პლანეტა მერკური

რეტროგრადული მერკური 14 ოქტომბრიდან და მისი გავლენა ზოდიაქოს ნიშნებზე

243
(განახლებულია 11:18 14.10.2020)
როგორ იმოქმედებს რეტროგრადული მერკური – ერთ–ერთი მძლავრი პლანეტა ადამიანებზე, რა გავლენას მოახდენს ზოდიაქოს ამა თუ იმ ნიშანსა და კონკრეტულ სფეროზე – სიყვარულზე, ფინანსებსა თუ სამუშაოზე – ამის შესახებ ასტროლოგები გვიამბობენ

რეტროგრადული პლანეტები ადამიანებს ყოველთვის საშიშროებას უქმნიან. ერთ–ერთი ყველაზე საშიშია რეტრომერკური, რომლის უკუსვლის პერიოდი 14 ოქტომბერს დაიწყება და  3 ნოემბრამდე გასტანს.

ზოგადად პლანეტების რეტროგრადული სვლის შესახებ

პლანეტების რეტროგრადულობა აპრიორი ნეგატიურ ასტროლოგიურ პროცესად არის მიჩნეული, მაგრამ ყველა პლანეტა ერთნაირად საშიში არაა ასეთ მდგომარეობაში.

რეტროგრადული პლანეტა, თუ მას დედამიწიდან შევხედავთ, თითქოს შემობრუნდება და საწინააღმდეგო მიმართულებით დაიწყებს მოძრაობას. რა თქმა უნდა, ორბიტიდან ის არ გადადის: მისი გზა კოსმოსურ სივრცეში უცვლელია. ტრაექტორიის ხილული დამახინჯება - ეს პლანეტების ორბიტებში სხვაობისა და მზის ირგვლივ მოძრაობის სისწრაფეში განსხვავების შედეგია.

მეტად გასაგები რომ იყოს, პლანეტების რეტროგრადული მოძრაობა ორ მოძრავ ობიექტს შეიძლება შევადაროთ - ავტომობილსა და ველოსიპედს. რა თქმა უნდა, ავტომობილის სიჩქარე უფრო მაღალია, ვიდრე ველოსიპედის. ამიტომ როდესაც ავტომობილი ეწევა ველოსიპედს და უსწრებს მას, ავტომობილში მჯდომს უჩნდება შეგრძნება, რომ ველოსიპედი უკან მოძრაობს, თუმცა ეს ასე არაა - ველოსიპედიც მოძრაობს, მაგრამ გაცილებით ნელა. ასეა პლანეტების შემთხვევაშიც.

უკუსვლის დროს ყველაზე საშიშად მიჩნეულია პლანეტები, რომლებიც ყველაზე ახლოს არიან განლაგებული დედამიწასთან, კერძოდ, ვენერა, მარსი და მერკური. სწორედ ეს უკანასკნელი დაიწყებს რეტროსვლას 14 ოქტომბერს.

ამჟამად რეტროგრადულ მდგომარეობაშია მარსი (10 სექტემბერი – 14 ნოემბერი), ურანი (15 აგვისტოდან წლის ბოლომდე), ნეპტუნი (23 ივნისი – 29 ნოემბერი).

2020 წელს ბევრი რეტროგრადული პლანეტა იყო და იქნება, მაგრამ ასტროლოგები განსაკუთრებულ ყურადღებას ყოველთვის მერკურის უთმობენ. მისი უკუსვლა ყველაზე ნეგატიურად მოქმედებს ისეთ სფეროებზე, როგორიცაა სწავლა, ურთიერთობები, ფინანსები და სამუშაო.

მერკური რეტროგრადული იყო 17 თებერვლიდან 11 მარტამდე, 18 ივნისიდან 13 ივლისამდე. 14 ოქტომბრიდან 3 ნოემბრამდე მისი ბოლო რეტროსვლა იქნება 2020 წელს.

რეტროგრადული მერკური ყველაზე საშიშია ვერძის, კუროს ან ლომის ნიშანში. ამ რეტროსვლის შემთხვევაში (14 ოქტომბრიდან) პრობლემა ნაკლები იქნება, რადგან პლანეტა მორიელის ნიშანში განთავსდება.

