შემოდგომა თბილისში

14 ნოემბერს დაბადებულები ზოდიაქო, დახასიათება, რჩევები

554
(განახლებულია 10:19 14.11.2020)
გაეცანით 14 ნოემბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

13-22 ნოემბრის პერიოდი

13-22 ნოემბრის პერიოდი მორიელის ნიშნის მესამე დეკადას განეკუთვნება.
ამ დეკადას ვენერა მართავს და ამ პერიოდში დაბადებულებს სიმტკიცეს ანიჭებს.

მნიშვნელოვანი წლების: 15, 25, 30, 45, 50.

ამ პერიოდში დაბადებულთა სიმბოლოა პიონი.

13-22 ნოემბრის პერიოდში დაბადებულები ძალზე თავშეკავებული ადამიანები არიან, ამავდროულად, გულდახურულები - სხვებისგან ბევრ რამეს მალავენ. ხანდახან მოუთმენლობაც ახასიათებთ. აქვთ მყარი ჯანმრთელობა და უზარმაზარი შრომითი პოტენციალი.

14 ნოემბერს დაბადებულები

14 ნოემბერს არაორდინარული პიროვნებები იბადებიან. ისინი მთელი ცხოვრება საკუთარ თავს ებრძვიან. ერთი მხრივ, ეს ადამიანები ისწრაფვიან მიუკერძოებელი დამკვირვებელი-ინტელექტუალის როლის შესრულებისკენ, ხოლო მეორე მხრივ, მას ძალიან სურთ, ყველა დაჩაგრულისა და განაწყენებულის დამცველი გახდნენ. მათ ახასიათებთ შინაგანი ბრძოლა სხვა მიზეზებითაც - ყოველთვის პოულობენ ამის საბაბს.

14 ნოემბერს დაბადებულები მეოცნებე და იდეალისტი არიან. არიან დამოუკიდებელი და მოაზროვნე ადამიანები. მათი აზროვნების, მსჯელობისა და დასკვნების ლოგიკა ბევრს არ ესმის, მაგრამ აღიარება არ სჭირდებათ. მთავარია, კმაყოფილია არიან თუ არა თავად საკუთარი საქმიანობით.

14 ნოემბერს დაბადებულები სიმართლის მოყვარული არიან, იდეალისტი, მზად არიან, ჭეშმარიტება ეძებონ ყველგან. ამასთან ჭეშმარიტების გაგება ხშირად სუბიექტურია, მაგრამ ეს ამ დღეს დაბადებულ მორიელებს სულ არ აღელვებთ.

მათ ლიდერის თვისებები აქვთ. თუ განავითარებენ თავიანთ შესაძლებლობებს, ყალიბდებიან, როგორც ნიჭიერი ორგანიზატორები, ხელმძღვანელები, თუ არა, რჩებიან არაფორმალური ლიდერები.

14 ნოემბერს დაბადებულების საქმიანობის პრიორიტეტული სფეროებია პოლიტიკა, ფილოსოფია, მეცნიერება, ხელოვნება. ასევე, თუ კულინარიამ გაიტაცა, შესანიშნავი მზარეულები დგებიან. სამუშაოს პასუხისმგებლობით ეკიდებიან. როგორც ხელმძღვანელი, სამართლიანი, მომთხოვნი, რაციონალური არიან.

ჯანმრთელობა

14 ნოემბერს დაბადებულებისთვის საშიშროებაა არა იმდენად რეალური, რამდენადაც მოგონილი დაავადებები, და თან, დარწმუნებული არიან თავიანთ „დაავადებებში“ და განკურნება სურთ. ისინი ზრუნავენ არა მხოლოდ ჯანმრთელობაზე, არამედ გარეგნობაზეც. ბევრი მათგანი დარწმუნებულია, რომ ჭარბი წონა აქვს. კილოგრამებთან ბრძოლას, შესაძლოა, მანიაკალური ელფერი მიეცეს.

რჩევა:

დამოკიდებულება ყველა ცუდი რამაა, რაც მორიელს შეიძლება დაემართოს. ხშირად ამ დამოკიდებულებებისა და მავნე ჩვევებისგან დამოუკიდებლად განკურნება, შესაძლოა, ძალიან სავალალოდ დასრულდეს.

