თეთრი ხარი

2021 წლის ჰოროსკოპი ზოდიაქოს ნიშნებისთვის

27096
(განახლებულია 11:35 06.11.2020)
თუ 2020 წლის მფარველი ვირთხა გულუხვად აჯილდოებდა თავის ფავორიტებს – ავანტიურული სულის მქონე, გამბედავ ადამიანებს, თეთრი ლითონის ხართან ასეთი რამ არ გავა. 2021 წლის მასპინძელს არ უყვარს ფუჭი ლაყბობა და უზომოდ აფასებს შრომისმოყვარეობას

მაგრამ აქაც არის „მაგრამ“ – თავისი კონსერვატიულობიდან გამომდინარე, ხარი მხოლოდ იმ ნიშნებს დაეხმარება, რომლებსაც გამოცდილი და სწორი გზები უყვართ.

მთლიანობაში, თუ გსურთ, რომ ნებისმიერი საქმის შედეგები, იქნება ეს ბიზნესი, ქორწინება, მშენებლობა თუ სხვა, დიდხანს გაგრძელდეს, მაშინ ამისთვის 2021 წელი იდეალურია. ხარი ყველანაირად შეუწყობს ხელს იმას, რაც მრავალ წელზეა გათვლილი.

ტიბეტური ჰოროსკოპი და ცხრილი – რომელი ცხოველია თქვენი მფარველი დაბადების წლის მიხედვით>>

ზოგადად, ყველა ნაბიჯი, რომელშიც არის რამე აზრი, განკუთვნილია დიდი მიზნისთვის, წლის სიმბოლოს მხარდაჭერას მოიპოვებს. ხარი დასაყრდენი ძალა იქნება მათთვისაც, ვინც საქმეს ხელებით აკეთებს – მნიშვნელობა არა აქვს, მიწაზე მუშაობთ, ბინას არემონტებთ თუ რას საქმიანობთ, მაგრამ ამ წელს ფული თქვენ ჯიბეში იოლად მოვა.

ოქროს ან წითელი ხარისგან განსხვავებით, თეთრ ლითონის ხარს გარკვეული სენტიმენტობა და გრძნობების გამოხატვის ღია მანერა ახასიათებს, ამიტომ მას ესმის ადამიანური სისუსტეები და მის მიმართ შემწყნარებელია, მაგრამ – მხოლოდ ერთი სისუსტის მიმართ და ისიც – ყოველთვის არა. არ დაივიწყოთ, რომ ამ ნიშანს ნაკლებად კონტროლირებადი მრისხანება ახასიათებს და კარგი იქნება, თუ ეს მხოლოდ თეორიულად გეცოდინებათ და არა პრაქტიკაში.

წლის სიმბოლოს კონსერვატიულობიდან გამომდინარე, 2021 წელს დიდი სიმდიდრის იმედი ზოდიაქოს არც ერთ ნიშანს არ უნდა ჰქონდეს. ხარი – ეს მუდმივობის სიმბოლოა, მის წელიწადს ნელ–ნელა უნდა შეაგროვოთ თანხა, ამიტომ გააკეთეთ საქმე და მიჰყევით დინებას.

ურთიერთობები და შეთავსებადობა აღმოსავლური სასიყვარულო ჰოროსკოპის მიხედვით>>

ამასთან, ხარის წელიწადში ძალზე ძლიერი, ჯანმრთელი და სულიერად მტკიცე ბავშვები იბადებიან. თუ ბავშვის გაჩენას აპირებთ, ამისთვის 2021 წელი იდეალურია.

ხარის წელიწადი – ეს არაა სწრაფი სვლა კარიერაში, არამედ ესაა მტკიცე ნაბიჯები ზევით მიუხედავად სიზარმაცის, დაღლილობისა და სურვილის უქონლობისა. სამაგიეროდ, შრომისმოყვარეობისთვის ხარი ყოველთვის გულუხვად დაგაჯილდოებთ.

