განწყობა

კვირის ასტროპროგნოზი: სიყვარული, ფინანსები, სამუშაო 23-29 ნოემბერი

1737
(განახლებულია 11:00 23.11.2020)
როგორი იქნება ეს კვირა ზოდიაქოს ნიშნების წარმომადგენლებისთვის – ამის შესახებ ასტროლოგები გვიამბობენ.

ასტროლოგების პირველი და მთავარი რჩევაა – ისწავლეთ საკუთარი თავის მოსმენა. ყველაზე არასახარბიელო მომენტებში, ან როდესაც დილემის წინაშე დგახართ, აუცილებელია შინაგან ხმას მიმართოთ დახმარებისთვის. ახლა ეს საუკეთესო ხერხია ენერგიის შესანარჩუნებლად და სწორი არჩევნის გასაკეთებლად.

რა უპირატესობა და ნაკლი აქვს ქორწინებას ზოდიაქოს თითოეულ ნიშანთან>>

ვერძი

ვერძებისთვის ხელისაყრელი პერიოდი დგება: ყველაფერი სტაბილურადაა, განწყობის მკვეთრი ცვლა და მოულოდნელი პრობლემები მოსალოდნელი არ არის. ერთადერთი, რასაც თვის ბოლოს უნდა გაუფრთხილდეთ, ეს ჯანმრთელობაა. კარგი იქნება, თუ საქმეების კეთებისას ძალიან არ დაიღლებით.

დანარჩენ ყველაფერში საოცარი იღბლიანობა გელოდებათ. შეძლებთ ფინანსურ და სასიყვარულო სფეროში წარმატებების მიღწევას. ვისაც ჰყავს პარტნიორი, შეძლებს ურთიერთობების გამტკიცებას, ხოლო ვისაც არ ჰყავს, მისი პოვნის დიდი შანსი აქვს. მთავარია, სწორად მოიქცეთ, რადგან შეცდომის გამოსწორების შესაძლებლობა არ გექნებათ.

2021 წლის ჰოროსკოპი: ფინანსები, სიყვარული, ჯანმრთელობა – ვერძი>>

კურო

კუროები არ უნდა ჩაიკეტოთ საკუთარ თავში და დიდხანს განმარტოებით არ უნდა იყოთ. ახლა ფინანსური ნაკადები ძლიერია, ამიტომ მთელი ძალ–ღონე სამუშაოსა და ბიზნესზე მიმართეთ. შუა კვირაში, შესაძლოა, კოლეგების მხრიდან გაუგებრობას წააწყდეთ.

მოქნილობა ახლობლებთან ურთიერთობებშიც დაგჭირდებათ. ძალზე ადვილია, რამე გეწყინოთ ან სხვას აწყენინოთ, ამიტომ იფრთხილეთ. უქმეებზე ასტროლოგები სათანადოდ დასვენებას გირჩევენ, ასევე გარემოს შეცვლას, საყიდლებზე წასვლას. ვინც კვირის განმავლობაში კარგად იშრომა, მას სასიამოვნო სიურპრიზებიც ელოდება.

2021 წლის ჰოროსკოპი: ფინანსები, სიყვარული, ჯანმრთელობა – კურო>>

ტყუპი

არასასიამოვნო დღე თქვენთვის ორშაბათი იქნება, მაგრამ შემდეგ ვარსკვლავები თანდათანობით გააძლიერებენ ენერგიას და პიკს კვირას მიაღწევენ, როდესაც ნეპტუნი რეტროსვლას შეწყვეტს.

ახლობლები, მეგობრები და კოლეგები თქვენს მოსაზრებებს ყურს დაუგდებენ. შეძლებთ საკუთარი გავლენის გაზრდას და ნებისმიერ სფეროში საუკეთესო შედეგების მიღებას. ახლა უარი არ უნდა თქვათ ირგვლივ მყოფთა დახმარებაზე, რადგან უახლოეს მომავალში, შესაძლოა, თქვენ დაგჭირდეთ მათი დახმარება.