554
ბედნიერების შეგრძნება

რა გველოდება აგვისტოში: თვის ასტროპროგნოზი ზოდიაქოს ნიშნებისთვის

26
(განახლებულია 19:18 28.07.2021)
ასტროლოგების პროგნოზით ზოდიაქოს ზოგიერთი ნიშნის წარმომადგენლებს მოუსვენრობა შეიპყრობს, აქეთ–იქით მიაწყდება, რომ რამე გამოსავალი იპოვოს და პრობლემები გადაჭრას. რისი გაკეთება ღირს ამ დროს და რისი არა, გაეცანით ჩვენს ჰოროსკოპს.

აგვისტოს პირველი ნახევარი ძირითადად უარყოფითი მოვლენების გარეშე ჩაივლის. სიმშვიდე იქნება ოჯახებში, ასევე სტაბილურობა შენარჩუნდება მატერიალური თვალსაზრისით. საჭიროა ამ პერიოდის გამოყენება იმისთვის, რომ დავისახოთ კონკრეტული, ცხოვრებისთვის აუცილებელ მომენტებთან დაკავშირებული მიზანი. ასეთ შემთხვევაში თეთრი ლითონის ხარი გულმოწყალებას გამოიჩენს და მის რეალიზებაში დაგეხმარებათ. ფუჭი მიზნები და წამიერი სიამოვნებები ხარისგან წახალისებული არ იქნება.

აგვისტოს მეორე ნახევარი მშფოთვარე პერიოდი იქნება, დაიწყება პრობლემები, ცვლილებები. ვისაც ჩანაფიქრის რეალიზება აქვს ამ დროისთვის დაგეგმილი, უნდა მოემზადოს მოულოდნელი მოვლენებისა და ამ მოვლენებზე „აწყობისთვის“. გასათვალისწინებელი იქნება გარე ფაქტორები და საკუთარი ქცევების კორექტირება.

აგვისტოში კალეიდოსკოპივით შეიცვლება მოვლენები. ამისთვის მორალურად უნდა იყოთ მზად. თავი ხელში უნდა აიყვანოთ, არ აჩვენოთ თქვენი ნირი და ხასიათი. ასე შეძლებთ შეინარჩუნოთ ურთიერთობები, ფიზიკური და მორალური მდგომარეობა.

ფულის ხარჯვის მოყვარულებს ასტროლოგები აფრთხილებენ, რომ ფინანსების უკმარისობა გელოდებათ, თუ ფულს არაპრაქტიკულ ნივთებზე დახარჯავთ.

აგვისტო კარგ შემოსავალს ჰპირდება სასოფლო–სამეურნეო სფეროში დაკავებულებს. ცნობილია, რომ ხარი უყურადღებოდ არ დატოვებს სოფლის მცხოვრებლებს. წარმატებები ხელფასის მომატების მხრივ სხვა სფეროს წარმომადგენლებსაც ელოდებათ, თუ ისინი მუხლჩაუხრელად იმუშავებენ და პასუხისმგებლობას გამოიჩენენ.

ფინანსებთან დაკავშირებით ასევე უნდა აღინიშნოს აგვისტოს ბოლო დეკადა – ამ დროს ბევრს გაუჩნდება ფული (სხვადასხვა წყაროდან). აჯობებს, თუ თანხას რამე სასარგებლო საქმეში ჩადებთ, „შავი დღისთვის“ გადადებთ, ან რამე მნიშვნელოვან ნივთს იყიდით.

ადამიანები უფრო გულღია იქნებიან და თამამად ისაუბრებენ თავიანთ გრძნობებზე, გახდებიან უფრო ემოციური და პოზიტიური, ბევრი გამოუტყდება თავის რჩეულს სიყვარულში.

მარტოხელების უმრავლესობას მიეცემა შანსი, რომ თავისი ბედი გაიცნოს, მაგრამ გაითვალისწინეთ, რომ ურთიერთობები თავდაპირველად მეგობრული ხასიათის შეიძლება იყოს და სიყვარულის ელფერი მოგვიანებით მიეცეს.

დაოჯახებული წყვილები ჰარმონიაში იცხოვრებენ, თუ, რა თქმა უნდა, გამოძებნიან კომპრომისს, ერთმანეთს ესაუბრებიან და სატკივარს გაუზიარებენ.