  • ვის შეექმნება პრობლემები სასიყვარულო სფეროში: კურო, კირჩხიბი, მორიელი, მერწყული

ზოდიაქოს ამ ოთხი ნიშნის წარმომადგენლებს უყვართ სიმართლის შელამაზება, ასევე მესაკუთრეები არიან. მერკური, როგორც საინფორმაციო ნაკადების მფარველი, რეტროსვლის პერიოდში ხელს შეუწყობს ფაქტების დამახინჯებას, სიცრუესა და თვალთმაქცობას. მოხდება ეჭვიანობის პროვოცირება.

ცხოვრების კანონები: ბუმერანგის პრინციპი ზოდიაქოს თითოეული ნიშნისთვის>>

ამ პერიოდში მოსალოდნელია ძლიერი კონფლიქტები, რომლებსაც ყველაზე მტკიცე კავშირის დანგრევაც შეუძლია. ერთადერთი რაც ამ ნიშნების წარმომადგენლებს შეუძლიათ, ეს ყოველ სიტყვაზე დაფიქრება და ენაზე კბილის დაჭერაა.

  • ვის შეექმნება პრობლემები ცვლილებებთან დაკავშირებით: ლომი, სასწორი, მშვილდოსანი, თხის რქა

ზოდიაქოს ამ ნიშნების წარმომადგენლებს ექსპერტები ურჩევენ, არ დაიწყონ არაფერი ახალი. მაგალითად, დიდი პრობლემებია მოსალოდნელი, თუ ახალ სამუშაოზე გადავლენ – ადაპტაცია ახალ პირობებთან ძალიან ნელა წარიმართება.

ასევე არ ღირს შორს გამგზავრება, შვებულების აღება, ძვირადღირებული რამის შეძენა, თუ ამის კატეგორიული აუცილებლობა არ იქნება.

ასტროლოგია და კარანტინი – ზოგადი ტენდენციები ზოდიაქოს ნიშნებისთვის>>

კარგ არაფერს მოიტანს ახალი ურთიერთობებიც. შეიძლება „ანკესის გადაგდება“, არშიყი სოციალურ ქსელებში, მაგრამ მოერიდეთ სიყვარულში გამოტყდომას. თუ პირველ პაემანზე წახვალთ, ეს მხოლოდ არაფორმალურ და სასიამოვნო გარემოში უნდა მოხდეს.

  • ვის შეექმნება პრობლემები ფინანსურ სფეროში: ვერძი, ტყუპი, ქალწული, თევზები

ზოდიაქოს ამ ნიშნების წარმომადგენლებს იღბალს რეტროგრადული მერკური ჩაუკეტავს. რთულ სიტუაციებში შემთხვევითობაზე დაყრდნობა ნამდვილად არ ღირს.

ამასთან, რეტრომერკური ამ პერიოდში გაართულებს მნიშვნელოვანი გადაწყვეტილებების მიღებას. ამის გამო თევზებმა და ვერძებმა თავს ქარაფშუტობის ნება არ უნდა მისცეთ; ქალწულებსა და ტყუპებს კი არ გიშველით გარშემომყოფებთან იოლად შეთანხმების უნარი. თქვენი დიპლომატიურობა აბსოლუტურად უსარგებლო იქნება.

ზოდიაქოს ნიშნები, რომლებსაც არანაირი კრიზისი არ აშინებს>>

ამ ოთხი ნიშნის წარმომადგენლებს. მერკურის „დამსახურებით“, ასევე ელოდება შემოქმედებითი უნარების „დაბლოკვა“ – ზოგს ნაწილობრივ და ზოგს – მთლიანად. ვინც შემოქმედებით სფეროში მუშაობს, ამისთვის მზად უნდა იყოს.