რა ელოდებათ ზოდიაქოს ნიშნების წარმომადგენლებს 2021 წელს:

ვერძი

ხარის წელიწადი ყოველ 12 წელიწადში ერთხელ მეორდება იმისთვის, რომ ვერძს მოთმინება ასწავლოს, მაგრამ ვერძებს ტყუილად კი არ გაქვთ ყველაზე ჯიუტი ნიშნის იარლიყი „მოწებებული“. აქედან გამომდინარე, თქვენ ბოლო ძალამდე შეეწინააღმდეგებით  ხარს. მაგრამ გარკვეულ მომენტში, როცა ცოტა დამშვიდდებით, დაინახავთ, რომ ის, რასაც ადრე დაჟინებული ბრძოლით აღწევდით, ახლა თავისით ჩაგივარდათ ხელში. უბრალოდ, ხარს მომთმენი და შრომისმოყვარე ადამიანები უყვარს და თუ შეძლებთ საკუთარი იმპულსურობის გადალახვას, 2021 წლის ბოლოს აუცილებლად იტყვით: „ეს შესანიშნავი წელი იყო“.

როგორი დასვენება უყვართ ზოდიაქოს ნიშნებს>>

კურო

როგორ ფიქრობთ, გამონახავენ საერთო ენას ხარი და კურო, თუ ისინი ტყუპი ძმასავით არიან? რა თქმა უნდა. კუროებისთვის 2021 წელი იქნება, როგორც მოგება ლატარიაში. თქვენი საზრიანობა და გამჭრიახობა წლის სიმბოლოს მხრიდან ყველანაირად იქნება მხარდაჭერილი, რაც კარგ სულიერ და მატერიალურ დივიდენდებს მოგიტანთ. გარდა ამისა, ამ წელს კუროებს გელოდებათ ნაცნობობა, რომელიც თქვენს ცხოვრებას შეცვლის და შესაძლოა, ძირფესვიანადაც კი. ამისთვის ირგვლივ მყოფებისთვის მაქსიმალურად გახსნილი უნდა იყოთ.

ტყუპი

ბუნებრივი მომხიბვლელობა და როგორც ტყუპებს უწოდებენ – „კომუნაკიციის მეფის“ უნარები 2021 წელს ნაკლებად დაგეხმარებათ. შეეგუეთ ამას. საკუთარი მიზნების მისაღწევად და თანხის გამომუშავებისთვის ბევრი შრომა მოგიწევთ. გარემოებები გაიძულებთ, გადახედოთ ხარჯებს ცხოვრებაზე და ის უფრო რაციონალური გახადოთ. ამასთან, შესაძლოა, რაღაც ახალიც ისწავლოთ. სამაგიეროდ, პირად სფეროში ყველაფერი წესრიგში იქნება – ესაა სულიერი სიმშვიდე, რაც ბედნიერებას მოგიტანთ და ყველა სხვა პრობლემის გადაჭრაში დაგეხმარებათ.

სად იმალება ზოდიაქოს თითოეული ნიშნის ბედნიერების საიდუმლო>>

კირჩხიბი

კირჩხიბი რისი კირჩხიბია, თუ მუდმივად ყველაფერზე არ იღელვებს და ინერვიულებს. 2021 წელი კი დაგეხმარებათ, რომ ნაკლები მნიშვნელობა მიანიჭოთ ირგვლივ წვრილმანებს და ყურადღება მხოლოდ ნამდვილად მნიშვნელოვანზე გაამახვილოთ. წარმოიდგინეთ, რაოდენი წამებაა ეს იმპულსური კირჩხიბისთვის? გარდა ამისა, მოსალოდნელია იმედგაცრუება სიყვარულში, მაგრამ ეს უნდა მოხდეს, რომ თქვენს ცხოვრებაში მოვიდეს ის, ნამდვილად თქვენი. ასე რომ, არ ინერვიულოთ, მიჰყევით ცხოვრებას – სამყარო თვითონ გადაწყვეტს ყველაფერს.