ტრანზიტული პლანეტები ზოდიაქოს ნიშნებს ახალ, პირველ რიგში შესასრულებელ ამოცანებს ავალებენ. კერძოდ:

  • ვერძებს მთელი პოტენციალის მობილიზება და ამის გარშემომყოფებისთვის ჩვენება მოგიწევთ, ამით შეძლებთ, რომ დაინახონ და დააფასონ თქვენი ნიჭი.
  • კუროებმა პრობლემების გადაჭრისთვის მეგობრებს ან ნათესავებს უნდა მიმართოთ. ასე ყველაფერს დროულად გაართმევთ თავს.
  • ტყუპებმა ახალი პროექტები შემდეგ თვემდე უნდა შეაჩეროთ, წინააღმდეგ შემთხვევაში პროფესიული გამოფიტვა გელოდებათ.
  • კირჩხიბებმა სასწრაფო საკითხების გადაჭრაზე უნდა იზრუნოთ და გადახედოთ თქვენს ქმედებებს წინა პერიოდში.
  • ლომებმა ნებისყოფა უნდა გამოიჩინოთ და აჩვენოთ, რომ შეგიძლიათ ბრძოლა მოულოდნელად გამოჩენილ პრობლემებთან.
  • ქალწულებს გაგიჭირდებათ პრობლემებთან დამოუკიდებლად გამკლავება. შეინარჩუნეთ სიმტკიცე და ყველაფერი გამოგივათ.
  • სასწორებს დიდი ძალისხმევა დაგჭირდებათ, რომ პოპულარობა მოიხვეჭოთ. იღბალი თქვენ ხელშია.
  • მორიელებს წარსული აგედევნებათ შეამოწმეთ, ყველაფერს სწორად აკეთებთ?
  • მშვილდოსნებისთვის უპრიანია მედიტაცია. სწორედ რომ დროა, ითვისოთ ორგანიზმის მოდუნების ტექნიკა.
  • თხის რქები სწავლაზე უნდა დაფიქრდეთ. ეს თვე თვითსრულყოფაზე მუშაობისა და ახალი ცოდნის ათვისების გზას გთავაზობთ.
  • მერწყულები პრობლემებს თავს აარიდებთ, თუ მთელი თვე შვებულებაში იქნებით და მას ოჯახთან ან მეგობრებთან ერთად გაატარებთ.
  • თევზები ცხოვრებას თვითონ გაირთულებთ. უფრო მარტივი იქნება, თუ წვრილმანებს არ გამოეკიდებით.

ახლა კი აგვისტოს უფრო დეტალური პროგნოზი ზოდიაქოს ნიშნებისთვის.

ვერძი

ყველაზე იღბლიანები ხართ ამ თვეში. იღბალი აგვისტოს დასაწყისშივე გაგიღიმებთ ნებისმიერ წამოწყებაში – სიყვარულში, სამუშაოზე თუ სხვა სფეროებში. შეძლებთ პოტენციალის წარმოჩენას და ირგვლივ მყოფების აღიარების მოპოვებას. თვის შუა რიცხვებში სიტუაცია შეიცვლება. დაიწყება რაღაც აუხსნელი. ყველაფერი გართულდება. სჯობს, შვებულება აიღოთ და დაისვენოთ. პირადი ცხოვრება დუღს – ეს ძალიან კარგია მარტოხელებისთვის, დაოჯახებულებს კი პრობლემებს უქადის, რადგან მეორე ნახევრის მხრიდან ეჭვიანობის სცენებია მოსალოდნელი. ყურადღება მიაქციეთ ჯანმრთელობას – განსაკუთრებით ნივთიერებათა ცვლის პროცესს.

კურო

კუროებს ზომიერება გიყვართ, მაგრამ აგვისტოს დასაწყისში თქვენს ცხოვრებაში სრული ქაოსი შემოვა. განსაკუთრებული ყურადღება მართებთ მათ, ვისაც საკუთარი ბიზნესი აქვს. შესაძლებელია უსიამოვნებები კონკურენტების და ასევე პარტნიორების მხრიდანაც. ამ პრობლემებთან მარტოს გამკლავება გაგიჭირდებათ, ამიტომ მიმართეთ სანდო ადამიანებს დახმარებისთვის. სასიყვარულო სფეროში ჩამი–ჩუმი არ ისმის. პოტენციური პარტნიორი რომ გაიცნოთ კიდეც, მალე მიხვდებით, რომ მასთან ურთიერთობებს ვერ ააწყობთ. ჯანმრთელობის მხრივ ყურადღება მიაქციეთ საყრდენ–მამოძრავებელ სისტემას.