მერკურის შესახებ

პირველი, ყველაზე პატარა და საკმაოდ სწრაფი პლანეტაა. დედამიწასთან შედარებითი სიახლოვის გამო მას საკმაოდ ძლიერი ენერგეტიკა აქვს. პერიოდებში, როდესაც მერკურის დიდი პოტენციალი გააჩნია, ზოდიაქოს ნიშნებს – კუროს, ტყუპს, ქალწულს, სასწორს, თხის რქას, მერწყულს ურთიერთობების განსაკუთრებული მოთხოვნა უჩნდებათ. დანარჩენი ნიშნების წარმომადგენლებისთვის აჯობებს, თუ, უბრალოდ, სხვა ადამიანებთან ახლოს იქნებიან. თუ მერკური ადამიანებისთვის ნეგატიურია, ისინი ბევრ, ზედმეტ ლაპარაკს იწყებენ. ზემოაღნიშნული ნიშნებისთვის აქტიური მერკურის პერიოდები ახალი ადამიანების პოვნის, ინფორმაციის უკეთ დამახსოვრების დროა.

ეს პლანეტა კარგად მოქმედებს მეხსიერებაზე, ამაღლებს სწავლის სურვილს, ამიტომ მას მოსწავლეებისა და ინტელექტუალურად დასაქმებული ადამიანების პლანეტას უწოდებენ. მერკურის ძალის პერიოდებში მოვლენები სწრაფად ვითარდება. ბევრი ადამიანი აკვიატებულ მდგომარეობაში ვარდება. მერკურის კიდევ ფულის, ციფრების მფარველად მიიჩნევენ. ის ეხმარება ადამიანებს ნივთების სწორად შერჩევა–ყიდვაში, ხარჯების გაკონტროლებაში. მერკურის ხასიათი ხშირად იცვლება, ამიტომ მას თვალყურის დევნება სჭირდება.

243
შეყვარებულები

პარადოქსის არსი: მამაკაცები ჭირვეულ ქალებს აღმერთებენ

8
(განახლებულია 12:59 22.10.2020)
მამაკაცისთვის ქალი, უბრალოდ, ცარიელი ადგილი იქნება, თუ მასზე ვერ იტყვი, ვინ არის, რა არის, რა უყვარს... ბედნიერი ოჯახური ცხოვრების გარანტი მხოლოდ ერთი რამაა – სტაბილური ფსიქიკა

აზრების ფოიერვერკი“ გთავაზობთ მიხაილ ლაბკოვსკის მოსაზრებებს.

ლაბკოვსკი ცნობილი ფსიქოლოგია, რომლის მოსაზრებები ყოველთვის ინტერესს იწვევს – ზოგი აკრიტიკებს, ზოგი მთლიანად ეთანხმება, მაგრამ გულგრილს თავისი მკვეთრი გამონათქვამებით ცნობილი სპეციალისტი არავის ტოვებს.

ჯანმრთელ ადამიანს გათხოვება არ უნდა. პირველი, რაც უნდა გააკეთოთ – აღარ უნდა გინდოდეთ გათხოვება. სხვაგვარად, თუ გათხოვება გინდათ, ამაზე ფიქრი უნდა შეწყვიტოთ, თავად იდეა უნდა გააუფასუროთ.

ბედნიერი ოჯახური ცხოვრების, ქორწინებისა და ერთ პარტნიორთან სექსის გარანტი მხოლოდ ერთი რამაა – სტაბილური ფსიქიკა. არა დათმობა, არა კომპრომისები – ეს ყველაფერი პირდაპირი გზაა კარდიოლოგთან ან ონკოლოგთან. როდესაც ადამიანს სტაბილური ფსიქიკა აქვს, მას მთელი ცხოვრება შეუძლია, ერთ პარტნიორთან გაატაროს. და ის ერთი უყვარდეს.

ადამიანები არ უყვართ იმის გამო, რომ ისინი თავს ხრიან. მამაკაცისთვის ქალი, უბრალოდ, ცარიელი ადგილი იქნება, თუ მასზე ვერ იტყვი, ვინ არის, რა არის, რა უყვარს, მაგალითად, საუზმეზე. პარადოქსის არსი ისაა, რომ მამაკაცები აღმერთებენ ჭირვეულ, კაპრიზულ ქალებს.