ლომი

ხარს ავანტიურული მოქმედებები არ უყვარს, მაგრამ ის ზოდიაქოს მხოლოდ ერთ ნიშანს – ლომს არ დასჯის ამისთვის, ანუ არ შეგიქმნით დაბრკოლებებს, როდესაც გარკვეულ სიტუაციაში ვა–ბანკზე წასვლას გადაწყვეტთ. საქმე ისაა, რომ 2021 წელს თქვენი ბიზესთან დაკავშირებული საქმეები „ბუქსაობას“ დაიწყებს და ახალ დონეზე გასვლაში მხოლოდ სითამამე, გაბედულება, შემტევი ხასიათი და უდიდესი ძალისხმევა დაგჭირდებათ. ზოგადად კი ლომებს დიდი გზა დაგჭირდებათ იმისთვის, რომ შეეგუოთ – ცხოვრება მუდმივი დღესასწაული არ არის, არამედ ასევე „ნაცრიდფერი დღეების“ მონაცვლეობაც.

ზოდიაქოს ნიშნები, რომელთაც ამ სამყაროში ცვლილებები და სიბრძნე შემოაქვთ>>

ქალწული

ქალწულებმა ბევრი რამ მოასწარით გასულ ასტროლოგიურ ციკლში და რა თქმა უნდა, 2020 წელსაც, ასე რომ, ხარის წელიწადი თქვენთვის გასულის გაანალიზებისა და ახალი ცოდნის მიღების დრო იქნება. ჰოროსკოპი ძლიერ რყევებს ან კაშკაშა მოვლენებს არ გპირდებათ. გამონაკლისი მხოლოდ შემოქმედებით საქმიანობაში ჩართული ქალწულები იქნებით, რომელთათვის ხარის წელი აღიარებისა და ცინცხალი იდეების გაჩენის დრო შეიძლება გახდეს. ან, იქნებ, სწორედ ამ წელს მოინდომოთ შვილის ყოლა და მთელი ენერგიის მის გაზრდა–აღზრდაში ჩადება? ვარსკვლავები ამას ხელს შეუწყობენ.

სასწორი

ხარის წელიწადს სასწორებმა შრომისა და ტკბობის შერწყმა უნდა ისწავლოთ, ანუ ერთდროულად სიამოვნებითა და კმაყოფილებით დააკვირდეთ ცხოვრებას და ამავე დროს, საჭირო მომენტში სამუშაო „გმირობისთვის“ რესურსები იპოვოთ. 2021 წელს ერთი–ორჯერ დადგება მომენტი, როდესაც საჭირო გახდება თავის საუკეთესო მხრიდან წარმოჩენა. და თუ ამას გააკეთებთ, შრომისა და ტკბობის შერწყმით მიღებული დივიდენდების ეფექტი კიდევ დიდხანს გაგრძელდება. და კიდევ – დიდი წარმატებები გელოდებათ სიყვარულში.

ზოდიაქოს ნიშნები, რომლებსაც ამ სამყაროში ჰარმონია და წონასწორობა შემოაქვთ>>

მორიელი

ხარის ენერგია, რომელიც მორიელების ფაქიზ ინტუიციას მოერგება, ძალიან კარგ შედეგს მოიტანს როგორც ფინანსურ სფეროში, ისე პირად ურთიერთობებში, რომელიც 2020 წელს გარკვეულწილად შერყეული იყო. ასევე ეს წელიწადი, თქვენთვის მოულოდნელად, მრავალი მოგზაურობის დრო გახდება, რაც დაკავშირებული იქნება როგორც სამუშაოსთან, ისე დასვენებასთსან. ეს კარგად დამუხტავს თქვენს შინაგან ენერგიას და წლის ბოლოს იოლად გაუმკლავდებით ზამთრის დადგომის გამო დამდგრად „პირქუშ“ განწყობას.

მშვილდოსანი

მშვილდოსნები 2021 წელს მოულოდნელად გააცნობიერებთ, რომ თქვენი ბედნიერების საფუძველი – ეს ოჯახია და თუ მანამდე ეს თქვენთვის სამუშაოსა და უამრავი საქმის მერე მეორე პლანზე იდგა, ახლა ოჯახს ბევრ დროს დაუთმობთ, იზრუნებთ ოჯახური სითბოს შენარჩუნებაზე, პარტნიორთან ურთიერთობებზე და არ დაგენანებათ დახარჯული დრო ბავშვების აღზრდაზე. ამასთან, შესანიშნავად წავა თქვენი საქმეები, რადგან საქმიანი პროცესებიდან ზედმეტი ქაოსი და ორომტრიალი აღარ იქნება. შეძლებთ ჯერ დღის წესრიგის, შემდეგ კი ცხოვრების აწყობას ისე, რომ ყველაფრის გაკეთებას მოასწრებთ. ერთადერთი, რაშიც ფრთხილად უნდა იყოთ, ეს საქმიანი პარტნიორების მიმართ უსაზღვრო ნდობაა.