ტყუპი

საკმაოდ რთული პერიოდი გელოდებათ. პრაქტიკულად ყველა პროექტის ფინალი, რომელზეც იმუშავებთ, არაპროგნოზირებადი იქნება. გარე ფაქტორებთან ბრძოლისთვის არც დრო გექნებათ და არც ძალა. ამის გამო შეიძლება ჩამოყალიბებულ ფატალისტებად გამოჩნდეთ. ასტროლოგები გირჩევენ, საერთოდ არ წამოიწყოთ ახალი საქმეები. აქვე უნდა აღინიშნოს, რომ ეს ვერ შეგაშინებთ. თქვენი სიმშვიდე შესაშური იქნება. პრობლემები მოსალოდნელია ფინანსების მხრივ. ეს გახდება მთავარი პრობლემა ურთიერთობებში, თუმცა წყობილებიდან ვერც ეს ვერ გამოგიყვანთ. ჯანმრთელობის მხრივ საყურადღებოა იქნება არტერიული წნევა, რომელიც ხალხური საშუალებებით შეგიძლიათ მოაგვაროთ.

კირჩხიბი

საკმაოდ დაძაბული თვე გელოდებათ. მოვლენების სწრაფმა ცვლამ და ნერვულმა ვითარებებმა, შესაძლოა, კალაპოტიდან ამოგაგდოთ. ბევრი თქვენგანი გამოთქვამს უკმაყოფილებას იმის გამო, რომ მოგიწევთ საკუთარი „ნიჟარიდან“ გამოსვლა და სასწრაფო საკითხებზე გადაწყვეტილებების მიღება. მაგრამ მხოლოდ ასე შეძლებთ სამუშაოზე მიღწეულის შენარჩუნებას. ეცადეთ, უარი თქვათ ნებისმიერ ავანტიურულ წინადადებაზე – ასე შეიძლება ფული დაკარგოთ. მარტოხელები უფრო მტკიცე უნდა გახდეთ და სითამამე აჩვენოთ. პირადი ბედნიერება იმაზე იქნება დამოკიდებული, თუ როგორ ძალისხმევას გამოიჩენთ სიყვარულის ძებნისას. ეცადეთ, გონებაში ნეგატიური ფიქრები არ შეუშვათ – ასე შეიძლევა ნევროზიც დაგემართოთ.

ლომი

როგორც წესი, აგვისტო თქვენთვის იღბლიანი პერიოდია, მაგრამ არა 2021 წლის შემთხვევაში. თვე მოვლენებით სავსე იქნება, უნდა აჩვენოთ ძლიერი ხასიათი, ნებისყოფა და ებრძოლოთ ნეგატიურ გარემოებებს. თუ საბრძოლველად არ ხართ განწყობილი, მაშინ ვითარებას უნდა შეეგუოთ და დაელოდოთ, როდის შეიცვლიან ვარსკვლავები პოზიციას და შემდეგ გაუმკლავდეთ დაგროვებულ პრობლემებს. ვარსკვლავები გირჩევენ, არ გამოიჩინოთ ზედმეტი ინიციატივა სამუშაოზე, რადგან ხელმძღვანელობა მკაცრად მიადევნებს თვალს თქვენს მოქმედებებს და კრიტიკას არ დაიშურებენ. სამაგიეროდ, წყნარი და მშვიდი გარემო გელოდებათ სახლში. არაა საჭირო ეკონომიის გაწევა საკუთარ ჯანმრთელობაზე – შეუძლოდ ყოფნისას მალევე მიმართეთ ექიმს.

ქალწული

თუნდაც მაქსიმალურად ანგარიშიანი და პრაგმატული იყოთ, მაინც ვერ გაექცევით ნეგატიურ გამოვლინებებს. თუ არის საშუალება, შეაჩერეთ მიმდინარე საქმეები და შვებულება აიღეთ. ასე ზედმეტი პრობლემების თავიდან არიდებას შეძლებთ. ვინც ვერ მოახერხებს დასვენებას, მაქსიმალურად ფრთხილად უნდა იყოს, დეტალურად დაგეგმოს და გადაამოწმოს საკუთარი ქმედებები. შემოქმედებით საქმიანობაში ჩართულებს ეს არ ეხება – პირიქით, გელოდებათ წარმატებები და საზოგადოების მხრიდან აღიარება. აგვისტოში ფინანსური პრობლემები მოსალოდნელი არაა, მაგრამ გარკვეული ხარჯი მაინც გექნებათ. ეცადეთ, სკანდალებს თავი აარიდოთ ოჯახში, რადგან მეორე ნახევრის მხრიდან ეჭვიანობაა მოსალოდნელი. ჯანმრთელობის მხრივ უსიამოვნებები მოსალოდნელი არ არის.