2021 წლის ჰოროსკოპი: ფინანსები, სიყვარული, ჯანმრთელობა – ტყუპი>>

კირჩხიბი

ამ კვირაში თქვენი ცხოვრება „ამერიკულ მთებს“ დაემსგავსება – იქნება არაპროგნოზირებადი პერიოდი. კვირის დასაწყისში გარკვეული უარყოფითი მოვლენები შეიძლება მოხდეს. თუ ბევრი სამუშაო და საზრუნავი გექნებათ, არ დაივიწყოთ დასვენება, რომ თქვენი ორგანიზმი ენერგიისგან არ გამოიფიტოს.

აუცილებელია, რომ მთელი საშინაო საქმეებისა და საზრუნავის საკუთარ თავზე აღება შეწყვიტოთ: დროა, საქმეები სწორად და თანაბრად გადაანაწილოთ, რათა ჩხუბი და სკანდალი აიცილოთ თავიდან. ასტროლოგები გირჩევენ, მეტი დრო გაატაროთ სუფთა ჰაერზე და უარი თქვათ მავნე ჩვევებზე.

ლომი

ლომებს ამ კვირაში ბევრი ურთიერთობა გელოდებათ: ახალი ნაცნობობა, შეთანხმებები, კომპრომისების მოძებნა. არ არის გამორიცხული, რომ მარტოხელებმა მეორე ნახევარიც იპოვოთ. ახალ ნაცნობებს შორის შეიძლება უსიამოვნო და ტოქსიკური ადამიანებიც შეგხვდეთ, მათ ამოცნობაში ინტუიცია დაიხმარეთ.

ფინანსურ სფეროში თქვენი მოქმედებების ზოგიერთი ასპექტი ხელახლა უნდა გაიაზროთ. იქნებ, ეკონომიის დრო დადგა, რაც ასე ძალიან არ გიყვართ. მაგრამ „ასკეტური“ ცხოვრება ამაში არ იგულისხმება, უბრალოდ, მეტი ზომიერება და სიფრთხილე გამოიჩინეთ ფინანსებთან დაკავშირებულ საკითხებში.

ქალწული

ქალწულებისთვის კვირის დასაწყისი არცთუ სასიამოვნო იქნება. ეს განსაკუთრებით მათ ეხება, ვინც ბევრს მუშაობს . ახლა იდეალური დროა სამომავლო გეგმების დასაწყობად , პრიორიტეტების გასანაწილებლად. კვირის დასაწყისში ნუ შეეჭიდებით ახალ საქმეებს – სჯობს, ჯერ უკვე დაწყებული დაასრულოთ.

მნიშვნელოვანია, რომ სამუშაოსა და ბიზნესში არ დაუშვათ წარუმატებელი შედეგები იმ საკითხებში, რომლებიც უშუალოდ თქვენზეა დამოკიდებული. ასეთი მარცხი თქვენს რეპუტაციას შებღალავს. ახლობელ ადამიანებთან და კოლეგებთან ურთიერთობებისას მეტად იაქტიურეთ. საჭიროა წვრილმანი შეცდომების პატიება და ყურადღების გამახვილება არა ნეგატიურ მომენტებზე, არამედ ჩახლართული ვითარებიდან გამოსავლის პოვნაზე.

სასწორი

ყველანაირად უნდა შეეცადოთ, რომ თავი აარიდოთ ტოქსიკურ ადამიანებს, მათთან ურთიერთობებს, ვინც გაღიზიანებთ ან მიზნების მიღწევაში გიშლით ხელს. გაეცალეთ ასეთ ადამიანებს და მათთან არანაირი შეთანხმება არ დადოთ და არც არაფერს დაჰპირდეთ.

ორშაბათსა და სამშაბათს შოპინგისთვის ხელსაყრელი დღეებია, მაგრამ ოთხშაბათიდან ფულის ფლანგვა უნდა შეწყვიტოთ. არასახარბიელო დროა საყოფაცხოვრებო ტექნიკის, ელექტრონიკის, ავტომობილის, მობილური ტელეფონის, სმარტფონის ყიდვისთვის. რაც შეეხება სიყვარულს, რომანტიკასა და ფლირტს, ამისთვის საუკეთესო დღეებია პარასკევი და შაბათი.