ზოდიაქოს ნიშნები, რომელთაც ამ სამყაროში შემოქმედება და განვითარება მოაქვთ>>

თხის რქა

2021 წელი თხის რქებმა სახლის ნეგატიური ენერგიისგან გაწმენდით უნდა დაიწყოთ. ამის გაკეთება შეიძლება საფუძვლიანი დასუფთავებით, მაგრამ აჯობებს, თუ ამასთან ერთად, გადაყრით ძველ და უსარგებლო ნივთებს. მთლიანობაში, ძალზე ხელსაყრელი წელი გელოდებათ, განსაკუთრებით, თუ წარსულს არ ჩაეჭიდებით და ჯანმრთელობაზე იზრუნებთ.

არ ღირს წარსული შეცდომების გამო თავის დასჯა, ამ შეცდომების გაანალიზება. გარშემომყოფების კრიტიკას ოპტიმიზმით შეხედეთ, ან სულაც, ყურადღებას ნუ მიაქცევთ, წინააღმდეგ შემთხვევაში ეს თქვენს ნერვებს სრულად გამოფიტავს. წლის მეორე ნახევარში სასიამოვნო სიურპრიზები გელოდებათ.

მერწყული

წლის დასაწყისში ყველაფრის შეცვლის სურვილი გაგიჩნდებათ: ყოფაში, პირად ცხოვრებაში, შესაძლოა, პროფესიის შეცვლაც კი მოინდომოთ. და მაინც, მიუხედავად მტკიცე გადაწყვეტილებისა, სჯობს, გაზაფხულის ბოლომდე თავი შეიკავოთ ცვლილებებისგან. ჯერ ერთი, წლის მფარველ ხარს აჩქარება არ უყვარს, მეორეც – მაისში პლანეტები და ვარსკვლავები საუკეთესო პოზიციაში განლაგდებიან და მიზნების მისაღწევად დიდი ძალისხმევა არ დაგჭირდებათ.

ზოდიაქოს რომელი ნიშნების წყვილებს აქვთ გამდიდრების ყველაზე დიდი შანსი>>

თევზები

თქვენთვის 2020 წელი არცთუ მარტივი იყო, მაგრამ ბევრი დადებითიც მოიტანა: შეიძინეთ სიბრძნე, მიიღეთ გამოცდილება, შესაძლოა, გარკვეული თანხის დაგროვებაც შეძელით. და თუ ამის შენარჩუნებას 2021 წელსაც მოახერხებთ, ეს ძალიან კარგი იქნება. უნდა აღინიშნოს, რომ 2020 წელს შეძენილი გარკვეული სიმშვიდე დიდ მხარდაჭერას მოიპოვებს ხარისგან. 2021–ში გელოდებათ მოგზაურობები, ახალი ნაცნობობა და უბრალოდ, ბედნიერების მომენტები, რომლებით თქვენ გულში სამუდამოდ დაიკავებს ადგილს.

27096
მეუღლესთან ერთად სინგაპურში

„ყველაფერი ძველ, ჩვეულ რიტმს დაუბრუნდა“ რას გვიყვება ჩინეთში მცხოვრები ქართველი

178
(განახლებულია 21:12 24.11.2020)
თავიდან მკითხველს შევახსენებ, რომ ამ წლის 27 იანვარს, როცა ჩინეთის ქალაქ შენჟენში მცხოვრები ქართველი თამარ კაჭკაჭიშვილი ჩავწერე, COVID-19-ის შესახებ მსოფლიოში ბევრმა არაფერი იცოდა...

