იძლევა პასუხებს.

პური სხვადასხვაგვარია. მთელმარცვლოვანი პური — ეს არის უჯრედისი, В ჯგუფის ვიტამინები (მაგალითად, B1, B6, რომლებიც ნერვული და გულ-სისხლძარღვთა სისტემის მუშაობის ნორმალიზებას განაპირობებს), ასევე კალიუმი, კალციუმი, მაგნიუმი, ფტორი და სხვა მინერალური ნივთიერებები. ეს ნივთიერებები ძირითადად მარცვლეულის გარსში შედის. ამიტომ ჯანმრთელობისთვის პურის სარგებელი დამოკიდებულია არა იმდენად მარცვალზე, რამდენადაც მისი დაფქვის სახეობაზე.

რაც უფრო წვრილად არის მარცვალი დაფქვილი, მით ნაკლებია მისი ღირებულება. მაგალითად, რაფინირებული ფქვილის პურში 0,05 მილიგრამი რკინაა, ხოლო მთელმარცვლოვან პურში — 4,9 მილიგრამი. განსხვავება ასჯერ მეტია. გამოდის, რომ თუ წვრილად დაფქული ხორბლის მარცვლის პურზე იტყვით უარს, მაშინ ორგანიზმი, დიდი ალბათობით, ვერც კი შეამჩნევს სასარგებლო ნივთიერებების დაკარგვას. აი მთელმარცვლოვან პურზე უარის თქმა კი დიდ სარგებელს არ მოგიტანთ.

წონაში დაიკლებთ, თუ...

პურის კალორიულობა საშუალოდ 250-300 კილოკალორიაა 100 გრამზე. ეს არც ისე ბევრია, თუმცა წვრილად დაფქულ ხორბლის პურს მაღალი გლიკემიური ინდექსი აქვს — 85-90. შედარებისთვის: რძიანი შოკოლადისა და შოკოლადის „ბატონების“  ინდექსი დაახლოებით 70-ია, ხოლო ჭვავის პურის ინდექსი — 50-40. ზოგადად, 70-ზე ზემოთ რიცხვი მაღალ მაჩვენებლად მიიჩნევა, 55-ზე ნაკლები კი — დაბალ მაჩვენებლად.

„როდესაც თეთრ პურს მიირთმევთ, ხდება ინსულინის ძლიერი გამოტყორცნა: სისხლში შაქარი მკვეთრად იზრდება, შემდეგ ისევ მკვეთრად ეცემა და სწრაფად გრძნობთ შიმშილს. ამრიგად, ასტიმულირებს რა მადას, წვრილად დაფქული ხორბლის მარცვლის პური ირიბად მოქმედებს წონაში მატებაზე. თუ დიდხანს ზიხართ და ცოტას მოძრაობთ, უმჯობესია ეს პროდუქტი მენიუდან საერთოდ ამოიღოთ“, — ამბობს დიეტოლოგი.

რაც შეეხება მთელმარცვლოვან პურს, გამომდინარე იქიდან, რომ დიდი რაოდენობით უჯრედისს შეიცავს, რომელიც შიმშილის შეგრძნებას აქრობს, ის, პირიქით, შეიძლება დიეტაზე მყოფმაც მიირთვას.

ამასთან თუ მთელმარცვლოვან პურს რაციონიდან ამოიღებთ:

გაუარესდება ნერვული სისტემის მდგომარეობა

100 გრამი მთელმარცვლოვანი პური არის ვიტამინ B1-ის ყოველდღიური ნორმის თითქმის ნახევარი (დღე-ღამეში 1,1-1,2 მილიგრამი). თუ ვიტამინი საკმარისი არ არის, ადამიანი ხდება გაღიზიანებული, სწრაფად იღლება და კუნთების სისუსტე უვითარდება.

ამასთან პური შეიცავს უამრავ სხვა ვიტამინს, მაგალითად: PP-ს (ნიაცინი), რომელიც პასუხისმგებელია თავის ტვინის მუშაობაზე, და ასევე ვიტამინ B2-ს, რომლის ნაკლებობაც უძილობის პროვოცირებას იწვევს.

მოგაკლდებათ ენერგია 

„მთელმარცვლოვან პურში არის ვიტამინი B9 (ფოლიუმის მჟავა), რომელიც იმუნიტეტისთვის შეუცვლელია. ის გავლენას ახდენს ნერვულ სისტემაზე, იმაზე, თუ როგორ განახლდება ორგანიზმის უჯრედები და, შედეგად, ენერგიის საერთო დონე“, — ამბობს ტატიანა რაზუმოვსკაია.