მორიელი

მორიელებისთვის დგება დრო, როდესაც უნდა ისწავლოთ, აიმაღლოთ ცოდნა, მიიღოთ გამოცდილება და პრობლემებს ფილოსოფიურად შეხედოთ. კარგი იქნება საღამოების მეგობრებთან ერთად გატარება, ხოლო უქმეებზე – სპორტი, სეირნობა და რელაქსაცია.

იდეალური დროა ფულის გამომუშავებისთვის. ყურადღებაა საჭირო საქმიანი წინადადებების მიმართ – არის არაკეთილსინდისიერი ადამიანების მხრიდან მოტყუების რისკი. ორშაბათი კარგი დღეა სახლის დალაგებისთვის, რაც ენერგიის პოზიტიური ნაკადების შემოდინებას შეუწყობს ხელს. საოჯახო საქმეებს ასევე უქმეებზეც შეგიძლიათ მიხედოთ.

მშვილდოსანი

ვარსკვლავები და პლანეტები ამ კვირაში დაგეხმარებიან, რომ სწორ გზას დაადგეთ. ყურადღება უნდა მიაქციოთ მინიშნებებს, ყველაფერს, რაც თქვენ ირგვლივ ხდება. სიფრთხილე გმართებთ კვირის დასაწყისში. შესაძლოა, მნიშვნელოვანი არჩევნის გაკეთება მოგიწიოთ.

სჯობს, არავის არაფერს დაჰპირდეთ ტყუილუბრალოდ. უნდა იყოთ ძალზე პატიოსანი და გულღია. ოთხშაბათიდან გაჩნდება სამუშაოზე საკუთარი თავის წარმოჩენის შესაძლებლობა. სასიყვარულო სფეროში მეტი ინიციატივაა საჭირო, რათა ბედნიერების შანსი ხელიდან არ გაუშვათ.

თხის რქა

ამ კვირაში წინა პლანზე ფინანსური სფერო გამოვა. დროა, აჩვენოთ, რა შეგიძლიათ. უქმეების გეგმებთან დაკავშირებით ახლობლები გვერდში დაგიდგებიან. ეს იქნება იდეალური დრო ერთობლივი საქმიანობისთვის.

ამ კვირაში შესაძლებელია შორეულ მოგზაურობაში წასვლა, ახალი მეგობრების შეძენა. ასტროლოგები ამბობენ, რომ ზოგიერთ თქვენგანს არჩევნის წინაშე მოუწევს დადგომა – გარისკოს თუ არა. თუ შეატყობთ, რომ რისკი მინიმალურია და მოგება – დიდი, შეგიძლიათ, ბედს შეეთამაშოთ.

მერწყული

ძალზე მნიშვნელოვანია, რომ კვირის დასაწყისში სახლი ნეგატიური ენერგიისგან გაწმინდოთ. ეს მნიშვნელოვნად გააძლიერებს ინტუიციას, გათავისუფლდებით ზედმეტი ფიქრებისა და შიშებისგან. შეგიძლიათ, დახმარება სთხოვოთ ახლობელ ადამიანებს, მაგრამ მზად იყავით, რომ უახლოეს პერიოდში საპასუხო დახმარების გაწევა მოგიწევთ.

საღამოები, სჯობს, ოჯახს მიუძღვნათ. ახლობლები ამას ღირსეულად დააფასებენ. ძალიან მნიშვნელოვანია, რომ ოპტიმისტური განწყობა შეინარჩუნოთ. კვირის ბოლოს შეგიძლიათ შეიძინოთ ისეთი რამ, რაც დიდ სიამოვნებას მოგანიჭებთ.

თევზები

თევზებმა მთელი კვირის განმავლობაში აქტიურობა უნდა შეინარჩუნოთ. დასვენებაც რომ გადაწყვიტოთ, სჯობს, საქმეები ნახევარ გზაზე არ მიატოვოთ. არ შეიძლება საკუთარ თავში ეჭვის შეტანა, რადგან ვარსკვლავები ძალზე სახარბიელო მდგომარეობაში იმყოფებიან. რაც უფრო მეტს იფიქრებთ კარგზე, მით უფრო მეტი სასიკეთო რამ მოხდება თქვენს ცხოვრებაში.

