კაცი ტყეში

5 ოქტომბერს დაბადებულები ზოდიაქო, დახასიათება, რჩევები

28
(განახლებულია 11:05 05.10.2020)
გაეცანით 5 ოქტომბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

4-13 ოქტომბრის პერიოდი

4-13 ოქტომბრის პერიოდი სასწორის ნიშნის მეორე დეკადას განეკუთვნება.

მნიშვნელოვანი წლებია: 8,16, 24, 32, 40, 48, 56, 64, 72.

Знаки Зодиака - Весы
© Sputnik / Maria Tsimintia
სასწორი

ამ პერიოდში დაბადებულთა სიმბოლოა კამელია.

4-13 ოქტომბრის პერიოდში დაბადებულებს პლანეტა სატურნი მფარველობს. ეს ადამიანები გამოირჩევიან სილამაზითა და გრაციოზულობით, არიან მხიარული, იუმორის გრძნობის მქონე, კეთილშობილი ადამიანები. მათთან საინტერესოა, იქმნება სიმყუდროვისა და საიმედოობის შეგრძნება. უყვართ ცვლილებები, აქვთ ბობოქარი, მშფოთვარე ხასიათი.

5 ოქტომბერს დაბადებულები

5 ოქტომბერს დამოუკიდებელი, თავისუფალი მოაქმედებებისა და აზროვნების ადამიანები იბადებიან, მაგრამ, მაინც, ისინი გუნდური მოთამაშენი არიან. დამოკიდებული არიან სოციუმზე, საზოგადოებრივ აზრზე. ამასთან, ამ ადამიანებისთვის მნიშვნელოვანია, რომ გუნდმა მათი წესებითა და სცენარით ითამაშოს. მათში საკმაოდ ძლიერად არის განვითარებული ლიდერის თვისებები.

5 ოქტომბერს დაბადებულები კეთილი, კომუნიკაბელური ადამიანები არიან, დიპლომატიურიც კი, მაგრამ ვერ იტანენ კრიტიკას, თუნდაც კონსტრუქციულს. ამ ადამიანებს სწამთ, რომ თავიანთი იდეები გენიალურია. მათი მშვიდობიანი ხასიათი, როდესაც ვინმე ციდან მათ დაშვებას ცდილობს, ნამდვილი მეომრის ხასიათს ემსგავსება.

5 ოქტომბერს დაბადებული სასწორები იდეალისტები არიან. მათ ახასიათებს აქტიურობა, იმპულსურობა, არ უყვართ კომპრომისებზე წასვლა, არიან პრინციპული და საკუთარ სიმართლეში მუდამ დარწმუნებული.

უყვართ სიცოცხლე, კონტაქტები სოციუმთან, მუშაობა და დასვენება ადამიანებთან ერთად, ვერ იტანენ მარტოობას, მათთვის მნიშვნელოვანია, რომ მათი დამსახურებები, მიღწევები, იდეები აღიარონ; თუ საქმე მუშაობას არ ეხება, ყველაზე დიდი ჯილდო ამ ადამიანებისთვის მადლიერებაა. პროფესიულ საქმიანობაში ამ დღეს დაბადებულები მატერიალურ ჯილდოზე არიან მოტივირებული.

სამუშაოზე ისინი სიმართლის მოყვარული არიან; აქვთ უნიკალური თვისება, რომ გამოავლინონ უსამართლობა. ეს ადამიანები, პრაქტიკულად, არ დებენ უსარგებლო გარიგებებს. ამისთვის აფასებენ კიდეც სამსახურში.

ზოგი ხუმრობით, ზოგიც... ზოდიაქოს ნიშნები სხვა რაკურსით>>

5 ოქტომბერს დაბადებულები საქმის ერთგული არიან. მათთვის პირველ ადგილზე დგას პრინციპული სამსახურებრივი საკითხები, ხოლო დარაჩენი – პირადი საქმეები, ოჯახი, საკუთარი ჯანმრთელობა – მეორე პლანზეა. საქმეზე ორიენტირებულობა მათ სწრაფ კარიერულ ზრდას უზრუნველყოფს. მაგრამ ხანდახან ამისთვის ძალზე ძვირი საფასურის გადახდა უწევთ. 