სასწორი

საკმაოდ წარმატებული თვე გელოდებათ. შეგიძლიათ დიდი ხნის დაწყობილი გეგმები განახორციელოთ, იქნება ეს საცხოვრებელი ადგილისა თუ სამუშაოს გამოცვლა, კარდინალური ცვლილებები იმიჯში, პროფესიაში და ოჯახურ სტატუსშიც კი. ასეთ სიახლეებს თეთრი ხარი სათანადოდ დააფასებს. მაგრამ მოემზადეთ იმისთვის, რომ უდიდესი ძალისხმევა და მთელი თავისუფალი დრო დაგჭირდებათ. ვინც ბევრი იშრომა, ხელმძღვანელობისგან შესაბამის აღიარებას მიიღებს და არა მხოლოდ მორალური, არამედ მატერიალური თვალსაზრისითაც. მარტოხელა სასწორები ბევრ საინტერესო ადამიანს გაიცნობთ და ბევრი პაემანიც გელოდებათ წინ. ვისაც ჰყავს პარტნიორი, მათ, შესაძლოა, მისი გამოცვლის სურვილი გაუჩნდეს, მაგრამ ასტროლოგები ამას არ გირჩევენ. ყურადღება მიაქციეთ კვებას, რათა კუჭ–ნაწლავის სისტემა არ დაიზიანოთ.

მორიელი

შესაძლოა, კვლავ დადგეს პრობლემები, რომლებიც თითქოსდა დიდი ხნის წინ გადაწყვიტეთ. წარსული ყველა მხრიდან შეგახსენებთ თავს და საქმიანობაში შეგიშლით ხელს. გაიხსენეთ თქვენი ყველა არაკეთილმოსურნე და გათვალეთ მათი თავდასხმები როგორც სახლში, ისე სამუშაოზე. ყველაფერს აჯობებს, თუ შვებულებას აიღებთ ცოტა ხნით გაეცლებით საცხოვრებელ ადგილს. მას შემდეგ, რაც ძალასა და ენერგიას აღიდგენთ, უკვე ადვილად შეძლებთ პრობლემებთან გამკლავებას. ამასთან წარსულის „აჩრდილები“ შესაძლოა, პოზიტიურიც იყოს, მაგალითად, დაგიბრუნონ უკვე დავიწყებული ძველი ვალი. მარტოხელებს ცოტა მოთმინება გმართებთ – თქვენთვის სიმპათიურ ადამიანზე „შტურმი“ არ მიიტანოთ. აჯობებს, თავი პერიოდულად შეახსენოთ, ოღონდ დაუჟინებლად და ის თავად მოგაქცევთ ყურადღებას. ფრთხილად გამოიყენეთ სხვადასხვა ხელსაწყო, ტექნიკა – დიდია ტრავმის მიღების ალბათობა.

მშვილდოსანი

ყველაზე წარმატებული პერიოდი აგვისტოს პირველი დეკადაა თქვენთვის. სწორედ ამ დროსაა უპრიანი, რომ განახორციელოთ თქვენი გეგმები. შემდეგ უკვე იღბალი ზურგს შეგაქცევთ და ახალ–ახალი პრობლემების გადაჭრა მოგიწევთ როგორც სახლში, ისე სამსახურში. ოჯახში შესაძლებელია არაერთი ჩხუბი და აყალ–მაყალი მეორე ნახევართან, ხოლო სამუშაოზე – თანამშრომლების მიერ ჩახლართული ინტრიგები. მაქსიმალურად შეიკავეთ თავი, წინააღმდეგ შემთხვევაში შეიძლება ყველასთან იჩხუბოთ. დაეუფლეთ მედიტაციის ხელოვნებას – ასე ისწავლით მოდუნებას და იმას, რომ ყურადღება არ მიაქციოთ ირგვლივ განვითარებულ ვნებებს. უსიამოვნებები არ ეხება მატერიალურ მხარეს. მარტოხელებს ასტროლოგები ურჩევენ, ჯერ არ ეძებონ ახალი სიყვარული – დიდია ალბათობა, რომ კვლავ მარტო დარჩეთ.