მზად იყავით იმისთვის, რომ გარშემომყოფების რჩევები დიდ სარგებელს არ მოიტანს. იყავით დამოუკიდებელი და მხოლოდ ინტუიციას არ ენდოთ. პირადი გამოცდილება ფინანსური და სასიყვარული ბედნიერებისკენ მიმავალ გზაზე გაჩენილი დაბრკოლებების გადალახვაში დაგეხმარებათ. კვირის ბოლოს სასიამოვნო სიურპრიზები გელოდებათ.

1737
მწვანე ლობიო

მწვანე ლობიოს სალათი: დაბალკალორიული რეცეპტი წონაში დაკლების მსურველებისთვის

113
(განახლებულია 17:26 24.06.2021)
 მწვანე ლობიო უნივერსალური ბოსტნეულია, ვინაიდან უამრავ ვიტამინს შეიცავს და ამასთან დაბალკალორიულია

სპეციალისტების თქმით, მწვანე ლობიოს რეგულარული მიღება, მასში შემავალი ვიტამინებისა და მინერალების წყალობით, ანელებს დაბერების პროცესს, აძლიერებს იმუნიტეტს, აღკვეთს თვალის ბადურის დეგენერაციას, სასარგებლოა შარდის ბუშტის დაავადებების დროს − აჩქარებს შარდმჟავას ორგანიზმიდან გამოდევნას და აღკვეთს თირკმელებში ქვების წარმოქმნას, აუმჯობესებს სისხლის შედედების უნარს, მენოპაუზის დროს ამცირებს „ალების“ რაოდენობას, აძლიერებს ძვლოვან ქსოვილს...

ამასთან მას აქვს ძალიან დაბალი გლიკემიური ინდექსი (GL 15), რაც იმას ნიშნავს, რომ მწვანე ლობიო არ იწვევს სისხლში შაქრის ნახტომისებურ მატებას.

თუმცა ის რეკომენდებული არ არის კუჭის დაავადებების − დაბალმჟავიანი გასტრიტისა და წყლულის, ასევე  ქოლეცისტიტის შემთხვევაში, მწვანე ლობიოს ასევე უნდა მოერიდნენ მეტეორიზმისადმი მიდრეკილი ადმიანებიც.  

ყველა სხვა შემთხვევაში ეს მართლაც ძალიან სასარგებლო ბოსტნეულია, რომელიც ამავდროულად ძალიან დაბალკალორიულიცაა: 100 გ პროდუქტში სულ რაღაც 31 კილოკალორიაა. მიუხედავად ამისა, მწვანე ლობიო, მასში შემავალი ბოჭკოების წყალობით, რომელთა გადამუშავებასაც შედარებით მეტი დრო სჭირდება, მადას საგრძნობლად აქვეითებს.

შესაბამისად, მწვანე ლობიოსგან მომზადებული ზოგი კერძი პირდაპირ მისწრებაა მათთვის, ვინც დიეტაზეა.

ქვემოთ ერთი ასეთი უცხო სალათის რეცეპტს გაგაცნობთ.

ინგრედიენტები

  • მწვანე ლობიო − 400 გ;
  • ლაიმის წვენი − 2 ჩაის კოვზი;
  • ნიორი − 2 კბილი;
  • ზეითუნის ზეთი − 2 სუფრის კოვზი;
  • ყველი (ბრინზა) 50 გ;
  • სოიოს სოუსი − 1 ჩაის კოვზი;
  • პომიდორი − 3 ცალი;
  • გამომცხვარი ბულგარული წიწაკა − 2 ცალი;
  • რეჰანი − რამდენიმე ძირი.