ჯანმრთელობა

5 ოქტომბერს დაბადებულებმა ჯანმრთელობას დიდი ყურადღება უნდა დაუთმონ. ხშირად აქვთ ნერვული გამოფიტვა, ქრონიკული დაღლილობა, რის ფონზეც ფსიქოსომატური დაავადებები ვითარდება. ამიტომ მათ ხშირად უნდა გამოიკვლიონ თავიანთი მდგომარეობა, ყური უგდონ ექიმების რჩევას. უნდა შეზღუდონ კოფეინის, ნიკოტინისა და ალკოჰოლის გამოყენება.

რჩევა:

არაფერი გიშლით ხელს, რომ საკუთარი ცხოვრებისეული პოზიციის ხედვა ჩამოაყალიბოთ. ნუ გაგიტაცებთ ნარცისიზმი; ხანდახან მიწაზეც დაიხედეთ, მხოლოდ ცაში ყურება არ ღირს. ისწრაფვეთ ჰარმონიისკენ.

28
ნახევარმთვარე

მთვარის კალენდარი: 20 ოქტომბერი რისი გაკეთება შეიძლება და რისი არა

67
(განახლებულია 10:44 20.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 20 ოქტომბერი, სამშაბათი. ამ დღეს მარსი მართავს. მზარდი მთვარე მშვილდოსნის ნიშანშია.

ყველაფერი გამოგივათ, თუ შემოქმედებით აქტიურობას გამოიჩენთ და მიზნისკენ ივლით. უნდა დაიცვათ საკუთარი პრინციპები, გამოამჟღავნოთ ემოციები, გრძნობები.

იზრდება აქტიურობა, სიცოცხლის ხალისი. ადამიანებში ჩნდება სტაბილურობისა და წესრიგის თვისებები. განწყობაში სიმშვიდე დომინირებს. ამ დღეს კარგია შეთანხმებების დადება. იღვიძებს საზოგადოებრივი საქმის კეთების ინტერესი. კარგი დღეა სამართლებრივი საკითხების გადაჭრისთვის. შეიძლება ახალი საქმეების დაწყება, შორეულ ადგილებში გამგზავრება. არ ღირს მიწის ყიდვა და მშენებლობის დაწყება.

ამ დღეს კარგად გამოდის ერთობლივი რომანტიკული მოგზაურობა, ან რამე სახის ღონისძიებაზე ერთად დასწრება, ასევე ხელსაყრელი დროა მეგობრული საღამოებისა და ოჯახური წვეულებების მოწყობისთვის.

ასეთ პერიოდში დაწყებული რომანი რომანტიკული, მგზნებარე იქნება, რომელიც მრავალ კმაყოფილებასა და იმედს მოიტანს. მსოფლმხედველობის, ვნების, აზარტისა და ორმხრივი კმაყოფილების თანხვედრა განამტკიცებს ურთიერთობებს, შედეგად დგება მსუბუქი და ოპტიმისტური კავშირი. თუ რომელიმე წყვილში მეორის ცხოვრების მასწავლებელი ან მისი წამოწყებების მფარველი გახდება, ეს ძალიან წაადგება ამ კავშირს. თუმცა, სწრაფად გაჩენილი მგზნებარება შეიძლება ასევე სწრაფად ჩაქრეს.

ასეთ დღეს, ძირითადად, ხანმოკლე, მაგრამ ინტენსიური და კაშკაშა ურთიერთობები იბადება.

რეკომენდებულია ვალის დაბრუნება, დაწყებული საქმეების დამთავრება, სამუშაო ადგილზე ცვლილებები, ახალი ნაბიჯების გადადგმა საქმეების წარმოების მეთოდების მხრივ.

არარეკომენდებულია ფინანსური საქმეების წარმოება, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მშვილდოსნის დღე არ მიიჩნევა ხელსაყრელ დროდ თმის შეჭრის ან შეღებვისთვის. მანიკურისთვის ნეიტრალური დღეა.

მებაღეობა: მშვილდოსანი დღე კარგია ხილის დარგვისთვის, ასევე იმ ხეების, რომლებიც მალე უნდა გაიზარდოს. შეიძლება ხილის ხეებისა და ბუჩქების გასხვლა, მავნებლებთან ბრძოლა.