თხის რქა

ის პრობლემები, რაც ზოდიაქოს ნიშნების უმრავლესობას შეაწუხებს აგვისტოში, თხის რქებს გვერდით ჩაუვლის. ეს თვე თქვენთვის ერთ–ერთი ყველაზე იღბლიანი პერიოდი იქნება ამ წელიწადში. ამასთან, გაგაჩნიათ უნარი, რომ რაღაც დაბრკოლებას დროულად გაეცალოთ, უფრო სწორად, მაშინვე, როგორც კი ის ჰორიზონტზე გამოჩნდება. მიხედეთ სწავლას, იმუშავეთ სრულყოფაზე, ისწავლეთ მაგალითად, უცხო ენა, ან აიმაღლეთ კვალიფიკაცია. ფინანსური პრობლემები მოსალოდნელი არ არის, მაგრამ გაითვალისწინეთ – ფული მხოლოდ საკუთარ თავს კი არა, ახლობლებსაც უნდა მოახმაროთ. ამასთან, ასტროლოგები თანხის გადადებასაც გირჩევენ, რომ წლის ბოლოს რაღაც ძვირფასი ნივთი შეიძინოთ. ვისაც ჰყავს პარტნიორი, ვარსკვლავები დროის მასთან ერთად გატარებას ურჩევენ. ჯანმრთელობას საფრთხე შეიძლება ავარიულმა სიტუაციებმა შეუქმნას, ამიტომ გაფრთხილდით.

მერწყული

მთელი თვე, დიდი ალბათობით, ახალ–ახალ პრობლემებთან მოგიწევთ ჭიდილი, რომლებიც თითქოს „პანდორას ყუთიდან“ ამოიყრება. მაგრამ საშიში მაინც არაფერია და ცუდი არაფერი მოხდება. უსიამოვნებების უმრავლესობა დასანანი, მაგრამ წვრილმანი აღმოჩნდება (მაგალითად, თვალწასული წინდა ან დაკარგული მანჟეტის საკინძე). ხელსაყრელი თვეა მოგზაურობის თვალსაზრისით. აიღეთ შვებულება და დაისვენეთ სახლიდან მოშორებით. არ შეგეშინდეთ ფულის ხარჯვის – მას მალე აინაზღაურებთ. თუ პარტნიორი გყავთ და ურთიერთობები ჯერ არ დაგიკანონებიათ, ამისთვის აგვისტო შესანიშნავი თვეა – ქორწინება მყარი და ბედნიერი იქნება. ასევე კარგი დროა ბავშვის ჩასახვისთვის. ჯანმრთელობის კუთხით  ყველაფერი კარგად იქნება, მხოლოდ მოერიდეთ წყალს.

თევზები

თუ ჯიუტი ბრძანდებით და თან თევზების ნიშნით დაიბადეთ, ეს თვისება აგვისტოში უსიამოვნებებს მოგიტანთ. თავად გაირთულებთ ცხოვრებას, გამოეკიდებით კოლეგებისა თუ ნათესავების სულ უბრალო წვრილმან შეცდომებს. ასე მხოლოდ გაირთულებთ ურთიერთობებს სამსახურშიცა და ოჯახშიც და მთელი თვის „ამაყად“, მაგრამ მარტოობაში გატარება მოგიწევთ. მატერიალური თვალსაზრისით ეს თვე წარმატებულია. შესაძლებელია ძველი ვალების დაბრუნება, ადრე შესრულებული სამუშაოსთვის თანხის გადახდა ან მომავალი საქმისთვის ავანსის მიღება. ასტროლოგები გირჩევენ, რომ ეს თანხა საცხოვრებლის მოწყობას მოახმაროთ. მარტოხელებს დიდი ხნის ნანატრი რომანი გელოდებათ, მაგრამ ის როპგორც მოულოდნელად აღმოცენდება, ისე მოულოდნელად გაქრება კიდეც. ჯანმრთელობის პრობლემები არ შეგაწუხებთ, თუ იაქტიურებთ და ყოველდღიურად ისეირნებთ.

26

დღის ასტროპროგნოზი ზოდიაქოს ნიშნებისთვის: 29 ივლისი

23
(განახლებულია 10:38 28.07.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 29 ივლისია, ხუთშაბათი. კლებადი მთვარე ვერძის ნიშანშია. ამ დღეს პლანეტა იუპიტერი მფარველობს.