მომზადების წესი

მოაშორეთ ლობიოს ყუნწები, დაამტვრიეთ დაახლოებით სამ სანტიმეტრიან ნაწილებად და კარგად გარეცხეთ. შემდეგ მოამზადეთ ორთქლზე დაახლოებით 7-10 წუთის განმავლობაში (ამისთვის შეგიძლიათ გამოიყენოთ როგორც სპეციალური ქვაბი, ისე მდუღარე წყლიან ქვაბზე დადებული ჩვეულებრივი საწური − „დრუშლაგი);

სანამ ლობიო მზადდება, დაჭერით კუბებად ყველი, პომიდორი, ბულგარული წიწაკა, ნიორი (შეგიძლიათ დაჭყლიტოთ ან დანაყოთ) და რეჰანი. აურიეთ ეს ყველაფერი ერთმანეთში;

შემდეგ ცალკე ჭურშელში შეაზავეთ ლაიმის წვენი, ზეითუნის ზეთი და სოიოს სოუსი.

როდესაც მწვანე ლობიო მოითუშება, ეს ყველაფერი ზემოდან  მოაყარეთ და მოასხით და კარგად მოურიეთ.

თქვენი სალათი მზადაა. გემრიელად მიირთვით!
113
თემები:
გემრიელი სამზარეულო
სახსრების ვარჯიში

სახსრების ტკივილი: ოთხი საუკეთესო დანამატი სამკურნალოდ და ტკივილების მოსახსნელად

49
(განახლებულია 15:51 24.06.2021)
ბრიტანელი სპეციალისტების თქმით, ამ დანამატმა კვლევებისას ისეთი ძლიერი ეფექტი გამოავლინა, რომ პაციენტებმა ტკივილგამაყუჩებლების მიღება შეწყვიტეს

თბილისი, 24 ივნისი − Sputnik. სახსრები სხვადასხვა დაავადებისა და ასაკის მატების ფონზე ნაკლებად მოქნილი ხდება და ამასთან იმატებს ანთებითი პროცესები, თუმცა ეს არ უნდა იყოს იმის მიზეზი, რომ ტკივილი მოითმინოთ, წერს Express-ი.

გამოცემის ინფორმაციით, გარდა სამკურნალო პროცედურებისა, არსებობს არაერთი დანამატი, რომელთა ხანგრძლივი ეფექტი სახსრების მკურნალობაში უკვე დადასტურებულია.

ასე მაგალითად, როგორც მეცნიერულმა კვლევებმა აჩვენა, გლუკოზამინის სულფატის ყოველდღიური მიღება სახსრებში ოსტეოართრიტის განვითარებას ამუხრუჭებს და ასევე ამცირებს დაავადებით გამოწვეულ ტკივილს.

ამასთან აღინიშნება, რომ გლუკოზამინი სახსრების გარშემო ხრტილოვანი ქსოვილის საკვანძო კომპონენტია.

გარდა ამისა, სახსრების მდგომარეობაზე შესანიშნავ გავლენას ახდენს ომეგა-3, რომელსაც ანთების საწინააღმდეგო ფექტი აქვს და კარგი საშუალებაა სახსრებში ტკივილების მოსახსნელად.

„2016 წელს ჩატარებულმა კვლევამ აჩვენა, რომ რევმატოიდული ართრიტის შემთხვევაში ომეგა-3-ის რეგულარული მიღება ამცირებს სახსრებში დისკომფორტსა და „შებოჭილობას“.  ამასთან ზოგ შემთხვევაში ეფექტი იმდენად მნიშვნელოვანი იყო, რომ პაციენტებმა ტკივილგამაყუჩებელი პრეპარატების მიღება შეწყვიტეს“, - ნათქვამია Express-ის სტატიაში.

ექიმები სახსრების ტკივილის შემთხვევაში ასევე გვირჩევენ კურკუმისა და ჯანჯაფილის გამოყენებას. თუმცა განმარტავენ, რომ კვლევებისას კურკუმამ მხოლოდ ხანმოკლე ანთებები შეამცირა, ხოლო ჯანჯაფილის ექსტრატმა, რომელსაც ჩვეულებრივი დანამატების სახით ვიღებთ, მაინცდამაინც ძლიერი ეფექტი ვერ გამოავლინა.