ამ დღეს არ შეიძლება ნიადაგის გაფხვიერება.

67
ხევსურეთის სოფელი გურო

20 ოქტომბერს დაბადებულები ზოდიაქო, დახასიათება, რჩევები

19
(განახლებულია 10:00 20.10.2020)
გაეცანით 20 ოქტომბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

14-22 ოქტომბრის პერიოდი

14-22 ოქტომბრის პერიოდი სასწორის ნიშნის მესამე დეკადას განეკუთვნება.

მნიშვნელოვანი წლებია: 8, 10, 20, 30, 32, 40, 48, 50, 56, 60, 70, 74.

ამ პერიოდში დაბადებულთა სიმბოლოა იასამანი.

14-22 ოქტომბრის პერიოდში დაბადებულებს პლანეტა იუპიტერი მფარველობს.

ამ პერიოდში დაბადებულ ადამიანებს იზიდავს ფუფუნება, ცხოვრების კომფორტული პირობები, ლამაზად მოწყობილი სახლი. ხანდახან ჭეშმარიტი ფასეულობები სიყალბესა და ილუზიებში ერევათ. ისინი მუდამ უნდა მიიწევდნენ წინ, ევოლუციის გზაზე, სრულყოფილებისკენ, რათა დეპრესიაში არ ჩავარდნენ. როგორც წესი, ამ პერიოდში დაბადებულები პუნქტუალური, გარშემომყოფების მიმართ ყურადღებიანი ადამიანები არიან, აქვთ ცხოვრებისეული მიზანი. ყოველთვის არ ჰყოფნით თავდაჯერებულობა, ხშირად სწყინთ და მოუთმენელნი არიან გარშემომყოფთა ნაკლოვანებების მიმართ.

20 ოქტომბერს დაბადებულები

20 ოქტომბერს წინააღმდეგობრივი ხასიათის ადამიანები იბადებიან. მათ ხშირად ურთიერთსაწინააღმდეგო თვისებები აქვთ; მათი სურვილებიც კი ორბუნებოვანია. ამ ადამიანებს, აქედან გამომდინარე, პრიორიტეტების განაწილება უჭირთ.

ტიბეტური ჰოროსკოპი და ცხრილი – რომელი ცხოველია თქვენი მფარველი დაბადების წლის მიხედვით>>

ამ დღეს დაბადებულები დახვეწილი დიპლომატები არიან. ორიენტირებული არიან გუნდურ მუშაობაზე, თანამშრომლობაზე. მაგრამ საკმარისია, მათი განწყობა შეიცვალოს, რომ ხდებიან პირქუში, ბრაზიანი და ამ დროს ადამიანებთან ურთიერთობები არ სურთ. საკუთარ თავთან დარჩენისასაც ასევე არ ულხინთ - ასე ცხოვრობენ ისინი, ორ ცეცხლს შუა.

20 ოქტომბერს დაბადებულები ტიპური სასწორები არიან. მათი სასწორი ხან ერთ მხარეს იხრება, ხან - მეორე. არიან ცვალებადი ხასიათი, არაპროგნოზირებადი ადამიანები; მათთან საერთო ენის გამონახვა ჭირს. მართალია, საწინააღმდეგო ხასიათისა არიან, მაგრამ, ამავდროულად სტაბილურობა ახასიათებთ. თუ კარგი განწყობა აქვთ, პირად ცხოვრებაშიცა და სამსახურშიც ყველაფერი ისე ეწყობა, როგორც მათ სურთ. მაგრამ როგორც კი ჰორიზონტზე რაიმე პრობლემა ჩნდება, ისინიც იცვლებიან, ხდებიან ფეთქებადი, იმპულსური, არათანმიმდევრული.

ამ დღეს დაბადებულები სიმართლის მოყვარული და სიმართლისთვის მებრძოლი არიან. ისინი პროფესიულ წრეში მალე იხვეჭენ ავტორიტეტს. ხანდახან ეს ავტორიტეტი იმდენად მაღალია, რომ ტენდენციების ფუძემდებლებიც ხდებიან. ამ დროს სულ არაა საჭირო, რომ მათ ხელმძღვანელი თანამდებობა ეკავოთ.