პათოლოგიური ჯაჭვი: ნაცემი მშობლები, ნაცემი შვილები...>>

ქალების პრობლემა ის კი არაა, რომ მამაკაცები ხეპრულად იქცევიან. მიზეზი ისაა, რომ ქალს აქვს ნევროზი, რომელიც გამოსავალს ეძებს. ამ გამოსავლისთვის საჭიროა გარკვეული ადამიანი და ურთიერთობები, რომელშიც ის ტანჯვას შეძლებს. სწორედ ამიტომ ქალი სპეციალურად იწყებს ასეთ ურთიერთობებს, რადგან ამის ფსიქიკური მოთხოვნილება ბავშვობიდან აქვს.

სიყვარულს ტანჯვის დონით ვსაზღვრავთ. ხოლო ჯანმრთელი სიყვარული ისაა, თუ რამდენად ხარ ბედნიერი.

როდესაც სტიუარდესა გიჩვენებთ მაშველ საშუალებებს, რას ამბობს ის ჟანგბადის ნიღაბზე? რომ თუ ბავშვთან ერთად მგზავრობთ, ნიღბით ჯერ საკუთარი თავი უზრუნველყავით და შემდეგ – ბავშვი. ესაა მთავარი კოზირი. ყველა ცდილობს ბავშვის დახმარებას და ამ დროს აბსოლუტური შეშლილი, შეურაცხადი რჩება. მაგრამ ეს ასე არ მუშაობს. თუ გინდათ ბავშვი კარგად იყოს, ჯერ საკუთარ თაზე იმუშავეთ.

მამაკაცი ისეა მოწყობილი, რომ ჯერ კიდევ მაშინ, როდესაც „დედიკოს კალთაში ზის“, მხოლოდ იმასთან მიდის, ვისი თვალებიც მას მოწონების სიგნალს უგზავნის. ჯანმრთელი მამაკაცი ბავშვივითაა. ის მიდის ქალთან, რომელიც მას უღიმის, თვალებში უყურებს.

ჯანმრთელი ადამიანი ყოველთვის საკუთარ თავს ირჩევს, „ნევროტიკი“ კი – ურთიერთობებს საკუთარი თავის საზიანოდ. და ესაა მთავარი განსხვავება.

კარგი მამა, მამის ინსტინქტი და სოციალური სიყვარული...>>

ქალმა ურთიერთობებში არასდროს უნდა მოითმინოს ის, რაც არ მოსწონს. ამის შესახებ მაშინვე უნდა თქვას და თუ მამაკაცი არ იცვლება, მას უნდა დაშორდეს.

მამაკაცებს, როგორც ბავშვებს, მოსწონთ, როცა ქალს თავისი ხასიათი აქვს.

თუ ერთი ადამიანი მეორეს მთელ სამყაროს უცვლის, ეს ნიშნავს, რომ თავისი სამყარო მას, უბრალოდ, არ გააჩნია.

მარტოობა – ეს ირგვლივ სიყვარულის არარსებობა არაა. ესაა ინტერესის არარსებობა საკუთარი თავის მიმართ, თან ბავშვობიდან.

პარტნიორის ძებნასთან დაკავშირებით გეტყვით, და ვინ უნდა მოძებნოთ? ერთადერთი, რაც თქვენს პარტნიორს უნდა ჰქონდეს, ისაა, რომ ის გიზიდავთ. დანარჩენი არანაირ როლს არ ასრულებს საერთოდ. თუ გიყვართ, ღელავთ – მაშინ სხვა არაფერი აღარ არსებობს.

რა უნდა გააკეთო იმისთვის, რომ გათხოვდე? – მხოლოდ ერთი რამ – იყო ის, ვინც ხარ. ეს საკმარისია. პრინციპში, სწორედ ამიტომ უყვარდებათ.

იჩხუბეთ, მაგრამ... ანუ როგორ ავირიდოთ თავიდან სერიოზული კონფლიქტი ოჯახში>>

იცით, რა არის პრინციპული განსხვავება ჯანმრთელ ადამიანსა და „ნევროტიკს“ შორის? ჯანმრთელი ადამიანიც იტანჯება, მაგრამ რეალური ისტორიების გამო, „ნევროტიკი“ კი – მოგონილი ისტორიების გამო. და თუ ტანჯვა არ ჰყოფნის, კაფკას, დოსტოევსკისა და ალკოჰოლს იშველიებს.