 

49
თემები:
ექიმი გირჩევთ
თურქეთის დროშა

საქართველო და თურქეთი თავისუფალი ვაჭრობის ხელშეკრულების გაფართოებას გეგმავენ

0
თავისუფალი ვაჭრობის შესახებ ხელშეკრულება საქართველოსა და თურქეთს შორის 2007 წელს გაფორმდა და ის გარკვეული საქონლის იმპორტზე გადასახადისგან გათავისუფლებას ითვალისწინებს.

თბილისი, 24 ივნისი - Sputnik. საქართველომ და თურქეთმა ქვეყნებს შორის თავისუფალი ვაჭრობის ხელშეკრულების ფარგლებში განიხილეს სოფლის მეურნეობის პროდუქტებზე ტარიფების შემდგომი ლიბერალიზაცია და დოკუმენტში სერვისებით ვაჭრობის ჩართვის შესაძლებლობა, იტყობინება საქართველოს ეკონომიკისა და მდგრადი განვითარების სამინისტროს პრესსამსახური.

ანკარამ უმასპინძლა საქართველო-თურქეთის თავისუფალი ვაჭრობის ხელშეკრულების შედეგად დაარსებული ერთობლივი კომიტეტის მე -12 სხდომას, რომლის ფარგლებში გაიმართა მოლაპარაკებები დოკუმენტში შესწორებების შეტანის შესახებ.

საქართველოს დელეგაციას ხელმძღვანელობდა ეკონომიკის მინისტრის მოადგილე გენადი არველაძე, ხოლო თურქეთის დელეგაციას - ვაჭრობის მინისტრის მოადგილე მუსტაფა თუზჯუ.

არველაძის თქმით, ქვეყნებს შორის თავისუფალი ვაჭრობის შესახებ შეთანხმებაში შეტანილი ცვლილება, განსაკუთრებით სოფლის მეურნეობის ტარიფების შემდგომი ლიბერალიზაციის შესახებ, გაზრდის ექსპორტს საქართველოდან თურქეთში და დაეხმარება ქართველ მწარმოებლებს, თავიანთი სოფლის მეურნეობის პროდუქტები თურქეთის ბაზარზე კონკურენტუნარიანი გახადონ. მისივე თქმით, ამ საკითხზე თურქულ მხარესთან კონსულტაციების პროცესი წარმატებით მიმდინარეობს.

კომიტეტის შემდეგი სხდომა თბილისში 2021 წლის ბოლოს გაიმართება, მანამდე კი კონსულტაციები ექსპერტების დონეზე ონლაინ რეჟიმში გაგრძელდება.

თავისუფალი ვაჭრობის ხელშეკრულება საქართველოსა და თურქეთს შორის 2007 წელს გაფორმდა და ის გარკვეული საქონლის იმპორტზე გადასახადისგან გათავისუფლებას ითვალისწინებს.

საქართველოს სავაჭრო პარტნიორებს შორის თურქეთი პირველ ადგილზეა – 2021 წლის იანვარ–მაისში, გასული წლის ანალოგიურ პერიოდთან შედარებით, მეზობელ ქვეყანასთან საგარეო სავაჭრო ბრუნვა 35%–ით გაიზარდა და 758,1 მლნ დოლარი – საქართველოს საერთო სავაჭრო ბრუნვის 15,1% შეადგინა.

გასულ წელს საქართველოსა თურქეთს შორის სავაჭრო ბრუნვა, 2019 წლის იმავე პერიოდთან შედარებით, 12,2%-ით შემცირდა და 1,6 მლრდ დოლარი შეადგინა.  მიუხედავად ამისა, 2020 წელსაც თურქეთი საქართველოს ერთ-ერთი მთავარი სავაჭრო პარტნიორი იყო.

საქართველოდან თურქეთში ექსპორტზე გადის ფეროშენადნობები, ტრიკოტაჟის ნაწარმი, ფოლადის ნახევარფაბრიკატები, შავი ლითონის ჯართი და სხვა საქონელი.

თურქეთიდან შემოდის 10 და მეტი ადამიანის გადასაყვანი ავტომობილები, სატვირთო ავტომობილი, შავი ლითონის მილები, მილაკები და ღრუ პროფილები, სამკურნალო პრეპარატი და ა.შ. 

0