იმ მასალის სათაურში მაშინ თამარის სიტყვები ავიტანე: „ჩინეთი ამ პატარა ვირუსს თავს არ დააჩაგვრინებს“. მას შემდეგ თითქმის მთელი წელი გავიდა და მსოფლიოში ბოლომდე ჯერაც ვერ გამოუკვლევიათ ამ ვერაგი ვირუსის წარმოშობა და ხასიათი. ამდენად, COVID-19 კაცობრიობის თავზე ისევ დამოკლეს მახვილად რჩება.

თუმცა იმავე ჩინეთში ამ მხრივ, სხვა ქვეყნებთან შედარებით, ყველაზე დამაიმედებელი სიტუაციაა. ჩვენს კომპეტენციაში არ შედის ამ თემის სამედიცინო ჭრილში გარკვევა, უბრალოდ, გადავწყვიტეთ ისევ თამარს დავუკავშირდეთ და ჩინეთში ახლა არსებული სიტუაციის შესახებ ისევ უშუალოდ მისგან გავიგოთ...

თამარ კაჭკაჭიშვილი
თამარ კაჭკაჭიშვილი

- თამარ, როგორც ჩანს, შენი სიტყვები გამართლდა: „ჩინეთი ამ პატარა ვირუსს თავს არ დააჩაგვრინებსო“...

- დიახ, მართლაც ასეა და ნეტავ საქართველოსაც მალე ეშველოს.

- მართლა მაინტერესებს, ჩინელებმა რის ხარჯზე მიაღწიეს ასეთ შედეგს, იქნებ ჩვენც გავითვალისწინოთ?

- დიახ, გეტყვით. ჩინელები ბუნებით წესრიგის მოყვარული და კანონმორჩილი ხალხია და ამის ხარჯზე დაავადებასთან ბრძოლაში წარმატების მიღწევა გაუადვილდათ. ისინი საპროტესტოდ ქუჩაში კი არ გამოდიან ხოლმე, ყველა საჭირო შეზღუდვას ემორჩილებიან. თავის მხრივ, მთავრობაც ყველა კეისს ბოლომდე მიჰყვება და ასე ერთად აღწევენ დადებით შედეგს.

თამარ კაჭკაჭიშვილი
თამარ კაჭკაჭიშვილი

- რამდენადაც ვიცი, ვაქცინა ჯერ არ არის გამოგონილი და ვინც დაავადებული იყო, რით მკურნალობდნენ?

- არაფერი განსაკუთრებული აქ არ ხდება, სიმპტომური მკურნალობა ისევეა, როგორც საქართველოში.

- ანუ ამ შემთხვევაში სავალალო შედეგი ჩვენ უპასუხისმგებლობაში უნდა ვეძიოთ?

- ქართველები ძნელად დასამორჩილებელი ხალხი ვართ. ზოგადად, გვინდა–არ გვინდა, ჩვენი მეამბოხე ბუნებიდან გამომდინარე, ყველაფერს ვაპროტესტებთ, რაც ქვეყნის განვითარებას აფერხებს. ამ კერძო შემთხვევაშიც ჩვენი დაუმორჩილებლობა ვირუსის გავრცელებას უწყობს ხელს.

მეუღლესთან ერთად
მეუღლესთან ერთად

- ჩინეთში შეზღუდვები უკვე მოიხსნა?

- კი, მოიხსნა, მაგრამ ყველა ახალ შემთხვევას ძალიან აკონტროლებენ და ძირამდე მიჰყვებიან. თქვენ წარმოიდგინეთ, რამდენიმე შემთხვევის გამო მილიონიან ქალაქებს კეტავენ.

- ანუ პირბადის ტარება აღარ არის სავალდებულო?

- არა, პირბადეც აღარ არის სავალდებულო, ჯერჯერობით ყველაფერი ძველ, ჩვეულ რიტმს დაუბრუნდა. მომავალში ვნახოთ რა იქნება.

მეუღლესთან ერთად
მეუღლესთან ერთად

- ანუ ამ ეტაპზე ფაქტობრივად აღარ არის დავირუსების შემთხვევა?

- ალბათ სადღაც არის, ოღონდ ერთეული შემთხვევები. რამდენადაც ვიცი, მგონი, შანხაიში იყო რამდენიმე ფაქტი, მაგრამ ისეთი არაფერი, რომ აფიშირებად ღირდეს.