ჯანმრთელობა

20 ოქტომბერს დაბადებული სასწორები სიმსუქნისკენ მიდრეკილი არიან. მათთვის აუცილებელია ზომიერების დაცვა კვებაში. ასევე, მათთვის საშიშროებას წარმოადგენს სტრესი, გადაღლა, ზედმეტი დაძაბულობა, ემოციების შეკავება.

რჩევა:

თქვენი მისწრაფება, რომ გავლენიანი ადამიანი ბრძანდებოდეთ, ძალიან მაღალია. თუ თქვენს იდეებს არ იღებს საზოგადოება, არ აფასებს პროფესიული წრე, ეს ურტყამს თქვენს არა მხოლოდ იმიჯს, არამედ ჯანმრთელობასაც. ამიტომ გაითვალისწინეთ, რომ ნებისმიერი სტრესი საშიშია ჯანმრთელობისთვის. ისწავლეთ ღირსეულად და მშვიდად წაგება.

19
თვითმფრინავი

ნათია თურნავა: რეგულარულ ფრენები ეტაპობრივად აღდგება

0
(განახლებულია 12:48 20.10.2020)
ავიაკომპანიები როდიდან და კვირაში რამდენჯერ განახორიცელებენ რეისებს, მათ ფინანსურ მდგომარეობაზეა დამოკიდებული, განმარტა ეკონომიკის მინისტრმა.

თბილისი, 20 ოქტომბერი – Sputnik. საქართველო ევროპის ქვეყნებთან რეგულარული ავიამიმოსვლის აღდგენას ეტაპობრივად დაიწყებს, განაცხადა ეკონომიკისა და მდგრადი განვითარების მინისტრმა ნათია თურნავამ საკოორდინაციო საბჭოს დასრულების შემდეგ.

თურნავას თქმით, უკვე გამოიცა მთავრობის ახალი გადაწყვეტილება, რომელიც განსაზღვრავს ნოემბრის თვეში რეგულარული რეისების ეტაპობრივი გახსნის რეჟიმს.

„ტრადიციული მიმართულებები, როგორებიცაა მიუნხენი, პარიზი, რიგა, აქ ჩვენ შევთავაზეთ იმ კომპანიებს, რომლებიც ემსახურებიან ამ მიმართულებებს, გაზარდონ სიხშირეები, ხოლო რაც შეეხება დანარჩენ მიმართულებებს, მაგალითად, ამსტერდამი, ვენა, ვარშავა, ათენი, ვოლნიუსი, დორტმუნდი, კატოვიცე, მილანი - ამ მიმართულებით რეგულარული ფრენები შესაძლებელი იქნება იმ კომპანიებისთვის, რომლებიც აქამდე ასრულებდნენ რეისებს“, - განაცხადა ეკონომიკის მინისტრმა.

რაც შეეხება იმას, თუ როდიდან და რამდენჯერ იფრენენ კვირაში ავიაკომპანიები, თურნავას თქმით, ეს დამოკიდებულია თვითონ ავიაკომპანიების ფინანსურ მდგომარეობაზე, რადგან ბევრ მათგანს რთული პერიოდი უდგას.

საქართველოში ჩამომსვლელთათვის კარანტინის წესები შეიცვლება>>

კორონავირუსის პანდემიასთან დაკავშირებით საქართველომ უცხოელებისთვის საზღვრები ჩაკეტა და, იშვიათი შემთხვევების გარდა, შეწყვიტა ავიამიმოსვლა ყველა მიმართულებით. რეგულარულ ავიამიმოსვლაზე შეზღუდვები საქართველოს ხელისუფლებამ 1 ნოემბრამდე გააგრძელა. შეზღუდვები არ ეხება იმ პირდაპირ საერთაშორისო რეისებს, რომლებიც ხორციელდება თბილისის საერთაშორისო აეროპორტსა და მიუნხენის, პარიზისა და რიგის აეროპორტებს შორის. ოქტომბრის დასაწყისში რეგულარული რეისები ქუთაისიდან რიგის მიმართულებით განაახლა ასევე Wizzair-მა.

0
თემები:
ავიამიმოსვლა საქართველოში