მთვარე ვერძის ნიშანში გვმატებს ენერგიასა და იმპულსურობას, გვიბიძგებს თამაშის, კრეატივის, ურთიერთდაპირისპირებულის შერწყმისა და გარკვეული რისკისკენ. შესაძლებელია ნაცნობი სცენარით მუშაობა, მაგრამ რაღაც კორექტივების შეტანა მაინც მოგვიწევს. საჭიროა ყურადღება დეტალებისადმი, ჯანმრთელობასა და ჰიგიენაზე ზრუნვა. ამ დღეს არ ღირს მომსახურებასთან დაკავშირებული პროექტების, რთული მკურნალობის ან რემონტის დაწყება.

დღის ასტროპროგნოზი ზოდიაქოს ნიშნებისთვის: 28 ივლისი>>

ვერძი: ენერგიით ხარ აღსავსე, გაქვთ შემოქმედებითი განწყობა და სურვილი, რომ ის ნაცნობი მიმართულებით გამოიყენოთ. მაგრამ ცხოვრება ყოველთვის არ გვაძლევს იმის საშუალებას, რომ ვაკეთოთ ის, რაც მოგვწონს. ყველას არ მოგეცემათ საშუალება, რომ საყვარელი საქმიანობა განაგრძოთ. ბევრს მოუწევს განსხვავებულ რეჟიმში გადასვლა, თუმცა ამით ძირითადი გეგმები არ შეიცვლება. უბრალოდ, დღის განრიგში რაღაც შესწორებების შეტანა გახდება აუცილებელი.

კურო: ვარსკვლავები გირჩევენ, დაივიწყოთ სიზანტე, იფიქროთ და იმოქმედოთ უფრო სწრაფად. დღის ამოცანები კარგ რეაქციას, ვარიანტებს შორის არჩევნის ოპერატიულად გაკეთებას, კრეატიულობას, საპირისპირო საკითხების გონებამახვილურად შეთავსებას მოითხოვს. არაა გამორიცხული, რომ რაღაც მომენტებში ადამიანებზე ან ვითარებაზე გახდეთ დამოუკიდებული და ორი ბოროტებიდან ნაკლების არჩევა და საწყისი ცუდი მასალისთვის ღირსეული ფორმის მიცემა მოგიწიოთ.

ტყუპი: აქტიურად ეკონტაქტეთ მეგობრებს, მათ შორის, ერთდროულად სხვადასხვა ჯგუფს. ძალზე აქტუალურია ამ დროისთვის კოლეგებთან (სხვა ქალაქებში და ქვეყნებში მცხოვრებთა ჩათვლით) და ახლო გარემოცვასთან კავშირი, მათ შორის მეზობლებთან, ყოველდღიურ თანამგზავრებთან, კურიერებთან, დაცვის თანამშრომლებთან და სხვა. გაითვალისწინეთ ეს, მით უმეტეს, რომ კომუნიკაბელურობა თქვენი ნიშნის ერთ–ერთი მთავარი მახასიათებელია.

კირჩხიბი: დღეს შეიძლება კვლავ მოგიწიოთ არჩევნის წინაშე დადგომა ან ორი მიმართულების შეთავსება. შესაძლებელია მერყეობა მარშრუტებს, ინსტრუმენტებს, სამკურნალო პრეპარატებს, ტრანსპორტის სახეობებს შორის. არაა გამორიცხული, რომ ეს პროფესიული მოვალეობის ნაწილი იყოს. ამოცანის გადასაწყვეტად საჭიროა არა მხოლოდ მიზანსწრაფულობა, არამედ მახვილგონივრულობაც. ამასთან, გახსოვდეთ, რომ ნებისმიერი კომპრომისი დროებითი ხასიათისაა.

ლომი: ხართ ენერგიული და მზად, რომ ინიციატივა გამოიჩინოთ. ვარსკვლავები შეგახსენებენ, რომ ვითარება შეიცვალა და ახალი ტაქტიკაა საჭირო. წარმატების მისაღწევად აუცილებელია ქცევის მანერის, რეჟიმის ან საქმეების წარმოების სტილის შეცვლა. მაგალითად, უპრიანი იქნება, თუ უარს იტყვით სიჯიუტეზე, აგრესიაზე, ლიდერობის პრეტენზიაზე, გამოიჩენთ მეტ პრაქტიკულობას, მოქნილობას და ყურადღებას დეტალებისადმი.

ქალწული: თქვენთვის ორომტრიალის, ქაოსის, მომატებული საქმინობისა და ენერგიის გაცემის პერიოდი იწყება. კარგი იქნება, თუ ფიზიკურ ფორმაზე იზრუნებთ. ახალი საქმე შეიძლება დაიწყოსფორს–მაჟორით, გათამაშებით, შემოწმების ტესტით თქვენს ოსტატობაზე, კრეატიულობაზე. ნებისმიერი გზის დასაწყისში შეიძლება იჭოჭმანოთ, მაგრამ არავითარ შემთხვევაში არ შეიძლება, რომ საკუთარ თავში ეჭვი შეგეპაროთ.