- რამდენად მართალია, რომ ჩინეთში ტურისტული სეზონი გაიხსნა?

- არა, ტურისტული სეზონი არ გახსნილა, პირიქით, ქვეყანაში შემოსვლაზე შეზღუდვებია დაწესებული. მარტო საოჯახო ვიზა მოქმედებს და დიდ კომპანიებში ვინც არიან დასაქმებული, რიგი ქვეყნებიდან მხოლოდ მათ შეუძლიათ აქ სამუშაოდ შემოსვლა.

ოჯახთან ერთად
ოჯახთან ერთად

- ანუ საზღვრები არ გაუხსნიათ...

- არა, რეგულარული რეისები არ ხორციელდება, საზღვრები დაკეტილია. ბოლოს მინდა საქართველოს ვუსურვო, რომ მალე დააღწიოს თავი ვირუსს, რასაც, ვიმეორებ, ისევ რეგულაციების მკაცრად დაცვით თუ მიაღწევს. ღმერთი თქვენკენ!..

 

178
სისხლის ანალიზის ჩაბარება

თუ ეს სიმპტომები შენიშნეთ: ექიმები სისხლის კიბოს უჩვეულო ნიშნებს ასახელებენ

138
(განახლებულია 19:02 24.11.2020)
Leukemia Care-ს სპეციალისტებმა ყურადღება გაამახვილეს იმ ნიშნებზე, რომლებიც, შესაძლოა, ლეიკემიის განვითარებაზე მეტყველებდეს.

თბილისი, 24 ნოემბერი — Sputnik. სისხლის კიბოს გამოვლენა ძნელია, რადგან დაავადების მრავალ სიმპტომს სათანადო ყურადღება არ ექცევა, მაგალითად, ღამის ოფლიანობას, წერს გაზეთი Еxpress ორგანიზაცია Leukemia Care-ს მონაცემებზე დაყრდნობით.

მედიკოსების თქმით, ჭარბი ოფლიანობა და ღამით სიცხის შეგრძნება, ასევე სისუსტე, დაღლილობა, ქოშინი, თავბრუსხვევა და გახშირებული გულისცემა დაავადების გამაფრთხილებელ სიმპტომებს წარმოადგენს.

გარდა ამისა, ლეიკემიის შემთხვევაში შეიძლება კანზე მცირე სილურჯეები გაჩნდეს, ცხვირიდან და ღრძილებიდან კი სისხლდენა დაიწყოს.  

ექიმების თქმით, ლეიკემიის სიმპტომები შეიძლება ასაკის მიხედვით განსხვავდებოდეს:

  • 25-დან 64 წლამდე ასაკის დაავადებულებში უფრო ხშირად ვითარდება დაღლილობა, სილურჯეები ან სისხლდენა, განმეორებითი ინფიცირებები, სისუსტის შეგრძნება ან სუნთქვის გაძნელება, ცხელება და სახსრების ტკივილი;
  • ხოლო 65 წელს გადაცილებული ადამიანები უფრო ხშირად განიცდიან წონის კარგვას ან ლიმფური კვანძების გადიდებას — სხვა სიმპტომებთან ერთად.

გარდა ამისა, Leukemia Care-ს სპეციალისტები ლეიკემიის იშვიათ სიმპტომებსაც ასახელებენ. ესენია: დისკომფორტი კუჭში, პირღებინება, ხელებისა და ფეხების დაბუჟება, კონცენტრაციის დაკარგვა, ძილის პრობლემები, თავის ტკივილები, ზურგის ტკივილები, კანის ქავილი.

ბრძოლა კიბოსთან: ბრიტანელმა მეცნიერებმა უნივერსალური მეთოდი იპოვეს>>

ექიმების თქმით, თუ ზემოთ ჩამოთვლილთაგან ერთზე მეტი სიმპტომი აღინიშნება, პაციენტმა აუცილებლად უნდა მიმართოთ ექიმს, რათა ლეიკემია გამოირიცხოს. ლეიკემიის დიაგნოზი მხოლოს ლაბორატორიული კვლევების საფუძველზე ისმება.