იმ შემთხვევაში, თუ გსურთ რაციონიდან პურის ამოღება, შეცვალეთ ის ნელი ნახშირწყლებით — ხორბლის მაგარი ჯიშების მაკარონით, წიწიბურის, ბრინჯის, ქერის ფაფებით.

ნაწლავები უარესად იმუშავებს

მთელმარცვლოვან პურში ბევრია საკვები ბოჭკო, ამიტომ დიდი რაოდენობით მისმა ჭამამ ​​შეიძლება შებერილობა და მეტეორიზმი გამოიწვიოს. მაგრამ თუ პურს ზომიერად მიირთმევთ (100 გრამ მთელმარცვლოვან პურში დაახლოებით 7,4 გრამი საკვები ბოჭკოა), პირიქით, ეს საჭმლის მონელებაში დაგეხმარებათ.

წვრილად დაფქული მარცვლეულის თეთრი პური კი, პირიქით, შეკრულობას იწვევს, განსაკუთრებით ხანდაზმულ ასაკში. ხოლო თუ ნაწლავების პრობლემები არსებობს, უმჯობესია მენიუდან ამოიღოთ.

ამასთან, დიეტოლოგის თქმით, უნდა გვახსოვდეს, რომ: წვრილად დაფქული თეთრი პური — ეს სწრაფი ნახშირწყლებია, რაც ენერგიას უზრუნველყოფს ორგანიზმში. ამიტომ თუ სპორტით ხართ დაკავებული, მაშინ თეთრი პურის პატარა ნაჭერი (რა თქმა უნდა, კარაქის გარეშე) შეგიძლიათ ვარჯიშამდე 30-40 წუთით ადრე მიირთვათ.

 

153
თემები:
ექიმი გირჩევთ
წყალქვეშა სამყარო

მეცნიერებმა ზღვაში მტაცებლების მანამდე უცნობი სამი სახეობა აღმოაჩინეს

0
(განახლებულია 10:18 19.01.2021)
ეს სახეობები იმით განსხვავდებიან სხვებისგან, რომ გარეგნულად ყვავილებს ჩამოჰგვანან და ხორცისმჭამელები არიან

თბილისი, 19 იანვარი — Sputnik. ქვინსლენდის მუზეუმის მკვლევარებმა დიდ ავსტრალიურ ყურეში მეცნიერებისთვის მანამდე უცნობი მტაცებელი ღრუბლების სახეობები აღმოაჩინეს. კვლევის პრესრელიზსს სამეცნიერო პორტალი Science Media Exchange აქვეყნებს.

​ახალი ორგანიზმები — Nullarbora heptaxia, Abyssocladia oxyasters–ი და Lycopodina hystrix–ი ყურის გარკვეულ რაიონში წყლის ზედაპირიდან 3 კმ სიღრმეზე ბინადრობენ. ეს მრავალუჯრედოვანი ცხოველებია, რომლებიც ზღვის გამდინარე წყლის ფილტრაციით იკვებებიან. თუმცა ახალ სახეობებს ეს უნარი სრულად დაკარგული აქვთ და ისინი სხვა წყალქვეშა ბინადრებზე ნადირობენ.

„ეს წარმოაჩენს, თუ რაოდენ ბევრი ოკეანე გვაქვს კიდევ შესასწავლი. ეს კონკრეტული ღრუბლები სრულიად უნიკალურია იმით, რომ ნაპოვნია დიდი ავსტრალიური ყურის მხოლოდ ამ კონკრეტულ რაიონში — რეგიონში, რომელშიც ნავთობის ღრმაწყლოვანი დაზვერვა იგეგმებოდა“, — განაცხადა წამყვანმა ავსტრალიელმა მეცნიერმა მერიკ ეკინსმა.

ახალი სახეობები, რომლებიც გარეგნულად უფრო ყვავილებს ჩამოგვანან და არა ღრუბლებს, პირველი დარეგისტრირებული ხორცისმჭამელი სახეობებია. სამხრეთ ავსტრალიაში სულ ზღვის ღრუბლების 25 სახეობაა დარეგისტრირებული.

0
თემები:
მსოფლიო და მეცნიერება