თუ არ მოგწონთ მამაკაცის საქციელი, მისი ქცევის გამართლების ძებნა არ ღირს. ვითარება, როდესაც მან „არ დაგირეკათ“, ჯანსაღი გოგონასთვის ურთიერთობების დასარულს ნიშნავს, ხოლო არაჯანსაღისთვის – სიყვარულის დასაწყისს.

მოკრძალება და თავმდაბლობა არავის ამშვენებს. სწორედ დაკომპლექსების, საკუთარ თავში ეჭვებისა და დაბალი თვითშეფასების გამო გოგონა ცხოვრებს სექსისა და ურთიერთობების გარეშე არა იმიტომ, რომ ის შეუხედავია, არამედ იმიტომ, რომ საკუთარ თავს ცუდად ექცევა. ფსიქოლოგის ამოცანაა, გოგონა ამისგან გაათავისუფლოს.

ოჯახური თერპია – ეს განქორწინებაა. ნამდვილად სასარგებლოდ ოჯახური თერაპიის მხოლოდ ერთ სახეობას მივიჩნევ – ფსიქოლოგის შუამდგომლობა გაყრის დროს.

ერთადერთი პერიოდი ადამიანის ცხოვრებაში, როდესაც ის ობიექტურად არის დამოკიდებული და როდესაც ის მძევლად შეიძლება ჩაითვალოს – ეს ბავშვობა და მშობლებზე დამოკიდებულებაა. ეს შედარებით ცოტა ხანს გრძელდება. დანარჩენ შემთხვევებში ნებისმიერ ურთიერთობებში ყოფნა – ეს ზრდასრული ადამიანის არჩევანია.

8
თემები:
აზრების ფოიერვერკი: ცნობილი ადამიანების ბრძნული გამონათქვამები
თავის ტკივილი

შაკიკს ძალიან სახიფათო შედეგი შეიძლება მოჰყვეს: ნევროლოგი განმარტავს

25
(განახლებულია 12:55 22.10.2020)
შაკიკის შეტევა პირველი ნიშნებისთანავე უნდა შეჩერდეს შესაბამისი პრეპარატით, თორემ ამას შეიძლება სავალალო შედეგი მოჰყვეს - ამბობს ნევროლოგი

თბილისი, 22 ოქტომბერი — Sputnik. შაკიკის შეტევებით დაავადებულებში ინსულტის რისკი ორჯერ მეტია, ხოლო მისი წარმოშობის ძირითადი მიზეზები შეიძლება იყოს სტრესი, გადატვირთვა, შიმშილი, არარეგულარული კვება და სიმაძღრეც კი, აცხადებს ნევროლოგი რინატ ბოგდანოვი.

„შაკიკი არის მემკვიდრეობითი დაავადება... შაკიკიან ადამიანებში ინსულტის რისკი თითქმის ორჯერ მაღალია“, — ამბობს ნევროლოგი.

მისი განმარტებით, შაკიკის დროს სამწვერა ნერვის სისტემაში მუშაობა დროებით ფერხდება, გამოიყოფა ნივთიერებები, რომლებიც იწვევს ტვინის მაგარი გარსის სისხლძარღვების გაფართოებას, მის შეშუპებას, არაინფექციური ანთების განვითარებას, რის შედეგადაც ადამიანს ეწყება ინტენსიური და პულსირებადი თავის ტკივილი. ამასთან უმეტეს შემთხვევაში შაკიკის შეტევას თან ახლავს ფოტო- და ფონოფობია, ხშირად — გულისრევა და პირღებინება.

„ყველაზე ხშირად ავადდებიან აქტიური, შრომისუნარიანი ადამიანები, რომლებიც წარმატებებს აღწევს კარიერაში“, — ამბობს ბოგდანოვი.

შაკიკის გამოწვევა შეუძლია სტრესს, გადატვირთვას, ამინდის ცვლილებებს, მენსტრუაციას, შიმშილს, ალკოჰოლს, ნიტრატებს, არარეგულარულ კვებას, კვებათა შორის ხანგრძლივ შუალედება, ძილის ნაკლებობას ან პირიქით, ზედმეტ ძილს.