სასწორი: დღეს თქვენი წარმატება დიდად იქნება დამოკიდებული სხვების დახმარებაზე. ეს შეიძლება იყოს სპეციალიზებული სერვისი, პარტნიორული სოლიდარობა, ბავშვების, მეუღლისა თუ მეგობრის ზრუნვა. ბევრი თქვენგანი მშვიდად იგრძნობს თავს, თუ ერთობლივი საქმეები საიმედო ხელში იქნება. არ ღირს გაბრაზება, თუ დახმარების შედეგები არ მოგეწონათ – ახლა ბევრად მნიშვნელოვანია ყურადღებისა და მხარდაჭერის ფაქტი.

მორიელი: ორომტრიალში ჩაბმა მოგიწევთ, მაგრამ ეს ქაოსში რომ არ გადაიზარდოს, ყველაფერი მკაცრად წესებისა და ინსტრუქციების დაცვით უნდა გააკეთოთ, განსაკუთრებით, თუ საქმე, მაგალითად, სამშენებლო საქმეს, საძირკვლის ჩაყრას ეხება. ახალი ვითარება დეტალებზე ძალიან დიდ ყურადღებას მოითხოვს, ამაზე შეიძლება იყოს დამოკიდებული მომავალი საიმედოობა და ფუნქციონალობა. ასევე ყურადღება მიაქციეთ თქვენი თუ თქვენი ახლობლების ჯანმრთელობის მდგომარეობას.

მშვილდოსანი: ესაა სკრუპულოზური მუშაობის, პასუხისმგებლობის აღების დღე, ვიდრე გართობისა და მხიარულებისა. ასევე სასურველია დროის შემდგომი წარმატებების მოსამზადებლად გამოყენება, როგორიცაა კარიერაში წინსვლა, რემონტისთვის, სხვაგან საცხოვრებლად გადასვლისთვის, მკურნალობისთვის მომზადება. ყურადღება მიაქციეთ არა მხოლოდ საერთო იდეას, ანამედ პრაქტიკულ დეტალებსაც.

თხის რქა: აჯობებს, თუ არ დაგეგმავთ ისეთ სამუშაოს, რომელიც ზედმეტ აკურატულობასა და მოთმინებას მოითხოვს. თუ გეგმა გაქვთ, წვრილმანებში შთაგონებას მიენდეთ. ძალზე მნიშვნელოვანია, რომ საქმიანობა მაშინვე შეწყვიტოთ, როგორც კი დაღლილობას იგრძნობთ, ან ხვდებით, რომ მალე რაღაც გაგაღიზიანებთ და ამის გამო შესაძლებელია ჩხუბი, სკანდალი, წარუმატებლობა. შედეგებზე არ ინერვიულოთ – ერთი–ორ დღეში აანაზღაურებთ იმას, რასაც დღეს ვერ გააკეთებთ.

მერწყული: წარმატებული დღე გელოდებათ, თუ არ „ჩაიციკლებით“ დეტალებზე და არ იქნებით დამოკიდებული წარსულის მემკვიდრეობაზე. მთავარი საშიშორება სწორედ ადრინდელი ხარვეზებისა და შეცდომებისგან მოდის – ნებისმიერ მომენტში შეიძლება მათ გამო ნებისმიერი საქმის დაწყება გაფუჭდეს. თუ ტექნიკური თვალსაზრისით ყველაფერი წესრიგშია, შესაძლებელია წარუმატებლობის გამეორების ფარული შიშის გააქტიურება.

თევზები: კარგი იქნება, თუ მოკლე და გასაგებ ამოცანებს დაისახავთ, რომლებსაც თან ახლავს გეგმა და ინსტრუქცია. თამაში, რისკი, ვარიანტები მხოლოდ მოცემულ ფარგლებშია მისასალმებელი. არ აჰყვეთ მხნე ინდივიდუალისტურ განწყობას, უყურადღებოდ არ დატოვოთ შემოსული ინფორმაციები, ტექნიკური სერვისი. ბევრ შემთხვევაში პერსონალური მხარდაჭერა შეიძლება გუნდურმა გამოცდილებამ ჩაანაცვლოს.

23