138
თემები:
მსოფლიო და მეცნიერება
ფემინისტების მარში საქართველოში

როგორია იყო ქალი საქართველოში: სახალხო დამცველმა ქვეყანაში ფემიციდის სტატისტიკა მოიყვანა

0
გენდერული თანასწორობა, გენდერულ ნიადაგზე ჩადენილი დანაშაულები, ქალთა უფლებების დაცვის მექანიზმები - ამ და სხვა საკითხებზე საქართველოს, არგენტინის და სერბეთის უფლებადამცველებმა ერთმანეთს გაეროს შუამდგომლობით გამოცდილება გაუზიარეს.

თბილისი, 23 ნოემბერი – Sputnik. 2020 წლის 9 თვის განმავლობაში (იანვარი-სექტემბერი)  საქართველოში გენდერული ნიშნით 19 ქალის მკვლელობა და 20 ქალის მკვლელობის მცდელობის ფაქტი მოხდა, ეს რიცხვები დასახელდა შემაჯამებელ ონლაინ-პრესკონფერენციაზე, რომელიც გენდერული ძალადობის წინააღმდეგ 16-დღიანი კამპანიის ფარგლებში სახალხო დამცველის ნინო ლომჯარიას მონაწილეობით გაიმართა.

არა ძალადობას – ზუგდიდში ქალთა დღეს ფემიციდის შემთხვევები გააპროტესტეს >>

ფემიციდის ან გენდერულად მოტივირებული მკვლელობების მონიტორინგს საქართველოს სახალხო დამცველის აპარატი 2016 წლიდან, გაეროს ქალთა ორგანიზაციის მხარდაჭერით ახორციელებს. მონიტორინგის მიზანი პრობლემის რეალური მასშტაბის, გამოყენებული დაცვისა თუ პრევენციული ღონისძიებების კუთხით არსებული ხარვეზების შეფასებაა.

კონფერენციის შეჯამებისას საქართველოს სახალხო დამცველმა ნინო ლომჯარიამ აღნიშნა, რომ ფემიციდის შემთხვევების მონაცემების შეგროვების გაუმჯობესების მიუხედავად, თემატურ კვლევებში სისტემური ხარვეზების აღმოსაფხვრელად, საქმეების შესწავლისას კომპლექსური მუშაობაა მნიშვნელოვანი.

„5 წლის განმავლობაში უკვე 5 სპეციალური ანგარიში მოვამზადეთ და არაერთი რეკომენდაცია გავეცით, რომელთა ნაწილი შესრულდა“, - აღნიშნა მისასალმებელ სიტყვაში საქართველოს სახალხო დამცველმა ნინო ლომჯარიამ.

მისი თქმით, სახალხო დამცველის მიერ ფემიციდის შემთხვევების მონიტორინგის შედეგად, კვლავაც იკვეთება მსხვერპლის მიმართ სტერეოტიპული დამოკიდებულების, საქმეთა სათანადო კვალიფიკაციისა და გენდერული ნიშნით მოტივირებული დანაშაულის სახელდების პრობლემები.

გაეროს სპეციალური მომხსენებელმა ქალთა მიმართ ძალადობის საკითხებში დუბრავკა სიმონოვიჩმა ფემიციდთან ბრძოლის საერთაშორისო მექანიზმები და სხვადასხვა ქვეყნის წარმატებული პრაქტიკები მიმოიხილა.

ამას გარდა, კონფერენციაზე სიტყვით გამოვიდნენ გაეროს მუდმივი კოორდინატორი საქართველოში საბინე მაჰლი, შვედეთის ელჩი საქართველოში ულრიკ თიდესტრომი და საქართველოს პრემიერ-მინისტრის მრჩეველი ადამიანის უფლებებისა და გენდერული თანასწორობის საკითხებში ლელა აქიაშვილი. ადგილობრივი და საერთაშორისო პრაქტიკის შესახებ ისაუბრეს ექსპერტებმა საქართველოდან, არგენტინიდან და სერბეთიდან.

გამომსვლელებმა ხაზი გაუსვეს ფემიციდის მონიტორინგის მექანიზმისა და პრევენციული ღონისძიებების განხორციელების მნიშვნელობას.

0
თემები:
ადამიანის უფლებები საქართველოში