„არსებობს ცნება „უქმეების შაკიკი“. ეს ის შემთხვევაა, როცა ადამიანს დასვენების დღეებში დიდხანს სძინავს და შედეგად, შაკიკით იღვიძებს“, — განმარტა ნევროლოგმა.

მისი რეკომენდაციით, ყველაზე მნიშვნელოვანი ამოცანა შაკიკის შეტევის მოახლოებისას არის სისხლძარღვების გაფართოების თავიდან აცილება, ანუ მისი დროული კუპირება სპეციალური პრეპარატების დახმარებით.

„თუ ადამიანი გააჭიანურებს წამლების მიღებას (ყველაზე ხშირად ტრიპტანების ჯგუფი), მას ტვინის გარსების შეშუპება განუვითარდება და, მიუხედავად იმისა, რომ წამალი იმუშავებს, მაინც  მოუწევს ლოდინი, სანამ შეშუპება ალაგდება. ეფექტურობა სუსტდება, თუ წამლები დროულად არ მიიღება“, — ამბობს ბოგდანოვი.

ექიმი განმარტავს, რომ შაკიკის მოახლოების ამოცნობა მისი წინმსწრები ნიშნებითაა შესაძლებელი. მაგალითად, მხედველობის არეში „მკვეთრი ხაზებით“, მცურავი ლაქებით,  უცნაური სუნების შეგრძნებით, მგრძნობელობის ნაწილობრივი დაკარგვით, ხელის ან ფეხის თითებში ჟრუანტელით და სხვა.

25
თემები:
მსოფლიო და მეცნიერება
ლაბორატორია

დღის სტატისტიკა: კორონავირუსის ბოლო შემთხვევები რეგიონების მიხედვით

0
(განახლებულია 13:50 22.10.2020)
ბოლო დღე-ღამეში დაფიქსირებული კორონავირუსის შემთხვევებიდან ყველაზე მეტი- 563 შემთხვევა თბილისში გამოვლინდა.

თბილისი, 22 ოქტომბერი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში რეკორდულად – 1595-ით გაიზარდა და საერთო რიცხვმა 22803-ს მიაღწია, ახალი შემთხვევებიდან ყველაზე მეტი - 563 შემთხვევა თბილისში გამოვლინდა, განაცხადა უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილე ბერდია სიჭინავამ.

COVID-19 საქართველოში: რამდენი შემთხვევა გამოვლინდა ბოლო დღე-ღამეში>>

ბოლო დღე-ღამეში გამოვლენილი კორონავირუსის შემთხვევებიდან 389 აჭარაში, ხოლო 335 იმერეთში დაფიქსირდა.

რაც შეეხება სხვა რეგიონებს, ქვემო ქართლში დაფიქსირდა 77 შემთხვევა, შიდა ქართლში 69, გურიაში 53, სამეგრელო-ზემო სვანეთში 42, მცხეთა-მთიანეთში 26, სამცხე-ჯავახეთში 24, ხოლო კახეთში 17. რაჭა–ლეჩხუმსა და ქვემო სვანეთში გასულ დღე–ღამეში ახალი შემთხვევა არ გამოვლენილა.

ბოლო 24 საათში საქართველოში კორონავირუსით ექვსი პაციენტი გარდაიცვალა და მათი საერთო რაოდენობა 178-მდე გაიზარდა.

სიჭინავას განცხადებით, სულ საავადმყოფოებში ამ დროისთვის მკურნალობს 3 155 ადამიანი. ამჟამად მძიმე პაციენტია 381, მათ შორის თბილისში - 190, აჭარაში - 79. აქედან ხელოვნური სუნთქვის აპარატზე არის 77 პირი, მათ შორის თბილისში - 48, აჭარაში - 12.

COVID-19-ის ანტირეკორდების გამო ევროკავშირი საგანგებო სამიტს იწვევს

ამ დროისათვის სულ გამოჯანმრთელდა 9401 ადამიანი, კარანტინის რეჟიმში იმყოფება 4408, სტაციონარებში ექიმების დაკვირვების ქვეშ 3155 პაციენტია, ხოლო კოვიდ–სასტუმროებში 1848 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში